الفصل 6
[الفصــــــــــل الســآدس..]
صـ ح ــيح// إنــگ غآيـبٍ عـن مـــدى شــوقــي ،،،
لـــ گ ــــن// صدقني إنگ متمگن في وسط جوفيّ،،،
بعد مرور اسبوعين من طلعتهم للمرزعه...
رائد تم يفكر بـ رحيل ويحاول يطلعها من راسه..وخالد يتمنى يعرف من هالبنت اللي صدمت فيه..
(في بيت ابو خالد..=يوم الخميس..)
:"يمااااااااااااااااااااااااااااااه..."
طلعت ام خاالد من المطبخ على صوت خالد....!
ام خاالد:"هلا خالد...وش فيك...؟"
خاالد:"هههههههههههههه مافيني شي..بس حبيت اقولك ان اهل صديقي..بيزوروناا بكرة..."
ام خالد بأستغرراب:"أهل صديقك....مين صديقك....؟؟؟!!"
خالد:"صديقي سعود..يعني فيه غيره تعرفوون اهله..."
ام خالد ابتسمت وكأنها تذكرت:"اهل سعود..واهم ينسوون ياحليلهم..ياهلا فيهم بأي وقت..."
خاالد:"الله يخليك يالغاليه..بس حبيت اعطيك خبر قبل اطلع وانسى بعدين...."
ام خاالد:"لاتحااتي ياوليدي..وكل شي بيكوون تماام بس انت لا تشيل هم...."
خالد باس راس امه:"الله يخليك لناا...,يلا تامرين على شي قبل اطلع..."
ام خالد:"ووين راايح..؟"
خالد:"سعود اتصل علي ويبيني اجيه ببيته.."
ام خالد:"الله يستر عليك...وانتبه لنفسك..."
خالد:"ابشري,يلا مع السلامه...."
وطلع....
ام خالد:"ياحليل ام سعود والله انهاا طيبه...وولدهاا اطيب....الله يخليه لهاااا.."
نزلت رحيل وشافت امهاا جالسه..وراحت لها وباستهاا..!
رحيل:"ووين أخواني...؟؟"
ام خالد:"فهد ناايم وخالد طلع لصديقه سعــود.."
رحيل عورها قلبها"سعوود"آه يا حلاته ويا حلاة عيوونه..وياحلاة وسامته اللي تجذب كل بنت..
بس انا ليه كل ما جابوا طاريه يعورني قلبي ..هو اكبر مني بـ 14 سنه تقريباً..ليه أفكر فيه..ومتزوج من زماان ومطلق..
يعني لو فكر فيني كاان خطبني..اففف انا ليه افكر فيه..كان ناسيته...
ناسيته..؟!!اكذب على روحي ولا ايـش...أنـآ كنت معجبه فيه بس هذا ما يسمى اعجاب هذا يسمى حب...!!
حب!!! أيه حب ..انا احب سعوود..بس ليه احبه وهو ما فكر نص تفكير فيني..عنده بنات عمه وبنات خاله...
ليش يفكر فيني انا....انا اخت صاحبه..يعني ما أدري هو يدري عني او لا ..هو يدري ان خالد اخوي عنده اخت ولا لا...
طبعاً..لا ما راح يفكر فيني...!
صحت من افكارها على صوت امها...!
أم خالد:"رحيــل.."
رحيل:"هلا يمه.."
ام خالد:"وش فيك منتي معي.."
رحيل ارتبكت:"هاه..أ.أ..لا لا معك..وش كنتي تقوليين.."
ام خالد:"كنت اقولك ان اهل سعود صاحب اخوك خالد راح يزورونا بكره.."
رحيل ما استوعبت:"ليــه..؟؟!!"
ام خالد:"شلوون ليه،،مو اهم دايم يزوروناا..يعني وش يفرق الحين اذا زاروناا.."
رحيل ابتسمت:"لا بس فاجئتيني.."
ام خالد:"لا فاجئتك ولا شي..بس حبيت اخبرك.."
وقاامت ام خالد....
يــآربي ..ليه جايين..لايكون جاين يخطبوني لـ سعود..
هههههههه انا وش قاعده افكر فيه...يعني اهم اول مرة يزورونا...!
انا ليه ما اروح اشغل روحي بشي..
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
يتمشى بين شواارع الرياض كالعاده اذا طفش...
"آه..يـآرحيل..وش سويتي فيني..من يوم شفتك وانا حالي مدري وشلون صااير...انا لا زم اخطبها بأسرع وقت..
ولازم اكلم ابووي بهالموضوع بسرعه.."
هذا رائد من يوم شاف رحيل وهذا حااله...
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
(يوم الخميس في بيت ابو خالد....)
وصلوا اهل سعود ..ورحيل مرتبكه مو عارفه اهم ليش جايين...
كانت لا بسه فستان ناعم وردي داخل معه اللون الأبيض قصير طالع شكلهاا حلوو..وشعرها مخليته مفتوح وحاطه على الجنب ورده ورديه...!!
نزلت تحت وشافت ام سعوود...
رحيل:"السلام عليكم.."
الكل:"وعليكم السلام.."
راحت رحيل تسلم على ام سعود...
رحيل:"كيف حالك خالتي.."
ام سعود:"الحمد الله بخير،،وانتي كيف حالك.."
رحيل:"بخير...."
ام سعود:"مشاء الله يارحيل كل مالك وتحلوين.."
رحيل استحت:"تسلمين خالتي..ماعليك زود..(سكتت شوي بعدين قالت)وين البنات الدانه والريم..؟؟ "
ام سعود:"والله يابنتي..البنات عند بنت خالتهم لمى،،انشاء الله بيزورونك مرة ثانيه، خيرها بغيرها.."
رحيل:"والله من زماان عنهم.."
ام سعود:"انشاء الله قريب تشوفينهم وتشبعين منهم..."
(عند الرجال..)
ابو خالد:"الا الحين يا بو سعود ولدك سعود يشتغل بشركتك...ولا وش يشتغل..؟"
ابو سعود:"هو من كان عمره 22 وهو معي لا كن من قبل ثلاث سنوات حب يعتمد على نفسه ويكون نفسه..وفتح شركه بأسمه.."
ابو خالد:"مشاء الله تبارك الله،،وشلون الشغل معك يا سعود..؟؟"
سعود:"والله الشغل ماشي الحمد لله،،وشركتي لها فرع بالشرقيه واللي ما سكها ولد عمي مساعد.."
ابو خالد:"الله يوفقك يا سعوود.."
وكمل ابو خالد سوالف مع ابوو سعود...
فهد:"ايه ياا سعوود..سمعت انك خااطب.....افاا والله ما هقيتها منك ياا سعوود...تخطب ولا تقولي..؟"
سعود ما يحب هالسيره:"ياالرجال وش عرسه..اسكت بس شكلك انت اللي تبي العرس.."
فهد:"ههههههههههههههههههههه..فكني منه..خلني اعيش حيــآتي..وش زواجه الله يخسك.."
سعود:"انصحك..."
بعد العشاء بساعه اهل سعود..اتصل سعود على امه..
ام سعود:"هلا سعود.......طيب الحين طالعه.............مع السلامه.."
ورحيل جالسه تسمع ام سعود يوم سعود كلمهااا...ياربي ودي اطلع واشوفه..مشتااقه له من زماان عنه...
آخر مرة وَ أول مره شفته مدري متى...
ام خالد:"ووين يا ام سعود بدري.."
ام سعود:"بدري من عمرك يالغاليه...هذا سعوود يقوول اطلعي وهو الحين ينتظرني عند الباب.."
ام خالد:"اجل لا تقطعين نبيك تزوريناا...والله ما ينشبع منك ومن سواالفك.."
ام سعود:"تسلميين يالغاليه،،وانتي بعد لا تقطعين نبيك تزورينا ونبي رحيل معك.."
ام خالد:"انشاء الله قريب.."
وسلموا على بعض..وطلعت ام سعوود..
ام خالد:"ياحليلهاا ام سعوود..."
رحيل:"مشاء الله عليهاا حبوبه.."
ام خالد:"عااد هي تغليك وتحبك.."
رحيل ابتسمت:"وهي بعد غاليه..."
(في سياره سعود..)
ركبت ام سعود ورى لأن اللي يسوق سعود و بجنبه ابوة...
ام سعود:"السلام عليكم.."
سعود وابوة:"وعليكم السلام.."
ابو سعود:"هاه يا ام سعود عسااك استانستي.."
ام سعود:"تبيني اروح عند ام خالد ولا استانس..يا مشاء الله عليها وعلى بنتها.."
ابو سعود:"الا هي كم بنت عندهاا..؟؟"
ام سعود:"بس بنت وحده الله يخليها لها..مشاء االله عليهاا.."
ابو سعود يمزح:"اجل بنخطبها لـسعود.."
ام سعود:"هذي الساعه المباركه اللي نزوج سعود..والبنت ما شاء الله عليها كامله والكامل وجه الله.."
سعود تورط وكره البنت اللي تتكلم امه عنهاا:"يمه واللي يسلم عمرك انا ما افكر في الزواج..اجليِّه لبعدين.."
سكتوا اهله لانهم عارفين سعود ما يحب هالموضوع...بس امه للحين هي مصممه الا تفتح هالموضوع مع ولدها..
والى متى بيتم على هالحــآل....!
وصلوا للبيت..
دخلوا داخل البيت الا يلا قون الدانه والريم...
:"السلام عليكم...."
الريم والدانه:"وعلييكم السلام.."
الريم:"هاه يمه وش اخبارك.."
ام سعود:"تماام...بس ياليت جيتوا معاي رحيل تسأل عنكم.."
الدانه:"والله وش نسوي لمى بنت خالتي تبينا نزورها من زماان عنها واحناا ما قدرنا نردهاا.."
ابو سعود:"يلا تصبحون على خير.."
الكل:"وانت من اهله.."
سعود:"وانا بعد بروح انام، تصبحون على خير.."
ام سعود:"لحظه سعود ابيك شوي.."
سعود وهو عارف وش تبي منه امه:"هلا يمه.."
ام سعود:"تعال معاي.."
وراحت ام سعود وسعود للصاله الثانيه..
سعود:"هلا يالغاليه وش الموضوع...؟؟"
ام سعود:"يـآولدي انا ابيك تتزوج والى متى وانت على هالحال.."
سعود وهو متضايق من هالموضوع:"يمه خليني في حالي لا تخليني اخذ لي وحده وثم اظلمها معاي..و........."
قاطعته امه:"انا ادري انك ما تبي تتزوج عشان فشلك في زواجك الاول..ترى الدنيا ما وقفت عشان تتم كذا والحريم كلهم مو نفس الشي.."
سعود وهو يبي ينهي الموضوع:"طيب يمه انا بفكر وبرد لك الخبر..تصبحين على خير يالغاليه.."
وقام...
ام سعود..(..عذبت روحك يا سعود وعذبتنا معك..الله يهديــك..)
[..شخصيات عائلة ابو سعود..]
ابو سعود/60سنه..
ام سعود/52سنه..
سعود/33سنه..رجل أعمال..ويشتغل بشركته الخاصه ..!
الدانه/24سنه..
الريم/19سنه..بـ أول جامعه..
(فــــي..جنـآح سعود..)
دخل وهو حــآس بهموم الدنـيآ..حذف روحه على السرير بعنف..
وش هالطلب اللي طلبته امي..تبيني اتزوج عقب اللي خذيتها وخانتني...
انا كااره كل الحريم بسبتك يا رغد..كرهتم...والحريم كلهم خايناات..
انا انخدعت في رغد..واكيد بـانخدع في هذي اللي ما ادري وش اسمهاا..
انا تزوجت رغد وكنت احسب انهاا..عاقله ومعطيها كل الثقه لا كن طلعت العكس....يوم تزوجتهاا ..
شفت انها حاطتني على كفوف الراحه..ووثقت فيهاا...لكن انا عشت معها سنتين كلها خيانه في خيانه..وانصدمت فيها..
عطيتهاا قلبي اللي ما عطيته غيرها لكن هذي ما تستاهل...
انا ليه ما اتزوج وانساها...بس يا خوفي تكون اللي بتزوجها مثلها...
الحين اكيد مفكره اني من عقب ما طلقتها ما تزوجت اني ميت في حبهااا....لــكنْ العكس صحيح..
كرهتها كثر ما حبيتهاا..!!!
والحين لازم اوافق على الزواج حتى تعرف اني ماعاد افكر فيهاااا...
ومع هالأفكـآر ناام....
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
انتهى الفصـــــل السـآدس..!
* لمسه إبدآع *