الفصل 8
سارت ميروه مع حموه فوق علشان تعرف شوف فى قلب هالانسان للى ذبل ويها فجاه اول مادخلت الغرفه اندهشت من المكان للى منعفس فوق حدر
ميرووه(تسكر الباب): يالله قوليلى شوفيج
حمدوه: مافينى شى
ميروه: انا مثل اختج و ماشى اخت ترمس على اختها
حمدوه: بس ياميره انا ما اريد اكون صوره سيئه عن نفسى
ميروه(باستغراب): شو تقولين
حمدوه: يكفى ان زايد يكرهنى الحين
ميروه: شو سويتى للى اعرفه ان زايد مستحي يكره حد
حمدوه(تنزل دمعتها): ياليتنى مت
ميروه: بلاج لا تخوفينى حمدوه
حمدوه: مستحيل اتسامحينى
ميروه: انا وايد عانيت مع اختى نوره للى طايشه بس امى حليها ماتعرف و من كشفتها و هيه الحين تحاول تتجنبنى
حمدوه: انزين
ميروه: يالله قولى
حمدوه: بقولج بس وعدينى قبل
ميروه: اوعدج انى اتحمل كل صدمه
حمدوه: زايد شافنى مع واحد
ميروه(منصدومه): شوووووووو؟.؟؟؟؟!!!!
حمدوه(تصيح): و لله اعرف انى غلطت وانا خسرت
ميروه: بس حبيبتى لا تصيحين خبرينى شى صار بينج و بينه
حمدوه: لا زايد ووصل (قاطعتها ميروه)
ميروه: شو؟؟!! شافج زايد
حمدوه (تصيح بهستيريا): هيه شافنى بس و لله غصبا عنى
ميروه: كيف بتصححين موقفج
حمدوه: انتى ساعدينى
ميروه: من وين تعرفينه هذا ؟؟!!
حمدوه: من النت و طلع ربيع خالد اخوويه
ميروه: امممم شوفى لازم تصلحين موقفج جدام زايد
حمدوه(تصيح): كيف تعبت و لله تعبت انا احبه
ميروه: منو؟؟!!
حمدوه(تنزل عند ريول ميروه): زايد؟؟!! انا احب زايد و انا خسرته بغبائى
ميروه: خلاص حبيبتى
اول ماسمعت حمدوه صوت السياراه وقفت على الدريشه شافت زايد نزل من السياره بروحه لان خالد خذ السياره وراح الدكان التفت على ميروه: ميروووه بسير ارمس زايد
ميروه: صبرى صبرى شو بتقولين
حمدوه(تصيح): ما اعرف بس شو اسوووى
ميروه: اعترفى بغلطج يمكن يسامحج
حمدوه: انزين يالله ننزل بس سيرى اول انتى
ميروه: انزين
طلعت ميروه من غرفه شافت ساروه و موزه فوق ..
ميروه: شو تسون اهنيه
ساروه: ماشى بنطالع اهنيه
ميروه: احسن و الا اقول عندى شغله لكم
موزه+ساروه: شووو؟؟!!
ميروه: شورايكن ترتبن غرفه حمدوه
موزه: اكيد
ميروه: سيرن يبن كل شى من المطبخ للى فوق مب للى تحت
ساروه: انزين (اطالع موزه) يالله
موزه: صيرى
قمرهم كلهم
06-29-2010, 07:43 PM
ميروه تلتفت على باب غرفه حمدوه و تسحبها و تنزل تحت ...ميروه طلبت منها اتسير له لان محد عنده ...حمدوه وبخطواث ثقيله تتقرب من زايد للى من وقف من شافها ولف ويه عنها
حمدوه: زااايد
زايد: على ما اظن للى مثلج مايواجهنى
حمدوه: بس زايد
زايد: بس شو شى عندج كلام ثانى تبين تقولينه
حمدو(تصيح): بس اريد اعترف بغلطى
زايد: اعترفى اسمعج بس اسمعى ياحمدوه لا تتصورين ...........
حمدوه: انا اعرف للى سويته غلط بس يازايد انا ما بسوى جذا سامحنى
زايد: اسمعى ياحمده انا اقدر اسامحج بس لله ما بيسامحج لازم تعرفين هذا الشى
حمدوه(تصيح بهستيريا): شو تقصد
زايد: اسف كنتى شى بحياتى و الحين و لا شى
حمدوه(تزيد حده هستيريتها): يعنى
زايد: مستحيل اخذ وحده كانت بتحط راس اهلها بالارض و انتى لله يوفقج و لا تفكرين انى بفكر فيج يوم انتى انهيتى
حمدوه(طاحت على ريولها): لا تقول هالكلام
زايد: على ما اظن انتى تفهمين شو سويتى
حمدوه: غلطه بس صدقنى ما تتكرر
زايد: لا تصيحين مافينى على الصدعه
حمدوه: زايد دخيلك
زايد: قولى للى عندج قبل لا اى خالد
حمدوه(تصيح): اناااا يا زاايد و لله احبك
زايد: لا تقولين احبك لانى ما اصدقج
حمدوه: زايد دخيلك
زايد: لالا تترجين لان اذا تميتى جذا بسير
حمدوه: انته تحبنى صح (تتقرب صوبه)
زايد(سكت): يابنت الناس انتى للى حرمتى هالحب و تخونينى مع ربيعى
حمدوه: و لله يازايد غلطه كانت
زايد: ما اريد اسمع (يصرخ فى ويها) بس عاااد اقولج للى خلقج خلق غيرج يخافن على عمارهن
حمدوه(تصرخ بهستيريه و تصيح): بس انا احبك افهم
سمعت ميروه صراخها وسارت بسرع الصاله و تحاول تهدى حمدوه
ميروه: حمدوه بس خلاص
حمدوه: انا احبه صدقينى هو مب راضى يفهمنى
ميروه(اطالع زايد للى يطالعها): خلاص يا حمدوه
حمدوه: قومى عنى ؟؟!!
ميروه: شو بتسوين
حمدوه: بنتحر ؟؟!!
زايد: احسن بعد
حمدوه(اطالعه و هيه مب مصدقه للى تسمعه): زايد اخر كلمه اقولها لك
زايد: هه قولى
حمدوه(تاشر عليه و تصيح و تنتفض): انا احبك و اعرف انا انى غلطت
ميروه: بس خلاص خلينا انسير غرفتج
حمدوه: ما اباااا
زايد: خذيها غرفتها
ميروه(تسحب حمدوه): يالله انسير
اول ماطلعت حمدوه حط زايد ايده على راسه ياربى انا شوقلت بس تستاهل محد قاللها تسوى جذا بس الحمدلله ..اما فى غرفه حمدوه للى قعدت اتصيح بهستيريا وميروه تسكتها ساروه و موزه نزلن تحت قبل لا يشوفن شكل حمدوه ...
حمدوه: ما يحبنى خلاص
ميروه: استهدى بالله
حمدوه: احبه ياناس افهموا ؟؟!!
ميروه: و لله ادرى بس خلاص ارتاحى انتى الحين بسير تحت اهدى الوضع
حمدوه: انزين
اول ماطلعت ميروه استغربت من رده فعل حمدوه قفلت الباب بس قالت هذا شى طبيعى يعنى عادى ......اما حمدوه طلعت حبوب وايد من الادويه الجديمه و قعدت تاكل منها لين ما اغمى عليها للى طاحت على صوره خالد و زايد للى كانت معلقتنها فى غرفتها طاحت و دموعها على خدها بتحرقها ...
::++اما فى الصاله (بيت بومحمد)::++
اول مانزلت ميروه شافت خالد داخل سلم عليها و دخلوا مع بعض الصاله ...التفت ساروه و موزوه عليها و هن يضحكن عليها ..
ساروه: ماسوينا استقبال حاااار
خالد: هههه اتضحكينى و لله (يطالع زايد) ايييه زاايد
زايد: هلا
خالد: تريد تشرب كولا
زايد: ما اشرب كولا
موزه: هههههه يسوى ريجيم علشان جذا البنات طايحات عليه
زايد: ههههه الحمدلله على كل حال
ساروه: فديت اخويه ياربى كيف حلو
زايد: بس عاد استحى
::++يدخل خليفه::++
خليفه: السلام عليكم
الكل: و عليكم السلام
خليفه: من هذا للى يستحى
ساروه: اخووويه ؟؟!!
خليفه: ليش تتفدينه
ساروه: بس حره اخويه
خالد: عيل وين حمدوه عنكم
ميروه(مرتبكه): فوق ترتب غرفتها (اطالع زايد للى لف ويهه)
خالد: بسير اشوفها
ساروه: تريد مساعده ؟!!
خالد: ههههههههه ليش حد قالج بسير اضارب وحش
ساروه: هههههههه لا بس يعنى عندك حرس انته على ما اظن
ميروه: انطمى عنلاتج
خليفه: ههههههههههههههههااااااااااااااى ميره عثرج انتى الحرس
خالد: بس انته وياها بسير اشوف حمدوه و بنزل
زايد: لا تتاخر بنطلع بعد اشوى
خالد: بعد الغدا بنطلع
زايد: ليش مب الحين ؟؟!!
خالد: وين الحين انسير يا اخى
زايد: انزين خلاص
سار خالد صوب غرفه اخته يريد يفتح الباب لقاه مقفول استغرب لان حمدوه تقفل الباب بس بالليل ...
خالد: حمدوووه حمدوووه وينها ماترد على اكيد فى الحمام
نزل خالد الصاله والتفت على ميروه: انتى شفتى حمدوه اليوم
ميروه: هيه ليش
خالد: ما تفتح الباب
ميروه(وقفت من الخوف): لا مستحيل
خالد: شو مستحيل
وبسرعه تركض ميروه صوب غرفه حمدوه و ادق على الباب و ادق على الباب
ميروه: حمدووه فتحى الباب
ساروه:شوفيها ما تفتح
ميروه: ياربى اخاف سوت بعمرها شى
موزه: شو مب خبله حمدوه
ميروه: سيرى زقريهم من تحت خليهم يفتحون الباب
موزه: انزين
::++نزلت موزه و هيه خايفه على حمدوه ::++
موزه: تعالوا فوق حمدووه مافتحت الباب (خاف زايد عليها)
خليفه: يالله شو تتريون
زايد: يالله قم
طلعوا كلهم فوق وقعدوا يدقون الباب بس مافتحت الباب ماشى غير قرار واحد انهم يكسرون الباب ..اول ماكسروا الباب شافوا البلكونه مفتوحه التفت ميروه صوب الكبت شافت ايد صرخت و طاحت على ريولها وقف خالد اول ماشاف اخته ركض صوبها وزايد تيبس مكانه ماعرف شو يسووى وشاف فى عيون ميروه عتاب كانها تقوله انته السبب ..
خالد: حمدووووه
ميرووه: قومى حمدوه
تتحرك حمدوووه اشوى علشان تتنفس ...
زايد: حمدوووه قومى
تفتح حمدوه عيونها يوم شافت زايد ابتسمت ابتسامه صدمت زايد و نزلت دمعتها ...
خالد: قومى يالله (يساعد اخته علشان تقوم)
حمدوه(بصوت تعبان): اريد مااااااااااااى
خالد: شو صار ؟؟!
حمدووه: ماشى بس تعبانه
ساروه: كلتى كل هذى الحبوب
حمدوه: هيه (اطالع زايد)
خليفه: خبله انتى تاكلين كل هذا صدق مينونه
زايد: سلامات ما تشوفين شر
ميروه: روحوا الحين تحت انا بقعد عندها
موزوه: و انا ؟؟!!
ميروه: سيروا تحت مع ساروه يالله طلعوا
خالد: اذا تبون شى انا تحت ...
يسمعون صوت حد يدخل البيت و يصرخ ::++يااااااااااااااااااااااااااااااااااااااااااااا ااا اهل البيت انا وصلت::++ قعدوا الشباب يطالعون ..
زايد: خالى سعيد
خليفه: عمى (طلع من الغرفه)
كلهم طلعوا من غرفه حمدوه ساييرين صوب الصاله ....اول مانزلوا ماشافوا حد لان سعيد كان ورى الباب يطالعهم و هم يدخلون الصاله وهم مستغربين وينه ..
خالد: عمى سعيد (يطالع زايد) نحن نحلم
زايد: يمكن و لله
خليفه: وووينه
ساروه: اقول خليفه يمكن شبح
موزوه: اماااااااااااااااايه
::++طلعلهم سعيد::++
سعيد: مرحباااااااااااااااااااااااااااااااااااااااااااااا ااااااااااااا
الكل: هاااااااااااااااااااااااااااا
سعيد: شو هاااااااااااااا سلموا
خالد: ووويه عمى شحالك (يلوى على عمه)
سعيد: بخير ربى يسلمك (يطالع زايد) شحالك غرشوب العين
زايد: هههههههه بخير ربى يسلمك
خليفه(يطالع ساروه): انا و نتى فى الصندقه
موزه: صندوق طمام
ساروه: هيه جذا
سعيد: اشفيكم ها خليفه شحالك
قمرهم كلهم
06-29-2010, 07:49 PM
خليفه: تو الناس ؟؟!!
سعيد: ههههههههه ويا هالراس عيل وين قوم ابووى
موزه: خالى زين انك ييت فهد ولد خالوه بيعرس الاسبوع الياى
سعيد: زين و لله
ساروه: اقووول سعووود (يضربها خليفه على جتفها)اااااااااااااااااااى شو فيك
خليفه: انتى ما تستحين ادلعين الريال
موزه: بدينا الحين
سعيد: من كانوا اصغار
زايد: هيه و لله (يسمع صوت السياره) سير اندس فى اى مكان قوم يدى وصلوا
سعيد: يالله بنخليها مفاجأه انزين لا تقولون شى
خليفه: ان شاء لله بس اندس الحين
سعيد: انزين موزه وساروه حطوا شنطتى فى اى مكان
ساروه+موزه: انزين
سعيد سار ميلس الحريم وحط اذنه على الباب علشان يسمعهم ..دخل بومحمد وعياله البيت و من التعب قعدوا فى الصاله ..
بومحمد: ها عيالى عساكم بخير
خالد: هيه بخير يدى عساكم ما تعبتوا
ام خالد: ما تعبنا و لا شى
خالد: زين عيل
بومحمد: اشفيكم ؟؟!!
زايد: لا ماشى بس خليفه و ساروه كالعاده ضرابه
خليفه: هههههههه مكار
ام زايد: وابووويه عليكم (اطالع ساروه) ساررررررررررووووه
ساروه: ههههههههههههه هاااا شو
ام زايد: اشعنه اتضاربين خليفه
ناصر: عموووه خليهم
ام زايد: هيه اخليهم هذى لسانها يوصل الصين
خليفه: عموووه انا مرتاح جذا
لا يسمعون صوت حد طالع من ميلس الحريم ..
حبيب أحبه على الخود زود ........................على تغلى وصابه عناد
احبه محبه بليا حدود...................تمكن وداده بلب الفواد
حياتى و موتى بذيك الخدود...........ورمشه و عينه تساوى بلاد
أنا له محب ادارى العهود..........وحبه حبيبى يزيد ازدياد
عجيد اليوازى حذور شرود......ومن هو شراتته محال اصطياد
غريم بحبه و طبعه عنود....خليل أحبه وحبى وكاد
وصل سعيد لين الصاله و الكل متفاجا به حتى ابوه وهو ياشر على قلب ابوه
سقانى حبيبى بكاس الصدود ......ولا ايوز عنه و لا اقدر بعاد
غدا كل شى معى فى الوجود ...........واشوفه و حتى بحلم الرقاد
الكل مب مصدق ان هذا سعيد وقف بومحمد ولوى على ولده و سعيد يلوى عليه: فديت هالخشم ياربى
بومحمد: وينك ياولدى تريد تذبحنى ناقص عمر
سعيد: لا ان شاء لله يومى قبل يومك
بوخالد: مرحبا الساااع (يتوايهون) وينك مغترب عن اهلك
سعيد: موجود (يطالع فهد) مبروووك قالوا بتعرس عنبوا ما تخبرونى
فهد: و لله يا خالى كان كله بسرعه
ام زايد: يا سعيد هذى مها بنت المرحوم سعيد
سعيد: مرحبا كيف حالج ؟!
مها: الحمدلله بخير ربى يسلمك
ناصر: هذى حرمه فهد
سعيد: لا و لله عساج مرتاحه
مها: الحمدلله
ساروه: اقول خليفه مب جانهم مسويلنا طاف
خليفه: اشوف ترانى قاعد مجابلنج محد يرمسنى
بومحمد: هههههههه لله يهديكم ان شاء لله
بوخالد: دوم انتوا الاثنين (يطالع سعيد) متى واصل ؟!!
سعيد: ههههه من امس راقد فى بيتنا فى بوظبى و اليوم يتكم
ام زايد: حيالله سعيد القاطع
ساروه: اماااااااااااااااااااااااايه
ام زايد: ها شو تبين
ساروه: اريد (اطالع خليفه) شو اقول
خليفه: بس سكتى انا برمس
ساروه: ليش تسكتنى يعنى
خليفه: لانج ماتعرفين ترمسين
::++يدخل عبدالله ::++
عبدالله: السلام عليكم (يطالع خاله سعيد) ووويه خالى
سعيد: ووووووويه شحالك ههههههههههههه
عبدالله: بخير
موزه: خالى تريد عصير
سعيد: لا فديت ويهج
عبدالله: انا اريد عصير
موزوه: ما اريد ايبلك
ام سالم: يابنت عيب
عبدالله: خالووه خليها اشوف انها بدت تكرهنى
موزوه: ليش حد قالك انى اكرهك
عبدالله: لا بس يبان على ويهج
سعيد: خلاص تايم اوت
موزوه: يوعتنى اماه اريد اكل حلاوه
ام سالم: بسج بتنتفخين
ساروه: ههههههه احسن
خالد: هيه و لله نسيت
زايد(يهمس فى اذن خالد): اسكت لا ترمس عن حمدوه
خالد: ليش
زايد: بس جب
ناصر: شو عندكم
فهد: انا اقول يمكن شايفين لهم شوفه
::++تصرخ ساروه و موزوه فجاه::++
ساروه+موزوه: اااااااااااااااااااااااااااااااااااااااااااااااااا ااااااااااااااااااه
الكل: بسم لله
بومحمد: شو فيكن
ساروه: موزوه شوفى فزااااااااااااااااااااااااااااااااااااااااع
موزه: هيه اشوووووووفه
خليفه: اييييييييييه عنلاتكن ما تستحن
ساروه(تناقز على الكرسى): لا لالالالالالالالالالالالا
موزوه: تعالى ننعش
سعيد: ايييييييييه شو رايكن اشاركن بس بالعقال
ساروه: هههههههههههههههههه
خليفه: سمعى ساروه
ساروه: هااا شو
موزوه: مب زين تكونين دفشه سمعى
ساروه: انزين
خليفه: صاحبى قررت ترانى منك انا انسحب لا ولا بين وصلك فى سماى من بعد ماصار حبك لى لعب
ساروه: لا و لله حق منو هذى
خليفه: حقج
ساروه: احلف
خليفه: ما بلف بس لج
خالد: افااا عليك تصافعوا
::++دخلت ميره::++
ميره: مرحبا شو تسووون
خالد: زين انج يتى
ميروه(باستغراب): ليش؟؟!!
خالد: لا بس علشان تكمل القعده
بومحمد: و لله انكم يا عيال اليوم
زايد: هيه و لله يدى هههههههههه
خالد: بس بس بالله عليك بنشوف بعدين منو بيرمس
ناصر: ردى على خليفه ساروه
ساروه: اممممممممممم تبانى ارد
خليفه: ما تفرق عندى يوم تصرخين وتقولين فزااااااااااااااااااااااااااااااع
ساروه: ههههههههههههه قول و لله
فهد: ردى ساروه عليه
ساروه: هذا هو الحب قاسى كله هموم و ماسى لله على خلى ياناسى انسى الزعل ياقلبى ارتاح
خليفه: خل روحى فى روحك هذا اغلى وسام خلى عينى بعينك خل ايدك بايدى ياشروق المحبه ياشموع الغرام ياورد فى حياتى
ام زايد: بنفتح حق خليفه وساروه ميلس يشعرون فيه
خليفه: ههههههههههههههههههههههههههههههههههه
بومحمد: اضحك لسانك لين برع
سعيد: عادى بنرده بلزق
ساروه: سعووود لا تعايب
سعيد: لله لله عندك محامى
خليفه: هيه نعم طال عمرك بس ما اعرف يعنى اذا قدمت استقالتها بحرقها
ساروه: حد قالك اشتغل عندك
خليفه: هيه نعم
ساروه: منو
زايد: بس لله يخليكم راسى بصراحه عورنى
ساروه+خليفه: بندول
خالد: قم قم
زايد: وين
خالد: الميلس للى برع
ساروه: ولله تقعد
خالد: ليش؟؟!!
ساروه: اصلا يعنى ...فى شى مب حلو بدون شى (و تبتسم)
خالد(يطالعها باستغراب): شو يعنى
خليفه: ههههههه ملعونه بعد
موزوه: هيه و لله صدقها ساروه
بومحمد: برايكم عيل بسير ارتاح انا الحين
بوخالد: و انا بعد طالع
ام خالد: بو خالد انا سايره مع الحريم
بوخالد: براايج
ام خالد: ها يامها كل شى جاهز
مها: هيه نعم خالوه
ام سالم: يالله يا ام زايد
::++طلعوا الحريم وبقوا الشباب مع سعيد::++
سعيد: اخت ساره ممكن توضحين
ساروه: هههه لا ياخويه خليها مستوره
خليفه: ههههههههه يابوى ضاع العقل منى
ساروه: هيه و لله (اطالع ميروه) ميرووه
ميروه: ها بلاج مصدعتنى
ساروه: ههههه ما خبروج
ميروه: شو
ساروه: خالد بيخطبوله
ميروه: نعم
خالد: يالجذابه
موزوه: ههههههههه عندج اياهم
زايد: ساروه عيب هههههههههه
ساروه: صبر زايد (اطالع ميروه) بيخطبوله هذى الخدامه للى سفروها
خالد: ولله انج فضيحه (وقف جدامها)
ساروه: نعم اخوى خالد فى شى
خالد: منو قالج هالرمسه
ساروه: الدب للى عدالى (تاشر على خليفه)
خليفه: ههههههههههه يالهبله انا قتلج قولى جذا
ساروه(تهمس): ما اقدر هههههههههه
سعيد: شو تقولون
خليفه: لا ماشى ههههههههههههههه
زايد: عيل ما خبروج ساروه
ساروه: شو؟؟!! لا ما خبرونى
خليفه: شو صار
موزوه: نفس الطبع
عبدالله: هيه نفس الطبع (يطالع موزوه)
ميروه: بسكم انزين و الا تعالوا يدى مايريد يتغدى
سعيد: هيه صح ليش سار غرفته و الحريم طلعن السوق توهن رادات
ناصر: تعرف عاد عندنا عرس
فهد: لله يخليكم
زايد: هههههههه اييه فهد ما بتسير تتحلق شو
فهد: هيه ذكرتنى ؟؟!!
سعيد: عنلاتكم ما بتحوطونى فى العين
خالد: ليش مستعيل بعد عرس فهد كلنا بنسير المزرعه يا سلام
زايد: هيه يا سلام
سعيد: ليش؟؟!!
زايد: يابويه ترانى عاشق و مغرم اعيش هوى الحب بين ضلع الهجر و عذاب العيون ...
خالد: يا سلام عليك كل هذا وصف فينى
ناصر: على ما اظن
سعيد: قو موا انتوا خلونا انسير المول يالله
البنات: نحن
خليفه: انتن قعدن اهنيه (يطالع عبدالله) ما بتسير
عبدالله: مافينى
ناصر: شو بتسوى عند البنات
عبدالله: مافينى اطلع راسى يعورنى
ساروه: شو تبونه خلوووه تبونه يحزط فى هالمول
خليفه: يعنى جذيه
ساروه: لا جذاااااااك ههههههههههه خلوف
خليفه: جب يالله (طلع من الصاله)
ساروه(اطالع ناصر و موزوه): شو فيه عصب ؟؟!!
خالد: ما عليج حركات
سعيد: يالله نطلع انزين
::++طلعوا الشباب من البيت و البنات قعدن مع عبدالله::++
ميروه طلعت عند حمدوه فوق اما ساروه و موزوه قاعدات مع عبدالله ....موزوه حاسه بضعف جدام هالانسان للى قاعد جدامها يطالع التلفزيون شوفيه عبدالله اكيد فيه شى مب طبيعى اليوم الا و اشوى تسمعه يسعل من الخاطر ..
ساروه: شو فيك
عبدالله: اريد مااااااااى بسرعه
::++تركض موزوه للى سبقت ساروه علشان تيب ماى بارد اول ماوصلت ::++
موزوه: اندوك
عبدالله: مشكوره ااااااااااااه ياربى
ساروه: شوفيك ؟؟!!
عبدالله: صدرى يعورنى
ساروه: من شو ؟؟!!
عبدالله: تعبان و لله
موزوه: سلامتك ؟؟!!
عبدالله: اريد اعرف انتى شو فيج جذا ترمسينى من طرف خشمج
موزوه: منو قالك
عبدالله: انا اقولج
ساروه: اوهووووووووو انا بسير عند ميروه
موزوه+عبدالله: أحسن
ساروه : هههههههه انزين
قمرهم كلهم
06-29-2010, 07:50 PM
::++طلعت ساروه و هيه تبتسم::++
عبدالله: لا و لله
موزوه: هيه انزين
عبدالله: انا حاس ان فى خاطرج كلام تبين تقولينه صح
موزوه(بدت ترتبك): هااااااااا منو قال ؟؟!!
عبدالله: لا تتحسبينى اهبل ما اعرف
موزوه تقول فى خاطرها ياربى يريد يذبحنى هذا الحين اخاف شى يصير فينى انا اليوم يا عقلى يطير يا اتخبل
موزوه: شو تعرف
عبدالله: انزين قولى ما بقولج شى
موزوه: بقولك شو فخاطرى بصدق بس ما تقاطعنى
عبدالله: حاضرين كم موزوه عندنا
موزوه: عبدالله انا احتاج حد يفهم احساسى
عبدالله: احساس مثل شو يعنى
موزوه: عبدالله الانسان ينولد على الحب بالفطره صح و الا لا
عبدالله: هيه
موزوه: و انا انولدت و انا .........
عبدالله: انتى شو كملى
موزوه: أحبك
عبدالله: شووو ؟؟!!
موزوه: شو شو
عبدالله: موزوه انا مستحيل افكر فى شى اسمه حب
موزوه(منصدمه): شو
عبدالله: هههههه لا تنهبلين اى حب اى خرابيط
موزوه(وقفت ): انته شو تقول ؟!
عبدالله: للى سمعتيه انا مستحيل احب يعنى انا و نتى مثل اخوان لا غير
موزوه: صدق ان دمك بارد و لا تحس (تنزل دمعتها)
عبدالله(انصدم): شو فيج ليش تصيحين انا قلت شى يزعل
موزوه: انته حرام حد يفكر فيك او يحبك انا ضيعت عمرى كله و انا افكر فيك (اتزيد من صياحها)
عبدالله: بس موزوه
موزوه: شو بس كمل قول انى انا وحده ما تستاهل حد يحبها تكلم
عبدالله: انتى فهمى شو اريد اقول
موزوه: ما اريد افهم (اطيح على ريولها) حطمتنى و لله (اتصيح)
عبدالله: انا اقول فى هالوقت
موزوه: لا عبدالله للى ينقال الحين ياثر على حياتك بعدين (تصيح من الخاطر)
عبدالله: موزوه انتى مب فاهمه
::++تدخل ساروه::++
ساروه: موزوه شو فيج
موزوه(رفعت عبونها اطالع ساروه): ماشى (اتصيح)
ساروه: عبدالله شو فيها
::++عبدالله مصدوم من الموقف للى صار ::++
موزوه طلعت من الصاله و هيه تصيح سارت فوق ودخلت اى غرفه و سكرت على عمرها الباب وهيه تصيح لحقتها ساروه للى لحقت عليها قبل لا تقفل الباب ...اما فى الصاله عبدالله قاعد يفكر شو فيها موزوه لا يكون تحبنى بس بالله عليكم انا شو ينحب فينى عفانا لله شو اسوى بهذى البلوه الحين ..اخافها تخبر ساروه عاد لسانها هذى بيكسر يبل حفيت لله يعينى ياربى ليش البنات يحبنى بس علشان ان عيونى عسليه مب علشان شى هالعيون السبب ..
::++العين مول::++
شبابنا خذوا جوله فى العين مول مع خالهم و عمهم فى نفس الوقت و قعدوا فى الكوفى شوب
سعيد: و لله انى تولهت على العين و اهلها
زايد: يحقلك و لله
خالد(يرمس ناصر وفهد): عيل و ينه حمد
فهد: وييه فاتك ياريال نسيت اقولك حمد بيخطب بنت خالته
زايد(يطالع فهد باستغراب): لا و لله احسن له
فهد: هيه و لله تصدق كان مايباه اول و الحين وافق جذا من لله
سعيد: شو يريد يبتلى بالحرمه من الحين
خالد: طال عمرك هذى الدنيا نصيب
زايد(يبتسم): هيه نعم (يطالع خليفه) ايييييييه خلوف لين الحين زعلان
خليفه: لا
سعيد: عيل و لله زعلان
ناصر: لا تخافون الدوى موجود
فهد: لا و لله
خليفه: نصور قسم بالله بالطفايه على راسك
ناصر: ههه خلاص
حس خليفه ان حد حط ايده على جتفه وسمع صوت انثوى و الكل قاعد يطالع هالانسانه من تكون
...........: خليفه
خليفه: بسم لله الرحمن الرحيم منو
البنت(تعق الغشوه): لطيفه
الكل: شووووووووووووو
خليفه: شو تبين الحين لا حقتنى اهنيه
لطيفه: ماشى قلت امر اسلم عليك
خالد: يالله سلمتى اجلبى ويهج
لطيفه: من رمسك انته
سعيد(يكلم ناصر): من هذى ؟؟!!
ناصر: خطيبته الاوليه
سعيد: واااااااااااع مب حلوه
لطيفه: سمعتك انته ربيعه
سعيد: هيه
زايد: هههههههههههههه عينى عينك
لطيفه: ليش تضحك يا غرشوب العين البنات للى فى الطاوله اهناك بيموتن عليك
زايد: و لله للى مافيها خير فى اهلها مافيها خير فى الناس وانا ما اتعامل مع هالاشكال
لطيفه: شووو
خليفه: يالله راوينا عرض اكتافج
فهد: اقولج مافينا على رمسه الناس
لطيفه: عيل ليش يرمسنى من الاساس
خالد: الريال غلط و تاب الحين
لطيفه(اطالع خليفه): فى حد غيرى فى حياتك
خليفه: هيه نعم
لطيفه: من هذى ؟؟!!
خليفه: وحده تبيعج انتى و طوايفج كلهم
لطيفه: قولى من تكون و انا اخليها مثل المينونه
خليفه: لعلمج اذا ماسرتى عن ويهى بفضج فى المول كله
لطيفه: هين انزين برااايك بس بنلتقى
خالد: لا ان شاء لله
سعيد: يابنت الناس
لطيفه: رمستك
سعيد: انا استوى عمه
لطيفه(خايفه): هاااا لا تكون عمه سعيد
سعيد: هيه نعم و مثل ما عرفتينى انا وعرفتى خليفه اكيد بتتعرفين على غيرنا
خليفه: شو قصدك
سعيد: يالحبيب هذى لطيفه كانت تعرفنى صح لطووف
لطيفه:..........................(منصدمه)
خليفه: يالخاينه لج عين ترمسين بعد
لطيفه: خليفه انا
سعيد: ممكن تسيرين عن الفضيحه
سارت لطيفه عنهم و هيه منصدمه معقوله حبها الاولى سعيد تجابله صدق الدنيا الدور و الشباب قعدوا يضحكون مع بعض حتى خليفه للى كان معصب من ساعه
زايد: صدق و لله انهن ؟؟!!
خالد: بطنى يعورنى لو شفت شكلها و لله
فهد: وووويه هذيه امااايه
ناصر: العوق تراه
سعيد: بتخبرك حرمتك ليش مب فى بيت اهلها
فهد: البنت يتيمه و طردتها حرمه ابوها
سعيد: و الخيبه متى
فهد: اليوم خطبتها المغرب العشا طردوها
سعيد: سويت خير فى هالمسكينه
خالد: لله بيعطيك من رزجه ان شاء لله
فهد: امين
خليفه: خلونا انسير اى مكان مليت انا
خالد: وين تبا
زايد: انا اريد اسير الشركه عندى كم من شغله
سعيد: انته ما تتعب شو
زايد: شو اسوى بعد ورانا حجوزات حق عرس فهد
خليفه: فعرسى بخلى الجسمى يحضر
خالد: شاووويه قول محمد عبده
خليفه: ايبه ليش لا
سعيد: قدها و النعم ؟؟!!
ناصر: نطلع انزين
الشباب: يالله
طلعوا الشباب من العين مول وتمشوا فى شوارع العين كلها ماخلوا شى على شرف سعيد ردوا كلهم بيت بومحمد اول ماوصلوا شافوا عبدالله قاعد يطالع التلفزيون و الحريم يرتبن الاغراض .....
الشباب: السلام عليكم
الكل: و عليكم السلام
::++دخل بومحمد و بوخالد::++
بومحمد: ها شحالكم
سعيد(يلوى على ابوه): فديتك ياربى
بومحمد: ياربى بتذبحنى
سعيد: فى العين ساكن صاحبى فاق المها وحد الظبى انته مدحت للى تريد وكل حد يمدح من يبى ...
بوخالد: شوفوا انتوا البزا بس
سعيد: اخر العنقود ومن حقى ادلع
ام زايد: ادلع اشعليك
بومحمد: لا اله الا لله
الكل: محمد رسول لله
بومحمد(يطالع مها): يابنيتى سيرى فوق عند قوم ساروه وفى طريقج زقريلى ام لسانين
مها: منو
بومحمد: ساروه
مها: ان شاء لله
طلعت مها من الصاله رايحه غرفه حمدوه لان كل البنات اهناك ...دقت الباب و دخلت
مها: السلام عليكم
البنات: و عليكم السلام
مها: شو تسوون
حمدوه: ماشى
مها: شوفيه ويهج تعبان
حمدوه: بس اشوويه مغص (اتشوف ميروه)
مها: ساروه يدى يباج
ساروه: لا و لله
مها: هيه و لله
ساروه: براايكم انزين (اطالع موزوه الساكته) بتين وياى موزوه
موزوه: لا
ساروه: انزين (اطالع حمدوه و ميروه و مها)
طلعت من غرفه البنات سارت صوب الصاله اول مادخلت طاحت عينها فى عين خليفه و ابتسمت لا نها تذكرت الموقف ...
ساروه: هلا يدى قالوا تبونى
بومحمد(يهمس حق سعيد): شوف شو بيصير الحين
سعيد: شوو
بومحمد: شوف بس
ساروه: يدى انته زاقرنى من فوق اوين تعالى اباج قاعد تتهامسون
بومحمد: قعدى نريد رايج فى شى
ساروه: انا و لله زين (تتعدل فى قعدتها) يالله قول وبساعدك فى كل الاحتمالات
بومحمد: انزين يابنتى تعرفين يعنى الريال لازم يعرس صح
ساروه(مستغربه): هيه
بومحمد: وام خالد تريد تخطب حق خليفه سهيله بنت خالته
ساروه(منصدمه): شوووووووو
خليفه: نعم (يسكته ناصر)
ساروه(نزلت راسها): مستحيل
بوخالد: شو مستحيل ساروه
ام زايد: ساروه حبيبتى يمحون وياج
ساروه(نزلت دمعتها وقفت): مبرووك (طلعت من الصاله)
بومحمد: تعالى ساروه اسولف وياج (ساروه طلعت و لا سمعت حد يرمس )
خليفه: ليش جذا تقولون لها
ام خالد: و اخيرا تريد سهيله
خليفه: و لله لو اموت ما اخذها
ناصر: وي سايره ساروه
زايد: وينها
ناصر: ما تشوف اعور
خليفه: وينها
ناصر: هذيه شو انعميتوا
::++طلع خليفه برع صوب ساروه:++
كان زايد يريد يطلع بس بومحمد قعده .............اما خليفه تقرب من ساروه لى تصيح بكل هستيريه
خليفه: سويره
ساروه: سير عنى داخل
خليفه: يسولفون ويااااااج سوويره
ساروه: ادرى بس من الصدمه تعبت
خليفه: عيل ليش تصيحين
ساروه: خليفه انا تعبت يعرفون انك نقطه ضعفى ليش جذا
خليفه: ما علي منهم
::++يطلع سعيد::++
سعيد: شو فيج زعلتى
ساروه: ما زعلت بس تعبت اشوى
سعيد(يغمز لها): تعبتى و الا .......
خليفه: لا تسمعينه انزين
سعيد: يالله عاااد يا خلوف للى يسمع
ساروه: اتضاربوا احسن (سارت عنهم داخل)
خليفه: زين جذيه (كان يريد يسير مسكه سعيد)
سعيد: هيه هذى للى بتبيع طوايف لطوف
خليفه: هيه
سعيد: صدق انك عرفت تختار
خليفه: عاد لا تفضحنا الحين انته و ناصر تعرفون ما فينى يوصل حق زايد بعدين تستوى ضرابه
سعيد: ما عليك يابوزايد انسير يالله داخل
خليفه: يالله