كنت في عز الثبات لين شفتك وانهزمت - الفصل 35 - بقلم ريناد | روايتك

البــــــــــــــــــــ الخامس والثلاثين ــــــــارت ديما كانت تراقبهم وهي تضحك نواف أشر لها بيده:.تعالي قدامي اشوف، حنين:.انت تعال ليش اجي عندك انا!!، ناظرها بنظرات خلت حنين توقف قدّامه نواف بهدوء:.اسف يا ديما بس زوجتي ما بتنام الا عندي، حنين باعتراض:.مو على كيفك انا ما، وقبل تكمل كلامها شالها وديما تضحك عليهم .. حنين بخوف همست:.نزلني وش قاعد تسوي، نواف وهو يطلع من الغرفه:.اششششش، حنين حاولت تفلت منه بس كان ماسكها دخل لغرفته وحطها على السرير:.يلا نامي، حنين:.انت وش فيك غصب انام هنا!، انسدح جنبها:.لاتكثرين حكي بنام، حنين:.انا مابي انام خلاص، قامت بس مسكها وسحبها له صار وجهها مقابل وجهه نواف:.على مين طلعتي ليش هالعناد؟، حنين بنبره غضب:.اعاملك بالمثل ، نواف:.ليش وش سويت يا انسه؟، حنين:.تستقوي قدام اهلك وتقول بتتزوج طيب دامك ما تبيني اتركني بحالي، ابتسم:.متى قلت اني ما ابيك؟، توترت من نظراته:.لا تنكر وبعدين ماعندي مانع تزوج بس قبلها طلقني، ابعد شعرها عن وجهها:.انا ما اعرف شي اسمه طلاق، حنين:.انا بخليك تعرفه، ابتسم بثقه:.الله يقويك ، وصد عنها وغمض عيونه انقهرت بس ما قدرت تقوم لانه كان ماسك يدها غمضت عيونها وحاولت تتجاهل قهرها . . . نزل بخطوات هاديه رفعت ديما راسها وسرعان ما صدت وكملت اكلها تقدم ابوها:.صباح الخير، تركي:.صباح الخير يبه تعال افطر؟، ابو نواف:.فطرت مع عهود بالعافيه عليكم، نواف من ورا ابوه:.صباح الخير، الكل:.صباح الخير، مشى نواف وجلس يفطر ناظرته امه بستغراب:.وين زوجتك؟، نواف:.نايمه ، ام نواف:.صاير بينكم شي؟، نواف:.لا مافي شي يمه بس هي نايمه وما حبيت اخرب عليها، ام نواف ببرود:.وانت شخبار زوجتك متى ناوي تروح لها والا بس معلقها كذا؟، تركي:.يمه رحت لهم قبل يومين وبروح اليوم وجوري بخير ومرتاحه، ام نواف:.ياخوفي تصير مثل ابوك، نواف قاطعهم:.نبي نكمل اكلنا رجاء !!، دق جواله ورد بهدوء:.ايه هلا اكيد تعال انا موجود ببيت الوالد بنتظارك، سكر وقام:.ديما خلي الشغالات يجهزون القهوه ويحطونها بمكتب ابوي، ديما بفضول:.مين بيجي؟، نواف:.صديق قديم، . . قامت ناظرت فيه مسحت وجهها:.كم الساعه؟، نواف وهو يعدل شماغه:.٨، حنين بصدمه:.ليش ما تصحيني يوم قمت؟، نواف حط من عطره ولف عليها:.قلت اخليك ترتاحين، حنين قامت بسرعه:.وين ارتاح وانا ما صليت، نواف:.طيب وش تنتظرين روحي صلي، ركضت للحمام"يكرم القارى" وبعد مدة طلعت وصلت وبعد ما انتهت وقفت ورفعت شعرها ولفت كان يناظر فيها:.فيني شي؟، نواف:.شعرك بدا يطول، حنين:.الحمدلله ابيه من زمان يطول، نواف:.بس القصير عليك احلى!، حنين بعناد:.لا طلعت شينه فيه، نواف:.من قال؟، حنين وهي تلمس شعرها:.الكل، وقف وقرب منها:.لا تحسبيني ضمن الكل اجل، مد يده وسحب الربطه وتناثر شعرها ابتسم وبهمس:.كل شي عليك حلو ، حنين:.كاشخ وين رايح؟، نواف وكأنه تذكر عطاها الربطه ونزل بشكل سريع استغربت بس طنشت ورفعت شعرها من جديد ونزلت لتحت شافت عهود جالسه تشرب قهوه ناظرت حنين بام نواف اللي جالسه باخر الكنب قربت منهم:.صباح الخير لأحلى عمه بالدنيا، ام نواف:.صباح النور حبيبتي قبل تجلسين روحي افطري بعدها تعالي نتقهوى، . . ناصر:.قومي سوي قهوه وضبطي المجلس تركي بيجي، تذكرت جوري اخر موقف لها معه وتضايقت وقفت وتوجهت للمطبخ بس قبل توصل تذكرت شي وراحت لغرفتها طلعت ثوبه من دولابها وابتسمت وهي تذكر تعابير شكله يوم انكب العصير عليه حطته على سريرها وطلعت ودخلت للمطبخ تجهز القهوه . . بالمطبخ جهز كل شي وقفت حنين وبستغراب:.مين اللي بيجي؟، ديما:.مادري اللي قاله انه صديق قديم، حنين هزت راسها:.اخوك تغير والله، ديما كتمت ضحكتها:.نواف مزاجي، حنين:.يحب يمشي كلامه يحسب نفسه أمير وحنا خدمه ولازم ننفذ كلامه، تغيرت ملامح ديما وهي تشوف نواف ورا حنين كملت حنين بقهر:.ولا بعد يقول بيتزوج علي قولي لي مين يتحمله محد والله الاخلاق عند اخوك صفر بس مو انا اللي يمشيني زي ما يبي ، ديما بلعت ريقها بخوف:.حنين خلاص عاد!، حنين رفعت حواجبها بقهر:.لايكون زعلتي عليه اخوك اناني وعلقني فيه وقلب فجاه ، نواف:.يعني يوم تغيرت نكرتي كل شي سويته؟، لفت بسرعه وصدمت فيه كان قريب منها شهقت بخوف ورجعت لورا بسرعه:.انت من متى هنا!! نواف:.من يوم بديتي تحشين!، دق قلبها بقوه ما تدري ليش ندمت انها تكلمت عليه تجاهلها واخذ القهوه وطلع تنهدت وتكلمت:.انا غبيه، ديما:.توك تدرين انك غبيه؟ لي ساعه المح لك انه وراك ، حنين جلست:.انا شسوي اخوك قاهرني وما قدرت امسك لساني، يتبع...... ـــــــــــــــــــــــــــــــــــــــــــــــــــــــــــ