كنت في عز الثبات لين شفتك وانهزمت - الفصل 7 - بقلم ريناد | روايتك

البــــــــــــــــــــ السابع ــــــــارت قرب منها وحنين حاولت تتجاهله نواف:.القصير عليك احلى انا اموت بالشعر القصير، حنين بحده:.ليش وافقت والا انت بنت يغصبونك اهلك، نواف:.وافقت لاني ابي هالشي ، حنين بحده:.بس انا مابيك مابيك، نواف بنفس الهدوء:.بس الاقدار ما جمعتنا على الفاضي ولسا بكمل معك تحقيق بس هالمره تعتبر شوفه، ما ردت وهي بالقوه ماسكه نفسها نواف طلع قلم من جيبه ومسك يدها وكتب رقمه حنين كانت واقفه ومصدومه نواف:.هذا رقمي لا تنسين بالليل دقي علي، سحبت يدها وناصر دخل:.طولتوا والله، حنين:.كنت انتظرك يا ناصر تعطيني الموافقه بالخروج نواف عقد حواجبه:.ناصر ليش ما تقولين يا جدي؟، حنين ناظرت في ناصر نظرات كلها كره ومشت ناصر اخذ جواله وبخوف:.ليش تاخر سلطان، نواف انقهر:.هو ساكن عندكم؟، ناصر:.ايه بس طلع وما رجع وما يرد، اخذ مفتاحه نواف وطلع قبل يتهور ويخرب كل شي .. ، كان تركي جالس تقدم منه طفل وببراءه:.وش اللي بيدك تركي ابتسم:.جوال تبي تلعب فيه؟، الطفل:.فيه العاب، تركي وهو مبسوط على حماس الطفل:.ايه بس وش اسمك يا بطل، الطفل:.اسمي ماجد، تركي مد له الجوال:.العب فيه يا ماجد بس لا تبعد، اخذه وصار يلعب وتركي يراقبه ويضحك بس فجاه قام ماجد وركض لداخل البيت تركي:.هذا وين راح طيب عطني الجوال، بس وقف بصدمه وابعد بخطوات عشان جوري ما تشوفه بنفس الوقت كانت واقفه عند الباب وتهاوش ماجد:.هذا لمين رجعت تسرق يا قليل الادب؟، ماجد:.فيه رجال عطاني، جوري:.تبغا اكسر راسك كذاب وينه اللي عطاك، ماجد:.مادري كان واقف هناك، جوري بتفكير:.لايكون زوج حنين انا اوريك بعلم امك، ماجد:.خلاص ما بعيدها والله، كان تركي يراقبها ويبتسم لف ماجد وشاف تركي وصرخ:.هذا هذا هو يا جوري، لفت جوري تطالع وانصدمت وتجمدت بمكانها تركي فهى تماماً بعيونها وما تحرك وجوري حست على نفسها وصاحت ودخلت ابتسم تركي:.حبيت اللون الاصفر وحبيت ماجد، ماجد قرب من تركي ومد له جواله:.اسف، تركي اخذه وهو يضحك:.ليتك تسرقه دايم، ماجد:.لا جوري تعصب علي، تركي:.طيب اذا قلت لك كلام توصله لها؟، هز راسه وتركي ابتسم وتكلم:قولها يقول تركي البسي دايم اصفر بس لا يسمعك احد تمام؟، ابتسم ماجد وركض وتركي تنهد براحه وطالع نواف اللي طلع وهو معصب:.افا وش قلب وجهك؟، نواف:.هذا موب صاحي مخلي ذاك السكير بين البنات، تركي عقد حواحبه:.انت وش قاعد تقول، نواف:.انا مستحيل اخليها دقيقه هنا مستحيل، ومشى وترك تركي يحاول يستوعب كلامه . . . قرب ماجد وهمس لجوري:.يقول تركي البسي اصفر دايم جوري تغيرت ملامحها وهمست:. متاكد قال كذا ماجد:.ايه بس قولي بتعلمين امي والا؟، جوري:.لا بس لا تعيدها ويلا روح عند امك اخاف عليك، ام نواف وهي تلبس عبايتها:.مين هذا ولده، حنين من ورا امها:.ابن الجيران، انصدمت ام نواف من شكل حنين:.انتي!، حنين:.ليش ما عجبك شكلي على فكره ولدك عجبه، ام نواف بقرف:.شوق يلا يمه اخوك تركي برا، بعد ما طلعوا لفت ام حنين:.يمه وش سويتي بشعرك، حنين:.ما عليك بيطول اهم شي ناصر تفشل، ام حنين:.تراه ابوي وجدك احترميه شوي، حنين:.هذا الإحترام فيه عيب واالله، جوري:.اهم شي ملكتي وراح تفتكين، حنين:.من قال صح ملكت بس يحلم اروح واتركم، دخل ناصر وهو معصب:.عاجبك اللي سوته بنتك؟؟، ام حنين بتعب:.يبه تعرف حنين كيف عنيده، ناصر:.اقولك خليني اربيها بس انتي ما تسمعين، حنين بحده:.متربيه قبل اعرفك، ناصر قرب ومسك يدها وضغط عليها بقوه:.زوجتك الرجال اللي تبين ليش تفشليني ليش!، حنين توجعت بس ردت ببرود:.من قال اني ابيه، ناصر:.اجل وش كنتي تسوين بحضنه وبالمستشفى، ام حنين بكت واخذت طرحتها تمسح عيونها وحنين سحبت يدها وسكتت لانها عارفه ان امها تعبت ومشت لغرفتها وناصر يتمنى لو يموتها ناصر جلس على الكنبه:.سلطان ما يرد، جوري:.قلعته، ناصر:.اشوف صوتك طلع وش سوا لك سلطان؟؟، جوري:.انت ليش مسكنه عندنا ترا عمي ما طرده بدون سبب افتح عيونك والا لانه يدفع لك فلوس استقبلته، ناصر قام وصرخ:.انتي تبين اعلمك كيف تتكلمين معي، قرب بيضربها بس حنين وقفت قدّامه:.والله ما تقرب لها ناصر وهو يرجف من العصبيه:.الله ياخذكم ابفهم ليش أمكم ما رمتكم عند اعمامك!، حنين بهدوء:.لانها تبينا وترا مو ميته عشان اسكن عندك بس انت بعت بيتنا والا نسيت، دفها ناصر وراح لغرفته وحنين لفت ومسكت يد جوري وابتسمت:.ما صار شي روحي هاتي علاج امي، راحت جوري وحنين جلست عند امها وهمست:. كرهتيني يمه؟، شهقت ام حنين:.وش هالكلام انتي بنتي كيف اكرهك، حنين:.لاني انا سبب شقاك بالحياه، يتبع..... ـــــــــــــــــــــــــــــــــــــــــــــــــــــــــــ