يا راكان ترى مالي مكان في هالدنيا بدونك - الفصل 5 - بقلم johnarr cool - مكتملة | روايتك

البــ الخامس ــارت البارت الخامس هذا اول بارت يكون طويل بهالشكل واتمنى يعجبكم غانم يصارخ باعلى صوته وهو داخل على المستشفى : يالإسعاف , يا ممرض تعالوا عندي مريضة بسرعة بسررعة. وراكان شايل غرام في يدينه , ومن قلة عقلهم الاثنين رموا عليها العباية << لانها كانت لابسة بجامة ... المهم ........ الممرضة جات وهي جارية وماسكة الكرسي النقال << ما ادري وش اسمه خخخخخ. راكان قعد غرام على الكرسي , وثبتها عليه , غانم يناظر بعينه , مسكت الممرضة الكرسي وهي تسوقه على غرفة الفحص , راكان كان وده يشوت غانم مثل ما شات غرام بس اجلها ليوم ثاني لانه كان تفكيره على غرام : ... الله يستر ... البنت شكلها بتضيع مني.. بهالطريقة .... اذا تزوجتها كذا راح تكرهني.. بالله عليك يا راكان وش سويت .. اصلا هي كرهتني .. انا متأكد ... يوم قلت بتزوجها هي قالت: لالالا.... . كله مني غبي غبي. غانم: عجبك اللي سويته .؟؟؟؟ راح مسكه من ملابسه , وكل شياطين الجن تدور فوقه ..: انا ماني ناقصك , تدري لو صاير فيها شيء , والله والله والله وهاذي ثلاث لأهدك فوق تحت ... وامسح فيك الارض....وانا ماني هين...!! غانم ما كان متوقع هالرد , كلام راكان ونبرة صوته هزت روح غانم, من جد غانم خاف وعينه فتحت زياده.... مو هذا اللي كان قدامه قبل شوي ينكت ومتردد وكان خايف منه , بس اهم شيء ان غانم تأكد من ان راكان كان يمكن يضربه وينحاش بس ليه ما سواها ..... هذا اللي ما عرفه غانم) . راكان رخى يده وانتبه لنفسه , عطى غانم ظهره , غانم صلح ثوبه , وراح يسأل راكان : عطني البطاقة المدنية؟؟؟ راكان لف عليه :نعــــــــــــــم ..! غانم : البطاقة المدنية .... ابي اشوفها . دخل راكان يده في جيبه , وطلع البطاقة , مسك غانم البطاقة وقراها بصوت خافت: راكان صقر مساعد الصقـــ.. . مسك ايد راكان : أنت ابن مساعد الصقر . جات عين راكان على عين غانم وراح يجاوبه : آيـــــــــــه . غانــم بلع ريقه , هذي العائلة ما يقربلها العيب ,صحيح انهم اغنياء , والاغنياء بطبيعتهم فري وحرين ورقص وسفر واشياء .. بس عائلة الصقر مشهورين بالادب والاخلاق , غير عن مساجدهم اللي ماليه الديرة ( وقف لله تعالى ) فكيف ابنهم يسوي كذا, اهه يا غانم طحت طيحه ما تقدر تطلع منها , الحين اذا علم ابوه باللي حصل اكيد راح انطرد من شغلي . غانم بصوت خافت وبنذالة اكبر من المعتاد: اكيد يا راكان حنا صرنا اهل.. يعني ما راح تحكي القصة لابوك.. لا اكيد .. أنت رجال وابن رجاجيل ... مو راح تشتكي علي والله انا .... راكان حن عليه , كانت نبرة صوته خووف في خوووف : لا اتطمن اصلا ما راح اقول لابوي شيء ولا لاحد من اهلي . اخذ غانم جواله وراح يسجل رقم البطاقة , راكان وهو يشوف: أنت وش تسوي . غانم: هذا اذا انحشت اقد اجيبك , بهالرقم . راكان : لا تخاف انا شاري اختك , وان شاء الله ابي اجي بكرة لغرام , ابي نلبس الدبلة , علشان اقدر اكلمها دام اننا مخطوبين فاعرفها وتعرفني اكثر .. ومثل ما قلت عطني اسبوعين .. في هذي اللحظة جات الطبيبة بكرشتها الكبيرة اللي ماشية قدامها , وبصوت ثقييييل : انتوا اللي مع المريضة . راكان هز راسه... وغانم قال: ايه انا اخوها . الطبيبة :المريضة الحمد لله مافيها شيء بس شوية إغماء , يمكن لصدمة او شيء ثاني.. ونحن ضمدنا لها الجروح اللي على وجهها .. وانا اسفة على هذا الشيء بس راح يتدخل المحقق في سالفة الجروح هذي. غانم اهتز راح يرد على سالفة المحقق: لييييه, ليه , يعني شيء عادي ما حصل شيء ما في داعي يتدخل المحقق ولا غيره تيني شرطي في هالديره. الطبيبة بلؤم : هذا شيء الزامي يا استاذ, واول ما تنتهي اجراءات المريضة تخرج . غانم : ممكن ادخل اشوفها, ولا كمان انتظر المحقق...!! الطبيبة بضيق : تفــضل.. المريضة الحين في الغرفة (33) الطابق الثالث.!! مشى غانم بسرعة على المصعد , راكان يبي يلحقه عشان يدخل وياه ... بس وقف .. حس بضيق... وطلع من المشفى......# وقف عند سيارته يبي يفتح الباب الا البي بي يرن على دعاء قصير راكان يحب دووم يسمعه كان الدعاء يقول : اللّهم اهدِنا فيمَن هَديْت و عافِنا فيمَن عافيْت و تَوَلَّنا فيمَن تَوَلَّيْت و بارِك لَنا فيما أَعْطَيْت و قِنا واصْرِف عَنَّا شَرَّ ما قَضَيت سُبحانَك تَقضي ولا يُقضى عَليك انَّهُ لا يَذِّلُّ مَن والَيت وَلا يَعِزُّ من عادَيت تَبارَكْتَ رَبَّنا وَتَعالَيْت فَلَكَ الحَمدُ يا الله عَلى ما قَضَيْت وَلَكَ الشُّكرُ عَلى ما أَنْعَمتَ بِهِ عَلَينا وَأَوْلَيت نَستَغفِرُكَ يا رَبَّنا مِن جمَيعِ الذُّنوبِ والخَطايا ونَتوبُ اليك وَنُؤمِنُ بِكَ ونَتَوَكَّلُ عَليك و نُثني عَليكَ الخَيرَ كُلَّه أَنتَ الغَنِيُّ ونحَنُ الفُقَراءُ اليك أَنتَ الوَكيلُ ونحَنُ المُتَوَكِّلونَ عَلَيْك أَنتَ القَوِيُّ ونحَنُ الضُّعفاءُ اليك أَنتَ العَزيزُ ونحَنُ الأَذِلاَّءُ اليك اللّهم يا واصِل المُنقَطِعين أَوصِلنا اليك اللّهم هَب لنا مِنك عملا صالحاً يُقربُنا اليك اللّهم استُرنا فوق اللأرضِ وتحت الأرضِ و يوم العرضِ عليك أحسِن وُقوفَنا بين يديك لا تُخزِنا يوم العرضِ عليك اللّهم أَحسِن عاقِبتَنا في الأُمورِكُلها و أجِرْنا من خِزيِ الدنيا وعذابِ الآخرة يا حنَّان .. يا منَّان .. يا ذا الجلال و الاكرام اجعَل في قُلوبِنا نورا و في قُبورِنا نورا و في أسماعِنا نورا و في أبْصارِنا نورا و عن يميننا نورا و عن شِمالِنا نورا ومن فَوقِنا نورا ومن تحَتِنا نورا وفي عَظمِنا نورا و في لحَمِنا نورا وفي أَنْفُسِنا نورا و في أَهْلِنا نورا وفي آبائِنا نورا و في أُمَّهاتِنا نورا وفي أَزواجِنا/زَوجاتِنا نورا وفي ذُرِّيَتِنا نورا وأَعطِنا نورا وأَعظِم لنا نورا واجعَل لنا نورا مِن نورِكَ فَأَنتَ نورُ السّماواتِ وَالأرضِ يا ربَّ العالمين يا أَرحَمَ الرَّاحِمين اللّهم بِرحمَتِك الواسِعَةِ عمّنا واكفِنا شرّ ما أهمّنا وغمّنا و على الايمانِ الكاملِ والكتابِ والسُّنةِ جَمْعاً توفَّنا و أنت راضٍ عنّا وأنت راضٍ عنّا وأنت راضٍ عنّا يا خيرَ الرازقين يا خيرَ الرازقين يا خيرَ الرازقين اللّهم انا نسألُك أن ترزُقَنا حبَّك.. وحبَّ من يُحبُّك وحبَّ كلِّ عملٍ يُقرِّبُنا الى حبِّك وأن تغفرَ لنا وترحمَنا واذا أردت بقومٍ فتنةً فاقبِضْنا اليكَ غيرَ مفتونين لا خزايا و لا ندامة و لا مُبَدَّلين برحمتكَ يا أرحمَ الراحمين داوِنا اللّهمَّ بدوائِك واشفِنا بشفائِك وأغْنِنا بفضلِك عمّن سِواك يا كاسيَ العظامِ لحماً بعد الموت ارحمنا اذا أتانا اليقين وعرق منا الجبين و بكى علينا الحبيب والغريب اللّهم ارحمنا اذا وُورينا التراب وغُلِّقَتِ من القبورِ الأبواب فاذا الوحشةُ و الوحدةُ وهوّنِ الحساب اللّهم ارحمنا اذا حُمِلنا على الأعناقِ وبلغتِ التراقِ وقيل من راق وظن أنه الفراقُ والتفَّتِ السَّاقُ بالسَّاقِ اليك يا ربَّنا يومئذٍ المساق اللّهم ارحمْنا يومَ تُبَدَّلُ الأرضُ غيرَ الأرضِ والسَّماوات اللّهم ارحمنا يومَ تمورُ السّماءُ موراً و تسيرُ الجبالُ سيراً اللّهم ارحمنا فانَّك بِنا رحيم و لا تُعذِّبنا فأنتَ علينا قدير كان اتصال من اخوه ريان , فتح راكان الخط : السلام عليكم. ريان بكل ضيق الدنيا: وعليكم السلام, وينك فيه فشلتنا مع الجماعة من الساعة 9 وهم هنا . راكان اتفاجأ: أي جماعة؟؟؟؟ ريان : ابو مشاري وعيلته ...!! ليه ما تدري...؟؟ راكان: لا ما ادري , (رجع راكان بذاكرته شوي في اتصال امه : ام مساعد: يمى راكان, وينك فيه تأخرت يمى؟ راكان: لا يمى عندي كم شغله بسويها وان شاء الله ارجع. ام مساعد: والله يا يمى ابوك سأل عندك, ويبيك تجي بسرعة.) ريان : وين رحت يا الثور؟؟ , راكان ما يبي يرد عليه هو اكبر منه و من الاساس راكان كان عقله كله مع غرام اللي فوق : ان شاء الله 5 دقايق واجي . قفل راكان الخط ودخل على سيارته ... .................................................. .................................................. .................. ؟؟؟؟ بصوت خافت : اهدئي , اهدئي . روان وسرعة تنفسها تزداد وتزداد ....: اممم, امممم (هذا يعني هي مواقفة , لان اللي وياها ماسك فمها علشان لا تصرخ) . رخى يده من فمها ورفع يده الاثنين على مستوا وجهه على اساس يطمنها , لانه لو دخل عليهم احد كذا بيروحوا فيي ستين داهية : انتي مين وايش تسوي في غرفة راكان؟؟؟ روان بلعة ريقها وتشجعت : انا ما سويت شيء غلط . رننننننننننننن رنننننننننننننن رننننننننننننن يرن جوال ؟؟؟؟؟ ...: الوو هلا يا سلطان..... لا مالقيت راكانوو.... ها وش قلت ...... لا ما اظن فيني حيل اجي على بيتكم ........... يا شيخ منك للي جنبك فك القعدة وكل واحد فيكم يروح على بيته ..لا ماني جاي ولا اظن راكان بيجي ... وعن ماجد ترى ماجد اليوم في بيت الاهل عندهم جمعة ... انا حدي تعبان وابي انام صراحة... . لا يا اخي ما راح نجي.... يا سلطان ما ينفع انا تعبان حدي وابي من الاساس انام ويا راكان ... حتى بيتي ما ني رايح ... وشو عندك فلم جديد ... شفت لو جبت انجلينا جولي نفسها ماني بجاي افـــ (طووووووط طووووووووووووط ). .. تقفل في وجهي يالكلب الظاهر اني معطيك وجه زايييييييييد , والله لا اردها . شاف روان قريبه منه , كانت تتنصت على المكالمة , راح يقول: لا بارك الله فيك من بنت , كان احسن اعطيك الجوال تكلميه , جالسه تتصنتي علي. روان انحرجت لمت نفسها شوي: لا بس كنت ابي اشوف هذا راكان ولا لا. ؟؟؟؟؟: المهم , ايش تسوي في غرفة راكان؟؟؟ راكان ما يحب احد وبالاخص بنت تدخل غرفته وما سوتي شيء, هذا لو شافك بيذبحك. روان هنا تشجت اكثر لمت يدها وبكل ثقة : انا زوجته وادخل في المكان اللي ابي في غرفته . ؟؟؟؟؟: زوجته ولا مجرد وحده , تري لا تصدقي نفسك , قال زوجته قال....!!! هنا اهتزت روان , والدموع في عينها وتقول بعصبية : انا ماني مصدقة نفسي يا قليل الادب. انصدم ؟؟؟؟ اول مرة تنفعل بنت من كلامه , وروان جلست على الكرسي تبكي << قال يعني البنت حساسه خخخخ. ما تحب احد يضحك عليها , في موضوع راكان... ؟؟؟؟ : انا..انـ...ـا اسف والله ما كان قصدي . روان ما ردت عليه , ؟؟؟؟: انا قلت اسف خلاص امسحي دموعك , وارجوك اطلعي تريني محتم ما اكلم بنات<< على اساس الولد مؤدب مسحت روان دموعها واخذت نفس زفير شهيق وراحت تسال : أنت مين؟ ؟؟؟؟: انا محمد خخوي راكان . روان مسكت شنطتها وطوول هذي الفترة نسيت تلم العباءة << ابو روان انسان متدين او مطووع بشكل كبير , فروان ما تخرج الا بعباءة . قفلت العباية ومسكت شنطتها تبي تخرج ,محمد وعصب من خرجتها: هاااااي شكلي عطيتك وجه اكثر , تسالي عن اسمي طيب وش اسمك , يعني راكان لما يتكلم عنك يقول خطيبتي , ما يقول اسمك. روان عجبتها جملة (راكان لما يتكلم عنك يقول خطيبتي) : روان صالح الـمشاري... وطلعت من الغرفة .....!! محمد مو مصدق , صنم مكانه : روان المشاري, معقولة تكون البنت اللي يحبها سلطان , لا الولد جن اكيد , كيف يحب خطيبة صديقه , هو ما يدري انها خطيبة راكان , اكيد انه ما يدري , لانهم مخطوبين بالكلام باقي ما صار شيء. .................................................. ............... ام مشاري وهي جالسة في الصالة وحدها , تنتبه على بنتها اللي نازله من السلم : وينك يا بنت ... وين كنتي؟؟ روان قربت من امها : اسفة يمى كنت... كنت ... امشي. ام مشاري : تمشي وين ؟؟؟ جنيتي ؟؟؟ كم مرة قلت لا تجولي في بيت فيه رجاجيل ؟؟ ابوك لو عرف بيذبحك ..!! روان : اسفة يمى والله اسفة. ( جلست جنب امها , وهي تفكر اذا راكان بيجي ولا لا) تدخل ام مساعد لاحظت روان جت بس ماسالتها , وش تسالها وين كنتي ...... : يلا تفضلوا يا جماعة العشا زاهب. قامت ام مشاري وبنتها على الغرفة الصغيرة , اللي جنب المطبخ , كانت عبارة عن غرفة طعام , طاولة طعام كبيرة .. ومأثثة باحدث التحف والاثاث ...... اما الرجال فالعشا كان في المجلس الكبير....... .................................................. ............ ( كيف حالك الحين ان شاء بخير ) == يقولها غانم وهو واقف جنب السرير اللي فيه غرام . كانت غرام مغمضه عينها , ترتاح من احداث اليوم القاسية, يوم سمعت صوت اخوها, فزت من راحتها, اهتز جسمها لا شعورياً, خايفة انها تاخذ ضربة مثل اللي اخذتها ... قعدت تصيح, تصيح ,وتصيح : ابعد عني ابعد عني , دخلت الطبيبة بكرشتها , وبصوت يهز بلد: لو سمحت اطلع بره. غانم عصب وعكس وجهه : كيف اطلع وش فيها اخوها وجاي يكلمها....؟؟؟ , وغرام تصيح : تكفون ابعدوه عني , ابعدوه .الطبيبة نادت على الممرضين , راحوا ماسكين غانم يبي يخرجوه من الغرفة , وهو يصارخ فيهم : هذي اختي يالاغبياء , خلوني ابي احاجيها .... ( وراح يصارخ باعلى صوته يبي يسمع غرام : يا غرام ترى راكان بكرة راح يجي يلبسك الدبلة , ) غرام يوم سمعت الجملة الاخيرة , لمت جسمها بين يديها , واحت تبكي وكأنها طفلة في الروضة ,الطبيبة جات عليها: لا تخافي يا اختي , ما راح يقرب من الغرفة ثاني وعلى ضمانتي , لا احش رجوووله حش لو قرب. .................................................. .................................... راكان وهو داخل على المجلس ووياه محمد , (لاقاه في الخارج , كان محمد خارج وراكان دووبه يبي يخرج من السيارة ) : السلام عليكم ورحمة الله وبركاته . الجميع : وعليكم السلام ورحمة الله وبركاته. العم صالح ( ابو مشاري ): هلا والله , بمعرسنا , حياك الله يا ولدي أنت وخويك , تعالوا تعالوا تروا دوووبنا جلسنا على العشا. راكان: الله يحيك يا عمي ( وراحوا جالسين غصب عنهم , لانهم ما يبوا يحرجوا العم) وعيون ابو مساعد ما قامت عن راكان, وكأنها نفسها تقوم وتكفخ راكان اللي خلى الناس لهم 3 ساعات منتظرين, غير عن عيون ريان ومساعد اللي نفسهم يقولوا لابوهم : تبرى منه يبي وريحنا ........ بعد العشا , طلع راكان ومحمد على الغرفة وقفل راكان الباب , ما كان يبي احد اخوانه يسوي مشكلة معاه ويفشله قدام خويه محمد اللي طلب انه ينام عنده اليوم. .................................................. ...............................