والأخيير 4
لجزء الرابع والأخير
ســـــــــــــــــــــــــــــــــــــارة
اليوم خالتي ماجدة بتجي كشخت ع الاخير ما ادري ليش لبس بنجابي بني وحطيت كحل بني وقلوس شفاف طلعت اهبل يسعدني يارب
شعري طولان على قصتي طالع جنان حطيت توكه على شكل نجمه تصير زي الطبعه على الشعر ولبست ساعه بيج
وكعب بنفس اللون
نزلت لقيتها واصلة "هلا والله هلا بالغالية "
ناظرتني نظرة غريبة :" هلا فيك يا ريحة احبابي "
سلمت على ربى وقلت لها :" شفيك صايره تقول مدمنه كل هذا تأثير ثالث "
قالت لي:" اسكتي بس مييييته خوف... ياحظك خلصتي من هم الدراسه"
"احم احم لا تحسديني ."
استأذنت وررحت المطبخ :" يمة خلصتي "
ردت :" لا والله تعالي اقول ساعديني "
قلت لها :" حااااضر تأمرين أمر انتي روحي اقعدي وارسلي ربى ما عليك "
راحت امي ودخلت ربى قعدنا نسولف ورحنا المجلس معنا صياني الحلى والقهوه
قعدنا بعد ما تقهوينا شوي بعدها قالت خالتي:" اقول سارة ابي اشوف غرفتك باسوي للتوم زيها بس باشوفها على الطبيعة "
" افا عليك يا خالة تفضلي البيت بيتك....(لفيت على ربى وامي ).........لا احد يلحقنا عندنا اسرار "
ربى الدبه رمت علي الخداديه بس انا وخرت عنها ومديت لساني ومشيت عنهم
وحنانصعد اشوف خالتي تحوس بجوالها ... بعدها لفت علي وابتسمت ... رحنا الغرفة ودخلت وسكرت الباب وقالت "سارة"
لفيت عليه وقلت:" سمي يا خالة في شي "
قالت:" احم احم انتي تدرين اني ربيت ولد اختي من هو صغير وهو الحين مهندس يشتغل بشركة جدك وله بعد مشاريع خاصه...(طبعا انا فاتحة حلقي)..وهو يعني طلبك بالاسم وش قلتي "
"يا خالة انا ..... ما ادري بس ..... ما ادري "
خالتي:" لا تستعجلين يا سارة...خذي راحتك بس بغيت اسمع رايك قبل ما نطلب رسمي ...(لفت بتطلع)"
ناديتها :" خالة ... الفرح للبشر عنوان السعادة بس انا ما ادري وين عنواني ... يا خالة فقدت امي وابوي بنفس اليوم و...فقدت صوتي ...وكنت راح افقد حياتي لولا لطف ربي"
بكيت وبكت خالتي وقالت :" سارة اصابعك ما هي سوا وولدي يبيك من زمان بس الظروف اقوى ... استخيري يا سارة شاوري حالك ولدي شاريك يا سارة ويبيك"
غسلت وجهي ونزلت وانا بعالم غير عن هالناس اللي حولي
لما راحو مسكتني امي وقالت :" ابفهم انتي شقلب حالك كذا"
بلعت ريقي وقلت :" يمة ...... خالتي خطبتني لولد اختها اللي ربته "
امي تهلل وجهها :" احمد ... مبروك يا بنتي "
"يمة انا للحين ما وافقت "
امي :" لو تردين لي الشور وافقي وانتي مغمضة"
"حتى بعد اقول وافقي وانتي مغمضة"
انا:" جدي ...."
جدي :" هالرجال اعرفه من زمان وكل ما جلسنا مجلس نسمعهم يمدحون فية ....اقول لك الرجال نعم ما يخطبونة وكذا مرة اسمعهم يلمحون له"
انا :" انا باستخير وابيك تسأل عنه اذا يصلي بالمسجد وهو موظف عندك صح "
ما ادري شلون اتجرأت بس هذا حقي ولازم يكون كذا ما ني مستعدة اضحي بنفسي المؤمن لا يلدغ من جحر مرتين
بعد يومين دقت خالتي ماجدة مع اني استخرت وارتحت الا اني خايفة من التجربة تنهدت وانا اتذكر جدي يوم قال لي ان كل اهل الحارة قالوا انه يصلي بالمسجد وبالشغل عند جدي ملتزم بدوامة
انقطعت الرنه بس رجعت على طول بعدها _ انما انت انا لكنما وضعت ارواحنا في جسدين<<انشودة لاسامة الصافي_ رديت عليها
في صوت اكيد حاطه سبيكر :" الو"
خالتي :" الووو السلااام "
"وعليكم السلام "
خالتي:" ها بشري بنت والا ولد" سمعت صوت رجال جنبها اظنه احمد "يمه اقولك دقي على ساره تدقين على هدى"
عرفتها اكيد زوجة سامي قالت له:"اسكت معاشر ربى اكيد عادتك برجاجتها....ها سارونة شقلتي "
استحيت والله بس قلت :" احم احم حياكم الله خالتي مو كذا يقولون "
بعدها سمعت صراخ وضحك وسمعت صوت الغالية تقول وصوتها يضحك معها :" مبروك ان شاء الله الليله نجي مع السلامة"
تنهدت يارب انك انت عنوان سعادتي
((((((((((مرت الايام بفرحة للكل بمناسبة الخطوبة ))))))))))))
الملكـــــــــــــــــة
لبست فستاني الوردي الحريري المطرز و لبست شالي عليه بعد ما تمكيجت مكياج خفيف حسب طلب الاستاذ احمد لانه قال لو تخلونها ع طبيعتها يكون احسن
طلعتني خالتي وهي تسمي علي وامي عيونها مغرررقة
يارب تتمم فرحتهم للحين اتذكر شكل فهد لما جاء يرجعني ويترجى جدي بس انا ما رضيت
# فهد :" سارة الله يخليك بس اسمعيني" رديت بهدوء :" انت اسمع انا كنت ببيتك وحفظت سرك ...لا تقول عشان ماكنت اتكلم بالعكس انا كنت قادره افضحك من اول يوم بس لان تربيتي ما سمحت لي الا باللي سويت وبالاخير جاااي ..(سكت ما قدرت اقولها )"
رد علي :" سارة صدقيني غرتني الدنيا واصدقاء السوء تكفين ارجعي لي خليني اعوضك عن الايام السوداء اللي وريتك اياها " سارة:" فهد ... عوض زوجتك الجديدة ... ما لك نصيب عندنا .. يا فهد المؤمن لا يلدغ من جحر مرتين"
طلعت ووقفت لما سمعته ينادي لفيت قال لي وصوته يرتجف :" بتحضرين زواجي " رديت عليه وانا ابتسم :" وبرقص بعد .. لا تخاف يا ولد عمي انا للحين لك ستر وغطاء" #
رجعت للواقع من ضمة ربى المرجوجة هالبنت عليها رجاجة ضميتها وقالت لي :" مبروووووك ...ما شاء الله عليك تجنين"
رديت بصوت واطي :" يا قدمك " ردت بنفس درجة الصوت:" يا مغرورة" ابتسمت لها بغرور وكملنا طريقنا
دخلوني لديوانية الرجال ولقيت احمد بعد توه داخل فشلة فشلة خلاص ابي ارجع ابي الف بس مسكتني خالتي وجلستني ترجيتها بعيوني
بس ما ردت سلم عليها لاني شفت ثوب ابيض قدامي قدام ثوب خالتي البرتقالي الفاتح
بعدها راحت خالتي وهو جلس جنبي وقال:" مبروك "
ياربيي ما في صوت خلاص
قال :" سارة لا تزعلين انا شفتك اول من قبل لاتتزوجين وعلقتي ببالي بس ما كنتي من نصيبي ... ولما صار في فرصة ..قلت لامي وكلمتك وانا اصريت اسمع ردك الاول لان بالنسبة لي الانطباع الاول هو الاهم ...تتذكرين وش قلتي (هزيت راسي باية وانا مدنقة وقاطة اذني صراحة شدتني السالفة )..طبعا امي دقت علي وحطت الجوال سبيكر
...وسمعتك تقولين ..الفرح للبشر عنوان السعادة وانا ما ادري وين عنواني" سكت شوي ورفع راسي بايدة تعلقت عيوني بعيونه
قال لي بصوت اقرب للهمس :" انا مرساك لا تاهت سفينتك
انا الشاطي لا ضيع بحرك شطأنك
انا العنوان لا صرتي تدوريني
انا العنوان اللي تهتي وهجرتيني
انا عشقا (ن) ابد ما لاحظتيني
انا الفرح وانت سعادتي واول عناويني"
النهـــــــــــــــــ ـــــــــــاية