كنت في عز الثبات لين شفتك وانهزمت - الفصل 15 - بقلم ريناد | روايتك

البــــــــــــــــــــ الخامس عشر ــــــــــــــــارت بضحكه:.ليش تزوجتها ما تعرف ماضيها؟، نواف وهو يناظر الشارع الفاضي:.تعرف لو دفنتك هنا محد يدري؟، سلطان قرب من نواف:.ابيها بس ابي احضنها، ما تحمل وشبت نار الغيره بقلبه وهجم عليه وصار يضربه بوحشيه سمعت اصواتهم العاليه وصارت تبكي زي المجنونه وتحاول تفتح الباب حس نواف انه راح يموت وقام عنه طالع بثوبه اللي صار كله دم من سلطان انتبه لصراخها وركض للباب وفتحه وبمجرد ماشافته ركضت عنده ودموعها متجمعه بعيونها:.ذبحته انت ذبحته وش سويت والله حرام عليكم حرام من لي غيرك، ما تركها تكمل كلامها سحبها لحضنه وهو يهمس بتعب:.لا تخافين ما قتلته، حنين تمسكت فيه ودموعها تنزل على خدها وتحرقها نواف بنفس الهدوء:.صار لازم اعرف كل شي، انهارت بحضنه واعتلت شهقاتها حس بقلبه يحترق عليها بعدت عنه وهي تبكي بوجع طالعت بعيونه وهزت راسها:.راح اقولك كل شي، حاولت تهدي من نفسها وبدات ذكريات الماضي تنعرض قدامها:.انا كنت عايشه حياتي طبيعيه زي اي بنت كنت متعلقه بابوي حيل طبعا كبرت وكنت تقريبا بأول متوسط تعب ابوي وكان تعبه يزيد كل فتره، نزلت دموعها وشدت على يدها وكملت بغصه:.زاد تعبه وأخذناه للمستشفى وجلس هناك تقريبا اسبوع طبعا بوقتها كانت فتره اختبارات وجدي اللي هو ناصر منعني أزور ابوي بكيت يومتها حتى نمت بس ماغيرت دموعي شي رحت للمدرسه، وقفت واخذت نفس ودموعها ما وقفت:رجعت بعد ما خلصت لقيت امي تبكي وجوري بحضنها تبكي استغربت ويوم سالت امي قالت ابوك مات، طلعت منها شهقه وحطت عيونها بالارض اما نواف كان وده يدخلها بقلبه ويمحي كل وجع كملت حنين بصوت راجف:.بكيت كثير يا نواف ندمت اني ما شفت ابوي وكرهت جدي اكثر تخيل ليومك هذا ما اعرف سبب وفاته كلهم رفضوا يقولون لي عانت بحياتي الكل كان يتكلم عن امي كلهم جروحها وطعنوها بشرفها حتى خالتي اللي هي اختها قالت لامي انها تحاول تغري زوجها مرت الايام وانا كرهي لناصر يزيد جاب سلطان لعندنا طبعا عمي طرد سلطان لانه مايصلي ولا يخاف ربه سكن عندنا وكان دايم يناظرني بنظرات غريبه ومره كنت راجعه من المدرسه سحبني لسيارته و، انهارت على الارض وصارت تبكي ونواف قرب منها وحقده يزيد على سلطان حنين بصوت متقطع من الشهقات:.انا عرفت انه قاعد يتحرش فيني وعلمت ناصر، ناظرت بنواف وهمست بحزن:.تعرف وش قال؟ كذبني وصدقه وقال لا تقولين لامك ولان سلطان مغرق ناصر بالفلوس نسى السالفه واعتبر اني كذابه، مسحت دموعها بس رجعت تنزل من جديد:.زاد تحرش سلطان فيني وكنت أقفل عل نفسي الغرفه واحيانا احرم نفسي من الاكل عشان ما اشوفه ماكان بس يتحرش فيني حتى اختي بس انا كنت أحميها ووعدت نفسي ما ابكي قدّامه ولا أضعف سكنا بالغصب مع ناصر لانه باع بيتنا هو دمرنا هو السبب، ناظرت بدينها اللي ترجف وكملت بوجع:.صرت اكتم نفسي وأحاول ما ابكي وبدات يديني ترجف وكانت تزيد مع كل مره اشوف فيها سلطان سبب لي رعب وابتدأت هالحاله معي ما قلت لاحد ولحد الحين محد يعرف كنت اكتم نفسي وأحاول ابين قويه قدّامه بس يدي كانت تعبر عن خوفي منه، مد يده نواف ومسك يدها لاحظ رجفتها اخذت نفسي وكملت بالم:.كبرت نفسي وكنت دايم ابتسم بوجه امي عشان ما أزيد ضيقتها تدري ناصر وش يقول عني يقول اني ما عندي قلب لاني بس ما كنت ابكي، غمض عيونه بقهر وتكلم بحنيه:.كيف تحملتي ؟، نزلت دموعها من الحنيه اللي حستها بصوته:.تحملت غصباً عني ولاني شفت دموعي ما فادت ماصرت ابكي قدام احد نواف انا تعبانه احتاج صدر يلمني انا صغيره على كل هالأحزان، سحبها لصدره وحضنها وحنين بكت بالم نواف:.ابكي يا حنين ابكي، انفجرت بحضنه :.تعبت ابي ابوي ابيه احتاجه فراقه كسر ظهري الله يخليك ابي ابوي ابي اقوله اني احبه ابيه يحميني من سلطان ابيه يكون سند لي اههه، سمح لها تطلع كل اللي بقلبها حنين وهي تبكي :.حرموني منه ترجيت ناصر اشوفه كان عندي احساس اني راح أفقده نواف والله مشتاقه لابوي ابي أمان انا، سكتها وهو يبعدها عنه ويمسح دموعها وترجع تنزل ويمسحها:.اشششش لازم تدعين له بالرحمه ولَك وعد مني ما تلاقين معي غير الراحه والامان وحقك والله لأخذه لك منهم كلهم ودموعك اللي نزلت اليوم والله لابكيهم دم يا حنين، شافها نزلت راسها وتبكي بصمت حضنها من جديد وهو يتنهد بالم اما هي لقت الامان وتمسكت فيه وأطلقت كل شي كان مدفون بقلبها . #يتـــــــــــــــــــــــــــبع.... ـــــــــــــــــــــــــــــــــــــــــــــــــــــــــــ