نفسي اضمك - الفصل 14 - مكتملة | روايتك

((الجزء الرابع عشـــر)) قلنا ان سعد كان ينتظر من حلا مسج تطمنه عنها وحلا نست ترسل وفي الصباح، *جوال حلا/ سعد يتصل بك ومن التعب ماسمعت جوالها ولماقامت حلا/ الله 99 مكالمه الله يستر وش صاير حلا لما فتحتهم ولقت المكالمات من سعد/الله يستر وش فيه وربي خفت عليه *وعلى طول اتصلت سعد/ الو حلا/ الو سعد شفيك صاير معاك شي؟ سعد/. حلا/ تكلم صاير معاك شي سعد/ بعد ساعه راح اجيكم للبيت حلا/ مااقدر اشوفك سعد/ انا اتصلت على ابوك واستأذنت منه حلا/ المفروض تعطيني خبر علشان اجهز نفسي سعد/ اولآ لما تفكرين تردين علي وتطمنيني عليك اقولك وثانيآ معك ساعه كامله يمديك تجهزي نفسك بها ويالله باي عندي شغل بخلصه قبل اجيك حلا/ باي حلا في بالها/ غريب اسلوب سعد اليوم معي مو طبيعي طيب انا شسويت<تعليق سلامتك ماسويتي شي> يعني يوم بديت اخذ واعطي معاه صار معاي كذا يالله اروح اتجهز واشوف وش سالفته *وبعد ساعه وصل سعد سعد/ السلام عليكم حمد/وعليكم السلام هلا بالنسيب تفضل حمد/ها وش اخبارك سعد/ هلا فيك انا الحمد لله بخير بس لو تعقل اختك شوي حمد/ليش وش مسويه معاك هالخبله سعد/ هي احترم نفسك هذي زوجتي هههه حمد/هههه لا صدق وش مسويه؟؟ سعد/ بصراحه يافهد احس ابوك غاصبها على الزواج حمد تلخبط/ لاا وش هالكلام ليش يغصبها ليش وش سوت وحسيت بهالشي؟ سعد/ والله ماادري المهم هي وينها الحين حمد غمز لسعد/ وينها ساعه وهي تتزين لك ياخطير سعد/ ههههه خلاص روح نادها وبلا لقافه حمد/يمكن ماخلصت سعد / مايحتاج حلوه بدون ماتتزين حمد/هذا قبل تدخل اجل لادخلت تسحب علي ها؟ سعد/ اكيـــــــد حمد/ اجل من تدخل اصرف نفسي احسن سعد/ قوم بس ناد حلاي وانت صرف نفسك هههه حمد/ امري لله بروح انادي حلاك هههه *حلا كانت حابه تفتح صفحه جديده مع سعد وحاولت تطلع بأحسن شكل ممكن قدام سعد حلا وهي منزله راسها/ السلام عليكم سعد بذهول من جمالها قام لاشعوريآ/ هلا وعليكم السلام تفضلي اجلسي هنا حلا/ لا هنا حلو سعد/ اوكي براحتك حمد/ ياسلام فيلم على الطبيعه كملوا بعد كملوا انا مستانس هههه سعد/ اقول صرف نفسك مو وقتك حمد/ احم احم كأني انطردت هههه حلا بحياء/ هههه *طلع حمد من عندهم وعلى طول قام سعد وجلس جنب حلا ومسك يدها سعد/ تدرين انك طالعه ملاك حلا بحياء/ مو لهالدرجه سعد/ طيب حلا حبيبتي بتكلم معاك بموضوع واتمنى تكوني صريحه معاي حلا/ تفضل سعد/ انتي مغصوبه على الزواج مني حلا رفعت راسها متفاجأه من السؤال/ لا ليش؟؟ سعد/ ماادري احسك تكرهيني او وافقتي علي مغصوبه ابغى افهمك وماني قادر حلا/ قلتلك مااحد غصبني وقفل السالفه سعد/ لاتقفلي الموضوع بهالشكل انا جيت بناقشك وبفهم انا ايش بحياتك قبل نبدأ حياتنا حلا/ انا خلاص زوجتك ومايهم اي شي ثاني سعد/ لا ياحلا لازم تحبيني زي ماانا احبك حلا انا لما تجين ببالي اول شي اقوله ببالي ((نفســـي اضمك ياحلا)) اتمنى تفكري فيني زي ماانا افكر فيك حلا تذكرت لماكانت تقول هالكلمه ببالها لماتشوف فهد وسرحت/ .. سعد/ حلا انتي معاي؟؟ حلا بدت تبكي/ .. سعد/ شفيك ياحلا مو كلما تناقشت معاك تبكين حلا/ مافيني شي سعد/ قولي وريحيني انا زوجك واحبك ولازم اعرف هالشي اللي يبكيك دايم حلا/ مااقدر اتكلم سعد/ ليش؟؟ حلا / مااقدر وخلاص تكفى خلني براحتي سعد/ مارح اتركك لما تتكلمين انا ماجيت للبيت الا ابي اسمع كلامك كلـــــــه حلا/ مااقدر سعد/ طيب اعطيني سبب انك ماتقدرين؟ حلا/ لان الكلام اللي يبكيني لو اقوله راح يخرب كل شي بينا وانا ماابي لاني بكمل حياتي معاك ولانك حبيتني ومبغى اخسرك سعد/ مارح يخرب شي بينا ان شاء الله بس تكلمي حلا/ . سعد مسك يدها قووه / تكفين قولي وريحيني حلا/ بقول بس تتحمل اللي راح تسمعه سعد/ اوكي اتحمل بس قولي حلا/ سعد ماابغاك تزعل والكلام اللي بقوله ماكنت حابه اقوله لك وخصوصآ وجهآ لوجه سعد/ قولي بس حلا / ممكن اكمل؟ سعد/ اكيد ممكن بس كملي حلا/ سعد انت انسان رااائع بمعنى الكلمه حبيتني واحترمتني وقدرت كل شي سويته انا معاك طول فترة الخطوبه بس ماقدرت احبك والله ماقدرت سعد مو مصدق الكلام/.. حلا رجعت تبكي/.. سعد/ لاتبكين انا راح احاول اخليك تحبيني لاني انا احبك ولو بس هذا اللي يبكيك راح نصلحه انا وانتي.. حلا/ اللي يبكيني طيبتك اللي كل يوم تزيد عن يوم وكلما تزيد تعذبني وتصعب علي الحياه معاك اكثر سعد/ ليش انا شصعبت عليك؟ حلا/ انت صعبت علي كل شي واول شي الكلام اللي كنت بقوله سعد/ خلاص بسكت وكملي حلا/ مااقدر خلاص بروح وانادي لك حمد سعد قام مسكها قبل تطلع/ مارح تطلعين لمااعرف كل شي حلا/ طيب بقول سعد انا كنت احب واحد غيرك ارتحت الحين؟ سعد جلس على الارض بدون مايحس بنفسه / تحبين واحد ثاني؟؟ حلا/ انا قلتلك ماابغى اتكلم لاني تركت كل شي بالماضي< تعليق بالحيل> بس انت اصريت علي سعد قام ومسك كتف حلا/ حلا قولي انك تكذبين حرام عليك حطمتيني انا حبيتك وحاولت اتحمل كل شي منك مع اني كنت حاس انك مو طبيعيه حلا وهي تبكي/ لا مااكذب وماقدرت اعطيك قلبي مع ان عقلي يبيك سعد/ مين اللي اخذ قلبك وماقدرت اخذه منه مع كل هاللي سويت لك حلا/ مو لازم تعرف مين سعد/ حلا قولي تكفين قولي حلا/ فهد!! سعد/ فهد ولد عمك؟ حلا / ايوه سعد/ وش فيه شي مو فيني قولي؟ حلا/ مافيه شي بزياده بس انا من طلعت على الدنيا وهو قدام عيوني كبرت معاه وكبر معاي وماتخيلت نفسي اتزوج الا هو بس القدر فرقنا سعد/ خلاااص اسكتي اسكتي ذبحني كلامك حلا/ انت طلبت مني اتكلم وغير كذا كل هالكلام اللي اقوله لك كان ماضي انا الحين زوجتك انت سعد/ ماضي؟ حلا/ اي ماضي عندك شك؟ سعد/ مستحيل اشك فيك بس مو باين انه ماضي من دموعك حلا / لاماضي وخلاص انتهى سعد بعد ماهديت اعصابه/ حلا اجلسي حلا/ نعم اجلس!! سعد/ ايوه اجلسي شفيك حلا/ انا اقول طيبتك بتذبحني سعد مسك يدها/ هذي مي طيبه هذا حبك بقلبي يجبرني اتعامل معك كذا حلا/ ااه تعبت سعد/ اجلسي وبريحك حلا جلست / شلون سعد/ انا بطلقك بس ابي نتفق على سبب اذا احد سألنا حلا/ بس انا ماابي الطلاق سعد عصب/ مااقدر اعيش معك وقلبك مع غيري افهمي خلاص تعبت حلا/ راح نحاول مع بعض سعد/ مااقدر ابقى معك حلا/ طيب ممكن نتفاهم؟ سعد قام بيطلع/ لا طبعآ الموضوع مافيه تفاهم حلا/ انتظر شوي طيب سعد فتح الباب والتفت / حلا حلا فرحت/ نعم سعد قرب ومسك رأس حلا وباسها وقال/ انا اسف بس انتي طالق طالق طالق حلا/ لاحرام عليك لما بديت افتح معاك صفحه جديده طلقت سعد / انا آسف مااقدر مهما كان انا رجل ولي كرامه *طلع سعد وحلا كانت منهاره وجالسه على الارض تبكي ولما سمعها حمد راح لها بسرعه حمد/ حلا شفيك حلا/ .. حمد/ حلا قومي تكلمي علي شفيك؟ حلا/ سعد حمد/ شفيه سعد؟ حلا/ طلقني! حمد/ طلقك !! ليش وش صار بينكم؟ حلا / ماادري ماادري طلقني وخلاص *اخذ حمد حلا لغرفتها وراح لزوجته أمل وكان وجهه اصفر وحزين امل / حمد حبيبي شفيك؟ حمد/.. امل / شفيك خوفتني صاير شي حمد ودمعته بعينه/ مالها حظ هالبنت اااه تعبت من التفكير فيها امل/ مين حمد/ حلا امل بخوف/ ليش شفيها؟ حمد/ سعد طلقهاا امل / لاا ليش ؟ حمد/ ماادري ماقدرت اخذ منها شي منهاره وطلعت من عندها خفت ابكي عندها امل/ صحيح كلامك مالها حظ الله يعينها يالله بروح لها وانت ريح شوي طيب حبيبي حمد/ من وين تجي الراحه.. *راحت امل لغرفة حلا امل/ ممكن ادخل؟ حلا/ تفضلي امل / انا عرفت باللي صار ومدري شقول لك حلا/ لاتقولي شي انا عارفه حظي من فرقوا بيني وبين فهد امل/ الله يعوضك عنهم كلهم حلا/ انا اللي قاهرني اني بديت اتأقلم مع الوضع ونويت افتح مع سعد صفحه جديده بدون فهد ااه امل/ هدي نفسي ياحلا طيب هو ليش طلق؟ حلا/ ماادري كان يتكلم يقول انتي مغصوبه علي ومن هالكلام وقلت له لا ولماعصب طلق امل/ خلاص انتي ارتاحي وان شاء الله الله بيعطيك على قد نيتك حلا/ مااتوقع بعد طلاقي احد بيدورني امل/ لاتقولي هالكلام ونفسي اجلس معك بس ابيك ترتاحين شوي حلا/ ياليت اقدر امل/ خلي ايمانك بالله قوي وراح تقدري صدقيني شوفيني انا قدامك الله مارزقني بأطفال وهذاني انا وحمد اخوك صابرين وعايشين وللحين عندنا امل كبير بالله حلا/ ونعم بالله وانا عارفه ان مافي احد حاس فيني كثر ربي وان شاء الله بيعوضني امل/ ان شاء الله يالله فمان الله *طلعت امل من عند حلا وجلست تفكر شراح تقول للناس اذا سألوا عن طلاقها وكانت خايفه ان سعد يقول للناس انها كانت تحب واحد وحاولت تلقى حل تعرف سعد راح يقول اولا! *تتوقعون تلقى حلا حل لمشكلتها على الاقل تحتفظ بسمعتها عند الناس بعد الطلاق..