كنت في عز الثبات لين شفتك وانهزمت - الفصل 19 - بقلم ريناد | روايتك

البــــــــــــــــــــ التاسع عشر ــــــــــــــــارت ما عرفت طعم النوم وما تركت صديقه لجوري الا كلمتها طالعت بأمها اللي نامت وهي تبكي حنين همست بالم:.متى الحياه تحن علينا يمه بكينا كثير والله كثير، اخذت نفس وقامت ماهي قادره تتحمل اكثر فتحت الباب وانصدمت باللي واقف قدامها نواف بهدوء:.فيك شي محتاجه شي؟، ما ردت عليه وعيونها تناظر فيه نواف بحنيه:.اذا تعبانه باخذك للمستشفى امك فيها شي؟، كانت ملتزمه الصمت وعيونها تتامل عيونه نواف:.حنين تكلمي لا تستكين، تجمعت الدموع بعيونها وارتمت بحضنه وهي تبكي بالم تمسكت فيه اكثر:.احاول اصير قويه قدام امي بس انا اختنقت اختي ما ندري وينها عايشه والا ميته بخير والا مو بخير نواف الله يخليك رجع لي اختي ، نواف مسح على راسها بحنيه:.اهدي يا حنين وان شاء الله اختك ما فيها الا العافيه، حنين:.جوري مسكينه الله اعلم وش صاير معها، نواف:.انا بنفسي بدور عليها وببلغ الشرطه راح ترجع انتي خليك قويه، تمسكت فيه اكثر:.اوعدني، نواف بعدها عنه ومسح دموعها بيده:.اوعدك ارجع اختك، ما قدر يمنع نفسه وباس جبينها بحب وراح اما حنين مسحت دموعها واستوعبت انها لسا بالفستان وانحرجت منه اكثر .. . . تعبت من الصراخ واستسلمت للنوم ومن تعبها نامت على الارض رجع تركي ومعه الاكل مده للشغاله:.افتحي لها الباب واذا سالتك اي شي لا تجاوبين انا بروح الحين وماراح ارجع الا بعدين، الشغاله هزت راسها واخذت الاكل اما تركي طلع وقفل الباب وركب سيارته وقبل يحرك اتصل بناصر بعد ثواني جاه صوته الحاد:.هلا؟، تركي بسخريه:.هلا بالعم ناصر طمني عنك كيفك؟ ما اعتقد انك بخير بعد اللي سمعته، ناصر بغضب:.اتصلت عشان تتشمت فيني؟، تركي:.لا يا عمي انا اتصلت اساعدك قلت ممكن تحتاجني!!، ناصر فهم قصده:.جوري لسا ما رجعت بس انت لسا مصر تتزوجها بعد اللي صار؟، تركي:.اكيد وبما ان اخوي يكون زوج اختها راح يلحقه كلام ويضرونه الناس فقلت أخطب جوري وانا عارف ان سلطان مستحيل يقبل فيها، تنهد ناصر بضيق من طاري سلطان اللي اختفي وتركه يواجه كل شي لحاله:.بس انا مدري وينها ومدري وش صار معها، تركي ابتسم بنتصار:.انا راجع بعد يومين وباذن الله ارجع والاقي جوري عندك، ناصر:.انت ما تفهم اقولك البنت ما ندري وينها، تركي:.دور عليها انا برجع بعد يومين وبخطبها، ناصر رغم انه ما يحب تركي الا انه مضطر يوافق عشان يسكت الناس وما تقعد جوري عله بقلبه . . كان الكل متواجد بالصاله وشوق حاضنه اختها ديما ام نواف:.ماراح اخليك تروحين مره ثانيه، ديما ابتسمت:.مدري ماما افكر، ام نواف:.لا تفكرين ولا شي تخرج وتخرجتي الحين انتي بعمر الزواج، عقدت حواجبها ديما:.خلصتي من نواف وجيتي عندي، شوق ابتسمت بحماس:.اوففف يا ديما زوجه نواف اخوي جميله مره، ديما:.يا عمري عليها لسا ماحصلو اختها ؟، مي بسخريه:.راحت برغبتها وش يدورن عليها؟؟، ديما بحده:.لا تتكلمين عن احد يا مي، مي بكره لديما:.توك جيتي ما تعرفين هالخبيثات، ديما قاطعتها:.كل هالحقد عشان نواف ما اخذك؟، مي بحده:.انا لو ابي يتزوجني كان تزوجني بس مابي، حنين من وراهم بسخريه:.كل ذا وما تبين؟، قامت ديما وابتسمت لحنين:.هلا بزوجه اخوي، حنين بهدوء:.هلا فيك حبيبتي بس اعتقد اني قاطعت كلامكم، مي بهمس:.غثيثه، حنين ابتسمت:.على العموم كملو كلامكم انا جيت أشوِف اذا نواف رجع، مي تكلمت بسرعه:.نوافي رجع من زمان، ديما طالعت في مي بحده ووجهت كلامها لحنين:. شوفيه فوق بمكتبه يا عمري، مشت حنين وهي مستغربه انه ماجا عندها طلعت ووصلت للمكتب فتحته وكان المكان ظلام صحيح انها خافت بس تكلمت:.نواف؟ انت هنا، ما رد عليها دورت بعيونها بس الظلام ما سمح لها تشوف شي فجاه حست بيده تمسكها وسحبها وحوطها على الجدار وهو يهمس:.خفتي؟، هفتها ريحه عطره اللي تعرفها وحست بخوف وتكلمت بهدوء:.ليش سويت كذا وليش الغرفه كلها ظلام نواف وهو مبتسم:.ابي ارتاح لاني مصدع بس انتي جيتي حنين:.جيت اسالك عن جوري فيه اخبار عنها، نواف:.لسا ندور، حنين:.طيب ممكن تبعد بروح اشوف امي، نواف:.لسا ما خلصت كلامي، حنين حست بدقات قلبها تزيد . . حست بيد تهزها وفزت بسرعه ودفت يد الشغاله وهي تبكي:.ابعدي ابعدي عني، الشغاله:.في اكل انت لازم ياكل، جوري بخوف:.وين انا الله يخليك طلعيني من هنا، الشغاله:.انا اسفه بس ما يقدر، جوري قامت بسرعه ودفت الشغاله بكل قوتها طاحت وضرب راسها بالجدار يوم شافت جوري الدم صارت تبكي بجنون:.قتلتها انا ذبحتها ياربي، ما انتظرت اكثر وطلعت من الغرفه وهي تمشي خايفه يكون فيه احد قربت من الباب وصارت تحاول تفتحه بس ما قدرت تلفت حولينها بخوف وشافت الشباك مفتوح بكت جوري وهي تحمد ربها وانطلقت بكل سرعتها وطلعت من الشباك .. يتبع....... ـــــــــــــــــــــــــــــــــــــــــــــــــــــــــــ