من نورك الفاتن زال الجلاء وانزاح ومن حسنك الريان مال الهوى فيني - الفصل 11 | روايتك

عالم القصص والروايات 📚: ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١١ » . , «الرياض - بعد مرور اسبوع , المستشفى » , اسبوع مر على همايل وكأنه خالي من الحياه تماماً مات شغفها من اللحظه الي سمعت فيها بطاري نقلها من اول مستشفى كبير عاشت فيه احلا مراحل حياتها وشغفها كانت كل عمليه تدخل لها كان لها فيه اصرار وتحدي كبير بينها وبين نفسها انها تطلع ربحانه بالنهايه بإنقاذها لكل شخص تسلمّت لها روحه ، عاشت اشياء كثير بهالمستشقى ومنها الاخفاقات الي صارت تحدي وحافز لها انها توصل لهالمرحله العظيمه وتصير اكبر الجراحين طلب واكثر الاشخاص ثقه لوضع ارواح الناس بين يديها ناظرت المستشفى من برا بشتات ويعّز عليها انها تترك الذكريات العميقه بهالمكان كيف بتروح لمكان ثاني ما تعرف عنه شي نزلت دمعتها بحراره وهمست بغصه؛ يا شاهد طيحاتي وي أساس وقفاتي جلست على الكرسي وهي تتأمل بتمعّن المكان لأخر مره م تدري راح ترجع له مره ثانيه والا هذي اخر فتره لها فيه خلال هالأثناء طلعت حور من المستشفى تشم هوا وترفه عن نفسها شوي رفعت عيونها للسماء وسحبت النفس لصدرها ثواني عديده وزفرته براحه وهمست؛ يا محلاك يا الجو العليل التفت بإبتسامه عميقه وسرعان ما تلاشت إبتسامتها اول ما طاحت عينها على همايل الي جالسه على الكرسي وسرحانه بالي قدامها وملامح الضيق والحزن الي ساكنه اعماق قلبها تشرحها ملامحها اتجهت لها بخطوات هاديه ؛ هموله؟ همايل التفت عليها وناظرتها بهدوء وما نطقت حور ؛ علامك جالسه لوحدك؟ همايل تنهدت بضيق ؛ ماشي ، بس حبيت اكون لوحدي شوي حُور جلست جنبها وبنبره حزينه؛ قصدك حبيتي تودعين هالمكان لاخر مره همايل بتزفيره؛ دام عندك الاجابه ليه سألتي! حُور ؛ ما عرفتي وين نقلوك؟ همايل هزت راسها بالنفي ؛ ماهتميت اني اعرف لوين حتى ، فيه شي موجع اكثر من تركي لهالمكان الي قضيت فيه احلى سنين عمري حُور بصدمه؛ مو منجدك! المفروض تعرفين همايل ؛ مو مهم حور هزت اكتافها بعدم حيله وقامت؛ كيفك مشت من عندها اما همايل ناظرت فيها لمّا اختفت من امام انظارها تنهدت بضيق وغمضت عيونها.. '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٢ » . , « بيت ابو مسفر » كانت بغرفتها جالسه بهدوء عالارض وكتبها المدرسيه منتثره حولها وتذاكر باجتهاد ومندمجه اضائه خفيفه ، والشباك مفتوح ونسمات الهوا تراقص شعرها تنهدت وهي ترفع راسها عن كتابها وتدلك رقبتها بوجع ونطقت بضجر : اوف بس اوف ، متى بفتك من هالدراسه بس!! فزت بخوف لما سمعت صوته جاي من خلفها ونطق بـ: تفتكين لما تصيرين على ذكتي وحلالي ، اصرف عليك وماتحتاجين لا دراسه ولا هم يحزنون ابتلعت ريقها بخوف منه ونطقت بحده تخفي خوفها: من وين دخلت انت!!! ابتسم بخفوت وهو ياشر عالشباك المفتوح : شباكك مفتوح ومنظرك زاهي وناداني احتدت ملامحها وكانت راح تصرخ وتلم اهل البيت عليه لكنه بلمح البصر صار قبالها ومايفرق بينهم شي وحاط يده على فمها يمنعها من الكلام ناظرت بعيونه وعجزت ترمش من شده القرب اللي بينهم ابتسم رماح على خوفها ونطق بخفوت وهو يبعد خصل شعرها عن ملامحها: يوسفيه ، بس لو تتركين عنك العناد والطبع الحاد! ابتلعت ريقها الجازي وعجزت تنطق ، حتى اصلا ماتقدر تنطق من يده اللي محاوطه فمها ابتسم رماح وبخفوت نطق: جمال صمتك ياسرني! حلوه لما تكونين هاديه والاحلى لما تكونين هاديه بحظوري ناظرته الجازي بنظرات حاده اما رماح تامل عيونها بهدوء وحس انها تأسره قرب لها بلا شعور وقبّل عيونها الثنتين بعمق حست حالها الجازي تطيح من برج عالي كيف تسمح لشخص يتجرأ معها ويبوسها وبوسط غرفتها في بيت ابوها ابتلعت ريقها واستجمعت قوتها وقاومت خجلها ورفعت ركبتها وركلته ببطنه وتركها رماح من قو رفستها مدت يدها الجازي بوجهه ورفعت سبابتها ونطقت بحده: اقسم بالله العظيم ي رماح اني لارميك برمح مسموم لو تعيد معي هالحركات! وخلي اسمك يفيدك وقتها ابتسم رماح باستفزاز رغم الالم اللي يحس فيه وتقدم لها بخطوات هاديه ونطق بخفوت وهو يتحسس خدها بظهر اصابعه : تهديدك وفريه لغيري انا رماح ما يهزمني رمحك! ابتلعت ريقها الجازي وتقدم لها رماح وبكل جرأه حاوط وجها بيدينه وباس شفايفها بعمق وتركها بعد فتره لما حس فيها تتخدر بين يديه طلع من الشباك تاركها خلفه دايخه وتحت تاثير بوسته 🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٣ » . , « في سوق الديره » ناجي يمشي بهدوء ومعه صديق عمره فالح فالح؛وش رايك نطلع من الديره ؟ ناجي ناظره؛من جدك تبيهم يذبحونا ! فالح؛معليك منهم اللي يقرب منا ياخذ نصيبه ناجي؛مو الحين بعدين فالح؛براحتك ناجي شاف النور ومعها نوف اخته و على بُعد مسافه جراح وراهم عقد حواجبه وتقدم بهدوء صوبهم؛وش عندكم هنا ؟ نوف؛نبي ناخذ اغراض ناقصه لي ولـ النور ناجي رفع نظره لجراح اللي واقف ويناظره ويديه ورى ظهره؛اذا خلصتوا روحوا للبيت بسرعه مشى عنهم وراح لجراح؛وش عندك هنا! جراح؛ولاشيء ناجي لف نظره واخذ نفس يهدئ روحه انه م يهجم عليه وم يسلم منه؛وش له عينك عليهم ! جراح قرب منه عشان نظرات الناس عليهم؛ياولد الناس انا من اليوم ورايح مسؤول عن النور ابعد عن طريقي ناجي لمح اللي داخلين من بداية باب الديره؛اخذ النور ونوف ورجعهم للبيت بسرعه جراح رفع حاجبه؛نعم!! اصغر عيالك انا !! ناجي ناظره بسرعه؛مو انت مسؤول عن النور !! اجل احمها لان بيصير شيء مو متوقعينه فالح جاه؛ناجيي!!! ناجي مشى بسرعه؛لا احد يدخل بزياده وقفوهم لف جراح عليهم شافهم يمشون والناس مجتمعه قرب من النور؛امشي للبيت بسرعه النور بقهر؛مالك دخل فيني جراح؛الحين ارجعي وبعدين قولي مالي دخل نوف شهقت؛النور آل قرينين !! النور لفت وناظرت تجمع اهل القرية بان الخوف على ملامحها؛وش جابهم !! جراح بستعجال؛مو وقته تسألون ارجعوا يلا رجعوا لبيوتهم رجع جراح بهدوء وقابله رماح رماح؛وش سالفتهم جراح يمشي بهدوء ويديه ورى ظهره دخل من بينهم ويسمع صوت ناجي وصوت شايب ناجي؛يا مطلق اخذ ربعك وارجع لديرتك مطلق بعصبيه؛ابي اخذ حقي منه وش ذا الظلم اللي عندكم ولا عشانه من ربعكم !! ناجي فارت اعصابه من اتهمهم بالظلم؛قطلع الله ذا الحس ماقلنا م راح تاخذ حقك قلنا روح وحقك بيجيك مطلق بسخرية؛لا تتمادى كثير ياولد لافي ويصير مصيرك مثل مصير ابوك ناجي احتدت ملامحه واحمرت مشى الا جراح ماسكه من ذراعه؛فكني خلني اعلمه كيف يصير مصيره جراح بهدوء همس له؛لك اللي تبي وحقك بتاخذه بس اهدئ هو يبي يستفزك اصلاً ناجي غمض عيونه واخذ نفس يبي يهدئ روحه جراح؛بتدخل انت اسكت تقدم جراح بهدوء ونظراته الحاده موجهه لمطلق؛ حقك مو عندنا وتوكل على الله واذا شفتك جاي ولا معتب باب الديره راح يصير شيء لا يرضيك ولا يرضي اهل ديرتك مطلق بعصبيه؛من انت !! جراح بصوت رجولي بحده ؛انا حفيد الجراح والحين توكل على الله شيخ القبيلة تهلل وجهه من قال اسمه؛يامطلق ارجع لديرتك طلع مطلق واللي معه من الديره لف جراح وناظر ناجي اللي صد ومشى . ,🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ «١٤ » . , « في الرياض - المستشفى » طلعت وما بين يدينها ملف مريضها الأخير واخر حاله استلمتها قبل لا تودع بعد يومين زفرت بضيق وهي تلمح مساعدتها اللي طلعت وراها على طول ونطقت بضيق؛ سيلينا سيلينا طالعتها بإهتمام وهمايل كملت؛ راح تشرفين بنفسك على هالحاله وراح تعلميني بكل التطورات الي تصير ، وحتى اصغر التفاصيل لا تتغاضين عنها واحكيها لي هزت سيلينا راسها بهدوء؛ حاضر لا توصين مدت لها الملف ؛ والحين صار آمانه بين يديك لا تقصرين بهالامانه ي سيلينا، وعطيها كل ما عندك من إهتمام سيلينا اخذت الملف وبنبرة مليانه إستغراب؛ ليه انا؟ همايل بإبتسامه وهي تمسك كتوفها وتربت عليهم؛ لانك جديره بالثقه من ناحيتي وعارفه اني راح اتطمن لاني تاركه من خلفي وحده مثلك من اليوم الي انضميتي فيه للطاقم حقي وانا صابه كل اهتمامي بمراقبة ادق التفاصيل الي تسوينها حسيتك تشبهيني بكثير أشياء ومن ضمنها انك تعتبرين الروح الي بين يديك وكأنها قطعه منك تولينها اهتمامك وكأنك تشوفين فيه شخص من عايلتك وهذي هي اهم صفه لازم يتصف فيها الدكتور الناجح سيلينا إبتسمت بسعاده لكلامها ولمعت عيونها بفرح وهمست بحماس؛ شكراً ، وإن شاء الله اني اكون عند حسن ظنك ربتت على ظهرها اكثر من مره ومشت حايره بأفكارها ومصيرها الجاي ولوهله مر في بالها كلام حُور لها قبل يومين وانها لازم تهتم بمعرفة وين مكان توظيفها او لاي حته نقلوها حست بغرابه بداخلها بتصرفها اي وحده مكانها اول سؤال راح يطري على بالها انها تسأل لأي مستشفى نقلوها عقدت حواجبها ومشت بإتجاه مكتب المدير وضربت على بابه بهدوء دخلت اول ما سمعت منه كلمه تفضل رفع راسه بهدوء واعتلت على شفاته ابتسامه خفيفه اول ما استذكر دخلتها عليه قبل ايام ؛ هلا يا همايل همايل اتجهت له بخطوات هاديه ؛ ابي اعرف وين نقلتوني؟ المدير رجع سند ظهره للخلف ؛ واخيرا فكرتي تسألين بالعاده هذا اول سؤال يطري على الجميع ، الا انتي! همايل ؛ ممكن لان اهتماماتي تختلف عنهم المدير طلع ملف نقلها ومده لها ؛ فيه كل التفاصيل اطّلعي عليها تنهدت همايل وهي تسحبه منه بهدوء قاطعها ؛ اجلسي اول ومن بعدها تفحصّيه براحه همايل جلست وفتحته وبدت تقراه بإهتمام لمّا وصلت لمكان نقلها وهي تفتح عيونها بصدمه شهقت بفرحه اول ما تمعّنت بحروفها ورجعت وتزيد فيها وكأنها مو مصدقه الي تشوفه عيونها التفت عليه وبنبرة فرح ؛ مستحيل ناظرها بغرابه؛ وش المستحيل؟ سكرت الملف ونزلته على المكتب ؛ كيف انقل لمكان زي كذا بهالسهوله؟ المدير ؛ قلت لك من قبل انك طُلبتي مني بالاسم شخصياً ،و.. '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ روايـــــــــــة 💜 { من نورك الفاتن زال الجلاء وانزاح ومن حسنك الريان مال الهوى فيني } ▇ـ▄▄ @ahgeel ▄▄ـ▇ ‏ البارت  ‏ « ١٥ » . , سكرت الملف ونزلته على المكتب ؛ كيف انقل لمكان زي كذا بهالسهوله؟ المدير ؛ قلت لك من قبل انك طُلبتي مني بالاسم شخصياً ، الحين ماني فاهم شكلك يقول فرحانه وكلامك يظهر العكس؟ همايل هزت راسها بالنفي؛ لا مو كذا بس يعني ماني مستوعبه ان اول مكان انقل له يكون هو المكان الي انا طلعت منه ، ومعطيته احتمال 99٪ انه ما راح ينكتب لي رجعه له ضحك بخفه؛ بالاخير هـ 1٪ غلب البقيه ورحتي للمكان الي كنتي مستبعده انك ترجعين له ، اقدار مكتوبه قامت بحماس واضح عليها ؛ اول شي اعتذر على تصرفي ودخلتي عليك بالشكل المتهور بالاسبوع الماضي ثانياً اعتذر على كلامي الي قلته لك بتهور وبنبرة إمتنان ؛ ثالثاً شكراً على كل شي وما راح انسى فضلك علي ابداً المدير ؛ اول شي بالنسبه لاعذارك مقبوله ثانياً مالي فضل عليك كنتي جيده وواستحقيتي كل شي واتمنى لك التوفيق بمحطتك القادمه واقدر اقول انهم حظو على طبيبه ناجحه وحنا الي خسرنا همايل ؛ الموجودين بعد فيهم الخير والبركه ويمكن جاء الوقت الي تبدا ملاحظتهم فيه الحين ابتسم بداخله لكلامها وحسن نيتها وطيبتها الي لامسها فيها همايل بهدوء ؛ والحين عن اذنك هز راسه بتمام وهي طلعت . . . « قرية الدخنة - الساعه ٨:٢٧ مساء » منسدح على الكنبه ويفكر وش صار معه مع جراح " نرجع قبل ساعات بسيطه " من طلع مطلق من القرية وراح جراح مع شيخ القبيلة لمجلسه ورماح معه شيخ القبيلة جلس؛جراح يابوي ! جراح؛سم! الشيخ؛فيه امانه لك ولازم تاخذها قبل ربي ياخذ امانتي ولا نفذت الامانه جراح بهدوء؛الله يطول بعمرك الشيخ؛بكرة مر علي اعطيك الامانه جراح وقف؛ابشر راح اجيك بكرة طلع جراح ورماح معه رماح؛وش تتوقع الامانه! جراح ناظره؛ان اذبحك ' رجع لواقعه من جته رساله فتحها شافها من اهله سكر جواله وقام وطلع من البيت بيروح لجراح دخل يده بجيب بنطلونه يمشي بهدوء والهواء بارد قطع سرحانه صوت مسفر؛وش رايك تخاوني لديوانيه! رماح عارف اتم المعرفه انه اخو الجازي ابتسم؛قدام مشى هو ياه لدوانيه اللي مجتمعين فيها أغلب رجال القريه دخل وسلم عليهم جلس وارسل رساله لجراح يجيه في الدوانيه رفع راسه من جواله على صوت الساخر.. '🌱 #انتهى♥ 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي➥ ⇩⇩ ▇ـ▄▄▄💜▄▄▄ـ▇