كنت في عز الثبات لين شفتك وانهزمت - الفصل 4 - بقلم ريناد | روايتك

البــــــــــــــــــــ الرابع ـــــــــارت نواف ترك يدها وتكلم بهدوء:.لا تخافين انا بكون معك وبخلي الكل يعرف وش يسوي، حنين صرخت:.قلت لا انت ما تفهم بعد بمشي، نواف:.ليش خايفه سوا لك شي؟؟، سلطان بخبث:.ساكته لانها تبيني يا حمار لا تتعب نفسك وتتدخل بينا فاهم؟، ناظر نواف فيها بصدمه بس ماكان يشوف وجهها لان شعرها يغطي وجهها:.تكلمي ليش ساكته ؟؟، حنين:.قلت لك وخر امي بتدور علي خلني اطلع، قرب سلطان وكان بيمسك يدها بس حنين ارتجفت وخبت يدينها ورا ظهرها ونواف ما تحمل وهجم عليه وصار يوجه لك لكمات على وجهه حتى طاح على الارض صارت حنين ترجف وخايفه امها تجي وتشوفها كذا سلطان تذكر ام حنين وخاف تجي وتشوفه ودف نواف وقام وهرب اما حنين دورت بعيونها على نقابها شافته مرمي جنب نواف تقدمت بسرعه بس تعثرت من رجول نواف وطاحت جنبه لف لها والتقت عيونهم ببعض شاف القوه وملامحها الطفوليه اللي ما تعبر عن اي خوف استغرب من نفسه انه ما صد عنها وحنين حست على نفسها وجت بتقوم بس صوت ابو نواف صدمهم:.وش قاعد يصير هنا؟؟، . . عند ام حنين طلعت من الحمام تدور على حنين بس ما لقتها بالمكان اللي تركتها فيه دورت بعيونها لمحت سلطان واقف عند الاستقبال قربت منه:.يمه شفت حنين ما لقيتها؟، سلطان بتوتر:.مدري عنها ليش وين تركتيها؟، اشرت له بيدها وراحوا يدورن عليها بس استغربت ام حنين من تجمع الممرضات والاصوات العاليه وسمعت كلامه:. لاتكون بنت ناصر يا كلب؟، . ابو نواف بصدمه:.لاتكون بنت ناصر يا كلب؟، نواف ناظر حنين اللي يدها ترجف وتحاول توصل لنقابها رجع طالع للممرضين وتركي ووقف قدامها عشان يغطيها عنهم بهاللحظه دخلت ام حنين وهي تتمنى ما تكون الانسانه اللي ورا نواف بنتها ام حنين بخوف:.حنين؟، كان ظهره يغطيها وما تشوف احد من سمعت صوت امها حست بوجع بقلبها وهمست:.يمه، ام حنين من سمعت صوت حنين نزلت دموعها:.وش تسوين بغرفته !!، ابو نواف طالع بنواف:.تبي تذبحني انت تبي اموت، تركي شاف ام حنين ارتخت ورجعت لورا تقدم منها بسرعه ومسكها:.هدي يا خاله اهدي، نواف:.تركي حطها هنا، جلسها تركي على الكنب وحنين قربت:.يمه، ام حنين بدموع:.تكلمي من يوم مات ابوك وانتي ساكته سكوتك كسر ظهري برري قولي لا تسكتين وتخلين الاتهامات كلها صح انا ما ربيتك على كذا ولا ابوك الله يرحمه، حنين ناظرت بأمها برجى وما نطقت بحرف واحد وابو نواف زادت عصبيته:.انا اللي ما عرفت اربي لكن انا اعلمك يا نواف انا اعلمك، نواف بحده:.يبه تراك فضحتني بالمستشفى خلاص!!، ابو نواف:.ليش ما تبي احد يعرف وانت مدخل البنت لمكتبك، نواف ببرود:.روح البيت وارتاح وانا بجي افهمك كل شي ما تحمل ابو نواف برود ولده ورفع يده وعطاه كف بكل قوته تركي توسعت عيونه:.يبه، ابو نواف:.لا انت ولدي ولا اعرفك وهالبنت بتتزوجها بالنهايه ناصر ماله ذنب باغلاط بنته، حنين قامت وبصراخ:.انااااا مو بنته مووو بنته انا بنت فيصل وابوي مات من زمان وناصر مو ابوي ولا أتشرف اكون بنته وولدك ما غلط معي وانا متربيه قبل اعرفكم مو انا اللي انزل راس اهلي واذا كنت ساكته مو يعني اني غلطت كفايه ظلم كفايه، سكتت وهي تحس انها مكتومه ومو قادره تتنفس نزلت عيونها ليدينها اللي ترجف بلعت غصتها وسكتت وابو نواف تكلم بقرف:.وش تتكلمين عنه انتي داخله غرفه دكتور وبعد كنتو على الارض ومفصخه له يشوف وجهك ؟؟، ناظرت فيه بنظرات كلها غضب:.لا تكون ظالم حرام بنتك تتحمل اغلاط إبوها بالمستقبل لا تظلمني وتتهمني وانت شفت كل شي غلط!، رمت طرحتها على وجهها وقومت امها وباست راسها:.الله يعدمني اذا فكرت اني اخرب سمعتكم يمه، . . كان سلطان بسيارته ومقهور من نواف لمعت بباله فكره واخذ جواله واتصل على ناصر:.السلام عليكم، ناصر:.هلا يا ولدي خذيت نوره وبنتها على المستشفى، ناصر بخبث:.ايه بس صارت مشكله صراحه مدري كيف ابدا بس الرجال اللي كان مع حنين امس اليوم لقوها داخله بمكتبه وطلع دكتور بالمستشفى، ناصر:.انت وش قاعد تقول!، سلطان:.زي ما سمعت وانا طلعت من المستشفى روح خذ بنتك وبنتها ماني ناقص كلام الناس، ناصر:.عطني مكان المستشفى ؟، عطاه سلطان وراح ناصر وهو معصب وناوي على نواف ‏. ‏. طلعت حنين شامخه ولا كانها كانت ترجف من الخوف وطلع وراها نواف ولحقوه ابوه وتركي نواف:.لو سمحتي خليني اوصلكم، حنين بهدوء:.مو لازم انا أتصرف مشكور، نواف انقهر:.انتي بنت كيف تصرفين نفسك!، حنين:.ايه انا بنت وبصرف نفسي، ام حنين بهمس:.خلاص يمه خلينا نمشي، يتبع........ ـــــــــــــــــــــــــــــــــــــــــــــــــــــــــــ