من نورك الفاتن زال الجلاء وانزاح ومن حسنك الريان مال الهوى فيني - الفصل 32 | روايتك

عالم القصص والروايات 📚: ▇ـ▄▄▄💜 ▄▄▄ـ▇ < رواية < من نورك الفاتن زال الجلاء وانزاح , ومن حسنك الريان مال الهوى فيني < ▇ـ▄▄ @ahgeel ▄▄ـ▇ ‏ البارت  ‏ « ١١٦ » . , « المستشفى » جالس جنب اخته ينتظر نتيجة التحليل والأشعه ناظر الباب من شاف الباب انفتح؛الدكتور وينه! فالح سكر الباب؛يقول شوي وجاي لكم نوف صدت منه وناظرت اخوها بتعب وقف ناجي؛رايح شوي وراجع لكم طلع وتوجهه للأستقبال يسأل عن غرفة الدكتور عقد حواجبه من ميز الصوت لف وهو يشوف ربكة المُمرضين من الصراخ فز يركض من شاف ساري ويدفون السرير؛وش صاير!! من نزل نظره انصدم من شافه باسل اللي بين الحياة والموت وصرخ من سمع المُمرض يقول وقف قلبه مات؛وش تنتظر دخله !! نسى اخته ونتايجها من شاف المنظر مسك ساري ؛وش صاير ! ومن المعتدي! ساري مسح وجهه بخوف؛م ادري بس اتوقع يقربون الدخيلة لازم اقول لـ جواد ناجي ربت على كتفه؛خلنا اول نشوف وضعه ونقوله . « الشرقية - المستشفى » •صباح يوم جديد على أبطالنا الساعه 7:23 صباح• جالس على الكرسي جنبها و يحس بأرهاق وتعب غير طبيعي وكمل الحين 24 ساعة وهو صاحي ولا نام ناظر ملامح وجهها الشاحب اللي لا يمد بالحياة صلة تنهد ومسح وجهه من تذكر منظرها امس من دخل المستشفى وهو حاملها مُستحيل يروح منظر عيونها البارزه بشكل يخوف ، بلل شفايفه بطرف لسانه وقف بيطلع م انتبه انها صحت حس بيد تمسك يده لف وناظرها همست ببحه يادوب صوتها يطلع؛لاتروح جلس جنبها على السرير وشد على يدها رفع يده الثانيه ومسح على خدها؛ارتاحي تحسين بشيء!! غمضت عيونها وهزت راسها بـ لا تذكر كلام الدكتور؛عندها تشنج عصبي حاد وسبب لها تلف في الأعصاب اليد لفترة قصيرة وترجع طبيعيه بس انتبه ترجع لها الحاله مره ثانيه لأن القلب بيتأثر كثير ومن غير اعصابها رفع يدها وقبّل باطنها بهدوء وناظر عيونها الذابله م يبي يسألها الحين بس فضوله بيقتله وش صار معها!! , مُمكن تفاعل لطيف مثل لطافتكم🙊🥺🤎..!🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية من نورك الفاتن زال الجلاء وانزاح , ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١١٧ » . , النور شدت على يده من فهمت نظراته؛م صار  شيء جواد؛لاتقنعيني ابداً بالكلمتين هذي ابتسمت شبه ابتسامه قرب منها وقبّل خدها ودق جواله عقد حواجبه من شاف المتصل رد بهدوء؛هلا والله ناجي بهدوء؛صبّحه بالخير جواد وقف ومشى لشباك؛صباح النور وش الأخبار! ناجي تنحنح يصفي صوته؛الأخبار م تسرك ابداً متى ناوي تنزل لديرة! جواد؛وش صاير يـ ولد لافي ! ناجي؛م صاير شيء بس اتمنى تجي اليوم قبل بكرة لديرة عشان باسل احس قلبه انقبض من قال الأسم؛وشفيه باسل! ناجي؛اسلم عليك سكر ناظر الجوال بصدمه من شاف اي رد اتصل على جوال ساري اللي اتصل به ناجي لقاه مُغلق أيقن ان باسل صابه شيء بحث عن رقم سيّاف واتصل عليه دق لين فصل ولا احد رد طلع من الغرفة متجاهل النور دخل غرفة الدكتور بحده؛اقدر اطلع زوجتي!! الدكتور انصدم من دخوله وحدته؛ايه تقدر تطلع جواد؛اجل خلص لي الأجراءات طلع وراح لغرفة النور دخل وقرب منها جواد بهدوء؛راجعين لديرة جهزي نفسك النور؛صاير شيء! هز راسه بـ لا وهو يرسل لـ حامد يجهز الوضع ويرسل اغراضهم للقرية ومع كم اوراق وبعده ارسل لأخوه حازم انه ماشي للقرية لف وشاف النور واقفه بصعوبه وتحاول تسكر عبايتها اللي جابتها جود وصالح قرب منها وسكر عبايتها طاحت عيونه بعيونها قبّل عيونها لمُدة اشبه بالطويلة ونزل لخدها وهمس بإذنها؛قوي حالك وقويني ابعد عنها وهو يضبط حجابها بالكامل ومسك يدها وطلعوا من الغرفة مر على الأستقبال و وقع على الأوراق واخذ العلاج وطلع من المستشفى وركبها السيارة وربط الحزام لها وركب وحرك لوجهته.. . « بيت ناجي - الساعه 8:30 » دخل البيت بتعب أهلك جسمه الهزيل دخل وياليته م دخل دخل وقلبه طلع من قو اللي شافه شاف جنته شاف امه شاف نبع الحنان بمنظر يقشعر له الأبدان من هول الصدمة صرخ بصرخة تقطع الأحبال الصوتيه.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية من نورك الفاتن زال الجلاء وانزاح , ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١١٨ » . , « بيت عمة همايل إيمان » همايل لها يومين منهارة من الوضع اللي صار لها ونايمة مع عمتها كل م سمعت صوت ترجع لها حالتها من جديد دق جوال عمتها؛هلا ناظرت همايل اللي منسدحه على رجلها؛ايه! بهدوء مسحت وجهها؛تمام سكرت وناظرت بنت اخوها اللي من انخلقت وهي بعذاب في عذاب تدعي ربها إن تؤامها يرجع وينتشلها من هذا العذاب النفسي إيمان بهدوء؛همايل يابوي! استعدلت بجلستها وناظرت عمتها؛وش صاير! إيمان؛المستشفى يستدعيك فيه حالة طارئه ضحكت بخفه؛من جدك وكيف تبيني اطلع ! وقفت ومسكت يد همايل وسحبتها معها وقفت قدام الباب واشرت؛شوفي محد منتبه هذا أولاً ثانياً فيه باب خلفي محد يعرفه اطلعي منه وروحي له لا ترجعين ابداً وانا راح ادبر نفسي وأطلع من الديرة واسافر لرياض وبتواصل مع اخوك هلال تجمعت الدموع بعيونها من جديد من تذكرت تؤامها اللي اخذته الغُربة بسبب ابوها وتتمنى انه يرجع وياخذها من عذاب ابوها وقساوته إيمان؛يلا يعيون عمتك حرّري نفسك مشتها معها بعد م لبست عبايتها وطلعتها مع الباب بخفه واستودعتها ربها ورجعت داخل تجهز اغراضها اللي تحتاجها لين م ترجع مع هلال . « بيت ناجي » شاف نبع الحنان بمنظر يقشعر له الأبدان من هول الصدمة صرخ بصرخة تقطع الأحبال الصوتيه ركض لأمه طريحة الأرض وغارقه بدمها بشكل مُخيف صار يردد بدون وعي ؛ يمه يمه شالها وكأنها خيوط بين يديه وطلع بها لشارع وهو يمشي بخطوات مو متزنه مترنحه انظار اهل القرية عليه بصدمة قرب منه واحد من شباب القرية وساعده وشالها منه وهو يصرخ عليهم بحده؛ساعدوه بسرعه طاح على ركبه ومحاجره احمرت انصبغت بالدم ساعدوه وقفوه وهم يلحقون امه ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية من نورك الفاتن زال الجلاء وانزاح , ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١١٩ » . , « المستشفى » دخلت همايل وهي تلهث بسبب ركضها مشت لقسمها وقابلت مُساعدتها؛وش صاير! مُساعدتها؛جاتنا حالة مُستعصية وتدخلوا الجراحين همايل تحاول توزن نفسها؛تمام ابي ملفه دخلت غرفتها وفسخت عبايتها ولبست بدلتها المُخصصه ولبست اللابكوت وحجابها ونقابها عليها طلعت وهي تحاول تقوي نفسها تنسى أو تتناسى اللي صار معها استغربت الصراخ اللي في الممر قربت منهم وشافت الولد اللي بعمر العشرينات شايل حرمة توقعت انه امه وتكلمت بحده؛على غرفة العمليات بسرعه ناظرت الولد؛روح للستقبال واملئ الأستبيان دخلت غرفة العمليات وشافتهم يسعفونها قلبها موقف قربت منهم وياليتها م رجعت للمستشفى وياليتها م اخذت الحاله هذي وياليتها ماتت بين يدين ابوها ولا شافت هذا اليوم المُرعب تدخل الدكتور من شاف تجمُدها طلعت وهي ترتجف وتنتفض لفت راسها بـ يمين ويسار باحثه عنه تجمعت الدموع بعيونها من شافتهم ماسكين شخص ومجلسينه على الكراسي قربت منهم بهدوء وتردد من شافته متلطم بشماغه ومو بين إلا عيونه ومرجع راسه لورى مستند على جدار ومغمض عيونه م يبي احد همايل بصوت مهزوز؛ابعدو خلوه ياخذ نفس فز قلبه من سمع صوت مُبهرته بس تجاهل من عرف انه يتوهم صوتها في عز مُصيبته ابعدوا وتفرقوا م بقى احد حوله إلا هي جلست جنبه ومسكت يده وشدت عليه فتح عيونه المحمره وناظرها بذبول؛حلم ولا علم! همايل اوجعها قلبها من نبرته؛علم م فيه حيل لعتابها غمض عيونه ورجع مثل م هو بس سحب يدها لحضنه وتمسك فيها وكأنها طوق نجاه من هالمصايب اللي حلت عليه صار يدعي ان امه م يصيبها شيء ولا راح يموت وراها م يقوى على فرقاها طلع الدكتور بعد نص ساعه؛وين اهل المريضة! وقف ناجي وباقي ماسك يدها يستمد القوة منها قرب الولد؛هذا " اشر على ناجي " بشر يادكتور ! الدكتور بحزن؛عظم الله أجركم فيها نزلت الكلمة مثل الصاعقة عليهم على دخلت جواد للمستشفى شاف ناجي جواد؛سلام عليكم محد رد وانتبه للوضع ناظر الدكتور؛وش صاير! الدكتور؛المريضة جتها سكتة قلبية وشكلها طاحت وضربت بشيء حاد في راسها وتوفت لف بصدمة على ناجي بلع ريقة بتوتر همايل تراجعت للخلف شوي وتركت يده وراحت لغرفتها المُخصصه انهارت بكي وهي تبدل وتلبس عبايتها تبي توقف جنبه تبي قُربه ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية من نورك الفاتن زال الجلاء وانزاح , ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٢٠ » . , « بيت ناجي الساعه 1:23 الظهر » الكل اللي بالقرية عرف بموت ام ناجي م عدا شخصين وجايين يقومون بالواحب ويعزون ناجي يد اليمين لشيخ بعد م دفنوها دخل البيت منهلك قابل فالح ببحه؛نوف وينها! فالح؛م قدرت اقول لها وخليتها بالمستشفى ناجي بإرهاق وتعب أهلكه؛روح قولها بطريقتك وجبها لهنا م فيني اروح لعندها فالح توهق؛ابشر انت بس ارتاح وساري وسيّاف بيقومون بالواجب ناجي هز راسها بـ لا ومشى داخل الصِوان « الصِوان خيمة كبيرة جداً وتستخدم وقت العزاء » طلع متوجهه للمستشفى وهو يفكر اكثر من طريقة كيف يقول لها بدون لا تنتكس حالتها • بعد دقايق وصل ودخل عليها بهدوء بعد م قرر كيف راح يقول جلس جنبها على السرير وهي جالسه مسك يدها وانظاره على يدها وهو يلعب بها تنحنح اكثر من مره؛تحسنتي! نوف مستغربه من حالته؛الحمدالله ابي اطلع فالح؛راح تطلعين الحين تو وقعت على خُروجك نوف حست بشيء مو طبيعي؛صاير شيء! فالح رفع انظاره وناظرها م يعرف وش يسوي شد على يدها؛خليك قوية هو يبي القوة منك م فهمت عليه ابدا بس قلبها نغزها؛وش تحكي انت! . « بيت العنود » بعد م تطمن على باسل وانه تعدى مرحلة الخطر رجع للبيت استقبلته ام باسل؛بشرني وش اخباره ! جواد بهدوء؛بخير وصحته بدأت تتحسن ام باسل ببحه؛الحمدالله الله يحفظك ياولدي جواد؛امين متى رايحين للعزاء ! ام باسل؛الحين طالعين بس النور م قلنا لها مثل م قلت لي جواد؛تمام مشكوره يـ خالة دخلت وهي تمشي العنود وشهانة وحنين وراها من شافهم طلعوا دخل البيت م شافها من بعد م صارخت عليه بدون سبب صعد لفوق ودخل الغرفة وهو عارف عز المعرفة إنها تمثل النوم تتحاشى سؤاله عن اللي صار ! انسدح خلفها حاوط خصرها وجذبها له بخفة ودفن وجهه بكتفها العاري وخصلات شعرها منتثرة عليه استنشق ريحتها وهمس ببحه مليانه حنان وبدعوه صادقة من كل قلبه؛الله لا يكسر لك جناح انتفض جسمها من دعوته اللي لعبت بعدادات قلبها نزلت دموعها من حنيته المُفاجئه من بعد تعبها م صار يهاوشها وقت تعاند وقت تصارخ عليه شد على خصرها وهو مو عارف كيف يقول لها! قبّل إذنها وهمس بإذنها بهدوء؛انتي مؤمنة بقضاء ربي وقدره صح !! '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇