الفصل 2
الجزء الثاني
" سارة ............ سارة ............ يا بوك تعالي تعشي..................يا سامية وينك فيه ..... اووووه مالي الا هالبلشه .............. يا هيرايتي هيرايتي "
الشغالة :" نئم بابا "
" روحي نادي سارة وسامية"
الشغالة :" ان ساء الله بابا....................(فوق)....ماما بابا يبي انتي ... (الباب الثاني ).مامـ.."
" خلاص قولي له جايين "
تك تك تك
" ما تبين تفتحين ......... طيب خلاص انا زعلانه عليك يالدبه مابكلمك.....__ تخير لك صديق بين هالناس ..__ هلا والله هلا جودي ...اوو علوش خيانة ما ارضى لييش متجتمعين من غيري ...اه...اممم... ايوة .... اها...ان شاااء الله كم ام عبدالرحمن
عندنا هي وحدة وماذيتنا ......... اووو والله امزح ....هههههههههه ان شاء الله يوصل ما تقصرين بس وينها راعية الجوال ...هلا هلا وعليكم السلام وشلونك وش اخبارك يالغالية ............هههههه الحمد لله يستحق الحمد ع كل حال .............
لا والله ليما الحين على حالها .... واللي يعافيك انتي بالذات لازم تصيرين جنبها هالوقت ........ مادري بس احس فيها شي متغير ............ حرام عليك ...........ان شاء الله يوصل مع السلامة هلا بك بوسي لي ربى ههههه مع السلامة"
ســــــــــــــــــــــــــــــامية
نزلت عند اخوي الغالي وسلمت على راسة ورميت السلام
"وعيكم السلاااااام ورحمة الله وبركاتة الحين انتي مع وجهك كم مرة قلت لك لا تحبيني ع راسي بعدين احس اني شايب"
رديت:" تكفى يالشباب انتبه على عمرك (مديت لساني )"
"بزر بتظلين طول عمرك بزر اللي يشوفك ما يقول صكيتي الخمسين وفوقها "
"اسم الله علي منك يالشايب "
"وين سارة "
" كالعادة ماتبي عشاء وتعبر بتقفيل الباب
تظل ايامي تصبغ خوفي باخفاء حروفي
لنطقي دلائل و عبارات تخافها المسافات
ســـــــــــــــــــــــــــــارة
<<آآآآآآآآآآآه يمة شوفي وش سوت فيني الدنيا >>
نزلت من عزلتي ووقفت قدام الاكل جدي حبيبي وعمتي ياكلون اشرت لهم اني باطلع اتمشى بالحديقة
جدي:" يبة كلي لك لقمة حرام عليك لا تعذبيني اكثر من عذابي يابنيتي عشان خاطري"
جلست عشانه جنبه بينه وبين عمتي ومديت يدي واكلت لي لقمتين عسل بدون قشطة ..... طبعا عمتي بدات تشتغل تسوي كل شوي لقمة
شكل وانا ابتسم واكل شسوي ياربي مدللله ضحك جدي علي وعمتي مو يمنا مشغولة من قلب اشرت لها خلاص فمي مليان وتعطيني
اخرشي غصيت وقمت اكحكح عطوني كل السوايل اللي على السفرة شربت عصير وشاي ومي
اخذت نفس وضحكت لين قلت يالله السلامة وطبعا هم شوي بس وصاروا يضحكون معاي قمت انفض التنورة السودا الطويلة وبلوزتي الوردية المحببة لقلبي عن فتافيت
الخبز العالقة وتنهدت و طلعت الحديقة العب بالمرجوحة الكبيرة اللي شراها لي جدي لا جلست عليها تقول كنبة مريحة وتهتز بهدوء
وهاذي عادتي بعد صلاة العصر واحيانا بعد صلاة العشاء
داخل البيت
" السلام عليكم .......... ايوة مهندس احمد ........... لا شدعوى عاد ............. والله مافيني حيل ياولدي ع قومة الصبح والسواقة وانت تعرف ما عندنا سواق
......ههههههههه الله يعطيك العافية ............. خلاص ان شاء الله استناك بعد العصر ان شاء الله ..........سلام "
"من ذا"
"اف مو بس بزر بعد حشرية ههههههههه (كشرت سامية)........خلاص يا بنت الحلال هذا احمد ولد محمد يبي يجيب لي اوراق للشركة باكر ان شاء الله"
"اها .........يالله بروح اشوف سارة .."
"الله معاك انا بروح انام "
سامية
طلعت لقيت سارة مثل العروسة متعلقة بحبال المرجيحة ملامحها تذكرني بالغالية سارة وكأنها نسخة طبق الاصل منها العيون الكبيرة باللون العسلي الفاتح
ودرجة البياض ببشرتها وختم فمها المكتنز الوردي و حجم انفها الصغنون المدبب حتى نعومة شعرها ولونه الكستنائي بس سبحان الله الزين ما يكمل
قربت منها وانا ابتسم لها بحنية قلت لها :" مرتاحة قلبي " هزت راسها بالايجاب
" وش رايك نروح بكرة نقص لك قصة حلوة " اشرت بيدها الناعمة على فوق " ان شاء الله يعني موافقة بس شرط تقصين فراولة او اناناس"
رجعت اشرت فوق وهي تبتسم ترجمت اشارتها بصوت مسموع " ان شاء الله "
اليوم الثاني الساعة 1 ونص ظهرا
"يالله يا سوسو ما صارت "
نزلت سارة بهدوء ولا كن وراها مشغل وزحمة خاصة ان الناس باجازة وابتسمت ابتسامة نستني عجلتي
طلعنا من البيت وركبنا السيارة تذكرت اني ما عطيت اخوي خبر قلت:" سوسو باروح اقول لابراهيم اننا بنطلع ..(لفيت باطلع ...بس سارة مسكتني بقوة ...لفيت عليها.. شفتها تاشر براسها على سواق التاكسي ..) طيب قلبي ننزل انا وانتي...صديق لا يروح الحين يجي...(فتحت الباب بس سارة رفعت شنطتي بوجهي)
...................اووووووووو تصدقين نسيت ان عندي جوال ........... خلاص صديق روح مشغل ال.....(دقيت على >عزوتي< )... وعليكم السلام اسمع ترانا رايحين المشغل .... ها ..لا لا معاي .... ايوة ساعة بالكثير ان شاء الله .........ههههه ان شاء الله مع السلامة"
" سوسو جدك يسلم عليك ويقول باشتاق لك " هزت راسها بالا يجاب
الله يكون بعونك يا سارة
ســـــــــــــــــــــــارة
يارب مشتاقة لعمتي حصة يا رب تجي هالوقت صار لها اكثر من 7 شهور ما جت الرياض
لفيت على عمة امي الغالية ولقيتها منتبهه للطريق بقوة جاتني الضحكة
وقفت السيارة ونزلنا يالله زحمة المشغل مررررره الناس عطلة والعروس قايمة بينهم على قدم وساق
اخخخخخخخخخخ صقعتني حاجة لالا بشر نزلت راسي لقيت لولو بنت عمتي الوحيدة الصغيرة وعمتي برضو وحيدة لميتها وبوستها
لفيت على عمتي لقيت عمتي حصة معها وااااااو يا فرحتي لميتها وبست يدها وراسها هذي من ريحة الغالي يا ناس ضميتها بقوة
وانا اسمعها تقول" يا بعد روح عمتك وشلونك يالغالية " حطيت يدي على صدري ااشر لها الحمد لله وبعدها سويت اشارة دموع ليش ما زارتني وهي هنا بالرياض
قالت:" يابعدي يا سارة والله ارسلت رسالة لسامية وقلت لها اننا عندنا عرس ولد خالة زوجي بعد يومين بس طلعت غلطانة بالتاريخ امس وصلنا واليوم العرس تصدقين توي ادري"
ابتسمت لها
" سارة تعالي "
اشرت بيدي مع السلامة وردت علي عمتي بمثلها
دخلت على الكوافيرة رانيا اللي عرفتنا لاننا زباين دايمين عندها
"يا مية اهلا وسهلا بسامية وسارة ..... اهلين والله "
"هلا فيك رانيا ابغاك تظبطين سوسو بقصة حلوة على ذوقك بس ها تكون <مودرن> "
"اكيد ولووو تكرم عينك وعينها .... شو رايك نقص اله الفراوله حاسستها راح تلبئ لوجها"
"تمام قصيها على بركة الله"
قصت لي قصة الفراولة واسشورت شعري ياي طلع شكل القصة جناااااااااااااان انا عن نفسي استانست
عمتي لمتني وقالت :" قمر وربي قمر يا سوسو عقبال ما افرح فيك يا رب "
كلمتها هزتني معقولة في احد يرضى ياخذني وانا ما اتكلم آآآآآآآآآآآآآه كل شي بالدنيا جايز
وصلنا البيت بنفس التاكسي اللي ودانا لان عمتي عطته فلوس زيادة عشان يستنى نزلنا ودخلنا رحت اركض ادور جدي بالبيت لقيته نايم بغررفة القعدة
يالله انكسر خاطري بس قلت الا انغص علية قمت اخذت منديل ومسكته وقمت احطه بخشمة مرة وباذنه مرة وهو يتحرك بانزعاج آخر شي فتح عيونه
" هذا انتي الله يهديك يا سارة كذا تسوين فيني "
وقفت ولفيت حول نفسي وطار شعري حولي ووقفت وابتسمت
" ع البركة القصة الجديدة ما شاء الله تجنن عليك عقبال ما افرح فيك يا روح جدك"
ابتسمت زاشرت بيدي صلاة قال :" يالله قايم اساسا انا مستني ضيف"
رحت صليت ودعيت ان الله يفرجها علي من عنده
بمكان ثاني
" قلت لكم مابي اتزوج "
"قلنا لك بتتزوج يعني بتتزوج بنت عمك جاهزة وما اظنهم بيرفضونك انت اولى بها فاهم انتهى النقاش"
" اوووه عاد انتو كل شي عندكم بالغصب تراكم طفشتوني "
طلع وصفق الباب وراه
ســـــــــــــــــــــــــارة
قعدت على المرجيحة وسرحت بعالم ثاني بصوتي بامي بابوي بحالتي
ســــــــــــــــــــــامية
"الووو ............ هلا والله هلا وغلا .......... من جدك .......ههههههه احلى حلا لاحلى ام سامي بعد شتبين .............مع السلامة "
خليني اقول لسارة والا خليها مفاجئة احلى الحين باروح اسوي حلا سريع وكيكة
:
:
:
:
:
:
:
:
:
" يمة ........... بتظلين عندهم والا تردين معاي "
" لا يمة باروح معاك بس اتقهوى معهم واسلم عليهم وب ارد معاك ان شاء الله "
"خلاص يمة بس احتمال اشغالنا تطول شوي .. "
" يعني متى توقع انك خالص"
"امممم ........ يمكن ع المغرب كذا "
"خلاص اذا طولت بادق على رائد يردني "
"خلاص "
يا ريحة الغالين ماغبتي عن انفاسي
يا اول الاحباب واخرهم و اغلاهم
مــــــــــــــــــــــــــــــــــاجدة
دخلت بيت صديقة عمري اللي انولدت فية وتعذبت فية وماتت فية
تعديت الحديقة الصغيرة المزروعة بانواع الورود من جهت باب النساء ودخلت وشفت عمة سامية واقفة تبخر البيت
"السلام عليكم"
لفت علي وهرولت يمي ولمتني :" وعليكم السلام هلا والله بريحة الغالين "
" هلا فيك زود"
جلسنا قالت لي :" ها ان شاء الله راح نشوفك دام ولدك اشتغل مع اخوي"
"ههههههههه ان شاء الله بس وينها سارونة ماني شايفتها "
ردت:" بمرجيحتها ........... قلت باسوي لها مفاجعه اقصد مفاجئة بشوفتك "
"الله يسامحك انا مفاجعة ع العموم ناديها ترى وراي بزران واخاف ما اقدر اطول باشبع ناظري فيها "
" ان شاء الله............. تبشرين يام سامي"
:
:
:
:
:
:
دخلت البيت بعد ما شفت امي دخلت خلاص نزلت ورتبت شماغي وخذيت الاوارق بيدي ودخلت البيت من الباب الكبير المفتوح دايم
هبت ريح خفيفة طيرت شماغي وطاح مني ملف وانا بنص الطريق لباب البيت الداخلي العن ام البهدلة نزلت اخذت الملف ورفعت راسي وفتحت حلقي
ملاك مو بشر متعلقة بحبال المرجيحة وتهتز بهدوء ورايحة بعالم غيرالعالم تنحت فيها بس بعدين طلعت وحدة واضح انها الشغالة وقفت قدامها وانا اتعوذت من ابليس
وكملت طريقي ودقيت الباب ودخلت
"هلاااااا والله هلا بولدي هلا "
"هلا بك زود ياعمي "
"اقلط حياك الله"
دخلت وانا مدلللخ من اللي شفته
غطسنا انا والعم ابراهيم بالاوراق ما بين توقيعات ومناقشات وسواليف جانبية ................. لين اذن المغرب ودقت امي ماجدة ورديت :" هلا يمة .......... ههههههههه قايل لك خوذيهم معك بس عييتي
خلاص الحين ادق على رائد يجيب رنا و رسيل واخليه يعطي ربى خبر ............ يوه يمة عاد خلاص خلاص صار ...ان شاااااااء الله تامرين امر مع السلامة"
رجع عم ابراهيم من دورة المياة يمسح وجهه السمح عن آثار مي الوضوء قلت له :" اسمح لي ياعم باكلم اخوي"
رد علي :" خذ راحتك بس لا تطول علشان تلحق الاقامة المسجد قبال البيت اظنك شفته"
رديت:" ان شاء الله ما بطول ."طلع للمسجد..........(دقيت على رائد.....بعد رنتين)......".الو السلام عليكم .....اقول امي تقول لك خذ البنات ودهم لخالتي مشاعل ...........لا اهل البيت حلفو عليها بالعشا
.....هههههههههههه الله يقطع ابليسك اكيد قالت لابوي ...........يالله سلام قامت الصلاة لا تنسى سلاااااااااام"
طلعت ووقفت بنفس المكان اللي احتست فية نويت الف على المرجيحة بس تعوذت من الشيطان وكملت طريقي......... دخلت المسجد وصليت مع الجماعة
دخلو وراي ثنين ماحد شباب مبين انه داخل بالغصب او هو زعلان والثاني شكلة مو مريح ابد مع انة شكلة مطوع
ابراهــــــــــــــــــــــــــــــيم
سلم الامام وقمت اتسنن وبعدها لفيت لقيت احمد واقف وراي بس على زاوية يعني لفيت وجههي يمين وشفته قبالي سلم وابتسم لي وش كثر ارتاح لهالادمي
بس لحظة لحظة هذا مو عم سارة وولده قام وتقدم لي "السلام يا عم ماعرفتني انا ابو فهد وهذا ولدي فهد".....سلم علي ورديت:" الا والله عرفتك حمد الله ع السلامة متى الوصول"
" تونا والله يا عم .........(ناظر لولدة وقال له:" سلم على جدك يا ولد".........."
تقدم الولد يا حليلة شكلة مستحي انه هو الوحيد اللي لابس بدلة "هلا والله تفضلوا حياكم بس معاي ضيف......احمد هذا ابو فهد ولد صديقي ابو حامد الله يرحمه اظنك عرفته "
هز راسة وتقدم وسلم"هلا والله شخبارك ياعم وحمد الله ع السلامة "...........وبعدها سلم على فهد بالمصافحة بس حسيتهم مهم هاضمين بعض
قلطتهم ودقيت على البيت عشان يحسبون حسابهم على العشاء ............اول ما دخلنا الديوانية راح احمد بهدوء ورتب الورق وقال :"يا عم ابراهيم ........ ان شاء الله نكمل بكرة "
رديت:" لا وين ما بقى غير واحد حرام عليك ........... انا بروح اشوفه وراجع " اخذت الملفات واستأذنت " عن اذنكم يا جماعة ثواني وراجع
أحمـــــــــــــــــــــــــــــــــــــد
ياربي ما ارتحت لهالفهد احسه ماكل حلالي كلمني ابوه وقال :" اقول مو انت ولد محمد سامي.."
"الا انا ولده....... انت تعرف ابوي"............رد:" اكيد اعرفه كان زميل اخوي حامد الله يرحمه بالمدرسة "
" الله يرحمه.........(تنهدت بضيق )" وبعدها جاء العم ابراهيم
وصرنا نسولف بكل شي وانا ادعي ربي ان العشاء ما يطول والا امي تدق علي يصير اي شي يطلعني من هالجو
مــــــــــــــــــــــــاجدة
دخلنا غرفة سارونة ياربي هالبنت نعومتها بكل شي غرفتها لونها سماوي فاتح بوردي طالع شكلها جنان لميتها لي اكثر لاني ماسكتها من كتفها ومقربتها لي
قطعت علينا الهدوء العمة:" اقول وش رايكن تقعدن هنا وانا بسوي قهوة المارس سوسو تحبها "
نطت سارة وهزت راسها بقوة وهي مبتسمة قالت العمة:" ابشري كم سوسو عندي انا ......." وطلعت
خذتني سارة لمكتبها وبعدت اللاب توب الوردي وطلعت دفتر علية تغليف ابيض وفتحت بطريقة عشوائية
وطلعت قلم ازرق من الدرج الثاني وانا مدلخه ما ادري شتبي
كتبت ما شاء الله خطها يجنن
= خالة انا كنت اتكلم لما كنت صغيرة=
" ايوة حبيبتي كنتي تتكلمين "
=طيب ليش الحين ما يطلع صوتي =
"ما ادري بسسسسسس جدك يدري"
=طيب ماما كيف ماتت=
لا يا سارة لا تسألني تجددين جروحي
=خلاص ما تبين تقولين كيفم= وبوزت زي الاطفال
" الا باقول .....احم ....ارتفع عندها الضغط وهي حامل بالشهر الثامن"
=طيب وبابا=
"احم .........حادث سيارة .......بنفس اليوم "
=هم ماتو بشهر 8 صح=
ابتسمت وقلت لها فرحانة"حبيبتي امك وابوك ماتو قبل صلاة العصر صايمين "
= طيب كيف صايمين هو شهر 8 مو 9=
"بس كان يوم اثنين "
=اها="ليش ما سالتي عمتي............ سامية يعني"
=لانها بكت كثييييير =
" يا بعد قلبي يا سوسو........عندك نت"
هزت راسها باية
"طيب يالله وريني الاشياء اللي تشوفينها "
فتحت كذا منتدى وماهي مسجلة باي واحد سالتها ليش
=لان ....مادري امي قالت لي لا تدخلين بس اتفرجي احسن وصرت بس اقرى روايات وقصص قصيرة وادخل طريق الاسلام
ما غير احمل بالاناشيد=وابتسمت
شافتني بلمت وكتبت=شفيك خالة في شي غلط=
"م....مــ (بلعت ريقي )... من هي امك "
=ليش امي سامية ماتستاهل اقول لها يمة=
قمت من الكرسي اللي حطتة لي جنب الكرسي الدوار حقها ولميتها بقوة يابعد روح ماجدة يا سارة
"اووووووووو وش السالفة"
"هلا وغلا هلا بعمتي الغالية ..."
قامت سارة وسكرت الدفتر وركض عند سامية واخذت اكبر كوب وتربعت فوق الكنبة المنفردة جلسنا انا وسامية على الكنبة المزدوجة
صوت رسالة تلفت انا وسامية ع جوالاتنا لقيت الرسالة لي فتحتها من حبيب قلبي *يمة الله يخليك عجلي انا خلصت شغل*
استغربت بس دقيت عليه بسرعة رد بينما سارة وسامية ياشرون لبعض
"هلا يمة تمشي ...(لفت علي العمة وسارة مفتحين عيونهم للآخر)....يالله انا جاهزه....سلام"
"يالله يا جماعة استأذن "
"حرام عليك بدري"
"اي بدري الله يهديك الساعة الحين 8ونص وانا هنا من الساعة 3ونص تقريبا"
بوزت سارة بس انا رحت وبستها على جبينها وقلت" ان شاء الله الجايات اكثر وبعد باجيب لكم سميت امك ما تبين تشوفينها سارونة"
هزت راسها باية وابتسمت سلمت على سامية وحلفت عليها ما توصلني لاني اعرف طريقي
:
نزلت لقيت أحمد مشغل السيارة ......." السلام"
احمد :"هلا يمة وعليكم السلام .........عسى استانستي " قالها وهو يحرك السيارة
"الحمد لله يا ولدي استانست .........بس انت شفيك على آخرها قمت تحوس"
رد علي:" مادري يمة جاء واحد يقول يعرف ابوي سمعت عمي ابراهيم يقول له ابو فهد ومعاه ولده فهد ما ارتحت لهم"
قعدت افكر بصوت عالي :" ابو فهد ابو فهد ...........هو من اهل الرياض"
" لا على ما اظن من الخرج او حاجة زي كذا"
"اييييييي صح صح هذا اخو حامد"
"اي هو قال اخوه حامد ميت وكان صديق ابوي بالمدرسة"
" ايوة .اجل هو عم سارة "
قاطعني بشكل استغربت منه باندفاع شوي:" سارة بنته والا شتصير لعمي ابراهيم"
"لا سارة بنت بنته .......... بنت ربى اللي سميت اختك عليها "
"الله يرحمها"
"امين يا رب"
وصلنا البيت لقيت ربى توكل رسيل ورنا قاعدة تلعب سوبر ماريو بالسوني
"هلا يمة "
قلت وانا ابوس ببناتي التؤام رنا ورسيل :" هلافيك"
"السلام "
قالها احمد وهو داخل ردينا عليه وجلس جنب رنا يطفشها عشان يلعب مكانها
"يا ولد اترك اختك تلعب "
قال:" يوة يمة ماتفهم من دخلنا وهي كل شوي تخسر .......(يكلمها)......رنوووو حبيبي روحي جيبي لي مويه"
ردت علية بعصبية لانها مندمجة بالللعبة لاخر حد :" روووح اننننت جيييب لحالك"
قال لها :" عيب عليك انا اخوك الكبير"
ردت بذكاء الاطفال:" دامك كبير ليش تبي تلعب ان شاء الله اللعب للبزران (ومدت لسانها )"
دفها بشويش وهو يكلم نفسة:" مالت عليك يالدبة .........(رفع صوته)....انا بروح انتنت شوي واحتمال انام .....ربى يا قلبي ابي كاسة حليب معتبرة"
ردت ربى:" ابشر يا خوي "
وهي قايمة ناديتها :"ربى وين رائد"
"بغرفته ....(ناظرت لأحمد اللي واقف ينتظر اجابتها وابتسمت)......اظنه بعد هو الثاني ينتنت"
ضحك احمد وطلع فوق
جاء محمد من السهرة مرووووق قلت بنفسي فرصة اتكلم معاه
دخل الغرفة ودخلت وراه وانا اشيل شماغة وابتسم له وانا اسمعه يدندن
سميت بالله وقلت :" اقول ابو أحمد "
لف علي :" سمي يالغالية"
"احم احم ..............اممم ......ما ودك تفرح بأحمد"
رد:" الا والله اني ابيها شكلك لقيت العروس من هي"
قلت بفررررررررررحة :"وش رأيك بسارة بنت حامد"
لف علي وهو مطير عيونة :"نعم نعم ما سمعت عيدي وش قلتي"
"شفيك سارة بنت حامد .......... بنت ربى صديقتي الله يرحمها"
رد بعصبية :" داري انها بنت حامد وربى انتي ما تدرين هالبنت وش علتها .. (بدى صوته يرتفع).... والا عشانه مو ولد بطنك بترمينه هالرميه"
صدمني بلعت ريقي ....وبدى صوتي يتهدج من البكي:" انت تدري يا محمد انه اعز عندي من ولد بطني ........... بعدين هذا ولد اختي يعني بعد ولدي انا
.......وبعدين سارة ما انولدت خرساء .....اه هئ ااااا"
وبكيت قهرررررر منه ومن كلامه
"والله لاعاد اسمعك تسولفين هالسالفة ولا تحشين راسي ولدي بهالكلام .سااااااااااااااامعه"
"اتـ....ط...مم ..ن ..ما حتك....لم معاه بهالخصوص اب اب ابد"
"يكون احسن يا هانم"
طلع وصفق الباب وراه
:
:
:
:
:
:
:
أحمــــــــــــــــــــــــــــد
وانا مندمج بالنت بمنتدى السيارة ..........انشلع قلبي عند بن لادن على كثر خير ابوي ما يحبنا نتفشخر وااااجد
دخلت ربى اختي _ عمرها 17_ تبكي فزيت لها "خخخخييير شفيك شصاير "
"ابوي خانق امي وتركها وراح للمشب "
صراحة ارتحت يعني عادي ابوي عصبي وطبيعي بيعصب من سالفة ما عجبته سألت ربى وليتني ما سألت :"طيب ليش تهاوشو"
"بـــ.....بسببك"
طيرت عيوني يعني شلون بسبتي ..................طلعت من غرفتي اركض .دقيت باب غرفة امي وسمعتها تقول:" ربى شفيك ما تفهمين قلت ماني فاتحه انقلعي"
"يمة هذا انا".......................قعدت شويييات وفتحت لي .......قلت:" سلامات يمة تعبانه.."
امي:" ما فيني شي يمة بس ربى تحب تبالغ ...(وجهت الكلام لربى وبعصبية)...........وانتي كم مليون مرة وانا اقول لك لا تنتصتن اوريك يالعوبا"
ردت ربى بدفاع:" يمة انا ما تنصت بس انتو اصواتكم عالية"
تنهدت امي وانا قلت لربى:" ربى حبي جيبي لي ..."قاطعتني امي:" اقول تذلفي اخوك يبيني"
ردت ربى :" ان شاء الله يمة"
"يمة حرام عليك ما كان قصدها البنت ............ تسمحين ادخل اتكلم معاك شوي"
ردت :" تفضل " فسحت لي الطريق
دخلنا وجلسنا ع الكنبة المزدوجة قلت لها :"خير يالغالية ما تبين تقولين لي شفيك"
"صدقني ما في شي سوء تفاهم عادي بس ابوك صوته عالي شوي"
" خير ان شاء الله ليش تتهامسون ........... عندكم اسرار من وراي" قالها ابوي بعصبية
رديت بزعم اني بهديها قمت ولعتها :" شفيك يبة ام وولدها بينهم اسرار يعني اكيد تشاوره بالعروس" ياربي شصار ابوي صار وجهه احمر وقعد يصارخ حتى اني شفت اخواني كلهم عند الباب
" نعــــــــــــــــــــــــــــــــــــــــــم انا قايل لك تشيلين يدك من هالسالفة يا ماجدة والا بتظلين وراه لين تزوجينه الخرساء"
ردت امي وصوتها يتهدج:" انا ما قلت له شي و أحمد كبير وقادر يتخذ قرارة بس هد اعصابك اكيد ضغطك ارتفع"
رد ابوي:" يهمك ضغطي يا مدام .............. وانت شتنتظر انت واخوانك كل واحد على غرفته يالله"
رديت باكبر قدر من الهدوء عندي :" يبه انا ما ابي اتزوج واذا بغيت باحدد بنفسي يعني ريح عمرك انت وامي من همي وزواج قريب مابي وذا تبون زوجو سامي هذا هو موظف ويبي يتزوج اما انا لا تتعبون حالكم وتفكرون فيني قبل اربع خمس سنوات"
طلعت من الغرفة وعيوني مغرقة بس ما احب خواني يشوفوني ابكي ...........دخلت غرفتي وطقيت المفتاح وبداخلي اصرخ ,,,,,,,,,,,,امي تتهزأ بسبتي
لا وقدام اخواني بعد قهرررررر قهرررررر بكيت منه من القهر
سمعت رائد وربى قدام الباب يتكلمون .//اطق الباب .........لا خلية على راحتة شوي ونجي نغثة اوكيشن ///اوكيشن؟؟والصغار التوم مع الخيل يا شقراء //اوشيكن///
ابتسمت وسط دموعي ياحظكم يا رنا ورسيل اكبر همكن لعبة
بس لحظة اتذكرت من هي الخرساء اللي امي بتزوجني اياها.......... اوووووف الله يستر بس
:
:
:
:
:
ابراهيـــــــــــــــــــــــــــــــــم
من طلع أحمد وانا مو مرتاح للجلسة اتاريه هو اللي يجيب السوالف السنعة تنهدت الساعة الحين 9 لما ناظرت للساعة ناظر لها ابو فهد وقال:"احم احم اقول يا عم ابراهيم."
"سم يا وليدي .........قل"
قال:" والله اني تعنيت من الخبر لهنا اسلم عليك وطالبك ماتردني"
"ابشر ان قدرت عليها تبشر بها وانا عمك"
قال :" هههههه ان شاء الله تقدر يا عم تقدر..........انا طالبك بنتي سارة لولدي فهد شقلت "
بلعت ريقي الصراحة ما هضمت هالفهد بس ولد عمها وهذا اللي كسر ظهري :" والله ما ادري شقولك بس اشاور البنت وارد لك خبر"
قال :" حق وواجب ياعم ..........بس يعني ولدي يبي يشوفها اذا ما عليكم كلافه"
"ها ....... بسسسسس.....(ناظرت لولده المندمج على اناشيد شدا وفاتح حلقه).......يكون بدون ماتدري يعني اناديها تسلم عليك ويشوفها ولدك من بعيد زين"
رد بفرحة وهو يعطي ولدة بكوعة:" زييييين زييييييين يا عم ما قصرت"
"اروح اقولها تجي تسلم عليك"
دخلت ما لقيتهم تحت صعدت للدور الثاني سمعت ضحكة المرجوجة اختي دخلت الغرفة وابتسمت على شكلهم منبطحين على الارض ومغطين رجولهم ببطانيه وفاتحين الاب توب
سامية:" يووه سارة شكل الاشباح جت عندنا ههههههههههههههههههه"
سارة فزت جالسة وهي مستحية يا بعدي يا سارة والله وكبرتي وخلاص بازوجك ابتسمت وقلت لها:"سوسو عمك صالح تحت يبي يسلم عليك " تهلل وجهها قليل ما تشوف عمتها لانها ساكنة بعرعر لكن عمها كل اسبوعين ثلاث بالكثير تشوفه
نزلنا وانا عيني للبسها لابسه تنوره بيضاء مكسرة وواسعة وطويلة وبلوزه حمراء كمها ثلاث ارباع عليها بروش من قدام مسكت يدي واشرت لي وش فيني اناظرها
قلت امزح معها :" معجب" يالطيييييييييف صار وجهها احمررررررررررر من الاحراج
وقفتها قدام الديوانية بمسافة بحيث يقدر يشوفها الاستاذ فهد من الشباك قلت لها :"خليك هنا عمك معاه ولده"
هزت راسها وتكتفت مبتسمة زي عادتها
دخلت عليهم واضح انهم متضاربين بالكلام وجه الاخ فهد ما يتفسر قلت :"ابو فهد" قام على طول اما انا اشرت لفهد ع الشباك المطلوب وطلعت ورى ابوه ومسكته "ولدك يدري عن بنتي "
"يدري ويبيها بس لازم هالشباب من النظرة الشرعية تعرفهم تقول موضه هههه"
اوووف مو عاجبني الوضع ابدا ووقفت جنب سارة من جهة اليمين وهي تسلم على عمها وهو يسولف معها مبين لي ان عمها يحبها
اخذت دقيقتين ورحت ع الجهه الثانية سديت على فهد
فهـــــــــــــــــد
ياااااااااااااااااه تجنن هالادمية بس لوما هي خرساء ..........حتى ولو باخذها وببهدل ابوي فيها ان ما خليته يتوب يتدخل فيني انا شايف خلق احلى بكثييييير بالبحرين ....
خطط يا ابو فهد وشوف وش راح يجيك