يا راكان ترى مالي مكان في هالدنيا بدونك - الفصل 10 - بقلم johnarr cool - مكتملة | روايتك

البارت العاشر ( شربي حبيبي.... شوي شوي ) ......... راكان وهو جالس على الكرسي..... ام مساعد ورؤى وهويدا جالسين جنب غرام .... منى ومؤيد واقفين ... وياهم ابو مساعد .... ام مساعد تمسك ايدها : ما تشوفين شر حبيبتي. غرام لفت عليها : الشر ما يجيك يا خالتي . مؤيد حس انه لازم يقول شيء..... بس رؤى سبقته : خوفتينا عليك ... يوم شفتك وقعتي قلبي. غرام : اسفة , انا اتعب من اقل شيء... عندي القلب من وانا صغيرة. مؤيد : الله يحفظك يا .... راكان ابتسم لاخوه : غرام . مؤيد هههههههه : الله يحفظك يا غرام , ما تشوفين شر . غرام : الشر ما يجيك يا مؤيد. غرام ناظرت راكان اللي كان منزل راسه , مسكت يده ... بصوت خافت : صرت احسن لا تخاف. يطلع ابو مساعد من الغرفة بكل هدووء .. راكان شاف ابوه : تتحسني شوي وبنروح البيت. ام مساعد : وين تروح يا راكان؟؟ مافي اليوم بتتغدوا عندنا .؟؟ راكان : يمى ما يخالف , علشان غرام تاخذ الدواء , وترتاح لاننا بنسافر وما ابيها تتعب . ام مساعد : ما يخالف يمى هذا اليوم خليه لي... شهر كامل ما شفتك ... والله مشتاقة حق القعده وياك. راكان ..: علشانك يمى , مافي احد يفوت غداك. ام مساعد فرحت من قلبها : خلاص يمى انا بروح ازهب الغدا .... ارتاحي يا غرام ... واذا احتجتي لشيء انا هنا.. غرام : شكرا خالتي ... ان شاء الله ما اتعبك وياي . ابتسمت لها ام مساعد و طلعت على المطبخ .... منى كانت عيونها على الارض من سمعت ذاك الخبر ..... تفكيرها صار بعيد ... مو عارفة وش تسوي ..... رؤى وهي تكلم غرام : انا رؤى ...... اعتبريني اختك الكبيرة .. وهذي اللي جنبي هي هويدا ( راكان قال : هويدا اخت محمد ) تكمل رؤى : ايه مثل ما قال راكان .... وهذاك مؤيد زوجها ( مؤيد يأشر من بعيد... ) ... واللي واقفة هناك هذي منى ........ زوجة ريان . غرام ابتسمت ........ : تشرفت فيكم .. هويدا ومؤيد استأذنوا يروحوا يبدلوا ملابسهم......... رؤى .... لاحظت منى وعرفت ان فيها شيء... ... وما مرت دقيقتين الا و منى طلعت من الغرفة .... لحقتها رؤى ... راكان ناظر على غرام . .. : قومي غرام تروحي على غرفتي ... غرام : طيب .... راكان : ارفعك.. غرام وهي تقوم من السرير : وي لا, فشيلة. راكان وهو يضحك : صرت فشيلة اذا رفعتك.. ****************************** الدكتورة ام كرشة : والله بنتكم معجزة معجزة.... بلعت اكثر من 7 حبوب وللان عايشة ... ضيا ( زوجة مشاري ) : عاآآآـآآد قولي ما شاء الله . ام كرشة ... رفعت حاجبها ... وتعالو شوفوا ضيا كيف انحاشت روحها من الخوف... الموجودين كانوا ... مشاري ... وزوجته ضيا ... وابنه صويلح .. و ام مشاري ...وابو مشاري ... وراشد ... ام كرشة : سوينا غسيل معدة , والحين هي تحت الملاحظة , جسمها ابد مو متقبل العلاج ونخاف ان يكون في تطورات اكثر , وبعد ما تقوم بالسلامة راح يجي المحقق .. راشد ..: لــــيه... ابو مشاري بصوت متوتر : هذي اجراءات يا راشد .. راشد : يعني وش يحقق فيه ... الدكتورة ..: يعني يجيب وياه دكتور نفسي .. ويعرفوا سبب الاقبال على الانتحار وش يكون.. مشاري اشر لراشد .. وراحوا بعيد عنهم ... مشاري : عرفت وش اسمها وين يسكنوا اهلها ...؟؟ راشد ...: وش اسمها ؟؟ بس الاسم وانا اوريك فيها ؟؟ مشاري : يقولون اسمها غرام ... هي ساكنه ويا اخوها على شارع 43 ... راشد يضحك : شارع 43 , حي الفقراء هذاك ... حظ غبي... مشاري : انا من زمان ابي اعطيهم رميه قوية تحرقهم فوق تحت , والحين في ملعبي كورتين ... واوعدك كلهم راح يدخلوا في الشبكة ............. راشد : ما نبي نسوي شيء مثل ما اتفقنا مجرد ضربة ضربتين ما نبي مشاكل يا مشاري . ام مشاري كانت جالسة على الكرسي وتبكي ... وتبكي وضيا جالسة جنبها .. تخفف عليها ... ام مشاري رفعت راسها على الدكتورة : طيب ممكن نشوفها ... لو سمحتي. الدكتورة ..: ايه ممكن يا خالتي .. تدخلوا عندها وتشجعوها شوي انها تتعالج لاني اشوف ان نفسيتها مهدمة جدا . ****************************** كان ضيف ابو مساعد في هذاك اليوم , هو الشخص نفسه اللي خلى ابو مساعد يرجع على البيت ابدر من المعتاد . الدكتور فوزي اللي كان جالس في المكتب ينطر ابو مساعد ... وكان وياه ريان , دخل ابو مساعد وسلموا على بعض .. جلس ابو مساعد في مكتبه وكان امامه ريان والدكتور فوزي .. بدون أي مقدمات اخذها ابو مساعد : الكلام اللي قلته لي بالجوال أنت متأكد منه يا دكتور ؟ دكتور فوزي : انا اسف يا ابو مساعد بس هالتحليل لراكان , وكل شيء صحيح.... انا في الاول قلت ان في التحاليل لخبطة لان المستشفى كان مزدحم في ذاك اليوم بالتحاليل ...بس يوم راجعنا كل التحاليل مرة ثانية شفنا ان مافي أي لخبطة. ريان : مثل ما أنت قلت يا دكتور , في احتماال بان تكون التحاليل هذي مو له... ابو مساعد : انا بدخل في هالموضوع وراح اجيب راكان ياخذ فحص جديد , وابيك تركز على حالته هذي , انا على علمي انه ما يعاني من أي شيء... في اخر فترة. الدكتور : انا ماني قادر اشخص حالة راكان بدقة...لانها تحاليل كاملة مافينا نشخص حالته من غير رضا المريض.. ريان : يعني مافي تاكيد على وجود المرض الا الآن. الدكتور : ايه .. و اغلب الظن انه يكون ورم سرطاني ... ووليد ..يعني في بداية تكونه واذا تأكدنا من ذا المرض لازم اننا نستعجل في علاجه ...وعن راكان راح تجي عليه مرحلة وراح يعاني من الالم ... واذا تاخرنا في استئصال هالورم .. لا قدر الله يتحول لخبيث... بس ابو مساعد رفع عينه على كلمة (بس ) : بس وشو ؟ الدكتور : الورم هذا في كليته اليسار , وهذا يعني اننا راح نستأصل الكلية بالكامل ... وبيكون بكلية واحدة.. ريان : بس في اكثر من شخص يعيشون بكلية وحده. الدكتور يأشر براسه : اكيد ان في اكثر الحالات اللي تمر فينا مثل حالة راكان .. يقدروا يعيشوا بكلية واحدة ... اذا كانت الكلية الثانية غير مصابة او تكون باحسن حالاتها .... ونحن لا نستعجل بشيء ... نمشي في الامور ... خطوة بخطوة ... يدخل الخادم بالقهوة ....... وسكتوا كلهم .... ابو مساعد : هو حجز على فرنسا بعد ايام من الحين .. يا دكتور أنت تشوف ان سفره ما فيه أي مشاكل ؟ الدكتور يشرب القهوة : لا , على العكس سفره الآن ... مفيد مو مضر .. اهم شيء في العمليات اللي نقوم فيها... ان نفسية المريض تكون عالية ... وبسفره ويا المدام .. راح يعطيه سعادة اكثر... بس ابيه ياخذ الفحص قبل لا يسافر.. وما ابيه يشعر باي حاجة الا ان نهيئ كل شيء ... ونكون جاهزين . ابو مساعد : ايه اكيد يا دكتور ..( ناظر على ريان ) اكيد وانا نبهت ان ما في احد يقوله بشيء... حتى زوجته ارج وان يكون الموضوع هذا بيننا ..لان زوجته عندها القلب وما اظن موضوع مثل هذا راح يريح احد. الدكتور : انا اقول يا ابو مساعد , علشان راكان لا يشك بشيء.. انا باتصل عليه واقوله ان التحاليل حصلت فيها لخبطة وانصحه ان يجي ياخذ فحص مرة ثانية.... لان لو أنت كلمته راح يشك من وين عرفت وليه .... وووو ابو مساعد : ايه هذا احسن **************************************** منى وقفت عند باب الغرفة وهي تبكي .... رؤى جت عليها وهي تقول : وي يا ربي .. وين شافها راكانوو ... ما شاء الله عليها خقق عاد نحن قدامها ولا شيء ... مالت علينا . رؤى شافت دموعها ... تفاجات فيها : وش فيك ؟؟ منى : هي عندها القلب .. رؤى : ايه على ما اظن ... منى : بس صغيرة على القلب .. رؤى تمسح دموع منى : هذا امر الله .. وعلى فكرة هذا خير ماهو بشر .. منى : اشلون ؟؟ رؤى : فيكي تشوفي كيف راكان مهتم فيها .. وشالها وسألها عن دواها.. مرضها يحسسها بحب راكان .. لها.. صح ولا لا ؟؟ منى زادت بكى ... رؤى : وش فيك ؟؟ منى : لما طاحت علينا راكان طلب مني اجيب جلاس موية , رحت اجيبه وانا طالعة شفت عمي يكلم ريان وكانوا يقولون كلام ... فهمت منه ان راكان عنده سرطان . رؤى رفعت ايدها : هاااااااااااااااااااااااا ااااا.... لا مو سجك... راكان . منى تبكي : والله ... هي عندها القلب وراكان ... ( اهئ اهئ ) رؤى حضنتها : تعالي وياي على غرفتي ... لازم افهم كل شيء.. ***************************** محمد وهو يدخل : يا الله .. وش غداكم اليوم .. عاد الخدامه الجديدة ما شاء الله عليها تطبخ اشياء خياااال . جلس في الطاولة... اللي جالس فيها ابو محمد وريما اخت محمد الصغيرة... ( تروا ام محمد متوفيه من زمان ...) .. وراح يملى صحنه ... ابو محمد : وين كنت ؟؟ محمد : رحت علشان السيارة ودي ابيعها يبى ... يعني خلصنا جامعة .. وابي اغيرها. ابو محمد : ليه وش فيها سيارتك ؟؟ محمد : والله يبى عجبتني سيارة .. راكان... فيراري .. فقلت بشتري مثلها. ابو محمد : سمعت انه اتزوج ... هالكلام صح ؟؟ محمد : ككح كح كح كح كح ( جت الجملة في غير محلها ) عطته ريما جلاس المويه . وجهه صاير احمر راح يرد : ايه يبى ... ايه تزوج... أنت عرفت شيء جديد عنهم .. ابو محمد : لا ما في شيء. محمد : يبى راكان وده يروح على باريس ... ويا زوجته .. وترجاني اجي وياه ... وانا اقوله حرام ابوي واختي لحالهم .. وهو يترجى ويترجى ... في النهاية قلت له بفكر.... وش رايك يبى.. ابو محمد : لا محمد : يلا يبى عاد... ابنك يبي يرتاح من الدراسة ... ترى الطب مو سهل ... الطبيب يبي استجمام... ريما : ايه يبى انا بروح ويا محمد.. محمد عصب : على وين حبيبتي ... خليك هني ... ابو محمد : تبي تروحي يا ريما . ريما وهي تبتسم : ايه يبى ... ابي اروح باريس... مثل الاجازة اللي طافت .. ابو محمد لف على محمد : طيب يا محمد باحجز لك وتاخذ ريما وياك. محمد عكس وجهه ...... وهو يقول هالعلة بتروح وياي..اوووف ريما لفت على ابوها : يبى خلينا نروح عند بيت عمي اليوم .. ابي اشوف العروس الجديده ابو محمد : ما اظن انها في البيت عندهم .... اتصل يا محمد شوف راكان وين نروح نزورهم . محمد لف على ريما :.. ان شاء الله يبى ... وبعدين مو لازم تشوفيها ... هي ما تحب اللصقة الامريكي. ريما : انا ماني لصقة امريكي. محمد : هي احلى منك بكثير.... ابو محمد رفع حاجبه الكبيرررر : وانت وين شفتها ؟؟ محمد بفخر ... ورفع القميص : اصلا يبا انا اللي خطبتها له... لولاي ما تزوجها. ابو محمد : يعني أنت ساس البلاء... والله عمك لو درى ... بيخلي راسك في قارة وجسمك في ثانية.. محمد بلع ريقه ... وكمل اكله .... .................................................. ..................................... غرام كانت تفكر .............. وتفكر .... وراكان ... كان واقف عند كتبه يشوفها ... له شهر ما دخل هالغرفة ... ... تشجعت غرام على السؤال اللي تبي تساله لراكان : راكان .....! راكان لف عليها ..... غرام تكمل : عندي سؤال ... ودي انك تجاوبه لان موقف اليوم مو راح يعدي على خير .... راكان مشى عندها وجلس على الكرسي ...: اوكي اسالي . غرام : ليه اخوك هاجمني كذا .... انا ماسويت شيء... ليه عصب يوم قلت له اني زوجتك . راكان ناظر على الارض.... : انتي الحين تعبانة خلي هالموضوع بعد ما تصيرين بخير ... غرام عدلت نفسها في السرير ...: لا تضيع الموضوع ... انا صرت بخير ... جاوب على سؤالي. راكان يبي يعصبها : لا ... ما صرتي بخير ..لما تنتظم دقات قلبك ... بقولك كل شيء... اجلي سؤاللك. غرام : راكان , انا دكتورة .... واعرف اذا دقات قلبي منتظمة ولا لا.... جاوب عى سؤالي. راكان .... سكت ...... بعدين لف عليها ..: الوالد كان يبي يزوجني لوحدة ... ابوها عنده علاقة شغل ويانا .. فابوي خطبني ليها ... وانا رفضت علشان كذا اخواني معصبين علي. غرام : ما شاء الله .. وليه رفضت . راكان ... باسلوب استهزاء : علشان حضرتك يا هانم . غرام : اه ... صح .... , وش اسم البنت ... راكان : مين ؟ غرام : اللي كنت خاطبها .. راكان .. : هاا اسمها روان . غرام ..: يعني علشان أنت رفضتها. راكان : ايه .. غرام ... ههههههههههه ... دق دق دق ..... راكان يقوم ..... كرااااك ... مؤيد كان على الباب ... راكان ابتسم : مؤيد ..!! مؤيد : راكان تعال بكلمك ... علشان ( يخفض صوته ) غرام لا تسمع . راكان قفل الباب ... غرام استغربت ليه قفل الباب ... قامت من السرير ... وقفت عند الباب .. تسمع ... راكان : تكلم وش فيه ... !!! مؤيد : هناء ... صديقة روان .. تذكرها ..؟؟ راكان ... فكر..: ايه اذكرها وش فيها .. مؤيد ...: هي تصير اخت رفيجة هويدا ... اتصلت على هويدا وقالت ان روان في المستشفى ... حاولت تنتحر .. واخذوها على المستشفى .. راكان ناظر على الارض .... : لا اله الا الله ... وش صار فيها الحين .. ؟؟؟ مؤيد : ما ادري والله .... ادري انه الموضوع ما يهمك في شيء ... بس مهما يكون هـ.. راكان : ايه ادري يا مؤيد ... انا بحاول اروح اشوفها .. هذي البنت مثل اختي .... غرام عكست وجهها من ورا الباب .... ( بتروح لها يا راكان بنشوف ...!! ) راكان ... : شكرا مؤيد .. مشكوور . وفتح الباب ... كانت غرام واقفة عند السرير .. : وش فيك قمتي ... غرام ... : بجلس ويا الحريم ... مليت هني. راكان .. : مليتي مني ... والله انك ما تقدري النعمة . غرام وهي تفتح الباب ... : ههه , لا تبالغ .. تعال وديني لهم ما اعرف الطريق ... راكان : طيب ... مشى راكان يدلها على جناح رؤى ومساعد ... دق الباب كان موجود في الجناح منى ورؤى .... رؤى سمعت الدق : هلا ... تفضل .. راكان : يا رؤى انا راكان ... رفعت منى الطرحة على راسها ... رؤى : ادخل يا راكان راكان ... دخل عليهم بس واقف عند الباب : كيف الحال ..؟ منى : الحمدلله تمام ... رؤى : تبي الصراحة المكان بدونك ... ولا شيء... والله افتقدناك ... توه ما نور البيت راكان : مشكووورة رؤى . منى وهي متفاجئة : هي انتي خفي عاد وش افتقدناك هذي . رؤى : أنت خليكي ساكته ما تعرفي شيء... انا يوم دخلت هالبيت ..راكان كان صغير توه مراهق .. كنا نلعب بلايستيشن سوا .... راكان ابتسم ..: ايه , انتوا في حسبة اخواتي ... الله يعافيك . منى : اشلون غرام , ان شاء الله صارت احسن. راكان : ايه الحمد لله ... قالتلي ادلها عليكم تبي تجلس وياكم . رؤى قامت عليه : الله يهديك خليتها تجي , كنا جينا عندها احسن .... علشان لا تتعب .... رؤى اخذت غرام من ايدها ودخلتها .... راكان ناظر على غرام : غرام انا بروح اخذ شور , وابدل ملابسي .... غرام : اوكي... ************************************************** مساعد يوقف سيارته في الجراج.... يجي عليه ... البستاني العجوز احمد : السلام عليكم يا مساعد . مساعد نزل النظارة : هلا والله يا عمي. البستاني : انتوا اعمامنا يا ولدي ... اشلونك ان شاء الله مرتاح يا عمي ؟؟ مساعد ابتسم له : الحمدلله يا عم احمد ( مساعد شاف السيارة الفيراري ) ... مو كأنها سيارة راكان ... البستاني وهو فرحان : ايه يا عمي , العم راكان رجع ... ومعاه وحده اظنها زوجته ... والله فرحت فيهم كان ودي اسلم عليه بس دخل بسرعة .... فقلت بسلم عليه لما اكمل شغل .. مساعد وهو فرحان : والوالد داخل ولا باقي ما رجع . البستاني : الا يا عمي هو موجود . مساعد في نفسه ( راكان وابوي , لا مو مقعوله , ما اظن حصلت هواشة كانت رؤى اتصلت علي ) ناظر على البستاني : يا عم احمد , اليوم يوم الرواتب , ولك مني ضعف راتبك علشان هالبشارة . البستاني العجوز فرح من قلبه ...: الله يبارك فيك يا عمي .. ويخليلك بنات ويجيك البنين الصالح يا عمي مشى مساعد على البيت ركض .... ************************************************** مساعد وهو يدخل البيت ... شاف امه وهي تمشي في الصالة : يمى ...يمى .. وقفت ام مساعد لولدها ... ودخل في سؤاله على طول : يمى صدق راكان هنا.. ام مساعد وابتسامتها الحلوة : ايه يا مساعد ... راكان جى هو وزوجته ... وبيتغدون ويانا .... والله اليوم كانه عيد على قلبي يا مساعد. مساعد مسك راسها وسلمه : عسا دوم قلبك فرحان يا الغالية...(ناظر على الطابق فوق ) راكان فوق .. ؟؟ ام مساعد : ايه فوق .. مساعد : بروح اسلم عليه ... رخصت يمى.. ************************************************** ** غرام كانت جالسة ... << ما وصفت لكم وش لابسين ... ( غرام كانت لابسة تنورة اسود ... وفيها تشكيل بالابيض... و قميص ابيض..طبعا قميص بناتي مو شباب ..... في القميص وردة سوداء.... وحجابها اسود ....... رؤى كانت لابسة دراعة ....... دراعة بالازرق والذهبي ... ومنى كانت لابسة بلوزة حمرا بالابيض واسعة وطويلة حتى الركبة .... وتحتها بنطلون ابيض .....) ... غرام : ايه عندي اخوي .. أمي وابوي توفوا ...وانا صغيرة .... رؤى : الله يرحمهم ويغمد روحهم الجنة ان شاء الله. منى وغرام ..: امين . منى : في أي سنة في الجامعة الحين يا غرام ..؟؟ غرام ..: اااا .. ايه في اولى جامعة . منى : ما شاء الله توك صغيرة يعني..؟؟ رؤى : اقول غرام .... امك كانت اجنبية .... غرام تضحك ..: لا ..ههههههههه رؤى : ولا حتى ابوك ولا واحد من اجدادك . غرام انحرجت : لا والله ..هههههههه منى: ههههههههههههههههههه رؤى : وش فيكم تضحكون , صراحة انا عمري ما شفت ... وحده بجمالك هني في الديرة... ما شاء الله عليك ...عيني عليك باااردة... تريني قلت ما شاء الله . غرام خدودها حمرت : اآآآآآآآآآآآ.. ( ما عرفت وش تقول) منى وهي تناظر خدود غرام : وي يا رؤى احرجتيها... رؤى ضحكت على خدود غرام اللي حمرت .... كرااااااااك انفتح الباب .... كلهم تفاجأوا ان مساعد جاهم داخل..... منى رفعت الطرحه على راسها .... مساعد تفاجا من الحريم اللي في داره وطلع بسرعة ... ونادى : يا رؤى . رؤى : عن اذنكم ... طلعت رؤى لزوجها ... مساعد بابتسامه : سلام رؤى : وعليكم السلام , وينك اليوم لك مفاجاه كبيرة ... ما تتوقعها. مساعد ضحك عليها : لا اتوقعها ... قالولي عليها هههههههه. رؤى : اوووف لحق الخبر ينتشر .... مساعد : راكان هني هو وزوجته ... رؤى من غير نفس : صح... زوجة راكان عندنا في الجناح داخل.. مساعد : ما شاء الله ... بس ما اشوف راكان في غرفته . رؤى : وعوو , مالت عليها روان , كنتوا بتزوجوه للنجم وتخلوا القمر , والله راكان زين ما اختار ما شاء الله عليها هادئة ورزينة وي على الجمال..... الله يهدي اخوك ريان سوى فيها شيء ما يتسوي .. مساعد عكس وجهه : لا يكون شد على راكان ...؟؟ رؤى : وي وي , على اخوك .... وعووو خلي السالفة هذي بعدين بحكيلك ... , أنت احسن منه بكثير يا ابو البنات ... مساعد ضحك على اخر جملة ...: طيب استاذيني... باسلم عليها. رؤى .: طيب انتظر ... فتحت الباب ونبهت عليهم ان مساعد بيدخل يسلم .... ودخل مساعد : السلام عليكم .. غرام ومنى قاموا : وعليكم السلام ورحمة الله وبركاته . مساعد ما سلم على اليد , ما يجوز ...: ما شاء الله توه نور البيت . غرام : منور بوجود اهله ... رؤى : هذا مساعد , اخو راكان الكبير ... وهذي غرام زوجة راكان ... مساعد : تشرفت .. وانا حسبة اخوك الكبير ... وش ماتبي قوليلي... وراكنوو هذا اذا ضايقك قوليلي وانا بامسح الارض فيه هههههههه. غرام : ههه ... الشرف لي يا اخ مساعد .. مساعد : الله يسلمك ... ابسالك راكان وين قاعد ... غرام ..: راكان في الغرفة ياخذ شور. مساعد يسالها : رحت على غرفتك انتي وراكان , وما لقيته فيها . غرام .. فكرت وفكرت ( معقولة يكون راح على ذيك البنت وانا مثل الهبلة صدقته ) .. قامت من المكان : انا بروح على الغرفة .. اشوف راكان .. يمكن طلع ونحن مو دارين بشيء...ونخليكم ترتاحون .. عن اذنكم.. منى ..: انا كمان بطلع على جناحي ... مع السلامة ... منى وهم في الممر... لفت على غرام : غرام ادلك على الطريق... غرا ابتسمت لها : لا حبيبتي .. مو مشكلة .. حفظت المكان شوي.. ومشيت ببطئ تتذكر الغرفة من بابها ... ومع كل خطوة تطلع فكرة .... مع راكان ( راح عليها ولا مو راح , كذب في الشور ولا لا, طلع من البيت ولا للحين موجود ) مشيت شوي شوي ,,, وعند الباب الاخير تذكرت غرفتها ... وقبل لا تسوي شيء.... انفتح الباب كرااااااااك ... كان راكان طالع من الغرفة وتفاجا في غرام اللي واقفة ...: غرام وش اللي موقفك دخلي حبيبي ... غرام وهي تتامل : على فكرة قميصك سو كيوت .. ( كان لابس قميص ابيض و تيشيرت من داخل ..اسود ... وبنطلون ابيض ) تكمل غرام : شوف شعرك ... خربت شعرك بالقصة اللي سويتها ... راكان : لا اله الا الله , الحين شعري هذا طال من ذيك الفترة ... رجع مثل اول... غرام مسكت ذقنه : وليه ذقنك مو حالقها عدل.. راكان ..: محسساني واقف ويا ضابط مباحث مو زوجتي..ادخلي ..ادخلي.. ( ونزل الكل على الغدا ... هويدا ومؤيد.... ومساعد ورؤى ( وبناتهم سميرة وسمر) ... منى وريان طلع من مكتبه ( وليال بنتهم ) .. وام مساعد وابو مساعد ... و اهم الشخصيات .. راكان وغرام .. وهم نازلين من الدرج رن جوال راكان ..... بنغمة الدعاء ...... : الوو ...( اشر لغارم انها تروح تجلس وطلع هو فوق ) راكان : هلا والله محمد ... ايه انا في البيت .. لا يا شيخ والله انا ماني ضامن وش بيحصل ... اخاف تجوا وتلاقوني انطردت ههههههههههههه ..... والله انا نفسي مو مصدق... بحكيلك كل شيء يوم اشوفك ... بقولك على سالفة جديدة .. طيب ... مع السلامة. وهو نازل... لقى غرام واقفة مثل ما هي ..: حبيبي وش فيك ما نزلتي؟؟ غرام ..: صراحة ما بنزل بروحي.... راكان استغرب من كلامها : ليه ؟؟ غرام : لا عاااادي !! راكان .. رفع راسها بايده : خايفة من ريان ..؟؟ غرام انحرجت وش تقول : لالالالالالا ..!! راكان غير السالفة : طيب... خلينا ننزل .. ( في الطاولة .. كان الترتيب كما يلي ): في المقدمة ابو مساعد طبعا .... بعد كذا ... ام مساعد في اليمين مقابلة لمساعد في اليسار... منى في اليمين مقابلة لرؤى في اليسار... ريان في اليمين مقابلة لغرام في اليسار ( تعالوا شوفوا غرام كيف خايفة) مؤيد في اليمين وجنبه هويدا... البنات عندهم طاولة غدا صغيرة يا كلون فيها ... قبل لا يبدا الاكل راكان لف على بنات اخوه ... : سمر .. سميرة .. ليال البنات جريوا على عمهم .... يسلموا وحده ورا الثانية ...مسكهم راكان .. : تعالوا حبيبات عمري ... شوفوا هذي غرام .هذي زوجت عمو.... يعني زوجتي.. اكبر وحده فيهم سميرة : عروستك. غرام : ههههه يا حبيبتي .. راكان :ههههههههه ايه عروستي , ابيكم تسلموا عليها وحده ورا الثانية . سميرة سلمت على غرام ... بعدها سمر ... ويوم جى الدور على ليال ... ليال رفضت تسلم ( ليال اكثر وحدة تحب راكان على خلاف ابوها اللي كان يكره راكان ( ريان ), راكان دايم يشتريلهم حلاوة , والعاب في بعض الاحيان.. فصاروا متعلقين فيه ... واكثر وحده اهي ليال ... لانها تشوف ان راكان صاحبها و رفيجها.. يجيبلها الالعاب والحلاوة ... والحين هذي البنت بتصير بنت راكان وبينسانا ( قصدها على غرام )..... عمرها اربع سنوات ... رفضت وما سلمت على غرام ) راكان عصب : ليال .. تعالي.. غرام مسكت ايده : خليها حبيبي ... شكلها زعلانه مني. ريان بصوت خافت : بنتي ما تسلم على الغرباء .... راكان لف عليه ..وناظره باحتقار ...: ايه اكبر دليل انها حتى ابوها ما تجلس وياه. طبعا الحديث هذا بين راكان وريان وغرام .. باقي العائلة .. كل واحد يتكلم ويا زوجته .. غرام تبي تقوم من الطاولة ... ام مساعد : على وين غرام ..؟؟ راكان مسك ايدها ... : اجلسي حبيبي ... جلست وهدئت غرام .. بس نظرات الحقد اللي كانت في عيون ريان ويناظر فيها ما هدئت .. ابو مساعد ناظر على غرام ... وبدأ معاها الحوار : يا بنتي ..! غرام لفت عليه : هلا عمي...أامر. ابو مساعد : ما يامر عليك عدو ... انتي في الثانوية ؟؟ غرام : لا عمي انا في اولى جامعة ..!! ابو مساعد : ما شاء الله , والله شكلك يبين انك صغيرة ... ام مساعد : حبيبتي في أي تخصص في الجامعة .. غرام ..: طب يا خالتي . ام مساعد : ما ابيك تقوليلي خالتي , قولي يمى مثل خيتك منى هالمزيونة , لا تصيري مثل بعض الناس . ( كانت تقصد , رؤى ) رؤى ولا همها .. كملت غداها .. غرام : حاضر يمى. مرت فترة سكوت .......................... قطعها ابو مساعد وهو يسال ... سؤال هز راكان وغرام : دام ان ما في أي اخبار اليوم والكل ساكت .. احكوا لنا وين تلاقيتوا ..؟؟؟ وش القصة اللي جمعتكم ؟؟ راكان .. كح كح كح كح كح كح كح كح .. جى السؤال مثل الشوكة في حلقه .. غرام اخذت لراكان جلاس مويه ام مساعد : اشرب يا راكان . بعد ما شرب , انتبه ان الكل ينتظروا الاجابة راكان ... : آآآآه ... يبى غرام ومحمد في نفس الجامعة ... ويوم كنت بوصل محمد شفت غرام هنيك .. ابو مساعد ناظر بنظرة ثقة : اه , يعني محمد يستاهلهدية كبيرة على هالصدفة ... رنن جوال راكان ..... راكان رفع البي بي : وعليكم السلام . الدكتور فوزي : انا دكتور فوزي يا راكان . راكان : اه , اهلا يا دكتور.... ابو مساعد رفع عينه .... على ريان .... الدكتور : انا اسف يا راكان ... بس التحاليل حصلت فيها لخبطة واضطر مدير المستشفى إلى اعادة التحاليل مرة ثانية .. راكان : اه , يعني حصلت مشكلة , اقولك يا دكتور انا هونت , ما ابي التحاليل ... انا مسافر بعد ثلاث ايام وما في وقت اعيدها الدكتور وهو يوقف سيارته : لا يا راكان ما ينفع , مدير المستشفى موصي على الكل يعيد التحاليل , لانكم دفعتوا حق الفحص , بدون ان كلمة ثانية اشوفك بكرة عندي في العيادة. راكان : دام انك مصر يا دكتور, ان شاء الله بجي .... مشكور يا دكتور ... مع السلامة . قفل الخط و كمل غداه ... ابو مساعد : هذا الدكتور فوزي؟؟ راكان .. : ايه يبى .... ابو مساعد يبيي يحط راكان في الامر الواقع : وش كان يبي منك ؟؟ راكان سكت لحظة ...: اخذت عنده ... قبل ...ا....قبل شهر ...تحاليل .. وحصلت مشاكل وطلب .... طلب مني اعيدها . ام مساعد فزت على ذكر التحاليل : تحاليل وشو يا راكان؟ أنت فيك شيء يمى ؟؟ راكان : لالا , يمى لا تخافي مجرد تحاليل , عاديه يمى ... ( راكان حب يغير الموضوع, لف على غرام .. ) .. احط لك سلطة ؟؟؟ غرام : ايه ... ام مساعد : حط لها من المكرونة و الدجاج يا يمى ... ما اشوفها تاكل شيء ... غرام : مشكورة خالتي , والله اكل... راكان يملى صحنها : لا يمى بس علشان غرام نباتية ... ام مساعد ...: افاا , ليه نباتية ؟؟ غرام بابتسامة : يمى علشان عندي القلب ... وانا نباتية من وانا صغيرة وهذا احسن لي.. ام مساعد ...: الله يعافيك يا بنتي. ابو مساعد : وين جالسين الحين ؟؟ يا غرام ؟؟ غرام ..: في شقة.. يا عمي .. ابو مساعد : اجل عندكم ساعة بس , تروحوا تزهبوا اغراضكم .... وتجوا هني... ريان لما سمع اخر جملة ...رمى الملعقة ... وطلع منها صوت قوي .... عصب بس مسك نفسه .. مساعد دخل علشان يمسك الموضوع : ايه والله يبى, قول تم يا راكان ... راكان كانت صدمه عليه .... وش اللي مغير حال ابوه ... راكان وهو منصدم ..: وش قلت يبى ...؟؟ ابو مساعد : جناحك موجود , والبيت ما شاء الله عليه كبير وواسع ... وبدال ما تقعدون في هذيك الشقة ... بيكون هني افضل .... وكمان جاني خبر ان رصيدك منتهي في البنك .. ام مساعد لفت على ابو مساعد ...وبصوت خافت : من جدك يا صقر...؟؟ ابو مساعد هز راسه برضا.... سميرة تبي تطير من الفرح ...: خلاص يا راكان .. مثل ما قال ابوك تروحوا تجيبوا اغراضكم. راكان بتوتر : ايه يمى بس ... ..... ( سكت لحظات ومساعد ناظر عليه بانه يوافق ) ان شاء الله ... اليوم ان شاء الله ... بروح باجيب كل شيء... قام راكان من مكانه وسلم على راس ابوه وامه .. ************************************************** *** راشد اللي كان جالس في غرفة الدكتور المشرف على حالة روان .... كان ينتظر الدكتور........ دخل الدكتور صح انه تفاجا من الرجل اللي جالس في المكتب بس هو متعود على مثل هالمفاجات .... لانه يجي عنده كثير من المراجعين ..... راشد بعد المقدمات التقليدية ..: انا اخو المريضة روان صالح ... .. انا صراحة اشوف انها طولت في المستشفى يا دكتور .... متى بتطلع من هني.. الدكتور : اختك حاولت تتناول ادوية بطريقة غير موصوفة ... يعني اقبلت على الانتحار ... نبي نتاكد من ان نفسيتها هديت وان صحتها استقرت .... يا استاذ راشد لا تاخذ هذا الموضوع بهالبساطة... نفسية الشخص اهم شيء علشان يكون انسان طبيعي ... وانا اسف مو كل يوم تجيني أنت او اخوك وتكلموني بنفس الموضوع .. اختك في مستشفى يا اخ مو في مكان مشبوه .... فالاحسن انكم تخلونا نشوف عملنا *********************************************** بعد يومين ((( ينزل راكان من السلم.. كان شكله طالع ..... وابو مساعد كان جالس في الصالة .... : على وين يا راكان؟؟ راكان وهو يرتب نفسه : هلا يبى... بروح على المستشفى .. على موضوع التحاليل اللي قلت لك عليه ... الدكتور فوزي. ابو مساعد ... سكت .. وبعد ما فكر : طيب بروح وياك.. هذي الجملة صدمت راكان... : بتروح وياي؟؟؟ ابو مساعد يوقف...: نعم بروح وياك ( يبتسم ) ولا تكون غيرت سيارتك .. فصارت ما تشيل ناس .. راكان ..:لا يبى لا , انا اللي اطلع وانت تدخل, بس يبى هذي اول مرة تروح وياي على الطبيب ... ابو مساعد سكت .............. دقيقة سكوت ..... راكان حس انه غلط لما قال جملته : يلا يبى ترى الجو حلو.. ************************************************** ***** ( قبل لا يسافروا الاربعة بيوم ) دق دق دق .... ام مساعد تدق على جناح راكان غرام تفتح الباب ..وبابتسامة : هلا يمى ... ام مساعد : هلا فيك حبيبتي ... ريما جات تبي تسلم عليك .. وقولي لراكان ... ينزل اعمامه منتظرين تحت . غرام ..: ان شاء الله بانزل الحين يمى ... ام مساعد .. وهي تمشي .. : يلا حبيبتي اشوفك بالعافية .. ابتسمت غرام .... لام مساعد .. وكملت ام مساعد مشوارها ... قفلت غرام الباب ... وراحت على المراية ..... تجهز روحها.... راكان ... توه طالع من الشور... مرت فترة سكووت ............................  غرام وهي تسوي شعرها ...: خالتي كانت هني, تقولك ان اعمامك تحت , وينتظروك... راكان يسوي التيشيرت : ايه ادري .. ( مسك بطنه ) آآآآه ( كان يتألم .... ) غرام رمت المشط وجريت عليه ... : وش فيك راكان ؟؟؟ راكان تماسك... ورد عليها : لا مافيني شيء.... مجرد الم عادي . غرام : لو أنت تعبان لا تنزل , وانا .... ( قاطعها راكان):لالا مو مشكلة , الحين راح الالم , اصلا انا بجلس شوي بعدين بنزل ويا محمد ... غرام رفعت حاجبها ....: على وين؟؟؟ راكان وهو يتعطر: عندنا مشوار صغير وبنرجع ....! غرام ..... وهي تمسك حجابها : بتنزل وياي , ولا انزل بروحي ... راكان ناظر عليها : لا تلبسي حجابك, اللي في البيت كلهم حريم ... كل الرجاجيل في الخيمة برة... اعمامي لما يجوا الكل بيدخل الخيمة غرام .... :طيب... وفتحت الباب وطلع راكان وياها .......... ************************************************** ****** تدخل غرام غرفة الاستقبال اللي كان فيها.... هويدا ... وريما . طبعا اخوات.... ومنى ورؤى كانوا موجودين ويا بناتهم.. غرام و هي تدخل : السلام عليكم .... ************************************************** ****** دخل راكان .... الخيمة ... كانت خيمة كبيرة وواسعة في الحديقة الخلفية للبيت .. ابو مساعد كان انسان تقليدي بالرغم من اهتمامه بالمظهر ... كان الجد الكبير ( مساعد ) يحب حياة الصحراء والصقور ... واخذ هالطبع اولاده اللي هم : صقر مساعد ... و الوليد مساعد ( هذا ابو محمد ).... وبدر مساعد ( هذا اللي زوج راكان تذكروه ) ... وعمه فهد مساعد هذا اكبرهم , واخواتهم ما شاء الله عليهم كثييييييييييييييييييييييي يييير ... ابوهم كان مزواج <هع هع هع كانوا موجودين .... 1- فهد مساعد .. واولاده الخمسة ... 2- صقر مساعد ..واولاده الاربعة.. 3- بدر مساعد .. ما عنده اولاد... 4- الوليد مساعد ... وابنه محمد... واحد فقط <خخخخ دخل راكان ... وبعد ما شرب القهوة ... وجلس ويا اعمامه قريب الساعتين ... عطى اشارة لمحمد و مؤيد ... وما مرت ثلاث دقايق الا وهم في السيارة ... كان مؤيد وراكان ..مخططين ... بس محمد ركب وياهم مثل الاطرش في الزفة... ما يعرف شيء.. محمد وهو يلعب بالبي بي :: على وين يالحبيب...؟؟ كان جالس في الخلف ومؤيد قدام وراكان يسوق... راكان يجاوب عليه ...: بنروح المستشفى.. محمد : عسى ما شر ... مين هناك .... خبري ان ماجد مسافر و... سعد امس وانا مكلمه ... راكان ناظره على منظرة السيارة : بنروح لرون هي في المستشفى .. محمد طاح من البي بي يوم سمع هالجملة ... : راكان أنت مجنون .... وش تبي فيها .. ؟؟؟ راكان .. : مهما يكون ... بيننا عشرة .! وبروح ارفع معنوياتها شوي ...!! محمد وهو يرفع البي بي: الحين لو اخونها موجودين ... وش الغباء اللي أنت فيه ..؟؟؟ راكان ..:لا تخاف ما راح يصير فيني شيء..؟؟ محمد بعصبية : وانا مالي وممالك ... ان شاء الله يذبحوك ما راح ادخل,,,, بس انا ... انا وش ذنبي.. مؤيد لف عليه : انا وانت ما راح ندخل ... بس بنراقب من السيارة اذا اخوانها جو ولا لا... الحين الساعة 10 الليل ما راح يكون وياها احد .. يوقف راكان السيارة وياخذ جواله وياه .... دخل راكان المستشفى وعلى الريسبشن .... يسألهم أي غرفة .... ************************************************** **** غرام وهي تجاوب على سؤال منى : ايه بكرة ان شاء الله , بنسافر.... منى : والله حظكم ... ودي اروح باريس... رؤى وهي تضحك عليها : مع ريانوو ... ما اظن .. ههههه زوجك ما يحب الا هالديرة ... عمره ما سافر ... وي انا لو ما سافرت .. راح تجيني حالة كذا غريبة .... ههههههههه الكل ضحك عليها........... يرن جوال غرام .... غرام ناظرت على الرقم ........ : عن اذنكم لحظة . قامت من عندهم ... وبصوت خافت: الوو , وحشتيني يا غلاتي ... ريم ( صديقة غرام في الجامعة ) : وانتي اكثر حبيبتي .. وينك واحشاااااااني مووووت.... غرام : والله انتيعلى بالي دوم حبيبتي... الله يخليك .. يا قلبي ريم : عااـآآآد لو راكان نساك مين نحن .. انا اذكرك ... غرام : هههههههههه... الله يسامحك ... والله مو ناسياك ابد ريم :: ههههه ,... لا امزح وياك بس ... اسمعي انا والبنات .. مجتمعين هني في بيتي .. واتفقنا اننا دام الجامعة خلصت .. مسوين لك حفلة بمناسبة زواجك يالغلا... متى ما تحددين الموعد نحن بنجهز... غرام : آمبي ... حبيبتي انا مسافرة بكرة .. ريم سكتت..... غرام : الوو, ريم ... لا تزعلي ...اسفة ريم بكل برود : على وشو..... حبيبتي عادي لما تردين بالسلامة ان شاء الله .. بنسويها ... حبيبتي انتي..! ************************************************** *** وجه شاحب... من كثر التفكير جسم هالك من كثر ما اخذ من ادوية في هالاسبوع وقلب ...... قلب مات ... انتهى كل شيء بالنسة لها كانت راقده على السرير ........ والغرفة ظلام ماعدا هذاك الضوء الخافت ... اللي مضوي جزء من الغرفة... رافعة شعرها الحريري.... ولابسة ملابس المستشفى ... وصاحية وماهي صاحية... عقلها يفكر .... بصوت هادئ... يخرج من شفاهه الباردة : هذي مو نهاية الدنيا ؟؟ روان ما تحركت ولا اهتزت ... ظلت مثل ما هي ... ما تحركت حركة واحده... يكمل : تنتحري ..... الانتحار مو الحل لكل شيء...؟؟ ويتم السكوت من قبل روان ... يكمل : لا تنغري ورا افلام الرومنسية اللي تكون دووم نهايتها الانتحار..!! وهي ساكته ... يكمل : ليه سويتي كذا يا روان ... نزلتي من عيني واايد.؟؟ بصوت حاد ... وبدون مياعة مثل قبل : أنت احقر انسان عرفته في حياتي؟؟؟ جاوبها راكان بسرعة : لا, اذا كنت حقير ما كنت جيت هني.. كان راكان واقف امامها ... بس هي ما ناظرت عليه ابد .. راكان ..: ادري انك الحين تكرهيني.... بس انا احبك يا روان ... احبك كاخت لي .. وعمري ما اتمنى لاختي غير الخير ... والانتحار مو خير ابد ... روان : انا عمري ما ناظرت لك كاخ ... راكان ياخذ نفس : لانك توهمتي باشياء مالها وجود ولا راح يكون لها وجود ... روان : هذي الامور انتهت... ليه أنت هني الحين. راكان .. : ابيكي ... تكوني اخت صالحة و ذكية .. روان انتي مثل اختي ... اختي الوحيده.. انتي من وحنا صغار ونحن نلعب ويا بعض ...اختي الصغيرة ... اللي عندها اسراري تحفظها .. واللي ابيها تقوم .. وتتنشط وتهتم بدراستها ... الاخت اللي في يوم تمسك شهادة تخرجها وتجيبها لي.... روان ابتسمت هني : من قلبك هالكلام يا راكان..؟؟ راكان : ايه والله العظيم من قلبي... ابيك الحين تقومي يا روان ... وتصيري احسن من قبل .. روان ناظرت فيه وابتسمت : ابي منك طلبين ... لا تردهم يا راكان.. راكان ..: لوطلبتي عيوني بعطيك .. روان ..: الاول انك تخليني دووم مثل اختك وتحبني مثل اختك , وفي المناسبات ,, تجيني هدايا منك ... وكل شيء بين الاخوان يصير بيننا ... انا ندي اخوان صح بس مو مثلك يا راكان ..ابد مو مثلك ... راكان بابتسامة : انتي اختي من زمان يا روان .. روان : والطلب الثاني .. ابي يكون بيننا اتصال... احكيلك وتحكيلي .... نسولف ويا بعض... على المسن او على البي بي.... راكان : حاضر مافي مانع يالغلا ما طلبتي شيء... ( راكان ما كان يدري بان هذي الجملة بتسويله الف مشكلة , ولا انتوا تدروا ا نام روان وزوجه مشاري كانوا موجودين يرافقوا روان .... وان راكان ترجى امها علشان يدخل ولولا ان ام روان واثقة من راكان ما كانت دخلته .... بس الشيء اللي كلكم ما تعرفوه .. ان ( ضيا زوجة مشاري ) اتصلت على زوجها وبلغته ان راكان دخل لروان ... وما تدروا ان مشاري وراشد في السيارة ويسوقوا باقصى سرعة علشان يوصلوا على المستشفى ..... وما تدروا بان راشد استغل الفرصة .. وبدا هجومه .. وهو في السيارة اتصل على غرام ... وقالها : مساء الخير غرام ما تكلم احد على جوالها فظلت ساكته .. راشد يضحك : ههههههههههههههههههههه غرام استفزتها هالحركة ..: نعـــــــم ! راشد : تعرفي وين زوجك الحين .. عند حبيبته الاولية يالغلا... لما تشوفيه سلميلي عليه .. قوليله فاعل خير ..ههههههههه ................... كانت محادثة هادئة بس خلت غرام تفور من داخلها والنار تشعل فيها )