من نورك الفاتن زال الجلاء وانزاح ومن حسنك الريان مال الهوى فيني - الفصل 13 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢١ » . ,عقد رماح حواجبه؛ومسفر وينه! نطقت بحنق: ابوي يبيني انا لاني تاخرت عليه بالقهوه كتم ضحكته رماح على صوتها المكتوم وهز راسه بتمثيل للحزن على وضعها: لا لا صراحه ابوك ماله حق ابد وحده بهالجمال والرقه والانوثه! يدخلها لحوش غنم؟ هي يالله متحمله نفسها تروح تتحمل ابناء جنسها الثانيين!! ابتسمت الجازي ونطقت بغرور: شايف كيف! ناس ماتحترم ولا تقدر جمال.. سكتت لوهله تستوعب كلامه والتفتت له بحنق: نعم نعم! وش تقصد انت هاه؟؟ رفع يدينه رماح لفوق: الظليمه شينه يابنت انا ما اقصد الا الخير صدت عنه الجازي وهي تتامل بالغنم التفت رماح لها : تعرفين وش تختارين ولا اساعدك؟ هزت اكتافها الجازي ب مدري بحيره : اكيد يبون واحد مزيون كتم ضحكته رماح وهز راسه بتسليك: اي اي اكيد اشرت الجازي على طلي صغير لونه ابيض ونحيف : هذا شكله حلو شرايك! ناظر مكان ما اشرت وضحك بخفه وهو يناظره: متاكده بتاخذين لهم هذا؟ صراحه اتوقع ابوك بيذبحك بداله للضيف بان الضيق بملامحها والتفتت له: طيب ساعدني ولا بس شاطر تطقطق؟؟ ابتسم رماح وهو ياشر لها على خروف سمين : شرايك بهذا؟ التفتت له وعقدت حواجبها : لا يع هذا كله شحم، بعدين شف وجهه استغفر الله غيره! رفع حواجبه وضحك بخفه: ي ماما انتي داخله ترشحينهم لمسابقه مزاين خرفان!! ترا م ردهم بيذبحونه ميلت شفتها وهي تناظره : طيب بياكلون الراس اكيد بيدققون بملامحه عقد حواجبه رماح لثواني وسرعان ما انفجر ضحك عليها ضربت رجلها بالارض بقهر منه وحست ودها تذبحه اما هو سكت عن ضحكه والتفت لها : ياجوجو ياحبيبتي الرجال لما يبي ياكله ماهو مبحر بوجهه هو مزيون ولا شين اهم شي عنده اللحم كيف بيكون وهذا انا اقولها لك من الحين لحمه بيطلع لذيذ وقولي رماح ماقال التفتت له الجازي بتفكير وتنهدت وهزت راسها بطيب والتفتت للراعي وقالت له ياخذه للبيت ومشت لكنها رجعت ادراجها لرماح ونطقت بخفوت: شكرا ابتسم لها رماح ، لاول مره من وصل عالقريه تقول له كلمه حلوه ولو انها قليله لكنها تعني لرماح كثير ابتسم لها بعذوبه: العفو صدت عنه الجازي وهي تطلع من الحوش متجهه لبيتها اما رماح بقى واقف مكانه ومستغرب من نفسه كيف ابتسم من قلبه لما قالت له كلمه عاديه . « بيت العنود » دخلت بتعب اول مره تحس فيه رمت نفسها على الكنب بإرهاق تنهدت سمعت صوت امها؛النور وشفيك! النور استعدلت؛م فيني شيء العنود؛هالأيام صوتك م عجبني احد قالك شيء النور مسكت راسها؛لا يمه بطلع انام لي شوي طلعت لغرفتها رمت نفسها على السرير ونزلت دموعها بدون سبب فزت على فتحت الباب القوية.. -🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٢ » . , طلعت لغرفتها رمت نفسها على السرير ونزلت دموعها بدون سبب فزت على فتحت الباب القوية ناظرت اللي دخل الغرفة بحده وملامحها كلها دموع؛نعم داخل بيت ابوك هو عشان تدخل كذا !! جراح يتفحص ملامحها بتدقيق؛وش صابك! النور وقفت واعطته ظهرها ومسحت دموعها وقفت قدام شباكها ببحه ؛اطلع برى سكر الباب ، انحنت بسرعه بعد م سمعت الباب حطت  يد على ركبتها ويد على فمها تكتم شهقاتها لا تطلع رفعت جسمها وكتمت بكيها ودموع بسرعه ومسحت على وجهها م تبي تنهار اخذت نفس بصعُوبه شهقت وانهارت من جديد وغطت وجهها بيدها تحس بتزاحم بمشاعرها م تدري وش سبب بكاها او سبب انهيارها تحس مضغوطه من كل الجهات ، لفت بسرعه بعد م حست بأحد يحط يده على اكتافها شافته يناظرها بنظرات كلها حنيه م تحملت نظراته ورفعت يدها وضربته على صدرها بحده؛م قلت لك اطلع ياخي اطلع من حياتي م ابيك تقرب مني جراح بهدوء؛من حقك تقولين كذا م راح تقولين لي من وصلك لكذا ؟ النور جلست على الارض بتعب ببحه؛محد جراح لف لجهة الباب؛اجل بقوم القرية كلها واشوف وش صابك ومن مسك بالحكي و وصلك للحاله هذي النور؛امي ! لف وناظرها؛علامها امي ؟ النور رفعت راسها وناظرته؛مو امي العنود امي الحقيقيه هي اللي وصلتني كذا عقد حواجبه جراح بغرابه؛ وينها فيه ! ضمت رجليها لصدرها ونزلت راسها على ركبها همست؛نخيتك انك تطلع ولا كأنك شفتني كذا ولا سمعت مني شيء طلع بهدوء ومليون سؤال يدور في باله راح لجدته العنود دخل عليها شافها جالسه والسبحه بيدها تستغفر ؛يمه فاضية! العنود تهلل وجهها؛تعال يايمه تعال جلس جنبها؛بسألك ام النور وينها ؟ عقدت حواجبها بأنزعاج من سؤاله؛وش تبي فيها ! جراح؛اسأل بس العنود بحزن؛لا تسمعك النور وانت تسأل عنها قومة الدنيا ولا قعدتها جراح باس راسها؛ابشري م راح تسمع بس قولي لي وش سالفتها !! العنود مسحت دمعه طاحت من عينها ببحه؛امها انحاشت من اهلها بعد م حملت من زوج اختها وجت لي وجابت النور وبنفس الوقت انحاشت وتركتها عندي وكذبت علي وقالت انها من طرف عائلة ثانيه وانا اروح لهم ويقولون لي بنتهم ماتت من زمان ولا هي متزوجه اصلاً وبعدها ربيت النور وكبرتها واهل الديره يتنمرون عليها جراح رفع يده ومسح دموع جدته؛يالغاليه كفكفي دموعك والله ينتقم منهم العنود؛اوعدني ياجراح ! جراح عقد حواجبه؛اوعدك بأيش! العنود.... . . . « بيت ابو مسفر » الكل مشغول بوقت العشاء رمت نفسها على الكنب بالصاله بتعب؛الله ياخذهم تعبت وش ذا امها؛قومي اعطيهم القهوة بسرعه الجازي؛يمه تعبت تكفين امها بحده؛قومي قبل لا يدخل ابوك بسرعه . ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٣» . , امها بحده؛قومي قبل لا يدخل ابوك بسرعه قامت الجازي وهي تتحلطم دخلت المطبخ وزينة القهوة دخل مسفر ياخذ القهوة ؛القهوة الجازي؛خذها الله ياخذهم مسفر ضحك؛تعبتي يقلبي الجازي بعصبيه؛مسفروه انقلع عن وجهي طلع وهو يضحك عليها من الظهر وهي في المطبخ تعبت مره وم فيه احد يساعدها . . . طلعت بخفه لورى البيت ابتسمت من شافته قربت منه بسرعه؛قول وش جابك! مسك يدها بحُب؛جابني الشوق احمرت ملامحها ؛لا تطول امش قبل اخوي يجي باس يدها بخفه؛م صرت اتحمل يابنت الاجاويد ابي قُربك قبل ربي لا ياخذ امانتي رفعت يدها وسكرت فمه؛اشش وش هالكلام! لا تقوله مره ثانية ان شاء الله انا لك وانت لي باس يدها اللي على فمه ونزلها؛اجل جايكم بكره م اتحمل انا ولا فيني صبر سمعت صوت اخوها توه جاي بخوف؛يلا روح بسرعه رجعت للبيت بسرعه قبل لا اخوها يدخل طلع بسرعه من فوق الجدار ، شافها ولحقه . . . « بيت همايل » دخلت البيت بعد الدوام الاول لها رمت نفسها على الكنب بتعب عمتها ايمان؛اهلين همولتي كيف صار دوامك! همايل؛تعبت من اول يوم ايمان؛معليه يعيني بتتعودين همايل جلست؛تصدقين فيه واحد بيموت من مرضه اللي فيه ويبي تدخُل جراحي ورافض يقول م عندكم جراحين مؤهلين شايف نفسه ايمان عقدت حواجبها؛من هذا نعرفه! همايل رفعت كتوفها؛م ادري عنه بس معروف في المستشفى وبكل مكان ايمان ابتسمت؛م فيه الا ناجي ولا فالح هذا المعروفين بالديره همايل؛مدري بس ابي انام الحين عشان بكرة ورانا بعد كرف اكثر من اليوم ايمان؛نوم العافيه بس اسمعي بكرة معزومين عند ام نوف ولازم انروح لها همايل وقفت؛م اوعدك ياعمتو باي ايمان ضحكت؛تكلمي عدل يابنت باست راسها؛تصبحين على خير ايمان؛وانتي من اهله طلعت لغرفتها بدلت ملابسها وغسلت يديها و وجهها وانسدحت على السرير وفتحت جوالها تشوف الرسايل اللي جاتها.. .🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٤ » . , صباح يوم جديد واخر اختبار لهم راحت للمدرسة ونفسيتها في الحظيظ وتدعي ربها يبعد عنها الجازي واللي معها لان مالها خلق لهم دخلت القاعه بعد م راجعت اللي ذاكرته وتعرف عز المعرفه راح تجيب في الماده درجة نازله اعطوها الاوراق حلت بصعوبه رفعت راسها على صوت البنت؛استاذة النور تغش مني انصدمت النور بحده؛نعم!! وينك انتي فيه وانا ويني فيه المعلمة بحده؛النور عينك على ورقتك لا اسحب الورقة واعتبرك م اختبرتي نهائي النور وقفت؛م غشيت وش له الكلام هذا البنت ابتسمت بخبث؛الا غشيتي النور غمضت عيونها لانها عرفت مقصدها؛م غشيت وسكتيها عني جلست النور تحل بسرعه وقفت وسلمت الورقة وقعت وطلعت جلست في الساحه الخارجيه تقدموا لها بنتين بسُخرية؛كيف اختبارك ياللقيطه! النور غمضت عيونها هالفتره م تتحمل الحكي وقفت وقربت منهم بعصبيه حاده شدت على اسنانها؛وعزة وجلال الله لو م تبعدين عن وجهي الحين ان اعلمك اللقيطه وش تسوي فيك "صرخت" اننققلععي راحت البنت بخوف من صراخها لفت النور واخذت عبايتها وطلعت من المدرسة وتحس بكتمة مو قادره تتنفس لفت من سمعت صوته؛صاير شيء! ناظرته لثواني وهزت راسها بـ لا ولفت تمشي وتحاول م تبين ضيقتها وضيق تنفُسها قدام الناس مرت من مجموعه شباب مُراهقين يطقطقون بِسُخريه؛وش عندها الز*** اليوم م تقدر تتكلم تحس لسانها انربط او بالاصح صوتها اختفى من الكتمة لفت وناظرت جراح اللي يناظرهم بصدمه لف وناظرها وشاف وجهها م يبشر بالخير جراح بحده ارعبتهم؛من الز**** هاه؟ اختفت ابتسامتهم من الشخص الغريب اللي يصارخ عليهم بتلعثم؛م قصدنا! تقدم جراح بعصبيه ومسك ياقة اقرب واحد؛واللي رفع سبع وبسط سبع لااشوفكم معترضين طريقها ولا بس لامحين بس زولها ان ادفنكم كل واحد مكانه هربوا من خوفهم منه لف عليها شافها تمسح وجهها الاحمر بصعوبه قرب منها؛وشفيك؟ رفعت يدها لا بمعنى م فيني شيء مشت وهو وراها ويد ورى ظهره ويد يلعب بسبحته ونظراته تتوزع عليها وعلى اللي حوله مسفر بحده؛ النور من هذا اللي معك! ناظرته بكرهه وصدت تمشي عنه بعصبيه؛انا اسأل من ذا الـ**** جراح قرب وضرب صدره بيده اللي فيها السبحه بحده؛ثمن حكيك ياولد شلاح لا ابلعك اياه انت الحين وش دخلك !! تراها ماهي ملزومه تجاوبك! لا انت من اهلها ولا انت من قرايبها لا تتعدا حدودك! مسفر بحده؛الا انت وش دخلك !! اللي اعرفه ان النور وحيدة امها يعني حتى انت ينطبق عليك كلامك الي وجهته لي جراح قرب منه ورص على اسنانه يتمالك عصبيته؛م ينطبق ي ولد ابوك لاني زوجها مسفر انصدم؛متى صارت زوجتك!! دفه بقوة.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٥ » . , مسفر انصدم؛متى صارت زوجتك!! دفه بقوة؛مو لازم تعرفه وانقلع عن وجهي لا اكفر فيك ولا اشوفك مقرب صوبها لا بالحكي ولا بالنظر لا اخلي اهل الديره يصلون عليك لف ومسك يدها ومشى انصدمت من حركته وهو عارف عز المعرفة انه راح ينشر الخبر بالديره كلها وصلوا للبيت سحبت يدها بقوة ودخلت قبله غمض عيونه وتنهد بضيق طلع وراح لشيخ الديره.. . . . « بيت ناجي » انسدح على رجول اخته وغمض عيونه بتعب باقي يحس بالكتمه وضيق تنفسه نوف بحنيه؛ناجي قوم معاي للمستشفى ! ناجي ببحه؛م ابي ولا تسمع امي بالي صار نوف؛بتسمعه مني اذا م قمت معي الحين انروح ناجي؛مو الحين بكرة انروح وقف وقبّل جبينها بحنان؛انتبهي لنفسك زين طلع من البيت والتعب مبين في ملامحه مشى بدون هدف بس ساقته رجليه لباب شيخ الديره بدون وعي وهو يفكر بحالته صحى من سمع صوت جراح يرحب فيه؛حيا الله ولد لافي ابتسم بذبول؛الله يبقيك ويعزك جراح عقد حواجبه؛علام وجهك وكذا ! ناجي؛جعله م يجيك تعبان شوي جراح؛الله يشفيك وش جابك! رفع اكتافه؛مدري والله ساقتني رجلي لهنا ابتسم؛جابك الله ابيك تكون الشاهد لي ناجي عقد حواجبه بستغراب؛شاهد !! جراح؛ايه شاهد لزواجي من النور ناجي؛النور موافقه! جراح؛ايه والعنود بعد موافقه ناجي ابتسم بفرحه؛الله يوفقكم بس هاه لا اشوفها زعلانه ولا متضايقه والسبب انت ان اخلي يومك اسود جراح ربت على اكتافه؛بعيوني لا تخاف , بعد دقايق جاء الشاهد الثاني اللي هو رماح والمملك وقعوا على اوراقهم بعد م راح جراح للبيت وخلى النور توقع . . . « الساعه ٩:٢٣ مساء » من جت من المدرسه وهي مسكره على نفسها غرفتها طلعت بعد م بدلت ملابسه ولبست بنطلون طويل الخصر باللون الاسود  وبلوفر له رقبه باللون الازرق الفاتح يخفي العلامات اللي برقبتها نزلت للمطبخ اخذت لها شيء تاكله ومرت غرفة امها العنود شافتها نايمه طلعت لفوق لمكانها المُعتاد وبيدها كوب قهوة عربيه وحلى سوته نوف وارسلته لها جلست على الارض ناظرت الكوب اللي بيدها بشتات فزت من الصوت.. ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇