الفصل 5
بعد ماسكرت حمدووه الماسنجر نزلت تحت عند امها ....اول ماوصلت الصاله شافتهم كلهم قاعدين بس يدهم بومحمد محد كان يرتاح فى غرفته بعد ماصلى المغرب ..
حمدووه: هااااماايه شو تبين
ام خالد: تعالى قعدى عندنا اشفيج مصطنه بروحج فوق ..؟؟
خليفه: اكيد قاعده على النت الحبيبه
حمدوه: ههههههههههههه لا غلط حاول مره اخرى
خالد: شو قاعده اتسووين عيل
حمدوه: شو تحقيق هو ؟؟
بوخالد: اشفيكم على اختكم لا اله الا لله
ناصر: ابوويه لا ادلعها واايد
بوخالد: انزين وليش؟؟
ناصر: حتى نحن عيالك مب عيال البطه السوده (يرن تلفووونه)
حمدوه: هههههه شوف منو متصل فيك قبل بعدين ارمس
ناصر يرد على التلفون ........
ناصر: مرحبا
فهد: هلا و لله شحالك
ناصر: بخير شحالك فهد
فهد: و لله تمام بتخاوينى
ناصر: ووووين
فهد: بنسير المول مع الربع بتى
ناصر: اكيد خمس دقايق اتلبس و بلقاك اهنااااك
فهد: تمام عيل اترياااااك
ناصر: ان شاء لله
سكر ناصر التلفون ........
بوخالد: منو ياولدى
ناصر: فهد ولد خالووووه
بوخالد: و النعم فيهم و لله انهم رياييل ابوهم توفى عنهم و هم صغار وربوا اختهم
خالد: هيه نعم و انا اشهد
خليفه: لله يخليهم ان شاء لله
ناصر(وقف ): لله يخليك للى فى بالك (يغمز له)
خليفه: اسكت لا تفضحنا ...حوووه تعال وين رااايح
ناصر: بسير مع فهد المول
خالد: عيل وينه زايد
حمدوه: ههههههههههههههههههههههههههههههههه حليلك شو تبا منه
بوخالد: شو بعد شو يبا منه ولد خالته و اخوه وربيعه
حمدوه: ماقلنا شى
ام خالد: كم مره اقولج صيرى شرات البنات يستحن مب ملقوفه
حمدوه(مبرطمه): زين زين
خليفه: اقوول ناصر بسير ويااااك
ناصر: قم انزين مب قاعد
خليفه: خمس دقايق وبجهز
خالد: هههههههه بووويه بتصل على زاايد اشوفه بتخاوينا انسير انشوف المشاريع
بوخالد: و لله زايد انه نعم الرياييل داير حلال ابوووه كله
ام خالد: لله يرحمه ويقوى ولده
الكل: امين يارب العالمين
رن تلفون البيت .ورد عليه ناصر ...
البنت: الو مرحباااااااااااااااااااا
ناصر: مرحباااااااااا منو معاااى
لطيفه: اوونك ماتعرفنى و تستهبل بعد
ناصر(تيبس مكانه ويطالع خليفه): انزين و شو تبا الحين
لطيفه: صدقنى بتندم على للى سويته لى
ناصر: انزين
لطيفه: لا و لله لا تقهرنى ببرودك بتشوف شو بسوى تتحسب انى سهله لا و لله يا اخليك اتذوق المر
ناصر: برااايك انزين
لطيفه: شوفيك انته
ناصر: اكلمك بعدين بنتفاهم
لطيفه: انته اصلا ترد على
بوخالد: منو على التلفون ياناصر
ناصر(يحط ايده على سماعه التلفون): ربيعى بووويه
خليفه(تقرب من ناصر اول ماشاف الرقم قعد يطالع اخوه): هاااات انا برمس
ناصر: شو بتقول حق ابووويه
خليفه: بسحب التلفون فى الميلس
ناصر: اندووك لا تتاخر نترياك فى المول
خليفه: انزين
سحب خليفه التلفون لين الميلس ......
خليفه: خير
لطيفه: الخير من ويهك ليش صارلك 10 دقايق مطقعنى
خليفه: خلصينى شو تبين الحين
لطيفه: وين الحب للى ترمس عنه
خليفه: يابنت الناس انتى شوفه اهلج يعنى عن هالحركات
لطيفه: والزبده شو
خليفه: الزبده من عند البقره ههههههههههههههههههههههههه
دق خالد الباب ...
خالد: خليفه افتح الباب ..
خليفه: انزين لحظه اشوووووى (يرد على التلفون) صبرى انتى بعد
سار فتح الباب...............
خليفه: ها خلووود شو تبا
خالد: شو فيك منو ترمس
خليفه: ربيعى
خالد(يطالعه بنظره غريبه): ردينا حق لطوووف
خليفه: هيه المتصله شو اسووى فيها
خالد: عطها كم من كلمه و الا اقولك انا اعرف شو اقوللها
خليفه: شو بتسوووى
خالد: بقوللها لا تتصل جيه ما تحشم اهل البيت هذى وين اهلها
خليفه: لا تحط راسك براسها
خالد: خلوووف القلب من يعشق يختار قلب صافى مب قلب مصالح
خليفه: هيه و لله
خالد: يالله ترانا كلنا بنكون فى المول اتصلت على زايد و بنتلاقا اهناك نتريا
خليفه: حاضر يايينكم بس اسكر التلفون
خالد(يحط ايده على كتف اخوه): مثل ماقلتلك
خليفه(يبتسم): ان شاء لله
سكر خليفه الباب ورد على التلفون.............
خليفه: اسمعى
لطيفه: مابغيت ترد ؟؟؟!!
خليفه: اقولج لا تتصلين على و لا تعرفينى و لا اعرفج
لطيفه: قدها
خليفه: قدها و النعم شو تتحسبينى رخيص
لطيفه: لا و لله
خليفه: هيه نعم و اذا انا اريد اخذ وحده مااريدها مرمستنى بالتلفون
لطيفه(مصدومه): شو قصدك
خليفه: يابنت الناس انا لى حياتى و انتى لج حياتى و اسمحيلى على المغثه فمان لله (سكر التلفون)
بعد ماسكر التلفون رجع للصاله وشاف ابوه و امه قاعدين يقول فى خاطره هذى وينها حمدووووه اكيد على النت هذى البنت بتذبحنى ناقص عمر
بوخالد: ها خليفه بتخاوى اخوانك
خليفه: هيه نعم تامر على بشى محمد
بوخالد: لا و لله اصغر عيالك
خليفه: ادلعك (يطالع امه) هذى امووون ما ادلعك ههههههههههههههه
ام خالد: بعد امووون قم قم تلبس اخوانك يتريونك ...
خليفه: فديتكم و لله (حب راس امه و ابووه وطلع يتلبس ))
فى غرفه حمدووه كالعاده قاعده على النت ترمس ربيعاتها وهيه تسمع اغانى شافت نك الكاسر دخل وانتفضت بالقو شو السالفه الحين انا اترياه و الا شو لا لا مستحيل
دخل حمد على حمدوووه .............
الكاسر: السلام عليج الغاليه
العيناويه: و عليك السلام شحالك حمد
الكاسر: الحمدلله شحالج انتى
العيناويه: الحمدلله يسرك الحال
الكاسر: تعالى شو اسمج ؟؟
العيناويه: لازم؟؟
الكاسر: اصلا منقود عند العرب تنادين الناس من غير اساميهم
العيناويه: اسمى حمده
الكاسر: حلو اسمج
العيناويه: من طيب اصلك
خليفه دق باب غرفتها
العيناويه: اقول اخوى يدق الباب بعدين ارمسك
الكاسر: برااايج
سكرت عنه و فتحت الباب حق خليفه ..
حمدوه(حاطه ايدها على خصرها): شو تبا
خليفه: عيب عليج سيرى قعدى عند قوم ابووويه
حمدوه: انيزن
خليفه: انتى شو فيج امبرطمه
حمدوه: مافينى شى .
خليفه: براايج وبسج من النت انزين
حمدووه: انزين
طلع خليفه من غرفتها وسار صوب اهله سلم عليهم وطلع من البيت ساير صوب العين مول وهو فى طريقه قعد يفكر هل صح للى سواااه او لا بس قلبى كان محتاج ساروووه مب محتاج اى وحده غيرهااااا ياربى ساعدنى ..
اما فهد كان يتمشى هو وناصر فى المول وبالغلط طاحت عينه على بنت انقض قلبه يوم شافها كان شكلها حزين واااايد و عيونها مليانه حزن جمالها عااادى قعد يطالعها و انتبه له ناصر ..
ناصر: فهد اشفيك ؟؟
فهد : لا ماشى
ناصر: منو اطالع (يطالع البنت و يرد يطالع فهد)
فهد: عيونها كله حزن صح
ناصر: ههههههههه شو خبير عيون و انا ما اعرف
فهد: لا صدق شوف
ناصر: شا اشوف يارياااال
فهد: ليش تمشى ورى هذى الحرمه
ناصر: يمكن امها
فهد: ماشى ام بتعامل بنتها بهذى الطريقه
ناصر: شورايك نتقرب منها
فهد: لا شوووو
ناصر: تعال (يسحبه ويسير صوب البنيه)
قمرهم كلهم
06-29-2010, 07:31 PM
اول ماتقربوا من البنت فهد شاف على ايدها جروح وويها كله احمر وايدها ملفوفه وترتجف وصد داخل المحل شاف الحرمه مع بنتين اخر شياكه لابسات و هذى المسكينه كانها خدامه تقرب اشوى منها و رفعت عيونها شافت فهد وكان بعيونها تقوله ابتعد عن هالمكان ..الا واشوووى واحد حط ايده على كتف فهد
الريال: انته منو تترياا
فهد: اهلى انا داخل
الريال(صد صوب المحل شاف حريم وايد): هيه بس عيب واقف اهنيه
فهد: خلاص ماعليه
سار فهد عن الريال شافه قابض البنيه بالقو ويسحبها كانها عنز من جتفها بالقو جدام الناس فهد ماقدر يستحمل الموقف وراح هو ناصر ورى الريال وشافه وهو يفرها فى السياره ورجع ثانى مره المول سار و كتب رقم السياره والا بالصدفه شاف زايد وخالد وخليفه داخلين المول
الشباب: السلام عليكم ..
ناصر: وعليكم السلام
خالد(ياشر على فهد): اشفيه
ناصر(يرفع كتوفه ): ما اعرف
زايد: فهد
فهد: هلا
زايد: انسير
فهد: ان شاء لله (يقولها وتفكيره كله فى البنت للى داخل النيسان الاسود)
خليفه: فهد شو فيك اطالع هذى السياره لا تكون عايبتنك امررررررررررررره بشتريها
فهد: لا ما اباها انسير
ساروا الشباب وقعدوا فى الكوفى شوب للى فى العين مول شافوا لمه بنات واغلبيتهم وافدات وقعدوا على طاولتين مجابل الشباب(زايد-خالد-خليفه-فهد-ناصر)......
خالد: ولله القعده ناقصه سالم
زايد: هيه و لله غربلات الدوام
خليفه: ههههههههههه زين عيل انى مب مداوم عندهم
زايد: انته شد حيلك و يالله اشتغل محتايينك
ناصر: ماشى رمسه غير الشغل
خالد: عيل شو تبانا نسوووى
ناصر(يطالع فهد للى ساكت طول الوقت): رمسوا عن اى شى ثانى
الا و اشوووى دخلن بنتين كانن متلثمات ورفعوا الشباب عيونهم اول ماعقن للثام الصدمه كانت على ويه الشباب كانت البنت نوره ..وقفوا الشباب وساروا صوبها ...سحبها خالد من ايدها برع الكوفى
نوره: ايدى تعورنى فجنى
خالد(معصب): عنلاتج شو تسووين اهنيه
نوره: اشترى كوفى
زايد: لا و لله منو ياى ويااج
خليفه: بس فضحتوناااا لله يخليكم
ناصر: وين فهد
خليفه: هناك قاعد
خالد: ناصر خليفه سيروا عند فهد (معصب)
نوره: و الحين شو تبون
زايد: منو معاااج لا اذبحج
نوره: امااايه و ميرووه (اطالع خالد) تحت يتشرون
خالد: خطفى جدامى
نوره: بس ابا..............
خالد: جب لله يلعنج خطفى اقولج
مشت نوره عدال زايد وخالد للى معصبين من الحركه للى استوت وصلت المحل للى فيه امها و ميروووه وقف خالد ورى خالته
خالد: احم
ام سالم: هلا خالد شحالك ابويه(تسلم على خالد وزايد) شحالك زايد
خالد+زايد: بخير لله يسلمج
ميرووه: نوووره وين الكرتون للى بتشترينه
نوره(معصبه): جب لله يفضحج
خالد: لا و لله كوفى بتترين
زايد: خالتى ليش بنتج سايره الكوفى
ام سالم: سارت تشترى كرتون
خالد وزايد معصبين و كاسره خاطرهم هالام المسكينه للى تصدق بنتها ام سالم سحبت نوره علشان تتنقالها لبس ..خالد وقف مجابل ميروه ..
خالد: ميرووه اريدج تنتبهين على نوره
ميروه: ليش ؟؟!!(بخوف)
خالد: اختج داخله الكوفى متلثمه واذا شافوها ربعى قسم بالله مابيخلونها بحالها
ميروه(تبتسم): ان شاء لله مايصير خاطرك الا طيب
خالد: تسلمين و لله (يبتسم لها)
زايد: ههههه مب جانى وياكم
خالد(مستحى): ههههه حد قابض لسانك (يطالع ميروه) لى بالج من نفسج يالله نحن بنسير
ميروه: ان شاء لله و انت........
خالد: انا شو ؟؟!!
زايد: اايييه اييه نحن فى السوق
خالد: اريد اعرف شو بتقول
ميرووه:.....................................(مستحي ه)
زايد: بتقولك و انته بعد دير بالك على نفسك ...
خالد: صدق ميروووه
ميرووه: هيه يالله سير الحين شو بيقولون هذى منو ترمس سير يالله
خالد: مب ساير الا واقولج شى
زايد: ياريال عيب ههههههههه مب جدامى و الا اهنيه
خالد: هيه فهمتها (يطالع ميروه)
ميرووه:......................................(خلاص اشوى وبتموت من المستحى)
خالد: يالله سيرى عند خالتى برااايج
طلعوا خالد وايد من المحل وساروا صوب الكوفى شوب وقعدوا مع خليفه وناصر وفهد للى مشغول باله بالبنت الا واشووى واحد من رباعه فهد للى هو حمد ..قاموا الشباب توايهوا وقعدوا يسولفون
حمد: ها فهد شحالك
فهد: بخير ربى يسلمك الغالى
حمد: امررررررررررره شكلك ماعايبنى اليوم
فهد: حمد مب انته تشتغل فى الشرطه
حمد: هيه طلبت شى
ناصر: شو بتسوووى (يكلم فهد)
فهد(يكلم ناصر): صبر عليه اشووويه
خالد: اشفيكم شو سالفتكم
ناصر: ما ادريبه شو يبا يسوووى
خليفه: خلوووه عقله فى راسه
فهد: خلصتوا ؟؟
الشباب: هيه
فهد: حمد خذ رقم السياره هذى اريد اعرف منو هالناس .
حمد: اشوف الرقم
فهد: رباعى احمر بوظبى (عطى حمد الرقم)
حمد: يافهد شو تبا فيه
فهد: دخيلك اريد اعرف
ناصر: الريال هب فى عقله
زايد: شو فيه هالرقم عطنى اشوفه
فهد: اندوووك
زايد: شو تبا فيه
فهد: بس اريد اعرف منو اهل هالرقم
خالد: و لله فاضى ..
خليفه: خلووه يتصرف مثل مايبااااا
حمد: انا اعرف صاحب الرقم
فهد: قووووووووول و لله (متفاجأ)
حمد: هيه و لله ساكنين عدال بيتنا
فهد: منو هذيل
حمد: هذا بيت المرحوم سعيد
يترحمون عليه من الواجب....
زايد: شو تبا فيهم يا فهد
فهد: بفهمك السالفه بعدين ؟؟(يطالع حمد) كمل
حمد: الام متوفيه قبل المرحوم و عندها بنت وحده وطبعا المرحوم متزوج وعنده بنتين وولد
فهد: وبنت المرحومه
حمد: ساكنه وياااهم بس ...
فهد: ارمس بس شو
خالد(مستغرب): فهد فى شى ..
فهد: دخيلك تكمل
حمد: البنت هذى يعاملونها شرات الخدامات تصدق تطبخ لهم و تعدل البيت حتى الجامعه حرموها منها
فهد: شو اسمها
حمد: اسمها مها
فهد: مهاااا
حمد: شو تبا فيها لو تشوف الضرب للى علو ويها ذاك اليوم حرمه ابوها ضربتها جدام امى يوم راحت اتزورهم
تنهد فهد وقعد وحط ايده على راسه وهو يفكر فيها ليش هذى البنت بالذات للى دخلت قلبى من دون البنات الباقيات ..لا مب شفقه هذا شى يشدنى لها احس انها تقول تعال ساعدنى دخيلك ...
خليفه: كمل ياحمد
حمد: بس ما اعرف شو اقول لانى ما احتك ما اخوهم لانه يشرب ويدوخ وراعى بنات
زايد: ووووووووووووووول كل هذا
حمد: هيه و لله
خالد: لله يعينها البنت ولله ما تستاهل
ناصر: فهد الحين انته شو يهمك فيها
فهد:ما اعرف
زايد: فهد قول للى فخاطرك و نحن بنساعدك
فهد: ما اعرف و لله ما اعرف (وقف وطلع من الكوفى شوب ولحقه ناصر)
خليفه: فهد مب طبيعى و لله
زايد: اول مره احس ان اخوى حساس لهدرجه
حمد: انته ماتعرف هذى البنيه عدل تصدق نسمع صراخها من الضرب لين عندنا امى تصيح من تسمعها
خالد: ليش ؟؟
حمد: واايد يضربونها اذا ماعيبهم الاكل و الا الترتيب
قمرهم كلهم
06-29-2010, 07:31 PM
زايد: بسم لله هذيل وحوش
خليفه: لله يعينك يافهد
طلع فهد من المول ساير صوب سيارته ووقفه ناااصر ..
ناصر: فهد صبر عاااد تركض جانك خيل
فهد: اسمحلى و لله ماكنت اعرف انك وراى
ناصر: فهد انته شوفيك بالظبط
فهد: و لله ما اعرف احس ان البنيه كانها تقولى انا محتاجتنك
ناصر: كيف و البنت مارمست
فهد: يكفى عيونها و لله ياناصر تعبان من الخاطر (يحط ايده على راسه)
ناصر: فهد ما احيد ان ضعيف جذا
فهد: اول مره اضغف جذا انته لو شفت الضرب للى على ويها و لله حرااام للى يسونه فيها
ناصر: قم خلنا نتمشى و الا اقولك انسير يبل حفيت
فهد: يالله انزين
ساروا صوب يبل حفيت ...اما فى بيت المرحوم سعيد (ابو مها ))
ام جاسم: هااااا اشفيج ما تتحركين
مها: ان شاء لله خالتى
جاسم: اقول مهووووه رتبتى غرفتى
مها: هيه رتبتها
رن تلفون البيت اشرلها جاسم علشان ترد عليه ...
مها: الوووو
....: مرحبا
مها: نعم منو بغيت
.......: ابغاج انتى (يسحب جاسم التلفون من اذنها)
جاسم: عنلاتك يالسبال (يسكر التلفون)
سكر التلفون و مسك مها و ضربها ضرب و هيه تصرخ و يسحبها من شعرها ويرفسها فى بطنها و يمسك راسها ويضربه بالدعنه و هيه تصيح مر فهد بسيارته صوب بيتهم وحس بقلبه يعوره شى فيها اكيد ..اما مها جسمها ما تحمل الضرب من اخوها بالابو وكفخها اطراااقات على ويها و هيه تصيح و اطالعه بدون صوت و عقها على امه للى كملت الضرب بالعصا ..اغمى عليها و طاحت فى نص الصاله وساروا غرفهم ...مها من الضرب ماقدرت تتحرك قعدت اتصيح وتذكر ابوها و امها ودموعها للى تحرق خدودها نزلت بالقو الا و اشوى حست بايد على كتفها يوم التفت شافت خدامه حرمه ابوها
ميسى: انتى فى تمام مها
مها:............................(اتصيح)
ميسى: مافى صيح بعدين بابا جاسم فى يضرب مره تانى
مها: لا خلاص انا اريد امووت
ميسى: لا مافى قول جذا حرام انتى بنت واجد حلو
مها: انا اريد اروح عند ابووويه اريد امااايه (تصيح)
ميسى: لا مافى صيح مها انتى واجد بنت تمام
مها: اريد ابوويه ميسى و لله
وقفت مها و هيه فاقده توازنها و تتحرك صوب غرفتها للى كانت عدال غرفه الخدامه فى الطابق للى فوق من الفيلا لان ام جاسم ماتريد غرفه الخدامه تحت ..سارت مها صوب الدريشه شافت سياره اكس فايف سوده فيها اثنين قعدت اطالعهم انتبه لها فهد شغل ليت السياره علشان يشوف عدل يوم شافته نزلت دمعتها و تقول فخاطرها هذا للى شفته فى العين معقول عرف بيتنا ..ليش يطالعنى جذا اكيد يشفق على حطت ايدها على ثمها وفهد حس ان فيها شى سكرت الدريشه وعقت عمرها على السرير وهيه تصيح ..ونامت مها و الدموع فى عيونها ..
فهد وناصر بعد مادخلت مها حركوا سيارتهم وردوا خذوا سياره ناصر لان باقى الشباب ردوا البيت اول ماوصل فهد شاف ان زايد وسويره وعبوود قاعدين يشوفون التلفزيون ...
فهد: السلام عليكم (سار صوب الدرى)
الكل: وعليكم السلام
زايد: فهد اريد ارمسك
فهد: زايد و لله انا تعبان
ساروه: سلامتك ماتشوف شر
عبدالله: شوفيك فهد ؟؟!! حاس ان فيك شى
فهد: مافينى شى خلاص برااايك
زايد: على ما اظن قلت اريد ارمسك
فهد: انزين يالله
فهد كان يمشى ورى زايد وتفكيره فى مها اول مادخلوا غرفه زايد ...زايد بدى يرمس فهد انه للى يسويه غلط و انه يمكن يحط البنت المسكينه فى مشاكل هيه فى غنا عنها ..
فهد: انا ما اريد اسويلها مشاكل و لله يا زايد
زايد: شو تبا فيها
فهد: انته ماشفت للى شفته علشان جيه انته ترمس جذا
زايد: امممم ما اعرف شو اقولك
فهد: قولى شو اسووى
زايد: لا تسووى شى و ان شاء لله نقدر نساعدها هالمسكينه
فهد: لله يعينها
زايد: سير اتمسح وصل ركعتين وارقد
فهد: ان شاء لله
زايد: يالله برااايك
طلع فهد من غرفه زايد وسار غرفته اما فى الصاله عبدالله محتشر يريد يقعد على النت للى فى الصاله وساروه اطالع التلفزيون ..
عبدالله: سيرى شوفى فوق
ساروه: ليش انزين ؟؟!!
عبدالله: بس تراج اتصدعينى و لله
ساروه: احسن عن الجات و سوالف الخرابيط هذى
عبدالله: انزين انزين
ساروه: بسالك شو بتستفيد من الجات ؟؟!!
عبدلله: بس سوالف
ساروه: سكره بالله عليك
عبدالله: ما اريد يالله سيرى فوق سارووه
ساروه: انزين (تسكر التلفزيون وترد ترمس عبدالله) اشبع فيه انزين
عبدالله: انزين
ساروه وهيه سايره صوب غرفتها تغنى و هيه مستانسه اتذكرت خليفه وحركاته ..دخلت غرفتها و عقت بعمرها على السرير و هيه تفكر فيه و تبتسم ياربى كم احب هالانسان صدق انه مااااصخ مرات بس مصاخته على قلبى عسل احلى شى عيونه و شعره للى يخبل فديتك خليفه ..واستسلمت ونامت ...
عبدالله قاعد على الجات ما خلى ولد ولا بنيه الا وسوالهم اضافه عنده فى الماسنجر ...شى غريب فى الماسنجر بنيه تطلب من عبدالله انها تشوفه ..
عبدالله: شو تبين فينى تشوفينى
البنت: بس فخاطرى اشوفك
عبدالله: ما ادرى كم عمرج
البنت : 25
عبدالله: انا 27 (جذااااااااااااب)
البنت: شورايك نتلاقا
عبدالله: امممممممممممم بشووف
البنت(تستهزء فيه): شو ماعندك كلمه لازم تستاءذن من الماما
عبدالله: عندى كلمتى بشوف وبرد عليج انا بسير ارقد الحين برااايج
البنت: شو اسمك
عبدالله: بقولج باجر
البنت: لا الحبن
عبدالله: اسمى عبدالله ونتى
البنت: اسمى ناديه
عبدالله: حياج الحين بسير يالله برااايج
ناديه: فمان لله
الصبح الساعه 10:00 فى بيت المرحوم سعيد مها كانت ترتب لهم الفطور للى بيسير الجامعه و للى بيسير الدوام ..وطبعا ام جاسم بتسير مع ربيعاتها
ام جاسم: مهاااااااااااااااااااااااا
مها: نعم خالتى
ام جاسم: تعالى عساج ماتردين
مها: نعم خالتى
ام جاسم: سيرى وعى جاسم
مها: ان شاء لله
سارت مها و هيه متردده غرفه جاسم دقت الباب مارد عليها مره ثانيه دقت الباب الا واشوى انفتح الباب وايد جاسم كانت اسرع وقبض رقبتها وهو اشوى بيذبحها
جاسم: كم مره قلتلج لا ادقين الباب
مها(تحط ايدها على ويها): خالتى قالتلى
جاسم: لله ياخذج ان شاء لله (يفرها على الارض)
وقفت مها و شافت خواتها من ابوها واقفات يطالعنها ...
لمياء: ها وين امى
مها: تحت
جواهر: مها شو فيه جاسم
مها: ماشى بس وعيته من النوووم
جواهر: لله يعينج سيرى داخل غرفتى خذلا ملابسى كويهم
مها: ان شاء لله
سارت مها غرفه خواتها للى كانت الغرفه احلى مايكون وشافت الملابس للى من كل ماركه حوالى ثلاث اربع ملابس وهيه مب محصله غير جلابيه خذت الملابس ونزلت تحت كوتهم ورجعتهم غرفه اختها وهيه بتنزل شافت جاسم كانت بتنزل بسرع بس زقرها ..
جاسم: تعالى اقولج
مها: نعم
جاسم: اريد ريوق
مها: سويت الريوق تحت اذا تبا تاكل
جاسم: تنقمينى بعد
مها: مانقمتك
كف على ويه مها المسكينه بالصدفه فهد كان عند حمد وطلعوا صوب الحوش علشان يراويه السايره ..سمعوا صوت صراااخ بنيه كانت مها للى يسحبها جاسم من شعرها .لين ماوصل عند دجه الباب للى برع وفرها بريوله وطاحت من على الدرى ..ومسكها وفرها عند الهوش ..حتى الحيوان يعاملونه احسن عن جذا ..ام جاسم طلعت وراه
ام جاسم: شو تبا فيها
جاسم: لله يلعنها اطول حسها على
لمياء: خلاص نرجع نتريق
جواهر: حرااام انزين حاطينها اهناك
جاسم: وين احطها
ام جاسم: انسير
دخلوا يتريقون و المسكينه مها طايحه فى الزريبه مغمى عليها بين الاوساخ وفهد يطالع حمد للى ماعرف شو يقوله ..
فهد: شو يسون فيها هذيل وحوش انا لازم ارمس امى تاى اتزورهم
حمد: بقول حق امى بس خلهم يطلعون من بيتهم ..
فهد: شو بتسوى يعنى
حمد: امايه بطرش اختى عندها و الا هيه بترمسها
فهد: شو تتريا سير رمسها
حمد: انزين ادخل الميلس اتريانى
فهد: بترياك اهنيه
حمد: شو مب زين سير داخل يالله
فهد: انزين
سار فهد صوب الميلس و دخل حمد ورمس امه انها تسير اتشوف مها ووافقت امه للى قلبها يسع حنان الكون كله طلعت مع ولدها حمد صوب فهد وسلمت عليه واتريوهم يطلعون ...تاكدوا انهم طلعوا و سكروا باب الحوش وسارت ام حمد صوب البيت ودقت الباب و فتحت ميسى ودخلت ..
ام حمد: وين مها
ميسى:................(منزله رسها)
ام حمد: اقولج وين مها يا ميسى
ميسى: هذى بنت فى موت مدام
ام حمد(خايفه): وينها
ميسى : شوف وين حطى بقر اهناااااااااااااااك
شهقت ام حمد من سمعه رمست الخدامه وسارت صوب الزريبه شافت مها .غصبا عنها نزلت دمعتها و تقربت من الشبج ..
ام حمد: مها حبيبتى قومى
مها(تقوم بالغصب): خالتى ام حمد (تصيح)
ام حمد(فتحت باب الزريبه): تعالى يابنتى
سارت مها صوب خالتها و طاحت فى حضنها و هيه تصيح بصوت مسموع : خالتى بموووت و لله بمووت
ام حمد: يابنتى و لله حاسه فيج
مها: خالووو تعبت و لله اريد ابوووويه اريد امى و لله احتاجهم
ام حمد(تصيح): ادعيلهم بالرحمه
مها: خالتى ولله عذبونى و لله (تصيح فى حضن خالتها)
ام حمد: يابنتى تعالى سكنى عندى
مها: اريد اموووت و لله خلاص (تصيح)
ميسى: مدام الحين فى يجى مدام ام جاسم بعدين فى مشكله
ام حمد: خلاص الحين برووح
مها: لالالالا تروحين دخيلج (تصيح بصوت مسموع) خالتى لا تروحين لله يخليج ابوس ريولج ما اريد اقعد اهنيه خالوه ( تصيح و تقبض خالتها)
ام حمد: انتى انتبهى على عمرج يابنتى و انا باى ازورج
مها: لالا تروحين انا مالى حد و لله مالى حد اشكيله
ام حمد: انااهنيه يابنتى
مها: خالووو براويج جسمى شوفى الضرب حتى الحيوان ما انضرب جذا و لله انى انسانه
ام حمد: ما عليه يابنتى
ميسى: يالله مدام روحى الجين هذا فى يجى بيسوى مشكله حق انا
قمرهم كلهم
06-29-2010, 07:33 PM
طلعت ام حمد من بيتهم وقلبها يتقطع على مها اول مادخلت بيتهم شافت فهد واقف على الباب
فهد: ها خالووو
ام حمد: و لله حال البنت مايسر
فهد: شووووووووووووو ليش ؟؟
ام حمد: حاطينها فى الزريبه ولله لو انا ريلى عنده عيال غير عيالى ما بعاملهم جذا
فهد(يطيح هلى ريوله): الزريبه...هذيل اى نوع من البشر
حمد: شو تبانا انسوووى يافهد
فهد: بتين البنت و لله
ام حمد: هيه ناقصه عذاب لله يعينها (سارت عنهم داخل )
فهد: اريد اشوفها
حمد: عاااد عن الخبااااال
فهد: ياربى انا بسير البيت الحين
حمد: افاااااااااااا وين تبا
فهد: بسير و لله تعبان نفسيا
حمد: فهد لا تخليها تاثر فيك صدق انها تعانى بس ما تقدر انته تسوى شى .
فهد: بس حرام
حمد: شفت انته تشفق عليها ؟؟!!
فهد: انا مب علشان شفقه انا احس ان هذى البنت تحتاجلى
حمد: اشقايل تحتاجلك و انته ما تعرفها الا من امس خبرنى كيف هذى
فهد: دخيلك ياحمد تفهمنى انا مستعد اخطبها
حمد(منصدم): شووووووووووو
فهد: هيه بخطبها
حمد: لا انته صدق اخبليت اشفيك اثقل ياريال مب جذا
فهد(حط راسه على باب السياره): شو اسووى ماشى حل غير هذا
الا و اشوووى يشوفون جاسم و امه داخلين البيت فاستاءذن فهد من حمد علشان يدخلون البيت يطالعون شو بيسووون ...
فى بيت المرحوم سعيد (بو مها)
جاسم(يصرخ): ميسى و صمخ
ميسى: يس سير
جاسم: وين مها
ميسى: داخل مكان انته فى هطى
جاسم: ذلفى
طلع جاسم ساير صوب الزريبه وشاف مها تصيح من الخاطر يوم شافته ارتجفت و صرخت باعلى صوتها : انته شو تبا منى الحين شو تريد فكنى اريد اموت اريد الحق ابوووويه
جاسم: احسن تصدقين (يسحبها من داخل)
مها: شل ايدك عنى
جاسم(يصرخ): جااااااااااااب يالله
مها: شو تبا خلصنى و انا مستعده اسوووى اى شى
جاسم(باشمئزاز): ريحتج وصخه سيرى اتسبحى وسوى عشا حق ربعى
مها: ان شاء لله بس فج ايدى
طلعها جاسم وفرها علشان ما توصخه ..حمد قعد يطالع فهد للى طاحت دمعته لعى خدها وبدون اى كلام طلع من البيت وركب السياره وسار وهو يفكر فى مها للى خذت فكره ويمكن قلبه اتصل على ناصر الوحيد للى يفهمه بس كيف اتصل على الصبح الحين ..بسير البيت وبعدين يحلها الف حلال ...
فى بيت ام زايد دخل فهد وشاف اهله يتريقون ..قعد عدال زايد وهو ساكت و لا كل شى ..
زايد: السلام عليكم
فهد: و عليكم السلام
ام زايد: اشفيك ياولدى شى يعورك
فهد: لا اماايه مافينى شى
ساره: شحالك فهد
فهد: بخير ربى يسلمج
زايد انتبه ان اخووه فى شى بس سكت لين ماطلعت امه وساره بيت ام خالد ...
زايد: فهد اشفيك اخووويه ما احب اشوفك مهموم جذا
فهد: زايد انا كنت عند حمد اليوم الصبح ياليتك لو شفت وسمعت للى سمعته
زايد: ليش شو صار
فهد: البنت للى اقولك عنها
زايد: هيه شو بلاها
فهد: تصدق اخوها من الابو حاطنها فى الزريبه
زايد: خيبه معقوله هذا مب بشرى اكيد
فهد: و لله يازايد حراااام عليهم (تنزل دمعته)
زايد: انته بس تشفق عليها
فهد: مب مساله شفقها انا ابا البنيه
زايد: شو بتقول حق امى اريد البنيه
فهد: انته اخوى العود وتقدر اتساعدنى و امى قلبها طيب
زايد:ادرى يافهد بس الموضوع صعب
فهد: بكلم يدى ؟؟!!
زايد: شو بتقوله
فهد: بقوله للى فخاطرى انا اريد اخطب البنت اريدها يازايد (يحط ايده على ويه ويصيح)
زايد: عيب عليك الريال مايصيح خلاص اتكل على لله ورمس يدى
فهد: صدق
زايد(يبتسم): هيه
فهد: لله يخليك لى ان شاء لله (يحضن اخووه)
زايد: قم يالله نلحق امااايه وسارووه
فهد: يالله
فى بيت بومحمد .....
الكل كانوا قاعدين فى الصاله الا الشباب ....
بوخالد: هلا يا ام زايد شحالج و شحال العيال ..
ام زايد: بخير ربى يسلمك يا اخوى وين ابوويه عيل
بوخالد: فى غرفته الحين بيطلع ..
حمدووووه: ابووويه النت بيقطعونها ادفعها لى
بوخالد: حشى كل مره ادفع
ام خالد: مب من نقص فلوسك
سارووه: شوفيكم على خالى كلتووه
بوخالد: عنى ما اخلى من هالويه
ام زايد: بس عن لا تمدحها بعدين اطيح فى جبدى
سارووه: اماااااااااااايه
الا واشووى دخلوا الشباب ...
خليفه: امااااااااااااااايه (يقلد سارووه)
الشباب:هههههههههههههههههههههههههههه
ساروه: ليش تقلد
خليفه: بس جيه كيفى ؟؟!!
ناصر: السلام عليكم
الكل: و عليك السلام و الرحمه
فهد: يدى وينه
بوخالد: فى غرفته
فهد: بروح ارمسه اريده فى كلمه راسه
ناصر وزايد و خليفه يطالعون .....
ناصر: اسير وياااك
فهد(يبتسم): لا تخاف مب ساير احارب
خليفه: عيل تمام وبالتوفيق
ام زايد: اشفيكم شو السالفه ؟!! اشعنه ماتخبرونى ؟
زايد: امااايه مااشى (يلتفت على فهد) سير يالله
فهد : ان شاء لله
طلع فهد من الصاله ساير صوب غرفه يده و هو يرتجف شو بتكون رده فعله اذا عرف دق باب الغرفه وسمع يده يقوله ادخل ..
بومحمد: هلا و ليدى الحين يايينكم ليش مستعيلين
فهد: يدى انا (ينزل راسه)
بومحمد: اشفيك ياولدى فيك شى تبى تقوله لى
فهد: هيه نعم يدى بس ان شاء لله ماتردنى
بومحمد: مابردك و لا حد يقدر يردك اذا كان هذا الشى صح تعال اقعد و خبرنى
فهد(سكر الباب ودخل): ان شاء لله (تقرب و قعد عدال يده)
بومحمد: هايولدى بشر ان شاء لله خير
فهد: يدى انا اريد اخطب
بومحمد: هذى الساعه المباركه بس منو البنت
فهد: يدى البنت لا لها ابو ولا ام و تعيش مع ناس يعذبونها
بومحمد(مستغرب): اشقايل ياولدى
فهد: بخبرك السالفه كلها بس ما تعصب على
بومحمد: قول ياولدى وانا بسمعك
فهد: ذاك اليوم كنت فى المول وشفت بنت مسكينه تشوف خواتها يتشرن كل للى يبنه الا هيه واقفه شرات الخدامه كتبت رقم السياره و واحد من ربعى دلنى على البيت لانهم ساكنين عدالهم (سكت)
بومحمد: ياولدى كمل لا تخاف
فهد: ربيعى خبرى شو يسون فيها واليوم الصبح حطوها فى الزريبه و سمعت كل شى
بومحمد: استغفر لله العظيم بنت منو ياولدى
فهد: هم يسكنون فى هيلى اسم ابوها سعيد
بومحمد: لا يكون بيتهم للى باب ابيض
فهد: هيه هو
بومحمد: لا تكون بنت المرحوم سعيد بن سلطان
فهد: هيه نعم يدى
بومحمد: و لله ياولدى ما اعرف شو اقولك
فهد: يدى انا اريد اخطبها
بومحمد: بس يمكن مايوافقون
فهد: انا مستعد ادفع فلوس الدنيا كلها
بومحمد: وذا طلبوا زياده
فهد: بدفع يدى شو قلت
بومحمد(يبتسم): موافق
فهد: صدق و لله
بومحمد: هيه نعم ياولدى و ليش ما اوافق
فهد: لله يسلمك (يحب راس يده)
بومحمد: سير ازقر لى امك و خالك بخبرهم بالسالفه و حرمه خالك بعد
فهد: و لله يدى
بومحمد: هيه نعم سير يالله
فهد: ان شاء لله
طلع فهد وهو مستانس وقف اشوى وتذكر ويه البنت و ابتسامتها فى المول ..وهز راسه وابتسم ابتسامه النصر سار صوب الصاله وقف عند الباب ..
فهد: اماه خالى حرمه خالى يباكم يدى ..
ام زايد: حاضرين
ام خالد+بوخالد: ان شاء لله
طلعوا ساروا صوب غرفه بومحمد
.
..++::اما فى الصاله ::++
زايد: ها شو
فهد: وااااااااافق
ناصر+وخليفه: صدق و لله
فهد: هيه و لله ما تصورون اشقايل انا فرحان
ساروه: وافقوا على شو (اطالع حمدوه)
حمدووه: ما ادرى فيهم
خليفه: بس سكتن انتن
ساروه: ليش
خليفه: لان عيب ترمسن بين رياييل فاهمه
ساروه: انزين .
زايد: المهم شو قال
فهد: ماشى قال بيرمس امايه و خالى و حرمته
ناصر: ان شاء لله خير
فهد: ان شاء لله
++:: فى غرفه بومحمد::++
دخلوا عيالهم وقعدوا حواليه ....
بومحمد: لا تستغربون ليش جامعنكم انا اليوم ؟
ام زايد: خير يابويه فى شى
بومحمد: الخير فى ويهج
بوخالد: شو صار بوويه
بومحمد: فهد يريد يخطب
ام زايد: شووووووووووووووو (مستغربه)
بومحمد: تعرفين منو البنت يا ام زايد
ام زايد: منو يابووويه
بومحمد: لو ولدج مب ريااااااااال جان انا ماوافقت محد شبه ابوهم غير عيالج
ام زايد: الحمدلله يابوويه
بومحمد: بنت سعيد بن سلطان المرحوم
::++يترحمون عليه++::
ام زايد: عنده بنت من حرمته المرحومه و بنتين من حرمه الثانيه ام جاسم
بومحمد: اسالى فهد اى وحده يبا .
ام خالد: بسير ازقره
بومحمد: سير طول لله بعمرج ان شاء لله
بوخالد: امين يارب
طلعت ام خالد من غرفه بومحمد و نادت باسم فهد للى ارتجف حس ان فى شى فز من مكان اول مادخل غرفه يده شاف امه تبتسم له ورد لها الابتسامه ..
بومحمد: تعال ياولدى اقعد
فهد: ان شاء لله (قعد عدال يده)
ام زايد: اى وحده من البنات تبا ياولدى
فهد: اريد بنت المرحومه
بوخالد: شو اسمها ياولدى
فهد: ما ادرى بس اريد بنتهم للى من المرحومه
بومحمد: حصل خير ياولدى و ان شاء لله بنسير و بنخطبها لك
فهد: صدق (يطالع امه) صدق امااايه
ام زايد: هيه نعم ريال و تعرف تختار بارك لله فيك ياولدى
حب فهد راس يده و امه وطلع من غرفه يده سار صو ب الصاله و الفرحه مب شايلتنه الا وخالد داخل عليهم و هو يشوف فهد هذا الخبل اشفيه
خالد: حووووووه فهوود اشفيك
فهد: خلاص بخطب
خالد: منووووووووووو لا يكون ؟؟
فهد(هز راسه بالايجاب): هيه هيه
خالد: صدق و لله
زايد: مبروووك خوويه
فهد: لله يبارك فيك ان شاء لله
ساروه: مبروك على شو
خليفه: يالخبله اخوج بيخطبه
ساروه+حمدوه: شووووووووووووووو حلفوا
ناصر(يحضن فهد): مبروووك بو على
فهد: لله يبارك فيك ان شاء لله