كنت في عز الثبات لين شفتك وانهزمت - الفصل 8 - بقلم ريناد | روايتك

البــــــــــــــــــــ الثامن ـــــــــــارت ام حنين مسكت يد حنين وباستها:.انتي بنتي وقطعه من قلبي انا يوم ابكي اني عجزت احميكم، نزلت دموعها وكملت بقهر:.ابوي اقوى مني ما قدرت يا بناتي سامحوني ما قدرت امنع الحزن عنكم كان قلب حنين يبكي تمنت لو تصرخ وتقول يمه تعبت يمه خايفه يمه ابي الامان يمه ساعديني بلعت غصتها وابتسمت:.يا يمه حنا راضين بكل شي اهم شي نكون معك مانبي شي بالحياه غيرك رجيتك لا تبكين، جوري حضنت امها وهي تبكي:.ماما خلاص لا تبكين ، بالليل وببيت ابو نواف كان يفكر ويناظر جواله ينتظرها تدق بس تنهد بس ما مرت ساعتين وحنين ما اتصلت انسدح وهو يفكر ليش يدها ترجف يوم يكون سلطان موجود نواف:.بعرف كل شي ووقتها يا سلطان بتتمنى الموت وما تلاقيه، ، بعد ما تطمنت ان امها نامت حنين بهمس:.الله يبعد الضيقه عن عيونك ويطمن قلبك يا جنتي، مشت بهدوء وهي خايفه وتلفتت تخاف سلطان يطلع بوجهها ابتسمت يوم قربت للغرفه بس فجاه حست بأنفاسه من وراها دق قلبها بقوه وحست كل جسمها ارتجف ما قدرت تلف وتنصدم سلطان بهمس:.اششش لا تفكرين تصارخين، سحبها وحنين صارت ترجف وتحاول تبعده اخذها لبرا البيت وكان المكان كله ظلام دفها على الجدار وضرب ظهرها توجعت بس كانت ساكته وتدعي من كل قلبها تطلع سالمه سلطان بسخريه:.ملكتي اجل ، كانت ساكته وبس تدعي ربها سلطان بهمس:.تكلمي ابي اسمع صوتك، حنين أخفت خوفها وتكلمت:.انت تدور المشاكل، سلطان:.انا جيت ابيك انتي ليش تهربين مني، حنين:.لاني اكرهك تفهم وش اكرهك؟، سلطان غمض عيونه وشم ريحتها:.وانا احبك كلك، حنين حست بيدينها اللي ترجف وغمضت عيونها سلطان مد يده لشعرها وانصدم:.قصيتي شعرك، حنين:.قصيت شعري اللي تحبه وقريبا بشوه وجهي، ضحك ومسك خصرها وسحبها:.بس اليوم باخذ اللي أبيه بعدها خربي اللي تبين، صرخت حنين:.ابعددددددد عنيييي يمممههههه، بس سلطان حط يده وكتمها . . . ببيت ابو نواف كانت جالسه وتتكلم بقرف:.مدري ولدي وش عاجبه فيها، ام مي "اخت ام نواف":. مي تضايقت خصوصا انها كانت ترفض الكل وتنتظر ولدك، ام نواف:.والله يااختي مدري وش اقول بس اليوم شفتها كانها ولد ومافيها اي شي يوحي انها بنت، ام مي بضيق:.يلا هذا النصيب وش نسوي، . . . قامت جوري طالعت بسرير حنين بس ما كانت موجوده خافت وقامت تدور عليها بالحمام بس ماكانت موجوده راحت شافت غرفه امها بس زاد خوفها وهي تشوف امها نايمه وحنين مختفيه رددت بهمس:.يارب احفظ اختي وينك يا حنين، فجاه سمعت خطوات أحد لفت ونزلت دموعها وشهقت وهي تشوف الدم اللي بملابس حنين :.حنين مين سوا فيك كذا!!، حنين كانت ترجف وهمست:.قتلته انا ذبحته، قربت منها جوري:.مين تكلمي لايكون؟؟؟، حنين ناظرت بجوري بضعف:.حاول حاول ياخذ اغلى ما املك ك ك كان راح ياخذ حياتي انا ذبحته، جوري بخوف:.الدم اللي فيك منه ؟، هزت راسها وهي ترجف جوري حاولت تهدى:.وينه وين سلطان، اشرت لها بيدها لبرا وجوري ركضت كانت طايح على الارض ورأسه ينزف وكان يتحرك رجعت تركض لحنين:.وش ضربتيه فيه حنين لازم ناخذه للمستشفى، حنين كانت حالتها حاله بس ابداً ما بكت همست:. ضربته بحجر كان على الارض، جوري مسكت راسها:.اذا صحى جدي وش راح يصير، طالعت حنين بيدها اللي ترجف وشافت رقم نواف تكلمت بتعب:.هو يقدر يساعدنا، جوري بخوف:.مين هو؟، حنين اشرت على يدها وهي ترجف:.هذا هذا ز زوجي اتصلي على هالرقم، جابت جوري جوالها ومسكت يد حنين اللي ترجف وسجلت رقمه ودقت وبعد ثواني جاها صوته اللي شبه نايم:.هلا، جوري:.السلام عليكم انا اخت زوجتك، فز نواف وتعدل:.هلا امريني صار شي؟، جوري:.الله يخليك تعال بسرعه ، نواف كان بيتكلم بس سمع حنين تصرخ:.خليه يموت خليه يموت انا تعبت والله تعبت لازم يموت عشان انا ارتاح لمتى وانا عايشه بالهرعب يالله ساعدني، قام بسرعه ولبس ثوبه بشكل سريع واخذ مفاتيحه وطول الطريق كان مقرب جواله من أذنه ويسمع لهم ، جوري ما انتبهت انها ما سكرت الجوال وحطته على الطاوله وقربت من حنين:.اهدي يا عمري تكفين اهدي اخاف جدي يقوم وتعرفين وش راح يصير لو قام، حنين بصوت راجف:.راح يقول العيب فيني واني واني انااااا تعبت الله يخليك اذبحيني اذبحيني، جوري صارت تبكي معها ومسكتها وحضنتها:.يا اختي ابكي ابكي حرام اللي تسوينه بنفسك والله حرام محد يستحق الموت غيره هو لازم يموت، حنين دفنت وجهها بصدر جوري وهمست:.انا تعبت، سمعوا صوت سيارته وصل وقامت جوري اخذت اقرب جلال لصلاه وحطته فوق راسها وطلعت وحنين مشت معها بملابسها اللي كلها دم وقف نواف مصدوم وهو يشوف سلطان اللي على الارض ويتكلم بكلام مو مفهوم ناظر باللي ورا جوري وعقد حواجبه لمح الدم وعصب وقرب من سلطان ورفعه بقوه وهمس:.الله ياخذك، يتبع....... ـــــــــــــــــــــــــــــــــــــــــــــــــــــــــــ