كنت في عز الثبات لين شفتك وانهزمت - الفصل 10 - بقلم ريناد | روايتك

البــــــــــــــــــــ العاشر ــــــــارت دخلت غرفتها وسكرت الباب وطالعت بجوري اللي فزت وضمتها:.وش صار انتي بخير صح؟، تنهدت حنين وبعدت عن جوري وفصخت عبايتها وابتسمت:.بخير بس سلطان ما ظنتي، ضحكت جوري:.عساها الدايمه للحقير، حنين:.وع هذا دم القذر سلطان بروح اغير، مشت وجوري تنهدت براحه:.الحمدلله الحمدلله، ، دخل بيتهم بتعب ومشى بهدوء بس شوق حست عليه وفزت:.نواف وين كنت، نواف ببرود:.وش مصحيك انتي؟، شوق:.صحيت وما لقيتك بغرفتك، نواف:.شغاله مراقبه الله يقويك، شوق ضحكت:.لا تقول كذا ياخوي بس شفت باب غرفتك مفتوح ودخلت وما كنت موجود، نواف وهو يطلع من الدرج:.كنت بالمستشفى اخلص كم شغله، بمجرد ما دخل غرفته ارتمى بتعب وهمس:.حنين، ابتسم وهو يتذكر الرقم اللي دق عليه:.جرب حظك يا نواف، مسك جواله ودق وتمنى يكون رقمها مو رقم اختها .. ، طلعت من الحمام بعد ما اخذت شور ريح جسمها طالعت بجوري اللي غفت بدون لا تحس ابتسمت حنين وغطتها وبعدها قامت جففت شعرها القصير وطالعت بيدها بالمرايه كانت فيها كم كدمه وجروح تذكرت كيف ضربته بكل قوتها على راسه دمعت عيونها بس حنين مسحتها بسرعه:.وش فايده الدموع يا حنين عمرها ما فادت لا تضعفين سلطان يستاهل اكثر من كذا ليتني قتلته، تذكرت انها نست تقرا قران وهي متعوده كل يوم تقرا اخذت القران وصارت تقرا وبعد ما خلصت حضنته وتكلمت بتعب:.ياربي احفظني وارحمني برحمتك، حطته على الطاوله وسمعت جوالها يدق اخذته وردت بهدوء:.نعم؟، نواف:.وعليكم السلام، عرفته من صوته:.وش تبي ؟، نواف:.انتي كل شوي معصبه، حنين:.ترا مو فاضيه اخلص قول؟، نواف:.حرام اسمع صوت زوجتي، حنين:.يا ابن الناس انا ما اعتبرك شي بحياتي افهم، نواف:.يا بنت الناس انتي زوجتي غصبا عليك، حنين:.معليش مافي شي غصب ويلا بسكر، نواف بحده:.سكري وشوفي وش راح يجيك، تنهدت وغمضت عيونها وسكرت بوجهه وبعد دقايق وصلتها رساله:.كان بعد يومين بس على حركتك هذي صار بكرا ورويني وش راح تسوين، توسعت عيونها ورجعت تدق عليه بس سكر بوجهها وقفل جواله . . . بالصباح صحى من بدري عشان يعطي امه وابوه خبر نزل لتحت كان الكل على الطاوله نواف:.صباح الخير ام نواف:.صباح النور غريبه صاحي دوامك مو الحين، نواف:.ادري جيت اعطيكم اني باخذ حنين اليوم للبيت ابو نواف بصدمه:.وشو كيف تاخذها !، نواف:.كيف اخذها هي زوجتي وباخذها اليوم فيه شي؟ ابو نواف:.انت مجنون والعرس وكيف نجهز والا ما تبي الناس تعرف انك تزوجت، نواف:.يبه باخذها اليوم يعني اليوم وانتم اذا تبون سوو حفله بسيطه بعد اسبوع، ام نواف بحسره:.سحرت ولدي اللي ماكان يبي الزواج الحين مستعجل عليها والله سحرته، تركي وهو يضحك:.عقبال ما أسحركم انا وتزوجوني، ابو نواف:.وحنا قلنا لا انت اختار وأبشر، ابتسم تركي وهو يهز راسه ونواف قام وببرود:.وصل العلم باخذ حنين اليوم لا تقولون ما قلت وما بسكن هنا بنروح شقتي، ام نواف:.بس انا ابيك قريب مني، نواف:.بنسكن هناك حتى تتعود علي وبعدها بفكر، ، ببيت ناصر ما نامت ابداً وهي تفكر بنواف الانسان اللي دخل بحياتها فجاه تنهدت وقامت:.الله يخلصني منكم، غسلت وجهها وصلت وطلعت من غرفتها شافت امها جالسه تتقهوى ابتسمت حنين وتقدمت من امها بسرعه وارتمت بحضنها ام حنين ببتسامه:.اشوفك مروقه اليوم، حنين باست يدها:.يمه حرام اشتاق لك، ام حنين مسحت على شعر بنتها القصير:.مو حرام، قطع عليهم دخول ناصر:.جهزي بنتك رجلها جاي ياخذها، تغيرت ملامح حنين وامها شهقت:.وش هالسرعه يبه لسا ما جهزنا شي، ناصر:.قال راح يسوي لها حفله بعد اسبوع وخلاص الحرمه مالها الا بيت رجلها، قامت حنين وبحده:.وش بيت رجلها على كيفكم انا مابي!!، ضحك بسخريه:.ليش تبين اخليه يطلقك وتقعدين عله علي، حنين:.مو في حاجتك ولا حاجته وروحه مب رايحه، ناصر:.انتي تبين هالعقال يعلم على ظهرك. صرخت فيه بحده:.جرب مد يدك يا ناصر، قامت ام حنين:.يبه خلاص والله بخليها تروح معه بس انت اهدى، حنين:.يمه انا مابي افهموا، ام حنين ودمعتها بعينها:.عشاني يمه هذا زوجك خلاص مالك غيره حاولي تكسبين رضاه الوحده مالها الا بيت زوجها، حست بعيونها تحرقها بس ابداً مو حنين اللي تبكي بكت سنين طويله ولا تغير شي وهالحين البكا ما يفيد لازم تكون قويه وتتحمل مو هي اللي تبكي عشان تكسب شفقه مشت متجاهلتهم دخلت غرفتها وهي تدعي على نواف من كل قلبها ودعت على سلطان وناصر دعت على كل احد استغلها .. يتبع....... ـــــــــــــــــــــــــــــــــــــــــــــــــــــــــــ