29و30
البارتي التاسع والعشرون ...
+
+
+
سلطان ارسل مسج لاجوان ...
اجوان كانت جالسه تشرب عصير ..
سمعت مسج جاها ع الموبايل فتحت المسج ....
صوره لها اهي مع فيصل في السرير ...
اليوم ملكتك لا ترفضين ..هذا مو طلب امر ..
سلطان ::
طاح الجوال من يدها وهي ترتجف لالالا كيف وشلون ..صور.. الحقير فيصل .. ليكون عبدالعزيز يعرف .. اااه يا فضيحتي ااه يا فضيحتي .. أي ملكه الي يتكلم عنها ....
في اللحظه هذي دخل عبدالعزيز مع ابوه للصاله .. :
ابو عبدالعزيز : اجوان تعالي ..
اجوان ميته خوف مو عارف ايش يصير حوليها:هلا يبه
ابو عبدالعزيز : اليوم تقدملك شخص تعرفينه زين ..سلطان صديق اخوك ..
عبدالعزيز : وهو يبي ملكته اليوم
أجوان :اليوم
ابو عبدالعزيز : اذا تبين اخذيلك كم يوم تفكري فيه...
أجوان تذكرت المسج وقالت بسرعه : ها لا مايحتاج سلطان والنعم فيه ..
ابو عبدالعزيز : اجل بركة لله...
**************
سلطان ارسل مسج لاجوان ...
اجوان كانت جالسه تشرب عصير ..
سمعت مسج جاها ع الموبايل فتحت المسج ....
صوره لها اهي مع فيصل في السرير ...
اليوم ملكتك لا ترفضين ..هذا مو طلب امر ..
سلطان ::
طاح الجوال من يدها وهي ترتجف لالالا كيف وشلون ..صور.. الحقير فيصل .. ليكون عبدالعزيز يعرف .. اااه يا فضيحتي ااه يا فضيحتي .. أي ملكه الي يتكلم عنها ....
في اللحظه هذي دخل عبدالعزيز مع ابوه للصاله .. :
ابو عبدالعزيز : اجوان تعالي ..
اجوان ميته خوف مو عارف ايش يصير حوليها:هلا يبه
ابو عبدالعزيز : اليوم تقدملك شخص تعرفينه زين ..سلطان صديق اخوك ..
عبدالعزيز : وهو يبي ملكته اليوم
أجوان :اليوم
ابو عبدالعزيز : اذا تبين اخذيلك كم يوم تفكري فيه...
أجوان تذكرت المسج وقالت بسرعه : ها لا مايحتاج سلطان والنعم فيه ..
ابو عبدالعزيز : اجل ع بركة لله...
صعد ابو عبدالعزيز فوق لغرفته .. اما اجوان جلس ع الكنبه تحاول تجمع افكارها ...
عبدالعزيز :وش فيك .. اذا تبين وقت تفكري مافي مانع ..
اجوان ساكته وسرحانه ومو معاه :.....
عبدالعزيز : اجوان !!
اجوان : ها .. ايش قلت ..
عبدالعزيز توه بيتكلم الا يدق جواله برقم سلطان :هلا سلطان ..
اجوان سمعت اسمه ماتت خوف بس تماسكت وحاولت ماتبين شي ...
عبدالعزيز : ايوه.. خلاص .. اتفقنا .. مبروك مقدما ... مع السلامه ..
اجوان قامت تبي تروح لغرفتها سمعت صوت عبدالعزيز يقولها : آجوان تجهزي المغرب بيملك عليك سلطان ..
آجوان صعدت علطول لغرفتها بدون ماترد عليه .:....
***********
في بيت ابو رئــد ..///
ثامر : يمه اليوم عندي ضيف بيجي احسبي حسابة في الغداء ..
ام رائد في المطبخ مع الشغاله :منوو
ثامر : اخو عبدالعزيز سالم ..نسيبنا ..
ام رائد باستغرب : سالم !
ثامر :ايه شفته صدفه في الثمامه وعزمته ..
ريوف و البندري كانو في الصاله ..
البندري معها مجله وتتفج ع الازياء :.... لكن فكرها سارح في جاسر الي للحين اهلها ماكلموها عنه !!
اما ريوف ماسكه جوالها وتكتب مسج لعبدالعزيز ...
ابو رائد دخل عليهم :مشاءالله عليكم وين الغداء ..
ريوف تشوف الساعه 2:3م كله من ثامر وضيفه اكيد امي انشغلة معه وتأخرت علينا .. قامت ريوف تشوف الغداء : بروح اساعدهم ..
البندري توها بتقوم تلحق اختها الا ابو رائد مسكها من يدها وقالها :اجلسي ابيك في موضوع ..
البندري :سم.
ابو رائد :سم الله عدوك ..فيه واحد متقدملك
البندري:......
ابو رائد يتذكر مكالكة ابو عبدالعزيز :اهم شي ياابو رائد انه رجال ونقدر نأمن بنتنا عنده ..وانا مالي حق ارفض او اقبل ...
ابو رائد :الي تشوفه ..
البندري شافت صمت ابوها طول قالت :منو!
ابو رائد انتبه :صديق اخوك جاسر
البندري: ايش رايكم !
ابو رائد :والله هو رجال والنعم فيه ... وخصوصا حنا نعرفه من معرفة اخوك له ..الباقي عليك ..فكري براحتك هذا زواج وانا ابوك ...
البندري :......
++++++++++++++++++++++++++++++++++++++++++
في الخيمه ///
دخل ثامر ومعه تبسي الرز ...
ثامر : حيالله النسيب ..
سالم كان جالس ع المركه :الله يحييك
متعب قام:هات <اخذ التبسي وحطه ع الصفره ..
ثامر : حياك ...
(رائـد في ذا الوقت كان نــايـم في غرفته وحص انم حد يصحيه ع الغداء)
متعب من بداية الجلسه وهو وده يقوم يجلد سالم بس ساكت علشان ثامر :تفضل
ثامر بداء يسولف مع سالم ... <سالم اندمج مع ثامر في السوالف ...
***************
المغرب :::
في قصر <ابو عبدالعزيز ....
آجوان كانت جالسه وتفكر كيف با الصوره :......
معقوله سلطان يعرف فيصل ..بس سلطان مايعرف الاشكال هذي ..اوووف الله ياخذك يا فيصل ..راسي بينفجر ..
الخدامه : Wants You sir
اجوان :I come
وقفت قدام المرايه ...تنوره ميدي لونها رمادي محدده بسود وبلوزه سودا عليها كرفته ..زينة شعرها بطوق سخيف .. ولبست صندل ناعم لونه اسود كان شكلها مره كيوت ... ماحطت مي كاب كثير بس كحل وقلوس ...
نزلت وهي راضيه عن شكلها ...
عبدالعزيز في الصاله يعطيها الدفتر توقع ..:وقعي هينا .
اجوان مسكت الدفتر ووقعت بهدوء ومدته له مره ثانيه :....
عبدالعزيز :مبروك ..
اجوان ساكته ابتسمت مجاوله :....
ساميه :مبروك يا ألبي .. <وتبوسها ..
عبدالعزيز :اجوان قومي سلطان يبغى يشوفك ..
اجوان بس سمعت اسمه ماتت رعب من الربكه والخوف قامت وبعدين جلست ع الكنبه مره ثانيه :...
ساميه باستغراب:شو بكي ..متوتره هيك ماتخافي يا بنتي مافي شي بيخوف ..
اجوان في نفسها جوني وش فيك خايفه لهدرجه بس سمعتي اسمه خلك قويه انتي اقوى من كيذا ..اخذت نفس وقامت بخطوات ثابته شامخه تتبع عبدالعزيز الي سبقها للمجلس ..
في المجلس ///
للمعلوميه (ابو سلطان متوفي وسلطان قايم با المسؤوليه لحاله )
سلطان ينتظر اجوان دخل ...في نفسه انا ليش طلبت اشوفها الحين بجد بتصدق نفسها ... لا بس اذا ماطلبت اشوفها اخاف يستغربون اهلها .. كافي انهم مستغربين ليه تملكة عليها با السرعه هذي ... شم ريحة عطر نسائي حافظه من سنين ..رفع راسه باتجاه الباب وشاف اجوان تمشي بشموخ وغرور وتوقف قدامه ... سلطان :السلام عليكم .
اجوان مشت عنه تبي تطلع مسكها من ذراعها وبصوت منخفض محد يسمعه الا اهي : الظاهر رد السلام واجب ..
اجوان حست برعب وخوف وتوتر مو طبعي يمكن لانه عارف بسالفة فيصل .. رفعت عيونها له تحاول تطلع صوتها الي راح :احـم وعليكم السلام
سلطان اول ماشاف عيونها ارتبك ورخى قبضة يده عنها مما خلى اجوان تسمح لها الفرصه انها تطلع من المجلس ..
عبدالعزيز:ههههه شوي شوي ع اختي من اولها كيذا ..
سلطان كان ناسي ان عبدالعزيز موجود :ها .. انت هينا !!
عبدالعزيز :ههههه ع العموم مبروك
سلطان يبتسم مجاوله :الله يبارك فيك ..
+
+
+
في نفس الوقت لكن في مكان ثاني //
ريوف تدق ع عبدالعزيز من الظهر وهو مايرد عليها : اااف ياربي هذا وينه ..
ام رائد جالسه تتقهوى :منو !
ريوف وهي مبوزه : عبدالعزيز.. من الظهر وانا ادق مايرد علي
ام رائد : يمكن مشغول .. اصبري عليه اذا خلص بيدق عليك ..
رائد دخل وكان جاي من النادي الرياضي جلس وهو مجهد شوي شال الكاب حقه وحطه في الطاوله وانسلح في الجلسه = ارتخي في جلسته في الكنبه يعني سند راسه ع الكنبه ...
ام رائد : وعليكم السلام ..
رائد :معليش بس احس اني تعبت شوي ..
ام رائد :بسم الله عليك ...وش لك يا وليدي با الرياضه جسمك ماشاءالله حلو
رائد :عيونك يا الغاليه الحلوه.....يوجه كلامه لريوف ::عروستنا وش عنها مبوزه..
ام رائد :حبيب القلب ماكلمته اليوم ..
ريوف استحت :راسي يوجعني بروح غرفتي ارتاح ..
رائد :حلوه التصريفه روحي الله يسهل عليك ...
ريوف طنشت وراحت لغرفتها ...
رائد :ع فكره يمه جاسرينتظر الرد ..
ام رائد : خله يصبر كم يوم .. ابوك اليوم قايلها خليها تفكر شوي ..
رائد :زين ..
ام رائد :وانت يا وليدي ماعندك نيه للزواج ..
رائد جت في باله ع طول سمر :ليه مستعجله >وهويغمزلها.. حاطه في بالك وحده
ام رائد وهي تبتسم : وش رايك سمر بنت خالتك
رائد :ايه بس
ام رائد باستغرب :بس شنو ؟؟
رائد :شيــنه ..
ام رائـد تاخذ المخده الي جنبها وترميها ع رائد بس رائد مسكها :من قال انها شينه ليه انت شايفها !
رائد :هههههه ... امزح معك وش فيك تاخذي الامور بجد ..
ام رائد : لا تمزح مره ثانيه بالامور الي زي كيذا ... المهم بكلم خالتك بعد زواج اختك ..
رائد وهو يقوم ويتذكر كلام سمر : لا والله ..وانا من وين اجيب عريس الغفله الحين...::: ع راحتك ...
+
+
+
اليـــوم الموعود ///
كل الكل بأبهاء حله ..
كانت الصاله زحمه ... من معارف ابو عبدالعزيز وابو رائد ...
آجوان كانت لبسه فستان طويل مخصر مع فوق وقصة زيل من تحت .. والصدر كان مفتوح ويزينه اللولؤ الي مركب عليه ... كانت جدا روعه ... في قمة من الانوثه ... رافعه شعرها بوف من قدام والباقي مخليته ..والميك آب دخاني
مشت بغرور وجلست جنب امها الي كانت فخوره فيها ...//
في غرفة العروس ///
ريوف الكل كان مرتب شالي يعدلها الفستان والي يعطيها المسكه ...
البندري كانت لابسة فستان لونه كحلي وكرستالات ع الصدر لونها فضي وفارده شعرها وحاطه طاله قمة من الروعه والجذبيه : ترا بعد شوي بيدخلون الجال استعدي ... يله انا طالعه اشيك ع الزفه ...
سمر كانت لبسه فستان قصير توب لونه اسود طالع شكلها خطير وشعرها رافعته بشكل حلو : يله ياقلبي انا بطلع ...
سحر دخلت عليهم وهي لابسه فستان عنابي : هااي يا قلبي وااو ايش الجمال هذا ..
ريوف كانت واقفه قبال المرائه ولابسه فستان سكري فااتح مخصر مع فوق لحد الارداف وبعدين وسيع وذيل منتفش والصدر توب وفي نص الصدر شريطه في نهايتها فراشه ... كانت ولا اروع وشعرها علشانه قصير مستشورته ومسويه بوف بسيط عشان الطرحه ومكياجها كانت حاطه روج احمر والعيون راسمتها با الكحل لكن مخففه الشدو .. طالع ملكة جمال ... ::: هايات يا قلبي .
سحر : والله لو يشوفك عبدالعزيز الحين بيروح فيها ايش حامله طالعه تجنني الواحد ...
ريوف :ههههه عيونك الحلوه ..
سحر : يله تجهزي دقايق وتطلعي ...
ام رائد :يله انا بعد بطلع ها لا تبكين تحربين الميك اب ... <باستها وسمة عليها وطلعت
ريوف ابتسمت :....
في الصاله ///
قالت المطربه للحضور يتغطو لان الرجال بيدخلون :...
دخل عبدالعزيز ومعه ابو عبدالعزيز وابو رائد : ....
عبدالعزيز با المشلح الاسود والثوب الابيض والعقال طالع خقه خاصه انه اسمر وعيونه وساع الكل قام يسمي عليه :...
وقف عند الوشه ينتظر حبيبت القلب تنزل :...
بدات زفــة ريــوف ... انفتح الباب ومن الجهتين طلع البخار...
ألف صلي وسلم عليك يا حبيب الله محمد
ألف الصلاة والسلام عليك يا حبيب الله محمد
كلووووووووووووووش
كلووووووووش
وبعدين تبداء اغنيه ياقمر راشد الماجد /// مهديها عبدالعزيز لها >>
شعر بعدين .. يغني راشد ....
الف بسم الله عيها والف صلي ع الرسول كل حسن الكون فيها .....
ياقمر غمض عيونك قبل لا يشرق ضياها خايف انك لو تراها يستحي بك كل ضي مقبله ....واللليل يعزف خطوت النور بسناها يا قمر مالك مكان دامك جات با النور ريوف ...
وصلت ريوف للمنصه وتقدام عبدالعزيز يمسك يدها يوصلها معه للكوشه ..
وقف قبالها وباس يدها .. << الكل البنات تحسدها عليه
وبعدين تقدام ابو عبدالعزيز وهو مبتسم : مبروك ..
وبعدين ابو رائد جاء لمها وباسها :مبروك ها الحين صرتي مره مااوصيك عليها يا عبدالعزيز
عبدالعزيز : في عيوني ياعمي ...
ابو عبدالعزيز وابو رائد < طلعو برا عشان يخلون الباقي يسلم ..
جات آجوان :مبروك ياقلبي ..
ريوف :الله يبارك فيك
بعدين سلم ع اخوها عبدالعزيز :مبروك ...
عبدالعزيز : الله يبارك فيك ..
صعدت ام رائد تسلم ع بنتها : ويه يا قليبي مبروك ..
ريوف تبتسم :....
ام رائد : ها يا عبدالعزيز حطها في عيونك ..
عبدالعزيز :هي في عيوني ..
ساميه وهي مبتسمه :مبروك وتضم ولدها .. <الي يشوفها يقول هذا اخوها مو ولدها ...
وبعدين تتالت الحضور ورا بعض ...
شوي جاء وقت العشاء وفضت الصاله تقريبا ..:: وبدت المصوره تاحذ صور لعبدالعزيز وريوف ..
وعبدالعزيز كان جريء في حركاته .. والمصوره خاقه عليهم وتصوره اما ريوف بتموت من الحيا ...
خلصو تصوير .. ودعت ريوف امها با صعوبه ... وكان وداع حار ...
وتوجهو للفندق / \
في الامارات ..///
+
+
+
كانت عبير في الحديقه حاطه في اغانها السماعات وماسكه الايبود حاطه ع اغنية lovely day... من فرقة آنجل الكوريه ..
وتدور في الحديقه وترقص كانت لابسه برموده وتيشرت ومخليه شعرها ع راحته ...
حمدان كان واقف قدام باب الفيلا ويشوفها ...
وقفت عبير قدام الطاوله تشرب عصير .. :..
مسك خصرها حمدان من وراء: اليوم المزاج عال العال ..
عبير تتذكر القرار الي اتخذته امس انها حمدان ماله ذنب تعذبه معها ومفروض تجرب ابتسمت : تبي عصير اصبلك ..
حمدان استغرب ردت فعلها لا نها مارفضته :. اذا من يدينج صبيلي ...
حمدان :وش رايج اليوم نروح نتعشى برا !!
عبير ببتسامه مشرقه : اوكيه ..
حمدان : وهـ فديتج ..
+
+
+
في الفندق //
ريوف في الغرفه واقفه قدام المرايه تحاول تفصخ فستانها .. لكن مو قادر تفتحه لانه شرايط من وراء ...
وطولت وهي با الغرفه ...
عبدالعزيز كان برا ينتظرها استغرب لها نص ساعه في الغرفه ليكون نامت !:...
دخل وشافها تحاول تفتح الشرايط الي وراء ضحك ع شكلها :تبين مساعده ..
ريوف صار وجهها طماطه جلست تلعن با الفستان ياليتها مااختارته :ها لا شوي واجي..
عبدالعزيز ماسمع كلمها وتقدم وصار خلفها وبداء يفتح الشريط طبعا ريوف تشوفه لانهم قبال المرايه :لا تصيري عنيده ..
ريوف ياربييه فشله من اولها كيذا الله يستر من الباقي : ...
خلص عبدالعزيز وابتسم بخبث : لازم تتعشين ..؟؟
ريوف ماقدرت تستحمل اكثر احراج ارقضة بسرعه ودخلت للحمام .. اما عبدالعزيز طلع من الغرفه وهو ميت ضحك عليها ...
عندالباب :ون سيرفس ..بليز ابن ذا دور ..
عبدالعزيز قام وفتح الباب : وات !
عطاه باقه ورد حمرا وعليها كرت : ...
اخذ عبدالعزيز الباقه مستغرب من مين :...
فتح الكرت كان مكتوب فيه :::
بسرعه هذي نسيتني
مبروك ..
عبدالعزيز استغرب بلامبالاه رمى الكرت ع الطاوله اول ماشاف ريوف طالعه انبهر فيها .. كانت لابسه قميص نوم لنص الفخذ والظهر نصه طالع .. كان شكلها يجنن ...
عبدالعزيز راح لمها وشلها :
ريوف : هههههه عبدالعزيز نزلني ليش شايلني كيذا
عبدالعزيز حطها في كرسي حق طاوله الطعام: الاميره يشيلونها ويوكلونها بعد ... بلاه عليك وش الحلا هذا ..
ريوف ماتت حياء :عزوز ...
عبدالعزيز :هذي الي بتذبحني لا وبعد تدلع اقوول قومي مافي عشا ...
شلهامره ثانيه وسدحها ع السرير وريوف تصارخ : لالا عبدالعزيز مو الحين ..
عبدالعزيز وهو يبتسم بخبث : ليه في مانع شرعي ..
ريوف وهي مرتبكه :ها..
عبدالعزيز : هههههه فهمت اجل مافيه ...
وقرب منها حيــل ...
طوووووووووووط مشفر محذوف رقابه ....
+
_
+
+
عند بوابة القصر ..///
آجوان تبي تركب مع السايق بتروح للمطار .. شافت سلطان يراقبها من بعيد .. اقتشعر جسمها من الخوف ...ودخلت بسرعه السيار ه...
دق جوالها ::: ردت وهي متردده .. :الو
سلطان امشي اركبي معي ماعندي حريم يركبون مع سواقين ...
آجوان ماقدرت تتكلم :....
سلطان : تسمعين ولا اجي اجرك من شعرك ...
آجوان حاولت تكون قويه : ان بروح للمطار ايش تبغا ...
سلطان : امك بتروح معك ...
آجوان اف تحقيق : لا تبي تجلس وبكرا بتروح ,,,
سلطان :ماشاءالله وانتي بتروحي بعد لحالك ...
أجوان بغرور: انتهت المكالمه باي <وسكرت الخط بوجهه ...
+
_
+