كنت في عز الثبات لين شفتك وانهزمت - الفصل 21 - بقلم ريناد | روايتك

البــــــــــــــــــــ الواحد والعشرين ــــــــــــــــارت بعد ما انتهت من قراءه القران حضنته وهي تدعي ترجع اختها بخير رفعت راسها وشافت نواف يبتسم لها فزت حنين:.فيه خبر عن جوري؟، نواف:.بسم الله عليك لا بس الكل يدور عليها، حنين:.انا مو قادره انتظر من متى وهو يدورن ولا احد لقى لها خبر لازم ادور عليها بنفسي، نواف:.الكل يدور يا حنين ضباط كبار تتوقعين انك بتكونين احسن منهم، حنين:.بس انا تعبت ابي اختي امي حالتها تدهورت، نواف:.انا طالع الحين ورايح عند بدر واذا حصل اي شي ببلغك، حنين قربت منه بسرعه وبحركه عفويه مسكت يده وبترجي:.تكفى طمني اول ما تعرف بشي، نواف حس انه حقير وتكلم بهدوء:.من عيوني، انتبهت انها ماسكه يده وتركتها . . خلص تركي من الدخان وطالع بساعته:.وين رحتي يا جوري اخخخ منك، حس بحركه من وراه ولف وشاف سلطان يركض للزرع وثوبه كله دم وحاط يده على عينه توسعت عيون تركي وركض وراه سلطان وهو يصرخ:.اناااااا اورييككك يا جوري، تركي زادت صدمته يوم سمع اسمها واستمر يلحق سلطان اللي واضح ان قوته تبخرت من الدم اللي خسره وقف تركي مصدوم وبلع ريقه بصعوبه كان يشوف ثعبان يلتف على رجل سلطان ما تردد ابداً تقدم بسرعه ورمى الثعبان لبعيد ورجع يناظر لسلطان اللي اغمى عليه من الخوف ابتسم تركي بسخريه على سلطان وكمل يركض يدور على جوري اللي تاكد انها هنا من كلام سلطان . . ناظرت بجوالها وهي تنتظر اي خبر عن جوري شافت امها تقرا قران ابتسمت حنين وجلست جنب امها بعد ما خلصت حطته جنبها والتفت لحنين:.يا بنتي احس اننا صرنا ثقل ويكفي انا برجع عند جدك، قاطعتها حنين:.لا يمه اساسا انا بكلم نواف نروح بيتنا وتقعدين معي انتي وجوري، نزلت دموعها:.وش تتوقعين حالها ، حنين مسكت يد امها:.يمه خلي املك بالله كبير، . . تعب وحس بالعطش كمل يدور عليها لمح طيفها وقرب وانصدم كانت حالتها تكسر الخاطر كانت نايمه وضامه نفسها من البرد لعن نفسه مليون وقرب يبي يطمن اذا كانت تتنفس وتطمن بعد ماحس باانفاسها تلفح وجهه حملها بين يدينه وبهالحظه صحت وصارت تبكي وتحاول تبعده عنها بس تركي تكلم يطمنها:.هدي انا جيت اخذك للبيت، جوري وهي تدفه:.نزلني نزلني تركي بهدوء:.تبين امك وأختك صح؟، جوري هزت راسها ودموعها تنزل على خدودها تركي:.اجل خليك ساكته لا تخافين مني، . . تركي وهو يمشي وما يناظر فيها:.احد قرب لك؟، جوري ماكانت قادره تتكلم لان ريحه الدخان اللي علق بثوبه كتمها ردد سؤاله باهتمام:.لا تخافين قولي لي، جوري :.لا، كان يمشي ببطى ويتمنى لو يطول اكثر ما حس ابداً انه شايل وحده كبيره كانت زي الطفله جوري رفعت عيونها وطاحت عينها على الجرح اللي بخده ما قدرت تطالع اكثر ونزلت راسها وقف تركي وحطها على الارض:.الشرطه قدام وماينفع تطلعين لهم كذا، جوري واللي ندمت انها تكلمت:.يعني هم لا وانت اي!!، ناظر لها بنظرات غريبه واكتفت انها تسكت ركض لسيارته وسحب منها شماغه ورجع لها مده لها وجوري سترت اللي قدرت عليه وقفت وهي تتمايل لاحظ تركي انها بتطيح وقرب لها قبل تطيح على الارض ومسكها باللحظه اللي وصل فيها نواف كانت نظراته تاكل تركي اللي بنظر نواف تمادى بما فيه الكفايه:.تركي!!، قرب وسحب جوري من بين يدينه ودخلها لسيارته ورجع يناظر بتركي بغضب تركي:.شوف البنت واضح انها تعبانه، نواف:.كيف طاوعك قلبك تسوي كذا!!، تركي بهدوء:.لو سمحت ممكن تأجل كل شي وبعدين انا لقيتها بالغابه وكان ولد عمها يلحقها !، نواف بحده:.سلطان؟؟، تركي:.ايه بس كان ينزف مدري وش صاير، نواف:.خل بدر يمسكه وانا بوصل جوري للبيت وبحلقكم وانت لسا ما نسيت، قاطعه تركي:.روح شوف البنت وبعدين نتكلم، . . انفتح الباب ودخلت جوري اللي تبكي وعيونها تدور على امها فزت حنين وركضت وحضنت جوري وهي تبكي بلهفه:.وينك يا جوري انتي بخير؟، جوري من بين دموعها:.اي ، بعدت حنين وجوري قربت من امها وارتمت بحضنها ام حنين:.يالله بنتي الف الحمدلله، جوري:.يمههههههه لا تخليني، ام حنين:.الله لا يخليني لو تركتك يا بنتي، جوري:.تعبانه يمه احتويني، ام حنين ببحه:.يا جعل هالتعب فيني مين سوا فيك كذا يا بنتي وين كنتي؟، جوري بالم:.سلطان يمه هو السبب، توسعت عيون حنين وناظرت بنواف اللي كان يناظر فيها بهدوء .. ام حنين بصدمه:.وش هالكلام يا جوري!!، حنين صارت ترجف ودموعها تنزل على خدها شبكتها يدينها ببعض عشان تخف رجفتها جوري بغصه:.يمه هذي مو اول مره، كان نواف مركز عيونه على حنين اللي صارت ترجف ام حنين وقفت وهي ترجف:.مو اول مره؟؟، نواف بهدوء:.سلطان كان يتحرش بحنين الانسان اللي دخله ناصر لبيته كان يأذي حنين و، صرخت وهي تبكي:.اسكت لا تتكلم !!، نواف:.خلي امك تعرف لمتى وانتي تتحملين، حنين بحده:.اسكت ، يتبع....... ـــــــــــــــــــــــــــــــــــــــــــــــــــــــــــ