الفصل السادس
شوق انصدمت و قالت : ايش هاذي الوقاحة ؟!!
قالت عليا : و فوق كذا زعلانة الأخت بس خلاص انا تعبت منها و قررت اقطع علاقتي فيها
قالت ريم : من زمان و حنا نقول لك انها مو كويسة و جالسة تستغلك بس انتي ظليتي معها فهاذي هي النتيجة
قالت عليا : كنت اعرف بس دائما كنت احس ان مافي احد ينتبه لوجودي اذا ما تلصقت فيها
قالت شوق : هذا كله قلة ثقة في النفس حبيتها تدعس عليك بسبب تخيلات في مخك
قالت ريم : الصراحة شوق معها حق
قالت عليا : أدري
قالت شوق : انصحك تشتغلين على شخصيتك و نفسك و انتي عندك هالة حلوة بس ما إنتبهتي لها
قالت ريم : ايش رأيك تصيرين من شلتنا ؟
شوق قرصتها لأنها ما تبغى عليا معاهم
قالت عليا : و الله ياريت
قالت ريم : طيب يلا تعالي معانا
قالت عليا : لوين ؟
قالت ريم : لغرفة شوق مسوين فعاليات تجنن
قالت عليا : ياريت و الله بس عندي دراسة الحين اقدر أجي في وقت ثاني
قالت ريم : طبعا ..... ولا أقول ايش رأيكم نسوي فعاليات في نهاية الأسبوع
قالت عليا : إيوة فكرة تجنن
قالت شوق بدون نفس : اوكي
قالت عليا : يلا باي تأخرت على دراستي
قالت ريم : باي
و اول ما راحت عليا شوق مسكت ريم من اذنها و
قالت : انتي بإيش تفكرين هااا ؟!!
قالت ريم : اتركي اذني عورتيني !!
قالت شوق : ليه تتكلمين بدون ما تشاوريني ؟! مين قال لك اننا نبغاها في الشلة؟!
قالت ريم : و الله تكسر الخاطر بعد ما تهاوشت مع عِزة ما راح تلاقي صديقات غيرها
قالت شوق : انتي غبية و بتظلين طول عمرك غبية
قالت ريم : و مين قال اني غبية؟!! انا عقلي يوزن بلد
قالت شوق : واضح ما شاء الله .... يا الغبية هاذي عليا تعرفين وش يعني عليا ؟!! أكيد متفقين هي و عجوز النار عشان يعرفون علومنا و علوم نجاة و جراح
قالت ريم : و الله ما فكرت فيها !!!
قالت شوق : عرفتي ليه أقول عنك غبية ؟!
قالت ريم : عادي نخليها من الشلة بدون ما نتكلم عن مواضيعنا الخاصة قدامها
قالت شوق : الله يصبرني على ما بلاني
الساعة 12:00 في إيطاليا
قالت نجاة : جراح انت مو قلتلي اقولك لما اقدر اكمل الحديث ؟
قال جراح : yes
قالت : الحين أنا قادرة اكمل
قال : متأكدة ؟
قالت : إيوة
قال : طيب ، نجاة مثل ما تعرفين ظروف زواجنا ما كانت طبيعية و ما أعتقد انك تبغين تكملين حياتك كذا .... صح ؟
قالت : صح
قال : ولا انا
قالت : و الحل ؟
قال : بنجلس مع بعض 6 شهور عشان كلام الناس اللي انتي تعرفينه
قالت : و بعدها
قال : و بعدها كل واحد يروح في طريقه ... ايش رأيك ؟
قالت و هي تتحسر بداخلها على حالها : احسن قرار
قال : دامك موافقة ابغى أقول لك مسبقا الله يوفقك و يستر عليك
حس أنه ما يبغى يقولها و ما يعرف ايش السبب بس اول ما جت صورة عِزة في باله غصب نفسه يقولها
قالت نجاة: آمين و إياك
الساعة 12:05 في قصر آل شاهين
نايف دخل غرفته و اخذ اللابتوب و مجموعة اوراق كان مقرر أنه يروح كافيه و يخلص تصميم غلاف كتابه الجديد و بعدها يدرس و بالفعل اخذ اغراضه و ركب السيارة و اول ما وصل الكافيه طلب قهوة و فتح اللابتوب و جلس يصمم و يشرب قهوته لين ما قاطعه صوت بنت ناعم مصطنع و كانت
تقول : نااااايف
رفع راسه يشوف مين اللي يتكلم و اول ما شافها لف وجهه و
قال : استغفر الله ..... استغفر الله
كانت بنت كانت بنت لابسة بنطلون جينز فاتح واسع و كروب توب ابيض سادة بدون اكمام مسوية تان شعرها بلوند و عيونها ازرق فاتح و ملامحها حادة منظرها خلاه يفكر يغتسل و يعيد الشهادتين و
قال و هو لاف وجهه: وش تبين الله يستر عليك ؟
قالت : انا اسمي جينفر ابوي سعودي و امي امريكية و من اكبر معجبينك ما في كتاب لك إلا و قرأته و ما في قصيدة لك إلا و حفظتها و كانت امنيتي اني اشوفك و الحمد لله هاذي الامنية تحققت الحين .... ممكن اتصور معاك ؟
قال : روحي الله يستر عليك
قالت : لييييه ؟!؟!.... ابغى بس صورة
قال : ما اقدر و بعد اذنك اتركيني
قالت : براحتك بس ابغاك تعرف انك كنت ماخذ قلبي و لما شفتك صرت ماخذ قلبي و عقلي و لما كلمتك حطيتك في راسي و ما راح ارتاح لين ما تصير لي
قال : توكلي الحين الله يستر علينا و عليك
و بالفعل لفت و راحت و نايف ما أخذ كلامها على محمل الجد لأنه تعود على هذا النوع من المعجبات و كلامهم و صار عنده خبرة في التعامل معاهم و كمل شغله و نسى الموقف
الساعة 12:20 في إيطاليا
نجاة و جراح رجعوا بعد ما لفوا لين تعبوا
قالت نجاة : تعبتتتتت
قال جراح : و انا بعد
قالت نجاة : ايش رأيك ما نطلع كذا مرة ثانية
قال جراح : ليه ؟
قالت نجاة : يعني ما لها فايدة في وضع مثل وضعنا
قال جراح : إلا لها فايدة بحلل فلوس الرحلة يعني بحللها
نجاة ضحكت و قالت : يعني تعبت نفسك و تعبتني معاك بس عشان تحلل فلوس الرحلة ؟! هههه
قال جراح : طبعا ... و ما برتاح لين ما احللها
قالت نجاة : يعني بنرجع نطلع نفس الطلعات و نتعب ؟
قال جراح : طبعا بس بنروح مدن ثانية ما راح نجلس في روما
قالت نجاة : يعني تعب برو ماكس
قال : بس بنستمتع
قالت : اهم شي ميلانو
قال : هي اساسا وجهتنا القادمة
الساعة 12:30 في الشاليه
عِزة جالسة تكلم نوف و
تقول : الحين إيش اسوي هذيك الغبية طلعلها لسان و تهاوشت معها و ما عندي احد اجيب من عنده الاخبار
قالت نوف : انا اعرف الحل
قالت عِزة : قولي ايش هو بسرعة!!
قالت نوف : في بارتي مختلط انعزمنا له و مكتوب في الدعوة +1 يعني نقدر ناخذك معانا
قالت عِزة : ايش بارتي مختلط ؟!!
قالت نوف : إيوة بارتي مختلط ايش فيها ؟
قالت عِزة : لا ما توصل لكذا
قالت نوف : ليه ؟ مو قلنا خليك free
قالت عِزة : بس ما توصل لكذا بعدين لا تنسي اني بنت آل شاهين يعني أخباري و فضايحي تنتشر كالنار في الهشيم
قالت نوف : و ايش يفرق وجهك المليان ميكب اللي شافوه الرجال اليوم عن شكلك بدون حجاب كله واحد اما بالنسبة لموضوع الفضايح فلا تخافي كل اللي هناك عيال قبايل و ناس واصلين و محد بيعرف انك كنتي هناك صدقيني بتلقين ناس عمرك ما تخيلتي انهم ممكن يروحون أماكن مثل هاذي
قالت عِزة: مدري خايفة اهلي يعرفون و انتي تعرفين عندهم كل شي ولا السمعة
قالت نوف : ليش تخافين ؟؟!! لما تدخلين المكان راح يروح الخوف اقولك ناس واصلين و سمعتهم مثل المسك مستحيل تتخيلين انهم يروحون هاذي الاماكن ولا مرة طلعت عنهم فضيحة المكان مأمن مية فالمية
قالت عِزة : خلاص بجي معاكم
قالت نوف : إيوة كذا خليك free
قالت عِزة : بس ايش البس ؟
قالت نوف : تعالي نشوف في ملابسك
الساعة 8:10 مساءا في إيطاليا
جراح دخل الغرفة شاف نجاة لابسة بيجامة واسعة و رافعة شعرها بإهمال و جالسة على السرير و قدامها كتب و اوراق كثيرة و ايباد
قال : حتى هنا و بتدرسين ؟
قالت : أكيد اساسا اول ما نرجع بمتحن و امتحان صعب يعني لازم ادرس كويس
قال : ذكرتيني بعليا 24 ساعة تدرس
قالت : غريبة أتذكر انها ما كانت مجتهدة في دراستها ايام الثانوي
قال : صح بس لما راحت الجامعة تغيرت 180 درجة
قالت : حلو
قال : ايش تدرسين ؟
قالت : Anatomy
قال : بحسب ما أعرف هاذي المادة صعبة
قالت : انت يوم كنت تدرس إدارة الأعمال كنت تحسها صعبة ؟
قال : الصراحة لا
قالت : ليش ؟
قال : لأني كنت احب المواد اللي ندرسها
قالت : بالضبط لما تحب مادة راح تحسها سهلة مهما كانت صعبة
قال : الصراحة معك حق و على سيرة الدراسة انا اللي بوديك الجامعة و اجيبك كل يوم
قالت : لا تتعب نفسك بروح و بجي مع السواق
قال : لا انا اللي بوديك و انا اللي بجيبك
قالت : براحتك بس لا تضغط على نفسك اذا حسيت انك مشغول قول لي و انا برجع و بروح مع السواق
قال : لا مافي شي يشغلني لأن مواعيدي تناسب مواعيدك
الساعة 8:15 في الكافيه
نايف خلص تصميم غلاف كتابه و ما كان مقتنع فيه كثير و خلص دراسة و كان تعبااااان من الصباح و هو في نفس المكان على نفس الجلسة كان يبغى بس يروح البيت ينام بدأ يجمع أغراضه و يفكر في كل اللي صار معاه اليوم و تذكر جينفر و
قال بداخله : هاذي مجنونة صدق الله يشفيها
طلع من الكافيه و ركب سيارته و اول ما دخل القصر شاف جده جالسة تنتظره
قال : يا جدتي الله يهديك ليه تتعبين نفسك تعرفين اني بتأخر ؟
قالت : ما اقدر ما انتظرك ما ارتاح إلا لما اتأكد انك هنا
قال : هههه يا جدتي مافي داعي لكل هذا انا كبير و ما ينخاف علي حتى فهد ولد عمي فارس اللي شنب الاعدادي لسا ما طلعله و ما تخافين عليه كذا
قالت : انت غلاتك غير عنهم كلهم
نايف كان بيتكلم لكن قاطعه صوت فهد و هو جاي من بعيد و
يقول : الله يسامحك يا جدتي تغلين هذا العمود أكثر مني
قال نايف : لا و الله تناديني انا عمود بس يلا على الأقل انا طويل بطول العمود مو مثلك يا شبر و نص
قال فهد : و مين قالك ان انا شبر و نص ؟ لما أكبر راح اصير اطول منك .... بعدين مين قالك ان انا ما ندي شنب ؟ شوف كويس
قرب نايف من وجه فهد و جلس يدقق و انفجر من الضحك لأنه شاف شعرتين بس فوق بعض
قال فهد : ليه تضحك ؟!
قال نايف : هذا هو الشنب ؟ ترا كلها شعرتين
الجدة انفجرت من الضحك
قال فهد : تضحكين علي يا جدتي ؟!
قالت : لا لا أضحك على ولد عمك هذا المغرور
و غمزت لنايف عشان يفهم انها تكذب على فهد
قال فهد : إيوة كملي.... كملي يا جدتي صدقت الصراحة انا مرة زعلان منك يا جدتي
قالت : طيب ايش اللي يرضيك ؟
قال فهد : ابغى بلايستيشن 5 جديد
قالت : مو ابوك شرالك واحد قبل شهر ؟!
قال فهد : وقع على الأرض من مكان عالي و انكسر و ابوي صفقني لين ما نسيت اسمي
قالت : بشتريلك بس بشرطين الاول هو انك تنجح ب 95/100 هاذي السنة و الشرط الثاني هو انك تحافظ عليه
قال فهد : ما طلبتي شي
قال نايف: جيب النسبة اللي قالتلك جدتي عنها و لك مني PC
قال فهد : جدددد ؟!!!
قال نايف : طبعا جد
قال فهد : من اليوم ما راح اقوم من على المكتب
قال نايف بضحكة : يلا فارق الحين
راح فهد و هو يركض و ينط من الفرحة كمل نايف الحديث مع جدته و
قال : هههه هذا الولد مجنون
قالت : بس يجنن هو مصدر البهجة في البيت
الساعة 9:10 في الشاليه
نوف تنادي عِزة من بعيد : عِزة خلصتي ؟! بنتأخر
عِزة كانت جالسة في غرفتها و ترتجف حرفيا عارفة بالغلط اللي هي جالسة تسويه لكن ما تقدر ترفض لأن نوف و البنات نجحوا في غسيل دماغها كليا بأفكارهم عن الحرية و الرجعية لدرجة انها صارت تحس نفسها غريبة بينهم ناظرت شكلها في المراية بشعرها الويفي و ميكبها الصارخ و فستانها الوردي القصير اللي كان اختيار نوف حست انها رخصت نفسها لكن قاطعها صوت نوف و هي تدخل الغرفة بدون إستأذان و
تقول : يلا ترا تأخرنا ... ايش هذا ؟!!
قالت عِزة : ايش في ؟ مو حلوة ؟
قالت نوف : العكس تجننين و اخيرا استفدتي من جمالك شوي او بالاحرى بتستفادين
قالت عِزة : ما فهمت
قالت نوف : لما نوصل بتفهمين
عِزة خافت لكن ما تقدر تتراجع فلبست عبايتها و حطت الطرحة على شعرها و خلت ثلاث ارباعه طالع و طلعت مع نوف و البنات
الساعة 8:20 مساءا في قصر آل شاهين غرفة شوق
ريم ودعت شوق و راحت لغرفتها و شوق جلست لوحدها تفكر في نجاة و تذكرت كلام نايف و توترت حست أنه خوفها جد و خافت أكثر أنه يعلم ابوها و خافت أكثر من مشاعرها الغريبة اللي ما تدري ايش هي و تمنت انها تكون مجرد اعجاب مؤقت و مو اللي في بالها
نفس الوقت في قصر آل شاهين غرفة نايف
نايف تروش و لبس بجامة و صلى قيامه و قرأ ورده و انسدح على سريره و جلس يفكر في يومه مثل العادة اول شي فكر فيه هو جينفر و كلامها الغريب صح أنه تعود يسمعه من المعجبات لكن هي حس ان نبرتها غير و حس انها ممكن تسوي شي مجنون لكنه اقنع نفسه ان هذا مستحيل و جا في باله أنه يقارن بينها و بين شوق من ناحية الشكل حس ان الكثيرين راح يشوفون ان جينفر احلى من شوق لأن ملامحها اجنبية لكن بالنسبة له شوق احلى بكثييير و حتى لو ما كانت حلوة هو يشوفها جميلة لأبعد درجة اما من ناحية الاخلاق فواضح مين الفائز
قال بداخله : اي سحر سحرتيني يا بنت العم ؟
و من هاذي الجملة جت في باله فكرة قصيدة مستحيل ينام بدون ما يكتبها فتح درج الطاولة الجانبية و طلع منها دفتر و قلم و بدأ يكتب
يتبع .......