الفصل 30
الحــــــــــلقه الثلاثــــــــــونْ
أنا تعبان ياقلبي . .
وربّك لاتلوميني
وربّك ماحدً في الكون كلّه..
حس بس فيني . . !
ولا إنتِ
انا مُرهق . !
أنا
مسلوب من فرحي
أنا
مأسور في جرحي . !
انا
قصة تَعَب تكتب ملامح للشقا ..
ولافكَّرت تمحي !
قعد حمود على الكنبه الي بالغرفه وكان ينتظر ريم تطلع من الحمام عزكم الله .. أطلعت ريم واهي تنشف شعرها بالفوطه وعينها تبرق بالفرح والسعاده بـس من شافت حمود قلبها نغزها ..أ قعدت يمه ومسكت ايدينه .: عسى ماشر شفيك حبـيبي ؟ احسك مو طبيعي ..
رفع راسه لها ومسك ادينها بقوه:قومي تجهزي ..
ريم رافعه حاجبها : ليش ؟ وين بنروح ؟
حمود يفكر وباله مشغول:امشي وبعدين اقولج ..
ريم بخوف: حمود شهالحجي وين بنروح قولي .. الحين الساعه 11 بالليل وين ماخذني ..
حمود اوديج بأيدي ولا ياخذونج بالغصب .. وقف واهو يتكلم بتعب: انتظرج بالسياره..
كانت ريم تبي تلحقه بس ماعطاها فرصه لبست بسرعه وانزلت وراه واهي تحاتي وطول الطريج بالسياره كانوا ساكتين بس لاحظت انه هذا طريج بيتهم .. تكلمت ريم بتوتر: رايحين بيت اهلي ؟؟ ليش ؟
وصل حمود وقالها : يلا ننزل ..
انزلت ريم واهي مو فاهمه أي شي يصير حوالينها وراحت تجر الخطى بدون وعي ولا ادراك للي ينتظرهم بالداخل ..
دخلوا البيت وكانوا بانتظارهم .. محمد و خالد وابوهم وسلطان رفض هالمهزله ولا قعد معاهم وفضل يروح عند ربعه احسن له من الظلم الي يشوفه ..
ريم بخوف مسكت ايد حمود:شصاير ؟
محمـد تكلم قبل لاينطق حمود:حياكم تفضلوا ...
اقعدوا كلهم وكانت اشكالهم واضحه انه في مصيبه بتصير ..
تكلم ابو محمـد وعينه على بنته: انا ماراح اطول بالموضوع ونبيك انت يا حمود تتكلم ..
حمود ماسك نفسه لا ينفجر عليهم: حاظر يا عمي بـس انتوا شنو الي تبونه عشان البيه لكم .. واذا على الطلب الي طلبتوه مني انا اسف هذي بنتكم واسألوها بنفسها ..
خالد:بنتنا مالها كلمه والي طلبناه يصير يعني يصير ..
حمود يبتسم بسخريه: الراي لريم يا خالد ..
ابو محمـد يتدخل:وريم بتقعد عندنا ..
ريم بفزع:شنوووووووو ؟؟ شصاااير فهموووووني ... ’’التفتت على حمود واهي تترجاه يفهمها الموضوع راح تفقد صوابها من الوساوس الي ركبت راسها ..
حمود ماسكها من ادينها ويهدي عليها قربها منه وعينه بعينها تكلم بهدوء:ريم اهدي خلينا نتكلم بهدوء .. أهلج ياريم مو راضين على هالزواج ويبوني اطلقج ... بـس ماراح اسوي أي شي الا برضاج .. ياريم انتي تبين الطلااااق ؟؟
ريم فاتحه عيونها من الصدمه وايدها على حلجها: طــ لا اا اا ق ؟؟ انتوا شنو تقولون ؟
ابو محمـد: أي طلااااق وكلمتي ما تتثنى يا ريم ..
اصرخت ريم على ابوها وكل الموجودين :لا يا يبا لااااا انا مو لعبه بأيدينكم زوجتوني غصب وبطلقوني غصب مو كيفكم مو كييييفكم .. فاهمييييييين
ماخلصت ريم من كلامها والا بهذاك الكف على ويها : طقني يا يبا طقني بس حمود ما اتطلق منه ..
تدخل حمود وبعد ريم عن ابوها قبل لا يطقها مره ثانيه: خلاص يا ناس شتبون منا خلونا عايشين مع بعض مو زوجتوها مالكم حق تطلبون بطلاقها .. وهالشي مستحيل حتى لو اطلبته ريم ..
خالد بصوت عالي: بطلقها كافي خياناتك لهاااااا يا محترم
اشهقت ريم وامتلت عيونها بالدموع: خالد حرام عليييك لا تتكلم جذي حرام عليكم ..
سحبها خالد وامسكه حمود من ايده:اتركهاااا وانا ربي شاهد علي مافكرت بالخيانه ولا لحظه .. وبنتكم عندكم الحين تبي ترجع بيتها لها... تبي تبقى ماراح اردها بس طلاق من سابع المستحيلات ..
ريم واهي ترجف بأيد اخوها وريلها ابعدت عن خالد وتمسكت بحمود:مالك شغل فيهم حمود مالك شغل انا برجع معااااك ..
محمـد الي كان ساكت ينتظر نهايه هالحرب واهو متأكد من برائه حمود ويعرف انه مستحيل يسوي هالشي مع انه محمـد اكثر انسان كان رافض فكرة زواج ريم بالغصب والحين مستعد يساعدهم بكل الي يقدر عليه .. ولا يفرقوهم عن بعض .لان متأكد انه ريم تأقلمت وحبت حمود ونست الماضي ..
بعد محاولات ْتمت ريمْ عند اهلهاْ مع وعدْ حمود انه بيرجع ياخذهاْ .. الحقته عند الباب وامسكته من ايده : لا تخليني .. ارجع لي ..
حمود يمسح على راسها بحنان: برجع ياريم .. ماقدر اعيش من دونجْ .. تأكدي برجع ..
لليـلـة هــذي واضـحــة لـيـلـة {فـــراق}
حــاولــت أعـديـهــا وعــيــت تــعــدي ××
\
/
\
/ظــروف مــا تنـطـاق ولا راح {تـنـطـاق}
صــد الـقـدر مـاهـو بـصــدك وصـــدي××
\
/
\
/
تـعـال خـذنـي بـيــن أيـاديــك {مـشـتـاق}
قـبــل انـتـفـارق حـــط يــــدك بــيــدي××
\
رددت هالشعر في قلبـها وماحست الا بحمود يلمها على صدره حييل ويبوسها على راسها ويطلع برا البيت تاركها بين دموعها وشهقاتها ...
أركضت ريم على غرفتها واهي ميته من البجي : ليش يا يبا ليييش تسوي فيني جذي .. حرام عليكم .. و الله تعبت منكم ومن ظلمكم لي .. فجأه اسمعت صوت الباب ينطق وماكانت ترد .. وصل لها صوت محمد يترجاهـا ..
محمـد: ريم فتحي الباب عشان خاطر اخوج .. فتحي ياريم ..
قامت ريم واهي تمسح دموعها وافتحت الباب : ...........
دخل محمـد وقلبه متقطع على اخته تذكر وصية منال له { يا محمد ريم أمانه برقبتك مهما طال الزمن .. } : سحبها من ايدها وقعدها على السرير : ريم رفعي راسج ..
بدت العبره تخنق ريم موقادره تتكلم : .............
ماتحمل منظرها اكثر من جذي وضمها لصدره وتركها تبجي لين تهدا .. وبعد وقت رفع راسها عليه وكلمها: انتي تثقين بأخوج ؟؟
ريم من بين دموعها : أي
محمـد: محد بيفرقكم عن بعض .. وبترجعين له ..
ريم: وخالد وابوي ..
محمـد يبتسم لها: انـا قلت لج بترجعين ياريم .. وحمود لج وانتي له .. وماآبي اشوف هالدموع مره ثانيه ..
ريم تحضن اخوها واهي تبجي:و الله تعبت يا محمـد .. وحمود مستحيل يخوني مستحيل ..
محمد:صدقيني ماخانج .. وانتي لا تفكرين الحين نامي وارتاحي الوقت تأخر وبآجر يصير خير .. يلا بروح قبل لا تقعد بدور .. واكيد بتقعد تحاتي وماتخليج تنامين ..
ريم تبتسم: الله لا يحرمكم من بعض ويخليكم لي يارب .
محمـد يبوسها على راسها: ولامنج حبـيبتي يلا قومي نامي وانا بسكر الليت والباب .. تصبحين على خير ..
ريم واهي تدخل فراشها وقلبها متقطع على غياب حمود: وانت من اهل الخير ..
.....
صحى جراح على نغمه اشجان تتصل عليه فز بـسرعه: هلا حـبيبتي ..
أشجان بصوت كله توتر : هلا .. يلا قوم لا نتأخر ..
جراح تذكر موعده اليوم بالمستشفى واهو اصلا متى نسى بس الله كريم : شجن ..
اشجان بتوتر: هلا ..
جراح بهدوء: لا تخافين .. أنا محتاجج ..
اشجان حابسه دموعها ماتبي تبجي وتكسر بخاطره:وانا محتاجتك اكثر .. يلا قوم انا انتظرك ..
جراح بحنيه: خمس دقايق وطلعي عند الباب ..
دخل جراح الحمام واول ماطلع فتح عيونه: شـ شـ جن ؟
اشجان واقفه جدامه منزله راسها :ماقدرت اصبر .. يلا بنتظرك
جراح حاس فيها وبتوترها .. قرب منها وطبع بوسه على خدها خلاها تذوب من حنيته .. اطلعت تنتظر عند الباب واهو لبس ولحقها قبل لحد يشوفهم ..
اركبوا السياره واهو ماسك ادينها ويتلمسهم بحنان يعطيها من الصبر الي عنده واهي تمده بالي عندها ..
الدكتور: تفضل يا جراح ..
قعدوا جراح واشجان وواحد يطالع الثاني وكأن اليوم يتحدد مصيرهم وحياتهم ..
الدكتور يبتسم:شخبارك يا جراح ؟
جراح يبتسم بقله صبر: الحمدلله من الله بخير ..
اشجان ودها تدخل بمخ الدكتور وتشوف شنو ناوي يقول قبل لاينطق فيه ..
الدكتور واهو يتفحص النتايج واشجان وجراح على اعصابهم ..
الدكتور واهو يرفع راسـه : مثل ما توقعنا ..
جراح بهدوء : شنوووو ؟؟ !
اشجان حاطه ايدها على حلجها تحبـس صرختهاْ
الدكتور:مافيك الا العاافيه يا اخ جرااح .. وهذي مجرد اكياس دهنيه وموضوعها سهل جدا..
جراح مغمض عيونه وكأنه اليوم يبدا عمر يديد واشجان اطلعت صرختها من جوفها :الحمـــــــدلله يااااااااااااااااارب ...
طمنهم الدكتور وبلغ جراح انه اكياس الدهن عمليتها سهله مجرد نص ساعه وينتهي الموضوع ... اطلعوا اشجان وجراح وفرحتهم محد يقدر يوصفها .. اسبوع من الخوف والتوتر والموت البطيء انتهى على خييير ..
...
فجر واحمد حياتهم مستقره كأي زوجين يحبون بعض والحياه ماشيه على اتم وجه ارجعوا الكويت عشان يحضرون عرس اشجان وجراح الي مابقى عليه الا اسبووع والكل محتاااس فيه وطبعا اثنين نايمين بالعسل وجراح مجنن اشجان بسوالفه وحركاته الي ماتخلص ..
محروم
06-27-2020, 10:34 PM
......
ريم غابت عنها اخبار حمود طول الفتره الي مضت لانه سافر السعوديه وابوها مانعها تتصل فيه او تفكر انها تشوفه .. تعبت واهي تحاول حتى النقال خالد خذاه منهااا ..
بدور:ياريم اهدي لاتسوين بعمرج جذي ..
ريم بعصبيه: شلون اهدى قوليلي شلووون حمود بيقرب الشهر مادري عنه ويييين الي وعدني ارجع له وييييييييييييييين ؟؟
دخل محمـد وويهه اسوود : بدور تركينا بروحنا لو سمحتي ..
بدور: ان شاءالله ..
مرت من يمه واهي تحاتيهم:حاول تهديها ..
محمـد: ربج كريم ..
اطلعت بدور وقعد محمـد يم ريم :ريم أنا وعدتج وانا عند وعدي صدقيني ..
ريم ودموعها على خدها: ومتى ؟؟!
اختنق محمـد من سؤالها بس اهو مجبور يقولها شصار على حمود:ريم ..
التفتت عليه واهي تشوف الحيره بملامح ويهه والخوف: شفيك ؟؟ صاير شي ؟؟
محمـد يمسح ادينه ببعض: حمود محتاجج الحين ..
ريم بشهقه : شصاااااااير ؟؟
محمد:البارح واهو راجع من السعوديه صار له حادث على طريج البر ...
اوقفت ريم وارجعت طاحت على السرير وايدها على قلبها وتتكلم بهمس: تعبااان ؟؟ صاااااار له شي ؟؟
محمد:قومي نروح الحين
طلع محمد وتركها تلبس وتلحقه السياره ...!
......
أم فواز: يووو يا يمه يا جراح اقعد و الله دوختني ..
جراح: عمتي شفيج .. أنا بصير ريل بنتج .. ليش تصارخين علي ..
أشجان تضحك واهي يمه : ههههههه
جراح يلتفت عليها ويقرصها من خدها: تضحكين هااا ؟؟ بس انا اواريج ..
أم فواز: انا الغلطانه الي قاعده معاكم ..
كانت بتقوم بس سبقها جراح وقعدها : و الله ما تقومين يا عمتي .. وانا وبنتج الي نطلع .. انتي استريحي بس ..
ام فواز فاهمه عليه مو من طيبه بس يبي يطلع مع اشجان بروحهم : و الله لو ما اعرفك ولد اخوي قلت هذا من طيبك وسنعك .. بس انا فاهمتك ..
جراح اطلعت عيونه : افااااا و الله حدي طايح من عينج .. بس تدرين شلووون .. دام انتي فاهمتني فاهمتني .. عيل باخذ عمري واطلع ..
اشجان بسرعه: لاااا امي تضحك معاك ..
جراح يسوي نفسه زعلان: خليها تضحك .. بس من قال بطلع بعمري وبس لا باخذج .. { ويحرك حواجبه حق عمته يقهرها .. }
اشجان تضحك وتخز امها .. التفتت عليها امها : قووومي طسي وفكوني شوووي ..
اطلعوا اشجان وجراح الحديقه واهي تضحك عليه .. قرب منها ومسكها: ويعه
اشجان : ههههههههههه
جراح يرفع حاجبه: متى انجنيتي ؟؟
اشجان : ههههههههههههههههههههههه
جراح: لاحول الله عسى ماااشر شنو الي يضحك ؟؟!
اشجان واهي تقعد ع الكرسي وماسكه ضحكتها :........
جراح قعد قبالها واهو يطالعها: شفيييج ؟؟
اشجان تمسح دموعها من الضحك : سلامتك ..
جراح: وهالضحك شخانته من الموضوع ؟؟
اشجان: جراااح
جراح: نعم ..
اشجان: لا تلومني و الله هذا طبعي ان توترت اضحك .. وانت وامي كملتوها علي .. احب اشوفكم وانتوا تتناشبوون ..
جراح يبتسم : وشنو الي موترج ؟
اشجان تلم نفسها وتطالع فيه: مادري يمكن عشان العرس قرب ..
جراح: امممم ..
اشجان:شفيك ؟؟
جراح: و لا شي .. بس مالومج صح هالشي يخلينا كلنا متوترين . .بس ع الاقل انا وانتي عارفين بعض يعني اعتقد التوتر بيخف شوي ..
أشجان: جايز ..
جراح:تبين اغني لج ؟؟
اشجان تبتسم: ياليت ...
جراح:وشنو تبين تسمعين ؟؟
اشجان تفكر : أي شي حق كاظم .. احب اغانيه بصوتك ..
جراح: من عيوني كم شجن عندي .. يلا سمعي ...أحم احم ..
../ كلك على بعضــك حلو .. والأحلى ال الخجل الل بعيونك
تزعل أو ترضى حلو
شوكة بعين الل يحسدونك
وجهك حلو طولك حلو قلبك حلو
عمري من عمرك حبيبي
كل شي لعيونك يهون
أنت أغلى الناس عندي
حبي لك حد الجنون
يكفي بعيونك الحلوة
تشوفني وتسأل عليه
تضحك الدنيا بعيوني والسعادة تطير بيه
وجهك حلو طولك حلو قلبك
من أشوفك أنسى خوفي وأنسى كل ما صار بيه
وأشعر بكل ارتياح من أضم أيدك بيديه
آه يكفي بعيونك الحلوة
تشوفني وتسأل عليه
تضحك الدنيا بعيوني والسعادة تطير بيه
وجهك حلو طولك حلو قلبك حلو
كان يغني وعيونه بعيونها يهديها الحرووف من نظراته يهديها الحب من همساته وصوته
كان الجو قمه بالسعاده والدفا .. وما اكتمل الجو الا بدخول هادم اللذاات استاذ فواز ..
فواز واهو واقف وحاط ايده على باب الحديقه : يا سلام وطرب واجواء رومانسيه متشعلله عندنا اليوم ...
اطلعت من وراه فجر : وانت شتبي فيهم معاريس خلهم براحتهم ..
فواز: و الله الي اعرفه الاسبوع الي قبل العرس يبعدون عن بعض شوي عشان يشتاقون لبعض بس هذول اربع وعشرين ساعه لاصقين بخشة بعض .. كنت اقول الخبال من جراح طلع كله من اشجان و انا الصاج ..
جراح واشجان يطالعون صوبهم ولا تكلموا ينتظرونهم يخلصون : خلصتوووا ..
فواز: شفتي مو اقولج البنت طلعت اهي الخراب حتى الحجي يقولونه مع بعض .. عشان لحد يحاسب الثاني شقال من ورآه هههههههه
اشجان: يووه فواز وبعدين ..؟
جراح: مالج شغل فيهم فديتج .. خليهم يحترقون بنارهم .. ناس حاسده يكافينا شرهم ..
فواز: هههههههههههه ياليت حاسد .. الا شايف وعايف .. طس انت معاها احسن ..
الكل : ههههههههههههههههه
.........
أدخلت ريم واهي تتسارع مع الزمن بخطواتها الذبلانه تبي تشوفه تطمن عليه لا يخليها ويرووح اكتفت من العذاب والغيااااب خلاص ماعاد فيها صبر وتحمل ..
أدخلت عليه الغرفه كان مسدوح والتعب والجروح مستقره بأحشاء قلبها قبل جسمه .. اشهقت من شافة الكدمات وريله المجبسه وايده المربوطه صوب صدره .. وجبهته المجروحه .. كان مغمض عيونه بكل امان .. قربت منه بهدوء وحطت ايدها المرتجفه على خده تتلمسه وتحس فيه وبروحه الي غابت عنها .. اقعدت قريب منه واهي تهمس له: سلامتك حـبيبي ماتشوف شر .. ليش صار معاك جذي ؟؟ وشنو الي صار .. انت وعدتني ما تتركتني .. ليش كل ماحس بالامان انخذل وارجع لنقطه الحرمان .. حموود . . تسمعني .. قوم لا تخليني بروحي .. و الله مااعيش من دونك .. عارفه انك مظلوم .. و الله عارفه .. بـس قوم كلمني .. قووووووم ....
تمت تبجي واهي حاضنه ادينه بدون أي استجابه منه .. دخل عليها محمـد واهو يهدي فيها ويصبرها ..
ريم: مايكلمني يا محمـد ليش ..؟
قعد يمها ومسكها من ادينها : ريم لاتسوين بنفسج جذي .. اهو تعبان خليج قويه عشانه .. كلها يوم وبيصحى الدكتور طمني لا تخافين عليه ..
ريم من بين دموعها: وان ماصحى ..
محمـد بنظره : شهالحجي .. انتي مؤمنه بربج .. وحمود مافيه الا العافيه .. وريلج قوي بيقوم منها سهالات ان شااءلله ..
ريم: اااااااه يا محمـد .. الله يسمع منك .. و الله ان صار له شي مابسااامحكم كلكم .. < وتمت تبجي بصمت وقهر ...!
مر يومين واهي كل يوم عنده وابوها من عرف منعها وعصب عليها بـس ما ردت على احد واطلعت من شورهم هالمره .. والي يبون يسوونه يسونه .. هذا ريلها ما تتخلى عنه عشان احد .. كافي الخسارات الي عاشتها بحياتها ..
ادخلت على حمود وتحس انه شكله متفتح عن الايام الي قبل بس لحيته بدت تطلع شعره تبهذل ابتسامته الحلوه اختفت .. والهالات السود واضحه تحت عيونه ...
حطت الورد قريب منه واقعدت يمه : شلونك حبيبي .. انا مشتاقتلك .. انت للحين زعلان وماتبي تكلمني ..؟ الدكتور يقول كلها يوم وتقدر ترد علينا .. بس اليوم صار ثلاث ايام .. حمود انت عودتني انك توفي بوعودك وتكون اقوى من كل الظروف .. انا وانت مالنا الا بعض .. فلا تحرمني منك .. ماقدر ع الحياه من غيرك .. انت ابوي وامي واخوي وزوجي وحبيبي وكل شي بدنيتي .. انا حاسه انك بترد علي .. حاسه انك تحبني ومستحيل تتخلى عني .. ااااه يا حمود ااااااااه ...! الله يصبرني ويطمن قلبي عليك .. < أمسحت دمعتها واهي توعد نفسها انه بيكون لها وبيرجع لها ...! قامت من يمه باسته على خده بهدوء وامسحت على راسه وتوجهت صوب الباب وقبل لا تطلع اسمعت همسه خفيفه : ر يـ ـ ـ ـم
ارجعت له بسرعه واهي تتأمل ملامحه وايدها تحضن ايدينه بس ماحست بشي قشعر كل جسمها وغمضت عينها : يارب مايكون تهيئا انا سمعته .. حمود هذا صوته ...
حرك اصبعه على ايدهااا عشان تحس فيه اكثر .. اشهقت بقوه وتمت تطالع فيه .. انت تسمعني رد علي .. حمود انا حسيت فيك انت تحركت وناديتني ...!
حمود يحس بحراره بجسمه غمض عيونه حيل وشد على ايدهاااا .. التعب مو معطيه مجال يتكلم بـس كان يحس فيها ويحس انها قريبه منه بكل لحظه ...!
....
محروم
06-27-2020, 10:35 PM
محمد:هلا سلطاان
سلطان: ها طمني شخباره ما تحسن ؟
محمد: لا و الله مافي أي شي تغير .. للحين نايم ..
سلطان: الله يقومه بالسـلامه ..
التفتوا على صوت ريم: محمممممد
مشى محمد بسرعه صوبها: شفييج ؟ حمود صارله شي ؟؟
ريم من بين دموعها: حموود صحى ..
أدخلوا محمد وسلطان وريم واقفه وراهم تشوفهم واهم يتحمدون له بالسلامه وتركز بالنظر اكثر على عيون حمود .. وتحمد ربها الي رجعه لها ساالم واكيد راح تبقى يمه ولا تتحرك خطوه وحده ..
فزت على صوت محمـد: تعااالي ياااهو وين رحتي ...
سلطان: خلها تتغزل بهالتعبان .. ماتشوفها شلون تخز فيه ..
حمود يبتسم لها ويناديها بعيونه .. قربت منه اكثر واقعدت على طرف السرير واهو ماسك ادينها ,, ما طولوا اخوانها شوي واطلعوا عنهم .. التفت لها حمود وغمض عيونه ..
حمود: لا تروحين ..!!
ريم اخنقتها عبرتها: مستحيل اتحرك من هالمكان .. مابروح الا معاك ..
حمود يضغط على ايدها اكثر : وصدقتي السالفه ؟؟!
ريم: اكيد لا .. لا تسألني ليش ما صدقت . بس قلبي ما يخوني .. !
قرب لهاا اكثر وباسها على خدها : ربي لا يحرمني منج ..
ريم: ولا منك يا نظر عيني ..!
....
مرت االايام سريعه واليوم عرس احلى اثنين اشجان وجرااح ..
اشجان من الصبح بالصالون واختها معاها .. وباقي البنات والعمه وامها بصالون ثاني ..
كانت اشجان قمه في توترها .. او التوتر كلمه قليله في حقها .. ماكانت قادره تركز على شي
وكل جسمها يرجف .. وتحس بالبرد .. والخوف .. ماتحس بالفرح كثر ما تحس بالخوف ..
فجر: اشجان وبعدين .. بتموتين جذي ... نسيتي كلامج لي بعرسي .. وين الصبر الحين .. والقوه .. اشوف كله كلام خرطي ..
اشجان وشفايفها ترجف ..: خااايفه .. مو قادره اتحمل ..
فجر: زين بروح ايب لج عصير يهديج شوي .. جذي ماراح نقدر نسوي شي ..
اطلعت فجر واشجان الافكار تاخذها وتوديها .. شلون بتتصرف مع جراح بروحهم .. شلون وشلون وشلون .. لين قطع حبل افكارها تليفونها يرن .. وكان جراح ..
اشجان بصدمه : جراح !!! انا ناقصه يااااربي شسوي ارد او مارد ..
بس التليفون ماسكت لين ارفعته اشجان: وبصوت كله رجفه : الــو و و ؟!
جراح: يالبيييه الالو وراعيه الالو .. وصباح الخير على احلى عروووس بدنيتي ..
اشجان : وليش دنيتك فيها اكثر من عروووس ؟؟
جراح يضحك: فديت الغيره الي اشتغلت من الحين .. ولا معصبه بعد ..
اشجان متنرفزه من برود اعصاابه واهي من التوتر صارت تعصب : جرااااح
جراح: قلبه امريني ...
اشجان ما كملت كلامها : بآآي
سكرت الخط وجراح مثل الي انكب عليه ماي باارد من حركتهاا : يوو هذي شفيهااا ؟؟ لايكون زعلت ياربي ,,
بعد ساعه واشجان توها تبي تبدا شغلــها اسمعت فجر تناديها .. : شجن تعالي عند الباب شوي ..
راحت اشجان واسحبتها فجر بسرعه واول ماوقفت عند الباب ماحست الا بأيد تسحبها كانت بتصارخ بس من شافته اجمدت مكانها ...! ! !
مسكها جراح وعينه بعيونها : اسف .. بس ماقدرت انتظر ..
اشجان منزله راسها وسرت بجسمها رعشه قويه من قربه: ليش ييت ؟؟
جراح: عشان اشوفج واشوف ليش زعلانه ؟؟
اشجان: مافيني شي .. بس
جراح: متوتره .؟
اشجان بحركه بريئه هزت راسها:أي
جراح يهديها ويطمنها واهو حاضن ادينها : لا تتوترين وهديْ اعصابجْ عشانْ خاطريْ .. مابي اشوف اليوم غير ابتساامتجْ .. ولا تنسينْ هذيْ ليلهْ العمر ْ. .. .. < وابتسمْ لهاااْ ابتساامهْ فضيعهْ وباسهاْ على راسهاا ودخلهاْ وراح عنهاااْ واهو باله وفكره كله بهالبنت واخيرا بتصير له .. يحبها ويموت فيهااا بكل جوارحه ..
فجر : والله من قدج في عروس تشوف ريلها بالصالون وقبل الزفه والله هالجراح حركااات
اشجان تضحك : فديته
فجر: ياعيني من الحين فديته ما فديته لا بابا خلي هالكلام اذا تميتوا بروحكم ههههههه
اشجان ارجعت لتوترهاا : زين زين .. سكتي بس الحين .. بدخل الحين وقت المكياااج راح الوقت علي مووو ؟
فجر : لا ماراح تو الناس يلا روحي ..
..............
حمود: انتي متأكده ؟!
ريم: أي متأكده .. وماني راجعه والي يبون يسونه يسونه .. مايهمني
حمود يقرب منها: ماهزج كلامهم ؟!
ريم واهي ماسكه ايده: طبعا لا
حمود:ليش؟
ريم:لاني واثقه فيك .. واعرفك صريح معاي ..! وعمرك ماخبيت عني شي ..
حمود:ولاراح اخبي .. بس احمد ربي الي رزقني فيج .. عاقله وواثقه فيني ..
ريم بخجل:وانا عندي لك خبر وهالمره خبيته عنك ..
حمود بإبتسامه واستغراب:شنو ؟!
حطت ايدها على بطنها وطالعته: ......
حمود فتح عيونه وقرب مسك بطنها:صجججج ؟؟؟
ريم واهي تضحك : اي صجين ..
حمود: انتي حامل ؟؟!
ريم: اي حامل .. ولي شهرين ونص ..
حمود طاير من الفرح والارض مو سايعته :والله احلى خبر سمعته بحياتي وهالمره خلاص بنحط بالنا عليه .. وتكفين اهم شي صحتج ..
ريم بدلع: صحتي او صحة البيبي .؟!
حمود:انتي اول واهو الثاني .. الياهل بداله ياهل بس انتي محد بيعوضني عنج ..
لمته حيييل وكأنها خايفه لا تودعه ..!!
.....
محروم
06-27-2020, 10:35 PM
صالهْ العرس والناس مجتمعه والكل يرقص ومستانس والاغاني تصدح باعلى صوتها
والفرحه .. عامه المكان وكل القلوب صغير وكبير .. بس في فرحه مختلفه فرحه اشجان وجراح ..
مرت ساعات العرس بلمح البصر وصار وقت دخلت اشجان .. كانت مثل المـلاك بالثوب الابيض الثلجي .. تمشي بين الناس واهي بقمه سعادتها وخوفها وتوترها مشاعر صعب تجتمع بنفس اللحظه بس اجتمعت عليها ونظرات الناس وتفحصها لها خوفها .. بس الي زادها ثقه نظرات اختها وبنات عمتها وصديقاتها .. ودموع الفرح بعيون امها .. ادخلت على احلى زفـه وانغام هاديه واضواء خافته .. لين وصلت الكوشه وبدا الكل يقترب منها ويصلي ع النبي ويسلم عليها .. ويبارك لها ..
البنات : ماشااءلله عليهااا طالعه قمــر .. ان شاءالله هالجراح يستاهلها ..
...
جراح:راشد .. ياراشد ..
راشد:هلاا بمعرسنا ..؟
جراح: قولهم متى نروح .. خلاص مافيني صبر .. يلااااا
راشد:يامال الي ماني قايل .. اصبر شوي خل الناس تسلم وتالي نمشي ..
جرااح متنرفز:وراهم سلام بعد .. لا جذي وايد ..
راشد:اقول استريح .. ماباقي شي ..
جراح يخز فواز وخاله .. انتبه عليه فواز وقرب منه :شفيك ؟
جراح عافس حواجبه: ولا شي بس اختنقت يلا نمشي .
فواز:الله واكبر الحين هالناس والعرس ومخنوق .. والا ما تتنفس الا مع اختي ..هههههه
جراح:الله يلوع جبدكم .. اي لانكم مو حاسين مالت عليكم ..
فواز: لا ولسااان طويل بعد..عاد كنت برحمك بس انت مو مال احد يرحمك انطق بكرسيك احسن لك ..
ابوفواز:يلا يا عيال ..
جراح بوناسه:الزفــه ..
راشد وفواز : هههههههههه مو صاحي ..
.....
أم راشد:يلا يا بنات تغطوا المعرس وصل ..
من اسمعت اشجان هالكلمه وكل ذره بجسمها قامت ترجف وتحس بالقشعريره تتملكها بهاللحظه ..
الكل تغطى ويترقب لحظه دخول المعرس مع اخوانه وابوه وخواله ..وصل جراح الكوشه واهو بقمه فرحته والابتساامه مرسومه بملامحه الجذابه : الكل سلم على العرووس وصور معاها ..وطبعا جراح يموت ويحرجها وهالمره جدام الكل باسها على راسها وبين عيونها وبارك لها واهي ردت عليه بالسكوت والابتساامه .. هذا الي قدرت عليه المسكينه ... !
وبوسط الزحام ادخلت من الباب بنت تقريبا الكل استغرب منو بتكون ؟!
قربت من المعاريس وقابلها جراح بكل فرح وابتساامه : هلاا وغلاا برغد ..
رغد:هلا بولد عمي مبرووك الف مبرووك ..
جراح:الله يبارك فيج يالغاليه ..
اشجان تبتسم بكل عفويه من قربت منها رغد احضنتها وباستها على خدها وباركت لها : مبرووك شجونتي والله تستااهلين كل خير ..
صوت الاغاني كان عالي وماقدر جراح يسألها مع منو يت من استراليا ؟؟ وتم يحاتيها ..
راحت رغد صوب البنات ومرت عمها وسلمت عليهم .. والكل استانس فيها .. بس رغد تغيرت في شي صاير بس محد يعرف للحين .. وجراح اكثر واحد حس بهالتغير بحكم الفتره الي عاشها عندهم ..
اروى:يما مالي شغل نبي نوصلهم الفندق ..
ام راشد:يابنت عيب الريال وزوجته رايحين انتي شعندج .. عيب قعدي مكانج
اروى ماردت على امها وطارت عند فجر : جور جوررر ..
فجر : هلا شفيج تصارخين ..؟
اروى:وين بتروحين ؟؟
فجر:انتظر احمد بنروح البيت ..
اروى:لالالالالا .. شفيكم انتم ؟
فجر:شفيج يا بنت ؟
اروى:بروح مع المعاريس الفندق ..
فجر:شعندنا ؟؟؟
اروى:برووح وبسسس ..
فجر:اممم انزين عادي تركبين مع احمد ؟
اروى:فشششله ..
فجر:خلاص عيل استريحي ..
اروى:يوووووووووووه بروح يعني بروووح ..
....
محروم
06-27-2020, 10:36 PM
اركبوا المعاريس اليموزين وفواز كان يساعد اخته واهي تركب السياره ومسك ايدها وحس فيهاا بارده مثل الثلج .. رفع رااسه لها وطالع عيونها وابتسم لها:صلي ع النبي حبيبتي ..
اشجان وشفايفها ترجف واهي تشوف اخوها وشلون يساعدها وحنيته:فوازز
فواز:عيون فواز : تامر عروسنا ؟
اشجان:لا تخليني ..
فواز عافس حواجبه :خلاص كبرتي يلا ريلج ينتظرج ..
مامسكت نفسها اشجان ونزلت دمعتها : ...
فواز:لالالا والله بزعل منج ليش كل هذاااا .. امانه لا تبجين هذا جراح بيصعد حرام يشوف دموعج يلا عشاان خاطري ..
حاولت تمسك دموعها وعدل قعدتها فواز وركب يمها جراح واهو يضحك على خبال اخته ..
جراح:والله هالاروى قلق وازعاااج ..
اشجان :سااكته ..
التفت صوبها جراح :حبيبي !
اشجان بصوت خاافت:هلا ..
جراح:والله مو مصدق احنا بحلم والا بعلم ..
اشجان ترجف ياليت حلم : ..
قرب ومسك ايدهااا وابتسم اثنينهم يرجفون والتوتر ذابحهم ..!
....
طبعا اروى ماسكتت والي براسها سوته .. شافت فواز وترجته يروحون وراهم الفندق وفواز ماقدر على حنت هالبنت اخذها اهي وسراب وراحوا وراهم الفندق ..
....
انزلوا المعاريس الفندق واصعدوا الجناح الي احجزه جراح : وقبل لا يسكرون الباب انطق عليهم بطريقه تخوف : وطبعا انصدم جراح .. اخته وفواز وسراب عند الباب : شعندكممممم ؟؟
فواز:مالي ذنب هذي اختك ..
ادخلت اروى بسرعه واهي تضحك : والله تتوقع بتركم بهاليوم .. وانا مو مطوله بس بدخل عند شجوونه شوي وبطلع ..
ادخلت اروى الصاله الي بالجناح وشافت اشجان بعدها واقفه مكانها ماتحركت وانطقت باسم جراح :
اروى:لا انا اروى مو جراح ..
التفت اشجان واستااانست : يابعد قلبببببببببببببي الله يااابج .. لا ترووحين تعاااااااالي
اروى:بسم الله عليج شفييج ؟؟
اشجان:اروى لا تخليني تكفين تعالي قعدي عندي اليوم .
اروى تضحك : ههههههههههه ليش ناويه جراح يذبحني ؟؟ ياماما انتي عروسته اليووم ياويلج منه ..
اشجان الخوف ذابحها وكلام اروى زادها :على طول انزلت دموعهاااا ..
اروى مصدومه:شفييييييييييج ؟؟
اشجان:خااايفه .
اروى:اي عادي .. بس من قال اخوي ذيب ؟؟ حرام عليج جراح طيوب مايخوف ..
بهالحظه دخل جراح وشافها تبجي سحب اخته وطلعها بره ورجع حق عرووسته الي قالبتها مناحه ..
سحبها من ايدها وقعدها على الكنبه الطويله وقعد يمها ورفع راسها:افاا منو مزعل القمر ؟!
اشجان والدموع تزيد على خدها : .....
جراح بخوف:شجن حبيبتي شفيج ؟؟ ليش هالدمووع ؟؟
اشجان:ولا شي ..
جراح:وهالدموع ؟
اشجان ترقع موقفها:احس مشتاقه لاهلي ..
جراح يبتسم لها ويقرب صوبها اكثر:والحين بس اهلج تشتاقين لهم ؟؟ وانا مالي نصيب ؟
اشجان الخجل بيقضي عليهااا قبل يومهاا : ...
جراح:امممم مطولين قاعدين جذي ؟
اشجان بسرعه:ابي الحمام ..
جراح:غيري ملابسج اول .
اشجان موقادره تتحمل والافكار قامت تلعب فيهاا .. : زين اطلع خل ابدل ..
جراح يضحك : من اولهاااا ..
اشجان:نعممم؟
جراح:لالا ولا شي اوكي انا بطلع وانتي اخذي راحتج واذا خلصتي ناديني ..
اشجان : اوكي ..
طلع جراح وتركها تاخذ راحتها .. سكرت الباب واقفلته مرتين وانتبه لها جراح وضحك بداخله ..
اتعبت واهي تفصخ النفنوف البست الروب وادخلت الحمام .. غسلت واطلعت .. افتحت الجنطه وطلعت قميصها الابيض امسكته بايدها واهي ترتعش من افكارها الي توديها واتيبهاا : ياااارب خفف علي موقادره اتحمل ..
البست القميص وافتحت شعرها وعدلت مكياجها الي خربته بالدمووع .. وكان شكلها قمه بالروعه .. والبراائه .. قبل لا تفتح الباب اسمعت صوت جراح وكأنه كان يكلم وحده .. استغربت وحست بشي بداخله يحترق :لا والله هذي اولها يا استاااذ ..
اقعدت على طرف السرير وماراحت تناديه .. حس جراح انها طولت عليه : معقوله لها ساعه ماخلصت .. خل ادخل اشوفها .. وصل عند الباب طقه ماردت عليه بدايه وبعد ثالث طقه قامت افتحته وارجعت مكانها وقبل لا تقعد مسكها من ايدها ولفها صوبه . بس اهي ابعدت بسرعه .. واستغرب حركتها بس ماحب يضغط عليها راح الحمام واخذ معاه ملابسه بدل وطلع لهاا ..
وشافها وكأنها معصبه بس هدوء ملامحها تعذبه مايحب يشوفها زعلانه : قعد يمها وسحب ايدها وباسها:شنو فيه الحلو ؟
اشجان بدون تردد اسألت:منو الي .... وسكتت ..!!
جراح:شنو قلبي ؟
اشجان والدموع بعيونها:خلااص
جراح مستغرب من تصرفاتها:شفيج حبيبتي ..؟
اشجان:منو كنت تكلم قبل شوي ؟
جراح فهم عليها وضحك من كل قلبه:شجووونه ... تغاارين ؟
اشجان:مووقت هالكلاام .. رد علي ..
جراح:هذي رغد
اشجان:اهاا ..
جراح:شجونه رغد يت الكويت خصوصا عشان عرسنا واهي نازله بالفندق حتى مارضت تروح بيتنا وباجر طيارتها معانا على استراليا ..ترجع حق اهلها ..
اشجان استحت من تفكيرها وعلى طول شكت نزلت راسها وتمت تفرك باصبعها ..
جراح بشوق:رفعي راسج .. اشجاني ماتنزل راسها ..
اشجان بخجل:انا اسفه..
حط اصبعه على شفايفها:اوووص .. مآبي اسمعج تتأسفين ..قومي معاي ..
اشجان :وين؟
جراح:طلبت لنا عشا ..
اشجان :لا مو يوعانه مآبي .
جراح بقلبه والله وهذا الي ابيه .. :ليش ؟
اشجان:بس ماشتهي ..
جراح:ولا انا اشتهي ..
حط عينه بعيونها ومسك اطراف اصابعها:والله احبج
اشجان ولا كلمه كان الصمت سيد الموقف عندها ..
ماتمالك نفسه جراح قرب منهاا اكثر واكثررر رفع راسها باصبعه وطبع اول بوسـه لاحب انسانه واجمل شريكه حياة في دنيته .....!!!!
...................
ام فواز:والله مو قادره انام واشجان مو بالبيت .. انا خايفه عليها
ابو فواز:نامي يامره .. البنت مع زوجها .. شهالحجي الي تقولينه ..
ام فواز:بسس ..
ابو فواز:لابس ولاشي الصبح بيطلع علينا .. نامي وارتاحي .. انا تعبااان بناام..
حاولت ام فواز تنام وطول الوقت واهي تدعي انه الله يوفق بنتها ويبعد عنها رهبه اول ليله ويخفف عنهااا ..
..................
نرجع لمعاريسنا وبعد الساعاات الي مرت عليهم والحين تقريبا الساعه 6 الصبح جراح كان نايم واشجان النوم مجافيها كانت نايمه بطرف السرير بعد مابعدت عن حضن جراح لين نام .. ادفنت راسها بالمخااد وحاولت تخفي صوت شهقاتها عن لايسمعها جراح .. وتمت تتقلب يمين ويسار ماقدرت تنام ..
حس جراح بحركتها بس مالقاها يمه وسمع صوت شهقتها من تحت اللحااف رفع اللحاف عنها وبسرعه غمضت عينها تفهمه انها نايمه ..
جراح:فتحي عيوونج .. ادري قاعده ..
افتحت عيونها ومايبان منهم الا الدموع:....
قرب منها ورفعها وقبل لايحطها على صدره انتبه لنظراتها الخايفه .. سحب بلوزته ولبسها عشان ترتاح شوي .. حطها على صدره وتركها تبجي لين هدت واهو يمسح على شعرها بهدووء :بسم الله عليج .. حبيبتي اهدي .. الي صار شي طبيعي .. انا اسف حبيبتي .. سامحيني .. لو ادري بتنزل دموعج ماقربت ناحيتج .. شجن ردي علي لا تقطعين قلبي بصوت بجيج ..
اشجان ماسكتت والبجي زاد وتمسك بصدره اكثر واكثر .. الي كانت خايفه منه صار .. كل لحظه مع جراح رجعتها للماضي المر الي كانت عايشته .. حاولت تمحي صورة عبدالله بس ماقدرت كانت تشوف جراح وتتخيل انه عبدالله ..
..........
إنتهت الحلــــــــــــــــــــــــقه