الفصل 3
الجزء الثالث
ثاني يوم بعد الغداء .............."ساااااااااارة احزري من بيجينا اليوم "
رفعت الدفتر اللي تكتب فيه كاتبة= اكيد يا عمي يا عمتي=
"شطوووووره يا قلبو .............عمتك حصة جاية اليوم بعد شوي بتجي لان زوجها بيمشي بعد صلاة العصر يعني بقى شي ساعتين هيك شي"
رفعت الدفتر كاتبة = ايش رايك تسوين لعمتي الكيكة اللي تحبها =
"ابشري يالعروس"
ســــــــــــــــــــارة
فتحت حلقي انا عروس غريبة امي تقول كذا بالعادة يالغالية يا قلبي يا لعبتي بس العروس غررررررررررريبة
دخل جدي وانقبض قلبي وبلعت ريقي ابتسم لي بحنية وجلس جنبي:" فيك شي ليش مفهيه يا بنيتي مو عادتك"
بلعت ريقي وفتحت صفحة جديدة =لا ابد ما في شي تشرب عصير=
"لا يا بنتي ما تقصرين.........اممممممم........... سارة عمك عندنا يبي يعرف رأيك اذا ...احم احم تقبلين بفهد ...... ما احد مستعجل فكري على راحتك تمام"
واااااااااااااي فشيلة فشيلة فشيلة اتمنيت الارض تنشق وتبلعني ....جت الشغالة وقالت ان عمتي وصلت ...............
قام جدي وقال يا بنتي استخيري واستشيري وتأكدي ان كل شي يصير حكمة من رب العالمين ...الولد موظف وما عليه قصور .......والراي رايك"
طلع جدي ..........آي رقبتي من كثر ماني مدنقة عورتني........نزلت وقضينا ساعتين حلوين مع عمتي حصة ولولو = لمى
لما طلعت عمتي سحبت امي سامية وصعدتها غرفتي .على طول مسكت الدفتر وكتبت =تدرين=
" عن؟" =الخطبة=
"ايه..وش رأيك؟" =انتي وش رايك=
"مممم مادري احس عادي"
=طيب باستخير=
"اكيد لازم لا وبعد سويها اكثر من مرة زين"
=طيب طيب=
طلعت امي من هنا وانا دخلت حمام غرفتي توضيت وبعده صليت اول مرة ما حسيت بشي وعدتها اكثر من مرة وبعد ما حسيت بشي
طلعت من الغرفة مبوزه دورت امي بغرفتها ولقيتها تبكي ع السجادة بصوت يقطع القلب
ركضت عندها وهزيتها قومتها ولميتها وهي بعد لمتني اكثر وقالت :" ما اتصور البيت بدونك يالغلا"
ضميتها انا ما عندي غير هالطريقة وصرت امسح على راسها واسمي
بعد ما هدت قالت :" استخرت لك وارتحت وانتي"
ياربي شلون اقول لها عادي ناظرتها بحيرة وهي قالت:" ارتحتي (هزيت راسي بلا )......طيب ما ارتحتي(هزيت راسي بلا).....يعني شلون حسيتي انه عادي(هزيت راسي بايه بقوة)
ما ادرري يا سارة سمعت ان هالاحساس يعني وافقتي خيرة او رفضتي خيرة"
مــــــــــــــــــــــــــــاجدة
"الله يخليك يابو احمد ترى السالفة ما تستاهل كل هالزعل"
"خلاص خلاص اذا عطيتني خيارات افضل "
"مثل مين............امممممممم ....اه وش رايك ببنت ابو عبد الرحمن ريهام "
"نعم نعم يعني من جرف لدحديره لا يا حبيبتي خلاص خلي هالمهمة لي انا"
نام عني وتركني اوووف ضعيت على ولدك جوهرة يا محمد وربي جوهرة
بعد اسبوعين
اهم الاحداث خلالهم ان سارة وافقت وتحددت الملكة والعرس بعدها بثلاث شهور
أحمــــــــــــــــــــــــد
"بس انا قلت لكم ما ابي اتزوج "
"يا ابوك انا بافرح فيك قبل ما اموت"
"بعيد الشر يا ابوي الله يطول بعمرك بس تبون تزوجزن زوجو سامي انا مابي اتزوج"
طلعت من البيت منقهر من ابوي ومن شفقته علي يعني لو امي ماجدة بتاكل لي حق اكلته من زمان مو لما صار عمري 25 ابوي يطفشششششش
اووووووف يالله صدق الزين ما يكمل حلاه طلعت الخرساء هي نفسها سارة بنت ربى صديقة امي
سبحان الله تزوجت من فهد ثقيل الدم والعرس بعد كم شهر
الـــــــــــــــــــــزواج
فــــــــــــهد
الحين يا ابوي يا انا يا انت ............. دخلت على الجناح بالفندق اللي حجزه صديقي لي كهدية زواجي
شفت سارة مع هذي اللي اسمها سامية اللي قالت لي:" مبروك ما اوصيك بسارة يا فهد"
يوووه كسرت خاطري قلت لها الجملة المعتادة:" بعيوني يا عمة"
طلعت من هنا وانا اروح ارمي البشت وادخل عليها قلت لها:" اسمعيني غيري ملابسك وكولي انا طااااااااااالع............مفهموم واذا احد درى اني طالع الليلة يا ويلك "
قربت من عندها وضربتها على خدها بشويش مهما يكون هي جميلة بس حرام صارت هي الطعم اللي انتقم منه لابوي
ما غيرت ملابسي طلعت وانا لابس نظارة شمسية وتلثمت بالشماغ
ســـــــــــــــــــــــارة
يمة يمة يمة يخووووووووف ليش يعاملني كذا بعدين ليه طلع وخلاني
يالله مو مشكلة .............. تروشت و لبست البجامة البيضاء الحريريه ونمت
ثاني يوم
قعدت من النوم غسلت وجهي ورحت للمطبخ التحضيري احب اشرب عصير اول ما اقعد ........... رحت وقعدت على الكنبه قدام التلفزيون
يوووه يا غبائي نسيت فهد ما ادري وينه واضح انه ما رجع البارحة اتنهدت ............ والا اسم الله هذا هو داخل معاه اكياس
بلعت ريقي ما عمري طلعت قدام جدي بالبجامة وهذا قاعد يقز مع وجهه
قال لي:" اسمعيني انتي اذا احد سألك اني دخلت عليك والا لأ تقولين له اني دخلت ووووووو بعد بعد اياني واياك تقولين لأحد اني نمت برى البارحة .......(صرخ )....فااااهمة يالخرساء"
هزيت راسي باية وانا اررتجف صراحة كسر بخاطري يوم قال يالخرساء بس مو انا اللي تبكي قدام هالادمي عديم الاحساس ظليت مدنقه راسي لاني متسحيه منه لا اكثر
بعــــــــــــــــــــــــــــــــــــد 6 شهور
مرررت الايااااااااااام بدون جديد يذكر فيها
عدا ان سامي ولد ماجدة الطيار ملك على بنت عمه ............وأحمد للحين رافض انه يتزوج ......... وسارة مع فهد ما تشوفه الا الصبح لا قامت لصلاة الفجر يكون راجع وحالته لله
واحيانا ما يرجع ينام برى البيت
ســـــــــــــــــــــــــــــارة
وناسة وناسة جدي وامي بيجون اليوم دخلت المطبخ تبع شقتي وعجنت عشان اسوي بتزا امي تحبها وقلت بعد باسوي مطازيز لجدي طلعت الكرتونه الجاهزة
وجلست على طاولة الطعام اقطع طماط وبصل ولوازم الطبخ وحطيت الكشنه ع النار وقعدت اطبخ بعدها بشوي سمعت فتحت باب غرررررررريبة وش جاب هالعلة الحين بالعادة يجي الفجر والحين الساعة 6 المغرب الظاهر هالبلا اثر على مخه
فهــــــــــــــــــــــــــد
كنت مع خوياي قاعد اسوي لحالي مزززاج اشم من هنا واشرب من هنا جاني بندر وهو يهتز و يضحك مثلي ع الفاضي والمليان
وقال " اقووول هههههههه" رديت :" "قل يا امي قول هههههههههههه"
"انت وراك ههههههههههه عندك مرة بالبيت هههههههه وقاعد هنا ليه ما تروح تضبط عمرك(وغمز لي) بدال ما انت تبي تروح للبحرين"
"طيب طيب كمل هذا " عطيته قزازة الخمر اللي يسوية لنا البنقالي حقنا وطلعت عالبيت
فتحت الباب ودورت بعيوني علها الغبية وينها شميت ريحة طبخ والا هالغبية طالعة براسها ومفتحة عيونها للاخير
انا ما كنت ناوي أأذيها او حتى اقرب منها بس بندر الشيطان طاح ع الجرح قربت منها وانا ابتسم بخبث
ســـــــــــــــــارة
سويت الطماط وطليت براسي يييييمة شكلة يخوف قميصة مفتوح وبنطلونة مبهدل ع الاخير وعيونه تناظرني بطريقة تخوووووف
هالمنظر شفته غير هالمرة قمت اهز راسيحسيته راح يأذيني وهو يقرب مني ركضت لاقرب غرفة كانت فيها جلسة عربية اشوفه قرب مني ومسك بلوزتي وشدها تطايرت ازار البجامة
ومض فكري على طفلة يصير لها نفس الشي ابعدته بكل قوتي
لا لا حرام عليك دفيته بقوة وانا ما فيني حيل من الخوف وهو من الخمر ما فية حيل لحقني ولفني لجهته بقوة وضربني كف وبعده واحد ثاني وصار يضرب ويقول:"ليش تدفيني يا بنت الكلب "
فهــــــــــــــــد
اخخخ بردت حرتي فيها سطرتها تسطير بس ما دري هالعلة شصار عليها الظاهر ماتت يوووووووووه خليني اهج احسن لي
طلعت اركض ودقيت سيارتي سلف ومشيت بسررررررعة وصلت لجماعتي ونسيت سارة واللي خلفوها
ســـــــــــــــــــامية
وصلنا العمارة اللي ساكنة فيها سارة بس في دخان طالع من واحد من الشبابيك ........قلبي انقبض :" ابراهيم تشوف اللي انا اشوفة بسرعة وقف "
رد:" يا بنت الحلال اذكري الله لا تفاولين عليها"
وقف ابراهيم ما استنيت نزلت من السيارة ودقيت على المصعد ما فتح رحت ركض للدرج فقدت بنت ماني مستعدة افقد الثانية وصلت للدور الثاني اللي ساكنة فية سارة
دقيت الباب والريحة هنا من عند هالباب انجنيت طلع لي ابراهيم من المصعد وقال لي بعصبية :" ابفهم متى تعقلين انتي"
"ابراهيم والله بنتي فيها شي تكفى اكسر الباب صار لها ساعة ما فتحت لي الباب تكفى"
" انتي انهبلتي " صار يدق الجرس والباب ولا احد يرد
قمت اصارخ:" وش تستنى تبغاها تموت اكسر الباب "
" ما اقدر ما فيني حيل شفيك"
لفيت على باب جيرانهم اللي انفتح هم بعد حديثي الزواج فتح الباب رجال وجهه موغريب علي مستغرب من الدق والصراخ
قلت له:" الله يخليك يا وليدي بنتي لحالها بالشقة وفي دخان الله يخليك اكسر الباب "
"لا تخافين يا خالة لا تخافين ....."
راح جهة الباب وحاول فية لين فتح ........دخلنا دورتها بالمطبخ الظاهر كانت تطبخ لان القلاية مفحمة ع الاخير طفيت النار
ورجعت ادورها بشقتها دورتها بالغرفة اللي جنبها وابراهيم كالعادة لازم يقعد شويات عشان يستوعب
شهقت بقوة وقمت اناديها :"ســـــــــــــــارة ...........ابراهيم الحق علي "
دخل ابراهيم "يا ويلي عليك يا بنتي ........روحي جيبي عباتها روحي "
ابراهيـــــــــــــــــــــــــم
صرخت على اختي ورحت استر على بنتي قميصها مقطوع ومغمى عليها واضح انها مضرررروبة لين طالبة العفو وانا اضمها والله ما اسامحه لا صار فيك شي والله ماعاد اقدر اشوف من دموعي واختي اردى من حالتي
لفينا سارة بعباتها ورمينا الغطوة على وجهها وشلتها ما ادري منين جاتني هالقوة بعد هي خفيفة مرة طلعنا من الشقة لقينا اللي كسر الباب قال :" اوصلكم المستشفى يا عم"
"اي والله تسوي فينا خير يا ولدي"
فتح المصعد
وانا لام سارة علي
والله لاوريك فية والله لاوريك فية من يحسب نفسة هذا ولد عمك يسوي فيك اللي يبي ااااااه يا ربى ما حفظت وردتك ما حفظتها
وحنا بالسيارة ولان الطريق نوعا ما طويل هديت شوي ولفيت على اختي لقيتها تقرا على سارة وتشاهق
ولفيت على الرجال وعرفته:" انت مو ولد محمد "
رد علي :" الا انا سامي "
"لا تواخذنا يا ولدي فقدنا امها ما ودنا نفقدها "
سامي :" الله يقومها بالسلامة يا عم ارتاح ارتاح"
اااااااااااااااااه يا سامي ويني ووين الراحة
وصلنا المستشفى وراح سامي ركض وجاب لنا ممرضتين وسرير شلت سارة وحطيتها علية
دخلنا معاها .............دخلوها غرفة الكشف شوي وطلع الدكتور مبتسم:" لا تخافون يا جماعة الحمد لله بنتكم ما فيها شي شوي
بس وترجع زي الفل بس ياريت تتفضلون عندي للمكتب"
دخلت وراه لحالي لان سامية تبي تظل مع سارة وقريبة منها
"خير دكتور في شي"
الدكتور :" لا ابد بسسس يعني البنت جسمها ماكل ضرب لين طالب العفو مين اللي ضربها"
"اكيد زوجها الحقير ياريت يا دكتور تفتح محضر بالسالفة لاني ما حتنازل عن حق بنتي"
الدكتور :" طيب طيب معليش بطاقتك المدنية واسمها الكامل واسم زوجها بعد"
"هذي بطاقتي..... اسمها سارة حامد ال... وزوجها فهد صالح ال... وانا جدها لامها ...........عن اذنك يا دكتور بشوف بنتي "
"تفضل ........لا حول ولا قوة الا بالله عيال عم بعد"
عند سارة
دخلت على بنتي ملبسينها لبس المستشفى ومغطينها كويس وعندها اختي ماسكة يدها وقفت عند راسها ودنقت عليها وقلت:"سارة يبة قومي فتحي عيونك عشاني ...كذا
تخوفينا عليك " مسكت يدها وانا اتكلم بس ما ردت علي
جت ممرضة تقول لازم نطلع عشانه مو وقت زيارة رحت وبالوسايط خليت اختي ترافق معها
مرن كم يوم وسارة للحين ما فتحت والدكتور يقول عادي لانهم يعطونها مهدئات عشان االضرب اللي فيها
كل يوم ام سامي تجي تزورها والحقير فهد مو مبين
اليوم الاثنين اول وقت الزيارة يعني تقريبا ع الظهر
اقبلت ماجدة ومعها بناتها التوم وبنتها الكبيره بعد ما رمت السلام قالت لاختي "روحي للبيت خذي لك دش وغيري ملابسك وجيبي لها ملابس وتعالي "
قمت سألتها "من جابك "
ردت بحياء لان ما عمري كلمتها مباشرة كذا على الرغم من انها صديقة ربى من زمااااااان:" أحمد يا عم تبي منه حاجة قاعد يستنني تحت تبيه"
وجهت الكلام لأختي :" روحي معاه وخذي سميت بنتي معاك ما فيني حيل ع السواقة.... "
يا حليلها البنت راحت عند اختي ومسكت يدها .......اختي تنهدت ولبست عباتها وطلعت وهي تتلفت على سارة
حتى انا طلعت من الغرفة احس اني منخنق ااااه ياربى اااه احس اني انا السبب في الللي يصير لبنتك تعوذت من الشيطان وقعدت اقرأ سورة البقرة بصدري ونيتي عسى الله يشفي بنتي ويقومها بالسلامة
مـــــــــــــــــــــــــاجدة
"اوف منك يا ماما انقلعي اجلسي هناك ولا كلمة سامعة يالله روحي عند اختك"
رحت جلست على كرسي سامية ومسكت يد الغالية بنت الغالية وبستها وقعدت اسولف لها عن امها وصداقتنا
"............... سارة ادري انك تسمعيني انتي قوية يا سارة مثل ربى فيك اشوف صديقة عمري قدامي ....تدرين ان الفرق بينك وبين امك ان امك طالعة لابوها بالشكل وانتي طالعة لامها
ربى كانت مثال الصداقة الحقيقية بالنسبة لي كانت روحي ........امك يا سارة..."
سكت سارة شدت على يدي ..........."سارة تسمعيني "
لا ماني مصدقة ....... اكيد اتوهم .....رجعت ناديتها " سارونة تسمعيني"
"ما ما ..ماما"
قمت ابكي وطلعت من الغرفة زي المجنونة وسحبت عمي ابراهيم من يده وما ني قادرة استوعب اللي صار
دخلته الغرفة
قلت " اسمع يا عم ناداها تكفى نادها"
قرب منها وباسها على جبينها ومسك يدها وقال :" يا بعد روح جدك... سارة سارة"
رفع راسة وهزه بلا يارب انت الشاهد علي سمعتها تقول ما ما فتحت عيونها لما جدها مشى وصار معطيها ظهره ويبي يترك يدها
انا بلمت وهي شدت على يده "جــــــــــدي "
بكيت وبكى عمي وهو يلف عليها بشويش وعيونه مغرقة للاخير :" يا عيون جدك قلبه وووو"صار يبكي بصوت وهو لامها دخلت سامية واستانست تحسبها بس انها فتحت
كان ودي اقولها بس عجزت وقفت ربى جنبي وهي متأثرة لاني شفتها تمسح دموعها اما سامية
ركضت عليها ومسكت يدها وهي تشوف اخوها يبوس سارة على خدودها ويناظر فيها ويرجع يلمها
ســـــــــــــــــــــــــامية
شفت اخوي لام على سارة قلت اكييييد قعدت بعد قلبي ركضت مسكت يدها وانا اشوف اخوي يبوس فيها ويلمها
ابعد عنها وكان بيقول شي بس صار يبكي اكثر
" يمة "
يا ويلي احس بيغمى علي سارة قالت يعني قالت يعني تتكلم يعني تنطق بلمت فيها وابعدت وانا مطيره عيوني ولفيت وطحت على الارض وسجدت لله شكر
نادتني اكثر " يمة ,,,وصارت تبكي ،،،يمة " قمت ولميتها وبكينا كلنا حتى رنا ورسيل اللي ما يدرون شالسالفه بكو
بعد يومين
اليوم بنطلع سارة من المستشفى طول ما حنا مع بعض لحالنا وانا اخليها تتكلم باي شي اهم شي اسمع صوتها آخرشي صرت اسألها شسمك
بعد قلبي ضحكتها تجنن وسواليفها ياربي تحميها لي يارب
طلعنا وركبنا بسيارة ابراهيم من ورى لان اللي جابنا أحمد ولد ماجدة لان اخوي الحبيب عجز صار ما يقدر يسوق
ســــــــــــــــــــــــــارة
يوه فشله اللي يسوق ولد خالة ماجدة اظن اسمه احمد ركبنا بسيارة جدي وانا صرت ورى السواق ياربي احس وجهي ولللع من الحياء
بس هو شيدرية من اللي راكب وراه انا والا امي لان ثنينتنا ضعيفات
رفعت راسي وعدلت غطاء نقابي وطاحت عيني بعينه بالمراية الامامية ظليت اناظر مادري كم صار لي وهو بعد مبلم لين دخل جدي وقال له:" أحمد يابوك تراني جيت من زمان "
رد علية مرتبك:" ها ".................قال له جدي:" اقول شفيك ما تمشي"
حرك السيارة بدون ما يرد .........ياربي فشيلة الحين شيقول عني الرجال نزلت راسي لين ما وصلنا
نزلت من السيارة وظليت واقفة استنى امي وجدي بس ماادري شخلاني التفت لسيارة الرجال وهو بعد ما راح جدي لف جهتنا
طاحت عيني بعينه وابتسم
وي وي يا فشيلتي بلعت ريقي ولفيت بهدوء عشان ما الفت الانتباه
ودخلنا البيت نزلنا عبايتنا عند الباب وعطيناهم الشغالة وطبعا انا على مرجيحتي على طوووول
أحمـــــــــــــــــــــــــــد
آآآآآآآه يا قلبي عيونها ما شاء الله كبار وعسليات بقوة تهبل الله لا يوفقه هالمتوحش تقول امي ضاربها ضرب الله يكسر يده وينتقم منه
قاهرني اخذ هالدرة وكذا يسوي فيها تنهدت وقررت اذا طلقوها باعتد معاها واخطبها ابوي كان رافض لانها ما تتكلم بس الحين يقولون رجع لها نطقها
دخلت البيت ادندن على افكاري شفت اختي ربى تلعب بالسوني جلست اتفرج عليها لفت علي قالت :" بسم الله منين طلعت "
" من بطن امي "
ردت :" ها ها ها ما تضحك " بعدها نقزت برجاجتها المعهوده وقالت وهي تمد يدها :" هات البشارة"
" لا والله اول قولي وش الخبر اذا زين تبشرين "
ربى:" الا زين وحيل زين بعد بس شرط تشتري لي جوال جديد"
" قولي واذا تستاهل السالفه يجيك زي جوالي بعد 82 شرايك"
ربى قامت تفرك ايدينها ببعض وقالت :" مرت سامي حـــــــــامل"
"وناااااسة تكذبين "
ربى :" والله والله والله "
قمت بستها ورحت لامي بالمطبخ :" يمة صدق هدى حامل "
ردت امي بابتسامة :" توك تدري اي هدى حامل "
"وناسة يمة يعني باصير عم فلللللللله " وصرت اناقز مثل البزران انا والهبلة اختي اللي هبلتني معها
امي:" ههههههههه الله يهديك وافرح بك بعد"
" ان شاء الله يمة قريب ان شاء الله"
ابراهيــــــــــــــــــــــــــــــــم
دورت الغاليه لقيتها بالحديقه على مرجيحتها واختي على الارض تتقهوى وتسولف معها سلمت وجلست جنب اختي وابتسمت لها
سارة :" جددددي حبيبي باطلب طلب " قالتها بدلع
"اطلبي يا روح جدك " نزلت وقعدت جنبي ومسكت يدي وقالت بترجي "طلبتك ابيك تقول لي ليش انخرست كل هالمده"
نزلت راسي وانا اتذكر يوم ما ماتت بنتي بين ايدي نسينا سارة بالبيت ولما اتذكرتها كانت الساعة 9 وشوي طلعت من بيتي ومشيت
لين وصلت قصرهم لقيت الباب مفتوح استغربت بس دخلت وشفت هندي بزاوية الحديقة قلت يمكن يبي يسرق بس لا سمعت صوت
وشهقات وشفت سارة تتحرك بين ايديه وهي تحاول تفك نفسها من قبضته اخذت الصحن اللي على الطاوله فخاري به بقايا رز ابيض وكسرته على راس الهندي وانصرع
وشفت سارة الصغيرة اللي ركضت لي رغم انها تخاف مني ضميتها ودقيت على الشرطه وازعجت الشغالة لييين قامت واخذتها للبيت
وقفلت بيت بنتي رحنا انا وسارة للبيت نزلتها من حضني وشفت قميصها مقطع ازاريره
حمدت ربي اني لحقت عليها ومنها ما عاد طلع صوتها ولا عادت تتكلم وزادت حالتها لما قلنا لها ان امها وابوها مسافرين بعيد صاحت بقوة وهذا اللي زاد حالتها سوء
"يا هووووو جدي ليش ما ترد علي"
ابتسمت وقلت لها السالفة انحرجت بس ابتسمت وضمتني
وقالت :" جدي انا شفت حالي وانا صغيره لما جاء فهد وضربني وكنت ابي اتأكد اذا صار لي شي اولأ"
ابتسمت بخجل
يوه ماهي راكبه معاي سامية لمحت لي انه دخل عليها يعني أكيد كانت حتتأكد من اول يوم ...... ناظرتها بشك بس ما اقدر اسألها
سامية كمستمعه حسيتها فهمت علي وقالت كأنها تقرى افكاري:" اشوى انك ما حملتي منه هالكلب "
ردت سارة باريحية :" شلون احمل وهو ما لمسني "
لفت علي وما شفنا غير غبرتها ضحكنا عليها وقلت لاختي :" اليوم الصبح رفعت قضية خلع"
سامية :" ما يستاهلها يا اخوي قلنا ولد عمها بيحفظها بس شوف وش سوى "
تنهدت وانا اتذكر ابوه اللي جاء وتعذر عن ولده وقال انه بيدوره وبيخليه يطلق سارة
وسارة بعد قلبي سلمت على عمها وقالت له انه عمها وبيضل عمها حتى لو طلقها هالخسيس
:
:
:
:
تطلقت سارة وفهد لقوه بالبحرين وانسجن وخسر وظيفتة ولما اكتشفو انه مدمن حطوه مستشفى الامل
بعد ثلاث شهور
أحمــــــــــــــــــــــــــــــــد
" يبة ابي اقول لك شي"
ابوي:" سم يا وليدي عساك نويت تعرس"
ضحكت وقلت لابوي :" شدراك"
اسانس ابوي وقال :" ها بشر من تبي "
قلت لابوي :" يبة قبل كل شي امي ما تدري من ابي وثاني شي اذا ما تزوجت هالبنت الحين ماراح اتزوج غيرها "
رد لبوي بهدوء :" تبي بنت حامد"
قلت بانفعال:" اظنك رافضها علشانها خرساء بس الحين البنت تتكلم وانا ربى اختي قالت لي انها انخرعت وهي صغيره وراح صوتها
يعني ما انولدت خرساء"
تنهد ابوي :" طيب حاسب حسابك صح انت واختك رح قل لامك تخطبها اول بعدين حنا نروح"
يااااااي طرت من الوناسة بست راس ابوي ويده وجيت باروح لامي سحبني ابوي لين صقع راسي براس ابوي وهمس:" بذمتك ما انت شايفها "
رديت بهمس :" يا ابوي قمر وربي قمر "