5و6
الفصل الخامس
نامت فاطمه وهي ما تدري عن نفسها من كثر الراحه اللي هي كانت حاسه فيها بعد
اللي صار اليوم ولكن ما كانت تدري باللي راح يصير لها بكره من تطورات واحداث
حتى انها اول مره تنام بدري كذا
قامت على صوت اذان الفجر وصلت ونزلت تحت ما لقت احد صاحي وراحت
وجلست بالحديقه وكان النور توه طالع والجو كان روعه وقعدت عند الورد تتامل
فيها وسرحانه بعالم ثاني
دخل ابو فاطمه البيت
محمد: السلام عليكم
فاطمه: وعليكم السلام هلا يبه
محمد: وش مقعدك بحديقة البيت الحين واصلا وش مصحيك بدري
فاطمه: ما ادري نمت بدري وقمت بدري
محمد: ايه طيب يالله انا بروح انام لي شوي قبل ما اروح الدوام
فاطمه: طيب مع السلامه
راح ابوها فوق ورجعت لعالمها الوردي تخيلت ان سامي خطبها وابوها وافق وانها
عاشت بسعاده معاه
كان ودها تسبح وتنبسط بعد كل اللي صار ونزلت بالمسبح بس كان الماي
مره بارده وقعدت تسبح وتذكرت ذاك اليوم اللي شافها سامي فيه وقعدت تضحك
على شكلهم الاثنين مر من الوقت ساعه وهي بالمسبح شوي الا تطلع امها وابوها
من البيت امها عندها مدرسه وابوها رايح لشغله سلموا عليها وراحوا طلعت من
المسبح بعد شوي وسبحت ونزلت تفطر تحت شوي الا يدق الجرس
راحت الشغاله تفتح الباب ورجعت
الشغاله: فاطمه في ولد عند الباب يبيك
فاطمه: مين الولد هذا؟
الشغاله: هادي
انصدمت فاطمه هي كانت حاطه ببالها انه سامي طلعت برا طبعا بعد ما تحجبت
وراحت له
فاطمه: هلا هادي تفضل
قعد يطالعها هادي من فوق لتحت
فاطمه: وش فيك تطالعني كذا بغيت شي
هادي: لا ولا شي بس عندي سؤال
فاطمه: تفضل بس ما اعتقد ان وقفتك كذا عند الباب زينه ادخل الصاله لو بالحوش
على الاقل
هادي: ان شاء الله
ودخل ووقف بالحوش و قال لها :كلمتين بقولها لك وبطلع
فاطمه: طيب تفضل وش تبي
سامي: ليش رفضتيني
فاطمه هذا هو سؤالك اللي متعب فيه نفسك ومتعني عشانه
اعتقد ان ابوك اللي هو عمي علمك ليش
هادي: ايه علمني بس ما عجبني السبب اعتقد انه تافه
فاطمه: لو سمحت لا تغلط وبعدين هذا مو سبب واحد هذ واحد من الأسباب
هادي: حتى لو كل اسبابك مو زينه وما تقنعني
فاطمه: مو لازم تعجبني اهم شي عاجبتني انا وابوي وانت ما تهمني
هادي: طيب يا فاطمه بتندمين احلف لك وبتشوفين
فاطمه: اعلى ما بخيلك اركبه ما تقدر تسوي شي
هادي: طيب يا فاطمه يا بنت عمي بثبت لك انا وش اقدر اسوي
فاطمه تتمسخر عليه: لا تصدق خوفتني يلا بس اقول روح
هادي: انا رايح بس بثبت لك وش اقدر اسوي لك
وطلع وفاطمه كانت معصبه منه هو واسلوبه البايخ وقعدت تسبه طول ما هو
يمشي بس ما التفت لها بس قعد يضحك وهذا اللي قهر فاطمه اكثر واكثر
ما اخذت على كلامه توقعت تهديده بس كلام
بس ما كانت تدري وش منتظرها
طلعت غرفتها بعد ما عكر هذا مزاجها ورجعت نامت لين الظهر
بعد اسبوع
كانت فاطمه قاعده بالصاله تتابع مسرحيه وتضحك ضحك هي وكريم وريم اما ليالي كانت بغرفة الالعاب
وامها وابوها بغرفتهم
نزلت ام فاطمه ونادت فاطمه بغرفتها
راحت فاطمه ودخلت غرفتها
فاطمه: نعم يمه
نوال: بقول لك شي ما اعتقد انك بتصدقينه
فاطمه: وشو لا يكون ابوي غير رايه وبيزوجني هادي
نوال: لالالا في واحد ثاني خطبك من ابوك
فاطمه: من بعد الله يستر الحين ابوي يغصبني بعد
نوال: سامي ولد خالتك زهراء
فاطمه سكتت هي كانت عارفه الموضوع بس الحين تفاجأت اكثر ما توقعت ان كلام
امل كان من جد فما ردت وقامت نزلت راسها
نوال: وش فيك سكتي ها وش رايك
فاطمه: وشو هو صغير توه بالجامعه وشلون تبوني اوافق عليه
نوال: لا هو يقول الله يسلمك انه يخطبك و لمن يخلص هو الجامعه ويتوظف عاد
بعدين تتزوجون هو يخاف انك تطيرين من ايده ويخطبك غيره
فاطمه: اممممممم
نوال: ها وش رايك
فاطمه: ما ادري افكر
نوال: اشوفك ما رفضتي وصحتي مثل لمن خطبك هادي
فاطمه استحت: لا بس فرق هادي يبي يتزوجني الحين اما سامي لسا بعد اكثر من
ثلاث سنين
نوال: طيب انا بتركك تفكرين وبعلم ابوك مع انه ما اعجبته هذه الفكره مره بس قال
اذا انتي موافقه هو بعد موافق
فاطمه: طيب يمه انا بنزل اكمل المسرحيه اللي قطعتيني عنها
ونزلت تحت تبي تهرب من امها وقعدت عند المسرحيه بس بالها كان بعيد مره عن
المسرحيه وجلست لين خلصت المسرحيه
وراحت طيران لغرفتها فكرت تخبر سماح بعدين هونت تقول لا تطقني عين
وما كلمت امل عشان لا تقول هذه ما صدقت خبر اخوي خطبها خليني اثقل شوي
وقعدت بغرفتها شوي الا تدق عليها امل
فاطمه: هلا اموله
امل: هلا والله ها بشري قالولك اهلك والالا
فاطمه: عندي سؤال احد جنبك ؟
امل: بصراحه ايه
فاطمه: مين؟؟
امل: مين غيره سامي
فاطمه: نعم نصابه مع السلامه اجل
امل: ههههههههه اهجدي بس اقول اهلك خبروك والالا
فاطمه: ايه امي قالت لي
امل: وانتي وش قلتي لها
فاطمه: اكيد قلت بفكر
امل: ليش مفروض توافقين على طول
فاطمه: لا والله وش قالو لك ما صدقت على الله ابي اتزوج قدام اهلي
امل: هههههههههههه اذا قررتي خبريني
فاطمه: طيب يالله مع السلامه
سكرت منها السماعه كانت مستحيه لأن سامي كان جنب امل بس قالت يالله معليش
قعدت تفكر انها توافق والا لا
بعدين قالت لنفسها
"يا فاطمه وشو تفكرين انتي ما صدقتي خبر انك تسمعين هذا الكلام تروحين
تقولين بفكر"
"بس هذا زواج مو لعبه يعني لازم افكر"
"يوووووه من جد ما عندي سالفه"
" معليش انا حره بفكر لين اتعب"
ونامت بعد ما دار هذا الحوار بينها وبين نفسها وكان الوقت متاخر يعني الساعه 4
باقي شوي ويأذن الفجر
قامت من النوم على صوت امها وهي تصحيها العصر تقولها يالله تأخرتي في النوم
فاطمه: ان شاء الله بقوم الحين
نوال: طيب بسرعه ها وش قررتي
فاطمه: بشنو
نوال: بسامي وخطبتك منه
فاطمه: يمه من جد انك رايقه توني ما كملت 24 ساعه من سمعت الخبر تبيني اقرر
عطيني على الاقل يومين عشان افكر
نوال: طيب يالله قومي
فاطمه : طيب هذا انا قمت
وراحت للحمام وغسلت واخذت لها شاور وصلت ونزلت الصاله تفاجئت بوجود
عمها ناصر ابو هادي وهادي بعد طلعت فوق لغرفتها شوي الا تجيها امها
نوال: يالله ليش ما نزلتي تحت
فاطمه:ما ابغى انزل تحت عمي وولده المعفن
نوال: لا عيب لا تقولين كذا انتي خلاص رفضتيه وانتهى الامر مو معناته تسبينه
فاطمه ن تقول بينها وبين نفسها بلاك ما تدرين انه جاي ومهددني: ان شاء الله
بس ما ابي انزل
نوال: وشو عمك يبيك تحت توه سأل عنك
فاطمه: افففففففف قولي له نايمه
نوال: قال لي صحيها ابي اشوفها
فاطمه: ان شاء الله الحين بنزل تحت من جد عمام غثه
ولبست لها لبس حلو ولبست حجاب مناسب لبسها ونزلت تحت وسلمت على عمها
طبعا اولاد عمها ما تتغطى عنهم تسلم عليهم من بعيد بس انها حتى ما سلمت
على هادي عشان الكلام اللي قاله لها ذاك اليوم وجلست جنب ابوها وقعدت شوي
تسولف مع عمها
ناصر: هلا والله ببنت الغالي
فاطمه: هلا فيك عمي
ناصر: والله كان ودي تكونين مرت ولدي عشان تصيرين مثل بناتي
طالعت هادي لقته يطالع فيها رجعت وطالعت بعمها
فاطمه : انا اصلا بنتك يا عمي سواء تزوجت ولدك او لا
ناصر: ايه والله انك صادقه بس غير يعني لو تزوجتي ولدي
فاطمه: طيب عن اذنكم انا بروح شوي
ناصر: اقعدي يا بنتي تونا ما شفناك
فاطمه: الحين بجي بس بجيب لكم عصير
ناصر: تونا شاربين بس اجلسي
لحول هذا وش فيه ما يفهم ما ابي اقعد معكم
قعدت وهي متنرفزه على الاخر
قام هادي يقلب بالتلفزيون لين عصب منه كريم
كريم: يا خي اركد اثبت لك على قناة
هادي: لا انا قاعد ادور على اغنيه
كريم: وش هي انا احطها لك
هادي: ليش التلفزيون على كيفك بيحطون لك الاغنيه اللي تبيها
كريم: لا يا ذكي احط على القناه وارسل لهم رساله واطلب الاغنيه
هادي: ايه صح طيب انا برسل وبطلب انت مالك شغل
احمد اخو هادي بعد: ايه بس كريم ما عليك منه
كريم: ايه انا ادري خلنا نطلع برا
وطلعوا برا صار مافي غير ابوها وعمها ووجه النحس هذا هادي
وطلب الاغنيه هي اصلا ما اهتمت حتى تطالع وشو المسج اللي رسلاه شوي الا
تجي الاغنيه الاهادي قال
هادي: والله فله على طول سمعوا كلامي وحطوا الاغنيه اللي طلبتها
وطول على الصوت وكانت الاغنيه حب رومانسيه
استغلت فاطمه الفرصه ان ابوها وعمها منشغلين بالسوالف عن الشغل وقامت
هجت حتى انها ما سمعت الاغنيه وهادي عصب منها زياده لانها ما سمعت على
الاقل الاغنيه وقعد يهددها بينه وبين نفسه طيب يا فاطمه بتندمين والله حلفت
طلعت غرفتها وحست انها توها تتنفس من يوم نزلت للصاله
وقعدت على النت ولقت سماح وعلمتها بالسوالف اللي صارت
فرحت سماح مره لأن سامي خطب فاطمه وتمنت ان الله يوفقها هي واياه وقالت
لفاطمه شي ان وحده من الحريم اللي بالعرس طلبت رقمكم عشان تبي تخطبك بس
امي قالت لها ما عندي الرقم الحين بشوفه وبرد لك خبر فأمي قالت لي اعلمك
عشان اذا تعطيهم الرقم والا لا فعلى طول قالت فاطمه لا لا تعطين احد رقمي عشان
لا تشوشر على الموضوع وقالت لها سماح الصراحه مو وحده بس طلبتها يمكن
ثلاث وقعدت تضحك وتقول مو انا ولا احد بغاني خخخخخ
فاطمه: عشان لمن انا اقولك اني احلى منك ما تسمعين
سماح: لا احلى مني ولا شي بس يمكن انتي كان شكلك ملفت مره
فاطمه: مرسي بس لاتطقيني عين الحين
سماح: طيب فاطمه انا طالعه الحين توصين شي حبيبتي
فاطمه: لا سلامتك يا قلبي
سماح: الله يسلمك حبيبتي مع السلامه
وقعدت فاطمه على النت تقلب فيه يمكن لين الساعه 10 بالليل صراحه ارهاق بس
تبي تضيع وقتها بأي شي على شان ما تنزل تحت وتشوف هذا المعفن شوي الا
تجي امها وتناديها تتعشا
فاطمه: مو مشتهيه والله شبعانه
نوال: اقول انزلي ترا ابوك بيزعل هو وعمك
فاطمه: يووووووووه ديلين لسه ما راحوا
نوال: اسكتي عيب لايسمعونك
فاطمه: ليش وشو هم اذنهم مصنوعه من ماده غير مادتنا
نوال: يالله بس بلا كثر كلام انزلينزلت امها ونزلت بعدها فاطمه ولقتهم كلهم يستنونها عشان يتعشون
اخوانها كلهم وعمها اما المعفن هادي ما شافته على بالها راح فرحت قعدوا على
العشا الا يجي هادي
هادي: معليش تاخرت بس كنت اغسل
محمد: ما عليك يا ولدي اقعد
وجلس هادي قدام فاطمه بالضبط ولاعت جبدها منه كل ما رفعت راسها تلقاه
يطالعها خلصت عشاها بسرعه واستاذنت منهم وراحت للغرفه
وبعد يومين بالمغرب
نوال: ها يا بنتي وش قررتي ابوك يسألني عشان يعرف وش يرد عليهم
فاطمه وهي مستحيه على الاخر: اللي تشوفونه يمه
نوال: احلا بنتي تعرف تستحي خخخخ
فاطمه: يمه وش قالو لك ما اعرف استحي والا شنو
نوال: ههههههههه لا امزح معك يا بنيتي
طيب يالله بروح اعلم ابوك بموافقتك
راحت لابو فاطمه وخبرته بموافقة بنته وهو بدوره خبر اهل سامي
عاد فاطمه استحت ما تبي تنزل تحت عشان لا تشوف ابوها ولا اخوها ولا أي احد
بس شوي الا جاها ابوها
محمد: هلا والله ببنتي
وحبها على راسها
فاطمه وهي متقطعه من الحيا: هلا فيك
محمد: مبروك يا بنتي
فاطمه : الله يبارك فيك
محمد: يا حليلك مستحيه انزلي تحت عندنا
فاطمه: ان شاء الله شوي وبنزل
محمد: طيب يالله ننتظرك
ونزلت تحت ولقت كل اللي بالبيت تحت ولمن نزلت قام كريم
وحبها وريم وليالي بعد وباركوا لها
كريم:مبروك يا اختي بتصيرين عروس انتي ووجهك
فاطمه: اقول ضف وجهك اول مره تشوف احد بينخطب
كريم: لالالا بنتك هذه يا يبه ما تستحي اول مره اشوف احد مخطوب ومو مستحي
فاطمه: مو شغلك
كريم: اعرف البنات اذا انخطبوا يستحون والوجه احمر وشي مو مثلك سبحان الله
يارب ما ابي اتزوج بنت مثلها كذا ما عندها احساس
فاطمه معصبه منه: اكل تبن يبه شوف ولدك هذا وش يقول
محمد: يا ولد استحي
كريم: على شان خاطرك بس والا كان رويتها الشغل
فاطمه: ما تقدر.................. " وطلعت لسانها"
كريم: هذه بنت تقول طفله الى الان تطلع لسانها
محمد: بس اسكتوا خلونا نسمع الاخبار
وقعدوا كذا يتهاوشون وشوي يضحكون وشوي يحمر وجه فاطمه ويقولها كريم
اخيرا استحيتي شكيت انك بتستحين لو للحظه
وقعدوا كذا طول الليل الين الفجر وراحوا غرفهم وناموا
قومت نوال بنتها من النوم وقالت لها
نوال: قومي ترا بيت خالتك بيجون عندنا اليوم
فاطمه وهي نايمه: أي خاله
نوال: وشو أي خاله خالتك زهراء طبعا
فاطمه نطت من السرير: ليش
نوال: هههههههه وش فيك انهبلتي
فاطمه استحت من حركتها: لا ولا شي
نوال: بس يبون يتقدمون لك رسمي اليوم
فاطمه: وشو كذا بسرعه ما ابي
نوال: عاد مو بكيفك محد قالك وافقي
تجهزت فاطمه ولبست لبس حلو وتكشخت وحطت مكياج خفيف وناعم
وفتحت شعرها
جات لها امل ودخلت عليها الغرفه
امل: مبروك يا عروسه وضمتها
فاطمه: ما ابي هونت والله خايفه
امل: ههههههه اللي يشوفك يقول يوم زواجك ترا كلها خطوبه بس
فاطمه: حتى لو بستحي من سامي بعد اللي كان يصير بيننا
امل: ما عليك بس يالله اجهزي عشان تنزلين تحت تسلمين على امي واختي
وتشوفين سامي
فاطمه: لالالالا مو لازم اشوفه اعرفه حافظته حفظ
امل: هههههههه انتي حافظته بس هو لا يقول ما شافك
فاطمه: نصاب طيب يوم يشوفني بالمسبح ويتأمل فيني
امل: والله ذيك ما تعتبر رؤيه شرعيه لازم يشوفك الحين
فاطمه: والله خايفه امل تدخلين معي
امل: لا وانا وش دخلني اكيد بيدخل معك كريم او ابوك
فاطمه: لا ما ابي ابوي استحي عاد مرتين
امل: طيب بشوف اذا خلوني ادخل معك او لا ويالله اجهزي خل ننزل
فاطمه: انا جاهزه
امل: لا والله وشو هذا المكياج بس كحل وغلوس
فاطمه: لا الرؤيه الشرعيه كذا ما يجوز تحطين اشياء مصطنعه بعدين يتغير شكلي
واصير كأني اضحك على اخوك
امل: بسم الله طيب تكلمي بشويش بكيفك طيب يالله ننزل
ونزلوا تحت وسلمت على خالتها وباستها خالتها على راسها استغربت فاطمه هو
اللي ينخطب يبوسونه على راسه والا شنو السالفه قالت معليش وقعدت معهم
شوي يسولفون بس فاطمه كانت طول الوقت منزله راسها من الخجل
شوي الا يجي كريم ويقول فاطمه يالله سامي يبي يشوفك
خافت فاطمه وقالت: لالا ما ابي اروح لحالي يا تجي معي امل يا ماني داخله
كريم: ههههه طيب ما فيها شي روحي معها يا امل اصلا لازم احد يقعد معكم
وراحت داخل هي وامل ولقوا سامي بغرفه لحاله ودخلت فاطمه وامل عليه والرجال
ما دخل منهم احد بالمجلس هم كانوا ناوين ان يدخل معها كريم
بس مدام دخلت امل ماله داعي
فاطمه: السلام عليكم
قام سامي: وعليكم السلام
جلست فاطمه بعدين جلس سامي
وكانت فيه لحظة صمت و فاطمه منزله راسها تحت من الخجل
امل: لا صراحه ليش ما تسكتون شوي صجيتوني بكلامكم الكثير
سامي: كيفك فاطمه
فاطمه و يالله يالله ينسمع صوتها: الحمد لله طيبه
امل: ههههههههه كانكم اول مره تشوفون بعض دايم تتمسخرون وتتهاوشون والا
عشان الحين كل شي جد
فاطمه تكلم امل بأذنها: اكلي تبن كأني ناقصتك الحين
سامي: طيب شاركوني حديثكم
فاطمه: ها لاولا شي
سامي: طيب ارفعي راسك خليني اشوف وجهك
استحت فاطمه وقعدت شوي بعدين رفعت راسها وتقابلت عيونهم مع بعض
وتعرفون اذا فيه اثنين يحبون بعض لو تقابلت عيونهم لا يمكون يوقفون نظر
لبعض
امل: احم احم نحن هنا لكم ساعه تبحلقون ببعض
سامي: صراحه فاطمه ما كنت ادري انك حلوه لهذه الدرجه
حنان: تسلم وش خليت لنفسك قمر
سامي : لا يا شيخه وش جاب القمر لي انا
فاطمه راحت فيها صار وجهها احمر
سامي: ههههههههه يا حليلك وانتي مستحيه تصدقين جربتك بكل الحالات الا
وانتي مستحيه مني
فاطمه: احمد ربك استحي منك بعد
سامي: هههههه هذي فاطمه اللي اعرفها
امل: هي قلبتوها هوشه اشوف ويالله احنا بنطلع الحين
سامي: ليش بدري
امل: بدري من عمرك بس امي قالت لا تطولون عشر دقايق
قامت فاطمه وكانت متوجهه للباب وهي تمشي بشويش ووراها امل من يوم ما
طلعت من الباب صارت تمشي ركض وراحت لغرفتها حتى ما راحت لا لامها ولا
خالتها
حتى امل ما لحقتها قالت خليها لحالها احسن عشان ما احرجها و عشان لا
تهاوشها على كلامها بعد
راحت امل عند امها وخالتها وقالت لهم ان كل شي تمام طبعا سامي ما كان راح
ياخذ راحته كذا لو كان تركي موجود فكان فرحان ان امل دخلت معها
بعد اسبوع سووا حفلة الخطوبه ومن الظهر و فاطمه وامل بالكوافير
وهذي المره حلفت فاطمه على كريم انه هو اللي يجيبها من الكوافير مو زي ذيك
المره يخليها ويجي سامي وافق انه ياخذها ومن اول ما خلصوا رجعت فاطمه وامل
للبيت على اذان المغرب جلسوا بالغرفه يحطون مناكير ويسولفون شوي وامل
تخفف عن فاطمه اللي مرتبكه وتهديها حتى انهم شربوها عصير ليمون بالنعناع
من كثر ما كانت متوتره على الاخر اما ام فاطمه وام امل وريم واخت امل جاتهم
كوافيره بالبيت
بس فاطمه ما تحب الكوافيره اللي تجي بالبيت تحس شغلها مو حلو ابد
المهم على الساعه عشر لبست فاطمه الفستان واتجهزت وكل ما تجي تصيح
تسكتها امل وتقول لها ترا هذه بس خطوبه وبترجعين بيتكم ما فيها شي المهم جات وقت وقت زفتها
جات لها امها وقرت عليها المعوذات و دخلت على صوت آية الكرسي لين وصلت للكوشه
وبعد 3 ساعات وصل سامي ودخل على ممر الكوشه لها وكانت كل ما يقرب منها
خطوه دقات قلبها تزيد اكثر واكثر لمن وصل عندها وباسها على جبهتها ولبسها
الدبله و الشبكه وقعدوا شوي وسولفوا وصورا مع بعض ومع العيله
وبعدين زفوهم الى بيت فاطمه
ودخلوهم المجلس وطبعا قعد معهم كريم هالمره وما اخذ سامي راحته قعد شوي
وراح
خلصت الحفله والصجه وكل شي طبعا كل الناس كانوا معزومين
عمام فاطمه وعمتها الوحيده وخالاتها ووخوالها وكثير من معارفهم وجيرانهم
وصاحبات فاطمه بالمدرسه اكيد الشله كلها وجات بعد خلود معهم وجات كم وحده
من جيرانهم الصغار يعرفونهم
فاطمه قعدت على السرير بعد ما سبحت بعد التعب اللي حسته اليوم ما صدقت ان
اليوم خلص على شان ترتاح وفجأه الا يدق جوال حنان طالعت الرقم لقته اموله
فاطمه: هلا والله
سامي: هلا فيك
فاطمه وهي مفهيه: سااامي
سامي: ايه سامي يا قلب سامي انتي
فاطمه استحت: حسبتك امل طلع اسمها
سامي: ههههههه والله ابتلشنا مع الرديف ان شاء الله بكره بغير رقمي واعطيك
الجديد عشان ما تغلطين ثاني
فاطمه: ان شاء الله
سامي:حبيبتي فطوم اليوم صراحه طالعه حلوه زود غطيتي على كل الموجودين
فاطمه متقطعه طبعا ما ابي اخبركم كيف تكون حالتها اكيد البنات اخبر باالحال J
فاطمه بخجل: تسلم والله انت الحلو
سامي: قلت لك زي ذاك اليوم وش جابني انا للقمر بس انتي ما تسمعين
سكتت فاطمه ما تكلمت ولا قالت شي
سامي: فاطمه
فاطمه: هلا
سامي:لا احسبك رحتي وتركتيني على الخط
فاطمه: وانا اقدر
سامي: تسلمين حياتي
................... لحظة صمت
سامي: طيب ما اطول عليك بس حبيت امسي عليك
بعد تعب اليوم كله في الحفله
فاطمه: لا عادي بالعكس
سامي: يعني تبيني اقعد معك على التلفون
فاطمه في نفسها : يووووه وش فيه هذا بس يخجلني احس ان دمي وصل مية
درجه من كثر ما استحيت
سامي : ههههههه
فاطمه: ليش تضحك
سامي: عشان ما تخيلت اني بخطبك بهذه السرعه
فاطمه: اممممم
سامي: انتي كنتي تتخيلين
فاطمه: لا
سامي: بسألك سؤال
فاطمه:تفضل
سامي: انتي تحبيني
طبعا فاطمه صارت مفهيه مع السؤال ووجها قلب احمر
سامي: الو فطووووم
فاطمه: معك
سامي: طيب جاوبي على سؤالي
فاطمه: اممممم ما ادري
سامي: كيف ما تدرين
فاطمه: كذا ما ادري وبس
سامي: طيب ليش وافقتي علي بس كذا بعد ؟
فاطمه ساكته
سامي: يالله ردي علي خليني انبسط حبيبتي
فاطمه: طيب
سامي: هااا ليش ؟
فاطمه: لأني احـــبك
اسامي: آآآه يا حلو هالكلمه منك تمنيت اسمعها منك من اول
فاطمه ساكته خلاص بعد هذا الاعتراف ما تقدر تتكلم
سامي: طيب دامك اعترفتي انا بعد بعترف لك انا بصراحه احــبـــك بعد من زمان
فاطمه بدلع: يعني من متى
سامي: من يوم كنتي بأولى متوسط
فاطمه ياااااااااااااااي
سامي: ليش انتي متى حبيتيني لا يكون بس يوم خطبتك
فاطمه: هههههه
سامي: الله صراحه صوتك حلو كانه بلبل يغرد وانتي تضحكين
سكتت مره ثانيه
سامي: ها قولي لي من متى وانتي تحبيني
فاطمه: لمن صرت في اول ثنوي
سامي: لا والله بس الحين قريب مفروض حبيتيني من اول
فاطمه: امممممم
سامي: طيب حبيبتي تصبحين على خير
فاطمه: وانت من اهله مع السلامه
سامي: ما شاء الله عليك مستعجله
فاطمه: انت قلت لي تصبحين على خير يعني معناتها مع السلامه
سامي: طيب مع السلامه يا شنوو
فاطمه: مع السلامه يا اممممممم سامي
سامي: لا والله قولي لي مع السلامه يا حبيبي
فاطمه بدلع : ساااااااامي
سامي: يا عيون سامي انتي
فاطمه: تكفى عاد لا تخجلني
سامي: طيب بس هذه المره سماح مره ثانيه ازعل ترا
فاطمه: ان شاء الله من عيوني مع السلامه
سامي: مع السلامه يا روحي
فاطمه في نفسها : الله من زمان كنت حابه كذا مكالمه من سامي
وناسه كاني بحلم يااااااااااي الحين بس ابي انام وانا مرتاحه على الاخر
ونامت ولا قامت لين المغرب ونزلت تحت لقت اهلها بالصاله كانت مستحيه بس
قالت خليني ابين نفسي عادي وقعدت معهم
فاطمه: السلام عليكم
الجميع: وعليكم السلام
كريم: العرايس كذا دايم يبه ما يقومون الا متاخر
فاطمه حقرته ما عطته وجه
كريم: فاطمه امس من كنتي تكلمين بالليل
انهبلت فاطمه على بالها انه سمعها
فاطمه: هااا ولا احد
كريم: علينا ما كنتي تكلمين ساميك
فاطمه: هي احترم نفسك
كريم: ليش ما ترضين عليه
فاطمه: مو شغلك
كريم: بصراحه انا ما سمعت شي لاتخافين بس سامي قايل لابوي انه يبي يكلمك
وقاله ابوي عادي هي حلالك فقال انه بيكلمك امس بالليل عشان كذا خمنت ها
كلمك والالا
فاطمه: مو شغلك"طلعت لسانها
كريم: وع عليك انتي ولسانك
فاطمه: احسن منك انت ولسانك وبعدين ما بقهر نفسي على شانك
محمد: ايه يا بنتي خليك كذا ما تعصبين نفسك على شي تافه
كريم: افا يبه انا شي تافه لالالا ما توقعتها منك
محمد: هههههههه اللي على راسه بطحه .....
فاطمه: يتحسسها ههههههههههههه
وقعدوا يضحكون على بعض
................................................
في بيت سامي كان عاد هو قايم من العصر يعني انشط من فاطمه
امل: ها كلمت العروسه والالا
سامي: ليش هي قالت لك شي
امل: لا ما كلمتها بس لا تخاف بتعلمني كل شي اكيد
سامي: لا حبيبتي المتزوجين ما يعلمون اسرارهم لاحد
امل: اول شي انتون مو متزوجين بس مخطوبين وبعدين انا مو احد انا امل
سامي: طيب يا امل روحي سوي لي كاس عصير
امل: شكلك غلطان بالنمره انا مو زوجتك تراني انا اختك
سامي: ادري ادري احد قايل ك اني احول بسم الله على زوجتي ما تصير تشبهك
امل: من زينك انت وزوجتك
سامي: لا عاد عن الغلط كلش الا زوجتي
امل: على قولتك يا زين فاطمه ويا شينك والله يعينها عليك
سامي: طيب يا اختي العزيزه سوي لي عصير
امل: طيب بس مو عشانك
سامي: اجل عشان من
امل: عشان مرتك
سامي: طيب تستاهل مرتي بس روحي
امل: طيب
وراحت تسوي له عصير
.................................................. ....
بعد اسبوع سوا ابو فاطمه وابو سامي عزيمه بشاليه في الدمام بمناسبة خطوبة
فاطمه وسامي
وبهذا اليوم تجهزت حنان وامل زين واتكشخوا
فاطمه لبست فستان ناعم بالمره لونه وردي كان قصير يوصل للركبه ومن فوق
عند الظهر عاري
اما امل فكانت لابسه برمودا اسود مع توب طويل احمر قالت شاليهات ماله داعي
بنطلون والا تنوره بس كان لبسها كشخه مره
حتى فاطمه كان ودها تلبس كذا بس عشان العزيمه لها لازم تلبس فستان و
عشان كذا لبست قصير عشان ما تغث عمرها
اول ماجاوا كانوا قاعدين داخل الشاليه بس البنات شوي شوي تسحبوا عشان
يقعدون على البحر اول شي راحت فاطمه وامل ووحده من بنات عمهم وحتى
خلود بس فاطمه ما اعطتها اهميه وصلوا الشاطيء لقوا فيه سامي ومعه هادي
وتركي واحمد وولد خاله
خلود: شوفوا الأولاد هناك امشوا نقعد معاهم
فاطمه: لالالا ما نبي مع الأولاد
خلود: وليش يعني زوجك معهم
فاطمه: مالك شغل بزوجي فاهمه
خلود: لاتخافين ماني ماكلته
حقرتها حنان وراحت هي وامل وبنت عمهم على الطاوله فصارت
خلود امام الامر الواقع وانثبرت معهم على الطاوله
شوي الا الأولاد جاو عندهم
سامي : السلام عليكم
الجميع: وعليكم السلام
سامي: ليش ما جيتوا عندنا
خلود بنبره مسخره: مرتك ما رضت
فاطمه ما ردت عليها
سامي: افا يا مرتي ما تبين تجين عندي
فاطمه: لا وش دعوه بس هناك الجو كتمه" وترص على الكلمه" لأنها تقصد هادي
سامي: اهاااا ايه صح وانتي صادقه لا تجون هناك طيب انا عادي اجي عندكم
فاطمه: اتفضل ولو
سامي: امل قومي من جنب مرتي انا بقعد جنبها
امل: لا والله احلف انت بس
سامي: يالله بس اموله ترا بعدين اغثك انتي وزوجك
خلود: ليش امل انخطبت
امل تتمسخر عليها بنفس نبرة صوتها: لا ما انخطبت
خلود: اجل ليش اخوك يقول لك كذا
امل: قصده بعدين
خلود: اها
سامي: يالله اموله تكفين
امل: لا يعني لا
فاطمه: يالله امل لاتذلين سمووي
امل: طيب على شانك بس
وقامت وجلست على كرسي ثاني
جلس سامي جنب فاطمه
سامي: ها حبيبتي تبين تشربين شي
فاطمه مستحيه: لا مشكور
سامي: الا بجيب لك وش تشربين
فاطمه: اذا انت مصر على ذوقك
سامي: اكيد مصر بس اخاف ما يعجبك ذوقي
فاطمه: انت اصلا كلك على بعضك عاجبني مو بس ذوقك
سامي: الله الله شوفوا الكلام اللي ينقط عسل
امل: الله يديم عليكم ويبعد عيون الحساد عنكم"وتطالع بخلود"
خلود: ترا احنا هنا موجودين يعني عيب
سامي وهو مو طايقها: وليش عيب تراها مرتي والا ما تدرين
خلود: الا ادري بس حتى لو راعوا الموجودين
سامي: طيب يالله وش تشربون
امل: امممممممم بيبسي
هدى بنت عمهم: وانا بعد
خلود: وانا بعد بيبسي
سامي: وانتي من سألك
الجميع الا خلود: هههههههههههههههههههههههههههه
خلود: يا ثقل دمك
قام سامي: بس بجيب لك عن لا تطقينا عين
وراح وجاب للبنات بيبسي وله هو و فاطمه عصير كوكتيل طبيعي
سامي: قومي نتمشى بروحنا
فاطمه: لا وش يقولون عننا
سامي: يخسون والله مرتي وانا حر
فاطمه: ههههه طيب
سامي: يالله بنات استاذن انا وفطوم نبي نتمشى توصون شي
خلود وبعيونها نظرات حقد مو طبيعيه بس ما علقت
امل: لا حبيبي روحوا بس انتبه لفطومه تراها غاليه
سامي: فطومه بعيوني يلا سلام
وراحوا ا يتمشون على البحر بس بمكان بعيد عنهم شوي
وقعدوا يسولفون ومسك يدها وصاروا يتمشون
راحوا وقعدوا على الطاولات اللي عند الشاطيء وقعد جنبها وهو ماسك يدها
سامي وهو يطالع بحنان: أحبك ....... أحبك ............أحبك
فاطمه مستحيه: هههههههههه
سامي: وانتي
حنان: فاطمه انا .......... اممممممممممم اموووووووووووت فيك
سامي: يا عمري يا فطوم
وقعدوا على الشاطيء يتغزلون ببعضهم وكلام حب <<<سوالف المخطوبين
انتهى الفصل الخامس
هل بتستمر البسمه على وجه فاطمه وسامي كثير؟؟؟
شنو راح يصير فاطمه في الشاليهات
هادي بيتعرضلها او لا؟؟؟
battakhalil
19-03-2010, 12:38 AM
روعه يا سحوره اكملى الله يرضى عليكى
سحر الشرق2002
23-03-2010, 02:46 AM
الفصل السادس
قاموا البنات بيرجعون للشاليه وطبعا فاطمه وسامي تحت
لمن شافتهم فاطمه بيروحون انهبلت وخافت و دقت على امل
فاطمه: هلا امل
امل: هلا والله وش تبين رحتي مع زوجك ونسيتينا
فاطمه: اقول تراكيفاضيه انتظروني لا تروحون
امل: ليش سامي وينه
فاطمه: هنا بس ما ابي نرجع لحالنا
امل: وش فيها مو زوجك
فاطمه تقصر صوتها عشان ما يسمعها سامي: ايه بس استحي لو دخلت
وقالوا توها راجعه هي وسامي تكفين عاد
امل: ان شاء الله يلا بنوقف وتعالي بسرعه
فاطمه: مشكوره والله
وسكرت منها السماعه
فاطمه: يلا سامي بروح معهم امش
سامي: افا والله مسرع طفشتي مني
فاطمه: افا وانا اقدر بس خلاص خلنا نروح بعدين وش يقولون عنا
سامي : يقولون اللي يقولونه انا ومرتي احرار
هم وش خصهم
فاطمه استحت: ايه بس حتى لو انا استحي يالله عاد على شاني
سامي: طيب انا بوصلك للبنات وبرجع عند الاولاد فوق
فاطمه: طيب
وراح ووصلها عند البنات ورجع عند الاولاد بس حتى الاولاد على طول
رجعوا للشاليه لانهم خلاص طولوا هناك
رجعوا الشاليه شوي وحطوا العشاء واتعشوا وقعدوا يسولفون ويضحكون
عاد الحين الرجال كلهم راحوا قعدوا عند البحر بعد العشاء
جات فاتن وقالت لفاطمه باذنها
فاتن: فاطمه تعالي شوي ابيك بموضوع
حنان وهي مستغربه: موضوع !!
وش تبين
فاتن: مو هنا عندهم امشي بعيد بكلمك بموضوع
فاطمه وهي ما هي طايقتها: ان شاء الله
وراحت فاطمه وفاتن تحت الدرج
فاطمه: ها وش عندك يا فاتن؟
فاتن: ابد سلامتك بس ما سمعتي وش الكلام اللي طلع الحين بالعايله
فاطمه: اي كلام بعد
فاتن: يقولون انك انتي رفضتي اخوي هادي وعلى طول
خطبك سامي
و يقولون انك على علاقه مع سامي ويوم ابوك عرف
هدده انه يتزوجك والا يا ويله
طول ما هذي الحقيره تتكلم فاطمه مفهيه ما تدري وش ترد عليها
كملت فاتن: كل العايله يقولون كذا ما في احد الا وتكلم بالموضوع
فاطمه وهي خلاص وصل عندها على الاخر كل شي ولا السمعه
فاطمه: لاعاد احترمي نفسك فاهمه انا اشرف من هذا الكلام
فاتن: بس صراحه انا مصدقه هذا الكلام مره
والا كيف انتي ترفضين اخوي وانتي ما تسوين ظفره
فاطمه ما قدرت تمسك نفسها ومدت يدها على فاتن وضربتها كف
فاتن ما استنت دقيقه وراحت دفت فاطمه بكل قوتها وطاحت فاطمه على
الارض وطلع الدم من راسها واغمى عليها
جاو الحريم كلهم ركض عند فاطمه وفاتن
نوال بأعلى صوتها: فاااااااااااااااااطمه
و فاطمه ولا هي مع الدنيا وقعدت امل وريم وليالي وام فاطمه يصيحون
والحريم يصارخون
وكل هذا والاولاد اللي فوق يسمعون بس سامي من سمع اسم فاطمه نقز
لتحت ولا همه ولقى فاطمه طايحه على الارض والدم يصب من راسها
والحريم متجمعين حولها واللي يصيح واللي يصرخ ونط عليهم سامي:
فاطمه حبيبتي وخروا عنها
نوال: الحق فاطمه يا سامي بتموت
سامي: يلا بسرعه
وشال فاطمه بعد ما لبسوها العبايه و وركبها السياره وراحت معاه ام
فاطمه وامل بس
كل هذا والرجال عند البحر ما يدرون بالسالفه
وصلوا المستشفى وكانوا طايرين طيران اول ما وصل نزل سامي ركض
على قسم الطواريء وجاب ممرضين ومعهم كرسي وعلى طول دخلوا
المستشفى
لحقوهم سامي وامل ونوال لداخل لقوهم دخلوا غرفه وسكروا الباب
طيحة فاطمه مو هينه طاحت بقوه على ارض سيراميك
وقعدوا لهم بره ساعتين ينتظرون احد يطلع يطمنهم
شوي الا يطلع الدكتور وينط عليه سامي
سامي: هاا دكتور طمن
الدكتور مصري يقول: ما اخفي عليك الطيحه كانت قامده اوي
سامي: والمعنى ؟!!
الدكتور: يمكن تظل بغيبوبه
سامي: وغيره
الدكتور: لا ما تخافش انتوا قبتوها بالوئت المناسب
سامي: طيب نقدر نشوفها
الدكتور: بعد ما نطلعها للأوضه بتعتها
سامي: طيب مشكور دكتور
الدكتور: ولو ما عملناش غير الواقب
وراح الدكتور وجاء سامي عند ام فاطمه وطمنها هي وامل مع انه كان
خايف عليها بالمره
شوي ويطلعون فاطمه من الغرفه وودوها غرفه التنويم وراحوا وراها
للغرفه وقعدوا عندها شوي بس الدكتور خبرهم انهم يروحون لانه مالهم
داعي والحين بهذه الفتره فاطمه مو محتاجه الا دعائهم
جا ابو فاطمه للمستشفى وتطمن عليها واخذ مرته وراحوا البيت
سامي: يلا امل عشان اوديك البيت
امل: لا ما اقدر اخلي فاطمه لحالها
سامي: يلا بلا سخافه اصلا هي ما تدري عنك الحين
امل: ليش انت وين بتروح
سامي: لا انا بصير هنا مرافق معها
امل: وش معنى انت حتى انا اجل
سامي خلاص كان معصب على الاخر: امل اسمعي الكلام مو ناقصك
اللي فيني كافيني
امل: ان شاء الله
وداها البيت ورجع عند فاطمه وقعد يقرأ عليها القران ويدعي لها وقاعد
يتذكر من قبل ما تطيح كذا بساعه
سامي: وانا وياها قاعدين على البحر نسولف ونتغزل ببعض سبحان مغير
الاحوال
بساعه تغير كل شي من فرح لحزن وهم ونكد
استغفر الله يا ربي لااعتراض على حكمتك
ربي يقومك بالسلامه يا روح سامي
صاروا اسبوعين يترددون اهل فاطمه عليها وامل واهلها بعد يترددون
عليها اما سامي فكان يبات عندها كل يوم وبعد اسبوعين
فتحت فاطمه عيونها وكانت تحس بأشعة الشمس تدغدغ عيونها
فتحت عيونها بكسل واول شخص لقته قدام عيونها كان سامي
وكان جالس على الكرسي ويتأملها وما صدق عمره ان فاطمه صحت وراح
ينادي الممرضه وجات وخبرها
الممرضه : خلاص الحين صرتي بخير ان شاء الله
الحمدلله على سلامتك
فاطمه ابتسمت لها بس ورجعت تطالع سامي
وراحت الممرضه وخلتهم
سامي: الحمد لله على السلامه فطوم" كان ماسك يدها"
فاطمه وهي تبتسم وكانت تعبانه: الل ... الله ... ي يسلمك
سامي: لا تتعبين نفسك بالكلام حبيبتي ارتاحي
فاطمه: ابي ماي
الدكتور قال الى سامي انها اذا صحت عادي تشرب ماي لو طلبت
فصب لها بكاس ماي وشربها بيده مع انها تقدر تشرب بنفسها بس ولو
لازم يساعده
فاطمه: وين امي وابوي
سامي: افا وانا ما اكفي " ويسوي نفسه كانه زعلان"
فاطمه: هههه بس لازم ابي ماما وبابا
سامي: هههه انتي متى تكبرين وتقولين امي وابوي ؟
فاطمه: ليش الكبر ينقاس بهالكلمه
اجل حتى لو صرت عجوز بقول كذا عشان اظل صغيره
سامي: هههههههه لا تخافين الحين موعد جيتهم زي كل يوم
فاطمه متفاجئه: زي كل يوم ليش انا كم صار لي هنا؟؟؟
سامي: لك تقريبا اسبوعين
فاطمه: اممممم ليش جبتوني هنا ما اتذكر شي
سامي ما يبي يخبرها وش صار ما يبي يضايقها
بس فاطمه من نفسها تذكرت الاحداث وتذكرت كل الكلام حتى سامي ما
يدري وش السبب يدري انهم تهاوشوا وفاتن دفتها
فجأه فاطمه وهي تتذكر السالفه في بالها قعدت تصيح
سامي: حبيبتي ليش تصيحين؟
فاطمه تمسح دموعها : ولا شي بس تذكرت السالفه
توه سامي بيسألها وش السبب اللي تهاوشتوا بسببه الا يدخلون اهلها
واهله وتجي تحضن امها وترجع تصيح وتحضن ريم اختها وليالي حتى
ليالي الصغيره قعدت تصيح وهي تشوف اختها كذا تعبانه
ليالي وهي جالسه جنب راس اختها فاطمه
ليالي: فاطمه انا خفت عليك مره
فاطمه: هههه ليش حبيبتي
ليالي وهي تصيح: عشان انتي طلع منك دم كثير مره
نوال: بس يا ليالي شنو هذا الكلام
فاطمه: وش فيها يمه عادي خليها على راحتها ما قالت شي غلط
ليالي: فاطمه
فاطمه: نعم حبيبتي
ليالي وهي تصيح: انا احبــــــــــك مره
فاطمه: وانا بعد احبك يا حبيبتي" وضمتها"
كريم: يالله قلبتوها مناحه يكفي عاد
ريم: انت وش تبي وش قاهرك
كريم: اص انتي ماحد كلمك
فاطمه: خلاص يا خي لا تتهاوشون انا تعبانه
ليالي: انتي تعبتي
فاطمه: ايه اللي يتهاوش فوق راسي اتعب زود
ليالي: اسكتوا انتون ما تستحون اختكم تعبانه
وانتون كذا ما عندكم احساس يالله اطلعوا برا احسن لكم" وكانت تصيح"
الجميع: ههههههههههه
ليالي عصبت منهم لانهم يستهترون بمشاعرها وقعدت تصيح
وهي مغطيه راسها بالسرير
وقعدوا يسولفون ويتكلمون
فاطمه: يمه متى اطلع ياخي طفش
نوال: ان شاء الله بكره او بعده
فاطمه: طيب اقعدي عندي اخاف لحالي
سامي: افا والله ما هقيتها منك يا فاطمه ترا زعلت
الجميع: ههههههههه
فاطمه: مو قصدي بس أي بنت مكاني تحتاج امها جنبها
نوال: لا والله وهو ليش زوجك يعني ؟!!
اناعندي خواتك بالبيت يبي لي انتبه لهم
سامي: احسن موووووووووووتي حره
فاطمه: ماما شوفي يعاندني
الجميع: هههههههههههه
سامي كلم فاطمه بأذنها وقال لها احبك مووووووت
صار وجهاا احمر على الآخر وكلهم قعدوا يضحكون عليها واستحت منهم
المهم طلعوا من عندها وكانت تعبانه ونامت وسامي كان جالس جنبها
قامت من النوم بنص الليل شافت سامي على الكرسي وكان شكله يكسر الخاطر
لأن صار له اسبوعين نايم عندها على الكرسي اللي يتعب
دخلت الممرضه على فاطمه عشان تعطيها الابره والحبوب وشافت فاطمه
تطالع سامي بنظرات حب واشفاق عليه
الممرضه: زوجك مسكين صار له اسبوعين على هالحال
يجلس عالكرسي ويطالع فيك ولما تتحركين يناديني عشان اشوفك ويتطمن
فاطمه ما اوصف لكم شعورها كيف كان وهي تسمع هالكلام التفتت لقت
الممرضه رايحه من زمان
فاطمه: يوووووووه شكلي من اول وانا قاعده اتأمل سامي
رجعت نامت شكل الممرضه عطتها ابرة منوم قامت من النوم ولقت سامي
صاحي وقاعد يصلي قعدت تتأمله يووووووووه وش كثر هو حلو ورغم
انه جسمه له هيبه وشخصيه وعلى كثر كذا كان حنون
خلص من الصلاة التفت لقى فاطمه تتأمله ابتسم لها
سامي: وش فيك اول مره تشوفيني !!
فاطمه استحت: ها ؟!! لا وشو اول مره
سامي: طيب توهم جايبين لك اكل بتاكلين ترا مو بكيفك
فاطمه: بشرط
سامي: شنو ؟!! لك عيوني لو بغيتيها
فاطمه استحت: انت تأكلني
سامي: بس كذا انتي تامرين امر بعد
وجاب الاكل وقعد يأكلها
فاطمه: الله يكرم النعمه ما عجبني ولا شي من اكلهم
سامي: معليش عشان تقدرين النعمه
فاطمه: الحمد لله على النعمه بس ما ابغى اكلهم
سامي: افا تزعليني كذا طيب اكلي عشاني بس
فاطمه: انا عشانك اسوي أي شي بس طعمه مو حلو جرب تكفى
ذاقه سامي: سامي والله انك صادقه
طعمه مو شي طيب بسأل الدكتور اذا اقدر اجيب لك شي من المطعم
فاطمه: طيب
سأل الدكتور وقال له طيب بس تكون اشياء مفيده وما يعطيها قبل ما
يستشير الدكتور
جاب لها شوربه دجاج مع خضار مسلوقه صينيه
فاطمه: سامي تكفى والله صرت زينه ابي اطلع من المستشفى
سامي: لا يعني لا
فاطمه: وليش يعني
سامي: عشان الدكتور قال كذا
فاطمه: طيب انت قول له اني صرت بخير
سامي: طيب بقول له وبشوف انتي مسويتني هنا ناطور بس ترسليني
فاطمه: ليش انا ما استاهل
سامي: انتي تستاهلين عمري كله
فاطمه مستحيه: مشكور حبيبي
وراح كلم الدكتور وجاها الدكتور
الدكتور: ايه يا فاطمه زهئتي مننا وعاوزه تروحي
فاطمه: بصراحه ايه ما احب المستشفى ولا اللي فيها ريحتها تلوع الجبد
سامي: فاطمه افا فشلتينا مع الدكتور
الدكتور: هههههه لا معليش كل الناس كذا
فاطمه: طيب يالله بطلع يا دكتور
الدكتور: ان شاء الله بكرا
فاطمه: وليش يعني بكرا انا ابي الحين
الدكتور: طيب خلاص انتي بس خذي الابره وبعدين تطلعين
فاطمه: طيب
عطوها الابره ونامت في سبات عميق وما قامت الا على
الساعه ثلاث بالليل وكانت شايفه كابوس يخوف قامت خايفه
تدور سامي ويوم شافته نادته لمن انتبه لها
سامي: وش فيك فاطمه عسى ما شر
فاطمه: تعال
جاها سامي وضمته بقوه وقعدت تصيح بأعلى صوتها
سامي: وش فيك فاطمه ليش تصيحين كذا
فاطمه: قاعدين ياخذونك مني ويودونك دوامه سودا وكنت اناديك وانت ما
تسمعني ليش !! انت ما تسمعني ليش ! حرام عليك انا احبك والله
سامي: مين اللي ياخذوني ؟
فاطمه: ما اعرف اشكالهم تخوف والشرر يطلع من عيونهم تكفى
لاتروح معهم
سامي: لا تخافين حبيبتي انا معك ان شاءالله دوم محد بياخذني منك غير الله
فاطمه كملت صياحها وما سكتت الا لمن تعبت من الصياح وسكنت مكانها
سامي استغل الفرصه عشان يعرف ليش فاتن دفتها
سامي: حبيبتي انتي ليش تهاوشتي مع فاتن
رجعت تصيح
سامي: انا ما قلت لك كذا عشان تصيحين
قولي لي ليش عشان انا حالف انها بتموت بين يديني
فاطمه: لا تكفا ما تسوي لها شي ما ابيك تروح مني
سامي: لا تخافين ما بروح منك بس علميني ليش
فاطمه: انت وانت ما عرفت السالفه عصبت كذا وشلون لو عرفت
سامي: فاطمه اقولك قولي وش السالفه
فاطمه : طيب بقولك بس توعدني انك ما تتهور وتسوي لها شي
سامي: طيب اوعدك
فاطمه قالت له السالفه كلها
وهي تتكلم ما تشوف غير سامي بدأ يولع شوي شوي لين صار نار
مشتعله
فاطمه: انت وعدتني سامي
سامي: طيب بس انا لازم اعطيها درس هذي لين متى بتقعد كذا تطلع
عليك كلام وانتي ساكته لها
فاطمه: ما علي منها دامني واثقه من نفسي لازم ما اخذ على كلامها
سامي: حتى لو.. انا اول هزأتها وهددتها انها لو عادت هالحركات يا ويلها
بس الظاهر هذي ما تسمع
فاطمه قعدت تصيح ماهي عارفه تهدي نفسها والا تهدي سامي
نامت وهي خايفه من سامي وش ممكن يسوي للقذره فاتن
قامت من النوم بالعصر ولبست واتجهزت عشان تروح لينن قامت لقت
امها وابوها عندها وخواتها اما سامي ما كان موجود
خافت فاطمه وين راح لايكون ينتقم من فاتن الحين
شوي الا يدخل سامي وهو يقول : يالله خلاص تقدر فاطمه تطلع الحين
ابتسمت له لأني ارتحت مره انه ما راح مكان الحين كنت خايفه انه يسوي شي متهور الحين ويروح فيها
رجعت البيت ونامت على سريرها وهي تعبانه
طبعا بالمستشفى لما سألوها عن سبب الطيحه ابوها قال لهم اتزحلقت
بالماي وهي تركض
لأنه ما يبي السالفه تكبر وهي بنت اخوه
وهذااللي قهر سامي زياده يعني تسوي عملتها وتقعد هي مبسوطه
كان يحلف بينه وبين نفسه انه بيرويها جزاها
نامت فاطمه وهي تعبانه مره
وبنفس الوقت كانت خايفه على سامي لا يتهور ويسوي شي لفاتن
سامي وش ممكن يسوي بفاتن بعد هالسالفه؟؟؟
وفاطمه شنو مخبي لها الزمن من بلاوي؟؟
ام غيداء2010
24-03-2010, 01:52 AM
كملي الحين يالغالي لان بكره عندي ضيوف وابي اجهز الحلى من الحين وعذرررريني والله مشغلتني ضروفي
سيدةبحورالسبعه
24-03-2010, 05:38 AM
يووه تكفين كمليها تحمست معها والروايه تهبل واللي يهبل فيها فاطمه وسامي
كلي جروح
24-03-2010, 09:07 AM
روعه والله ننتظر الاجزاء الباقيه بفارغ الصبر
اهنئك على الخيال الواسع والاحداث المتسلسلة
ننتظر باقي الاجزاء شوقتني
battakhalil
24-03-2010, 09:13 PM
ما شاء الله يا سحر قلمك رائع وكفايه تعذيب فينا وكمليها حبيبتى بليييييييييييييييييييييييييييز
رجوووى
24-03-2010, 11:54 PM
حلووووووووووووووووووووووووووه
سحر الشرق2002
28-03-2010, 05:50 AM
كملي الحين يالغاليه لان بكره عندي ضيوف وابي اجهز الحلى من الحين وعذرررريني والله مشغلتني ضروفي
اعدريني اختي
الفصل الجديد ماكان جاهز عندي
وتوني كتبته :)
يعطيك العافيه عالمتابعه