خذينا بعض مغصوبين وصرنا اكبر مثال للعاشقين - الفصل 29 - بقلم FoFo Queen - مكتملة | روايتك

البارت التاسع والعشرون ما قبل الأخير ^* FoOFo Queen ملاك بعثمة : امي خالتي ام فجر اجت تزورنا ومن سمعت صرخات دفتني وطلعت الدرج و... ماكملت كلام الا وخالتها ام افجر وراها ومن الصدمة ملاك انسحبت برع الغرفة بكل هدوووء ام فجر ومو قادرة تصدق : شهذذا ...!! شفيها بنيتي ومسكت ام فاروق وتخبطها : شسويتوون ببنيتي تكلمين آية شافت امها مو قادرة تتكلم مسكت على قلبها وحاولت تقويه رغم انها من داخلها تحس بانفساها بتنقطع : خالتي حصل سووء فهم الله يخلييج هدي اعصابج ام فجر صرخت : وييين عباية بنييييتي وييين اعطوني العباية وراحت تركض اخذت عبايتها اللي كانت محطوطة على السرير وبسرعة اخذت عبايتها وكانت آية تساعدها ولبسوها عبايتها وام فاروق حملت فجر هي وآية بحكم انها عصقله >>هههه ونزلت بسرعه ******************* بعد مرور 24 ساعه ام فجر اخذت بنتها على المستشفى والحين هي عندها منتظرة تستقر حالتها ويطلعون على بيت ابووها وبتقرر تغير كل شي وتصلح كل شي وتحس ان الموقف رفع عنها الغشاء اللي كان يحجبها عن رؤية الحقيقة ********************* فاروق فاق وكان بنفس المستشفى وبنفس القسم لكن تفصل بينهم مجموعة جدران ...!! وللحين ماسال عن فجر لانه ماكان متذكر من الصداع او متذكر بس يحاول يتجاهل ********************* بالجامعة آية ماكانت تبي تروح بس كان عندها كويز مهمم وكانت بجد محتاجة تغير جو وبعد انتهاء المحاضرة طلعت هي ورغدة وميساء ونهى وقعدون على اقرب طاولة وآية كانت تطالع الارض والدموع على اطراف عيونها رغدة دقت على الوتر الحساس : آيه حبيبتي فضفضي شفيج وشفيه خدج وكانت قالت هذا الكلام على مشية بندر من جنب طاولتهم وبالصدفه سمع الكلام على طول راح للحديقة الثانية ركض ويصرخ على بعد مسافه / فهههههد فههد تعال تعااال فهد راح له بخرعه لان يعرف ان بندر مايتكلم بجديه الا ناادرا جداا ولمن يتطلب الموضوع بندر بصوت اشبه بالهمس : روح الحق قلبك لانه تعباان كثير ومشى بهدووء وهو يلهث فهد طاار عقله واتخيل ان في شي وراح يركض بكل قوته وهو مو متخيل شممكن يصيب حبيبته ********************* عند البنات آية بشهقة تبكي : بنات مو قادرة كل الضغط فوقي خواتي قلوبهم ضعيفة امي مو همها شسووووي رغدة بقهر : اووف حرام هذا الضرب كله والله مايجوز ميساء : اية مايجووووز شوي يشوفون فهد عندهم وهو يحاول يتمالك نفسه وبهدووء : آية تعالي معاي شوي آية بانطواعية وبدون أي كلمة خذت جنطتها وقامت معاه فهد بخوف عليها ومستغرب بس ملتزم الصمت :!!!... ووصلوا لقاعة محاضرات فاضية دخل فهد هو وآية وسكر الباب وقعدون على اقرب طاولتين فهد قعد قريب من اية يعني امامها (مقابلين لبعض ) فهد بهدووء : آية شفييج من ضربج لية وجهج شذي لية تبكيين ؟؟ آية تشهق وكل شهقة تطلع قلب فهد : مشاككل موو قادرة خلاااص تعبت فهد : امج وابوج ؟!!!! آية : لاا فجر وفارووق حرااام والله ظاالمها وانا متاكدة فهد مو قادر يستوعب : احكيلي طيب آية : اخذها بدون حفل زفاف ولا شي ولا كانها بنت مثل أي بنت تبي حفل زفاف وتبي تلبس الفستان الابيض يعني ملك عليها وبس !! امها مو سائلة فيها ولا تهمها البنت تعاني من موت بشاار بشار كان دنيتها .. زوجوها غصب اتخيل والحين 24 ساعه وهو ضرب فيها والله جسمها كله مضرووب حراااااام وبكت بهستيريا ^^ فهد متأثر : طيب لييه يضربها شفيه حرام هي يتيمة صح ؟ آية من بين بكاها : ايية .. انا متاكده انه في سووء فهم ومسحت دموعها : فهد مستعد تساااعدني فهد مو فاهم لشنو يساعدها : اوكي .. من عيوني فهد ماحب يتكلم عن الورم اللي بوجهها مايبي يحرجها او يجرحها لانه اكيد من الهوشة اللي صارت # ***************************** وببيت ابو فاروق فاروق بصراخ هز البييت : شلووووووووون ياخذون مرتتتي هذي ماتفهموون مالهم حقق ابدددد ام فاروق : انا مالي شغل يعني بالله اروح ازور سهى مثلا واشوف العنف هذا كله واسكت لا والله عاد والله الحمدلله طلعوا محترمين ماراحوا قسم الشرطة او سوو أي شي فاروق بقهر : اخخ اخخ بس اوريج يا***** مصيرج لي واخذ نفس وطلع غرفته ام فاروق بخوف بداخلها : ليه الضرب هذا يااربي اووووف شصاييير ********************** بالجامعه آية اتصلت على امها انها بتتاخر بتروح مشوار مع ميساء وهي كانت رايحه هي وفهد عشان ينقذون علاقه فاروق وفجر آية : اسمع انا الحين بتصل على ميرا وبقول لها الاقيج بالكوفي وبعرف اتفاهم معاها فهد : طيب انننتي متاكده هي لها دخل !!!؟ آية باصراار : يب .. والله متاكده انا سمعتها تتكلم ماعرف هي ومنو وشفت كيف تكرهها وانا اعرف ميرا حيوانه والله فهد : اوكي اتصلي لها آية طلعت جوالها : اوكيي ورنت لها واتفاهموا يلتقوا بكوفي ********************* ببيت ابو فجر اسلام بقههههر : اخخخخخخ .. يمة مايستاااهلها يمة الله يسامحكم لية تزوجووونها مو كان سعد الافضل مو كان بشار وبقهر نزلت دموعه على ذكرى بشار وعلى اخته وعلى الحياه وبخنقة : انا بطلع مع السلامة وطلع وسكر البااب بقووة الرعد ام فجر طاحت على الارض من القهر وبكتت بكتت بكاء كل شي بكاء على بنتها بكاء كيف نست نفسها وتزوجت هذا الانسان اللي نساها بنتها تبكي وتبكي **************** بالمستشفى اسلام دخل المستشفى وتوجه لغرفة اخته ودخل شافها قاعده تقرا قران اسلام راح لها وحضنها لين تكسرت ضلوعها >> ههه ايش التشبية ذا يافوفو فجر بابتسامة صفراء باهته : اسلام .. شلونك حبيبي شلونك ياعيون اختك اسلام بقهر : الحمدلله *وببكا: انا آسسف اسفف على كل شي بس والله ماكون ريال ابن ريال ان وديتج عنده مرة ثانية يحلم يشوف شعرة منج والله فجر بهدووء : ............ ******************************* ببيت ام سعد وتحدييدا بغرفة نوار نوار تتذكر يوم موت ابوها نرجع لقبل فترة ابو نوار يجي لاعند بنته مع مرته اللي هي مو ام نوار لانها ماتت : نواار حبيبتي تعالي ياعيووني نوار تروح لابوها : اية باابا آمرني ابو نوار : حبيبتي مااوصيج على نفسج نوار بخوف مسكت يد ابوها : باابا .. الله يطول بعمرك ويحفظك ويخليك لي شهذا الكلام .. انت بتظل معاي وبتشوف احفادك ان شاء الله ابو نوار بتعب : ان شاء الله ... شوي ماتتذكر الا وهي بالمستشفى تبكي بحالة صدمة على ابوها اللي طاح والحين يقولون لهم ماتت !!!!!!! تحس بخالتها تجي لاعندها : وييي نواروة حبيبتي يله نمشي نوار تبكي : لااااا .. ابي ابوووي .. امي ماتت ابوي ماات منو بقي معاي بكلماتها مرة ابوها حست بطعنات وبنفسها : مربيتها ومو محسستها والحين منو بقي معااي الله المستعان نوار بس يقطع ذكرياتها دقات الباب نوار : ادخلي يفتك الباب وتدخل مينا : نوارة حبيبتي نوار : اية مينا مينا بخوف وهي تطالع الدموع على خدها : نوار شفيج !؟ نوار بهدوء : لا مافي شي تذكرت هلي بس مينا : اهاا .. اوكي اسمعي يله البسين بنطلع انا وانتي الحين نوار باستغراب : على وين مينا : السووووووق .. ترى زواجي باقي له فترة بسيطة وانا توني مالحقت ابيج تساعديني نوار : اوكي بلبس وبكشخ وبنزل مينا : ههههه يب يب اكشخين ممكن نلاقي صوارييخ ابي ارقم اودع عزووووبيتي نوار : ههههههههههه ******************** وعند ميرا : ماامي انا بطلع ام ميرا : على وين ؟؟ ميرا : آية عازمتني على قهوة والله ام ميرا : اوكي الحين شم الساعة ؟؟ ميرا باستغراب : 6 المغرب ام ميرا : 8 وانتي بالبيت اوكي ميرا : اوووك وطلعت وهي متكشخة ومتزينة من راسها لاخمص رجلها ام ميرا بقلة حيلة : الله يهدييج اخ بس منج ... ******************** بالسوق نوار : اقوول خذي هذي القطعة احسن لج مينا بعدم اقتناع وبصوت اشبه بالعالي وهو مو مستوعبه : لاا لاا انا حبيت هذا الطقم احسة كيووت احلى يقطع كلامهم يد ميزوها انها رجالية من الساعه اللي عليها وبهدوء : هذا الطقم اللي قالته نوار احلى صدقيني مينا لفت وباستغراب : سعد شتسوي هني ؟؟ سعد : لا اابد قاعد اشرب كوفي هني لوحدي شفتكم قلت اجي اتونس معاكم نوار باحراج : حياك تفضل سعد اكتفى بابتسامة باهتة وبهدووء : يلة خذي كل اللي تبيه نوار تبي تهرب من تواجد سعد : مينا حبيبتي انا بنتظرج عند الكوفي هذا > واشرت لها < من تكملين تعالي ونروح القسم الثاني وراحت تمشي بهدووء وجلست سعد جلس ساكت يسمع ومن راحت راقبها بطرف عينه ولحقها وجلس امامها مينا ملاحظة بربكة نوار وحركات سعد ابتسمت من قلبها : الله يجعلها من نصيبك وتتهنى ياخووي وتنسى كل شي ******************** وعند فاروق بالغرفة كان قاعد وبيده الورقة اللي لقاها عند فجر وضااغط عليها بكل قوته وبقهر : الله يسامحج بس قطع هدووء الغرفة صوت النغمة لتلفون فاروق على اغنية ثلاث دقات >> *^ فاروق طالع الرقم كان غريب باستغراب : الو فاروق يتكلم ........ : فاروق معاك ***** ممكن اشوفك اليوم في **** اذا سمحت فاروق : اوكي لشنو ؟! ........: تعال وبتعرف كل القصة وصدقني مابتندم اببببد فاروق : اوكي في امان الله ......: .................. ******************* في بيت ام فجر فجر وصلت من المستشفى ودخلت على يمينها امها وعلى يسارها اسلام واول ماوصلت اتفاجات بابو اسلام واقف مستقبلها وبيده هدية وبوكيه ورد فجر بدموع : ................ اسلام طالعها وحضنها ومسح دموعها وبهدووء : خلاااص فجر مستحييل أي احد يبكيج او ياخذج من بيتتتج وشدد على كلمة بيتج ام فجر : دخلوا دخلي حبيبتي فجر دخلت وطالعت الجاتوة الكبيرة المكتوب عليها (We love you) فجر ببكا : الله يخليكم لي وحضنت امها واسلام *********************** بمقهى العافية آية : هلا ميرا ميرا : اهلين آية اخبارك آية : اوكي الحمدلله سمعين انا مادعيتك عشان نتكلم عن الصحة ومدري ايش انا بكلمج موضوع انتي تعرفينه زييين ميرا باستغراب: ....!!! شالموضوع آية : اخوي ومرته ..اقرب لج موضوع فجججر ميرا بخووف ولون وجهها راح : موضوع فجر أي موضوع وعند باب الكوفي فاروق وصل وشاف امامه فهد فاروق باستغراب : فهد ؟؟ شتسوي فهد مسكه من يده بهدووء ووداه لطاوله وقال له بصوت اشبه بالهمس : اسمع زين وبتعرف شسوي فاروق جلس ومنتظر شوي يسمع صوت آية بس مايعرف صوت منو الثاني يجذبه موضوع فجر فاروق يسمع بسكووت واستغراب عند آية ميرا بصوت يخنقه العبرات : موضوع فجر الحيين تبيه .. ماحسيتوووا ليه عملت شذي آية طالعت لميرا بهدووء : ميرا ماتدرين شبيكون حسابج ممكن يكون عقابج بالدنيا قبل الاخرة تخيلين تتزوجين او تحبين ويصير لج هذا الشي اعترفين من الحين احسن لج ميرا : شخبار فجر تطلقت فاروق يسمع وما يعرف شقاعدين يقولون وبراسه 10000 علامة استفهام ؟؟؟ آية : يب تطلقت امس بعد الرسالة اللي رسلتيها انسه ميرا ميرا بفرحة : يعني خطتي نجحت يعني خلاص ابرتااح اخيرا يعني انا وغسق نجحت كل خططنا وبضحكة مسخرة : اخووج غبببببببي صدق الرسالة ههههه تراها من هذا > وتاشر على عقلها << مخخ والله معاي مخخ آية مصدومة : يعني رساله امس مو كاتبها سعد ؟؟؟ ميرا : هههههههه أي سعد والله مايفكر فيها اصلا آية : وخربتييين بيتها .. خربتين بيت اخوي .. شوهتي سمعة البنت .. انضربت ماتت الم بسببج ميرا وعيونها حمراء وبقهر : والله مو شغللي مو مشكلتي اذا اخووج غبي وراح يكفخها ... مو شغللللي موو همممي فاهمة انا اهم شي خططنا انا وغسق وخلاص فااهمة خلاص لاتشغليني انا بكرة بسوي باارتي بمناسبه الطلاق ههههه وقامت متوجهه للباب آية بصدمة وبصرخة تلحقها : انتي بتشووفين ياارب مرض يبلاج انتي والغبية هذيييك الله ياخذج انتي من شنو مصنووعه وشافت الكل بالكوفي يطالعها ومستغرب والمزعوج منها واللي يضحك على شكلها وتحس بيد تسحبها وتحضنها وبهمس : شكرررررا شكرا ياختي الله يخليج لي الله يخليج لاحبابج يارووحي الله يخليك آية بفرحة من الدعوات وفرحانة ومبسوطة ان اخوها عرف الحقيقة قالت له 3 كلمات لاغير : الحقها وردها وتاسف فاروق باسها فوق راسها وطلع من الكوفي لسيارته ركض فهد جاء لها وبهدوء وفرححه : خلاص ارتححتي اووف الحمدلله الحقيقة ظهرت ياروحي آية تبكي من الفرح وبصمت . **************************** بمكان ثاني لم نذكره من فترة مصطفى امام باب العمارة وطلع وفكر بفكرة انه يدخل عند فاطمة ويتطمن عليها من يومين مازارها كان مشغوول دق البااب بس مافي رد مصطفى بخووف : وينها هذي ونزل يسأل حارس العمارة لو شافها تطلع الحارس : والله يااستاز مصطفى فاطمة سافرت امس وحطت صندوق عندي ليك مصطفى بصدمة : س.. سس.. سافررت .. على وين الحارس : والله انا معرفش بس خذ هذا الصندوق اللي حطته عندي مصطفى اخذ الصندوق بيدات ترجف وعيون مدمعه وطلع لشقته بالشقه مصطفى فتح الباب ودخل وعلى طول وبدون أي تأخر ركض للكنب وفتح الصندوق اللي كان باللون القرمزي وكان مايبي يفتح ويبي يفتح خايف لو في قرار او كلام مو حلو يخص فاطمه ويبي يفتح بسرعة يمكن في شي حلوو وبتوتر ونبضات قلب تدق بكل قوه فتح الصندوق وشاف في ورقة وجنبها في صندوق صغير باللون القرمزي ايضا وبتوتتر اخذ الورقة وفتحها وبدا يقرا *( سلام .. مصطفى اكيد لمن بتقرأ الرساله هذي بكون انا قد رحلت ..لاني بقولك كلام ماقدرت اقوله عندك او امامك .. انا سافرت عند خالي بمكان بعيدد تماما .. انا بشكرك على كل شي .. اشكرك على الاكل اللي كنت ترسله .. ايه عرفت انك انت ترسل الاكل والمبالغ المالية .. اشكررررك على اهتمامك بابووي وفيني اشكرك على الوقفه اللي وقفتها معاي بموت ابوي .. وقفة رجال .. انا عجزت عن رد هذي الاشياء لان اللي سويته معاي مايسويه 1000 رجال .. كنت اشوف نظراتك لي .. اعرف عن حبك لي .. لكن دائما الظروف اللي تجي مانقدر نغيرها او بالاصح كل واحد ونصيبه .. بقولك وانا ايضا ابادلك نفس الحب .. انا اعجبت فيك وحبيتتك ويعلم الله اني احبك كبر كل شي .. لكن زواجي بعد اسبوع من اليوم على ولد خالي .. انا الحين احس حبل المشنقة يقرب ويقرب .. اتمنى تواصل حياتك مصطفى .. اتمنى لك البنت المناسبة واتمنى تعيش حياتك مبسوط مصطفى .. ظروفي اجبرتني اختفي .. اتمنى تكرههههني عشان ماتتعذب .. مصطفى بحالة انهيار .. صدمة .. عواصف .. براكين .. يحس قلبه ينشق نصفين وماكان في شي يعبر عن شعوره الا الدمعه اللي حفرت على خده وطاحت على الارض طاحت وباللحظة هذيك طاح الحب .. طاح قلب مصطفى .. طاحت الدنيا بعينه ******************* ببيت ابو فجر ام فجر تجي من المطبخ وتفتح باب الشاررع وتشوف فاروق امامها : انتتت !!!!! شتبي يا ***** يا ***** ماكفاك اللي صار ببنيتي بسببك فاروق منحرج هي معاها حق بكل كلمة مايدري وين يودي وجهه وبهدووء : خالتي ممكن نتكلم بهدووء ام فجر حست باقي شوي وفاروق يبكي : اوكي تفضل دخل فاروق وتوقف بمكانه وهو يطالع للملاك اللي امامه لكن يدها مجبسه ووجها اصفر ذبلااان فجر من شافته توقفت بمكانها بصدمة وباللحظة هذي توقفت كل افكارها الا شي واحد اشتغل اشتغلت الذكريات اللي بالمزرعة من لمن اكلها .. فجر عمرهااا ماحست بشعور ان يكون معاها شخص تشارك معاه عمرها ماحست براحه الا من فضفضت لفاروق بالمزرعة حست براحة والحين توصصلها مكالمة آية وتوضح لها كل شي فاروق بدون أي تردد ركض بسرعه و...