من نورك الفاتن زال الجلاء وانزاح ومن حسنك الريان مال الهوى فيني - الفصل 23 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٧١ » . , ناجي؛خلنا نعالجك فالح قم ناد ابوصبخان طلع فالح وناجي مسكه وجلسه .. . . . « في البيت المهجور » بعد م طلع حرته كلها في بن نافع وعدم وجهه اخذوه من يده بصُعوبه مشى لجهة سيارته وهو يرفع خصلات شعره اللي طايحه بنرفزه ركب وحرك بسرعه دق جواله على حامد جواد بحده ؛حامد انا راجع لرياض بكرة جهز الفريق حامد؛ابشر طال عمرك ،استقبلك! جواد؛لا اصلاً قريب منكم بس جهز الفريق حامد؛ابشر سكر ومسح وجهه وبعثر شعره بقهر وجن جنونه من تمادي بن نافع واللي وراه تذكر كلام جراح • نرجع قبل ثلاث شهور ليلة اصابة جراح جراح ببحه؛امانتك اهلي يـ جواد جواد مسك يده وشد عليها وملامحه جامده؛بتقوم بسلامه وتهتم فيهم يارجال جراح كح بقوة؛النور تاخذها يـ جواد النور امانه برقبتك الكل بيهجم عليها خلك سند لها جواد انعصر قلبه من منظر جراح هذي ثاني مره ينعشون قلبه؛لا تجهد نفسك ارتاح والكل بينحل جراح ببحه؛النور اولاً بأمانتك وبعدها اهلي دخل ساري وملامحه مخطوفه من كلام الدكتور جواد؛ابشر باللي تبي بس ارتاح جراح ناظر ساري؛مثل م قلت لك يـ ساري ساري هز راسه بـ طيب جراح ببحه؛سامحوني وخلوهم يسامحوني كان ساري بيتكلم بس من شاف صدره ارتفع واصبعه ارتفعت غطى وجهه بشماغه يخفي ملامحه جواد تجمدت ملامحه من الصدمه قرب منه وسكر عيونه وهمس بإذنه بحنق؛وعد ان اخذ حقك وحق النور منهم والله ياخذني وياك اذا م وفيت بالوعد • رجع لواقعه بعد م حس بضرب في شباكه رفع راسه وناظر باسل نزل من السيارة بهدوء باسل ببحه؛لنا كلام طويل وعريض مع بعض بس مو الحين مو الحين ابداً جواد ربت على كتفه؛انا بكل الاوقات فاضي لك والحين مُمكن تقول لـ النور تجهز اغراضها لان في الصبح باخذها ونمشي لـ الرياض باسل هز راسه بـ طيب دخل باسل البيت ، ترك سيارته وصار يمشي بأنحاء القرية بتأمل همس بأشتياق؛الله يرحمك ويغفر لك وقف شاف بيت ابومسفر بحنق؛ان م قلبت الدنيا عليكم م اكون ولد سلطان مشى متوجهه للمركاز يشوف ساري دخل شاف ساري وناجي وفالح جالسين عند سيّاف عقد حواجبه؛علامكم! ساري بهدوء؛سيّاف متصاوب قرب منهم بهدوء وناظر سيّاف اللي يناظره؛وصلت الامانه مكانها! سيّاف ببحه؛مو من طبعنا نخون الامانه جواد؛سطحيه ولا عميقه! ناجي؛سطحيه سيّاف استعدل بجلسته؛م قصرتوا والله يبيض وجيهكم كلهم بصوت واحد ؛و وجهك اندق الباب ودخل مسفر؛ساري فاضي! ناجي همس بقهر؛جاء شبيه الرجال مسفر بأستفزاز؛كلن يرى الناس بعين طبعه فز ناجي بعصبيه؛تعقب وتخسى يالرخمه جواد ربت على كتف ناجي وشده ساري طفح الكيل منهم.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٧٢ » . , ساري طفح الكيل منهم بحده؛اسمع انت وياه ياتحترمون المكان اللي انتم فيه ولا والله لا اتصرف تصرف م يعجبكم ولا واحد فيكم فيه ذره احترام على الاقل احترموا المتواجدين مسفر بِسُخريه؛علم بـ.. جواد بحده رجوليه؛ابلعها احسن لك مسفر ناظره من هيبته وصوته؛عفواً من انت! جواد مشى بكل هدوء ويده داخل جيبه وهمس قريب منه ؛عزرائيلك انت وابوك روح قول لأبوك بنت ضبيا جايه تاخذ روحك من مكانها مسفر تجمدت ملامحه من الكلام اللي مو فاهمه ابداً ولا فاهم من ضبيا !!! ابعد عنه جواد ولف بصوت جهوري؛تصبحون على خير ساري بكرة ماشي لـ الرياض ساري فاهم كل شيء؛بحفظ الله طلع من المركاز بعد م اعطى مسفر نظره مشى لسيارته ركبها وحرك للبيت اللي اعطاه اياه ساري . « بيت ناجي » امها بحده؛نوف لا تخليني اقوم عليك كلمتي م اثنيها نوف بترجي؛يمه وين تروح ! تخيلي انها انا ؟ امها بعصبيه؛فال الله ولا فالك هم اثنين وثالثهم الشيطان واهل القرية كلوا وجهي بالحكي نوف بكت؛حرام عليكم والله حرام عليكم سمعت كلامهم تحس بنقص كبير فيها مالها سند غير عمتها واخوها واخوها مسافر للخارج ولا هو داري عن الكل دخلت الغرفة جمعت اغراضها بهدوء ولبست العباية وطلعت بدون لا يحسون فتحت الباب وتجمعت الدموع بعيونها من قلّة الحيله مشت متوجهه لبيت عمتها واللي يصير يصير اهم شيء م تجلس في مكان مو مرغوب فيها ابداً سمعت صوت الأمان؛همايل!!! رفعت يدها ومسحت دموعها ببحه؛هلا ! ناجي قرب منها؛علامك طالعه في اخر الليل ! همايل ناظرت عيونه وملامح وجهه؛ابي اروح لبيت عمتي تأمل ملامح وجهها اللي مايل للأحمرار؛فيه احد ضايقك بالحكي ! هزت راسها بـ لا شتت انظارها عنه رفع يده ومسك فكها وثبته قدامه؛وش صاير! همايل ببحه؛ابي بيت عمتي ابي اخذ راحتي حست بحركه وراها قربت منه ولفت بخوف بس م شافت احد تنهدت براحه ناجي بحنيه؛همايل يابوي اسمعيني! بيتك الحين صار بيتنا فـ مافي طلعه غمضت عيونها من داهمها الصداع؛ناجي دخيلك لا تضغط علي ابي اروح و مشكور على وقفتك معي عقد حواجبه من كلامها وتأكد الحين انه صاير شيء رفع يده ومسك وجهها ورفعه له وناظر عيونها؛امي قالت لك شيء ! او نوف ؟ همايل بخوف هزت راسها بـ لا بسرعه ناجي احتدت ملامحه ومسك كف يدها بيده ومشى بها للبيت وتاكد ان امه هي المتكلمه همايل بدموع؛ناجي تكفى فكني وخلني اروح لا تصير مشاكل واحنا بغنى عنها وقف قدام البيت وناظرها؛م راح تصير مشاكل فتح الباب ودخلوا وهمايل تترجاه رفعت راسها من شافت امه ونوف واقفين بالصاله همايل بهمس؛ناجي لا تخليني في موقف مُحرج فكني ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٧٣ » . , همايل بهمس؛ناجي لا تخليني في موقف مُحرج فكني امه بحده؛ناجي علامك انجنيت ! ليش ماسكها وانت مو محرم لها ؟ ناجي؛يمه من بكرة جهزوا انفسكم همايل راح تصير زوجتي نوف بفرحه صفقت؛الله امها م استوعبت؛من جدك! ناجي؛ليكون عندك اعتراض طال عمرك! همايل انصبغت ملامحها احمرار همست؛ناجي فكني الله يفشل العدو ابعد عني ناجي حط نفسه م سمعها؛والحين بروح اجيب عمتها وارجع وبكرة الكل يتجهز راح نعزم الكل نوف ضحكت بفرحه؛قسم انك كفو ناجي ابتسم؛انا وياك في ليلة وحده ياعين اخوك شرقت بالكحه ودمعت ناظرته؛وشو!! نعم!! ضحك؛الله ينعم عليك جاني خطاب وانا وافقت نوف م استوعبت؛ناجي من جدك! ليش م عندي خبر! ترك همايل وقرب من اخته وقبّل خدها؛واثق انك بتوافقين اذا قلت لك منهو وهو رجال ينشد فيه الظهر م قدرت ترد عليه ناظرت همايل وامها امها؛بدون شوري ! ناجي عقد حواجبه؛علامك يمه ! يجون الرياجيل يستشيرونك عشان يخطبون نوف!! امها مسحت وجهها؛الله يوفقكم اعتذر يمه همايل دخلت غرفتها بهدوء ناجي ناظرهم وابتسم؛يلا مثل الحلوين تروحون للغرفة همايل ببحه؛ابي اشوف عمتي ناجي؛الوقت تأخر بكرة الصباح اجيبها لك سكتوا وتوجهوا للغرفه وناجي طلع يقول لـ ساري عشان يقول لأهل القرية من الصباح . « بيت ابومسفر » مسفر بحده؛يبه منهي هذي !وش السالفه؟ ابومسفر بهدوء؛م ادري عنها مسفر جن جنونه من برودت ابوه؛اجل الرجال يتبلاك من الباب لطاقه وش العلم! دخلت امه على صراخه؛علامكم ! وشفيه اصواتكم طالعه! مسفر يأشر على ابوه؛اسأليه منهي ضبيا! ام مسفر استغربت لوهله؛ضبيا اختي! ابومسفر مسح وجهه اكثر من مره مسفر انصدم؛اعتديت عليها وجبت منها بنت! ام مسفر شهقت وسكرت فمها بـ يدها الجازي تسمعهم من عند الباب وانصدمت ابومسفر؛كانت حالة طيش وكنت مو بوعيي مسفر صرخ؛يبه انت من جدك ! تدري وش سويت ! برضاها ولا بدون رضاها؟ ابومسفر بحده؛اقصر صوتك ام مسفر صرخت بنحيب؛لعنت الله عليك من رجال ابومسفر بعصبيه؛ولا واحد منكم يتكلم بحرف مسفر بحده؛منهي بنتها ! قول لنا نعرفها! ابومسفر انجبر يقول لهم؛النور ! مسفر مسك راسه من الطامه اللي نزلت عليهم في هذا الليل ولا منهي اخته! النور!! النور اللي يقذف في شرفها وفي تربيتها اخته!!! النور اللي عانت منه سنين من تنمره عليها واهل القريه معاه!! ام مسفر مسكت صدرها؛ياويلي على اللي صابنا الجازي انهارت من قو الصدمه اختها النور!! النور اللي عذبتها بطولة لسانها في المدرسة وسط القرية طلعت للحوش وتحس بكتمه تداهمها تركت شهقاتها تطلع والدموعها تنزل ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٧٤ » . , « صباح يوم جديد الساعه 7:23 صباح » وقف قدام بيت العنود ودق على باسل جواد ببحه؛اهلين باسل باسل فيه نوم؛هلا! جواد؛ممكن توقف على حيلك وتنادي لي النور باسل نزل من الكنبه بتعب؛ياحلال من خلاك تنلطع لين الظهر جواد بِسُخرية؛عاد بنتظرك انا لين تقوم بدخل اخذها واطلع باسل وهو يدخل الصاله؛انت بس جرب حظك جواد:معليك بيجي يوم واجربه وانت جرب يلا طس نادها انا انتظر عند الباب سكر منه وهو يدق باب غرفة اخته؛حنين ! فتحت له حنين وملامحها محمره ببحه؛نعم! باسل عقد حواجبه؛علامك!! حنين؛م فيني شيء كله بسبب نوروه عشانها بتروح باسل ارتاح؛تمام قولي ان رجلها ينتظرها برى هزت راسها بـ طيب وسكرت الباب مشى للمطبخ وهو يفكر بحال اخته وبـ النور صب له كأس ماء وشربه دفعه وحده رفع نظره شاف المجهوله قدامه تأمل تفاصيل وجهها ونزل انظاره للبسها اللي عباره عن ثوب اصفر لنص الساق وحزام احمر طالع عليها فتنه شهانة ببحه وفيها من الحده؛غض بصرك! باسل تدارك نفسه وصد بأنظاره تنحنح؛اعتذر طلع من المطبخ بسرعه قابل امه مشى تاركها بدون لا يصبح عليها للمجلس • النور اخذت اغراضها ونزلتها مع حنين ودعت امها العنود وام جراح وشهانة وحنين للمرة اللامعدوده لبست العباية وحطت الطرحه على راسها وطلعت بعد م باسل و جواد ركبوا الاغراض ركب جنبها ببحه؛غطي وجهك.! النور عقدت حواجبها ناظرته وصدت م تبي تفصل عليه عشانها م نامت وكانت مواصله مع حنين وشهانة جواد بحده؛شكلك م سمعتي وش قلت! النور ببرود؛اولاً صوتك قصره وقت تتحاكى معي ثانياً انا من انخلقت وانا كذا لاتجي الحين وتتأمر فوق راسي انصدم من ردها تعدى مدخل القرية وقف على جنب ولف ناظرها بعصبيه؛نعم حضرة جنابك وش قلتي م سمعت زين!!! النور خافت من نظراته؛يخي انت وش تبي مع صباح الله خير شكلك تبي تتهاوش! جواد بحده؛يمين بالله يـ النور لو م تستعدلين معي بالحكي ان اعدله لك بطريقتي اذا قلت امر يتنفذ لا ارتكب جريمة واروح فيها قصاص بسببك قمطت ام العافية واخذت الطرحه ورمتها على وجهها وصدت منه على الشباك غمض عيونه وتنهد من تصرفاتها اللي تطلعه من طوره حرك بهدوء ماحب الصمت ابداً مد يده وشغل المسجل على أغنية نوال النور من شغل المسجل تركت دموعها تنزل براحه واخذت نفس تهدي روحها وتكتم شهقاتها الخفيفه ان تطلع ويسمعها وكلمات الأُغنية وقعت على الجرح استرق نظره خاطفه عليها ورجع ناظر الطريق مد يده بهدوء ومسك يدها وخلل اصابعه بين اصابعها حاولت تسحبها بنفور منه وطاحت الطرحه من على وجهها وانصدم من احمراره والدموع ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٧٥ » . , وانصدم من احمراره والدموع ناظر الطريق م فيه احد وقف على جنب وناظرها بعد م مسحت دموعها ولفت براسها لـ شُباك ويدها بين يديه جواد بحنيه؛ علام الفاتنه!! النور لا رد تحس انكتمت من كثر م كتمت بُكاها ومن كثر الضُغوطات والصدمات اللي توالت عليها سحبها بيدها ولفها له ناظر عيونها ورفع يده لوجهها ومسح على خدها ببحه مُميزه؛ان كان زعلناك فـ العذر والسموحه من مقامك وان م قبلتيه راح نراضيك بطريقتنا الغير مُعتاده حاولت النور تبتعد عنه بس كان شاد عليها ابعدت وجهها من يده وصدت عنه ترك يدها وفتح الباب ونزل م اهتمت له ابداً لف لجهتها وفتح بابها واستند عليه وناظرها النور رفعت راسها له ببحه عذبه؛وش له تناظر! جواد يتأمل تفاصيل وجهها الفاتن وعيونها ببرود م تحملت ابداً بروده ونظراته ضربت صدره بقوة وهي تصرخ؛الله ياخذكم جميع كلكم نفس الطينه الوسخه اولهم اللي يُقاله ابوي واخرهم انت م اهتم لضربات اللي تتوالى على صدره بسبب غضبها المكتوم همس؛ليكون جراح من ضمننا! النور تداري غصتها؛هو الثاني مع مرتبة الشرف جواد بحنيه؛م تقدرين تسامحينه! كل شيء سواه عشانك نفس كلمته يوم ودعها " كل شيء سويته عشانك " نزلت دموعها بخيبه؛م صرت اعرف وش لي وش علي م اعرف اذا هو يقول الحقيقة ولا اصدق اللي سمعته بأذني منه " ناظرته بنظرات كسيره ببحه وجع " تصدق لو قلت لي الحين ان امي عايشه راح اصدقكك وهي اصلاً ميته بالنسبه لي قرب منها بحنيه العالمين ومسك وجهها وقربه منه وأنفاسه تلفح وجهها همس؛اوعدك راح اعيشهم ضعف اللي عشتيه واكثر بس قوي نفسك غمضت عيونها بخيبة وضعف وحطت جبينها على جبينه وهمست؛القوة جنوب وانا شمال م نتلاقا ابداً ألبسها وقت الخوف ولا انا .. قاطعها من قبّلها بِكُل هدوء وخفه ابعد عنها من شاف منها ردت فعل نفس كل م قرب منها ايقن وعرف انها بحالة يُرثى لها مسك وجهها ومسح على خدها؛وقت ضعفك وقت خوفك تعالي لهنا " يأشر على صدره " ولك عهد مني اني م أسئلك ولا اقول لك شيء لين تقولين لي براحتك حتى وقت زعلك ناظرت عيونه وابتسمت شبه ابتسامه من حنيته جواد قبّل عيونها بمزح؛ياشينك وقت تبتسمين ! النور فتحت عيونها لأخر شيء من كلمته وضربت صدره ودفته؛ياشين مزحك زي وجهك سكرت الباب تنهد براحه انها طلعت اللي بداخلها مشى لمكانه ركب وحرك؛تبين نوقف وتشترين ! النور؛ابي قهوة راسي صدع منك ومن كلامك جواد ناظرها لثواني وصد؛م تنعطين وجه وربي وقف على اقرب كوفي واخذ لها قهوة واخذ له شاي وحركوا بدون لا يدور بينهم كلام . « بيت ساري » الساعه 8:32 صباحاً دخل مستعجل شاف شايع.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇