رواية فاطمة - الفصل 11 - مكتملة | روايتك

الفصل الحادي عشر بعد اقلاع الطائره بثلاث ساعات سامي: ها فطوم مرتاحه ؟!! فاطمه : ايه مرتاحه طول ماهم بالطياره وسامي يكلم فاطمه والا يساله اوهي ترد بكلمه واحيانا ماترد و تكتفي بهز راسها فاطمه بينها وبين نفسها "انا ليش صرت اكرهه كذا" " خلاص مفروض اني احبه" " احاول بس مو قادره" " عاد لازم تحاولين حرام هو مايستاهل" "انا ما اكرهه وبنفس الوقت مااحبه" "يارب تهديني واغير معاملتي له " وصلوا لفرنساو نزلوا من الطياره ولقوا سياره تستناهم ووصلتهم للشقه اللي حجزها سامي لهم دخلوها وانبهروا منها كانت منتهى الروعه والفخامه غرفتين وصاله ومطبخ مفتوح على الصاله بس كان ستايل الشقه حلو ويبعث على الدفء والراحه والاطمئنان دخلت فاطمه بغرفه وقفلت الباب وسامي بالغرفه الثانيه طلعوا بالليل يتعشون برا وكانت جلستهم بارده مره سامي: فاطمه ممكن اطلب منك طلب فاطمه: تفضل سامي: عامليني على إني ولد خالتك على الاقل مو تعامليني كأني عدوك فاطمه انصدمت من كلامه: ان شاء الله سامي: اكيد وعد فاطمه ابتسمت له: ان شاء الله من عيوني يلا يا ولد خالتي امش نتمشى برا سامي: الله من اول ابغاك تكلميني كذا اقل شي يعني مو كأنك تكرهيني فاطمه: ايه انا اعاملك على انك ولد خالتي وبس سامي: وهذا اللي ابيه ولو هدي الفتره على الأقل فاطمه: طيب يلا نطلع وطلعوا من المطعم وصاروا يتمشون بالشارع ورجعوا للبيت فاطمه: يلا تصبح على خير انا نعسانه ابي انام سامي: وانا بعد تعبت من السفر وراحوا ناموا وقاموا الفجر يصلون ورجعوا ناموا قامت فاطمه الساعه 10 الصبح وقعدت عند الشباك تتفرج على الشارع وكان الجو حلو شوي الا يقوم سامي ويشوفها وظل يتأملها كان شكلها طفولي حلو خصوصاً انها كانت لابسه بجامه عاديه لونها وردي وفاتحه شعرها وحاطه لها ورده ناعمه على جنب انتبهت له فاطمه فاطمه: وش تبي تطالع فيني كذا؟ سامي: ها ..لا و لا شي فاطمه: طيب تبي نفطر سامي: ليش ما فطرتي ؟ فاطمه: لا كنت انتظرك سامي: تسلمين يلا ننزل نفطر فاطمه: لالالالالالالا انا سويت لك سامي: الله يعين بطني انتي ما عمرك طبختي اليوم تقولين انا سويت فاطمه: هههههههههه ومن قالك اني طبخت سامي: اجل وشو الفطور فاطمه : توست وجبن ومربى وحليب سامي: ههههههههههه لالالا تحت اجل ارحم من فطورك فاطمه: افااا سامي: لالالا بس ما ابي اتعبك فاطمه: اممممممم طيب خلاص بلبس وننزل ونفطر تحت وبعدين بنروح للبحر سامي: اوكي مع اني ما انصحك ببحرهم فاطمه: ليش عادي ترا انا دايم اسافر وش فيك انت سامي: طيب بس فرنسا غير وانتي بتشوفينهم فاطمه: اوكي مو مشكله راحت لبست ونزلوا تحت وفطروا وطلعوا وركبوا تاكسي وراحوا مول بالاول يشترون اغراض ويتسوقون ويتمشون ورجعوا للشقه ارتاحوا شوي وتغدوا وبعدين راحوا على البحر كان منظر البحر جميل لكن فاطمه تضايقت من تعري بناتهم فاطمه: اقول سامي وش رايك نرجع الشقه احسن سامي: ليش الجو حلو اليوم فاطمه: لا بس مو مرتاحه سامي: ههههههههه قايل لك من اول بس ما تسمعين فاطمه: يالله بتذلني عاد سامي: طيب طيب من عيوني وراحوا ورجعوا للفندق دخلوا واخذت فاطمه شور طلعت فاطمه من الحمام مالقت سامي موجود قالت اكيد نايم والا طلع برا جلست عند التلفزيون شوي الا يطلع سامي من الحمام سامي: هلا فطوم فاطمه تبتسم له: اهلين سامي: اقول فطوم وش رايك بالعيشه هنا؟ فاطمه: ما ادري تونا ما صار لنا اسبوع سامي: امممم بس للحين فاطمه: عادي سامي: طيب نامي بكره بنروح للجامعه نخلص اوراقك فاطمه: ان شاء الله حتى انت نام بدري سامي: ليش ؟؟ فاطمه: ليش انت مو رايح معي ؟ سامي: الا اكيد فاطمه: اجل ليش تقول ليش انام بدري سامي: لا ولا شي يلا ادخلي نامي بنروح بدري فاطمه: طيب اصبر شوي سامي بينرفزها: ليش ودك تقعدين معي "ويغمز" فاطمه تطلع لسانها: لا طبعا " وقامت للغرفه تبي تنام" فاطمه: باي يا استاذ سامي سامي: هههههه وانتي من اهله يا آنسه فاطمه اليوم الثاني راحوا للجامعه وخلصوا اوراق فاطمه وبعدها طلعوا يتمشون شوي ورجعوا للبيت جلسوا على هذه الحاله تقريبا سنه لين جات اجازة الصيف ورجعوا السعوديه سامي: طيب فاطمه انا بنزلك بيت اهلك وبروح بيت اهلي وبجي اخذك بالليل اوكي فاطمه: لا والله ما ابي اجي عندك ابي اقعد عند ماما وبابا سامي: يعني ما بتسلمين على اهلي ؟ فاطمه: بكره سامي: طيب على راحتك فاطمه وهي تنزل من السياره: باااااي سامي: باي انتبهي على نفسك فاطمه: لا تخاف محد بياكلني هذا بيت اهلي سامي: طيب طيب باي ونزلت فاطمه وراح سامي لبيتهم دخلت فاطمه البيت وهي طايره من الفرح تبي تشوف اهلها فاطمه: اهليييييييييييييييييييييين انا جيت ام فاطمه: فاااااااطمه بنتي هلا هلا والله ببنيتي ليش ما علمتونا بجيتكم فاطمه وهي تضم امها وتصيح : عشان نسويها مفاجاه ام فاطمه :واحلى مفاجأه تعالي اجلسي بجنبي فاطمه: وين بابا وخواتي ؟ ام فاطمه: الحين ابوك يجي من المسجد وخواتك فوق فاطمه: والله وحشتوني مرررررررررره ام فاطمه: وانتي اكثر ما شاء الله صرتي دبدوبه فاطمه: ايه بس اكل ونوم ام فاطمه: هههههههه شكله سامي مدلعك مره فاطمه تبي تغير السالفه: بروح انادي خواتي ام فاطمه: لا الحين ينزلون شوي الا ينزلون خواتها ليالي : فطوم حبيبتي فاطمه تضم اختها: هلا والله بالدبه ليالي: انا مو دبه فاطمه: ههههههههههههه ريم: وخري شوي خليني اسلم عليها فاطمه تضم ريم: هلا والله انتي اكثر وحده وحشتيني ليالي: اكثر مني ؟ فاطمه: لا كلكم قد بعض ريم: هههههههه يالغيوره ليالي: وش جبتي لنا هدايا ام فاطمه: عيب انتي متى تعقلين فاطمه: ماما وش فيها عادي تراني اختها ام فاطمه: لا بس توك واصله تعبانه وهذي فاضيه فاطمه: لا عادي ولا تخافين جبت لكم هدايا بس بسياره سامي ليالي: طيب وينه ؟ فاطمه: راح بيت خالتي يسلم عليهم ليالي: طيب دقي عليه قولي له يجيب الهدايا فاطمه: ههههه لا عيب بكره ان شاء الله ليالي: ياااااااااااااااااي اففففففففف فاطمه: لا حبيبتي ولا تزعلين باقي شوي على بكره ريم: طيب انا وش جبتي لي هدايا " مع ارتسام ابتسامه عريضه" فاطمه: بكره تشوفين ريم: اهم شي لبس واكسسوارات فاطمه :اكييييييييييييييييييييييييد وهم يسولفون الا يدخل ابوهم ابو فاطمه: هلا هلا والله ببنتي فاطمه راحت ركض لحضن ابوها وحضنته ابو فاطمه : هههه انتي متى تكبرين ؟ فاطمه: ليش وش فيني ؟ ابو فاطمه: لا ولا شي كريم: السلاااااااااااااام عليكم فاطمه: هلا كريم حبيبي كريم: الله يعافيك من بعيد مو زي المطار فشلتيني وانتي تحضنين زي الحريم فاطمه: هههههههههه من زينك بعد ماني مسلمه عليك ومو معطيتك هديه بعد كريم: ها وشو امزح تعالي بالاحضان يا اختي فاطمه :هههههههههههههه وجلسوا العيله طول الليل سوالف وضحك .................................................. ................. سامي: السلام عليكم ام سامي: هلا والله وعليكم السلام وقامت وحضنته وباسته ابو سامي: هلا بولدي اللي نسانا سامي: افا وانا اقدر وراح باسه وسلم عليه وسلم على اخوانه كلهم وجلسوا عبد الله: وين مرتك ؟ سامي: راحت لاهلها عبد الله: عسى بس الهدايا كثيره سامي: والله انا ما اشتريت لاحد شي عبد الله: افا ترا هذا الاستقبال الحار مو لوجهك نبي هدايا سامي: والله انك ما تستحي كذا بوجهي تقولها عبد الله: انت بعد مصدق كل هذا الاستقبال لك سامي : فاطمه اشترت للكل هدايا عشان كذا انا ما اشتريت شي امل: يا عمري على فطومه ودي اكلمها سامي: لا لاتكلمينها اليوم انتي طول الوقت مكالمات بكره ان شاء الله هي عندك امل: من جد سامي: ايه من جد يلا انا بروح انام تعبااااااااااااااااان حدي ام سامي: تصبح على خير يا ولدي .................................................. ... فاطمه:يلا انا بقوم انام تعبانه ام فاطمه: ايه نامي اكيد تعبانه من السفر فاطمه: اييييييييييه مره طلعت لغرفتها وقبل ما تدخل دق الجوال وكان سامي متصل فاطمه : اففففففففف مالي خلق ارد عليه وما ردت عليه ما صدقت انقطعت الدقه و سكرت الجوال ونااااااااااااااااامت وما صحت الا يوم ثاني العصر .................................................. ...... سامي: هذي ما تستحي ما ترد علي وبعدين تقفل الجهاز والله لأرويك دلعتك كثير يا فاطمه وما نفع معك لكن هين شغلك عندي اليوم الثاني قامت فاطمه من النوم وراحت للصاله فاطمه: صباح الخير ام فاطمه: قصدك مساء الخير ترا اليوم بنروح بيت خالتك ام سامي فاطمه: امممم قال لي سامي امس انه بيمر ياخذني بس ما ادريت انه كلنا ام فاطمه: لا انا كلمتهم توني وقلت ان احنا بنجي اليوم فاطمه: طيب ان شاء الله مع انه ما ودي اروح لاعت جبدي من سامي ام فاطمه: وشو فيك انتوا الى الآن احوالكم معفوسه على بالي تعدلت العلاقات لما سافرتوا فاطمه: الا تعدلت العلاقه بس انا زهقت منه ام فاطمه: عيب يا بنتي هذا خطيبك فاطمه: ان شاء الله يصير خير ام فاطمه: طيب تجهزي بعد المغرب بنروح لهم فاطمه: ان شاء الله بروم اسبح واجهز لبسي تامرين شي بعد ام فاطمه: لا سلامتك راحت فاطمه تسبح وجهزت اغراضها بعد شوي اتصل عليها سامي وردت عليه فاطمه: هلا سامي سامي: هلا بتجين مع اهلك والا امرك فاطمه: بجي مع اهلي طبعا سامي: طيب باي وقفل السماعه قبل ما ترد عليه استغربت وش فيه معصب كذا اكيد احد نرفزه فاطمه: انا وش علي خليني انزل لا اتاخر ونزلت تحت لقتهم ينتظرونها كلهم ريم: ما بغيتي تاخرتي فاطمه: وش اسوي لازم اتجهز ابو فاطمه:يلا بس اركبوا لاتاخرونا وركبوا السياره وراحوا بيت خالتهم دخلوا وسلموا على بعض عاد امل وفاطمه من شافوا بعض اخذوا بعضهم بالاحضان وصياح والباقي يضحكون عليهم وراحت فاطمه وجلست جنب امل وقعدوا يسولفون مع بعض فاطمه رفعت راسها لقت سامي يطالع فيها ابتسمت له بس هو ما رد لها الابتسامه الا بتكشيره تفشلت واستغربت وقعدت طول السهره وهي طفشانه ومتنكده عشان سامي مو عاطيها وجه ابد جا وقت روحتهم لبيتهم ابو فاطمه: يلا عاد احنا نستاذن ابو سامي: وين بدري ؟ ابو فاطمه:بدري من عمرك طولنا ان شاء الله مره ثانيه ابو سامي: على راحتكم حياكم الله ابو فاطمه: مع السلامه الجميع: مع السلامه وقاموا بيروحون سامي: فاطمه لا تروحين انا بوصلك فاطمه: لا ما يحتاج ما ابي اتعبك سامي: لا انا ابيك بموضوع خاص عبد الله: يا عيني انت يالخاص وش عندكم سامي: مو شغلك انت فاهم سكت عبد الله تفشل ابو فاطمه: طيب يا بنتي ارجعي مع خطيبك في امان الله وطلعوا وظلت فاطمه عندهم سامي بعد ما طلعوا اهل فاطمه بعشر دقايق سامي: فاطمه يلا امشي فاطمه: ان شاء الله وركبت معاه السياره وقعدوا طول الطريق ساكتين بس شافته ماخذها مكان بعيد عن بيتهم فاطمه: وين موديني ؟!! سامي: مو شغلك فاطمه: طيب عندي سؤال انت ليش من اول معصب ؟!! وقف سامي السياره وعصب سامي: انا خلاص تعبت منك صراحه صار لي سنه مستحملك على عنادك وحقرانك لي بس انا مو من النوع اللي يسكت مو عشان اني احبك تستحقريني بهالطريقه وتذليني انا والله لو بغيت ارويك النجوم بعز الظهر والله لأرويك فاطمه خافت من سامي اللي انفجر مره وحده وبدت تصيح: طيب انا الحين وش سويت ؟ سامي: امس ادق عليك ما تردين وتسكرين الجهاز فاطمه "اها وانا اقول الرجال ليش معصب" سامي: وش فيك ساكته ليش ما تردين فاطمه: انا ما انتبهت للجهاز كنت نايمه وما فيه شحن فقفل من نفسه سامي: لا مو علي انا انتي ووجهك روحي العبي على غيري فاطمه صارت تصيح سامي: قولي لي انت ليش تسوين فيني كذا فاطمه: انا قلت لك من اول اني ما احبك وما ابي اتزوجك كرهتك من بعد ما انفصلنا وانت ما سمعتني وورجعتني وغصبوني عليك ولما سافرنا وانا بس معتبرتك ولد خالتي مو اكثر سامي : طيب يا فاطمه راح تشوفين شلون راح تصير معاملتي لك من اليوم وراح تتحسفين على الايام اللي راحت وكنت مدلعك وخليك على راحتك لكنك ما تقدرين ومشذى وهي تصيح من كلامه القاسي وكانوا ساكتين طول الطريق ونزلها بيتها ورجع بيتهم دخلت فاطمه البيت ما لقت احد بالصاله قالت اشوا ماحد يشوفها و يقولها وش فيك كنك تصيحين راحت غرفتها وحاولت انها ما تفكر بكلام سامي لين نامت قامت من النوم انزلت تحت وهي طفشانه وزهقانه يعني أي احد بيكلمها يمكن يجيه كف من دون سبب ليالي: فاطمه ليش امس ما جبتي الهدايا من زوجك ؟ فاطمه من غير نفس: نسيت ليالي: دقي عليه قولي له يجيبهم فاطمه: بعدين ليالي: لا الحين ابي اشوفها فاطمه وصلت معها على الاخر فاطمه: انتي ما تفهمين قلت بعدين انقلعي عن وجهي لايجيك كف"وهي تصرخ عليها" ليالي بدت تصيح وراحت لامها تشتكي لها ام فاطمه:فاطمه وش فيك يا بنتي؟ فاطمه: لا يمه ما فيني شي بس تعبانه شوي ام فاطمه: وش فيك تعبانه يعني فاطمه: لا بس راسي مصدع لاتخافين ام فاطمه: اكيييييييييييد فاطمه: اكيييييييييد لاتخافين انتي وطلعت تتمشى بالحوش شوي تتذكر اليوم اللي طيحت هي وامل سامي بالمسبح وتذكرت يوم يشوفها وهي بملابس السباحه وبعدها ظلت تقول بنفسها انا ليش قاعده افكر فيه وهو بس يهاوشني كل شوي مضى الشهر بسرعه وفاطمه وسامي علاقتهم عاديه مع بعض يعني من بعيد لبعيد ولا مره اخذها برا يتمشون مع بعض وما يكلمها الا قليل ويعصب عليها لين جاء يوم السفر ودعوا الاهل وسافروا ورجعوا لفرنسا انتهى الفصل الحادي عشر شنو بيصير تطورات؟؟؟ وسامي وش بيسوي مع فاطمه؟؟ فاطمه بتحب سامي والا راح تظل معنده؟؟ انتظروني مع الجزء الأخير