من نورك الفاتن زال الجلاء وانزاح ومن حسنك الريان مال الهوى فيني - الفصل 14 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٦ » . , طلعت لفوق لمكانها المُعتاد وبيدها كوب قهوة عربيه وحلى سوته نوف وارسلته لها جلست على الارض ناظرت الكوب اللي بيدها بشتات فزت من صوت العود اللي يعزف وقفت وناظرت من فوق جدار السطح شافت جراح يعزف بخفيف وعزفه جذب حواسها ركبت فوق الجدار وجلست وكوب القوه بيدها , عند جراح جالس على الارض قدامه كوب شاي وجواله فاتحه على موسيقى هادية ويعزف على العود بخفيف ببحه ؛ باهِت الليل مِن دُونك , الله لو ليلي عُيونك عقد حواجبه من شاف ظل على الجدار همس؛بسم الله رفع راسها بخفيف وشافها جالسه على الجدار فز بسرعه وركض داخل البيت متوجهه لسطح خوفٍ عليها تطيح دخل مع باب السطح شافها شاردة الذهن قرب منها بهدوء حاوط خصرها بسرعها وسحبها لحضنه ونزلها من فوقه ارتجفت من قُربه الشديد وقفت على اصابعها رفعت راسها له بلعثمه؛اتركني خلاص شدها اكثر من داهمه عطرها اللي لخبط كيانه عضت شفايفها همست؛جراح ابعد ! رفع يده لعنقها وبعد البلوفر عنها وعقد حواجبه؛وش ذا ! رفعت يدها ليده وسحبتها ودفته؛حساسيه ابعد ناظرها بتمعن من شاف دقنها احمر وفيه علامات قرب منها رجعت لورى بخوف صقع جسمها في الجدار قرب من اذنها بهمس؛لا تعدمين شيء يخصني م فهمت وش قصده ،حطت يدها على صدره تبي تبعده حرارة انفاسه تربكها تحس بمغص ببطنها من قُربه رفع يده ومد اصبعه وسحب البلوفر عن عنقها قبّلها بهدوء ارتجفت من قُبّلته الهادئه غمضت يعونها من الاحساس اللي داهمها بعد عنها بخفيف وناظرها شافها مغمضه وزامه شفايفها قرب وقبّلها بعُمق انتفضت بدون وعي شدة على تيشيرته بقوة ، حاوط خصرها وشدها لجهته.. . . . « بيت ناجي » مجتمعين ام ناجي ونوف وايمان وهمايل يسولفون ابتسمت همايل لنوف من دق جوالها؛اعتذر حبيبتي برد واجي نوف؛اخذي راحتك ياعيني , عند ناجي دخل البيت وهو تعبان ولا فيه حيل لأي شيء رمى نفسه على الكنب وتنهد بضيق من وجعه اللي ملازمه من ثلاث سنوات اخذ نفس وانكتم ولا قدر يزفره ملامحه احمرت وابرزت عروقه بشكل يخوف دخلت وهي تكلم بالجوال ولا انتبهت اللي منسدح شافها واقفه تكلم يبي يتكلم يصيح يأن م قدر حاول يجلس طاح من فوق الكنب على الارض فزت بخوف ولفت وانصدمت من شكله اللي يخوف قربت منه ؛وش صاير فيك ؟ رفع يده ومسكها بقوة ، خافت تبي تبعد عنه بس م قدرت رفع راسه بصعوبه ناظرت ملامح وجهه وعيونه الحمراء وشفايفه اللي تحولت للأزرق عرفت انه م يتنفس تقدمت بجراءه منه ومسكت راسه وحطته بحضنها ومسكت ذقنه ورفعته لفوق وحطت يدها على فمه ؛تنفس من خشمك يلا معي اخذت نفس وزفرته.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٧ » . , اخذت نفس وزفرته ؛يلا تقدر تسويها بس هد روحك وفكر بأمك واختك رفع يده ومسك يدها اللي على فمه وسحبها واخذ نفس بصعوبه شديده وغمض عيونه من وجع صدره وعضلات جسمه سحبت منديل على الطاوله ومسحت وجهه من التعرق بدأ يكح بقوه لف بجسمه لجهة الثانيه من قوة كحته صارت تضرب على ظهره بخفيف وقف من كحته وسند راسه على يده على الارض بعدت عنه وقفت؛تعال بكرة للمستشفى اشوف حالتك ولا ترى بعد يومين بالكثير راح تموت بسبب عنادك طلعت من الصاله وتوجهت للمجلس وشافت عمتها قامت تستأذنهم لبست عبايتها وطلعت . . « الرياض - بيت جراح » وقف قدامهم باسل؛نعم اخوي! الضابط؛نبي جراح بن عبدالله موجود! باسل؛لا مو موجود وش تبي فيه! الضابط؛معنا امر بالقبض عليه وتم التعميم عليه باسل بصدمه؛وش تعميمه ياخوي! الضابط؛جراح قاتل محمد بن سالم ومطلوب باسل؛فاهمين غلط يارجال وش قاتل الضابط؛نستأذن واذا جاء يسلم نفسه عشان تخف العقوبه عليه طلعوا من البيت دخل باسل بصدمه ودخل مكتب ابوه وطلع الجوال السري ودق على اخوه جراح وبعد دقايق رد؛جراح انحاش الشرطه تدور عليك ومطلوب جراح مسح وجهه وتنهد؛عارف ياخوك عارف باسل؛وش انت مسوي جراح؛سالفه طويله بعدين اقولك باسل بهدوء؛جراح لا تنمسك ! جراح؛لا تخاف علي انتبه لأمي وحنين باسل؛ابشر فز جراح من سمع صوت الشرطه؛باسل بسكر سكر وقف يشوف الشرطه في نص الديره دق على رماح؛تخب بأي مكان بسرعه الشرطة في الديره سكر لف وناظرها ملامحها حمراء؛فيه مكان بالديره اقدر اطلع منه ؟ النور؛وش انت مسوي ! جراح؛مو وقته بسرعه النور؛ امش معاي نزلوا لبست عبايتها وطلعت معه ومشوا بسرعه لجنب بيت ناجي لان فيه نفق يطلعهم تجمدوا من الصوت اللي وراهم .. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٨ » , مشوا بسرعه لجنب بيت ناجي لان فيه نفق يطلعهم تجمدوا من الصوت اللي وراهم لف جراح بذهول ومسك يد النور بخوف النور لفت وارتاحت من شافت ساري؛ساري طلعه من الديره بسرعه ساري ابتسم وهو متلطم بشماغه؛اصلاً جاي اطلعه بعد م طلعت رماح امش بسرعه قدامي تراهم قريبين منا وانتي يالشيخه ارجعي للبيت النور لفت وناظرت جراح اللي يناظرها بتسأل شدت على يده وهزت راسها بـ ايه ابعدت النور عنه من تقدم ساري وابعد الشجر وفتح الباب ودخل جراح وناظر النور؛يلا يالشيخه روحي رجع الشجر بسرعه من سمع الاصوات تقرب وقفل الباب مسك جراح بيده ومشى به بسرعه جراح عقد حواجبه؛وش عرفك بي! ساري نزل الشماغ عن وجهه وابتسم؛يمكن م تعرفني بس انا عارفك اكثر من نفسك ناظره وهو يشوف ملامح وجهه اللي مو بين عليها كبر السن ابد اللي يشوفه يقول عمره بداية الثلاثينيات فتح الباب اللي في نهاية النفق طلعوا من ديرة الدخنة ساري يأشر على الجبل؛شفت الجبل هذاك ! جراح؛ايه !! ساري؛خويك هناك ولا احد يطلع من هناك الا اذا جيت واذا شفتوا احد جاكم في نفس الجبل نفق من الجهة اليمين اطلعوا منه وراح تلقون قدامكم بيت ادخلوا فيه جراح ناظره؛ليش تساعدنا ! ساري ابتسم؛قول انه دين وابي اسدده روح الحين وبعدين لنا كلام مع بعض مشى جراح للجبل المقصود وساري اتبعه بنظراته لين اختفى رجع مثل م جاء يبي يلهي الشرطة ويشوف امر جراح ورماح وش طايحين به وقف قدام بيت الشيخ اللي طالع واقف قدام الباب؛ابشرك طلعتهم وفي امان الحين الشيخ؛بيض الله وجهك ياساري ساري؛وجهك طال عمرك ربت على كتفه؛من تصبح الشمس وانت جامع لي اهل القرية واولهم ابومسفر و ولده ساري؛تم اعتبره صار دخل الشيخ البيت وهو صار يمشي بهدوء ويده خلف ظهره بطريقة عسكريه ابتسم بسخريه من وضعه وهمس؛لايغرك ياساري مظهرك ورُتبك اللي اخذتها لانها اهدمت حياتك وقف لوهله من طاحت عينه على بيت اللي اسعد حياته فتره وهدمها في ليله وضحاها حس بكتمه وضعف وتنهد بضيق؛ دخيلك لاتشوه ذكريات المحبه ‏خلك مثل ماكنت في عيني كبير رفع يده لوجهه ومسحه ومشى للمسجد اللي قريب منه دخل وهموم الدنيا فوقه كل من تذكرها ينهد حيله من الدخيلة اللي لفت لصدره استقبل القبله وصلى.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٩ » . , « صباح يوم جديد على ابطالنا » طلع ناجي من البيت وحيله مهدود من التعب قابله فالح ابتسم؛حي الله ابو لافي وين الغيبه! ناجي ابتسم؛التعب ياخوك بيقتلني فالح؛رجعت لك! ناجي مشى وهز راسه بـ ايه؛وبقوة بعد فالح؛بعد الاجتماع انروح للمستشفى ناجي؛يصير خير دخلوا مجلس الشيخ واتبعوه بسلام جهوري عليه رد عليهم السلام واشر لهم يجلسون على يمينه الاول ناجي والي جنبه فالح التفت ناجي على الشيخ ونطق بنبرة تساؤل ؛ من بعد اذنك ي شيخنا بس وش سر طلبك لنا وش مضمون الاجتماع؟ الشيخ اردف بهدوء ؛ انتظر ي ناجي لمّا الكل يجتمع وراح تعرف بنفسك ومن الحين متأكد اللي بيصير هنا انت من المؤيدين له ف ارتاح ناجي هز راسه بهدوء مر الوقت سريع والكل اجتمع بالمجلس استعدل الشيخ ونطق بهدوء وعيونه عليهم ونظرات الترقب الواضحه على ملامحهم لان الاجتماع صار بوقت غير المعتاد مما اجبرهم يتسألوون عنه بينهم وبين انفسهم ؛ ادري ان كلكم صايبكم الفضول حول طلبي لهالاجتماع بالوقت هذا بس مابي اطول عليكم هي كلمه وحده وبقولها لكم ناظروه بغرابه جميعهم وهو اردف بهدوء وعيونه على مساعده ؛ خله يتفضّل يا سامح سامح هز راسه بهدوء ؛ تامر طال عمرك طلع لبرا وطلب من جراح يدخل وقف جراح بمكانه من شاف المجلس ممتلي كان جاي يبي الشيخ لحاله م توقع ان كل اهل القريه بيكونون موجودين التفت للشيخ ؛ عن اذنك يا شيخ اجيك بوقت ثاني لف بيطلع لكن كان سامح قباله معترض طريقه عقد حواجبه بغرابه ؛ ابعد بطلع لو سمحت سامح هز راسه بالنفي واشر بعيونه على الشيخ جراح بغرابه اكثر التفت على نبرة الشيخ وهو يقول تفضّل يا جراح جيت بالوقت المناسب عقد حواجبه جراح بعدم فهم واكمل الشيخ كلامه ؛ تفضّل قرب يا ولدي جراح مشى بإتجاهه والشيخ قام وهو يمد عليه مفتاح المجلس ويحطه بيده بدون مقدمات وقفل بيده عليه حاوط اكتاف جراح بيديه تحت نظرات جراح الغريبه من تصرفاته وهو يجلسه بمكانه بهدوء وعيونه تتفحصه بتدقيق همس بإعجاب لإختياره ؛ قالو من قبل ان المجالس تختار اصحابها مو حنا اللي نختارها استغرب جراح همسه وقام ؛ وش قاعد تسوي يا شيخ ؟ الشيخ حط يديه على اكتافه ورجعه ؛ من اليوم  ورايح هذا مكانك يا جراح بوسط المجلس توقعت بتفهم من سلمتك المفتاح لكن.. هز راسه بعدم مبالاه وكمل كلامه؛ اللي ابيك تفهمه انيّ اترك لك كل شي من بعدي يعني راح تكون خليفتي برئاسة هالقريه من اللحظه ذي م امداه يستوعب جراح الا فز من احتداد نبرة مسفر اللي اخترقت مسامعه... '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٣٠ » . ' م امداه يستوعب جراح الا فز من احتداد نبرة مسفر اللي اخترقت مسامعه ؛ يخسي ي شيخ ما بقى الا هالغريب يرئسنا! قام ابوه بنفس النبره وبتأييد له ؛ وانا مع مسفر مستحيل نخليه يرئسنا واحد مثله , وفوق هذا غريب بأي حق توليه المهمه وغيره من اهل الديره اولى بهالمنصب يا شيخ! ناجي اللي صابه القهر والغيض من كلامهم ورد بصرامه؛ انتم اللي بأي حق تحكمون من يرئسنا دام الشيخ اختار جراح فهو اهل له وانا مع الشيخ , ليكون عيونكم على الشيخهه؟ م لقيتو فيه عذروب قلتو غريب! على الاقل الغريب اللي تتكلموون عنه ومو عاجبكم هو الوحيد اللي من بينكم يستحق هالمنصب ! امّا انتم حرام عليكم تواجدكم بهالقريه حتى مسفر بعصبية؛ ابلع لسانك ياناجي لا ي.. قاطعه صوت الشيخ الحاد؛ اقضب ارضك يامسفر , الحكم أصدر أحد عنده اعتراض يطلع !! الكل أبتسم بحب لجراح اللي يناظرهم م عدا مسفر وابوه الشيخ؛م قصرتوا تقدرون تروحون طلع الكل بعد م باركوا لجراح جراح حط يده على صدره بمعنى الامتنان لناجي . . . « بيت العنود » بعد م تأكدت من ساري ان جراح ورماح في القريه تطمنت رفعت شعرها لفوق وشغلت المسجل بصوت متوسط على اغنية تدندن معها بصوت خافت وهي تنظف م حست بدخول جراح أبتسم بخفه على هزها لخصرها مع الاغنيه قرب منها بهدوء وقبل كتفها من الخلف مكانه المعتاد فزت بخوف ولفت؛أنت وش تسوي! جراح همس ببحه شاعريه؛ ‏ماذا تخبئين تحت ثيابك ؟ ستة عشر شامةً تلتهم روحي!.. احمرت ملامحها خجل من قبل خدها وراح . . « المستشفى » دخل بعد م سمحت همايل بس لناجي بدون أحد معه طلع فالح برى المستشفى ينتظر ناجي شافها جايه تبي تدخل اعترض طريقها بقهر ومسك ذراعها وسحبها لمكان مو بين لأحد عصبت؛نعم خير!! شد على أسنانه بعصبيه معمته ؛مات لاتنتظرينه عشان م ألحقك إياه انصدمت وشهقت. . '🌱 #نوقف هنا ونكمل معاكم غدا 📚عـ(القصص)ـالـ(والروآيات)ـم📚 #ملاحظة : يسعدنا مشاركـة الروايـة مع اصدقائكم لكن لا ابيح ولا احلل نقل الروايـة وحـذف رابط القناة 👇👇 https://t.me/joinchat/AAAAAFdO1y-1PZ5SzX0BWg ▇ـ▄💜▄ـ▇ يتبع البارت التالي➥ ⇩⇩ ▇ـ▄💜▄▄ـ▇