كنت في عز الثبات لين شفتك وانهزمت - الفصل 5 - بقلم ريناد | روايتك

البــــــــــــــــــــ الخامس ـــــــــــارت مشت حنين وامها بس وقفوا وهم يشوفون ناصر نزل من سيارته وبصراخ:.هذي اخرتها حتى هنا يا قليلين التربيه!!، حنين ببرود:.قصر صوتك امي تعبانه، ناصر قرب من حنين:.جيتي عند حبيبك من متى تعب امك يهمك اساسا؟، حنين بكرهه:.وخر بنمشي انا وامي، ناصر ناظر ابو نواف:.ما توقعت ولدك يكون بهالحقاره، ابو نواف:.ناصر اهدى يا رجال الموضوع بينحل، نواف ببرود:.وش الحل؟، ابو نواف:.اليوم نواف بيملك عليها، ناظر ابوه وما تكلم وحنين انقهرت من سكوت نواف وناصر طار من الفرحه بس ما بين بعد سكوت كانت حنين تتمنى نواف يتكلم وفعلا تكلم بس كلامه صدمها:.لكم اللي تبونه خلاص انا بتزوجها، تركي ابتسم ونزل راسه وحنين لفت لنواف وبصرخه:.نعم من قالك اني ابيك!!، ناصر:.انتي مالك كلمه سود الله وجهك، ابو نواف:.جهز نفسك اليوم بنجي نملك عليها، ناظرت حنين بنواف وقلبها يحترق:.تكلم قول لا قول اني ما اعرفك حرام عليك تسكت حرام والله ما سويت شي ولا اعرفك وكل اللي صار غلط مستحيل اوافق عليك مستحيل، ناصر مسكها بقوه من يدها وسحبها وركبها بالسياره وحنين تصارخ وتحاول تنزل لف على نواف:.اليوم بنتظركم، وشغل سيارته وراح نواف كان واقف ويناظر بالسياره حتى اختفت تركي قرب منه:.نواف خلينا ندخل، نواف بهمس:.لازم أتزوجها هالبنت وراها سالفه كبيره. . . ببيت ناصر دخلها وهو يسحبها ورماها قدّامه على الارض:.تبين تنزلين راسي الكره عمى قلبك متى تفهمين ان ابوك مالي ذنب بموته متى غصبا عليك بتتزوجين نواف وصدقيني اذا رفضتي بتطلعين من هنا لقبرك، قامت وهي تصارخ:.انت مالك دخل فيني مالك دخل والله ما اتزوجه انا مااا غلطت ما غلطت، ناصر قرب منها ومسك شعرها:.سلطان قال لي كل شي، من ذكر اسمه صارت يدها ترجف وناصر لاحظ يدها اللي ترجف وام حنين قربت وهي تبكي:.يمه يمه شفيها يدك يمه بنتي جوررري، نزلت جوري تركض وانصدمت من يدين حنين اللي كانت ترجف بشكل يخوف .. ام حنين:.جيبي مويه بسرعه، جابت جوري وعطته امها وشربته حنين بعد فتره خفت رجفتها وطالعت بأمها:.لا تخافين ما فيني شي، ام حنين:.يمه ليش يدك ترجف لازم نوديك المستشفى، ناصر:.دلع بنات لكن مهما سويتي بتتزوجين نواف، ومشى حنين:.يمه انا ما سويت شي مابي اتزوجه وربي ما اوافق لمتى وحنا تحت رحمة ابوك باع بيتنا خلينا نطلع من هنا يمه تكفين، نزلت ام حنين راسها:.وش تبين اسوي يا بنتي لو اقدر اطلع كان طلعت بس كلام الناس ما يرحم!، حنين:.وش راح يقولون ارمله وبناتها ببيت لحالهم وما عندهم رجال طز فيهم يمه، جوري:.ماما صح كلام حنين خلينا نطلع وربي تعبت نفسياً، ام حنين:.خلوني اول احاول اقنع جدك الجماعه جايين بعد شوي، حنين :.يمه ما تبين تعرفين ليش كنت بغرفه الدكتور، ام حنين بحنيه:.واثقه فيك، وراحت وجوري لفت:.سلطان رجع يضايقك صح؟، حنين همست بحده:.لا يسمعونك اسكتي، . . بغرفه حنين وجوري قامت وهي مصدومه:.كل ذا صار ياربي حنين انتي مجنونه لمتى راح تسكتين، حنين:.انا ساكته عشان امي يكفي الهم اللي فيها، جوري ودموعها بعيونها:.وانتي لمتى راح تتحملين سلطان ما يخاف ربه واذا لقى عليك فرصه ماراح يرحمك حنين:.ولا ناصر راح يرحمني وامي اخاف عليها ماراح تتحمل صدقيني كله عشان امي تعبانه، جوري:.تكفين حنين وافقي على هالدكتور على الاقل تفتكين من سلطان، حنين:.وانتي؟ اذا انا رحت مين راح يمنع سلطان عنك، بكت جوري وحنين ما نزلت لها اي دمعه حضنت اختها وهي تدعي للمره المليون على ناصر اللي دخل سلطان للبيت بس عشان فلوس . . ابو نواف:.تجهزوا بنروح اليوم لهم، ام نواف بغضب:.وبنت خالته مي؟، نواف:.انا ما قلت لك عطيهم كلمه، ام نواف:.كذا تفشل امك يا نواف عشان حبيبتك!، نواف بصراخ:.مو حبيبتي افهموا خلاص، ابو نواف:.قصر صوتك واحترم امك احسن لك، نواف:.تراكم ازعجتوني كل دقيقه حبيبتي ومي مابيها وزوجتي خلاص بتكون بنت ناصر تزوجت يلا ارتاحي يمه، شوق:.بنت السواق اللي يشتغل عندك!، تركي بحده:.شوق عدلي اسلوبك يتبع...... ـــــــــــــــــــــــــــــــــــــــــــــــــــــــــــ