الفصل 12
البارت الثاني عشر والأخيـــر
***** الجزء الاول *****
*****************************
الشخصيات الجديدة ... مالهم دور بس داخلين عرض.:
( ناجي ) : ابن جيران غرام .. كانوا جيران زمان... ورحلوا من الديرة وانتقلوا الى فرنسا ..عمره الان 26 سنه.. تصرفاته مثل البنات ... يعني طريقة كلامه .. مشيته ... حركاته ... من زمان وغرام ما تطيقه... يعيش ويا امه وابوه واخوه المتزوج.
( عائلة ماجد << ترجع هع هع )) :
(ام ماجد ) ..... ( جود .. اخت ماجد اصغر من ماجد باربع سنين تدرس بكلية فنون ).. ( ماجد عمره 29 سنة ويحضر للدكتوراه ... )
( ريناد ) : زميلة راكان في الجامعة... واخت ماجد الثانية ... اصغر من ماجد بسبع سنين .
(جونار و راشد ) : في نفس الفندق .
*****************************
(Merci ) == = > ( شكرا )
يقولها راكان وهو ياخذ كروت الغرف .... مشى على ريما وغرام ومحمد اللي كانوا واقفين ... ومنتظرين..
راكان يمد الكرت ..: هذا كرت غرفتك يا محمد..
( يمد لريما ) وهذي غرفتك يا ريما...
محمد ..: لا ما ينفع يا راكان ... اشلون في غرفة لحالها .. البنت عمرها 16 سنة...
ريما .: 17 يالنحيس..
راكان : ايه صح , لا تناظرني كذا ترى هم اللي حجزوا من الكويت موب اانا.... على اساس 4 افراد ... اثنين متزوجين واثنين سينجل ..
محمد : ... غرف ... تعال اسألك انتم وش نوع غرفتكم ؟؟
راكان : جناح ...!
محمد بصوت بطئ : يابن اللذين .... انت جناح وحنا غرف...
راكان : انا وغرام في شهر عسل ... انتوا اللي
داخلين غلط .
غرام ( ههه ههههههههههههههه )
راكان فرح بضحكتها .. لف على محمد : علشان غرام ضحكت ... راح احول غرفكم جناح ... تجلسوا فيه الاثنين ...
محمد : يب اكيد , لو كنت اعرف ضحكت غرام غالية كذا .. كنت اشتغلت مهرج ...
راكان ناظر على غرام ...: حبيبي خذي ريما .. واطلعوا على الجناح ... ادخلوا ارتاحوا شوي .. واقفلوا الباب زين .. يمكن شوي ونرجع .. بنبدل الغرف .
اخذت غرام الكرت .. وبصوت خافض : أي طابق..؟
راكان : الطابق الـ 13 ... جناح 63 ...
غرام مشيت هي وريما .... وراكان ويا محمد على الاستقبال .
****************************
الساعة ( 10:00 ) صباحا في شركة ابو مساعد في الكويت
مشاري وهو يتكلم في الاجتماع : هذي صفقة مربحة يا عمي ابو مساعد ...
ابو مساعد : انا اعرف انها صفقة مربحة .. واعرف ان هذا مشروع مربح وتجاري بحت ...
مساعد : نحن فهمنا كل شيء من خلال الملفات اللي ارسلتوها .... ومثل ما قال الوالد نبي شهر قبل لا نوقع العقد .
راشد : ما فهمت يا عم بو مساعد ... ليه شهر ؟؟
(( كان اجتماع في شركة ابو مساعد , بحضور التالي :ابو مســـــــــا عد و مساعد وريان (اصحاب الشركة ) ...... مشاري ... راشد ( اصحاب الشركة المتعاقد وياها ... وبعض موظفي الشركتين اللي مهم حضورهم ))
ابو مساعد : مشروعك تمام وحنا باذن الله موافقين فيه لكن هو يتطلب بناء .. و مدير القسم الهندسي عندنا غايب .. بكذا نأجل العقد الى شهر من الان... الا ان يرجع من سفره .
مشاري رجع على ورا في الكرسي: ولا يهمك يا عمي ... بدال المدير اثنين ..وما اظن ان شركة بهالحجم الكبير يكون فيها مدير واحد .
ريان تدخل : لان مدير القسم الهندسي اوه راكان .
راشد وقف بعصبية , ناظر فيهم .. ومسك نفسه
راشد توه الموضوع : شهر .... تمام .. مو مشكلة ..
بننتظر شهر .... ونتم الموضوع...
*****************************
دق دق دق .. : غرام افتحي انا راكان ...
تفتح ريما .. : وين محمد يا راكان ..؟؟؟
راكان ياشر باصبعه : هذا جناحكم , مقابل لنا ...
ريما : اوكي انا استأذن بروح ...
راكان وقفها : اسمعي ريما قولي ... او بتصل عليه مو مشكلة روحي .
ناظرها حتى ما دخلت الجناح ...
بعدين مسك البي بي ...
يتصل على محمد ... : يالله نسيت ما ابدل الشرايح..
مشى على جناحهم دق الباب ... محمد فتح : هلا راكان.
راكان : ايه بغيت اذكرك ... الحين الساعة 7 صباحا ... نريح 3 ساعات .. وبعدها ننزل نفطر في مطعم ... واعرف سوالفك .. مافي طلوع من دون ما اعرف.... ابوكم موصيني .
محمد ابتسم : ان شاء الله .
راكان : خلاص لا تناموا قبل لا تصلون
الفجر.. راحت علينا الصلاة.. و افقل الباب زين .... انا بروح .
غرام بدلت ملابسها وسوت شعرها.. صلت ... ومستعده تناااام وعيونها نص مفتوحة .... دخل راكان الجناح .
ناظر على غرام اللي كانت بالكاد صاحية وكانت جالسه في الكنبة ... : انا باخذ شور ... ليه وجهه اصفر.. تعبانة شي؟؟
غرام مسكت راسها : لالا , بس امس ما نمت تمام .
مسكها راكان : قومي على الغرفة غرام ....
ماسكها حتى ما وصلت الغرفة .....
راكان .. وهو واقف عند السرير : دام اننا وصلنا ابي اقولك شي.... يعني السالفة الاخيرة اللي حصلت بيننا ... ارجوك غرام انسيها ... روان مثل اختي الصغيرة ... ولو اني مثل ما انتي مفكرة ... كنت تزوجتها من ... من زمان..
ابتسمت غرام وهزت براسها ....: ادري راكان ... انا من جد اسفة ... يعني كبرت السالفة من لا شي .
راكان .. ابتسم من اعماق قلبه .... وغطاها...
ما مرت 5 دقايق وهي في السرير الا ونامت ...
راكان اخذ له شور صلى ونااااام ..
وريما نفس الشيء بدلت ملابسها
اخذت شور حار صلت ونامت ....
ومحمد صلى و تفرج على فلم من اللاب توب حتى ما قال خخخخخخخخخ << يعني نام ... نوم العوافي كلهم .
*****************************
الساعة ( 1 الظهر في الكويت )
ام مشاري وهي تنظم في شنطة روان : والله ما صدقت الدكتور يوم قال انك بتطلعي ... بسوي حفلة ... وبغيرلك جهازك يمى .. وبلم الجيران ... وش ما تبي يا روان بسويه.. حبيبتي
روان وهي مبتسم : يالبي يمى ... الحمد لله صرت زينه الحين ..
ضيا وهي تمشط لها شعرها : اصلا مين قال بانك كنتي تعبانه .... هذا مجرد ابتلاء والحمد لله على كل حال..
مشاري يدخل : ما خلصتوا يلا عاد ...
مشاري ياخذ الشنطة من امه .... وطلع ... ام مشاري مسكت بنتها .. ووراهم ضيا ........
..... وصلوا عند السيارة ودخلوا روان
... مشاري مسك امه : يمى انا كلمت الشغالات ياخذوا أي دواء في غرفتها ... واي الة حاده .. وابيك يمى لا تخليها بروحها يعني نعتبر هذي فترة نقاهة .... وبعدين يصير خير ...روان بعدها صغيرة وافكارها على قدها ...
ام مشاري : انت مجنون ... اشلون توصيني على بنتي ...
****************************
الغرفة باردة ... والظلام حالك عليها ... لان الستائر مغطيه على اشعة الشمس....
تهز راكان بيدها ...وهي نصف نايمة : راكان ... راكان قوم .. في حد في الباب .
دق دق دق دق دق دق
غرام ترفع راسها : راكان قوم ... في حدا في الباب.
راكان قام بسرعة... جلس كم ثانية يعدل نفسه ..
فتح الباب : هلا وش فيه...
كان محمد وريما في الباب ...محمد ناظر فيه : انت لساتك ما لبست ... هذا وانت اللي عازمنا..
راكان ناظر على الساعة وتذكر انها مظبوطة على الكويت : يوووووه , والله اخذتنا نومة ... لا اله الا الله... الساعه الحين كم ....
ريما : 11 ونص ...!
راكان : هه صار غدا مو فطور ..... انتوا جاهزين
محمد ..: ايه ... انا وريما بننتظركم تحت في الاستقبال .... لا تتاخروا..
راكان : لا ما راح نتأخر ربع ساعة وشوي بنكمل ..
( بعد ساعة كاملة )
( يا غرام لساتك ما كملتي ) راكان وهو
يربط الشوز ( الحذاء ) , وغرام كانت لابسة بس تسوي شعرها ...
غرام : كملت حبيبي
رفعت الحجاب .... وعدلت البلوزة ...
راكان وقف... حط جواله ... في الجيب ...
ناظر لغرام وابتسم : احلى شي حصل اليوم انك مو زعلانه ؟؟
غرام ابتسمت على كلامه :لا , خذ صفة جديدة عني, اني اذا احد غلط علي بسامحه , بس اذا كررها باذبحه وباصلي عليه .. بادفنه في مقابر مهجورة ..و ..
( قاطعها راكان ) : والله ما تقدري .
غرام ابتسمت على ضحكة صغيره :اوكي خلينا نمشي .
نزلوا الاستقبال ... كان محمد وريما منتظرين ..
( محمد : لابس تيشيرت ازرق و بنطلون جينز اسود
الجزمة سبورت سودا
والكاميرا والبي بي .... والنظارة السوداء....
ريما : بنطلون اسود ... طبعا فضفاض
.. وفيه سلاسل بالفضة ... و قميص فضي ... الحذاء كان جزمة سبورت بالفضي ..
كاب على الراس زائد الايفون والكاميرا.
غرام : تنورة جينز ازرق جيوبها كثيره ...
و قميص ابيض كيوت عليها .. وحجابها ازرق ....
حذائها كعب عالي ... ومعاها جوال C3 حقها ...
راكان .. : بنطلون اسود ..
وتيشيرت اسود مرقع بالابيض ... الجزمة بيضا
معاه البي بي و الكاميرا )
راكان وهم واقفين : انت واختك صليتوا ولا لا..؟
ريما : يس , اكيد ...
محمد وهو يعدل في الكاميرا : كفار حنا ؟؟
راكان ...وهو يتغشمر وياه : والله ما في شي مضمون هذي الايام ...! انا واثق من بنت عمي ...بس انت لالا ما اظن ..
محمد ..: لا يا شيخ ...
قبل لا تحدث حادثة تقول غرام : اقول راكان خلنا نمشي والله ميتة جوع.
راكان هز براسه مشى على الاستقبال وطلب سيارة سياحة ...
******************************
( الساعة 3:30 ) في الكويت
الدكتور فوزي وهو ماسك الجوال ويقلب في
الاوراق .. ورقة وراها ورقه ... : الوو , السلام عليكم عمي ابو مساعد.
ابو مساعد كان في البيت وقت الغدا ... جاه الاتصال قام من الغدا ... وابتعد حتى ما يسمع احد : وعليكم السلام ورحمة الله وبركاته .. كيف الحال يا دكتور, ان شاء الله نتيجة التحاليل طلعت..؟؟؟
الدكتور فوزي : ايه والله يا عم ابو مساعد , التحاليل طلعوا ... وتأكدنا الحين بان الكلية شبه منتهية .
ابو مساعد : لا اله الا الله ... طيب يا دكتور , حنا تحت شورك الان ... وش هي الخطوة الجاية باذن الله.
الدكتور فوزي : العين ما تعلى على الحاجب .. انت الخير والبركة يا عمي... انا وانتم بنمشي خطوة خطوة .... اول خطوة راح نسويها يا عم ابو مساعد .. لازم ان راكان يرجع من سفره وهو داخل في بيئة عارفة كل شيء ... فاهمة الموضوع .... تساعد فيه ... وتفكر ويانا .
ابو مساعد ناظر على افراد العائلة اللي
مجتمعين في السفرة : يعني نقول بكل شيء....
الدكتور فوزي يشرب من القهوة اللي في مكتبه : مو بالضرورة انهم يدروا بكل شيء ... في اشياء بتظل بيننا يا عم ... حتى انهم لا يدخلوا في متاهات .. ويصعب عليهم التفكير.
*******************************
راكان وهو ياخذ الـ ( Menu ) : يلا كل واحد يطلب , عليكم بالعافية اليوم الحساب على محمد .
محمد جاه مغص: أي حساب ؟؟.؟
غرام وريما ضحكوا عليه :ههههههههه.
طبعا غرام طلبت ... اشياء نباتيه ... وكان المطعم فخم لدرجة انهم لما عرفوا ان غرام عندها القلب ... جابوا لها قائمة بالوجبات الصحية لاصحاب هالمرض..... اما الباقين فطلبوا اصناف عديده بدون لحم او دجاج .... طبعا مستحيل راكان او محمد يمسكوا الطباخ ويسالوه ... ذبحتوا هالدجاجة او البقرة بطريقة اسلامية ولا لا.... فتجنبوا الحرام وطلبوا اكلات بحرية على مقبلات واصناف فرنسية ...
النادل ينزل الصحون ... راكان : ( ( Thank you sir
النادل : ( Thank you )
راكان استغرب : ( ( For what?
النادل بنبرة حزينة : ( I never meet person here say to me "sir" ) ابتسم النادل ومشى.
راكان ناظر على غرام من باب التردد .. بعدها : كلوا بسرعة علشان نلحق ناخذ سياحة ...على فكرة يا محمد ... هذي اول واخر مرة بتجلسوا ويانا في المطعم .. نحن في شهر عسل مو جلسة عائلية .
ريما : لا راكان , لا تخليني اكل وياه ... محمد اذا اكلت وياه بيأكلني فول لان الفول رخيص .
غرام وراكان :هههههههههههههههه
محمد : انا يالنحيسة ... طيب بكرة بتشوفي هالوجه اذا عطاك قفاه ولا لا.
غرام : راكان يمزح وياكم , ما نستغنى عن جلستكم ابد.
******************************
(بعد اسبوع )
( الساعة 9 مساء في الكويت )
مساعد يقوم بعصبية ... من الكرسي
بصوت متوتر : لا..لالالالا يا دكتور ..انت جنيت وقعدت ... انت اكيد ..لالا ابدا لا..
رؤى ... مسكت ايده : مساعد اهدأ الله يخليك.
مساعد سحب ايده منها وبعصبية
ازود : وش اهدأ انتي ما سمعتي وش قال؟؟؟؟
كان نصف الحضور اهتز ... مثل ام مساعد .... و مساعد ... مؤيد وهويدا ...
والنصف الاخر لعب الدور الافضل ... مثل صقر ... ريان ... منى ورؤى ... والدكتور فوزي
ابو مساعد طلب من الدكتور يجي ويفهمهم بكل شيء ..... الافضل يكون الخبر من دكتور خبير .... اشرف على الفحص بالكامل ...
ابو مساعد ... ناظر على ابنه المنفعل ...: اهدأ يا مساعد ... الدكتور ما كمل كلامه ...
مؤيد ..عكس وجهه : وش باقي يا دكتور .... ؟؟؟؟
كمل الدكتور خبره ... وحكالهم عن حالة راكان بالكامل ... مثل ما سبق في البارتات اللي فاتت ... بعضهم يعصب ... وينفجر بركانه ....
وبعضهم تجيه حالات غريبة ... غريبة على حسب
نوع الصدمة اللي يتعرض لها ..
مثل ام راكان ... اللي من سمعت الخبر وهي ساكته .... عينها على الدكتور ... منتظرة انه يقول ... كلمة ...ينطق كلمه فقط كلمة ... منتظرة بانه يربط مرض راكان بالموت .... معقولة بتنتهي حياة ابنها ....
وهي ساكته .... والكل عصب واللي يرمي كلمة هني وهناك مثل مؤيد .. واللي صرخ في الدكتور مثل مساعد ... واللي بكى مثل هويدا...
ابو مساعد ... ينظر فيهم جت عينه على
سميرة ... صرخ على طول : خلاص ... اسكتوا .
( الكل سكت في هذي اللحظة )
ابو مساعد بصوت عالي : ام مساعد ..( ما ترد و ما زالت عينها على الدكتور ) .. ام مساعد... ( وكمان ما ترد ) ....
ريان فز من مكانه يشوفها .... : يمى بسم الله عليك
( يلحقه ابو مساعد ) وهو يمسك راسها : سميرة ... تسمعيني ...
الكل حاوطها ... وش فيها الوالدة ... اللي مسح على راسها يقرا المعوذات ... واللي ينادي عليها ....وهي ما ترد ......
الدكتور جى يشوفها ... خاف لا تكون جتها صدمه ولا جلطة لا قدر الله ...
لقت املها ... الدكتور ما قال الكلمة ... ما قال ان راكان بيموت ..... حركت يدها مسكت
يد ابو مساعد تضمها وهي تبكي : جيب ابني ... طلبتك تجيب ابني .... سوي فيني هالمعروف ... ابي ابني ... ابي اشوفه ... راكان اشوف راكان .
********************************
( الساعة 7 مساء في باريس )
وهم يدخلوا الفندق ...
غرام لاحظت ان راكان ضايق خلقه : راكان فيك شيء؟؟
راكان : لا بس ... حاس بالم في جنبي ..
محمد مسك عنه الاكياس..: هات ... يمكن من ثقل الاكياس... باخذها عنك ..
غرام مسكت ايده وهو تماسك على محمد ....
ريما : نكمل بكرة... اليوم ترتاح ..
راكان ..: اآآآآ ه .
محمد : اصبر شوي ونوصل للجناح .
*******************************
( بعد يومين )
راكان جالس على اللاب توب .... ويتصل على امه ..غرام .. طالعة من الحمام .. اخذت شور حار....
غرام جلست على المنظرة ..
. تستشور شعرها ..: راكان ... لك ساعة وانت على نفس الحالة ...؟؟
راكان : المشكلة اني اتصل على البيت مافي حد يرد ... واتصل على مساعد .. ولا يرد .. وامي ولا ترد ..
لفت عليه غرام : لا تخاف حبيبي , الحين الساعة عندهم... تقريبا.... تقريبا 10 الليل يمكن في عزومة او زواج .. او عندهم ناس ...
راكان ..: يمكن .. الله اعلم ...
غرام ..: حبيبي..؟؟
راكان : يا عيونه .؟؟؟
غرام ..: لما وحنا راجعين من البرج ...
شفت محل العاب كبير على الشارع ... يعني في خاطري اشتري العاب حق البنات ..
راكان : قصدك سميرة وسمر وليال ...؟؟؟
غرام : ايه حبيبي..!
راكان : اوكي من عيوني ... اجهزي وننزل نشوفه.
اتصل على محمد .... : الوو محمد
.. كملتوا الفلم ولا باقي..؟؟
((( محمد و ريما كانوا في السينما ... مروا على السينما وهم يتمشوا مع راكان وغرام ... وشافوا قائمة افلام اليوم .. كان من بين الافلام ..
فلم ( Bad Teacher ) ... الجديد .. محمد كان مترقب هالفلم من زمان ... وحاول يقنع راكان وغرام وريما انهم يدخلوا وياه علشان يشوفوه ....
ريما راحت وياه ... بس راكان وغرام ... كملوا مشوارهم للفندق....)))
محمد بصوت خافت وهو يطلع من القاعة علشان يتكلم بصوت عادي : اسكت الله يسلمك .. ابتلشت .. الدبلجة انجليزي و الترجمة بالفرنسي ...
راكان ضحك عليه .... غرام اشرت لراكان تبي تفهم وش اللي حصل عندهم ....
راكان وهو يكلم غرام : يقول الترجمة بالفرنسي ..الفلم ترجمته فرنسية ههههههه.
محمد : تضحك يا بايخ ...
راكان وقف ضحك ... : بس انت تفهم انجليزي ....
محمد : انت غبي ولا كيف... اشلون في كلية طب وما افهم انجليزي... انا فاهم الفلم بس ريما ... ماسكاني اترجم لها ...
راكان : ههههههههههههههههه , تستاهل ... المهم انا وغرام بنطلع على محل العاب قريب ... قلت اعطيكم خبر لا تجوا وما تلاقونا ..
محمد : ولا يهمك ... خذوا راحتكم .. وعشيها خليك رومنسي شوي .. حبتين ..
راكان : لا ما شاء الله عليك ابو الرومنسية ...
تكلم راكان مع محمد , وقفل الخط ...
دخلت غرام ..: انا كملت , نمشي .؟؟؟
راكان : اوكي نمشي...
طلعوا ويا بعض .... وفي المحل ... :
كان ذوقهم ويا بعض حلو ... واختاروا لكل بنت لعبة .. كان المحل يقدم خدمة تغليف هدايا ... بعد ما شروا الهدايا ...راحوا على قسم التغليف .. القسم اللي حصل فيه هوشة كبيرة بين راكان و الموظف ... والغلطان اهو راكان ...
راكان :
( Please sir , Can you speek English?)
بالعربي ( لو سمحت سيدي , هل تستطيع التحدث بالانجليزية)
الموظف : ( Yea , I can )
راكان : I want to sheathe this toys ) )
بالعربي ( اريد ان اغلف هذه الالعاب )
الموظف :
( OK , hey najee come to here………)
بالعربية ( حسنا , ناجي تعال هنا )
جى الموظف ثاني :
( I will done in 1 hour … What is your names… both??)
بالعربي (بانتهي منها في خلال ساعة .. ممكن اساميكم ؟؟ )
راكان ما عجبته طريقة كلامه
راكان :
( Rakan Al-Saqer… And .. Garam Ali Mohammed )
بالعربي : ( راكان الصقر و غرام علي محمد )
الموظف رمى القلم من الصدمة ... ورفع عينه على غرام ...
(( كان الموظف شعره طويل ... وصوته خفيف ... ويتكلم بدلع ..لابس بنطلون اسود و تيشيرت وردي ... وشفايفه وردي .... يعني خكري ))
وهو يناظر في غرام ... يسال بس باللغة العربية : امبيييي مو معقولة ... جرام مين ؟؟؟<< طريقة كلامه
راكان ناظر على غرام وعليه ..: انت عربي ...؟؟
عطى راكان نظرة صغيرة , وهو يهز راسه ... : ايه انا عرابي ...!( لف على غرام ) : وي غرام مين .!
راكان ...: لييييه ... وش تبي باسمها ؟؟؟
الموظف عطا راكان قفاه وهو يناظر غرام : غرام مين؟؟؟
راكان سحب غرام على ورا : انت ... شايفني اصغر عيالك تتجاهلني.
غرام صرخت على خفيف : ناجــــــــــي؟؟
راكان لف عليها : مين...!!
الموظف ناجي..:امبييي ... ايه غرامي انا ناجي..انا وغرام كنا اولاد جيران ..( يلف على غرام ) وينك يا دووبة .. وحشتيني؟؟ والله صرتي كبيرة .... وي اخوي اسامة ما راح يصدق اني شفتك ابد ...اهههههههههاي
راكان : لا انت فاسخ الحياء مولين .
ناجي : رجآآآء ... يا خيو ... لا تغلط علي... انا بس بسلم على صاحبتي ...
راكان ( يرفع اكمامه ) ويصرخ : صاحبتك ها ... غرام اطلعي برا ....
راكان دف غرام على الباب .... وونزل في ناجي ضرب ... طراااااااااااخ
طرييييييييييييييييييييييي ييييييييييخ
طرووووووووووووووووووووووو وووووخ
طوخ طيخ طاخ << ههههههههههههههههههه
كل اللي في المتجر ... جوا يفرقوهم ...
طبعا راكان ضربه ضرب ما شافه طول عمره ...
وناجي ما سوى شيء بس يصيح : آآآآآي .. اهئ آآآي تعورني..<< طبعا باللغة الفرنسية ...
********************************
( في الطريق الى الفندق )
ريما : اخر مرة اجي وياك على مكان ؟؟؟
محمد : مو مشكلتي انك مو اوكي في الانجليزي ؟؟؟
ريما : راح احمل الفلم في البي بي .... عادي.
مروا على متجر كوفي شوب ....
محمد : انتظري هني بجيبلنا اشياء علشان الطريق .
ريما : عفيه محمد جيب نسكافيه .
دخل محمد وريما كانت واقفة على الطريق ..... كان ( راشد )
يمشي بسرعة وكانه يدور على شخص ... مر على ريما ناظرها .... تقدم عندها : انتي عربية ؟
ريما رجعت ورا شوي : ايه ؟؟
راشد : ملامحك تدل على كذا ... انا ادور على زوجتي وياها بنت صغيرة عمرها سنتين .... ما شفتيهم ؟؟؟
محمد رجع شاف راشد ..
سمع اخر جمله فعرف انه عربي : هلا اخوي
راشد ابتسم له : اهلا ... كنت اسال عن زوجتي ادور عليها .. حنا جديدين هنا واخاف انها ضيعت الطريق.
ريما : اهااا الحين تذكرت ... لما كنا في السينما .... كانت جالسة جنبي وحدة لما كانت تتكلم بالجوال كانت تتكلم عربي .... زوجتك شعرها اسود .
راشد : ايه صح .
ريما : كانت لابسة جاكيت ابيض.... وهي سمرا .
راشد : ايه صح ... بروح الحقهم ... شكرا يا ؟؟؟؟؟
( راشد كان معضل ... واسمر ... طويل ... شعره مو طويل وذقنه على خفيف .... ودايم مبتسم ... صوته ثقيل ... بس كلامه ذوق.... كان لابس بنطلون جينز ... تيشيرت قطني ... وذيك الليلة باردة جدا.. )
محمد ابتسم : محمد وريما .
راشد : شكرا ريما ومحمد ... ^_^
مشى خطوتين ... ريما نادت عليه ..: وانت وش اسمك ؟
راشد : راشد ...
اخذت كوب النسكافيه من محمد : تفضل ... الجو بارد .
اخذها راشد وشكرها ...
محمد .... مشى وهو يفكر في اخته الغبية اللي تكلمت مع واحد غريب ... كان وده يكفخها بس سكت اولا اخته صغيرة ومو بنت ذي السوالف ... وثانيا الرجل متزوج ... وثالثا اخته دايم طيبة وما عطته النسكافيه الا من باب عطاء مو اكثر .
************************************
بعد ما رجع راكان وغرام على الفندق ..
غرام وهي اعصابها منتهية : عجبك كذا ... شفت انت كيف متسرع ... كان بينذبح تحت يدك ....
راكان بكل برود : يقولك ( غرامي ) عديناها ... يقولك ( دووبة ) معاه حق وزنك زايد هالايام ... يقولك ( وحشتيني ويجيب طاريك مع اخوه ) قلت ما عليه يقول انه ابن جيرانكم واكيد متعودين وانتوا صغار على هالكلام ومصيره يتأدب ويتكلم عدل ....بس يقول ( صاحبتي ) لا.... ينضرب وبقوة بعد ...هي الدنيا فوضه ...
غرام وهي تخلع الاكسسوارات : ايه اضحك ... واتريق ... صرت مسخرة انا ...
راكان ... يهدي الجو : انتي وش فيك ... اعتذار ورحنا عند اهله واعتذرنا ... هذا غير سالفة العشا اللي حطونا فيه ... وانا وش دراني انه دلوع ...
غرام قربت منه ..: يعني انت غيران لانه قال
( صاحبتي ) ...
راكان : هههههههههه , انا اغار من واحد مثله لالا ..
********************************
ام مساعد كانت في غرفتها ..... الغرفة هادئة ... وانوارها مطفية ما عدا الابجورة ....
كانت تفكر ... التفكير المستمر يتعب القلب قبل العقل ..... وهذا شي اكيد ...
دق دق دق ...... : خالتي سميرة انا رؤى ...!!
ام مساعد بصوت مخنوق .. صحيح ما تحب رؤى بس هي مو فاضية تتهاوش وياها : دشي ..!!
دخلت رؤى ... ومشت عندها ... جلست جنبها ...
وهي ساكتة وتناظر عينها ...
ام مساعد بابتسامة باهته من الهم ..: بغيتي شي يا رؤى ؟؟
رؤى .. بصوت حزين : خالتي .. انا ادري ان علاقتي فيك مو ذاك الزود .... انا جيت اعتذر لك عن كل شي يمى ..
سميرة باستغراب : يمــــــى ؟؟
رؤى ودموعها تنزل : يمى ودي انك تسامحيني ... على كل شيء ... انا ضايقتك كثير يمى ... والله ان عمري ما كرهتك بس كنت اكابر يمى ... واليوم لما سمعت سالفة راكان كلها ... تضايقت ... يعني ما في احد فينا متوقع ان راكان يصير فيه هالمرض ... عرفت ان الشخص ما يعرف قيمة الشيء الا لما ...
ام مساعد تكمل : يفقدها ..
رؤى بسرعة تتدارك الغلط : لا يمى ... قصدي ان راكان اخوي الصغير ... وانا اعزه مثل اخوي رائد ... اول ما دخلت هالبيت ... كان يلعبني وياه ... و نشوف افلام ... كان صغير .. والحين شوفي كيف الايام تجري .. تزوج ... وصار فيه (تزيد بكى ).
ام مساعد بكت معاها ... مسكت ايدها : يمى رؤى ,, حبيبتي لا تبكي الله خليك ... انتي بنتي ... مثل منى وغرام وهويدا ... انا كنت اكبر المشاكل و انغزك بالكلمات ...ان شاء الله راكان بيتعالج ... ويصير زين .
رؤى تبكي اكثر
تضمها ام مساعد ... لاول مرة من 6 سنوات ...
(( رؤى انسانة طيوبة , وتقليدية ...وتستاهل الخير .. ))
******************************
( بعد اسبوع )
ام ماجد << تتذكروا ماجد خخخخ : يمى يا ماجد ... انا كنت في عزومة مسوياها وحده رفيجة جارتنا ... شافتني عند جارتنا وعزمتني وياها ..
(( كانوا جالسين يفطروا ... ماجد وام ماجد ... واخواته جود ... و ريناد ))
تكمل ام ماجد : والله يا ماجد ... ما شاء الله على بنتها ... ادب وحياء ... و.. جمال ما شاء الله عليها .. كانت شبه مخطوبة ..والظاهر انها فسخت خطوبتها ... وانا صراحة فكرت انها انسب وحده لك .
ماجد يبوس ايدها : انتي تظني يا امي اني اقدر الاقي وحده احسن من اللي انتي تختاريها .. انتي الخير والبركة.
جود تتغشمر وياه : افاا , نسينا سحر بهالسرعة .
انقلب كيان ماجد .... عكس وجهه وقام : انا شبعت الحمدلله ... عليكم بالعافية ..
طلع على غرفته ...
ام ماجد لفت على بنتها : انتي ليه لسانك متبري منك ... ؟؟ ما تعرفي تسكتي ؟؟
جود : امبييي يمى ... والله مو قصدي .
ريناد تقوم : انا بطلع اشوفه ...
******************************
( في باريس ... )
راكان ... ينادي على غرام ....
غرام تدخل الغرفة : ها راكان ...
راكان : تعالي اجلسي ... ( جلست جنبه ..) ....
احاول اتصل على صديقي ماجد ... بس الظاهر مغير رقمه ... فانا باتصل على اخته .. وانتي كلميها واطلبيلي ماجد منها ...
غرام : هذا صحبك الدكتور. ؟؟؟
راكان : ايوة.
غرام باستغراب : رقم اخته عندك ..؟؟
راكان : هي معاي في الجامعة .
غرام : معاك في الجامعة يعني تاخذ رقمها ؟؟
راكان : اقول غرام لا تسويلي سالفة ... البنت كانت
كانت منومة اسبوعين في المستشفى وطلبت مني الخصلها المحاضرات فصارت بيننا اتصالات عاديه وبذا السبب تعرفت على اخوها...
غرام ..: طيب اهدا , ايش فيك اكلتني ...
ما رد عليها راكان ... اكتفى بابتسامة واتصل على ليندا... عطى غرام البي بي .
********************************
( " انتي من قلبك هالكلمة طالعة " ... يصرخ ماجد على سحر .... في نفس الغرفة اللي شهدت ضحكاتهم ... وغشمرتهم ولعبهم وهم اطفال .... ونفس الغرفة اللي سمعت نبض الاغاني يوم خطوبتهم وملكتهم على بعض... هي نفس الغرفة اللي الحين تشهد اخر لحظات انفصالهم ....
سحر بكل برود ... : انت وش فيك ما تفهم .. انا عافيتك ... روح لا تسويلي فضيحة ...
ماجد : لا ما راح اروح ... هذي البنت تبي تخرب اللي بيننا ... خليك عاقل ولا تتصرفي مثل الجاهل.
سحر : اهاا , وابشرك ... هي نجحت ... فسر لي المكالمات المسجلة والرسائل ... صورك اللي عندها يا دكتور... هذا غير حكايات البطولة اللي انت تحكيها ... خليك رجال وطلقني ... مثل ما انت تخون انا ما اسامح.
جرن جرن .... ( الاي باد حق سحر ... )
ماجد ... هدء شوي : طيب ما في مجال للتفاهم؟؟
سحر بنظرة تحدي : لأ.... ورجاء للمرة الثانية اطلع لا يجي احد من اهلي يشوفك ... ترى اهلي كلهم يدروا بكل شيء.
ماجد ..: المفروض هذي مشاكل بيني وبينك... بين زوج وزوجته ...
سحر تمشي خطوتين : لا , حبيبي... بعدنا ما صرنا زوجين ولا راح نصير ...
ماجد يرجع لعصبيته : الملكة اللي بيننا تفرض اننا ازواج .
جرن جرن جرن ..( الاي باد يرن مرة ثانية )
ماجد ناظر على الاي باد ..." هذي رنة الشات " .. بعد نظره ورجع على الموضوع ..: طيب انا بروح .. بعطيك اسبوع خذي راحتك تفكري ... يا سحر .. انا شاريك .. ومستحيل ابيعك.
سحر عطته قفاها ... : لو سمحت اطلع ..!
جرن جرن ... هذي المرة مشى ماجد على الاي باد ... ومسكه فتحه ... هذا كله وسحر ما شافته .. لانها معطياه ظهرها..
كانت فاتحة المسن ... ومحادثتها مفتوحة ... كانت محادثات حب وغرام ..وكلمات عشق.. وغير الكلمات اللي ما قدر ماجد يستوعبها .... بينها وبين شخص ... فهد مين ذا ؟؟؟؟؟
ناظرت وراها تشوفه طلع ولا لأ .....
فزت لما شافته يتصفح محادثتها...
... ناداها بصوت مخنوق : سحر انتي .. طالق .
طلع وهو يناظر عليها باحتقار ... ونزل بالشجرة
... وهي طاحت تبكي ... ما كانت متوقعة انه يسويها ... بس هو سواها وانتهى كل شيء....
تجي في حياتنا الكثير من القرارات اللي نتخذها ... يمكن تكون قرارات صحيحة ويمكن تكون خاطئة ... الصحيحة هي اللي نفكر فيها بعقلنا ... والخاطئة اللي نفكر فيها بقلبنا ... لازم اننا نتذكر اننا نعيش كل لحظة مرة وحده... ما في فرصة ثانية << تذكرني بمسلسل فرصة ثانية خخخخ.......
في نفس اليوم اللي طلع منه ماجد من سحر ... اتصل على ليندا وكلمها تقابله عند البحر ...
ينزل من سيارته ... كانت جالسة على الكرسي امام البحر...
جلس في الطرف الثاني من الكرسي... بدون مقدمات : انا ماني جاي هني .. اتهاوش وياك ... او احاسبك على اللي سويتيه .
ليندا : انا ادري انك ما راح تسويها يا ماجد ... علشان كذا انا جيت هني بروحي لاني واثقة بانك ما راح تسويلي شي.
ماجد وهو يمسح شعره ..: ليه سويتي كذا ؟؟؟ دمرتي لي كل شي ؟؟؟ ليه سويتي كذا ؟؟
ليندا ..: هذا السؤال ما ينفع يا ماجد ... جيم اوفر ؟؟
ماجد ..: ليه واثقة بان اللعبة انتهت ...؟؟
انا في امكاني ارد هذي الضربة باثنين؟؟؟
ليندا .... وهي تمسح على يدها : لاني .. اعرف انك ما راح تسويها ... بكثر ما انا اكرهك .. بس انا معجبه بشي فيك .... ان عمرك ما تئذي احد ... ولا في نفسك شي اسمه انتقام ... لا على العكس ... انت انسان هادئ .. وعاقل.
قام ماجد من مكانه ..: بإمكاني اخذ جوالي لاهلك ... انا مو غدار ولا في جوالي تسجيل لصوتك لا على العكس ... بس فيه رسائلك ... كل الصور اللي كنتي ترسليها لي ... انا امسحها على طول... الهدايا ما كنت افتحها احطها في الدولاب... ورجعتها لك مثل ما جاتني .
ليندا وقفت ومشيت خطوتين
والتوتر على وجهها يبان : لهذي الدرجة كنت تكرهني.؟؟؟
ماجد : لا ما كنت اكرهك ... لاني من الاساس ما حبيتك .. كنت اخاف عليك بس .. . ولا تنسي انتي اللي بديتي هالعلاقة ؟؟
ليندا... عصبت هني : تخاف علي ... انت وش تقول ؟؟
لف عليها ماجد : اخاف عليك.. يجي يوم واعصب فيه
منك وانشر كل شي وافضحك .... مسحتها علشان لا تصيري لعبة في ايدي لما اعصب ... انا عندي اخوات وما ابي العب فيك علشان الدنيا لا تدور ويصيروا هم لعبة في ايد واحد ... الله يستر علينا وعليك ...
ومشى ماجد .... وخلاها تفكر وتحوس بالتفكير
صرخت فيه : وقف... ( وقف ماجد يسمع اخر كلماتها ) اذا اللي قلته صح يعني انا ظلمتك... فرقت بينكم و...
قاطعها ماجد : يمكن يكون افضل لي .... رجاء ليندا ما ابيك تدخلي بيننا ... انا طلقتها برضاي مو غصب ... لاني عافيتها ...)))
يصحى ماجد من ذكرياته الحزينة ... كان راقد في السرير ... وهو يرجع بالذاكرة شوي ... ما صحاه منها الى دقات الباب ...
دق دق دق
ماجد .. يمسك اللاب يفتحه : مين ... ؟؟
ريناد ..: انا ريناد ..!
ماجد ...: دشي ريناد..
ريناد ... دخلت وقعدت على السرير ..: انا كلمت الشغالة تجيب غداك هني ...
ماجد ...: مشكورة ..
ريناد ..: ما تبي تعرف وش اسم البنت ... اللي امي خاطباها لك ؟؟
ماجد .. ابتسم : ايه صح وش اسمها .؟؟
ريناد : امي تقول اسمها روان ...
ماجد ...: ما شاء الله بيني وبينك لو كان اسمها بحرف الـ ( س ) كنت رفضتها هههههههههههه.
ريناد :هههههههه
يرن جوال ريناد ....ناظرت في الرقم : هذا راكان ؟؟
ماجد ... رفع راسه من اللاب : والله ..!
ريناد : خذ رد عليه ...
ماجد : لا ردي انتي... يمكن يبي يكلمك عن الجامعة .. هو لو كان يبيني دق علي .. مو مشكلة ردي ..
ريناد .. ردت على المكالمة : مرحبا .
غرام على الطرف الثاني ..: اهلين , اخت ريناد .
ريناد رفعت حاجبها .: ايه معك ريناد ..!
غرام : السلام عليكم .
ريناد : وعليكم السلام ..!
غرام : اآآ , معك غرام زوجة رااكان... راكان صقر
ريناد : ايه .. اهلين ... ما شاء الله زوجته ... اعذريني بس والله متفاجأة.
غرام : لا مو مشكلة .. اصلا السالفة صارت بسرعة .
ريناد : مبروك غرام .. والله ما في حد جاب لي سيرة .. كنت اتصلت ابارك لك انتي وراكان ... الله يسامحه هالراكان ما جاب طاري انه تزوج ابد ... كنت انا جمعت شلة الجامعة وجينا نبارك.
غرام..*_*....: اكيد يالغلا ما تقصرين ... يمكن راكان لهى في الاختبارات لان زواجنا كان ايام اختبارات وما كان فيه عرس ولمه وحفل ... يعني اقتصر بجمعة خفيفة يا غلاتي.
مرت فترة سكوت بينهم ...
غرام دشت بالموضوع : ريناد .. راكان قاعد يتصل على الدكتور ماجد بس الظاهر انه غير الرقم ؟؟؟
ريناد : ايه غير رقمه من كم يوم ؟؟؟
غرام : اوكي ... علشان راكان يبي يكلمه ... واسفة على ازعاجك.
ريناد : لا مو بينا ... اشوفك قريب ان شاء الله .
غرام : اشوفك على خير ..
ريناد : ان شاء الله.. كاهو ماجد .
غرام عطت راكان الجوال... وطلعت من الجناح راحت على جناح ريما و محمد .
ماجد اخذ الجوال : الوو... هلا راكان.
راكان وهو يضحك : هلا والله... باللي مغير رقمه .. من كثر اللي يدقوا عليك يا شيخ.
ماجد ههههههههههههههه... الحريم اخذتهم سوالف ...
راكان : كملوا رصيدي... مو انا قايلك اني تزوجت.
ماجد : هههههه ايه والله قلتها لي يوم كنا في عزا سلطان الله يرحمه ... بس اعذرني ريناد ما تعرف ... علشان كذا كانت متفاجأة ..
راكان وهو يمشي على الصالة : : الله يرحمه ... وانت الفال لك .
ماجد : انت تدعي علي اموت ....!
راكان بسرعة : لا لا , كنت اقصد في الزواج .
ماجد : اهاا اشوه ... امي امي مرشحالي وحده ..
راكان : يالله عاد اللي في عمرك الحين بعيالهم ... وما شاء الله عليك كم شهر وتصير دكتور... من أي عائلة بتخطب ؟؟
ماجد ..: تصدق نسيت ما اسال .. بس اسمها روان .. نبعد عن حرف الـ (س ) شوي؟؟
راكان فز من مكانه : روان مين؟؟
ماجد : والله ما اعرف .
راكان : طيب ما تعرف أي شيء عنها .
ماجد : يقولوا انها كانت مخطوبة وفسخت خطوبتها ..
*************************************
ريان وهو يقفل اللاب ويتكلم ويا منى : والله سالفة راكان هذي مو داخلة المخ ... اشلون عنده مرض وما يتألم .
منى تلف عليه : وش قصدك ؟؟
ريان بنذالة : احس ان راكان يكذب علينا هو الدكتور ... يبي ينسي ابوي الفضيحة اللي سواها في العائلة .... علشان ابوي يرجعه البيت و يمشي له معاش ويشتغل في الشركة .
منى عصبت بس مسك اعصابها وسالت : وش بتسوي؟؟
ريان : افكر اروح لابوي واقله بهالشي...؟؟
منى بعصبية لأول مرة تسويها : انت ليه تقكيرك كذا ... حرآآآم عليك خلاص ارحمه منك ... اخوك تعبان وحالته حاله وانت تفكر كذا ... انا سئمت من افكارك السودة ...
( طلعت وسكرت الباب ...)
ريان : وش فيها ذي ... باللي ما يحفظك .
**************************************
( في نفس اليوم بعد المغرب .. في باريس)
كانت ريما تدق على جناح غرام ... اما راكان ومحمد طلعوا يصلوا المغرب ويدوروا على مسجد .....
كانت ريما واقفة في الممر ... ناظرها وهي واقفة وتذكرها ... مشى عليها وقف قدامها : يبى ريما اشلونك ؟؟
رفعت نظرها ... هذا راشد ..: راشد !!
(( ريما بالرغم من انها في 17 ... الا ان ملامحها طفولية جدا كان شعرها قصير و صابغاه اشقر ... وهي بيضا جسمها نحيف ... وبرائتها تظهرها كانها في 15 ))
كملت جملتها بابتسامة بريئة: انت نازل في نفس الفندق ؟؟
راشد بابتسامة مع غمازاته : ايه انا في الجناح 60 .
ريما : لقيت زوجتك وبنتك ؟؟؟؟
راشد وهو يناظر من خلف ريما : ايه ... مو بنتي .. بنت واحد نازل في الغرفة اللي جنبنا ... وحطها امانة عندنا ... زوجته كانت بتولد .
لفت ريما تشوف وش يناظر .... كانت تمشي مشي عارضات الازياء ... بجسمها الرشيق ... وهي ماسكة شنطتها تدور على الجوال ... لابسة بنطلون جينز ... و الجاكيت البني .. كلها ماركات ..وحذائها من قوتشي ... ساعتها ماركة .. . وتمشي بخطوات ثابتة وحاطه نظارات شمسية ..شعرها الطويل الاسود منسدل على اكتافها ... وقفت عند زوجها اللي واقف ويا ريما ..ريما تذكرتها .... نزلت ((جونار)) النظارات ... بكل برود ناظرت زوجها .... ولفت على ريما ... وتسال ريما : انا شايفتك من قبل؟؟
ريما بابتسامة : ايه ... كنت جالسة جنبك في السينما .
جونار بلئامة : ايــه ... انتي اللي عطيتي راشد النسكافيه .
ريما : ايه .. كان برد و..
جونار بحدة : صراحة لباقة زايده ... في هالايام ..
غرام تفتح الباب على كلمة جونار الاخيرة .. وتتأمل في الموقف
ترد ريما : نعــــــــم؟؟
جونار تمسك وجه ريما : والله حبيبتي في فقراء واااجد في فرنسا ... صفة الاثار اللي فيك وفريها لهم مو لزوجي...
ناظرتها جونار فاحتقار ومشيت على جناحها ... لحقها راشد .. وكانوا يتهاوشون قبل لا يدخلوا الجناح .... ريما بكت وغرام من اللي حصل قدامها ما عرفت تسوي شي.... في ذي اللحظة يجي راكان ومحمد ....
( في جناح راشد وجونار )
جونار تفتح الباب بعصبية ... راشد يدخل وراها : جيهان ... اطلعي اعتذري من البنت دام النفس عليك ما زالت طيبة.
جونار تلف عليه : جونار ... انت ما تفهم اسمي جونار.
راشد ببرود مو مناسب الموقف : والله متزوج جيهان مو جونار.
جونار تجلس علشان تشيل حذائها : طيب دام كذا من بكرة بناديك فيصل ولا مشاري ولا...
انصدمت لما شد يدها ... عورتها ... بس كابرت ولا نطقت بكلمة ... صرخ عليها : ثمني كلامك جيهان ..!!
جونار صرخت عليه : فك ايدي ... وانا ما اعتذر لاياً كان .
فك ايدها ودخلت الغرفة قفلت الباب ... هو طلع من الجناح وراح على الجناح اللي كانت واقفة عليه ريما دق الباب .
راكان فتح ..... ناظر فيه ... راشد بصوته الثقيل : سلام عليكم.
راكان : وعليكم السلام .
راشد : انا جاي اعتذر عن اللي حصل قبل شوي ... مع الاخت ريما .
راكان : انت راشد .
محمد هني وقف جنب راكان : نعم يا اخ وش تبي؟
راكان : محمــــــــــد !
راشد :.. زوجتي نفسيتها تعبانة شوي ... وقطت كلامها على البنية فانا اسف على هالموقف .
( في كوفي شوب الفندق )
راشد وهو يكلم راكان ومحمد : اليوم بنطلع من فرنسا للندن ... بنرتب اوراق الجامعة هناك ... انا احضر للماجستير وزوجتي بتكمل الدراسة هناك .
راكان وهو يشرب الكافيه : بالقطار صح ؟؟
راشد : ايه !!
راكان : رحلة سعيده ... توصلوا بالسلامة ... باقي 3 ايام ونروح على الكويت ان شاء الله ... الا ما سالتك .....
انت كويتي ؟؟
ابتسم راشد : لا ... انا إماراتي .
(( في روايتي ما اكتب على حسب جنسية الواحد ... هذا كويتي فاكتب على اللهجة... وهذا اماراتي فاكتب باللهجة ... لآلآلآ ... انا اكتب باللغة والمصطلحات اللي اعتقد انها مفهومة للكل؟؟))
محمد وراكان : تشرفنا .. ( مدوا ايديهم ليسلموا )
( في جناح جونار )
تفتح الكبت وتطلع عطر من عطورها الجديده ... عطر فلورا من قوتشي... فكرت شوي بعدين اخذته .... واخذت كيس الشركة وياها وفتحت الباب ... وطلعت على الجناح اللي كلمت ريما قباله ... بعدها ما غيرت ملابسها .
غرام تفتح الباب , غرام عرفتها : هلا اختي في شي؟
جونار : انا جاية اعتذر... وينها البنت .
غرام : تفضلي ...
مشيت على كرسي ريما اللي كانت تمسح دموعها لما شافت جونار واقفة ... رفعت ايدها
ومسحت لها دموعها ... وابتسمت : ما عاش اللي يزعلك ... تفضلي...( مدت لها كيس العطر )
ريما حركت راسها وكانها تسال وش ذا ..
جونار : هذي هديه مني لك .. اعتذارا عن اللي حصل ..
ريما بعفوية حضنتها .... وجونار لمتها بعد..
( بعد ربع ساعة )
جونار وغرام وريما : ههههههههههههههههههههه
جونار اخذت شنطتها ... : انا لازم اروح حبيبي ... مو زعلانه مني؟؟
ريما هزت براسها ...لا
جونار : اوكي باييييييو ... ( بوست ريما وغرام )
وتذكرت شيء فجأءة : ايه ابي منكم طلب لا يعرف راشد .. باني جيت هني واعتذرت ؟؟؟
غرام استغربت من هالطلب : فيني اعرف ليه ؟
جونار : اكابر بس.
غرام ابتسمت : اوكي من عيوني .
جونار بصوتها الهادئ : تسلم عيونك حبيبتي .
********************************
( بعد يومين )
راكان صحى الصباح ..... كل شيء كان مكانه ... الغرفة مثل ما هي ... الفطور مثل كل يوم ... يطلعوه عند غرفته ... بس غرام مو موجودة ... وينها ..........
نزل من السرير يدورها.... الحمامات فاضية .... الصالة فاضية ... الغرف الجانبية فاضية .... يا الله وينها ..
مسك جواله يتصل عليها... الجوال مغلق ... ضرب المسند اللي قدامه ... مشى خطوتين ومسك الجوال ثاني ... اتصل على محمد : محمد ... قوم اصحي... شوف غرام عندكم ..
محمد يقوم من الكنبة .. ويدخل مكان مكان يدور عليها : لا ما في ... استنى حتى ريما مو موجودة ...؟؟
راكان وهو معصب : خلاص انزل عند الاستقبال لاقني .
( عند الاستقبال )
راكان ...معصب والشياطين ترقص حوله: الرقم مغلق ...
محمد : طيب هدي اعصابك .. يمكن عندهم شي ضروري.
راكان يصرخ على محمد : ما في شي ضروري ... لو حنا في الكويت قلت مو مشكلة بس هني تخرج بدون اذن لا .
محمد : طيب لا تصرخ ... مو مستاهل حرقة اعصاب .... لا يطق لك عرق.
اتصل مرة ثانية ... في جرس ...
وبصوت خجول غرام ترد : الوو .
راكان بعصبية : وين انتي ؟؟؟؟
غرام :راكان لا تصارخ ؟؟؟
راكان عصب اكثر : قلت لك وين انتي ؟؟
غرام بهدوء : في العيادة في الفندق ؟؟؟
راكان مشى على المصعد : أي دور ؟؟؟ وريما وياك ؟
غرام : الدور الـ 3 ... ايه وياي
راكان يدخل في المصعد ومعاه محمد
اعصاب راكان منتهية جدا .............
************************************
غانم كان في سيارة الشرطة واقفة في مكان مهجور ... كانوا يراقبوا من بعيد ....
غانم والشرطي خالد ... ومعاهم قوات بس بعيد ...
غانم : تدري احس انهم ما راح يطلعوا في الصباح ..؟؟
الشرطي خالد : هم مثل الذئاب جرائمهم في الليل فقط يا سيدي .
غانم وهو يقلب في دفتر الملاحظات ..: يالله ماني عارف ليه قلبي ناغزني... احس في شي بيحصل وغلط.
الشرطي : دائما لازم نكون حذرين سيدي المفتش..؟؟
غانم : خذ ذي الورقة .... ( يعطي خالد ورقة ) ... خلها عندك اذا حصلي أي شي... عطها اهلي ...
الشرطي خالد تأثر بالموقف ورد الورقة له : ... ما راح يصيرلك شي يا سيدي ... انا بحميك عن أي شي... مثل ما تشوف لا عائلة ولا زوجة ولا اهل ... طلعت من دار الايتام وانت اللي ربيتني في الشرطة .. وانت منتظر مولود جديد .. خلي ايمانك قوي سيدي.
غانم ابتسم ببهتان ...
*************************************
يغلق مشاري الخط ... ويناظر اخوه راشد : مثل ما توقعت بكرة بيرجع الحبيب.
راشد ... بهدوء : اتصل علي اليوم ... اللي اتفقنا معاه امس .
صرخ مشاري عليه : هششششششششش...( يهمس ) انت مجنون هذا الموضوع لا تفتحه هني.
راشد يهمس : حنا في المكتب ومافي حد ... يعني الوضع عااادي.
مشاري اقتنع بكلامه ...: وش قالك ؟؟
راشد ... والابتسامة : يقول انه موافق .. على الاتفاق ... ويبي نص مليون دينار .
مشاري فز لما سمع المبلغ : ليه ... قلناله يقتل رئيس امريكا ...
والله لو ذبح نصف الشر ما عطيته نصف مليون .
راشد : اهدأ ... انا قلتله كذا ان المبلغ وااايد ... ومبالغ فيه ... واتفقنا على 400,000 دينار .
مشاري يطنز : لا ما شاء الله عليك قوي يا اخوي .
راشد : لا تخاف نص المبلغ مني ونصه منك .... والباقي نشوف بعدين .
مشاري سكت ...
راشد : اذا هذا الموضوع نجح , راح نضرب زوجة راكان ضربة قوية ...
مشاري يكمل عنه : وبنبدأ في الضربة الثانية على طول .
يضحكوا النذال ......
***********************************
راكان وهو واقف عند باب المصعد يرن جواله .... : هلا ؟؟
روان على الخط : كيفك راكان ...؟؟
راكان كان معصب وكلمها من غير نفس : تمام روان ..!!
روان : ليه تكلمني من غير نفس...!
راكان : لا ابد بس مضايق .. شوي؟؟
( يدخل راكان ومحمد على المصعد ...)
روان : اكيييييد العقربة هي المزعلاك؟؟؟
راكان عصب زيادة : اقول روان لا تغلطي .
قفلت روان على وجهه ... وزاد راكان عصبية ...
ركل المصعد برجله ...
وقف المصعد على الطابق الثالث ... مشيوا يدوروا العيادة
لقوا غرام وريما واقفين يضحكوا في الممر...
بدون أي مقدمات .. راكان يسال غرام بعصبية : ليه قافلة جوالك؟؟
غرام ناظرت ريما وضحكوا ....
محمد ابتسم على الموقف : وش اللي حاصل ؟؟
راكان مسك ايد غرام : ليه قافلة جوالك ؟؟
غرام راحت ابتسامتها بعيد ... عورتها المسكة : آي .
محمد مسك راكان وبعده عن غرام وريما : انت مجنون .. ما يحتاج هالعصبية .
راكان : اوكي شكلي مزود الموضوع شوي؟؟
محمد : شوي؟؟؟ بس شوي؟؟
رجعوا عندهم محمد يسال: وش اللي حاصل ؟؟؟
ريما بابتسامة: الصباح ..
قاطعتها غرام وهي تناظر فيها : الصباح كان عند ريما صداع وجت عندي تبي بندول ... وما كان عندي فنزلنا العيادة.
ريما ناظرت عليها وكانها تسال .... غرام مسكت ريما ومشيوا .
**********************************
ام مساعد كانت جالسة في الحديقة ... دخل ابو مساعد وجلس في الكرسي قبالها ...: ان شاء الله راكان بكرة بيرد الديرة .
ام مساعد ابتسمت ..: ان شاء الله .. والدكتور وش قالك ... متى يبدا علاج ؟
ابو مساعد ينادي الصبي... : جيب القهوة يا صبي.
جى الصبي نادر وصب لهم القهوة .. وراح ..
ابو مساعد يجاوبها : يقول اسبوع علشان نقوله بالموضوع .. ويتهيأ لكل شيء.. بعدين يدخل المستشفى.
ام مساعد تفكر ... بعدها تسأل : كيف الشركة ؟؟
ابو مساعد : الحمد لله تمام .. عندنا مشروع بنفتحه مع شركة مشاري صالح ... يمكن يومين بالكثير.
ام مساعد نزلت الكوب : مين صاحب الفكرة ؟؟
ابو مساعد : هم اصحاب الفكرة ..؟؟
ام مساعد : طيب المشروع مضمون يا صقر ؟؟
ابو مساعد فكر في راسه هذي اول مرة سمية تساله عن الشركة : انا اشوف انه مشروع عادي... ليه ؟؟
ام مساعد ... حركت راسها ... بس قلبها نافزها ...
ام مساعد في نفسها ( معقولة يكونوا نسوا بهالسرعة ... اولاد صالح من زمان وهم ما يدانون اولادي خير شر... لا مساعد ولا ريان ولا مؤيد ... ولا راكان ... الله يستر يمكن ناوين على شيء.... )
لفت على ابو مساعد : اقول يا صقر ؟؟؟
ابو مساعد : سمي يا ام الاولاد؟؟
ام مساعد تضحك : هههه , سم الله عدوك .. ابي اسلك مين المسؤول ... عن المشروع ؟؟
ابو مساعد .. وهو يقلب في الجوال : المسؤول مساعد ... والمشرف راكان ... ( رفع عينه عليها ) هذي اول مرة تدققي في التفاصيل يا سميرة ...
ام مساعد : والله من قلت لي ان اولاد صالح مشاركين في المشروع وقلبي ناغزني .
ابو مساعد : انا قلت كذا في الاول بس اوراق المشروع سليمه وكل شي تماااام .
***********************************
( في جناح غرام وراكان الساعة 7 مسااااء )
غرام كانت ترتب الكبت لما دخل عليها راكان ... وجلس على السرير .
لفت عليه : ممكن جوالك ... ابي اكلم غانم .. وجوالي ما فيه رصيد ؟؟؟
راكان مد الجوال بدون أي ردة فزعل ...
اخذ غرام منه الجوال ومشيت على الصالة ...
غرام اول ما رفعت وداد الخط : الوو .. وداد .
وداد كانت جالسة على التلفزيون : هلا وغلا ..حبيبتي غرام .
غرام وصوتها مخنوق: والله وحشني صوتك وداد.. وحشتني سوالفك .. زحشتني غشمرتك وياي.
وداد حست ان في صوتها شي: وش فيك غرام ؟؟؟ في شي صاير وياك ... او ويا راكان؟؟
غرام تمسح دموعها : لا .. مو صاير شي مو زين .
وداد : غرام لا تكذبي... توك امس متكلمة معاي وكنت بتطيري من الفرح ... الحين انقلب حالك وتبكي.
غرام تاخذ نفس : لا عادي بس علشان اني مشتاقتلك واايد بكيت .. هذي اول مرة اغيب شهر عن البيت ... غانم موجود ؟؟؟
وداد ما اقتنعت بالكلام واخذت تنهيده آهه : تشتاقلك العافية حبيبتي ... غانم عنده مهمة في الشرطة ... وبغيب عن البيت اسبوع ... فرحت عن بيت اهلي..
غرام : اهاا ,, علشان انا اتصل عليه من يومين جواله مغلق... سلميلي على خديجة و اختها ... و حشوووني مووت .
وداد : يوصل حبيبتي ( تاخذ تنهيدة ثانية آهه )
غرام : وش فيك تتنهدي؟؟
وداد : لا بس احس ان النساة ( التوحم ) بدت مثل ما امي تقول.
غرام تفكر شوي : طيب بطنك تعورك ولا لا.
وداد : الله واكبر توي داخلة الشهر الثالث ... ما لحقت ؟
غرام : طيب النساة تتعب ولا لا؟؟
وداد استغربت من الاسئلة : غرام قوليلي وش فيك ؟؟
غرام ... وهي تتعدل في الكنبة : بقولك شي بس لا تجيبي سيرة لاي احد .
*************************************
(( وانا يا عمي يسعدني اني اتقدم لبنت مشهود لها بالاخلاق والسمعة الزينة ... و اهلها معروفين بالطيب والعزة ))
هذي جمله ماجد وهو جالس في مجلس ابو مشاري ... جلسة خطبة روان الى ماجد ... بحضور مشاري وماجد .. راشد ... وعم ماجد ... و اخوال ماجد ... وابو مشاري ...
ابو مشاري يرد عليه : (( والنعم في رجل مثلك يا ماجد .. في هالايام الواحد ما يلاقي رجل ففيه الاحترام ملموس ... والذوق مطبوع ... الا رجل ابن حلال يخاف على بنتنا
ويحطها في عينه ))
ماجد : الله يسلمك يا عمي ... مشكور على هالاطراء.
مشاري : الوالد ما يطريك يا دكتور.
عم ماجد : هذا من طيب اصلكم .
*******************************
راكان جالس في السرير ... كان يتالم من جنبه ...
كان شكله تعبان حيل ... بس ما حد لاحظ ...
مسك سماعه التلفون واتصل على الاستقبال ...:
(Can you send to me the panadol to my room?)
الموظف :
( Ok sir, we will do that>> anything else )
Rakan :
( No thanx)
يقفل الخط ويحس بان المه يزيد .... تدخل غرام وتمد الجوال : تسلمي عليك وداد ... وجتك رسالة من روان .... ( راكان رفع عينه عليها ) انا ما فتحتها ولا راح افتحها ... انتظر انت توضح كل شي.
اخذ الجوال واخذ نفس طويل وهو ماسك جنبه يتألم ... غرام لبست واخذت الكاميرا : حبيبي متأكد ما بتجي ويانا ... محمد يبي يروح على البرج وما خذنا وياه على حسابه .
راكان : لا روحوا ... ما ابي اقيدكم وياي ... انا بجلس هني ما نمت من امس.
غرام : اوكي مع السلامة .
راكان في نفسه كان وده يقولها لا تروح كان يردد في نفسه وهو يناظرها ( لا تروحي خليك ... لو انك حاسه في الالم اللي امر فيه ... الله لا يقولها ولا عمرك تحسي فيه ... لا تروحي غرام )
غرام فتحت الباب ووقفت لفت على راكان : راكان تبي شيء..؟؟
راكان اخذ نفس طويل و ناظر على فوق : لا .
غرام قفلت الباب ... ومشيت على باب الجناح ... فتحت الباب كان واقف عنده احد عمال الخدمة في الفندق وماسك البندول اللي طلبه راكان
العامل : This for mr Rakan ))
غرام اخذت البندل وشكرت العامل ... وراحت رجعت على الجناح .,.. وهي تمشي سمعت صوت ... وقفت تسمع
راكان كان يكلم والده : ايه يبى الحمد لله الكل تمام.
ابو مساعد على الخط : وانت ؟
راكان سكت ... ودموعه تنزل من المه : يبى ودي اسألك .. لما جيت على البيت ويا غرام انت ما تكلمت ولا عارضت ... ضحكت ويا غرام ... مع انك كنت رافض زواجنا ... كنت تكلمنا عادي ولا كان شي حاصل ... ليه يبى ..؟؟؟
ابو مساعد بحنان : وش ليه ؟؟
راكان ياخذ نفس ودموعه على خده : ليه تغيرت معاملتك لي 180 درجة ... ؟؟؟ صرت احس انك تفكر فيني ؟؟؟ صرت احسن انك موجود وضاميني ليك يا ........ يبى؟؟
غرام من ورا الباب تسمع ودموعها على عينها ...
ابو مساعد : مو علشان انك اصغر اولادي يعني انا اكرهك ولا لانك تزوجت اللي تحبها يعني اكرهك ... ولا لاني ازفك فانا اكرهك ... او اني اختار لك قراراتك... يعني اكرهك ... انا لما شفتك ويا غرام .. وكيف انك مهتم فيها وفي مرضها ... وتسال عن ادويتها .. اثبت لي انك رجل ... وتتحمل المسؤولية ... يا راكان ..... امسح دموعك.
راكان فتح عينه : اشلون عرفت اني ابكي يبى ؟؟
ابو مساعد : لاني ابوك ... اذا نزلت دمعه من عينك تنزل سكينة على قلبي.
راكان ياخذ تنهيده : الله يسلم قلبك من كل شر يبى ... يبى انا تعبان ومحد داري فيني ... اتألم ليل ونهار... حاس ان فيني شي جنبي يوجعني الا ابعد الحدود ... خايف اني انام الليل وما اصحى ... صار لي يومين ما نمت .
غرام من ورا الباب تكتم بكاها اهئئ اهئ .
ابو مساعد يفكر ... : راكان اصبر شوي ان شاء الله توصل بكرة بالسلامة و لما تجي لازم نتكلم ... وما فيك غير العافية ..؟؟ انت ما قلت لمحمد لغرام ..؟؟
راكان : لا يبى لا .. ما ابي غرام تعرف .. قلبها تعبان يبى وبينشغل بالها في التفكير ويتعب قلبها .
غرام زادت بكى على اخر جملة ... اهئ هييييهئ ..
راكان سمع بكاها المكتوم معقولة غرام هنا ... : يبى ان شاء الله اشوفك على خير ..
راكان رمى جواله مسح دموعه وكان الخط مفتوح ... ابو مساعد قفل الخط ...
مشى على الباب ... فتحه بسرعه لقاها واقفة دموعها مليت خدودها ... وكانت مغمضة عينها .... وتبكي بصوت مكتوم ...
مسكها راكان وضمها عليه ... وهو يفكر وش بيشرح لها ...
***********************************
( الوصول الى الكويت )
( بيت ابو مساعد بعد ما وصل راكان وغرام بساعتين ... اما محمد وريما راحوا على بيتهم )
كان وقت الغدا والكل مجتمعين ... ام راكان ورؤى كانوا يرتبوا
الطاولة ... ام ركان وهي داخلة : حضرت لك كل شيء تحبه يا راكان ... خليت الشغالات يشتغلوا من الصباح علشان يحضروا هالغدا .
راكان : والله يمى لو شويتي شي بسيط ولو صحن واحد كان بيطلع حلو دام انه من ايدك.
ام راكان لفت على غرام : وما نسيتك حبيبتي ... شوفي قدامك اطباق نباتية اشكال وانواع .
غرام : شكرا يمى ما تقصرين .
( مرت عليهم 10 دقائق يسولفون ويا غرام وراكان عن فرنسا ... ويحكوا سوالفهم وضحكاتهم ملت المكان وغشمرت راكان ومؤيد ... و سوالف رؤى ويا منى و غرام ... او هويدا اللي كانت تتكلم ويا ريما في الجوال... كانت اسعد جلسة غدا في ذاك البيت ... الا ان ))
مؤيد وهو يحكي : لا ولما كنا في شهر العسل ... وحنا ماشين الا طحت ذيك الطيحة ...
( راكان مسك ايد غرام .... )
ناظرت فيه وهمست : حاس بشي.
راكان هز راسه ... : ايه ..( قام : عن اذنكم ) وطلع على المطبخ ... لحقته غرام ..
راكان ... ماسك جنبه من كثر الالم ...
غرام توترت معاه : راكان اجيب لك بندول..
راكان : لا مو لازم .
غرام : طيب انادي عمي ... عمتي ...اي احد .
راكان : لالالا .....
(( طاح راكان في الارض مغمى عليه ... غرام صرخت والكل جى عليها ... واخذوا راكان للمستشفى ))
(( غرفة الملاحظة ... او المستشفي بصفة عامة ... دخله كثير من ابطال الروايات ... غير هالرواية ... في اللي مات فيها وفي اللي قام ... فمصير راكان بين هالاثنين ... اما يمين او يسار *_^ ))
**************************************
غانم وهو يراقب المدخل : اذا ما ظهروا اليوم ... بنرجع ؟؟
الشرطي خالد : اشلون يعني يا سيدي... بنخليهم ياكلوا الفلوس اللي سرقوها...؟؟
غانم ...: ما باليد حيلة يالغبي ... اشلون نمسكهم وهم مو متلبسين ... اذا طلعوا بنمسكهم وهم متلبسين ويكون محاكمتهم اسهل .
خالد : انا بعترف لك بشي يا مفتش...؟؟؟
غانم : وش هو ؟؟؟
خالد وهو يناظر في يده ..: الشرطي اسامه .. اللي في السيارة الثانية .. انا مو واثق فيه ابد .. ؟؟
غانم : كيف يعني؟؟
خالد : انا اقصد اني احس انه غريب ... وتصرفاته غريبة من زمان ... والله احس انه جاسوس
(( مرت عليهم 5 دقائق ))
الشرطي خالد يصيح : طلعوا طلعوا ...
طلعوا السارقين من المخزن اللي يراقبه غانم من اسبوع ... كانوا 5 اشخاص ... نزل غانم وخالد ويا بعض... ونزلوا وراهم الشرطيين اللي كانوا متخبين في السيارات المهجورة اللي جنب المخزن ...
جريوا والشرطة تجري وراهم ..
غانم صرخ على خالد : خالد روح وياهم ...
خالد : وانت ؟؟؟
غانم : انا بدخل ويا اسامة واشوف اذا في اعضاء في الداخل.
خالد ناظر اسامة اللي كان واقف جنب غانم : حاضر سيدي خليك حذر.
مشيوا شوي شوي... كان المكان عبارة عن مخزن قذر ... وما زاده قذارة انهم ما ينظفوا وراهم ... اسبوع كامل وهم فيه ما كلفوا على نفسهم ينظفوا ولو مرة واحدة ....
وقف غانم فجأة حس بفتحت مسدس مصوبه على راسه ...
وبصوت ثقيل وضخم : ارمي مسدسك.
********************
(( بعد 6 ساعات ))
ريم ( صديقة غرام في الجامعة ) لما عرفت بان غرام مع راكان في المستشفى راحت لحقتها وجت على المستشفى توقف وياها .... وداد جت على المستشفى ... ومحمد لما عرف ان راكان طايح جري على المستشفى ... كل الاحداث مشيت بسرعة
وداد كانت حاضنه غرام عليها ... غرام اللي كانت تبكي ... دموعها ما جفت ولا راح تجف .. وجنبها ريم وابو مساعد... وعلى الكرسي الثاني ام مساعد ... ورؤى ومنى وهويدا ......اما محمد وريان ومساعد ..مؤيد .. كانوا واقفين .
رؤى ناظرت في الساعة : يمى ... يمى سميرة ... لازم تروحي انتي وعمي ترتاحوا ... جلستنا كلنا هنا مو منها فايده ... تركنا البنات هناك لحالهم ... يجلس بعضنا والباقي يروح .
مؤيد : ايه يمى مثل ما قالت ام سميرة ... انا اقول روحي ارتاحي انتي والوالد ... والحريم ارتاحوا أي شي جديد بنبلغكم فيه ... حتى غرام لازم تروح ترتاح .. صارت الساعة الحين 6 ونص الليل يعني جالسين هني 5 ساعات.
غرام رفعت راسها : لا ما راح اروح لا.
ابو مساعد بهدووء: لا يا بنتي لازم تروحي وترتاحي .. انتي دواك ما اخذتيه ...
( يرن جوال راكان اللي كانت غرام ماسكاه )
غرام ناظرت في ابو راكان : رقم غريب...
ابو مساعد : مؤيد رد عليه ... اذا يبي راكان قوله تعبان وما يقدر يكلمك.
مؤيد ياخذ الجوال : الوو ... ايه هلا ... لا والله صاحب الجوال في المستشفى ... الله يعافيك اخوي مين معاي.... شنو .... ( يكلم غرام : اخوك اسمه غانم ؟؟ ... غرام و وداد فزوا : ايه ) ... ايه اخوي في أي طابق ... تمام اوكي انا في نفس المستشفى ... الحين بجي ان شاء الله ..
قفل مؤيد الخط ... وكان متوتر ... غرام قامت عليه ..: اخوي وش فيه يا مؤيد ؟؟
مؤيد بلع ريقه ... مو عارف كيف يشرح لهم ... ناظر في ابوه
وداد كانت متوترة حدها : غانم فيه شي..؟؟
مؤيد : ان شاء الله ما فيه شيء بس اتصلوا علي مركز الشرطة يقولوا ان غانم وشرطي معاه تصوبوا .
مساعد : اشلون تصوبوا ؟؟
مؤيد : يقولوا ان الشرطي مات ... وغانم الحين في غرفة العمليات هني في المستشفى... في الطابق الثاني
وداد جاتها هستيرية ... ما بين مصدق ومو مصدقة مسكت مؤيد : الله يخليك وديني عليه ... الله يخليك .
راحوا كلهم يدوروا على غرفة العمليات اللي فيها غانم ... كلهم راحوا ما عدا غرام اللي ما حد لاحظ انها ما زالت واقفة ..
غرام حست ان قلبها ما عاد يستحمل ... راسها يلف ويدور .. ما شافت قدامها غير غرفة راكان ... دخلت مع ان الدخول ممنوع ... مشيت على سرير راكان ورمت نفسها على طرف السرير وهي تبكي بصوت عالي ....
(( ما بقالي احد يا راكان ... مالي احد ..آآآآآآه يا راكان ... الله يخليك قوم ... ( تهز جسم راكان ) ما بقالي احد ... قوم اهيييي اهييييييييي ... اخوي في العمليات ... انا قلبي تعبان .. دقاته بطيئة .. احتاج اهتمامك اهييييئ )))
**********************************
(( بعد اسبوع ))
غرام تدق غرفة رؤى ...
تفتح رؤى : هلا غرام ... خلاص انتي جاهزة ؟؟؟
غرام وهي ماسكة الجوال : ايه خلاص جاهزة حبيبتي .
رؤى تطلع معى غرام ... وهم نازلين من السلم رؤى : الحين مساعد يعصب فينا تأخرنا عليه وااايد .
غرام تضحك ...
رؤى : الحمد لله على سلامة زوجك و اخوك .
غرام تاخذ تنهيد اهه : الحمد لله .
رؤى وقفت .. وناظرت على غرام : ما كنت اتوقع انك بتنهاري بسرعة يا غرام ... انتي تعبتي واايد في الفترة الاخيرة .
غرام ناظرت عليها ..: زوجي في الملاحظة ... واخوي في العمليات .. أي احد مكاني بينهار ..
رؤى ابتسمت لها .. : الحمد لله الحين كل واحد احسن من الثاني ... ( رفعت عينها في عين غرام ) ما عندك شي تبي تقوليه ؟؟
غرام : مثل شنو ؟؟
رؤى بابتسامة : مثل انك حامل ؟؟
غرام انصدمت من كلامها : وانت وش مخليك متأكدة ..؟؟
هويدا : انا الاحظ حتى لو ما اتكلم كل شي الاحظه ... في المستشفى كله تفكري وتناظري وتصرفاتك غريبة يا غرام .
غرام هزت براسها ... ورؤى حضنتها
( في سيارة مساعد ... لما دخلت غرام و رؤى في السيارة )
غرام ورؤى : السلام عليكم .
مساعد : وعليكم السلام ..(لف على زوجته ) .. ليه تأخرتوا؟؟
رؤى : مساعد لا تفتح سالفة... تعرفنا كيف نجهز ... نبي وقت ؟؟
مساعد معصب: رايحين مستشفى مو زفاف ؟؟
سكتوا شوي ... غرام كانت تراقب ...
مساعد : البنات نايمين ؟؟؟
رؤى طنشت ... شكلها زعلانه ..
مساعد : افتحي الكبت اللي عندك ...؟؟
مدت يدها تفتح .. وصرخت : هاااااااااا.
الكبت كان فيه كاكاو ( شوكولاته ميرسي ) ...
مساعد وهو يوقف في الاشارة : خذيها ... وعطي غرام وياك.
رؤى فتحتها هذي احلى شي تحبه رؤى ... الكاكاو من أي نوع اهم شي كاكاو ...
رؤى لفت على غرام وهي تفتح فيها : تبي أي لون ؟؟
غرام ابتسمت : عليك بالعافية حبيبتي ما ابي...!
رؤى فتحتها وصرخت : وش ذا .... مافيها شي؟؟
مساعد : لا مو معقولة ... شكلي حبيبتي اكلتها ويا الرجال لما رحنا البر... بس بجيبلك غيرها ؟؟
رؤى لفت وهي زعلانة ...
غرام ابتسمت عرفت اشلون ان الانسان تواجهه اكثر من مشكلة مشاكل هبلة مثل مشكلة رؤى ومساعد الحين واللي رؤى زعلانه فيها ... او مشاكل غبية مثل مشاكلها ويا راكان بسبب روان ..
***********************************
راكان ... كان يبي يطلع من المستشفى .
ام مساعد وياه في الغرفة.
راكان : يمى الله يسلمك سمعتي وش قال الدكتور... قالي خذ الادوية بين فترة وفترة الا الاسبوع الجاي وقت العملية ان شاء الله لما يلاقولي كلية ... يعني قعدتي هني مالها فايدة .
ام مساعد : حتى ولو يا راكان ... جلستك هني احسن ومثل ماق لت اسبوع وتسوي العملية يمى.
راكان .. كان في السرير ... وحالته ما تسر.. كان وجهه ازرق ... وجسمه هالك من كثر الادوية اللي تناولها في الاسبوع الفات ..... حول عينه السواد ظاهر من كثر السهر.... غرفته امتلت وروود .. واهم هذي الورود ... هذا الورد الابيض من ماجد لما جا لراكان يزوره في المستشفى ومعاه خطيبته روان كانت لاول مرة تقابل غرام ... وهذاك الورد الاصفر من ريان ومنى لما جى ريان لاول مرة بكى علشان راكان ... وهذاك الورد البنفسج من سعد ... وهذا الورد الاحمر من غرام حبيبة قلبه ... باقي ورد ما ذكرته ... باقة صغيرة من الورد مشكل الالوان ... هذي الباقة الوحيدة اللي ذبلت .. وصارت ورود ميتة .. كانت من محمد .. صديق عمره.
راكان يمسك ايد امه : تتذكري يمى لما جى ماجد هني ...
(( دق دق دق .... يدخل ماجد ومعاه روان غرفة راكان .. اللي كان فيها راكان وغرام وام مساعد ... و رؤى ..
ماجد : السلام عليكم .. ( مشى على سرير راكان )) هلا في الذيب... صحة وسلامة يالغالي ما تشوف شر .
روان بابتسامة : الله يقويك يا راكان .
راكان ..: الله يقويكم ان شاء الله ... أي ذيب الذيب صار ضبع هههه .
ماجد سلمه على راسه : لا يا راكان ... خليك قوي يا خويي... الله معاك .
راكان ابتسم وهو ماسك ايد غرام ...
ماجد لف على ام مساعد ورؤى اللي جالسين ويا بعض.. مشى على ام راكان سلم على راسها وسلمت روان على راسها : اشلونج خالتي ... ؟؟؟ اشلونج رؤى ؟؟؟
(( سألهم ماجد عن تطورات راكان وقالوله بكل شي... ))
راكان يكلم ماجد وروان : مبرووك الخطبة ... الله يتمم عليكم بخير ان شاء الله.
ماجد : آمييين آمييين ... واول المعزومين على العرس بتكون انت .
راكان ضحك بس دمعته نزلت ..... : الله اعلم اذا بعيش ولا لا.
غرام تمسح دموعه وتهمس له : لا تقول كذا حبيبي... ( تنزل دمعتها على خدها ) الله يأخذ من عمري ويعطيك .
راكان : لا .. انا ولا انتي... انا من دونك ولا شي ..
غرام بهمسة : يا راكان ترى مال مكان بهالدنيا بدونك
عيون روان تراقبهم ببطئ وهي واقفة جنب خطيبها اللي انشغل بالسوالف ويا ام راكان....
راكان لف على ماجد يكلمه : على فكرة يالحبيب ... دير بالك على اختي .... روان لو اشتكت منك .. بكسر وجه ( يغمز لماجد )) ههههههه )))
ام مساعد ترجع من ذاكرتها : ايه يا راكان اتذكر ... الله يجمعهم على خير ... شكلهم لايقين لبعض.
راكان ياخذ نفس : طيب يمى تتذكري لما سعد ومحمد كانوا هني..
(( سعد وهو يحط الورود ..: طهور طهور ان شاء الله يا راكان
راكان يبتسم... : الله على هاللون يا سعد ... دايما ذوقك تحفة .
محمد اللي كان واقف... يا سلام وباقة الورد اللي جبتها لك ... دافع فيها 5 دنانير ...
كلهم يضحكوا ...
راكان : حلوة ما عليها قاصر يا الغالي...
(( سواليف وضحكات وغشمرة حصلت في الغرفة ))
ام مساعد : انا ما كنت هناك .
راكان : ايه تذكرت يمى ... حتى غرام ما كانت موجودة.. كنتوا ويا غانم .
ام مساعد وهي ترتب ملابس راكان ... يدخل ابو مساعد يسلم عليهم ..وهو مبتسم : والله عرفت تختار يا راكان .. البنت اصيلة ... ومعدنها ذهب .. غرام ما غابت عنك ابد .. وانت في الملاحظة ...
كانت تجيك ساعة وتروح لأخوها ساعة ..واذا راحت للبيت تروح نصف ساعة وترجع ... هلكت المسكينة ... بالعافية حتى ما ترضى تروح للبيت ... راحت امس لو اني ما حلفت عليها ما كانت راحت .
راكان ..: ابن صقر ما يختار أي وحده .
ابو مساعد ... سلمه على راسه : الله يرضى عليك يا ولدي.
ام مساعد اخذت نفس طووووووووويل ...
ابو مساعد : يلا يا بطل انا بستأذن ... بروح على الشركة .. جيت امر عليك .. واطمن ..
راكان : تطمن عليك العافية يبى .. يبى ؟؟
ابو مساعد ..: نعم ..!
راكان ..: يبى المشروع حق شركة مشاري .. اجله شوي .. لما ندرسه بالكامل.
ابو مساعد ناظر على زوجته عرف انها هي اللي كلمته ... : ان شاء الله ... يلا مع السلامة .
يطلع ابو مساعد ...
( مرت ربع ساعة )
تدخل غرام الغرفة ..: السلام عليكم ..
راكان والوالدة يردو السلام ..
غرام وقفت جنب راكان ...
ام مساعد : انا بروح اشوف وداد وغانم اشلونهم ...
وطلعت ام مساعد ... راكان لف على غرام
غرام وهي مبتسمة : لا تخوفنا عليك مرة ثانية ...
راكان : يعني خفتي علي...؟؟؟
غرام رفعت حواجبها : صراحة ... مو انا وبس.
راكان .. :مالي شغل بالباقين اهم وحده انتي..
غرام : لا هو مو أي واحد .... ( رفعت اصبعها ) .. هو حجمه نصف هالاصبع .
راكان استغرب من الكلام ...: مين يعني؟؟
غرام .. اشرت على بطنها : بيبي...!!
***************************************
( في غرفة غانم في المستشفى )
غانم وهو بالكاد يقدر يتكلم : حأأأمل ... ما شاء الله .. ما شاء الله ... تعالي اسلمك حبيبتي..
مشيت غرام على اخوها وسلمت على راسه وهو سلم عليها ...
ام مساعد : الله ... اخيرا بشوف اولادك يا راكان ... ( حضنت غرام تسلم عليها )
(( مرت نصف ساعة ... وهم يتكلموا ويباركوا لغرام وراكان ... الا ان استأذنهم راكان يروح على غرفته ))
تذكرت غرام انها تبي شي من راكان وطلعت ... حست بإيد تمسكها لفت بسرعة وصرخت : هااااي ؟؟
راشد فك ايده منها .... : بنكلمك شوي..؟؟
غرام خافت منهم ... كانوا راشد ومشاري واقفين ...
غرام حاولت تدخل الغرفة ... راشد مسك الباب...
راشد : موضوع بخصوص اخوك.
مشيت غرام وياهم راحوا على ممر جنب الغرفة ...
غرام : انتوا مين ؟؟؟ و وش الموضوع ؟؟
مشاري : بنتكلم وياك بكل صراحة وبنقولك بأشياء ما تعرفيها ... ونفس الشي نعطيك اشياء ما تحلمي فيها يا غرام .
**************************************
( بعد مرور ربع ساعة ))
راكان وهو يمشي على الغرفة ... لاحظ غرام وهي واقفة مع مشاري وراشد ... مشي عليهم ... وقف عند الجدار ونادى : غرام !!
مشاري وراشد لفوا على راكان اللي واقف ... مشاري يكلم غرام : مثل ما قلنالك ... عندك يومين .. والمكان مكتوب في الكرت .
طلعوا مشاري وراشد ... وغرام واقفة ... وراكان واقف.. مشيت على راكان : حبيبي ارجع على غرفتك علشان لا تتعب.
راكان وهو معصب : وش يبوا منك ..؟؟؟
غرام : ما في شي .. جو يكلموني على اخوي .
راكان : وش يعني ..؟؟؟ هم ما يعرفوا اخوك من الاساس؟؟
غرام تحاول ما تنزل دمعتها ..: ما في شي ما في شي.
دخلت غرام الغرفة .
************************************
(( بعد يومين )) في غرفة راكان .
غرام وهي تغطي راكان ...: راكان انا اخذت سيارتك .. عندي مشوار صغير .. واضطريت اخذها .
راكان : لا عادي .. من زمان كنتي تاخذيها ... بدال انك تنتظري رؤى ومساعد يوصلوك .
ناظرت في الساعة ... : راكان انا لازم اروح ... (( سلمت على راسه )) سامحني على كل شي.
طلعت غرام من الغرفة بسرعة قبل لا تسمع رده ..
راكان ما فهم وش قصدها .. وجلس يفكر في الكلام اللي قالته ... غرام في ايه تفكر ..
قطع حبل افكاره رنة جواله ... كانت رسالة من مشاري ... :
(( العنوان : المصنع القديم ... على طريق العام ... خلف محلات الاحلام .
الحضور :راشد ... مشاري ... وغرام
الصفقة ..: بيع راكان )))
راكان ربط هالرسالة بكلام غرام الاخير ... وضغط على الاتصال بمحمد : الوو .. محمد انت وين ..؟؟
محمد : انا جاي عليك ..
راكان : اسمع خليك تحت انا الحين بانزل لك ؟؟
محمد : اشلون ؟؟ انت مجنون ...( طوووووط )
راكان رمى الجوال ... وقام اخذ دشداشة من شنطة ملابسه وبدل ملابس المستشفى ... طلع من الغرفة بحذر... ومشى شوي شوي علشان لا يلاحظ احد انه مريض... طلع من المستشفى او بالاحرى هرب منها ..
( في سيارة محمد )
محمد وهو يسوق : انت هدي بالك العصبية مو في صالحك ؟؟
راكان : اشلون اهدي ... هذولا مجرمين ... ممكن يقتلوها لو يخطر في بالهم ؟؟
***************************************
في المصنع القديم ....
غرام .. وهي متوترة : انا ما فهمت اتوا ليه تبوني اسوي ذا لشي.
مشاري : حنا قلنالك بكل شي.
غرام : انا ما كنت مركزة ... وصراحة ما فهمت .. رجاء عيدها علي.
راشد يتقدم منها : حنا دفعنا نصف مليون دينار ... لقاتل علشان يقتل اخوك ... بس اللي خرب القصة ان الضابط مات واخوك ما مات ..
غرام والدموع في عينها: يعني انتوا بغيتوا تقتلوا اخوي ... ليه ؟؟
مشاري وهو ماسك شنطة الفلوس : نبي نعطيك ضربة علشان تحذري من الثانية ... الحين الكلام ما ينقع اخوك رجع ... اما اذا رفضتي عرضنا عليك ... بتسمعي نعي اخوك بكرة.
غرام : والعرض اني اطلق من راكان ..؟؟؟
راشد يبتسم : ايه ... اصلا مثل ما تشوفي مافيه شي... باقيله يوم يومين ويودع الدنيا عساه ما ييرجع لها .
غرام صرخت عليه : لك ولا لراكان .
مشاري : واذا مات .. ما راح تستفيدي شي من الورثة .. حنا دخلنا وياهم في مشروع باسمهم .. هذا المشروع بيكون استيراد خشب من الصين ... والخشب بيكون مليان بالهروين ... وبكذا ضغطة زر على الشرطة... وكل شركاتهم ... تطيح ... وبكذا بتكوني فقيرة ... ما استفدتي شي لا في حياته ولا في موته .. اما اذا تطلقتي من راكان... هذي الشنطة فيها 100,000 دينار ... دينار يرمي دينار.. لك حلال عليك .
غرام ابتسمت وضحكت ضحكة قوية ...
هذي الضحكة استفزت مشاري : ليه تضحكي ..؟؟
غرام بابتسامة استفزاز : لاني كسبت ... وانتوا خسرتوا ...
راشد : تكلمي عدل ... وش قصدك ..؟؟
غرام ناظرت وراهم ... : كذا تمام يا غانم ..!!
(( غرام سمعت كل شي في المستشفى ... قررت انها تخدعهم وتخليهم يعترفوا بس مو لها لا.... للشرطة وهم ما يدروا ... كلامهم كله تسجل واعترافاتهم بانهم حاولوا يغتالوا مفتش شرطة ... و التهديد اللي سووه لها .. كل شيء تسجل )))
غانم وعناصر من الشرطة كانوا محاوطين المكان بالكامل ...