الفصل 28
البارتي الثامن عشر ..
انكسار ///
آجوان جالسه مع امها في الحديقه ويسولفون ...
ساميه :غيرتي رأمك !<رقمك
آجوان : يب...
ساميه :لشوو
آجوان :أأ بس تغيير ...وين بابا وعبدالعزيز مو جايين للعشاء..!
ساميه : ايه بس بدهون يتأخرون شوي في الشركه...
اجوان اه يا ماما لو تعرفي الي فيني ... مابقى شي مني الا الجروح ماني عارفه ايش اسوي ... :....
ساميه : آجوان شو بيك ... لوين رحتي ..
اجوان : ها لا انا بروح ارتاح في غرفتي ...<دخلت غرفتها وانسدحت في السرير ... دق جوالها ..
اجوان بصوت مخنوق:هلا هيفا
هيفا :ياحياتي الى متى وانتي في ذا الحاله ...
اجوان : مارح ارتاح الين اخذ حقي من الحقير ..هذا ..
هيفاء:الله يكون بعونك ...
اجوان :هفوو بسكر الحين ..
هيفا:انتبهي ع حالك يله باي
******************
في بيت ابو رائد المغرب ///
في مجلس الرجال ..///
ابو رائد :انت رجال والنعم فيه لكن بنسأل البنت
ابو جاسر :اكيد من حقها ..
رائد يضرب جاسر ع خفيف بصوت خافت :يا الملعون اثر السالفه فيها اختي ..
جاسر ابتسم بأحراج وبصوت منخفض : بتذلنا الحين .
رائد : لا وش دعوه يا النسيب
*********
في غرفة ابو رائد ...
ابو رائد :لازم تبلغه وتقوله ان بنتك جاها عريس ...
ام رائد : والله قهر .. حنا الي نربي ونتعب وهو بس يتامر علينا .. ابي اعرف اذا اهو تارك بنته ومو داري عنها لشنو لزم نقوله عنها ..
ابو رائد: هذا ابوها مهما سوى يضل ابوها ..
ام رائد :....
ابو رائد اخذ الجوال ودق ع ابو عبدالعزيز :
**************
البندري واقفه قدام شباك غرفتها وتشوف جاسر يركب السياره مع ابوه .... كانت متوتر ...مو مستوعبه هل فعلا هذا الي كان يبي يقوله لي معقوله جاسر يحبني وانا.ماانتبهة..كل الفتره هذي ..
+++++++++++++
في الثمامه//
الجو كان ولا اروع ..
.
ثامر ومتعب في الجيب يطعسون..راحو بعيد شوي .: ههههه يابو ادعس
متعب : هههه تمسك بس لا تهبد = تطيح
ثامر لفت انتبهه صوت اغاني لبوب قريب شوي :متعب تسمع!
متعب ينصت :امم صوت اغاني ..
ثامر :لف تكفى خلينا نشوف من وين
متعب : ياحبك للقافه
ثامر :يله يابو ..
وقفو السياره ونزلو قريب من الخيمه ...<حب استطلع ..
في الخيمه ..///
مشاري : ها كيف عجبك البارتي
سالم وقف وناظره :ماعليه ...
مشاري : ع وين ؟؟
سالم :بروح اركب دباب ..
مشاري : بجي معك ..
سال اف ذا النشبه :.....
متعب يمسك يد ثامر : شف شف ..
ثامر :منوو...... اووف... هذا م والي كان في ملكة اختي و...!!
متعب : ايه اهو .. تعال خلينا نشوفه ...
ثامر : يوه شوف من معه الباصق الثاني <يقصد مشاري
سالم لمح متعب وثامر بس ماركز زين لان كان ظلام شوي :..انا اعرف الفيسات هذي بس وين شفتها .
توجة متعب وثامر لسالم الي كان واقف قبال الدباب ويناظرهم :...
متعب : السلام ..
سالم اول مابينت ملامحهم تذكرهم: وعليكم السلام ..
ثامر :انت ساكن في الرياض...
مشاري مستمع:.....
سالم :لا
متعب :اجل وين
سالم: في الشرقيه .ليه السؤال
ثامر:انت تقرب لعبدالعزيز الرميح
سالم : هذا اخوي
متعب بدهشه :انت اخوه والله فرق
ثامر :تشرفنا يا النسيب .. ليه كنت هادي با الملكه وما عرفا ع نفسك ..\
سالم : ماكان لي مزاج
ثامر يناظر لبسه :انت متأكد انك سعودي
سالم ناظره بلا مبالاه :... وش راايك ..
متعب بصوت مو واضح : اشك ..
ثامر : عندك شي بكرا ..
سالم : ليه..
ثامر : عازمك ..
سالم مستغرب الحين هذا معاديني ولا مخاويني :.بكرا بروح للشرقيه ..
ثامر : متى بتمشي ..
سالم : المغرب ..
ثامر : زين غداك عندي ...قل تم ..
متعب يا حليلك يا ثامر عاد هذا من الرجاجيل ... والله بعد مايستاهل .. :....
سالم وش فيه هذا متحمس : اوكيه ..
ثامر : عطني رقم جوالك ...
سالم : 05000 الخ ...
ثامر : زين اجل انتظر اتصال مني
ركب سالم ورى مشاري ومشي
متعب : وش تبي فيه ..
ثامر :يااخي هذا نسيبي صح انه يفشل .. بس بحاول اعدله ..
متعب :ههههههه ليكون صرت مصلح اجتماعي ...
ثامر : هههههههه حلوه بس لا تعيدها .. بكرا تعال للبيت لا تنسى ابيك تكون موجوداذا جاء سالم
متعب :طيب..يله نروح للشباب
+++++++++++++++++++
الغلا بعضه تنفس وبعضه اختناق ///
جلس ع السرير من هول الصدمه وهو يشوف صور اجوان في السرير مع شخص مجهول ... تجمع الدم في راسه ...معقوله اجوان لا لامستحيل ااه ياحسافه ..كيف وشلون .. كل السنين ملكت تفكيري ...البنت الي دخلت قلبي تكون استغفر الله .. اااهـ مستحيل اصدق لزم اتاكد بنفسي ..لكن كيف ...اااه يا اجوان ...ذبحتيني ..نزلت دمعه حاره ع خده ..
طق طق ... <االباب ..
ام سلطان من خلف الباب: سلطان ..الشركه تبيك ..
سلطان شاف جواله الي يهز حاطه ع الصامت ..:.....
وقف بجمود خالي من الاحاسيس بدون تعبير .... وفتح الباب ..
ام سلطان باستغرب :سلطان وش فيك يمه ...
ناظرها بهدوء ... وخرج من البيت ...
ام سلطان :بسم الله ع وليدي ربي احفظه
العنود من وراء امها : وش فيك ..
ام سلطان : سلطان .. مدري وش فيه
العنود : يمه لا توسوسين مافيه الا الخير.
في السياره ..///
2 الفجر ///
يدور في السياره لين وصل فيه الطاف الي ان ينزل قدام البحر ...
نزل بثوبه وشعره المسرح بشكل عشوائي ... من التعب والتفكير..شغل السيجاره وبداء يدخن وترك دموعه تنزل بألم ... حسايف ليلي اللي سهرتــــــــــــه..
منت بكفو قلبن له سنين صــــــــــانك..
منت بكفو اللي من اجلـــــــــــــك فعلته..
غدار .. خاين خنت قلبن مأمنـــــــــــــك..
قلبن عطـــــــــــــاك الحب وبيدك ذبحته..
وش موقفك لوكنت انا اليوم خاينك
وش شعورك لو فؤادك غدرته
++++++++++++++++++++
في غرفته ....منسدح ع السرير ومشغل الابجوره
عند عبدالعزيز :لا تقولي انك ما مشتاقلك
ريوف بخجل : انت مره واثق من نفسك
عبدالعزيز : احم يحقلي
ريوف : عبدالعزيز ..
عبدالعزيز : عيونه روحه .قلبه
ريوف بخجل : مقدر ع الحكي هذا انا .
عبدالعزيز : اه
ريوف : سلامتك
عبدالعزيز :طويل الاسبوع
ريوف : هههه حرام عليك مابقى شي ..
عبدالعزيز :بقولك سر ..
ريوف : شنو
عبدالعزيز بصوت هايم :لا اذا صرتي عندي قلتلك ..
ريوف بدلع: عزوز ..
عبدالعزيز:لا تحاولي
ريوف باحباط :تيب لازم اسكر الحين ..
عبدالعزيز :بدري ..
ريوف :وين بدري شوف الساعه ..
عبدالعزيز يشوف الساعه 3:88ص :اف ماحسيت
ريوف:بشتاقلك..
عبدالعزيز :وانتي اكثر ..
ريوف :باي حبي ,
عبد العزيز ببتسامه : بحفظ الرحمان ..
طبعا كل يوم عبدالعزيز يكلم ريوف من يوم الملكه.. ))
**********
في نفس في مكان ثاني //
في الامارات..
منسدح ع السرير ...وعينه ع باب الحمام ...
طلعت عبير من الحمام ..الله يكرمكم ...والتقت عينهم ..لحظة صمت .. حمدان قطع الصمت : الى متى وانتي تتهربي مني!
عبير ايش تبيني اقولك اقولك اني ماابي اجيب اولاد واكون انا امهم ..لاني مااتوقع انجح في دور الام تبيني اقولك اني وافقت عليك بس عشان اطلع من الوحده الي انا عايشتها في بيت اهلي انت الوحيد يا حمدان الي يهتم فيني من بين كل العالم نزلت راسها تخفي ألم في جوف صدرها :اهـ
حمدان ليه ماتبيني اشاركك همومك ليه عدتني مثل الغريب:براحتج مارح اضغط عليج ...
مشت عبير وسكرت اللمبات ... وانسدحت من الجهه الثانيه تعطي حمدان ظهرها .. وخلت دموعها تنزل بأمان
*******************
في بيت ابو بدر ...العصر//
مابقى ع زواج ريوف وعبدالعزيز الا يومين ..<<
ام بدر : سمر يله البسي عبايتك رائد تحت .. ينتظر مع ريوف والبندري ..
سمر وهي تطلع من غرفتها وتلبس العبايه بعجه وتركض ع البوابه ...: السلام عليكم ..
ريوف : وش فيك مطيوره .. شوي شوي
سمر : مو انا عارفه ان بعض الناس مايحبون الانتظار ..
البندري :هههههه ايه صح وانتي الصادقه
رائد عارف انه هو لمقصود :زين انكم عارفين ..
البندري : ها شنو بتسوين بعد الثانوي ..
ريوف : ليكون للحين تبين تكملين القاهره ..
سمر : ايه بكل هناك ...
ريوف بحماس: وافقت خالتي ..
سمر : ايه مو رافضه بس عندها شرط ..
ريوف :شنو ..
سمر بضيقه :تقول لازم احد يروح معك..
البندري : بدر .. اكيد بيروح معك ..
سمر : المشكله لا بدر راضي يروح ولا الغبي الثاني متعبوه ..
ريوف : والله مشكله .. وش تبين تسوين ,,,
سمر :والله ماادري بس انا رايحه رايحه مالي شغل ... ولا تقولي كمان اذا اعرستي روحي بكيفك
رائد عنيده وراسك يابس :.وهي الصادقه اذا اعرستي اطلبي من زوجك يوديك تكملي هناك...
سمر انت اخر واحد يتكلم اف : لا والله ..وانا من وين اجيب عريس الغفله الحين
البندري بهبل :هههههه لقيت الحل
ريوف : انقذينا
البندري : رائد انت مو تقول تبي اعمال حره وتبي تروح للقاهره عشان بضايع ومدري شنو .. خلاص تزوج سمر
قطع كلامها سمر : هيه هيه هيه شنو تزوج سمر
رائد : والله فكره مو شينه بس تعرفين انا رائد اخذ سمر الشينه هذي
سمر : مالت عليك من زينك انت وخشتك الي كنها كفرات سياره معفنه .
ريوف :ههههههههههههه
البندري :هههههههههههه
رائد هين تضحكين خلق الله علي اوريك :بنشوف من بيسافر ..
ريوف : وافقي يا الخبله ترى بي يسافر بعد شهر ...
رائد بغرور: بسرعه لك اليوم .. تفكري ولا اكنسل..
سمر الله ياخذك :........
نزلو للسوق وحاولو يخلصو اغراض ريوف .....سمر عليها تجيب العطورات المكياج ..
البندري الملابس الداخليه ...ريوف الفساتين وبعض التيورات ...
****************
في الشركه ..///
عبد العزيز يحاول يضبط اموره لان زواجه بكرا ويحاول يخلص شغله بسرعه ..//
دخل سلطان بهدوء وجلس ع الكرسي:.....
رفع راسه عبدالعزيز : وينك انت من البارح ادق عليك ماترد ...
سلطان فيك شي...
سلطان : بطلب منك طلب وابيك تقول تم ...
عبدالعزيز استغرب : انت تامر
سلطان : انا اطلب ايد اختك اجوان ع سنة الله ورسوله
عبدالعزيز بفرح : هذي الساعه الباركه اكيد ماعني مانع انت اخوي ..
سلطان وهو منزل راسه :عبدالعزيز ابي املك عليها اليوم
عبدالعزيز بصدمه :بس انا لازم اخذ راي اجوان في الموضوع ولا تنسى ابوي وامي
سلطان وهو يوقف :اتمنى ماترفض طلبي ابي اجوان الليله تكون زوجتي واذا ع اهلك كلمهم اليوم واجوان مارح ترفض ..
عبدالعزيز مو مرتاح : سلطان فيك شي..
سلطان : انتظر اتصالك عشان املك <وطلع ..
وترك عبدالعزيز بحيره ...
*******
سلطان ارسل مسج لاجوان ...
اجوان كانت جالسه تشرب عصير ..
سمعت مسج جاها ع الموبايل فتحت المسج ....
صوره لها اهي مع فيصل في السرير ...
اليوم ملكتك لا ترفضين ..هذا مو طلب امر ..
سلطان ::
طاح الجوال من يدها وهي ترتجف لالالا كيف وشلون ..صور.. الحقير فيصل .. ليكون عبدالعزيز يعرف .. اااه يا فضيحتي ااه يا فضيحتي .. أي ملكه الي يتكلم عنها ....
في اللحظه هذي دخل عبدالعزيز مع ابوه للصاله .. :
ابو عبدالعزيز : اجوان تعالي ..
اجوان ميته خوف مو عارف ايش يصير حوليها:هلا يبه
ابو عبدالعزيز : اليوم تقدملك شخص تعرفينه زين ..سلطان صديق اخوك ..
عبدالعزيز : وهو يبي ملكته اليوم
أجوان :اليوم
ابو عبدالعزيز : اذا تبين اخذيلك كم يوم تفكري فيه...
أجوان تذكرت المسج وقالت بسرعه : ها لا مايحتاج سلطان والنعم فيه ..
ابو عبدالعزيز : اجل بركة لله...
*
*
*
*