الفصل 9
::++ دخلت ساروه البيت من بعدها خليفه و سعيد::++
ساروه ركضت فوق قبل لا احد يشوفها وسارت غرفه حمدوه اول ما دخلت عقت بعمرها على الكرسى
ميروه: شو فيج ؟؟!!
ساروه: كانزا بيوقفون قلبى
حمدوه: ههههه أكيد رمسوا عن خليفه
ساروه(اطالع موزوه): هيه عن خليفه (ترمس موزوه) موزوه لين متى انتى جيه بتقعدين
موزوه: تعرفين لو الموت حلال ارحم من مجابل......
ميروه: مجاب منو
موزوه: محد
حمدوه(عرفت شو تريد تقول موزوه): موزوه مع الايام الناس تتغير هذا فى صالحج
موزوه: ياليتنى لو اموت
ساروه: ماشى مسلم يتمنى الموت
موزوه: بس يا ساروه
ساروه: لا بس و لا شى
ميروه: بس يابنات فهمونى شو صاير
موزوه: ميروه بسالج سؤال
ميروه: انزين سالى
موزوه: خالد يحبج ؟؟!!
حمدوه: هذا شى اكيد
ميروه(مستحيه): شو هذا السؤال
موزوه(تصيح): جاوبى بدون تعليق
ميروه: ليش اتصيحين انزين (تتقرب من موزوه)
ساروه: استهدى بالله يا موزوه كل شى بيصير اوكيه
موزوه: ما اعتقد انا فقدت الامل
ميروه: فى منو
موزوه: ........................
ميروه: ناصر و الا عبدالله
موزوه: ياليته لو ناصر بس طلع عبدالله
حمدوه: لا اله الا لله ياموزوه انتى تعرفين عبدالله مثل زايد
موزوه: مب شرط مثل زايد المهم يحس باللى يحبه
ميروه: انتى تحبين عبدالله
موزوه: هيه (اتصيح فى حظن ميروه)
ساروه: بس خلاص موزوه ترانى و لله بصيح
موزوه: خلاص انزين بس شو اسوى
حمدوه: لا تفقدين الامل (اطالع من البلكونه) الحب ينولد فى قلب انسان مافى انسان بيعيش بلاحب
موزوه: صدق
ميروه(تبتسم): هيه صدق كل وحده منا تحب شخص يستاهل الدنيا بس لا تظهرون جدامهم لان هذا مب زين من تتعلق الوحده فى واحد يخليها تراااه
ساروه: كيف يعنى
ميروه: يعنى اذا كل ساعه تهتمين فيه و انته وين و انا احبك و من هالسوالف بيمل منج و بيخليج
حمدوه: عااد عدال على شباب عايلتنا درازن بيسون من الكلام
البنات قعدن يضحكن و يسولفن اما فى الصاله الشباب قاعدين يسولفون بعد ما سار بومحمد وولده صوب الشركه و الحريم فى غرفه المرحومه ام محمد يرتين اغراض مها ..
خالد: عبدالله ليش ساكت
عبدالله: لا ماشى
زايد: انته شى فيك اليوم البنات خلنك تاكل شى
عبدالله: هههههههههههههههههههه لا و لله احلف انته بس
زايد: ليش احلف
سعيد: ودروا عنكم هالسوالف الحين (يطالع فهد) هالمعرس ماقلتلنا متى العرس
فهد: يوم الخميس حريم
ناصر: يا اهبل قول الاربعاء حق الرياييل
فهد: هههههههه انزين (يطالع سعيد) يوم الاربعاء
سعيد: امممم شو رايك نيب فرقه المقابيل و الا الحربيه بيكون احسن
زايد: و لله فكره
خالد: اقول صح انا حجزت لكم فرقه بتغنى قبل راشد الماجد
زايد: حجزتوا راشد الماجد
خالد: هيه بيغنى ليلتين و ميحد حمد بعد
خليفه: اسمينى برزف لين اقول بس
فهد: لا و لله صدق ترمسون
ناصر: شفتهم كد مره يجذبون
فهد: لا
سعيد+ناصر: عيل انطم
زايد: هههههههه انزين (يطالع عبدالله) عبووود اشفيك
عبدالله: ماشى بس متضيج اشوى
سعيد: من شو انزين
عبدالله: ما يحتاى
::++الا اشوى نزلن البنات و هن يضحكن شلن البقعه من الضحك::++
ساروه: ههههههههههههههههههههههه تصدقين عاااد
موزوه: شووو
ميروه: بس خلونا ندخل
::++دخلن الصاله يبتسمن::++
سعيد: ماشاء لله كلكن حيويه و نشاطط صح حمدوه
حمدوه: هيه (اطالع زايد)
ميروه: اووف تعبانه تعالى قعدى
حمدوه: خلينا انسوى شى
ميروه: غريبه اخت حمده شو تبين تسوين
ساروه: انا اقولكن
خليفه: انتى بس تقولين
ساروه: عيل تبانى ادخل المطبخ
خليفه: ليش لا
ساروه: مابا
خالد: عيل من اليوم اقولج ريلج بياخذ عليج 6 حريم
ناصر: و الخيبه
زايد: امرررررررررره عاااد
ساروه: و لله ياويله يا احطه فى التنور
خليفه: ههههههههههههاااااااااااااااااااى ياويله عيل
موزوه: يالله شو تبينا انسوى
عبدالله: تشيز كيك (يطالع موزوه ويبتسم)
موزوه(مرتبكه): شيز اى نوع
عبدالله: شوكلاته
موزوه: انزين
ساروه: وبعد اى طلبيه ثانيه الشيف حمدوه بتطبخ لكم
زايد: و عصير رمان لو سمحتوا
حمدوه: حاضرين لو شى دراجه توصلنى المطبخ
الشباب: رديناااااااااااااااااااااااااااا
سعيد: هههههههههه عنلاتج يالله سيرى
حمدوه: يالله بنات
ميروه: و لله تعبانه
ساروه: انا بشوف مسلسل انا وموزوه
حمدوه: انزين برايكن انا بسير بروحى تشااااااااااااااو
البنات: تشاااااااااااااااو
بعد ماطلعت حمدوه التفتوا الشباب على البنات
زايد: ليش ماسرتوا معاها
ساروه: تتعلم الطباخ مافيها شى
خليفه: انته يبالج حد يربطج فى المطبخ
سعيد: شو رايك انجرب
خليفه: هههههههههههه المصيبه ماتهون على
ساروه: ليش بالله عليك
خليفه: اخاف على المطبخ
ناصر: هااا خليفه ساروه دخيلكم مب الحين
فهد: هيه و لله مب الحي تعبانين ههههههههههههههههه
ميروه: خلونا انسير المطبخ
ساروه: هيه احسن يالله موزوه
موزوه يالله انزين
طلعن صوب المطبخ ...وساروه و موزوه يتحرطمن على الشباب ...
قمرهم كلهم
06-29-2010, 07:52 PM
::++فى مطبخ بيت بو محمد ::++
ساروه: اقول حمدوووه شو احط فيها الحين
ميرووه: حطى صبعج احسن
موزوه: لا تعيبون عليها
حمدوه: شو حطيتى
ساروه: كل شى حطيته مره و حده
حمدوه: خلاص اخلطيهم
::++تدخل مها عليهم المطبخ::++
مها: السلام عليكم (تبتسم)
البنات: مرحبا العروس
مها: بس خلن عنكن شو تسوون
ساروه: تشيز كيك
مها: اممممم رووعه بسويلكم ايس كريم شو رايكن
البنات: يالله انزين يا سلام (ودرن الخلاط موزوه وساروه)
حمدوه: ايييييييييييه خلصن للى فى ايدكن قبل
مها: يالله خلصن و انا بتعبل فيه
ميروه: اساعدج
مها: اذا تبين
ساروه: عاشت حرمه اخويه
مها(مستحيه): بس سارووه عااد
ساروه: هههههه ان شاء لله
::++فى الصاله ::++
خليفه: يا فهد بتودع العزوبيه هالاربعاء صح
فهد: هيه نعم
ناصر: يالله الفال لخالد وزايد
خالد: ليش مستعيلين هالكثر
ناصر: ياولد الحلال لازم تستقر
سعيد: هيه صدقت يا ناصر
زايد: انا عن نفسى مب مستعد اعرس الحين
سعيد: ليش ؟؟!!
زايد: مافينى و لله
عبدالله: يقول فخاطره لله لا بليتنا بالحرمه ههههههههههههههههه
ناصر: على ما اظن
::++يسمعون صوت البنات وهن يضحكن::++
خليفه: اوووص البنات وصلن اريد اروعهن
سعيد: مافينا يفرونا بالكيك اقعد
خليفه: دخيلك بس ساروه هههههههههه
زايد: شو تبا فى اختى ههههههههه
خليفه: اريد اروعها (يوقف ورى الباب)
::++دخلن البنات+::
ساروه وقفت ماشافت خليفه : وووين خلوووف
خليفه وقف وراها وروعها وفرته باكلينكس وهو يضحك
خليفه: ههههههههه خوافه
ساروه: لله يخسك روعتنى مب زين اطير حمامه قلبى
خليفه: ههههههههههه اى نوع من الحمام عندج
ساروه: هههههههه الزاجل
سعيد: بس انتوا (يطالع حمدوه) هااا و الا تبين دراجه
حمدووه: لا هونت خلاص ما اريد
خالد: افا عليج ليش الحين ما تبين
حمدوه: بس (اطالع زايد للى يطالع التلفزيون)
فهد: عيل وين مها
ساروه: عند امااايه شو تبا فيها حرام عليك لين يوم الاربعاء
فهد: عفانا لله ذبحتينى يا اخت ساروه
خليفه: لا قول الا شوتك
ساروه: انجب انته الحين (اطالع موزوه) هااا وين سرتى
موزه: فى التلفزيون
ساروه: هههههههههه شو اتسوين ادورين خطيب
موزوه: لالالالا ههههههههههههه
سعيد: عنلاتك قسم بالله لازم حد يصفعكن انتن
ساروه: نعم
خليفه: نعامه ترفسج
ساروه: وانته بعد
زايد: بس عااااد عوتولى راسى
خالد: يالله وينك الكيك للى بتسووونه
حمدوه: الحين باييبونه
::++دخلت ميروه::++
سعيد: هلا و لله هلا
خالد: مرحبا ملايين و لايسدن فى ذمتيه
ميروه: احلفوا انتو الاثنين
::++دخلت ام سالم ::++
ام سالم: السلام عليكم
الكل: و عليكم السلام
ام سالم: يالله يابنات بنسير البيت
خالد: تو الناس خالوووه
ام سالم: ياولدى مره ثانيه سالم بينزل من الدوام و بخليه يسرح عليكم
سعيد: ان شاء لله بس لا تنسين
ميروه: لا تخاف بذكرها
ام سالم: يالله يا ميروه (اطالع موزوه) موزوه ما تسمعين صايره صمخه من يومين
موزوه: شو اسوى يا اماايه اذنى طبلتها ماعادت تنفع
ناصر: افااا عليج بنركب غيرها
سارووه: لا بسم لله عليها (تسلم على موزوه) ديرى بالج على عمرج يالدبه
موزوه: ان شاء لله يالله برااايج
ساروه: مع السلامه باشتاقلج
خليفه: هذى لو ريلها بتفره بالكلينكس
خالد: هههههههههههههههه لا و انا اشهد يا تقوله اجلب ويهك
ساروه: شو تقولون
خالد+خليفه: لالالا ماااشى انخطط حق المستقبل بس
زايد: هههههههههههههه اى مستقبل
ميروه: انزين لا تضاربون يالله فوداعه لله
خالد: فى حافظنكم لله
سعيد: جدامكم الرحمن
خالد: اقدر اعرف انته ليش ترمس وراى
سعيد: احبك يا اخى
ام سالم: يالله برايكم يا عيالى
الكل: مع السلامه
::++طلعوا ام سالم وبناتها صوب البيت وساروه قعدت عدال حمدوه::++
ساروه: حرام مابياكلون معانا
حمدووه: بتشوفينهم فى العرس خذتيلج
ساروه: باجر بسير ان شاء لله و نتى بتسيرين
زايد: وين بتسيرن
ساروه: العين مول
خالد: خلاص نحن بنوديكن
ساروه: و ليش يعنى
خالد: عندج مانع اخت ساره
ساروه: هيه
خليفه: شو المانع
ساروه: ههههههههههههههههه انته
خليفه: حلفى
::++دخلت ام زايد::++
ام زايد: يالله يا ساروه بنسير البيت
ساروه: لالالالالالالالالالا
زايد: شو لالالالا
ساروه: ما اريد اروح
خليفه: روحى مابشرد
ساروه(مستحيه): شو اصلا ........امممم يالله انروح اماااه
الشباب: هههههههههههههههههههههههه
ام زايد: يالله نشى قاعده و لله
ساروه: انزين (اطالع الشباب) برايكم يالله فهد بتودينا
ام زايد: ونتى شو تبين فى فهد ياللع عبووود ودنا باقى كم من غرض حق مها
عبدالله: انتى تامرين امر و لله على هالخشم
فهد: وليش انا لا
خليفه: انته المعرس يالله جب
ناصر: ههههههههههههه وووووووووويه سكتوووه
فهد: قول و لله انته بس الحين
ناصر: قسم بالله
ام زايد: يالله فى وداعه لله (تسحب ساروه)
سارووه: امااااااااااه شو تسحبين عنز
خليفه: صخل
ساروه: بس عاااد (ام زايد تحط ايدها على ثم ساروه علشان تسكت )
طلعت ساروه مع امها و مها من بيت بومحمد لان وراهم ترتيبات ...قعد خليفه يفكر فى لطيفه و ساروه فى نفس الوقت ياربى انا شو فينى افكر فى هذى لطيفه .....سعيد لاحظ على خليفه انه يفكر تقرب منه بدون مايحس
سعيد: خلوووف
خليفه: هلا
سعيد: شو فيك يارياااال
خليفه: ماشى
سعيد: لا يكون تفكر فى لطيفه (يطالع حمدوه) هااا وين رايحه
حمدوه: بسير فوق
سعيد: ما بتسيرين العين مول
حمدوه(اطالع زايد): ما اعرف بشوف اماايه
خالد: خلاص ماعليه شو فيها بعدين و اتصلى فينى
حمدوه: ان شاء لله ( طلعت من الصاله و قلبها يدق بسرعه)
سعيد: هااا شو الحين (يطالع زايد)
زايد: شوووو
ناصر: ماشى هههههههههههههههههه
خالد: استغفر لله شو فيك ياريال كله تضحك
خليفه: فيوزات مخه ضاربات لدرجه الغليان
ناصر: هههههههههه صدق انك خام
::++يدخل بوخالد::++
بوخالد: السلام عليكم (يطالع فهد) اشفيه المعرس
خالد: عمووه ماخلته يسير وياها شلت عبووود ههههههههههه
فهد: احلف انته بس و لله انا مب متضايج
بوخالد: هانت ياولدى يوم الخميس ان شاء لله العرس
سعيد: يالله بالبركه ان شاء لله
زايد: لله يبارك فيك
خليفه: ابووويه
بوخالد: هالبزى
خليفه: ابوويه اريد فعرسى ان شاء لله الجسمى
بوخالد: و اشعنه ما احطلك معلايه احسن
خليفه: اسمينى هب ريال اذا حطيت معلايه و لله
ناصر: اول مره يقول شى صح
بوخالد: ماعليكم الحين اريد كل واحد منكم الحين يساعدنا علشان عرس الرياييل يوم الاربعاء
فهد: ان شاء لله خالى
سعيد: عااد انته معرس لازم تزهب عمرك
خليفه: ههههههههههههههه
بوخالد: شو فيك تضحك
خليفه: ما اتخيل
زايد : ما تتخيل شو يالخام انته
خليفه: فهد الحين باجر خالد و للى بعده زايد بنبقى انا و ناصر
ناصر: ههههه انا ما افكر الحين
سعيد: قول ما فكرت فى للى تباها
ناصر: هيه صح
بوخالد: خلاص عيل بيوزك سهيله
ناصر: لو اموت ما اريدها حشى ثور هذى تنطح هب حرمه لو وحده شرات حمدوه اهون
خالد: اركب وياها الدراجات
سعيد: بس انته ويااه ههههههههههههه
بوخالد: يالله كل واحد يسير شغله
الشباب: ان شاء لله
خليفه: العين مول
بوخالد: ليش عندك صيده ياولدى
خليفه: لا يابوووك بسير اتشرى شى حقى ..
بوخالد: ههههههه سير ياولدى لله يحفظك و يحفظكم
الشباب: مع السلامه
::++طلعوا من البيت صوب العين مول ::++
اول مادخلو الشباب العين مول خليفه لمح ساروه وقعد يضحك لان يتخيل شكلها و هيه امبرطمه الكل شاف خليفه ساير صوبها و هم يضحكون ...تقرب منها وروعها
ساروه: بسم لله ياربى روعتنى شو هذا (حطت ايدها على راسها)
ام زايد: هلا خليفه منو ياااك
خليفه: عيالج و اخوانى
ام زايد: هيه زين عيل (اطالع ساروه) سيرى عند مها
ساروه: هاااااااااا
خليفه: قالت سيرى داخل يالله
ساروه: انزين
ام زايد: وابوويه عليها اشعنه تسمعك و انا لا
خليفه: خبره لله يسلمج شو تبين الحين
ام زايد: ماشى قول حق فهد يتنقى
خليفه: ان شاء لله نحطله ملابسه فى صندوق
ام زايد: لا فى صندوق طماط
خليفه: ههههههههه يالله برايج عموووه
::++سار خليفه صوب الشباب فى الكوفى شوب::++
سعيد: وين رحت
خليفه: شفت عمووه
زايد: امااايه
خليفه: هيه ام زايد
فهد: احلف (يريد يوقف)
خليفه(يمسكه من ايده): وين وين
فهد: بسير
سعيد: قعد لا الطمك بالطفايه الحين
خالد: شو ضيعتوا المذهب انتوا اقعد يالله ماشى الايوم عرسك
فهد: قعدنا انزين هااااااااا (يطالع ناصر) ليش ماترمس انت
ناصر: ههههههههههه شو اقول انزين
فهد: ماشى حبنى على راسى بعد
قعدوا الشباب فى الكوفى شوب اما ساروه و ام زايد و مها خلصوا وساروا البيت علشان يخلصون اشغالهم باجر الثلاثاء مابقى الايومين بس عن عرس الحريم .....
قمرهم كلهم
06-29-2010, 07:53 PM
فى العين مول ...
شله بنات مواطنات ووافدات (من كل الجنسيات) دخلن الكوفى شوب وعيونهن كلها على زايد للى صدق يطيح الطير من السما من حلاه ...كل بنيه تشوفه تتمنااه لان صدق جماله غير عاادى ...بنيه من الشله وقفت واشرت انها بطيحه وانه بيتبعها
فى هالوقت كانت حمدوه مع امها قاعده تتشرى صوب المحلات للى قرب الكوفى شوب ولمحت زايد وخالد و الباقى ..الا واشوى تشوف البنيه سارت صوب زايد وقفت متيبسه مكانها اطالع من تحت الغشوه شو بيصير ...
البنت تقربت من زايد للى ما التفت عليها
البنيه : هلا
زايد: .................(يطالع الشباب وهو معصب)
البنيه: ممكن نتعرف لو سمحت
زايد: نعم (التفت عليها وفى الوقت للى يطالع البنيه لمح حمدوه)
البنيه: شو رايك تتعرف على انا احلى و حده
خليفه: هههههه اى حلاه دخيلج خشمج مايقول بندقه
البنيه: انا رمستك (تاشر على خليفه)
زايد: سيرى لله يستر عليج
البنيه: انا ابااااااااك
زايد(يوقف): انا ما ابااااج وبعدين خطيبتى تتريانى على ما اظن خلصت من المشترى
البنيه : نعم
زايد: هيه (يطالع الشباب) يالله شباب
سعيد: ها اا انزين يالله انسير
البنيه(تمسك جتف زايد): صبر انزين
زايد(يدزها عن ايده): شل ايدج فاهمه
طلعوا الشباب من الكوفى شوب و شله البنات محترقات ...
خليفه: بتخبرك وينها خطيبتك
زايد: ههههههههههههههه
خالد: عنلاتك صدق انك لعنت بوخامسها
زايد: ما تستحى على ويها تراها
ياناس من قلبه عليل والحب سبايب علته
...............ماينفعه طب الطبيب ولا يشافي حالته
اللي فقد غالي عسى الايام ترحم غربته
...............يشكي وفي قلبه حنين لازاد زادت لوعته
العاشق اللي في طريق العشق ضاعت خطوته
...............يتذكر الماضي ومن ذكراه تذرف عبرته
يسامر الليل الطويل.. الله ماقسى وحشته
...............حتى غدا كنه سجين مسجون داخل وحدته
من داخله عشق ٍ قديم لاشك هذي قصته
...............وبحالته مايعلم الا الله جلت قدرته
زايد ماقدر يتجنب الموقف لان للى صار شى مب سهل يالله كيف هذى الدنيا يوم تريد تسيطر على انسان و تخليه يرتكب شى يدمر حياته ...ليش ياحمدوووه ذبحتينى خليتنى انسان مشاعره ماتت ياربى شو اسوووى ساعدنى ..
خالد قعد يراقب زايد هذا فى شى اليوم من متى و انا الاحظ عليه ..
خالد: زايد
زايد: لبيه
خالد: شوفيك
زايد: لا ماشى ابد
خالد: امررره
زايد: امره
خالد: اشفيك سرحااااان عيل فى شو تفكر
زايد: افكر بخصوص الترتيبات حق عرس فهد
خالد: بخصوص فهد ماخبرتنى انته مب ناوى تتزوج
زايد: انا شال الفكره من بالى اصلا ..
خالد: ليش ؟!!
زايد: اريد حرمه تصون اهلها بعدين تصونى
خالد: ونعم الحرمه ان شاء لله بتحصل
زايد: ان شاء لله
خالد: عيل بلقاك باجر ان شاء لله فى الشركه
زايد: ان شاء لله بس وصيت شركه البداد
خالد: هيه اتصلت فيهم الصبح جدام بيتكم بيسوون الخيمه
زايد: الساعه كم
خالد: 8 الصبح فديتك
زايد: فديت خشمك ياربى
خالد: خشمك ياريال
يتوايهون
زايد: يالله فمان لله
خالد: لله ويااااااااااااااك
::++بعد ماسار زايد عن خالد::++
قعد خالد على الكرسى للى فى العين مول ...مرت جدامه بنيه صدق حلوه قمر رفع عيونه و طالعها و هيه طالعته والا و اشووى البنت بسرعه تمشى عنه حس عمره كانه يعرفها تجاهلها الا و اشوى شاف واحد وقف جدامها طاحت الغشوه اول ماشافها خالد وصلت درجه الغليان عنده 180 درجه كانت نوره سار صوبها مسرع و يمسكها من ايدها و يعطيها كف جدام الخلق و هيه اطالعه و للى كان وياها شرد عنها ..
خالد: يالخاااااااااااااااااايسه ليش تسووين جيه
نوره: شو لك انته
خالد: حرام للى تسوينه فى عموووه وخواتج
نوره: انته علشان ميروه تسوى جيه
خالد(يمسك ايدها): يالله امشى جدامى لا اذبحج
نوره: اوووووف حق شو
خالد: اقولج امشى (يرمسها معصب)
اول ماوصلوا الباركنات دخلت نوره السياره و قعدت و خالد يصرخ و يشاتم ويسبها ماخلى شى الا وقاله لها ...وصل بيت ام سالم ...
خالد: نزلى اقولج
نوره(خايفه): هااا شو
خالد: نزلى اقولج (يصرخ فى ويها)
نزلت نوره ونزل وراها خالد ..وفتحت باب الصاله كانت تريد تسير فوق بس ايد خالد كانت اقوى من انها تسابق ...مسكها و فرها جدام امها فى الصاله
ام سالم: ياولدى يا خالد شو صاير
خالد: خبرى امج
نوره: شو اقول
::++تنزل ميروه اول ماسمعت صوت خالد::++
ام سالم: شو السالفه ارمسى
نوره: ماشى هذا مخرف
خالد(كان يريد يضربها مسكته ميروه): انا مخرف ياللى ما تستحين منو هذا للى مواعدتنه فى العين مول
ام سالم: يا مصيبتى شو تقول
نوره: طاح تلفونى وهو يابه لى
خالد (عطاها كف لين لف ويها): سمعينى من اليوم ورايح ماشى طلعه من البيت فاهمه و لله يا نوره اذا طلعتى يا اذبحج
ام سالم: لشور شورك ياولدى
نوره: امااايه
ميروه: بس
نوره: نعم
ميروه: تبين تفضحينا انتى
خالد: خليها اراويج فيها انا
::++تنزل موزوه من سمعت الصراخ::++
موزوه: شو صاير (اتشوف خالد) غريبه
خالد: يالله خالوه اسمحيلى بسير
ام سالم: خالد ياولدى
خالد: لبيه
ام سالم: سامحنى القصور منى انا للى ما عرفت اربيها
خالد: خالوه الغلط منها مب منج بس انا وراها و الزمن طويل لين يرجع سالم
نوره: لا و لله
خالد: لعلمج اخبرج شى انتى تلفونج بينشل عنج فاهمه
نوره: شووو (اشوى و بتصيح)
خالد: يالله فمان لله
::++طلع خالد ....اما فى بيت ام سالم::++
ام سالم: ليش جذا سويى فينى
نوره: اوووف بعد يالله برايج
ميروه: امايه ترمسج
نوره: مايكفى خلودج بعد شو
ميروه: احترمى نفسج (تسحب التلفون من ايد ميروه)
نوره: هاتى التلفون
ميروه: ماشى تلفون (تفر التلفون فى حوض السمج)
نوره: لا يالخايسه (تمسك شعر ميروه وتسحبها)
موزوه: اييييييييييييه شو تسوووين
ام سالم ووويه غربلاتج من بنيه اختج
نوره: دواج (تسحبها من شعرها و تضرب راسها باليدار)
::++طاحت ميروه مغمى عليها و الدم على راسها::++
ام سالم: ميروووه
نوره: دواها (سارت غرفتها)
موزه: قومى ميروه
ميرووه كانت ما تتحرك الصدمه كانت قويه ام سالم قعدت اتصيح اتحاول فى بنتها بس ماشى فايده .....موزوه سارت صوب التلفون و تتصل على سارووه
موزوه: يالله يا سارووه ردى
تووووووت تووووووووووووووت
عبدالله: الووو
موزوه(وقف قلبها): مرحبا عبدالله وين ساروه (تصيح)
عبدالله: موزوه شو فيج
موزوه: اختى
عبدالله (خايف): منو ؟؟!!
موزوه: ميرووه
عبدالله: شوفيها
موزوه: طاحت ما تتحرك عبوووود (تصيح)
عبدالله: لحظه اشوى
يركض عبدالله صوب زايد ...
عبدالله: زااااااااااااااااااااااااااااااااااااايد (يصرخ)
زايد: هااا شو فيك (خايف)
عبدالله: وين ساروه
ساروه: انا اهنيه
عبدالله: موزوه متصله تقول ميروه طاحت ما تتحرك
سارووه: شوووووو (فتحت عيونها)
زايد: شو صار
عبدالله : ما اعرف (يطالع ساروه) سيرى شو فيها
ساروه: انزين
سارت ساروه صوب التلفون
ساروه: الوووو موزوه
موزوه: سارووه لحقينى ميرووه ماتت ما تتحرك
ساروه: بسم لله عليها ودوها المستشفى
::++يدخل خالد بيت ام زايد::++
خالد: السلام عليكم
زايد: و عليكم السلام وينك ياريال
خالد: و لله كان عندى شغل (يشوف ساروه) شو فيها اتصيح
زايد: موزوه
خالد: ليش هن وم يتصلن ببعض يصيحن
زايد: لا ميرووه
خالد(وقف قلبه و مسك زايد من جتفه): شو فيها
زايد: ما اعرف
سارووه: دخيلكم ودونى
طلع خالد من بيت ام زايد مسرع لين ما وصل بيت ام سالم اول مادخل شاف ميروه .
خالد: شو استوى فيها
موزوه: نوره ضربت راسها على اليدار
خالد: شووووووووو
قمرهم كلهم
06-29-2010, 07:55 PM
خالد قعد يشوف موزه باستغراب هذى شو تقول اكيد تجذب...
خالد: موزوه قولى الصدق
موزوه: و لله بعد شو ؟؟
::++طلعت ام سالم من الصاله::++
خالد: خالتى كيف حالها ميروه
ام سالم: بخير ربى يخليك ياولدى
خالد: الحمدلله يارب
ام سالم : راعى واجب ياولدى
خالد: تسلمين خالوووه
موزوه: الحمدلله انها بخير
خالد: ثانى مره لا تقعدين تخوفين فينا
موزوه: ان شاء لله يابووليد
خالد(مستحى): مشكوره يا ام تفاحه
موزه: شو ام تفاحه
خالد: هههههههه ماشى يالله برايكم بسير اتجهز العرس اليوم بالليل
موزوه: نحن باجر لله يعينا
خالد: يالله برااايكم اشوفكم على خير و سلمو على ميره
ام سالم: لله يسلمك ياولدى
موزوه: مع السلااااااااامه
::++طلع خالد من البيت ساير صوب سيارته شاف سياره سالم::++
سالم: مرحبا الساااع حيالله من يانا
خالد: حياااااااك يالقاطع
سالم: شو سبب هالزياره للى تكون فى القرن مره
خالد: ماشى اسلم على خالووه يالله اتزهب اليوم عرس الريايل بو الشباب بيعرس اليوم
سالم: هيه و لله وزايد مب ناوى يتزوج
خالد: لالالاه شال الفكره امره من راااسه قال ما اريد
سالم: ليش انزين
خالد: و لله انا بروحى مستغرب منه و لله
سالم: ايوااا يالله انا بعد ان شاء لله قريب بخطب
خالد: امنووووه
سالم: بشوف الوالده قبل
خالد: يالله على بركه لله وهدايته
سالم: اقعد اشوووى
خالد: و لله مستعيل ياريال بنتلاقا فى العين مول
سالم: خلاص عيل اشوفكم اهنااااك
خالد: الساعه كم اشوفك اهناك
سالم: المغرب
خالد: انا اعرف ليش المغرب
سالم: يا اخى شو اسووى يعنى
خالد: خل عنك سوالف المغازل بنات هالايام ما ينعطن ويه
سالم: خلاص ما عليه اشوفك على خير
::++ركب خالد سيارته و طلع من بيت سالم::++
المغرب يوم الاربعاء عرس الرياييل و الكل مرتبش وصارت اليواله و الرزفه فهد كان اسعد انسان فى هذا اليوم لانه و اخيرا بتكون مها ملكه حق هو بس الشباب كلهم قاعدين عدال يدهم بومحمد ...اما خليفه قعد يرزف و كلهم عيون عيون عليه لانه ماشاء لله عليه رحيم وااايد
اما فهد يرزف اشوى ويقعد و عبدالله قعد عندهم اشوى وسار قعد فى سيارته يرمس تلفون ...
بعد ما خلص عرس الرياييل كلهم ردوا بيوتهم بس فهد سار حجزله فى الفندق جناح هو وزايد اما عبدالله رجع البيت لانهمايحب يقعد فى مكان غير بيته و علشان بعد يرمس تلفون ..
مر الوقت بسرعه ويوم الخميس بدت الشمس تظهر والعروس مها من صباح لله خير وااعيه ماياها ارقاااد خلصت اغراضها كلها كان الحنه وااايد حلو عليها وساروه مبتلشه بالفستان للى كان اشوى وسيع ....
اتصل ساروه على حمدوه و موزوه و بنات خالها و تعازمن يسيرن الصالون ربااعه الا نوره للى ما تريد تحضر العرس ...
على الساعه اربع كلهن سارن الصالون بس العروس بتتعدل فى البيت بتيها حنان شقير علشان تعدلها الفستان مصصمنه وليد عطا للى كان روووعه بكل شى ....
فى قاعه الخبيصى المكان كان مليان من المعازيم على الساعه 8 بالظبط و صلن البنات قاعه العرس كل وحده تقول انا من حلاتها بس ساروه كانت روووعه وجميله حتى موزوه و ميرووه و حمدوووه ...قعدن يرحبن بالناس و يقعدونهم لين ماوصل و قت العروس انها تدخل او لمادخلت على اغنيه البدر لراشد الماجد الكل قعد يسمى كانت مها قمر ماشاء لله عليها جميله بمعنى الكلمه ......سلموا الحريم عليها بعد ماقعدت و الكل قعد يطالعها فى وحده كانت اطالع ساروه و ترمس تلفون ...تقربت البنت من ساروه
البنيه: السلام عليكم
ساروه(باستغراب): و عليج السلام
البنيه: شحالج ساره
ساروه: بخير بس كيف عرفتى اسمى
ريم: ماله داعى تعرفين
التفت موزوه على البنيه للى ترمس ساروه
موزوه: ساروه منو هذى
ساروه: ما اعرفها بس هيه تعرفنى شو اسمج
ريم: اسمى ريم
ساروه: هذى موزوه بنت خالتى
ريم: مرحبا
موزوه: مرحبتين
ساروه: انتى ترمسن تلفون
ريم(مرتبكه): لا و لله ما ارمس
ساروه: عيل اخليج بسير اشوف المعازيم
ريم: براحتج
مشت ساروه و عدالها موزوه
موزوه: غريبه كيف تعرفج
ساروه: وانا شودرانى خلينا انسير عند ميروه و حمدوووه..
موزوه: يالله انزين
سارن وقعدن فى الطاوله للى قاعدات فيها حمدوه و ميروه ..
اما ريم سارت صوب الحمام و تتصل على عبدالله
ريم: هلا حياتى
عبدالله: هلا عيونى
ريم: عرسكم حلو وعروستكم احلى
عبدالله: تسلمين و لله فديتج و ان شاء لله قريب بتكونين انتى تزهبى
ريم: لا و لله
عبدالله: هيه بعد شو بخطبج عندج مانع
ريم(استحت): لا
عبدالله : خلاص جب عيل
ريم: اووهوه يا عبدالله
::++دخلت الحمام بس قبل لا تدخل سمعت ريم وهيه ترمس عبدالله::++
عبدالله: شو فيج حياتى
ريم: عبدالله انزين اطلع يوم اخوك فهد يدخل
عبدالله: لامابيشوفيج
حمدوه حطت ايدها على قلبها و هيه تسمع ريم ترمس طلعت بسرعه من الحمام وشافت موزوه تبا تسير الحمام
حمدووه: موزوه تعالى وين تبين
موزوه: بسير انظف عينى من الكحل لله يغربلها راعيه المكياج شوفى شو مسوويه
حمدووه: صبرى بسير وياج تعالى معاى داخل نسيت شنطتى
موزوه: سيرى بروحج بترياج فى الحمام
حمدوه: اقولج تعالى (تسحبها من ايدها ويدخلون الصاله)
اما فى الحمام طلعت ريم بعد ماسكرت عن عبدالله ودخلت الصاله وقعدت عدال امها وطلعن حمدوه و موزوه صوب الحمام و اتنفست حمدوه الصعداء ان ريم مو موجوده وقعدن يتعدلن ودخلن داخل الصاله بعد ماخلصن .ز.
بعدها على الساعه 10:00 دخل المعرس وياه زايد و عبدالله ويدهم بومحمد و خالهم ..الكل وقف لانهم صدق يناسبون بعض ماشاء لله حبها على راسها بس عبدالله التفت شاف ريمووه للى لابسه وردى بس موزوه ما انتبهت قالتله لا تلتفت علشان محد يلاحظ ...اما زايد البنات و حتى المتزوجات رفعن غشاتهن بس علشان يشوفن غرشوب العين وحمدوه اطالعه طاحت عينه فى عين حمدوه ويشوف اشكثر هالانسانه تحبه بس كيف انسى للى سوته ان شاء لله مع الايام ابتسم لها وطلعوا الشباب من الصاله بس فهد شل حرمته وسار الجناح للى حجزوووه علشان يتصورون ...
بعد ما خلصوا تصوير فهد خذ حرمته وعلى طول بيسافرون سويسرا ..وصلهم خالد وزايد ورجعوا بيوتهم
يوم الجمعه الصبح ..
فى بيت ام زايد الكل قاعدين يتريقون ومستانسين
ام زايد: زيد ياولدى متى بشوفك معرس
زايد: قريب امااايه
ام زايد: ولله قولى منو
ساروه: صدق زايد
زايد: هيه نعم اريد اخذ حمده بن خالى محمد
ام زايد: يالله فديتك و عرفت تختار
زايد: يالله على خير ان شاء لله
::++دخل عبدالله الصاله::++
عبدالله: السلام عليكم
الكل: و عليكم السلام
ام زايد: يولدى اخوك زايد بيعرس بعد
عبدالله: و لله حتى انا
سارووه: لا و لله
عبدالله: هيه عمرى 23 سنه و اريد اعرس
زايد: بس العرس مسؤوليه
عبدالله: انه كم عمرك الحين
زايد: 25 سنه
عبدالله خلاص اكبر عنى بكم من سنه
ام زايد: ومنو تريد
عبدالله: بنت سعيد
ام زايد: منو بنت سعيد
ساوه: انا احيدها بنت ام سالم
عبدالله: ليش حاطه امل اريد اخذ بنت سعيد المنهالى
ام زايد: على بركه لله
زايد: شو عرفك فيهم
عبدالله(مرتبك): ربيعى ولدهم
ام زايد: بسير اخطب حق زايد و بالمره بخطبلك عرسك و عرس اخوك واحد صح ساروه(تلتف على ساروه)
ساروه(منصدمه): ما ادرى (تقول فخاطرها شو اقول حق موزوه)
ام زايد: بخطب حق زايد و بعدين بسير اخطبلك شو قلت
عبدالله: خلاص موافق
زايد: يالله اماايه اتصلى
ام زايد: ان شاء لله ياولدى
سارت ام زايد تتصل على ام خالد و خبرتها انها تريد بنتها حمدوه حق ولدها زايد وطبعا ردت عليها انها بتخبر بو خالد و بومحمد و بتشاور البنيه و بترد عليها ..
فى بيت بومحمد الكل قاعد بوخالد وعياله و حرمته ...
بومحمد: ياولدى اليوم اختك اتصلت على حرمتك وتريد حمدوه حق زايد
حمدوه: شووووووووو (مستغربه)
خالد: قولوا و لله
بوخالد: صدق و لله بووويه
ام خالد: هيه نعم اتصلت و قلتلها بنتشاور
بوخالد: هو فيها مشاور بعد قوليلها موافقين وبس
بومحمد: ها حمدوووه
خليفه: يالله وافقى علشان اخذ اخته بعد
بومحمد: ههههههههههههه انته تباها من لله
خليفه: هيه عيل شو
حمدوه وقفت وسارت فوق و هيه مب مصدقه عرف خالد انها موافقه التفت على امه و قاللها تتصل على ام زايد و تخبرهم انهم موافقين ..
سارت تتصل و تبشرهم بالموافقه بس خالد قعد يطالع يده
بومحمد: ها عندك شى
خالد: يالله خطبولى ميره
بوخالد: ان شاء لله فالك طيب
ام خالد: شو قلت
خالد: خطبولى ميروه شو قلت انا الحين
خليفه: ايوا كل عاشق ياخذ نصيبه و انا متى ياربى
ناصر: ووووووووويه ان شاء لله بتاخذ نصيبك وزود
خليفه: قولى متى لله يخليك
ناصر: ههههههه ما ادرى و لله ما ادرى
بومحمد: خلاص خالد بنخطبله ميرووه و انته ياناصر
ناصر: بعدنى انا
بومحمد: فهد من عمرك وهذوه خطب
ناصر: منوه انزين
ام خالد: ان شاء لله بنلقى بنت الحلال
الكل: ان شاء لله
::++فى بيت ام زايد::++
الكل مستانس على الموافقه بس وصل دور عبدالله اللى وصل امه لين بيت سعيد المنهالى علشان يخطب بنتهم ..اول مادخلوا البيت ضيفوهم الناس و تكلموا بالموضوع للى استغربوا انهم وافقوا بسرعه بدون مايترددون ودخلت ريم و سلمت على ام زايد وقعدت عدال امها اتفقوا خلاص انهم بيملجون وبعدها العرس للى بيكون فى شهر واحد ...الكل استغرب ليش جذا مستعيلين على بنتهم
ام سالم اتصلت على اختها تسلم عليها و خبرتها ام زايد ان زايد خطب بنت خاله حمدوه و عبدالله خطب بنت سعيد المنهالى بعد ماباركتلهم على العشا فى بين ام سالم ...الكل كانوا قاعدين يسولفون و المسكينه موزوه مب عارفه شو للى يصير ..
ام سالم(تلكم سالم): اليوم ام زايد تخبرنى خطبوا
سالم: لا و لله منوووه
ام سالم: زايد و عبدالله
موزوه فتحت عيونها و ميروه حطت ايدها على ثمها و هيه اطالع اختها نزلت دمعه من دموعها على خدها و قامت من على الاكل وركضت صوب غرفتها مثل المينونه و قفلت على عمرها و قعدت تصرخ و تصيح من شده الالم