كنت في عز الثبات لين شفتك وانهزمت - الفصل 27 - بقلم ريناد | روايتك

البــــــــــــــــــــ السابع والعشرين ــــــــــــــــارت اخذ مفاتيحه وجواله وقام وقبل يطلع وقفت قدّامه مي وبخبث:.شخبارك يا تركي ماعاد تنشاف؟، تركي عطاها نظره بسبب لبسها :.بخير يا بنت خالتي ممكن تبعدين بمشي؟، مي ابتسمت بسخريه:.الف مبروك سمعت انك خطبت جوري عاد جوري ماشاءالله جميله، تركي:.الله يبارك فيك وعقبالك، مي وعيونها تتامله:.ان شاء الله قريب، بعدت عنه ومشى كانت عيونها عليه حتى اختفى من قدامها:.طيب يا تركي بنشوف وين بيروح هالغرور بعدين، . . ما قدرت تنام من الأرق اللي تعاني منه ومستحيل تطلب من نواف يساعدها بعد اللي صار تذكرت نظراته :.يالله ليش دايم حظي زفت، حطت مخده ورا ظهرها بس مافاد طالعت حولينها وعيونها تدور على كاسه المويه بس ماكانت موجوده سحبت نفسها بالقوه وقامت تمشي للمطبخ وقفت خطواتها وهي تشوفه نايم والشرشف مرمي قربت منه حنين وغطته تاملت وجهه وكانت فرصتها مدت يدها وخلخلت أصابعها بشعره ابتسمت بحب وهي متاكده لو كان صاحي مستحيل تتجرأ تسوي كذا نواف وهو لسا مغمض:.لو ادري انه بيصير كذا كان رميت الشرشف كل يوم، شهقت ورجعت لورا بس نواف مسك يدها وبنبره غريبه:.عادي تنامين جنبي هالليله ؟، حست بانفاسها تتسارع ما قدرت تنطق باي شي التزمت الصمت نواف وعيونه تراقب عيونها:.بس اليوم حنين، حنين حست فيه وهسمت:.فيك شي؟، نواف:.فيني انتي ارحميني، دق قلبها بقوه من نبرته ونزلت راسها ودموعها تتجمع بعيونها نواف وهو يجلس:.اقنعيني انك تحبيني؟، هزت راسها بالنفي ودموعها تنزل:.اخاف، نواف:.احد مسوي لك شي سلطان سوا لك شي؟، نزلت دموعها الحاره على خدها وبلعت غصتها:.لا، نواف:.ارفعي راسك طالعيني ليش تبكين؟، حنين ببحه:.افهمني انا خايفه انا عشت بخوف كنت ما انام من خوفي سامحني بس انا صرت اخاف من كل اللي حولي ، تنهد بتعب:.تغلبي على خوفك عشان تقدرين تعيشين انتي زوجتي وموجودة قدامي ؟، غمضت عيونها وكل جسمها يرجف وذكريات الماضي ترعبها . . ناصر:.لازم تعرفين ان ملكتك بتكون بعد يومين وما اعتقد انك محتاحه شي وترا ما عطيتك اياهم بسعر عادي لا خليت مهرك 100 الف، توسعت عيون جوري بصدمه:.كيف!!، ناصر:.ايه الولد شفته يبيك وواضح انه بيدفع كل شي عشان ياخذك، جوري ناظرت بأمها الساكته:.جدي انت ليش سويت كذا بدون تاخذ شوري؟، ناصر:.مالك شور بعد شوري، . . توسعت عيونها بصدمه من حركته حطها على السرير وغطاها ومسح على شعرها:.انا اسف، بكت وصارت ترجف:.ليش؟، نواف مسح دموعها وكان ملتزم الصمت تاملت عيونه اللي تناظرها حسته قاعد يوصل لها الحكي من نظراته بعد وقت غفت بدون تحس ابتسم واطلق تنهيده طويله وقام بعد ماغطاها قرب من جواله اللي يدق وكان تركي تركي:.السلام عليكم وينك يارجال ؟، نواف جلس على الكنبه:.وعليكم السلام بالبيت ليش؟، تركي:.ابوي ما قالك شي؟، نواف:.وش بيقول يعني، تركي:.انا خطبت جوري وهالمره وافق ناصر، نواف بصدمه:.كيف!!، تركي:.والملكه بعد يومين قلت يمكن ابوي قالك، نواف يهمس بحده:.انت مجنون؟؟ نسيت وش سويت!، تركي:.بس هي ما تعرف انه انا، نواف:.يعني تبي تكون حياتك بكذبه؟، تركي:.خلاص نواف وش بيتغير لو قلت ، نواف:.شوف يا تركي انا مالي شغل اذا صار شي، تركي:.وش بيصير بالله البنت وافقت وناصر قال بعد يومين يتم كل شي، تنهد نواف وبحقد:.وش صار على سلطان؟، تركي:.بالسجن لا تخاف بدر اهتم بموضوعه، نواف:.طيب تمام مع السلامه، رمى جواله ومسح وجهه حاول ينام بس ما قدر فكر بحنين وش راح يصير معهم بعدين ولمتى راح يصبر ويمنع نفسه عنها اخذ نفس عميق . . شوق جلست قدام امها وديما:.فيكم شي؟، ديما:.لا ما فينا بس امي تعبانه شوي، شوق بتفكير:.يمه روحي شوفي ابوي ممكن محتاج شي، ديما فهمت كلام شوق:.اي يمه شوفيه، ام نواف:.مو فاضيه بنزل السوق ، ديما:.يمه مو انتي ماتبين ابوي يتزوج اهتمي فيه، ام نواف:.اهتميت فيه وابوك ما قدر هالشي، مي جلست قربهم:.خالتي يلا مشينا ؟، ام نواف ابتسمت:.ايه يمه يلا، ديما بستغراب:.مي بتروحين مع امي؟، هزت راسها ومشت وشوق بستغراب:.ليش ذي ٢٤ ساعه حاشره نفسها بامي!!، ديما:.والله مدري عنها متى ترجع بيتهم ونفتك، شوق:. امي ما بتخليها تروح ، يتبع...... ـــــــــــــــــــــــــــــــــــــــــــــــــــــــــــ