من نورك الفاتن زال الجلاء وانزاح ومن حسنك الريان مال الهوى فيني - الفصل 12 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٦ » . , « بيت العنود - الساعه ٨:٤٠ مساء » بعد م عشت جدتها وجراح طلعت لفوق لسطح تبي تختلي بنفسها تبي تشل قناع القوه اللي تلبسه اذا طلعت من البيت وتخلعه اذا جلست في مكانها المُعتاد وتترك لنفسها الحُريه بنفسها فصخت تيشيرتها عنها ونزلت بكلتها عن شعرها وتركت للهواء الحريه بمداعبت خصلاته اتجهت لزاويتها المخصصه للاستلقاء فرشه من حصير مفروشه بزاويه السطح وطاوله مهترئه من خشب بالقرب منها تربعت عالحصير وصارت الطاوله الخشبيه قبالها مدت يدها لتحت الطاوله واخذت من تحتها دفتر صغير وقلم اخذت نفس وفتحت الدفتر ومسكت القلم وبدت تكتب قائمه عن الاشياء اللي ازعجتها بهاليوم ترأس القائمه اسم جراح وتوسّطه وانختم فيه كمان كان هالانسان الوحيد اللي مغضبها بهاليوم اخذت تشخبط على كامل الورقه بغضب فادح وهي تتذكر ملامح وجهه المستفزه بالنسبه لها ودموع العنود  اللي نزلت بسبته بالامس وطيبه العنود معه اليوم واشياء ثانيه بسيطه لكنها عند النور بقمه بشاعتها وكانت كل هالاشياء قاهرتها بشكل فضيع ضربت الطاوله بيدها لحد ما ارتطمت بجدار السطح وتحطمت بشكل سريع بسبب اهترائها وقدمها اخذت تتنفس بشكل سريع مدت يدها لتحت الحصير وطلعت قطعه قماش بيضاء مثبته بإيطار خشبي ومعها ابره وخيوط من الصوف اخذت تطرز عليها بشكل عشوائي ويعبر عن مدى غضبها الشنيع من جراح بعد مدة من الوقت حست نفسها فرغت نصف طاقتها السلبيه بقطعه القماش وتركت عنها الابره ونزلت القماش بالارض لكن سرعان ما رجعته ليدينها من لاحظت الشي اللي طرزته بوسط قطعه القماش وبشكل جميل جدا مايوضّح غضبها وقهرها ابد حست حالها بتنفجر من فرط عصبيتها وقهرها من نفسها الحين هي معصبه ومقهوره منه وتروح تطرز اسمه بوسط قطعه قماش كانت بتفرغ غضبها منه فيها!!! حست حالها بتنفجر وحذفت القماش بكل قوتها عالجدار البعيد منها وتحس بغضبها بدا يزيد عن قبل .. . بهالاثناء عند جراح اللي جافى النوم عيونه اخذ يستكشف ارجاء البيت البسيط وماطول بهالشي ابد شده الدرج الموجود باخر الممر اتجه له بخطوات هاديه وصعد كم خطوه وسرعان ماوصل للسطح شاف الباب مسكّر لكن فيه اصوات تصدر منه! عقد حواجبه وتشجع وفتح الباب بهدوء وشاف اخر شي توقع يشوفه النور ! جالسه بكامل هدوئها بزاويه السطح . ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٧ » . , « الدوانية » جلس وارسل لجراح يجيه في الدوانيه رفع راسه من جواله على صوت الساخر من مسفر؛وش عنده اخو نوف! ناجي جالس وجنبه فالح واخوياه رفع راسه واحتدت نظراته اليوم بطوله وهو معصب ويبي يفرغ عصبيته في احد وجاء مسفر بوقته وقف وقرب منه والارض مو سايعته لكمه على وجهه وصرخ؛لا تعترض طريقي يامسفر وعزة وجلال الله ان اروح فيها قصاص وانت السبب ابعد عن غضبي وتسلم مسكه فالح وطلعه من الدوانيه والرجال ماسكين مسفر فالح؛مجنون انت! وش له تهدده قدام الناس بكرة يموت ولا يصيبه بلاء بيقولون ناجي ناجي بحده؛فالح والله مالي خلق لأحد بروح للبيت مشى والعصبيه واضحه كل من مر من جنبه رماح باقي منصدم من الوضع وكيف مسفر استفز ناجي وكيف ناجي م تمالك نفسه وقام وضربه وقف وطلع من الدوانيه همس؛هالقرية غريبه عجيبه فز من سمع صوت وراه؛مو غريبه ولا عجيبه على اللي معاشرها بس شكلك غريب على الديره! رماح عقد حواجبه؛من انت! ساري؛معك ساري رماح؛ونعم ساري ابتسم؛ونعم بحالك ، اذا م خاب ضني انك مع جراح يوم سير علينا! رماح ابتسم؛ايه وصلت ساري؛نصيحة مني لا تقرب من مسفر ولا ابوه رماح بستغراب عقد حواجبه؛ليش؟ ساري مشى؛الأيام بتعلمك يلا اسر نام رماح مشى لبيته وهو مستغرب من الرجال . . . « بيت ناجي » دخل البيت وصدره منكتم ولا هو قادر يتنفس جلس على الكنبه واخذ نفس وزفره يبي يبعد الكتمه منه بس بدون جدوى ماصار يتنفس ولا يقدر ياخذ اكسجين انعدم عنده احمرت ملامحه بشكل يهول ويخوف طلعت نوف من المطبخ بعد م نظفته شهقت بخوف من شكل اخوها قربت منه؛ناجي ياعيني! اخذ نفس معي رجيتك ناجي يحس روحه بتطلع مسكت وجهه نوف وضمته وهمست بأذنه ببحه ورجفه؛تدري اني احبك ولا اقدر اعيش بدونك تعرف اني اقول للبنات انك ابوي واقول م عندي اخو بس عندي ابو يكفيني عن الاخوان قبّلة خده ونزلت دمعه حاره على وضع اخوها شد على ظهرها وصار يتنفس بسرعه وبصوت مسموع تعلقت برقبته وبكت خوف ان تفقد اخوها يوم من الايام بسبب مرضه وبسبب عناده انه م يتعالج بعد دقايق هدأ بعدت عنه ومسحت دموعها ابتسمت بذبول؛ليش تعاند نفسك وتعذب نفسك وتعذبنا معك ؟ ناجي قبّل جبينها ببحه وبصوت يادوب يطلع؛اطلعي نامي وبكرة نحكي وقفت نوف لانها لو جلست ثانية انهارت وبتصحي امها وتقلب البيت نحيب طلعت لغرفتها رمت نفسها على السرير وانهارت بكي رمى نفسه على الكنبة وغمض عيونه بإرهاق يحس اليوم وضعه تدهور مو مثل باقي الايام اليوم الموت قريب منه قد الشعره بس بقُدرت قادر رجع له تنفسه وقف بضعف ودخل الحمام "يكرمكم"توضأ وطلع يصلي '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٨ » . , عقد حواجبه وتشجع وفتح الباب بهدوء وشاف اخر شي توقع يشوفه النور ! جالسه بكامل هدوئها بزاويه السطح ومعطيه ظهرها للباب والهوا يداعب خصل شعرها انجلى الشعر عن ظهرها وبان صفاء بشرتها اللي مزينه بنجوم "شامات" صغيره موزعه بارجاء ظهرها انفتنت عيونه بالمنظر اللي قباله همس بدون شعور ؛ واني بجمال نجومها قد انبهرتُ ياربّة الحُسن العظيم! اسرتنيّ !! وماحس بنفسه الا وهو عندها و خلفها بالضبط غمض عيونه من داهمته ريحة عود شعرها لفت من حست بأحد وراها وانصدمت من نظراته ولها و. . « الصباح اليوم الثاني - ٧:٢٢ » دخل المستشفى وهو مال وعارف كل شي نفس الكلام نفس الموال راح ينقاله وينعاد عليه بس جلس طول الليل يفكر بكلام اخته لو حصل له شي لا سمح الله من يبقى لها بعده مما جعله يسحب خطواته لهنا من بكرة الصبح ويشوف وضعه واخر فحوصاته الي اجراها تنهد بعمق وهو يوقف قبال غرفة الدكتور سامي ضرب الباب بخفه ودخل بهدوء اول مأذن له الدكتور سامي بالدخول رفع نظره له وبإندهاش ؛ اووه ناجي زين جيت برجليك بدون لا نطلب منك! ناجي ضيق عيونه بضيق وهو يجلس؛ النتيجه ماعندي وقت الدكتور سامي؛ وش بك يا ناجي شايل هموم الدنيا فوق راسك ، متجاهل تحذيراتي لك ومعطيها اكبر طاف! كيف تبي تتحسن وانت مهمل كذا! ناجي بنرفزه وشبه حده؛ ولّى زمن النصايح يا دكتور وحتى لو ابي اتجاهل ماهي المصايب وهموم الدنيا كلها تترك كل خلق الله وتجي بابي! تنهد الدكتور ؛ خلاص اهدا ناجي بطولة بال؛ النتيجه الدكتور سحب اوراقه من درج مكتبه وهو يتفحصها تغيرت ملامح ناجي لخوف من شاف التغييرات الي ظهرت على وجه الدكتور والي واضح ما تبشر بخير ناجي ؛ تكلم يادكتور! الدكتور قفل الاوراق وهو يحضن يديه لبعض ويشبك اصابعه بهدوء ؛ اسمع ياناجي تأجيلك وتأخيرك وإكتفائك بالعلاج من بعيد خلا ناجي قاطعه وبتمديد ؛ إيه كمل! الدكتور سامي؛ خلا حالتك تزيد وما نقدر نكتفي بمطلوبك لازم انك تدخل الجراحه عشان تتعافى وصدقني تاخيرك ما راح يفيدك و ناجي قاطعه وبنرفزه؛ جراحه ماني متعرض لها والي عندك ماهم مؤهلين مو بالنهايه راح اموت راح اموت سوا منهم او موته طبيعيه ويكون بعلمك افضل اموت ولا احيي بقلب اهلي الامل وادخل ويكون هذا اخر عهدهم فيني! الدكتور سامي؛ ليه فاقد الامل لهدرجه ليه حكمت قبل ندخلك! ناجي ؛ ما الكتاب بيّن من عنوانه يادكتور م.. .🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٩ » . , ناجي ؛ ما الكتاب بيّن من عنوانه يادكتور ما راح ارمي بروحي واقصر عمري لناس غير مؤهله خلني اموت بوقتي احسن طلع من عنده قبل لا يسمع كل كلامه قفل الباب بحده خفيفه اما الدكتور رفع إيديه بقلة حيله وهمس؛ والله محد بيموت نفسه الا انت بعنادك يا ناجي! مشى كم خطوه وهو خايبه آماله من كل شي ويفكر بنهايته فقط جلس يلعب بسبحته ويفكر بعمق صنم بمكانه لما شاف البنت الي طلعت ولابسه البالطو والي يدل من شكلها انها دكتوره بس كيف وهو حافظ المستشفى بالي فيه من هالغريبه ! ظل يناظر فيها بنظرات غريبه ويكلم نفسه رفعت راسها من الاوراق الي بيدين مساعدتها وطاحت عيونها عليه وهو يناظرها استنكرت نظراته لها ومن قو ربكتها من نظراته الي اكلتها صدت عنه وهي تحرك راسها بعشوائيه وبهمس ؛ ناس غريبه! التفت المساعده على نبرتها؛ تكلميني؟ همايل هزت راسها بالنفي؛ لا اتكلم عن المريض الي اكلني بنظراته ورا وكأنه شايف شي غريب! التفتت المساعده عليه وضحكت بخفه؛ إيه هذا فعلا مريض ويكابر على نفسه متخيله انه لازم يخضع لجراحه عشان يطيب وهو رافض تماماً يقول مابي اسلم نفسي وروحي لناس غير مؤهله هنا وعندي اموت طبيعي ارحم من انهم يموتوني هم! عقدت حواجبها همايل بغرابه من كلامه وهمست؛ بأي حق يقول عنهم غير مؤهلين! من سمح له يتكلم عن ناس درست وتعبت حتى توصل لهالمرحله واخر شي يقول عنهم كلام غير منصف!! المساعده هزت كتوفها بمدري اما همايل التفتت عليه وناظرته بتحديق وهمست بداخلها؛راح اخليك تغير كلامك وراح اخليك تنسدح على سرير العمليات برضاك صد ناجي منها وطلع من المستشفى وهو يلعب بسبحته ويفكر.. . « بيت العنود » صحت بكسل ناظرت السقف لثواني استعدلت مسحت وجهها بكفوف يدها من وجع راسها القوي قامت دخلت "الحمام" يكرمكم غسلت وجهها ناظرت نفسها في المرايه وجهها شاحب تذكرت باللي صار لها امس في الليل "نرجع قبل ساعات" وماحس بنفسه الا وهو عندها و خلفها بالضبط غمض عيونه من داهمته ريحة عود شعرها لفت من حست بأحد وراها وانصدمت من نظراته ولها رجعت لورى بحده؛نعم وش جابك لهنا؟ جراح صحى على نفسه بسُخريه؛جابتني الرغبة! النور م فهمت قصده بس تحس معنى كلمته وصخه رفعت اصبعها؛والله لو م ترجع مكان م جيت ان.. قاطعها من قرب منها وحط يده على فمها ويده الثانيه على خصرها وعينه بعينها همس؛خففي عن نفسك شوي باس يده اللي على فمها وبعد عنها ودخل للبيت بصعوبة جلست على الارض بسرعه وهي تناظره لين اختفى تنفست بسرعه ويدها على صدرها , رجعت لواقعها من سمعت صوت امها تنهدت بضياع وطلعت ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ٢٠ » . , جلست على الارض بسرعه وهي تناظره لين اختفى تنفست بسرعه ويدها على صدرها , رجعت لواقعها من سمعت صوت امها تنهدت بضياع وطلعت من الحمام "يكرمكم" لبست مريولها وظفرت شعرها على السريع لبست عبايتها واخذت شنطتها ونزلت شافت امها في الصاله قبّلت راسها النور ببحه؛صبحتي بالخير يمه العنود؛صبحتي بالنور  افطرتي! النور؛متأخره يعيني بطلع الحين العنود؛افطري وبعدها اطلعي ويوصلك جراح النور بحده؛يمه ابعديه عني العنود بحنيه؛خايفة عليك من اهل الديره يايمه يوصلني كلام وانا خايفه النور مسكت نفسها بصعوبه انها م تصارخ؛يمه يعيني طول هالسنين وانا عايشه كذا تجين الحين تحطين هذا معي العنود بترجي؛عشاني يايمه النور قبّلت راسها؛تأخرت طلعت وهي متنرفزه لأبعد درجه مشت وهي متوجهه للمدرسه حست انه يمشي وراها م ألتفتت 'بعد دقايق وصلت للمدرسة' لفت من سمعت صوته؛انتظرك هنا النور بعصبيه؛قطع الله ذا الحس دخلت والعصبيه معمتها . . « ١٢:٣٤ ظهر » حوش الغنم: واقفه الجازي خلف الشبك وتناظر للغنم بقرف وحاطه سبابتها وابهامها على خشمها بطريقه توضح للي يشوفها قرفها من هالمكان بهالاثناء كان رماح يتمشى مع احد شباب القريه ويسولف معه ويضحكون وبمجرد مالمح زول الجازي التفت للي معه اعتذر منه ومشى عنه لناحيه الجازي اللي واخيرا رضخت للامر الواقع ودخلت حوش الغنم لكنها ماتجرأت وتقدمت باي خطوه زياده خوفاً منهم اولا وخوفها من ان تلتصق فيها ريحتهم بهاللحظات فزت بخوف لما سمعت صوت رماح من خلفها تعثرت بدلوا مركون بالقرب منها وطاحت ولسوء حظها انها حاولت تتشبث بالشبك لاجل ماتوصل للارض لكن الشبك غدرها وجرحتها اسلاكه تاهوت بالم وسرعان ماتقدم لها رماح وانحنى لمستواها ابتلعت ريقها وتجمعت الدموع بمحاجرها وهي تشوف الدم ينزف من يدها تقدم لها رماح وهو يمد يده ليدها تفحصها بخوف وطلع منديل من جيبه وهو يمسح الدم ابتلعت ريقها الجازي ونطقت بالم: يوجعني! تنهد رماح وهز راسه باسى : يابنتي وش هالطفاقه اللي فيك! زمت شفايفها بالم ونطقت بقهر: انت خوفتني تنهد رماح وهو يرمي المنديل بعد مانطف الجرح من الدم نطق لها بخفوت: الحمد الله جرح براني التفتت له الجازي ورمقته بنظراتها وقامت وهي تنفظ ملابسها تنهد رماح وهو يشوفها متجهه لوسط الحوش عقد حواجبه وهو يشوفها رجعت لنفس حركتها ، ساده خشمها بيدها ضحك على تعابير وجها واتجه لها: انتي دام انك كارهه هالريحه ليه جايه هنا اصلا؟؟ تنهدت الجازي والتفتت عليه بقهر : عندنا ضيف وابوي يبي له ذبيحه عقد حواجبه رماح . 🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇