كنت في عز الثبات لين شفتك وانهزمت - الفصل 23 - بقلم ريناد | روايتك

البــــــــــــــــــــ الثالث والعشرين ــــــــــــــــارت دخل تركي وهو معصب:.سمعت ابوك وش يقول!!، نواف ببرود:.وش يقول؟، تركي::ناوي يتزوج على امي، نواف ما قدر يمسك نفسه وصار يضحك:.وش قلت؟، تركي بحده:.انا مو قاعد امزح جد ابوي راح يتزوج!، نواف:.طيب وليش جاي عندي انا؟، تركي:.كلمه اقنعه ان اللي قاعد يسويه غلط!، نواف:.تعرف ابوي كل يوم له شور اكيد مجرد كلام، وقام نواف واخذ مفاتيحه:.انا رايح للبيت، . . كانو مجتمعين حول المسبح وكل وحده بيدها كوب قهوه وجوري تحكي لهم كل شي بس خبت موضوع الانسان اللي خطفها واللي ما تعرف شكله حتى ديما:.سلطان هذا الذبح فيه حلال، جوري:.طبعا دخلت اصبعي بعينه استغربت القوه اللي طلعت فيني ، ابتسمت ديما:.حاولي تنسين اعتبري اللي صار ماضي ومضى وخليك قويه زي اختك، ناظروا بحنين اللي سرحانه ومو معهم شوق:.حنين وين وصلتي؟، جوري بصوت عالي:.حنين حنننين، حنين فزت:.هاه معكم كملو، ديما:.واضح تفكرين في مين بس تطمني اليوم انتي معي ما بخليك تشوفينه، حنين بغباء:.اساسا ما افكر بنواف، الكل صار يضحك وقطع عليهم دخول مي اللي بيدها السماعات ولبسها الفاصخ مي وعيونها تناظر حنين بتحدي:.بنات مين تعرف ترقص ديما:انا من الحين اقولكم رقصي استهبال، مي بخبث:.مافيه احد يعرف يرقص مثلي، حنين بقهر ما قدرت تمسك نفسها:.لا تكونين واثقه هالكثر!، مي بتحدي:.تعالي ونشوف!، قامت حنين ومي شغلت السماعات على اغنيه هاديه كانت حنين تتمايل عكس مي اللي كانت ترقص وتقرب منها رجعت حنين لورا واستمرت مي تتقدم منها ما احد انتبه انها قربت من المسبح ومي استغلت هالشي وقربت منها بقوه وضربت فيها رجعت حنين لورا بقوه وطاحت بالمسبح الكل شهق ومي حطت يدها على فمها تمثل الصدمه ديما وهي ترجف:.بنات ادخلوا ساعدوها، جوري وهي تبكي:.الله يخليكم وحده تطب، كانت حنين تحاول تطلع بس المسبح كان عممميق شوق صارخت :.يمهههههههه يمههههههه ، باللحظه اللي فتح فيها نواف الباب ودخل ركضت نحوه شوق وهي ترجف:.حنين المسبح نواف بعدم فهم:.تكلمي زين، شوق:.حنين غرقت الحق عليها تكفى، مشى بخطوات سريعه ونط بالمسبح مسكها ورفعها بيدينه وطلعها كانت زي الجثه نواف وانفاسه تتسارع:.حنين تسمعيني، ديما بخوف:.نواف البنت ماتت!، صارت جوري ترجف نواف ضرب خدها بخفه بس ما استجابت اخذ نفس عميق وانحنى انقهرت مي وحست بنيران تحرق قلبها وهي تشوف الانسان اللي تحبه يقرب لوحده غيرها غمضت عيونها وهي تدعي على حنين بعد نواف عن حنين اللي صارت تكح بقوه وتطلع المويه من فمها ساعدها عشان تجلس وهي ترجف نواف باهتمام:.تبين اوديك المستشفى !، ناظرت فيه والدموع تتجمع بعيونها شافت الموت قدام عيونها ركزت نظراتها على عيونه وانفجرت تبكي بخوف حضنها نواف اللي فهم خوفها:.اشششش انتي بخير لا تخافين، حنين ببكا:.كنت بموت ، نواف:.بسم الله عليك الله لا يحرمني منك، بكت اكثر وهي تهمس:.ما استاهلك، نواف بنفس همسها:.اشششش تبين تفضحينا، حنين وهي تبكي :.احبك، انصدم ودق قلبه بقوه بعدها عنه وهو يستوعب الكلمه اللي سمعها:.عيديها؟، حنين وهي تمسح دموعها:.اءء احبك، سحبها لحضنه ودفن وجهها بصدره يتمنى لو تسمع دقات قلبه حس فيها انها ارتخت والكل كان مصدوم وديما تراقبهم وتبتسم فهم نواف انه أغمى عليها والكلمات اللي طلعت منها كانت عباره عن خوف قام ومشى فيها ومي تراقبهم والدموع تتجمع بعيونها .. . . يوم جديد فتحت عيونها بتعب وجسمها كله يوجعها تذكرت انها طاحت بالمسبح قامت وناظرت حولينها سحبت نفسها ونزلت لتحت وانصدمت واضح انه الحوار كان حاد بين ام نواف وابو نواف ونواف كالعاده بارد يطالعهم ويشرب من قهوته استغربت حنين البرود اللي فيه ام نواف:.وش حدك تتزوج علي وش قصرت عليك فيه، ابو نواف:.ما قصرتي بس انا بتزوج بجدد شبابي، ام نواف توجه الكلام لنواف:.كلم ابوك والا خذه للمستشفى شكله جن!!، نواف:.وش فيها يمه الشرع حلل اربع ما بيسوي حرام بيتزوج لا تكبرين الموضوع، ام نواف بغضب:.يعني انت مع ابوك!!، نواف:.انا مو مع احد، قاطعته:.ليكون ترضى تتزوج على حنين!، نواف ونظراته على حنين:.اذا ما ارتحت طبيعي اخذ الثانيه، توسعت عيونها وتجمعت الدموع فيها بس كان معه الحق عايش كانه مو متزوج ما تسال عنه ما تهتم فيه انسحبت بكل هدوء ونواف ظل يراقبها وقام وراها . . . ديما وهي تعبث بغرفه تركي:.شكل تركي رمى الكتاب، جوري بفضول:.غريب غرفته كلها كتب، ديما:.اخوي من النوع اللي يقرا ويتخلص منها بعد ما ينتهي منها، جوري سحبت كتاب وكان العنوان يجذب:.عادي اخذ هذا اقرا فيه واذا خلصت رجعته، ديما ابتسمت:.عادي اساسا ماراح يلاحظ لان غرفته بتنفجر من الكتب، يتبع...... ـــــــــــــــــــــــــــــــــــــــــــــــــــــــــــ