كنت في عز الثبات لين شفتك وانهزمت - الفصل 24 - بقلم ريناد | روايتك

البــــــــــــــــــــ الرابع والعشرين ــــــــــــــــارت طلعوا وعيون جوري تقرا الكتاب انصدمت انه كان يحط ملاحظات اخر الصفحة استغربت وجذبتها هالملاحظه؛تجاوزت الكثير بسهوله الا بِ التخلي عنك فشلت لمرات عديده، . . كانت تتامل شعرها طال شوي وصار جميل وشكلها اجمل تذكرت كلامه حطت يدها على قلبها تحاول تتوازن تحاول ترجع حنين البارده حنين اللي محد يهمها ليش نواف قدر يخليها بهالجنون ليش غارت يوم جاب طاري الزوجه الثانيه اللي كانت تعرفه انها مستحيل ترضى احد يشاركها فيه ابتسمت بسخريه على نفسها:.ما ارضى؟؟ انا تعديت حدودي كثير يكفي اني ما أعامله كزوج ليش بيبقى معي وش جابره اخخخخ منك يا نواف وش سويت فيني !، حست باحد خلفها دق قلبها بقوه يوم هفتها ريحه عطره اللي تميزها ما تحركت وتجمدت ملامحها يوم مرر يده على شعرها:.بدا يطول، بلعت ريقها وما عندها القوه تلف وتشوف عيونه نواف بهدوء:.زعلتي من كلامي؟، حنين بتوتر:.لا ايه اقصد لا، ابتسم وهو يقرب اكثر:.اثبتي على كلمه وحده!، حنين حست بالأكسجين اختفى مافيه اي مسافه تفصل بينهم : يعني افهم انك زعلانه، حنين برجفه:.ممكن تبعد عشان اقدر اتكلم، نواف بخبث:.يعني افهم ان قربي يوترك؟، حنين:.لا طبعا بس الجو حار ممكن تبعد؟، نواف ونظراته تتاملها:.بالعكس الجو بارد شكلك مسخنه، حنين ودقات قلبها تزيد تحس وكان قلبها يبي يطلع من مكانه ليش كل هذا ليش يا نواف قربك يوتر تكلمت بهدوء:.يمكن، رجع يعيد سؤاله:.بس لسا ما جاوبتي زعلتي؟، حنين:.لا ما زعلت وهذا من حقك تبدأ حياه جديده وتكون اطفال مالي اي حق أمنعك، نواف:.راح ابدا حياه جديده، حنين أوجعها قلبها من كلمته:.الله يوفقك، نواف وهو يحوط خصرها بيده:.قصدك الله يوفقنا، وسحبها لحضنه وهي دفنت وجهها بصدره . . جوري قامت:.بودي الكتاب لغرفه اخوك وبجي نكمل الفيلم انتظروني، ديما وبيدها العصير:.لا تطولين، مشت جوري لغرفه تركي وفتحت الباب استغربت البروده والظلام:.مين مشغل المكيف، مشت بهدوء وهي ما تشوف شي حطت الكتاب على المكتبه وجت بتطلع بس حست بشي مسك يدها وسحبها كانت بتصرخ بس حط يده على فمها وهو يتكلم بعصبيه:.مين انتي؟؟ ديما والا شوق؟، سحبها بيدها وشغل النور والتفت وانصدم بالملاك اللي قدامه كانت الانسانه اللي يحبها بلع تركي ريقه بصعوبه:.انتي!، نزلت عيونها بالارض وما قدرت تطالع فيه تركي ما قدر يبعد نظراته المتمرده قطع عليه تأمله بحتها اللي اخذت قلبه:.ممءء ممكن تبعد بمشي لءءء لو سمحت، تركي بفهاوه:.هاه، جوري تحس بإحراج كبير ومو قادره ترفع عينها وتطالع:.بطلع، بعد تركي بخطواته ومشت بسرعه وطلعت من الغرفه تنهد بقلة صبر:.كيف طاوعني قلبي اخليك تروحين!!، اما عند جوري حطت يدها على قلبها تهدي من رجفتها لمحتها ديما:.جوري عسى ماشر؟ جوري بتوتر:.اخوك كان موجود بغرفته، شهقت شوق اللي كانت جايه من المطبخ:.والله نسيت اقولك انه رجع شافك؟، جوري بكذب:.لا، ديما:.تعالي نطالع الفيلم تعبت وانا انتظرك، . . وصلتها رساله منه "انا بالمستشفى جهزي نفسك بنرجع بيتنا وبناخذ جوري نوديها بيتكم" قامت حنين ونزلت لتحت كانو البنات جالسين بالصاله ديما وعيونها على حنين:.ياحظك يا حنين نواف واضح يحبك، شوق ضربتها بخفه:.راح يحبها هي زوجته، مي من وراهم بسخريه:.شكل حنين ما تعرف انواع البنات اللي يشوفهم نواف، حنين احتدت نظراتها:.وش قصدك؟، مي وهي تجلس وتتدلع:.والله اقصد اللي فهمتيه واذا ما صدقتي روحي وشوفي بنفسك، ديما بحده:.مي وش هالكلام ؟؟، شوق:.طبيعي انه يشوف انواع البنات بس نواف ماعنده هالحركات مكتفي بحنين، مي بغرور:.والله مالومه لو طالع فيهم، . . كلام مي ما قدرت تنساه طالعت بجوالها بس ما ارسل شي ثاني ما قدرت تصبر تحس قلبها يغلي سحبت عبايتها وطلعت صدمت بام نواف:.بسم الله وين عيونك، حنين بهدوء:.معليش عمتي مستعجله، ام نواف:.وين رايحه؟، حنين:.بروح البيت ، ام نواف:.مع مين بتروحين، حنين انقهرت من تحقيقها:.بروح مع السواق، ام نواف:.وليش وين زوجك، حنين:.مشغول، ام نواف طالعت بجوري اللي جت وهي لابسه عبايتها:.انتبهي يتزوج عليك زوجك تراه نفس ابوه، حنين زاد قهرها وسحبت جوري وطلعت . . . بعد ما وصلت جوري لبيت جدها قالت لسواق ياخذها للمستشفى غمضت عيونها تهدي من عصبيتها ليش معصبه ؟ ليش هالكثر كلامها اثر فيني! معقوله اني مو حلوه!! معقوله نواف يطلع كذا! كل هالكلام كان يدور بعقلها وقف السواق ونزلت وهي تذكر صدفهم اللي صارت بهالمستشفى فتحت باب المكتب وانصدمت كان نواف منحني والبنت جالسه وقاعد يفحصها انقهرت وتجمعت الدموع بعيونها نواف ومو ملاحظ وجودها:.لازم تنتبهين لاكلك زين، البنت ابتسمت:.مشكور ، وقامت لبست نقابها وطلعت وحنين لسا واقفه نواف انتبه عليها: اتفضلي اختي يتبع....... ـــــــــــــــــــــــــــــــــــــــــــــــــــــــــــ