من نورك الفاتن زال الجلاء وانزاح ومن حسنك الريان مال الهوى فيني - الفصل 18 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٤٦ » . , ابعدت عنه وناظرته؛اطلع يـ جراح اطلع واسلم مني جراح بهدوء؛الأحباب في القلب وش يطلعهم ! النور  ضربت صدره و غمضت عيونها وصرخت؛قلت لك اطلع م وده يطلع بس الوقت داهمه لف وطلع وتارك وراه شخص مكسور ، طلع من البيت بكبره وتوجهه مكان لقائهم تفاجئ بالرصاصه اللي تخترق كتفه اليسار وجنبه الأيمن طاح على الارض وناظر السماء وجاء وجهه النور وهي تبكي قدامه حس ببروده مو طبيعيه وتنفسه بدأ يسرع سمع صوت ساري قريب منه بس مو فاهم وش يقول شهق بقوة حس روحه طلعت من قو الشهقه ساري بصراخ؛جراح تسمعني! لف على حارس الشيخ؛انتبه له وانا رايح ركض بسرعه لجهة الشخص المجهول اللي يهرب منهم ساري طلع سلاحه من جيبه ورمى على رجله بمهاره ركض لجهته وقف قدام وانحنى وهو يشد شعره لفوق عشان تبان ملامحه انصدم من شافه رفع رجله وضربه على صدره بقوة وصرخ؛يالنجس . « بيت العنود » انهارت من طلع من عندها قلبها انكسر من كلمته وانكسر زياده من شافت العنود م ابدت ردة فعل اتجاهه الموضوع اندق الباب على بالها جراح صرخت؛وعزة وجلال الله ياجراح لو م تبعد عني ان يصير لك شيء م تتوقعه اتركني لوحدي حنين خافت من صراخها؛انا حنين ممكن تفتحين ابي اكلمك شوي وقفت ومسحت دموعها بقوة واخذت نفس وفتحت الباب؛نعم! حنين ابتسمت من شافت ملامحها وشعرها بهمس؛ماشاء الله , ممكن ادخل ابي اقول لك شيء ! النور فتحته ودخلت دخلت من وراها وجلست على سريرها؛يمكن انتي فهمتي الموضوع غلط! النور ناظرتها؛خليني على فهمي حنين ابتسمت؛ماشاء الله جمالك فتني النور توردت ملامحها خجل؛تسلمين حنين؛امي تقول نادي لي مرت ولدي ابيها بس انا قلت لازم اجلس معها قبلكم ابتسمت لها ودها تطلع لسطح لمكانها المُفضل ناظرت الشباك واستغربت من الصوت اللي تحت فزت بسرعه واتجهت لشباك تشوف شافت رجالين واقفين قدام الباب يتكلمون بأصوات عاليه لفت لحنين اللي شهقت النور بستغراب؛وشفيه من هذولاء!؟ حنين ركضت لجهة الباب؛اخوي باسل ونزلت تحت وهي تخبر امها ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٤٧ » . , صباح يوم جديد ومليئ بالأحداث « بيت ام شايع » لها يومين والخوف مستوطن قلبها طلع شايع ولدها اللي يبلغ من العُمر ١٢ سنه رونق بخوف؛شايع يمه وين رايح! شايع؛بطلع ألعب مع اخوياي رونق بلعت ريقها؛م فيه اجلس معاي شايع قرب من امه اللي باين فيها الخوف وتحاول انها م تبينه قبّل راسها؛جعلني م اذوق حزنك وش له الخوف! ان كانه من ولد عم ابوي فابشري باللي يدق في نحره رونق اندق الباب وشهقت بخوف وتمسكت في شايع؛لا تفتح خلهم يدقون ويروحون شايع برجوله وشهامه؛مو انا يايمه اتخبى ورى البيبان بطلع اشوف وش يبون ابعد يد امه وراح للباب بصوت رجولي؛جايك ياللي عند الباب! فتحه وحاول م يبين صدمته؛ارحب ياجدي ابوسالم؛وين امك! شايع شرع الباب؛حياك داخل ادخل لها دخل ابوها وباين عليه العصبيه؛رونق! رونق تجمد الدم بعروقها وانقطعت انفاسها من شافت ابوها بيذبحها لا مُحاله ابوسالم بعصبيه؛ياحيف يارونق ياحيف وهذا وانا اقول بناتي كلهم يسوونها الا رونق والله لو م ترجعين وتتزوجين ظافر ان عيالك م تشوفينهم رونق بصوت مبحوح ويادوب يطلع؛م ابيه م راح اتزوجه ابوسالم بحده؛انا حلفت والله اخليك تندمين و. قاطعه حدة صوت شايع؛اظن سمعت وش ردها الله يطول بعمرك هذاك هو الباب م فيه شيء يجبر امي تسويه وهي م تبيه ابوسالم بصدمه وحده؛قطع الله ذا الحس شايع؛توكل على الله ابوسالم ناظر رونق؛عاجبك كلامه هالرخمه! رونق بهمس؛ولدي مو رخمه وكلامه صح ضربها بكف وطاحت على الكنبه وقف قدامه شايع وكان بيضربها مره ثانيه ناظره بحده ونظراته بمعنى مد يدك مره ثانيه! طلع ابوها من البيت والدم يغلي عنده . « بيت ناجي » كانت نايمه على الكنبه سمعت صوت عندها فتحت عيونها لوهله وغمضتها فتحتها بسرعه وناظرت المكان اللي هي فيه استوعبت انها باقي عنده حركت ظهرها يمين ويسار نومة الكنبه وجعتها مره وقفت ودخلت الحمام "يكرمكم" غسلت وجهها ويديها وتوضت وطلعت تصلي سلمت ودخلت نوف عليها؛همايل تعالي افطري معانا! همايل؛طيب يعيني جايه قربت منه شافت الجهاز اللي جنبه تشوف المؤشرات و دقات قلبه ومستوى تنفسه رفعت يدها وحطتها على جبينه حست حرارته طبيعيه مشت وطلعت جلست معاهم على الفطور وتسمع شكرهم وامتنانهم لها اندق الباب وقفت نوف تفتح الباب شافت فالح عند الباب؛نعم وش بغيت! فالح؛كيف صار ناجي! نوف؛معليه بخير فالح؛اذا احتجتوا اي شيء انا موجود مشى ولا انتظر ردها سكرت الباب بقهر ودخلت جلست فزت همايل من اهتزت الساعه اللي في يدها دليل على ان ناجي صابه شيء ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٤٨ » . , شافت فالح عند الباب؛نعم وش بغيت! فالح؛كيف صار ناجي! نوف؛معليه بخير فالح؛اذا احتجتوا اي شيء انا موجود مشى ولا انتظر ردها سكرت الباب بقهر ودخلت جلست فزت همايل من اهتزت الساعه اللي في يدها دليل على ان ناجي صابه شيء ركضت لغرفته ودقات قلبها سريعه خوفٍ ان يصيبه شيء ويكون هي السبب دخلت شافته يكح بقوة ولاف للجهة الثانيه والدم يطلع من فمه قفلت الباب عشان محد يدخل عليها ويخافون من المنظر قربت منه ورجعته لمكانه وسحبت السلك اللي في حلقه شيكت على الجرح اللي في اسفل عنقه رفعت عيونها صادفت عيونه الذبلانه ابتسمت؛عديت مرحلة الخطر وانتظرك تصحى عشان اخذك لرياض اليوم هز راسه بـ لا م قدر يتكلم ولا صوته طلع همايل؛ارتاح انت الحين ولنا تفاهم ثاني اعطته منوم ونظفت الدم وتخذت جوالها واتصلت على حور صديقتها في المستشفى اللي نقلت منه ؛اهلين حور حور بفرحه؛هلا هولتي وش اخبارك! همايل؛بخير الحمدالله المهم اسمعي انا محتاجتك ضروري ابيك ترتبين لي جناح كامل وتفضين لي غرفة عمليات وتستدعين أفضل الجراحين وابيك ترسلين سيارة الاسعاف لقرية الدخنة اللي قريبه من الرياض ابيها كامله حور انصدمت من كلامها؛علامك يابنت وش له ذا ! همايل؛حور والله مو وقته انتظرك بسرعه سكرت منه وهي تناظر الساعه ١٠:٣٠ صباحاً همست ؛راح يوصلون على الساعه ١:٠٠ ظهراً طلعت وهي تطمنهم . . « بيت ابومسفر » ناظرت الشباك بلهفة لعل وعسى يجي لانه مواعدها انتظرته طول الليل ولا جاء وحل الصباح وهي تنتظره نزلت دمعه حاره على خدها وقلبها يوجعها همست ببحه؛ياقو قلبك يوم انه تنساني اخذت عبايتها بتطلع تشم هواء نقي او تروح لأقرب صديقه طلعت من البيت وهي تمشي وتناظر وجيه خلق الله شهقت بخفيف؛كم لي اناظر وجيه الناس واسألهم يمكن الاقي احد يعطيني اخبارك! مسحت دموعها م عهدت نفسها بالضعف هذا رفعت راسها وانصدمت انه بيت العنود ساقت خطاها لبيت اللي تسبها وتهينها تذكرت كلام رماح "كلام الناس اتركيك منه واعراض الناس لا تتكلمين عنها" ببحه؛حسيبك ربي يارمح القلب لفت بتمشي انفتح باب البيت طلع منه باسل؛نعم اختي! الجازي ببحه من البكي؛كنت ابي النور بس خلاص باسل عقد حواجبه؛وشفيك تبكين ! اذا تبغين زوجة اخوي داخل تفطر تفضلي الجازي ناظرت ملامحه لوهله على بالها رماح فيه شبهه كبير ليكون اخوه! ابعد عن الباب عشان تدخل دخلت بدون وعي وهي منصدمه من الشبه اللي بينهم 🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٤٩ » . , دخلت بدون وعي وهي منصدمه من الشبه اللي بينهم النور طلعت من المطبخ وانصدمت من الجازي اللي داخله البيت؛وش ذا الصباح اللي جاب الجازي لي ! الجازي رفعت راسها لها وناظرتها لوهله النور قربت منها؛علامك يالجازي! ضمتها الجازي بدون مُقدمات انصدمت النور منها همست ببحه؛سامحيني رجيتك سامحيني النور بذهول؛وش صاير لك! ابعدت الجازي عنها وهي تفتح نقابها وتمسح دموعها ناظرتها؛صاير لي شيء م تتوقعينه بس ابي منك تسامحيني وتعذرين طيشي مسكت يدها النور وجلستها وراحت للمطبخ تجيب ماء لها رجعت لها واعطتها الكاس؛اشربي واهدئ شربت الماء ورفعت راسها وانهارت بكي من قو وجع قلبها م تدري ليش ! ضمتها وهي تمسح على راسها؛اذكري ربك م عهدتك يالجازي بالضعف هذا ! وش موجعينك به ! م ردت عليها ضلت تبكي حست بحنيه في النور مو طبيعيه . . . « بيت ام شايع » لبست عبايتها وهي ناويه نيه شينه طلعت بعد م نامت ميهاف وحذرت شايع انه م يفتح الباب ولا يطلع لين تجي مشت وهي متوجهه لمركاز الشيخ دقت الباب ودخلت شافت ثلاث اشخاص غريبين ارتجفت بخوف من لفوا لها فزت ولفت وراها من الصوت اللي جاها ناظرته وارتاحت من شافته انه هو همست ببحه؛جيت لك مثل الغمام اللي على اطرافها مطر! فهم مغزى كلامها عز المعرفه ناظر اللي وراها؛العذر والسموحه ياربع تعالوا العصر انسحبوا كلهم وفضى المجلس ناظرها بتعب؛جيتيني ارضٍ تنادي المطر علامك ياعيون الظبي من اوجعك! بصوت يادوب يطلع بسبب كتمها لدموعها؛ساري نخيتك اعتقني من اهلي وجماعتي رفع يده واشر على الكنب؛ارتاحي الحين جلست عظامها م صارت تتحمل وقفتها ساري مسح وجهه عشان يركز معها له يوم ونص صاحي تنحنح؛وش سالفة اهلك رونق ببحه؛ بعد م رحت للجنوب صارت ذبحه بين اهلي وأهل محمد وعشان توقف الذبحه زوجوني محمد وبعد م توفى محمد صاروا يعذبوني هربت منهم ومن اهلي وجيت لهنا واليوم جاء ابوي وبيزوجني لأخو محمد ظافر عشان م ينقضون الذبحه ويهددني بعيالي ساري ناظر عيونها بتمعن وهمس يادوب تسمعه ؛كيف اطرد من لفت لصدري دخيله ! رونق مسحت دموعها اللي انهمرت ساري بصوت رجولي بحت؛انتي بوجه الشيخ ساري الحين ومحد معترض على كلامه روحي ارتاحي وريحي قلبك ياعيون الظبي رونق وقفت وناظرته لوهله تتمعن بتفاصيل وجهه اجزم ساري انها حفظت ملامح وجهه فز من سمع صوت صراخ.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 " من نورك الفاتن زال الجلاء وانزاح ومن حسنك الريان مال الهوى فيني " ▇ـ▄▄ @ahgeel ▄▄ـ▇ ‏ البارت  ‏ « ٥٠ » . , نزل من سيارته متوجهه لبيت جراح او بالأخص بيت العنود دق الباب بهدوء م يدري كيف يوصل لهم الخبر مسح وجهه بقوه وتنهد انفتح الباب وطلت حنين حنين؛نعم! ناصر تنحنح؛ابي ام جراح حنين بستغراب؛امي نايمه وش بغيت! ناصر حس برجفه تسري بجسده من هول اللي بيقوله ولا راح تتحمل اللي بتسمعه؛عظم الله اجركم في ولدكم جراح حنين بصدمه طلعت؛انت وش تقول! ناصر صد عنها ببحه؛ياختي ادخلي والله يصبركم حنين انهارت وطاحت على الارض مد يده وسكر الباب ولف ناظر عامر؛الله يصبرهم عامر؛اميين امش انروح لـ سيّاف طلعت النور والجازي على صراخ حنين النور قربت منها بخوف؛حنين علامك! حنين مسكت يد النور بقوة من بين شهقاتها؛جراح النور انقبض قلبها؛وشفيه جراح! حنين م تقوى على نطق الكلمة انهارت بكي النور نزلت لمستواها وهزتها؛جراح وشفيه حنين انطقي شهقت بقوة مثل قوة الكلمة وصُعُبتها؛مات النور تركت حنين ورجعت لورى بصدمه لفت بسرعه على صراخ ام جراح "نوره" اللي تضرب صدرها وتنادي باسل؛ياويل حالك ياباسل الجازي تناظرهم بصدمه م فهمت وش السالفه! دخل باسل بسرعه على صراخ امه واخته الجازي تداركت الوضع واخذت النور لداخل همس؛وش السالفه يالنور! النور ناظرتها بضياع؛يقولون مات ! الجازي؛جراح منهو هذا ! غمضت عيونها لوهله من تذكرت اخر لقاء لهم؛زوجي الجازي انصدمت بس م حبت تتكلم؛اجلسي طيب لفوا على دخول ام جراح وحنين وهم منهارات م تدري ليش النور الحين م تحس بشيء حالياً اغمى على نوره قربت منها الجازي ترفعها بمُساعدة النور . . « مركاز الشيخ » ساري بصوت رجولي بحت؛انتي بوجه الشيخ ساري الحين ومحد معترض على كلامه روحي ارتاحي وريحي قلبك ياعيون الظبي رونق وقفت وناظرته لوهله تتمعن بتفاصيل وجهه اجزم ساري انها حفظت ملامح وجهه فز من سمع صوت صراخ برى تخبت ورى ظهره من الاصوات المُرعبه اللي في الخارج دخل القهوجي؛طال عمرك القرية عرفت بموت الشيخ جراح وجايين لك ساري التعب مهلكه لحد النخاع؛قول ساري مو موجود الحين ،  في بيته بيكون هنا العصر طلع وتركهم لف لها بحنيه؛علامك خايفه! رونق وهي ترجف خوف؛اهلي بيجون ساري مد يده لجهة الباب الخلفي؛تعالي اوصلك طلعوا وهي تمسح دموعها بخوف ساري كل شوي يمسح وجهه ويركز في الطريق وقفوا قدام البيت؛في امان الله ياعيون الظبي موضوعك بينحل بأذن الله ولا تشيلين همه رونق ببحه؛مشكور رفع يده اليمين على صدره بأمتنان ومشى تاركها لف على الصوت اللي يناديه.. , تفاعلوووووو🥺🤎..! 🌱 #نوقف هنا ونكمل معاكم غدا 📚عـ(القصص)ـالـ(والروآيات)ـم📚 #ملاحظة : يسعدنا مشاركـة الروايـة مع اصدقائكم لكن لا ابيح ولا احلل نقل الروايـة وحـذف رابط القناة 👇👇 https://t.me/joinchat/AAAAAFdO1y-1PZ5SzX0BWg ▇ـ▄💜▄ـ▇ يتبع البارت التالي➥ ⇩⇩ ▇ـ▄💜▄▄ـ▇