كنت في عز الثبات لين شفتك وانهزمت - الفصل 25 - بقلم ريناد | روايتك

البــــــــــــــــــــ الخامس والعشرين ــــــــــــــــارت حنين ودموعها بعيونها:.ليش كنت قريب منها لهدرجه!!، قام نواف ومشى نحوها:.حنين؟، حنين دفته وبعد بخطوات عنها:.انت ماتستاهل ؟ نواف قرب وسكر باب المكتب وبحده:.انتي وش قاعده تقولين!!، صارت تبكي وما ترد عليه نواف بهدوء:.انا اسف لا تبكين، حنين وكأنه قال لها ابكي صارت تبكي نواف قرب منها وشال نقابها:.حنين فهميني ليش جايه لهنا، حنين بغيره ودموعها بعيونها:.كانت قريبه منك وهي مبسوطه بقربك، تنهد نواف:.افهم انك غرتي منها؟، حنين:.ليش توجعني ليش!، نواف مسك يدها وجلسها على الكرسي حقه:.والله اني ما فكرت أوجعك بيوم، حنين رجعت تبكي وشبكت يدينها اللي ترجف ببعض:.ما صدقتها قلت مستحيل نواف يطالع احد غيري، قرب نواف وابتسم:.طيب هذا اللي بسويه وهي مجرد مريضه عند دكتورها، حنين مسحت دموعها :.ما اتحمل احد يكون قريب منك غيري، نواف وعيونه تتامل خشمها المحمر وعيونها المليانه دموع:.عيديها، حنين رفعت راسها وناظرت بعيونه:.هاه، نواف ابتسم وبانت :.عيدي جملتك الأخيره، حنين:.ما اتحمل احد يكون قريب منك غيري، قرب وحط يده ورا راسها وسحبها وطبعه بوسته يبيها تفهم انه لها وهي له وغمضت عيونها بعد عنها وهو يبتسم:.وصلك الكلام والا ارجع أعيده؟، حمرت خدودها ونزلت راسها وقلبها يهبط ويصعد نواف وهو يحط يده على قلبها:.لا تتوقعين اناظر احد وعندي قلبك هذا شغلي يا حنين لازم تتعودين، حنين بغيره:.ايه بس مو تلصق فيهم ، نواف بخبث:.بلصق فيك انتي، حنين قامت بس حست بيده تمسكها ورجعها :.خليك هنا بغير ونطلع صح وين اختك؟، حنين:.راحت البيت، نواف:.انتي جيتي مع السواق، هزت راسها ونواف مشى يغير . . . كانت جوري منسدحه بحضن امها ام حنين وهي تلعب بشعرها:.صار بالسجن وحقك بنأخذه بالقوه، جوري:.يمه ابي انسى كل شي، ام حنين:.هذا الأفضل يا بنتي، قطع عليهم دخول ناصر اللي خلا جوري تفز ناصر بدون يطالع فيها:.فيه واحد تقدم لك ام حنين:.كيف؟، ناصر:.كلامي مو واضح؟ ولد عبدالمجيد تقدم لبنتك وتحمد ربها احد رضى ياخذها!، جوري دق قلبها بقوه وام حنين تكلمت:.قصدك تركي؟، ناصر:.ايه وهو من اول يبيها والحمدلله رضى ياخذها طبعا وافقت وانتي مالك الا توافقين، مشى وترك جوري اللي صارت تفكر ليش تركي بالذات . . ام نواف بحزن:.انا ما قصرت عليك بشي طول عمري احاول أخدمك باللي اقدر عليه، ابو نواف:.يامره افهمي مانيب متراجع وبأخذ الثانيه يعني باخذها ماهو قصور منك، ديما بقهر:.يبه ليش بعد هالعمر تفكر؟، ابو نواف:. عمرك٢٢ مالك شغل بكلام الكبار، ديما انقهرت ومشت وام نواف مسحت دموعها بقهر . . رجعوا للبيت وحنين دخلت الغرفه وسكرت على نفسها الباب وهي تحس بالإحراج دخل نواف واستغرب عدم وجودها بالصاله قرب من الباب وفتحه وكان مقفل:.حنين ليش مقفله الباب؟، حنين بربكه:.هاه!. نواف:.افتحي الباب فيك شي؟، حنين لعنت نفسها مليون مره على غبائها وفتحت له الباب ونواف تسند على الباب:.ايه ليش مسكره الباب؟، حنين بلعت ريقها:.كنت بنام بس، نواف:.طيب نامي بدون تسكرين الباب لايكون خايفه مني؟، حنين ما ردت عليه نواف:.حنين لمتى افهمك اني زوجك واي شي يصير بينا يصير عند اي متزوجين ؟، زاد إحراجها وصدت عنه نواف ابتسم وفهم انها خجلانه منه . . تركي:.وافق يبه!!، ابو نواف:.وش فيك قلت لك ايه وافق، تركي وهو مو مستوعب:.ماني مصدق، ابو نواف:.متى تبي تملكون؟، تركي بحماس:.اليوم، ابو نواف:.لا تستعجل خليها بعد ثلاثه ايام، تركي:.يبه ليش الثلاث أيام!، ابو نواف:.مانبي نستعجل والبنت ماهي طايره، تنهد تركي وقلبه يدق بقوه الانسانه اللي عشقها بتصير زوجته وأخيراً ام نواف بصدمه:.تخطب له بدون علمي!!، تركي التفت لامه:.يمه انا قلت لابوي لا يقول لاحد لاني توقعت ناصر بيرفض، ام نواف:.بالله يمه مين يرفض هالزين؟، ابتسم تركي وحضن امه . . . بمكان ثاني بين اربع جدران يطالع بقهر رفع يده ولمس الشاش اللي على عينه:.صدقيني برجع وانتقم منكم كلكم برجع، ضغط على عينه وتوجع وابعد يده بسرعه سلطان وانفاسه تتسارع:.عيني اللي راحت بسببك ياجوري راح تندمين انتي وكل اللي يحبونك، رفع عينه لشرطي اللي يراقبه بشفقه وصد عنه . . ببيت ناصر كانت منسدحه وتفكر ليش تركي خطبها وتذكرت يوم شافته بغرفته تذكرت الانسان اللي خطفها واللي ما تعرف عنه الا ريحه عطره جوري:.ياربي انا تعبت من التفكير، غمضت عيونها وسرعان ما غفت . . . قامت حنين وانصدمت وهي تشوف الساعه نامت لليل فزت من على السرير وتوضت وصلت الصلوات اللي فاتتها وبعد ما خلصت قامت وطلعت شافت نواف نايم على الكنبه قربت حنين وهزته بخفه:.نواف قوم الصلوات فاتتك، فتح عيونه وهو يحس بصداع من الساعات اللي نام فيها:.كم الساعه؟، حنين : الساعه ٩ بالليل ، يتبع....... ـــــــــــــــــــــــــــــــــــــــــــــــــــــــــــ