الفصل 29
الحلقه التاسعه والعشرون .. !!
في بيت ابو محمــد الساعه 4 العصر والكل مجتمع ع القهوه تدخل ريم على اهلها : السلاام عليـــكم ..
الكل مصدوم: وعليكم السلاام .. رييييم ؟؟
ريم تقرب لابوها وتسلم عليه : أي رييم شلونك يبا شخبارك ؟؟
ابو محمد: بخير الله يسلمج شلونج يا بنتي شخبارج طمنيني عنج ..
ريم بإبتسامه: الحمدلله يا يبا انـا بخير ..
تلتفت على اخوانها ويكلمها محمـد:شلونج يالغاليه ..؟
اخنقتها العبره من صوت محمد ياكثر ما تحبه وتغليه قربت منه ولمته:اشتقت لك يالغاااالي ..
محمد واهو حاضنها:واحنا اكثر قلبي .. طمنيني عنج ..
تبعد عن صدره وتطالع فيه وكأنها تبي تتكلم عن كل شي صار لها واكتفت بهالكلمتين : انا بخير ..
خالد بنبره ثقه : اكييد بخير دامج عند حمود ..
ابتسمت ريم : الحمدلله ..
تتدخل بدور وتاخذ ريم عندها:والله ونورتي البيت فدييتج .. تعاالي قوليلي الاخباار بالتفصيل ..
ريم تضحك : شوي شوي بالتفصيل مره وحده .. ؟
محمد:ريم .. وين ريلج ؟؟
ريم:وييي ماقلت لكم راح الديوانيه مع سلطان ..
دخل سلطان: يا ناس وينكم الريال ساعه ينتظر يلا تعالوا ..
ابو محمد : زين لا تصارخ ضيف زوج اختك والحين لاحقينك ..
سلطان: ماصارت ضيافه يبا خلصت .. يلا بسرعه فشله ..
خالد : ياكثر حنتك .. امش امش بـس ..
...
بدور وريم بروحهم الحين .:.. تتكلم بدور وعينها بعيون ريم:قوليلي شنو الي صار ..؟
ريم بحيره : من وين ابدا ..؟
بدور:على راحتج ..
ريم:والله يا بدور حياتي معاه بالبدايه كانت قاسيه .. اهو يحترمني ويقدرني ومايرفض لي طلب .. بس انا ما كنت متقبله منه أي شي .. وصارت علينا ظروف وخلتنا قراب من بعض اكثر واكثر وعرفت اني مهما سويت ماراح اغير شي وببقى زوجته .. واهو يحبني .. ..
بدور تبتسم : وانتي ؟؟
ريم بإبتسامه : الصج ..؟
بدور: أي الصج ..
ريم:أي حبيته ..
بدور تضحك : واخيرا هذا الي كنت ابي اوصله .. والله انج عاقله وطـيبه وفاهمه .. وعرفت انج ماراح تضيعين زوجج من ايدج ..
ريم: اكتشفت اني ما ارح اسوى شي ان خسرت اخر انسان بقى لي بحياتي .. واهو قدم لي كل شي الحب والرعايه والاهتمام .. عشان جذي ماقدر اخون حبه لي .. والله يعلم بحبي له ..
بدور: الله يوفقكم يارب ويستر عليكم .. امممم ..
ريم:شفيج ؟؟
بدور:مافي شي مني منااك ..؟
ريم:هههههههه من صجج لا تو النااااس ..
بدور:علينا تو الناااس ..؟ ترا الريال ما يظبطه الا الحمال .. حملي بسرعه احسن لج ..
ريم: ههههه يما منج تخوفين .. ان شااءلله اذا ربج كتب بيرزقنا ..
بدور:ان شااءلله .. وتملوون البيت يهاااال ..
ريم:الله كريـــم .. يووو نسيييت ..
بدور:شنو
ريم:اشجاااان ...!!
بدور:شفيها ؟
ريم:ما اتصلت فيها من زمان والله الظرووف خلتني انسى هالبنت .. لكن والله ماغابت عن باالي .. اكيد زعلانه الحين ...
بدور:شجونه طيبه ماتزعل اتصلي فيها وجربي ..
ريم:اكييد فديت قلبها الحين بتصل ..
.....
سراب:شجــــــــــــــن ..............!!
أشجان تطلع من الحمام عزكم الله ولافه شعرها بالفوطه : شفييييييج خيير ؟؟
سرااب: شوفي شوفي منو يتصل فيييج ؟؟
اشجان : هاااتي منوو ؟؟ رييييييييييم ....؟
سراب:يابخت هالريم والله ...
اشجان : الووو .. هلا وغلا بالقاطعه ..
ريم: شجوونه حيااتي شلووونج ؟؟؟
اشجان:الحمدلله انا زينه .. الحمدلله ع السلامه متى رجعتي ؟؟
ريم: الله يسلمج قلبي .. امس رجعت .. ادري بتعاتبين بـس والله ماكان بيدي ..
اشجان:يا قلبي لا تهتمين .. اهم شي راحتج وسعادتج .. طمنيني انتي بخييير .. ؟ والله لج وحشـــــــــــه ..
سراب بصوت واطي:كل هذي محبه .. مااالت .. ياليت الاقي احد بحبني جذي ..
ريم:الحمدلله قلبي كل شي بخير وانا بعد اشتقت لج مووت .. تكفين قوليلي اخباارج شنو الي صار ماصار بغياابي ..
اشجان تاخذ التليفون وتطلع من الغرفه : لحظه كاني طلعت من الغرفه عشان سراب يمي .. اااه ياااريم ااااه .. شقولج بس
ريم:سملا عليج من الااه .. شفيج لا تخوفيني عليج ..
اشجان:ريم انتي تعرفين بالي بيني وبين جراح ومحد كثرج فاهمنا ..
ريم:اييي اكييد ..
اشجان:جراح تقدم لي اكثر من مره وواجهتنا عراقيل ..
ريم بخووف :اهلج رفضووووووو ..؟؟
محروم
06-27-2020, 10:29 PM
اشجان بهدوء:بالاول ايي .. وجراح واجه امي وفهمها كل شي .. وبالاخير اقتنعت ورضت ..
ريم بفرحه كبيره: مبروووووووووك .. يعني خلااااااص انتي وجرااح لبعض الحين ..؟
اشجان تضحك: ان شااءلله ...
ريم: أي أي من قدج .. والله اذا بعد كل هالحب وما تاخذون بعض .. صج شي يقهر .. بس الحمدلله انه الله وفقكم ..
اشجان: الحمدلله .. وانتي طمنيني ؟؟
ريم:اممم سمعي حبي .. الحين حمود ينادي بنرجع البيت .. اشوف على يوم اشبك ماسن واقولج كل شي اووكي ..؟
اشجان:اووكي حيااتي على راااحتج .. بس لا تقطعين والله افقدج حيييييل ..
ريم: من عيووني فديتج .. يلا حياتي بآآآي
اشجان:بااااي والله يحميج يارب ..
........
حمود :ها قلبي شفتي اهلج واستانستي اشوف الابتسامه شاقه الحلج الله يديمها ..
ريم تطالع فيه : تبي الصج .. هالوناسه كلها لاني كلمت اشجان ..
حمود مستغرب: اشجااان ؟؟؟
ريم: أي اشجان رفيجتي ..
حمود:اهااا رفيجتج .. شكلج متعلقه فيها وايد ..
ريم: اكثر من ما تتصور ..
حمود:شمعنى يعني ؟؟
ريم:حط بالك ع الطريج وانا اقولك ..
حمود:اووكي قولي اسمعج ..
تمت ريم تتكلم عن علاقتها بأشجان ومدى قوة هالعلاقه وانه ما عمرهم زعلوا من بعض ولا ضايقوا بعض .. وانهم اقرب حتى من الخوات وقلوبهم دايم على بعض ..
حمود:ماشااءلله عليكم .. اول مره اشوف علاقه صداقه جذي قويه .. بس غريبه ...
ريم:شنو الغريبه ..؟
حمود:الي فهمته من كلامج انه تتمنين شوفتها ...؟ يعني انتوا مو شايفين بعض والا شنو الموضوع ؟؟
ريم تبتسم وتطالع الجانب الثاني : أي ماعمري شفتها ولا شافتني ..!!
حمود رافع حاجبه:معقوووله ؟؟ ليش زين ؟؟
ريم:مآدري مافي سبب معين ...
حمود:والله امركم غرييب .. كل هالعلاقه والحب والاحترام الي بينكم وبالاخير علاقه ماسنجر وتليفون ,,!! صج امر محيير ..
ريم: المهم اني اسمع صوتها وارتاح من اشكي لها وافضفض لها ..
حمود يطالع لها: وانا وين رحت ؟؟ والا صارت اشجان كل شي يعني ؟
ريم تبتسم: انت شي واهي شي ..
حمود:انا شنو ؟؟
ريم تضحك : انت زوجي ..
حمود: بس ..؟؟
ريم تستغرب الطريج: اول شي قولي انت وين رايح ؟؟
حمود ينتبه:ماادري ..
ريم:شنو يعني ماتدري ؟؟
حمود يضحك: حسبي الله عليج انتي واشجان .. ضيعت طريجي من سوالفج ..
ريم: هههههههههه بل عليييك يعني عقلك ماهو بالطريج ...
حمود: لا والله كان معاج واندمجت بسالفتكم ..
ريم : زين يلا رجعنا البييت ..
حمود يطالع الطريج ويكمل: من صجج ؟؟ لا يبا شنو البيت .. انا يوعان وبخاطري نتعشى برا ونطلع نتمشى شوي ...
ريم: اوكي على راحتك ..
تموا يفترون بالسياره وتعشوا وجبات بحريه وكان الجو روعه وهادي بينهم .. وبس خلصوا انزلوا صوب البحر يتمشون ..
حمود: حبي مرتاحه ؟؟
ريم ماسكه ادينه: أكييد دام اني معاك ..
حمود:ريم..
ريم:هلاا
يوقف حمود ويصير جدامها وعينه بعينها :توعديني ؟؟
ريم بنظره استغراب:؟؟؟
حمود:ما تبعدين عني ...؟
ريم تفتح عيونها:شهالكلااام .... ؟؟
حمود:اوعديني وخليني ارتاح ..
ريم تضغط على ادينه:وعد يا حمود ما اتخلى عنك ابد ..
حمود يبتسم لها: والله احبببج ..
ريم بحيا : الله لايبين حبك وغلاااك .. وانا بعد احببك ..
يرن تليفون حمود والرقم غريب: منو هالرقم ؟؟
ريم:شفيك حياتي ..؟
حمود:سلامتج بس رقم غريب .. صبر اشوف منو : الوو ..
نوره:مسااء الخير ..
حمود مستغرب الصوت:مساء النور .. منو معاي ..؟
نوره:افاا ما عرفتني ..؟
حمود يبعد عن ريم عشان ما تمسع الصوت : منو انتي ؟؟
نوره:حبيبتك ...
حمود بعصبيه : خيييييير نعم عيدي ماسمعت ...
ريم اسمعت الصوت وتمت تطالع مستغربه : حمود يكلم بنت ؟؟؟؟!!!!
حمود يتكلم بهدوء:صج قله حيا وناس مو متربيه ..
نوره بدلع: تغلط على حبيبتك يا حمود ماهقيتها منك بس عاذرتك لانك ما عرفتني ..
حمود جن جنونه: قسما بالله ان ما تكلمتي بتشوفين شي ماشفتيه ..
نوره تضحك: ههههههههه حبيبي لاتعصب والله ماتهون علي ..
سكر حمود التليفون ورجع حق ريم والعصبيه باينه عليه: يلا ريم نمشي ...
ريم ماحبت تتكلم وفضلت انها تكلمه بس يهدى شوي ..
بعد ماوصلوا البيت وطول الطريج ساكتين وحمود سرحان وشكله يفكر وريم اعصابها انتلفت من المحاتاه وااتفكير بالي سمعته ...
حمود قاعد على طرف السرير ويحرك ادينه وريوله بتوتر وريم تراقبه بصمت لين اهو بدا وتكلم معاها:ريم
ريم بهدوء:نعم ؟؟
تم حمود يطالعها واهي واقفه بعيد عنه مد ايده لها :تعالي قعدي يمي ابيج ..
قربت منه واهي خايفه ومتوتره اكثر منه ماتبي تسمع شي يصدمها:هلا
مسك ايدها ونزل راسه:انا اخذت وعد على نفسي اكون صريح معاج بكل شي صح ؟؟
محروم
06-27-2020, 10:29 PM
ريم بخوف:أي صح
حمود يغمض عيونه:ريم الاتصال الي قبل شوي توقعته غلط .. لكن طلع مو غلط ولي ..
ريم مو فاهمه شي : حمود تكلم والله بموت من الخوف.
حمود يضغط على ايدها: سملا عليج من الموت عسى يومي قبل يومج ..
ريم:لاتقول جذي .. خلاص اذا ماتبي تقول السالفه خلها تولي ..
حمود:رييم .. وصلني اتصال من بنت .. وكل كلمه والثانيه تقول انا حبيبتك وانا مادري شنو .. وانا والله بعمري ماحبيت ولا كان في بنت بحياتي ...
رييم مصدومه بس تحاول تخبي :زين حياتي انسى السالفه ..
حمود:انساها؟؟
ريم: أي قلبي دام انت واثق من هالشي وانا واثقه منك بعد ليش نكبر الموضوع .. خلها تتكلم وتسكت .. وانت لاترد عليها مره ثانيه ..
حمود يبتسم لها ويحضنها: الله لايحرمني منج .. والله كنت احاااتيج .. بس طلع عقلج كبيير وقلبج اكبر ..
ريم تغمض عيونها وتاخذ نفس: الله يخليك لي .. !
.................
ام فواز: يا الله يا بنات ما خلصتوا صارت الساعه 8 ونص راح نتأخر ...
فواز: يمه شفيج تصارخين .. تو الناس والمزرعه مو طايره ..
ام فواز: وين تو الناس .. ؟ بيت خالك طلعوا وخواتك للحين ماخلصوا ..
فواز:زين انـا بركب الاغراض السياره مع ابوي وانتوا لحقوني... لان اذا تميت واقف معاج بيصدع راسي من صراخج ..
ام فواز:يا جليل الحيا والله طولان لسانك ..
فواز يتحلطم:بدينااا .. اروح احسن لي ..
اشجان:صبااح الخييير
ام فواز:وينج انتي يلا تأخرنا ..
اشجان:انا جاهزه وسراب ورااي ..
ام فواز مستغربه:جاهزه؟؟ ليش مو مسنعه شكلج ..
اشجان:يما شفيج كلها مزرعه مالي خلق من الصبح ..
ام فواز:اهااا مالج خلق .. زين زين امشي ..
....
ابو رآشد:وين خالكم يا عيال للحين ماوصل ؟؟
راشد: توني متصل فيهم واصلين قريب من المزرعه ..
جراح كان قاعد يشرب شيشه بالحديقه ولابس جاكيته وكابه من البرد وبس دخان الشيشه يلعب بأفكاره لين سمع صوت وفز قلبه من اسمعه التفت وشافها واقفه مع امه وعمته وابتساامتها تملي ويها:يا بعد قلبي وحياتي انتي يالشجن .. والله شوفتج تسوى الدنيا وكل من فيها ..
ام راشد:يا بنات الجو بارد عليكم .. روحوا لبسوا جاكيتاتكم اذا بتطلعون الحديقه ..
أروى: أي يما الحيين .. يلا شجن امشي ..
اشجان:لا انا لابسه ما احتاج بس اخذي سراب معاج .. وتعالوا الحديقه الي ورى اووكي اليوم بنقعد فيها ..
اروى: اووكي دقايق وايي ..
اطلعوا سراب واروى يثقلون اللبس الي عليهم ورآحت اشجان تتمشى عند الحديقه وادينها داخل الجاكيت ورآسها بالارض ...
جراح:صبااح الورد ع الناس الحلووه ..
اشجان بخوف ترفع راسها وتمت ساكته وقلبها يدق حيل :......
جراح لاحظ نظرات الخوف بعيونها:اسف خوفتج ..
اشجان ماحبت تبين له هالشي ابتسمت له وردت عليه بهدوء:صبااح النور .. لا عادي بس ماتوقعت فيه احد اهني ..
جراح:تبون تقعدون اهني ؟؟
اشجان:لا خلاص ما نزعجك نروح الصوب الثاني ..
جراح:وليش الصوب الثاني .. انا ما اانزعج منج .. بس اذا انتي تنزعجين هذا شي ثاني ..
اشجان قلبها يخفق بكل كلمه ينطق بها لسان جراح:لا عادي ..
جراح يبتسم: حياج عيل ..
اقعدت اشجان ع الكرسي الي مقابل جراح واهو قعد وكمل شرب الشيشه وعينه عليها واهي تفرك ادينها من البرد : برداانه ؟؟؟
سرت رعشه بجسمها من سؤاله: شوي ..
وقف جراح وكثر الفحم بالدوه :قربي تدفي .. !
اشجان:مشكوور ..
جراح يتأمل فيها :العفو .. وبقلبه:ليتني هالنار الي تدفييج وقت بردج .. يابخت ادينج الي يلامسون بعض ويابخت قلبج فيج ويابخت كل من كان قريب منج ويملي عيونه من هالكنز هذا ..
اشجان حست انه البنات طولوا عليها واهي مو متحمله تقعد مع جراح بروحها :اممم مو شكل البنات تأخروا ..
جراح ينتبه لها: هلاا ؟؟
وصلوا البنات .. واسكتت اشجان عن جراح: وينكم ليش تأخرتوا ؟؟
اروى:شسوي امي مسكت فينا طلباات واخرتنا ..
سراب: أي والله ناس مزعجه ...
جراح يرفع حاجبه:انسه سراب شلونج ؟؟
سراب تعفس ويها:اووف هذا انت ..؟
اشجان تضحك : بلشت الحرب ..
جراح:تصدقين هذا انا ..
سراب:يا ملغك ..
جراح:يا ثقل طينتج ..
سراب تتأفأف : انت شتبيييي ؟؟؟ اووف ماحبك ..
جراح حابس الضحكه : امبييه طاع الويه صار طماطه .. لا حياتي حبيني لاني اموت فييييييج
سراب عصبت : انت غبي منو يحبببك اصلااا ..
جراح مات ضحك وحرك كل ذره بأشجان وصارت تضحك معاهم :
اروى:ويعه شوي شوي لا تموت من الضحك ..
جراح: لا لا صبري .. تعالي انسه سراب .. ليش كل هالكره هذا ؟؟
سراب واهي متخوصره: وانت ليش مهتم بحبي وكرهي لك .. مو كافي اهي تحببك شتبي بعد ..؟؟
اشجان طلعت عيونها وتمت ساكته .. وجراح حب يكمل عليها:منو هذي الي تحبني وانا مادري ..
سراب:شفييك ماتفهم يعني ..
جراح: لا ما افهم فهميني ...
سراب:يالغبي اشجااان يعني منو امي ..
جراح ابتسم ابتسامه عريــضه وخبيثه :ادري انها تحبني اصلا ..
اروى تطالع اخوها:هذا اشفيه جن نسى ان البنت قاعده ؟؟
اشجان تتعبث بالجاكيت وتعدل ربطتها المهم تسوي نفسها مو معاهم ...
اروى:انت ما تستحي ؟؟
جراح:شتبين يا هانم
اروى بصوت واطي:شوف شسويت بالبنت لم نفسك شوي ..
جراح يخز اشجان:اهااا اسفين يمكن خرناها شوي ..
اشجان تطالع جراح وبخاطرها تضحك عليه بس صج زودها جدام البنات ..
جراح يعدل قعدته : ليش الحيا كله.. بالليل راح تعرفون كل شي يا حلوين ..
اروى:شجن قومي نروح داخل احسن ..
جراح:أي اخذيها الحين .. بس وراسج ما بتطول عندج ..
اشجان ماتت حر رغم البرد .. هذا ما ايوز عنها ..
.....
محروم
06-27-2020, 10:30 PM
حمود : حبيبتي فيج شي ؟؟
ريم ماسكه بطنها : لا ولا شي عوار خفيف ويرووح ..
حمود خاف : ومن متى معاج العوار وليش ما قلتي لي ؟؟
ريم: لا تحاتي مافي شي .. الحين بنسدح وبيروح العوار بـس اتركني ارتاح شوي ..
حمود:زين تعاالي دخلي فراشج .. يمكن حاشتج بروده..
ريم: أي اكييد بروده ..
انسدحت ريم وحمود قاعد يمها : حيآتي اسوي لج شي حار ؟؟
ريم تغمض عيونها:لا
حمود: خلاص ارتاحي وانا بتم يمج واذا حسيتي بألم باخذج الطبيب ..
ريم : ان شااءلله ...
بهاللحظه رن نقال حمود وكان عمه الي يتصل فيه : هلا ومرحبا عمي ..
العم: هلا فيك يا وليدي انت وين ؟
حمود : انا بالبيت خير عمي في شي ؟
العم: لا سلامتك بـس اليوم مجتمعين بالمخيم حياك انت وريم .. ومابي اعذار ننتظركم .. يلا مع السلامه ..
حمود:لحظه عمي لحظه .. يوووو سكر الخط ..
ريم: شفيك قلبي؟
حمود: عمي متصل علي ويقول تعال المخيم انت وريم وماعطاني فرصه اشرح له اني ماقدر وانتي تعبانه شلون نروح والجو بآآرد حيل عليج ..
ريم:حبيبي لا تحاتي انـا مافيني شي والله مغص عادي ويروح .. لا ترد عمك .. خلاص قوم تجهز وانـا بلحقك ..
حمود: لا يا بنت الناس شهالحجي .. رجعي انسدحي وارتاحي انتي تعبانه ..
ريم:حمود لا تدلعني ترا العوزك بعدين .. خلاص قلت بنقوم يعني بنقوم ..
حمود:فديت الي بتلعوزني خلاص براحتج اذا تحسين نفسج تقدرين تقومين يلا عيل نقوم نتجهز ..
,,,,,,
جرآح: يبا كل شي جاهز ..
أبو راشد : والله انت بتفشلنا مع الناس شهالحركات الي تسويها .؟؟
جراحَ : يبا الله يخليك لا تتراجع ترا كل شي صار جاهز واوكي . وبعدين انتوا شعليكم بالمكان والجو والوقت الاهم اني مخطط حق كل شي .. واشوف انه كل شي ماشي تمام ..
ابو راشد : زين امش امش ندخل عند خالك والشباب ونقولهم واذا صار شي تراه بويهك انت انـا طلعني من الموضوع ..
جراح: افا عليك يا بو الشباب .. وراك ضهر لا تحاتي ..
ابو راشد : خير عمي جراح شقلت .. ؟؟ اقول انضبط لا كف يعدلك الحين .. واحد من ربعك انـا يا جليل الحيـا
جراح يحب راس ابوه واهو يضحك: غشمره يالوالد غشمره .. يلا بس تكفى لا تغير رآيك وابتلش ..
ابو راشد: ياصبر ايوب على مصايبه . زين امش ..
أبو فواز::وينكم الكستنه خلصت عليكم ..
ابو راشد: بالعاافيه عليكم ..
رآشد بصوت واطي:ها شصار .
جراح بوناسه: كل شي تمااام لاتحاتي ..
راشد: مو صاحي انت .. الحب جذي يخليك تستخف .. ياخي قبلك حبينا مو جذي .. مالت عليك
جراح: يا بابا حب عن حب يفرق ..يالشايب ..
راشد:شاب رآسك وقلبك يالغبي ..
جراح:اسكت اسكت اسمع ابوي راح يتكلم ..
ابو راشد يبدا كلامه وعينه بجراح : أقول بو فواز..
أبو فواز يقلب بالفحم : امرني ..
ابوراشد: اترك الي بيدك تعال شوي
ابو فواز يلتفت : هلا سم ..
ابو راشد: سم الله عدوك .. بصراحه بما انه احنا مجتمعين بدش بالموضوع على طول
ابو فواز:خوفتني شنو ؟؟
ابو راشد: لا سلامتك .. بـس احنا قاعدين اهني يومين مو جذي ؟ وبهاليومين خططنا نفرح بالعيال وبالطريقه الي اهم يبونها ..
ابو فواز مستغرب : نفرح وطريقه :؟ خير تكلم شصاير.؟
ابو راشد حسبي الله عليك يا جرااح الدعله : اليوم نبي نملج حق جراح وشجن بنتك .. !
......
أشجـان: نعممممم شقـلتيييييييي عيدي ماسمعت ....... ؟؟؟
أروى تضحك وماسكه بطنها : اقولج الشيخ الي يملج حقج وحق جراح قاعد بالديوانيه
اشجان تلمس جبهت اروى: مافيج حراره ..
اروى: مالت عليج زين .. والله اتكلم جد ..
اشجان بعدم تصديق وفرحه وشعور غريب بـس للحين مو متأكده الا من شافت امها وعمتها داشين عليهم الغرفه والابتساامه شاقه الحلج ..
ام فواز تحضن بنتها : مبـروك يا يمه الف مبرووك ..
اشجان تحت تأثير الصدمه والفرح : الله يبارك بعمرج يمه ..
بأركوا لها الكل واطلبت منها ام راشد تنزل عشان ياخذون موافقتها وتوقع على هالملجه الغريبه ..
وبعد ماوقعت وبدون تردد لانها بتعيش مع احب الناس لها واقرب مخلوق لقلبها ارجعت الدار واهي للحين مو قادره تستوعب : أروى .. شالي قاعد يصير ..
أروى: ههههههههه هذي افكار اخوي فديته وا لله
اشجان:وفي بنت تملج بالمزرعه من صجه هذا ؟
اروى: يووو شجونه مو مهم وين.,, المهم صرتي مرت اخوووووووي كلووووولوووووش
سكرت اشجان حلج اروى واهي تضحك: مجنونه انتي واخوج ..
اقعدت اشجان تفكر وقلبها طبول طبول من الفرح لين وصلت عمتها : شجن قومي ابيج ..
اشجان: ان شااءلله عمتي .. هلاا
ام راشد: يما حبيبتي ادري المكان مو مكان ملجه ولافرح بس والله انا انصدمت مثلج بس كله من تدبير خالج وولده ..
أشجان تبتسم بحيا فديت ولده: بالعكس عمتي انـا فرحانه .. لاتشيلين هم ..
أم رآشد تحضن بنت اخوها : الله يخليج لنا ولايحرمنا منج .. والحين يلا قومي جراح ينطرج ..
اشجان: عمتي وين اقوم ؟ من صجج شلون اشوفه بهالبس والمنظر .. خليه ينتظر لين نرجع البيت ويصير خير ..
ام راشد: لا لا جراح يبيج جذي .. يلا امشي .. جرتها عمتها واشجان تترجاها توقف ..
دخل بهالوقت جراح:يما تركيها ..
ام راشد تبتسم : بما انك شرفت انـا طالعه ..
اشجان: عمتيي وين رايحه تعاالي ..
طلعت ام راشد وتم جراح واقف عند الباب ماعطـاها فرصه تطلع: وين وين ..؟
اشجان منزله راسها شهالورطه : ها لا مابروح .. !
قرب لها جراح ومسك ادينها: مبروووك حبيبتي ..
اشجان منزله راسها : الله يبارك فيك ..
جراح ميت عليها واهي مستحيه : زين بنتم واقفين تعالي نقعد .. والا اقولج امشي نطلع أحسن شرايج؟؟
أشجان تطالعه بصدمه: وين نطلع برا .. ؟
مسكها جراح ومشاهـا معاه لين الباب الخلفي واطلعوا الحديقه بدون لحد يشوفهم وتموا يمشون واهو ماسك ايدها .. وقف والتفت عليها: شجن ..
اشجان: هلاا ..؟
جراح يتأملهـا ويتأمل جمالها : أنتي اكيد مصدومه من الي صار والملجه الغريبه .. بس انـا محضر لج مفاجأت وابي نكون احنا غير عن كل النآس ..
اشجان تبتسم : المهم اني معاك ..
محروم
06-27-2020, 10:30 PM
جراح تشقق من الوناسه: ياويلييييييي فديتها والله .. .. اقووول حبي
اشجان: امرني ..
جراح يأشر صوب الشيره الكبيره ويغمز لها : شراييج ؟؟
اشجان: ههههه يلا مشينا ..
وصلوا لين الشيره واقعدوا تحتها أرجعت اشجان لذكرياتها بهالمكان وكانت تبتسم وتطالع جراح .. تكلم جراح : اليوم ملجنا يعني صرتي حلالي وهالمكان شاهد علينا .. والي تحت التراب ماراح نطلعه تدرين ليش ؟
اشجان: ليش ؟
جراح:بنرجع ومعانـا عيالنا المره اليايه وبنطلعه ..
أشجان: هههههههه اوكـي ..
جراح:عساهـا دوم هالضحكه
أشجان:جراح ..
جراح: عيونه .. امريني يالغاليه ..
اشجان: مايامر عليك عدو حبيبي .. ونزلت راسهـا .. ممكن اخذ منك وعد ولو انه مو وقته .. !
جراح : عيوني لج وكل الي تبينه انـا حاظر فيه
أشجان: تسلم عيونك .. بس انت تدري انـا شكثر احبك صح ؟ وتدري اني مستحيل بيوم افكر اعيش بدونك .. ومحد بهالدنيا كان فاهمني وقريب مني كثـركَ ..
جراح: ادري حبيبتي وادري اني أموت بنبض قلبج ومستحيل ابعد عنج خطوه .. قولي كل الي بقلبج ولاتخبين شي ..
اشجان واهي منزله راسها ومتردده تتكلم بـس قطت كلامها بـسرعه وخلت جراح مصدوم :لو مهما يصير علينا ونتخالف ماتمد ايدك علي .. !!!!!!!
جرآح يطالعها ويبي يتأكد من كلامها وانها بوعيها : شجن رفعي راسج ..
أشجان : هلا ..
جراح واهو يبتسم : تتوقعين اني بيوم امد ايدي عليج ؟ ردي لا تسكتين .
اشجان: مادري
جراح مقدر وضعها وفاهمها واهو وبذكائه يقدر يوصل لها الرساله بدون لايتكلم .. قرب لها وفتح ذراعه لها: تعالي ..
...........
نوره : أقول ريم شخبارج اليوم شكلج تعبانه عسى ماشر ..؟!
نرجس تخز اختها: بسم الله منين يتها كل هالحنيه ..؟؟!
ريم : لا الحمدلله انـا بخير مافيني الا العافيه ..!
نوره : اهـاا ..
بدر << أخو نوره الصغير عمره 8 سنين .. دخل الخيمه واهو يركض وراح قعد عند ريم : عمتي عمتي ..
ريم : هلا حبيبي ..
بدر : عمي حمود يبيج براا بسرعه ..
ريم : ان شاءالله حبيبي روح انت والحين الحقك ..
بدر : زيين عمتي .. !
أم نوره : يما ريم لبسي شي على ظهرج الجو بارد ..
ريم : ان شاءالله عمتي لاتوصين ..
نوره: المره السنعه ما تتأخر على ريلها مو جذي نرجس ؟؟
ريم تلتفت على نوره وتخزها : المره السنعه على قولتج ترد على الي اكبر منها وتالي تتيسر بطريجها مو جذي ؟
نوره ترفع حاجبها العووبه لسانها متبري منها والله مو هينه .. !
اطلعت ريم تتمشى لين وصلت حق حمود : هلا حبيبي .. ناديتني ؟؟
حمود يمسك ادينها: مابي شي بـس اشتقت لج وابي اتطمن على صحتج ..! تحسين بشي الحين ؟
ريم: وانـا بعد اشتقت لك يا بعد عيني .. لا تحاتي الحمدلله الحين احسن .. !
حمود: يا عين ابوي انتي يالغاليه .. امم شرايج نتمشى شوي والا ماتقدرين ؟؟
ريم وتحس الم بطنها يزيد : و الله ودي حبيبي بـس خلها وقت ثاني ..!
حمود:لا تحاتين حبي اهم شي راحتج .. خلاص دشي داخل ارتاحي ولاتعبين نفسج بشي ..
ريم واهي تبتسم: ان شااءلله قلبي ..
راح حمود وريم كانت تمشي صوب خيمه الحريم وقبل لا توصل قابلتها نوره وبيدها سطل ماي بارد قامت وكتته جدام ريم وبللت ملابسـها .. !
رييم اشهقت بصوت عالي: شسويييييتييييي ؟؟!
نوره بفرح : ويي اسفه اسفه مادري مانتبهت لج ..
محروم
06-27-2020, 10:31 PM
ريم ميته قهر : لاتقولين ما انتبهتي .. انتي ليش تسوين معاي جذي ؟؟ انا شسويت لج مو حرام عليييج تسوين هالحركاااااات .. ؟
نوره بعصبيه: اقوول انتي لا تسوين لي فيها حركات وسوالف قلت لج مادري انتي ماتفهمين ..
ريم : شوفي يا نوره وحطي هالكلام في بالج .. الشي الي براسج ماراح توصلين له انتي فاهمه .. صج انسانه حقيييييره ... !
نوره من الغيض والعصبيه دزت ريم بكل قوتها وطيحتها بالارض وصراخ ريم وصل قلب السما والكل طلع على الصوت : شصااااار شفيها ريييييم ؟؟
الريايل وصل لهم الصوت والكل كان مستغرب .. اياا بدر يركض ينادي حمود : عمي عمي تعاااال بسررررررعه ريييييم تصااارخ ..
طلع حمود يركض لين وصل مكان البنات وبعدهم عن ريم الي كانت فاقده الوعي نزل لها : ريييم ريييم قومي ... شصار لها منو سوا فيها جذي ؟؟
الكل ساكت ونوره عينها على حمود وخوفه على ريم جننها .. رفع حمود ريم من الارض وانصدم اكثر من الصيخ الي كان تحت ضهرها يعني فقدت وعيها من قوه الضربه .. حطها بالسياره وطار فيها المستشفى .. !
الدكتور : انت زوجها ؟؟
حمود بخوف : أي ليش شفيها الله يخليك طمني ..!
الدكتور: للأسف ماكان بخاطري اقولك هالشي لكن زوجتك يتها ضربه قويه على ضهرها واهي كانت حامل ..
حمود مصدوم :حاااااامل ..؟ والحين شصار لها ؟؟
الدكتور : للأسف سقطت لان حملها ضعيف واهي توها بالشهرين الاوائل .. والطيحه مارحمتها ..!
حمود: سقطت ؟؟!!! يعني اهي كانت حامل والحين خلاص راح الحمل .!
الدكتور: اذكر ربك وطول بالك انتوا صغار والعمر جدامكم والخيره بما اختاره الله ..
حمود: وزوجتي يادكتور شلونها الحين ؟
الدكتور: زوجتك بخير بس تعبانه شوي .. والحين دخلوها العمليات يسون لها تنظيفات ساعه وتقدر تشوفها ..!
طلع حمود من الدكتور وضيقه الدنيا على قلبه:ياعمري ياريم وين تتحملين كل هالعذااب وشلون احط عيني بعينها واهي زعلانه . ااااخ يالله صبرها وصبرني ... بس اموت واعرف السالفه شالي صاااار ؟؟ منو الي تهاوشت معااه .. بس ريم ما تضر احد مستحيل تسوي شي ..!
...............
جراح:حبيبتي ندخل الحين .. الجو صار بارد اكثر .؟!
اشجان ماتحس بالبرد واهي تسمع كلام جراح المعسول:لا عادي ..
جراح:شنو عادي ..؟ ادري ماتبين تفارقيني واصلا ماارح اخليج بدخل وبقعد معاج ..!
اشجان:حبي وين تقعد معاي كافي أني مستحيه منك .. والا في بنت يشوفها زوجها بهاللبس ..
جراح: واحنا شقلنا .؟؟ نبي نكون غير .. وبعدين انتي بعيني أحلى من الحلى نفسه .. وماهمتني المظاهر يا شجن.. اوووف لاتعورين قلبي زووود وربي اني اعشقج واموت فيييييييييج .. يلا يلا نمشي قبل لا اخربها صج الحين ..
اشجان تطقه على جتفه: مجنووووون ..!
جراح: مجنون فيج يا مجننتني انتي ..!
وعلى بروده الجو كانت مشاعر الاثنين ملتهبه بالحب والحنين والشوق حتى واهم مع بعض .. طالعها جراح وبدا يدندن عليها بصوته الي تعشقه اشجان .. وتعشق اغاني كاظم الساهر من حنجرة حبيبها ..
محروس من عين البشر و أولهم عيوني
باردة عيوني عليك
يا خوفي مني و الحذر من ناري وجنوني
باردة عيوني عليك
عيونك الحلوة بحر لو فرصة ينطوني
غرقني بيه كل العمر من كل شي حرموني
لو بيدي ابني لك قصر
جزيرة ما يمرها بشر
بس اني و وحيدي
بليلي احجي لك قصص
و احرص عليك كل الحرص
تبرد أدفيك تعطش أرويك
يا قدري و أحلى قدر
محروس من عين البشر محروس*****
جزيرتي من أحلى الجزر و انت الل محليها
بوجودك أنت يا بدر جنه أنا أخليها
توسد ذراعي بالحضن مثل الطفل أرعاك
أنت حبيبي و اطمئن مشدودة روحي و ياك
يا قدري و أحلى قدر محروس من عين البشر محروس
يا عمري أنت أشكرك عز السعادة وياك
ما ابخل عيوني الك و بروحي اتفداك
اقترب من عندي بعد ضم روحك بروحي
القلب بيتك للابد تستاهله يا روحي
يا قدري و أحلى قدر محروس من عين البشر محروس
................
اشجان طايره من وناستها وخربت عليهم سراب وجراح كان حاضن أشجان بين ذراعه : هي هي هي جراااح شتسوي وتغني بعد وحاضن اختي والله اعلم فواز ..
فواز طلع من وراها : وليش تعلميني انـا شايف وسامع .. صج قليل ادب ..
اشجان ماتت خوف من اخوها واحتمت بضهر جراح ومسكت فيه : جراح
جراح ماسكها وبخاطره يموت ضحك لان فواز غمز له يبون يسون فيها حركه :خلاص فواز ماصار شي ..
فواز: انت جب ولا كلمه .. حاضن اختي وتتغزل فيها وتغني لها بعد بس االشرهه مو عليك على اختي الي ذايبه معاك ..
جراح يسوي نفسه معصب : وانت شكو ؟؟ زوجتي وكيفي .. خلاص اقصر الشر ياريال ..
فواز يخز اشجان الي ترتجف ورا جراح:تعااااالي انتيييييي
اشجان نزلت دمعتها على طول وتمسك بجراح: نعممم
فواز : تعااالي ماتسمعين
محروم
06-27-2020, 10:31 PM
اشجان تكلم جراح واهي تبجي بدون صوت : شووفه لايسوي لي شي ..
جراح منزل راسه : هذا اخوج ماقدر ارده يلا روحي له ..
اشجان ماتت خوف وانصدمت من جراح وين وعوده وكلامه من شوي ؟؟ : اروح حق فواز ؟
نزلت راسها ومشت صوب اخوها واهي ميته خوف : نعم ..
فواز بخاطره ينفجر ضحك عليها ومن شافها جذي ميته خوف ماتحمل اكثر اخذها بحضنه وباسها : يالمجنوووونه كنا نلعب معااج ..؟
اشجان تطالعهم واهي معصبه: هين اواريكم .. وانت ياجراح اعلمك شغل الله .
فواز ميت ضحك : عاااشت اختي عاااشت من الحين تهدد عريس الغفله .. ! ههههههههههههههههه
جراح : انت انطم واكرمنا بسكوتك .. وانتي تعاااالي يلا ...
اشجان صارت بين اخوها وحبيبها وزوجها : منو يبيني الحين ؟
جراح: انتي منو تبين ؟
الاثنين يخزون اشجان وينتظرونها منو بتختار وتمت دقيقه تطالع فيهم وساكته بالاخير اضحكت : جراااح ..
مسكها جراح وراح يركض فيها قبل لا يطولها فواز ... ادخلوا الصاله وسكروا الباب واهم ميتين ضحك .. طالعها جراح : تدرين كنت خايف من اختيارج بس الحين عرفت شكثر تحبيني .. غمز لها ولمها على صدره واهو يضحك ..!
....................
أطلعت ريم من العمليات ولها ربع ساعه من طلعوها الغرفه وكانت تحت تأثير البنج .. دخل عليها حمود وقلبه مكسور عليها تم قاعد يمها واهي ماتحس بشي .. والدكتور طمنه عليها وانها بخير الحين...
حمود:الله يصبرج ياريم ويعيني على هالمصيبه بـس وغلاج ماخلي حقج يروح .. والي سوا معاج جذي بياخذ حقه بياخذه ..!
افتحت ريم عيونها شوي شوي وتحس راسها ثقيل تكلمت بصوت واطي : حموود
فز لها ومسك ادينها:عيون حموود .. سلامتج حبيبتي .. شلونج الحين ؟
ريم بتعب : حمود شنو الي صار ؟ انـا تعبانه حيـل ..
حمود متضايق عليها : حبيبتي ماصار شي هدي نفسج ورجعي نآمي الحين .. وارتاحي .. لاتفكرين بشي عشان خاطري ..
ريم بدت ترجع تنام بس تتكلم كلام مو مفهوم ومتقطع : ن وو ره .. تاخذك .. حمود تعاال .. لاتغييب ..
حمود: ريم حبيبتي بسملا عليج شفيج انـا يمج مابروح .. يارب يارب الطف فيهاااا وخلها لي ولاتحرمني من عيونها بهالدنيا ..
طلع حمود وكلم الدكتور عن حالتها وطمنه الدكتور انه هذي هواجيس بسبب البنج ماله أي معنى بـس احيـانـا يكون تعب نفسي داخلي ومن تأثير البنج يطلع منها هالكلام .. تطمن لاتحاتي باجر بتكون بخير ..
حمود: مشكور يادكتور .. ماتقصر .. طلع حمود واهو يفكر : بس نوره شكو ؟؟ لا شنو شكو اكيد اهي سبب هالبلاوي كلها . والله ان كانت اهي مابخليها وبعلمها شغل الله عدل ..!
فجر: أحمدْ شنو تسوي انا مليت قاعده بروحي ..
أحمد: شتبيني اسوي لج يعني ؟
فجر بعصبيه: يعني هذا مو وضع من سافرنا وانت كله تاركني بروحي وقاعد عالنت او تطلع .. تراني مليت ..
أحمد بنرفزه: فجر أكرميني بسكوتج ترا مالي نفس اوووف .. < تركها وطلع من البيت ..
وهذا وضعهم من ثاني اسبوع زواج .. محد له خلق الثاني وبدون اسباب مقنعه ..
وقررت فجر ترجع الكويت برضاه او غصب عنه ..
حمود يهدي على ريم الي قالبه الدنيا بجي : خلاص حبيبتي اهدي اهدي لا تسوين بعمرج جذي .. الياهل بداله ياهل بس انتي ذكري ربج عشان خاطري ..
ريم من بين دموعها : حموود الجنين طااح .. واهي السبب نوره السبب .. ليش تكرهني انا شسويت لها شسوووووويت ..
حمود بكره كل ماتذكر طاري بنت عمه: لانها حقيررره لاتفكرين فيها الحين بس وراسج ماخلي هالموضوع يعدي عليها .. بس انتي اهدي الحين ..
ريم تمسح دموعها وتعدل قعدتها: حمود
حمود:امريني
ريم : نوره تحبك ..؟؟ لاتنكر هالشي ..
حمود تغير لونه: وانا شكو فيها .. انا احبج انتي ؟
ريم وقلبها يعورها : اهي تحبك .. ومستعده تهدم حياتي بحبها لك .. لا تخبي عني قولي انت كان بينكم شي قبل .. حموود لاتسكت رد تكلم ..
حمود بثقه قعد جدامها وحط عينه بعينها: ريم انتي تعبانه بس بما انج فتحتي الموضوع خليني اتكلم يمكن ارتاح من نظرات الشك بعيونج .. سمعي قلبي .. انـا مافي بيني وبين نوره أي شي وان كانت اهي تحبني هذا شي راجع لها وانـا مو مهتم بحبها .. لكن الامر من هذا كله انها بفتره من الفترات ابوي خطبها لي وانـا ماكنت ابي ووقفت جدام عمي وابوي وقلت مالي نصيب مع بنت عمي .. يعني مانزلت راسي وقلت الي تشوفونه بسويه .. ومرت الايام واهم زعلانين مني ولايبون يكلموني وانا كنت اتضايق بس صابر على هالوضع .. لين مره سمعت انه عمي طاح بالمستشفى معاه الجلطه والسبب كانت بنته .. يوم عرف انها تمشي بطريج خطأ وعلاقات .. ويوم دشيت عليه بعد ماصحى حلفني استر عليها واتزوجها وماكنت ابي ازيد عليه التعب واحس انه رجع واهان كرامتي بهالطلب بس قلت له ابشر ياعمي بس انت ارتاح .. وخطبتها وقلت بتغاضى عن علاقاتها ان كانت عابره لكن بوقت الخطبه اكتشفت المصايب علاقات ع التليفون وطلعات ومقابلات مادري شنو تاليها .. يوم الي عرفت بكل هذا ماتحملت نفسي ومديت ايدي على نوره وبردت قلبي فيها .. وحلفت على نفسي ماتزوجها وبخليها فبيت ابوها لين تتسنع .. لان ماقدر اعيش مع وحده جذي .. شلون بيكونون بناتها وعيالها ..! ويوم قررت ارتبط فيج اتصلت فيني تبجي وتقول انها تغيرت وتحبني وتبيني .. بس عمر قلبي مافز لها ياريم .. ولا عمري نظرت لها نظره حب او حتى اعجاب .. ياريم هالبنت مريضه لا تهدمين حياتنا بسببها والي يرضيج بسويه .. بس انتي بعدي الشك عنج وتأكدي قلبي ماحب ولاعشق بنت غيرج .. انتي صرتي لي كل شي ياريم .. مونوره الي تهدم حياتنا ..
ريم بحيره من امرها تطالع حمود وتنزل راسها: ااااه وولدي ؟؟
حمود: ربج بيعوضنا .. وهذي خيره ..
ريم بنظرات تهديد : حقي من نوره راح اخذه بالغصب بالطيب راح اخذه ..
.....
فجر واقفه عند الباب : الحمدلله ع السلامه تو راجع ؟؟ ماشفت الساعه كم ؟؟
أحمدَ : وانتي ليش قاعده للحين ؟؟
فجر:يقولون اني بغربه وشهر عسل .. ولو اني ماشوفها غير غربه وتعااسه ... وانت تتركني بهالفندق وتطلع ؟؟ عموما حجي ماراح اكثر انا برجع الكوييت .. وانت حر
محروم
06-27-2020, 10:32 PM
مسكها احمد من جتفها : شنو برجع ماارجع وغربه وتعاسه .. شهالحجي الي ينقااال واسمعه كل يوووم خيير ؟؟؟
فجر بقهر تبعد ايدها عنها: هزك كلامي ماعجبك ؟؟ أي تعاااسه ولوعه جبببببد وينك انت عني طول هالاياام ليش متغير بدون اسبااااب كل كلمه تعصب واتنرفز وتقط علي حجي مثل السم ليييييييييش ؟؟
اذا انت لليوم شاك فيني وموراضي تعيش حياتك معاي ليش مثلت انك تحبني وتزوجتني ؟؟
صحيح عرفتك من نت .. بـس الاصح اني حبـيتك وانت الي كنت تلعب . الصح اني كفرت عن غلطتي وتركت النت بكبره بعد ماكنت تطلع مرجلتك علي وتهدد .. وتالي دق قلبك وحبيتني والا هذا فلم وفصل من فصوووولك ويوم وينتهي وتلعب وتمثل غييييييره ..؟؟
احمد بدون وعي مد ايده عليها بكـــــف طيحها لي الارض : جببببببببب
فجر واهي تبجي : أي طق طلع حرتك فيني .. بـس اذا انت ما تحبني ماجبررررررك على هالشي بـٍ خساااااره بعد كل الي تسوويه معااااي قلبي الحقيييييير مايرضى يكرررررررهك انت انسااان بلادم ماتحس .. لييييييييتني ماحبــيتتتتتتتتتتك ولاعرررفتك ..
< قامت فجر دارها وسكرت البااااب واحمد قعد بالصاله واهو مصدوم من كلامها وثورة غضبها .. اهو ماحس بالي يسويه غلط ولاعرف شلون يتعاامل معاها .. بعد ساعتين من الموقف والعتاب الي دار بينه وبين نفسه راح وقف عند باب غرفتها وطق الباب بهدووء ماردت عليه دخل شوي شوي شافها متكوره على نفسها بالسرير ومتغطييه قرب منها:فجرر ... !
ماردت علييه ولا تبي ترد .. قعد على طرف السرير وحس برجفتها وصوت بجيها ماهان عليه يشوفها جذي واهو السبب واهم توهم في شهر العسل .. بعد اللحاف عنها ولفها علييه ومسكها من راسها بحنيه ومسح دموعها .. كانت اعتذاره بآين من نظراته ولمسته الدافيه لها وعشان ييرتاح لازم يعتذر بالصوووت : جوري لاتبجين دموعج غااليه . . .
فجر واهي بين ادينه وعيونها ذبلانه من البجي:لاتقول غاليه .. انا عارفه قدري عندك .. لاتقول كلام بس عشان تكفر عن ذنبك معاي ..
احمد بألم:فجر حبيبي انا اسف و الله كلامج طلعني عن طوري .. بـس مالومج لج حق وقولي كل الي تبينه .. صارخي عصبي كسري طقي . الي بخاطرج سويه ماراح امد ايدي مره ثانيه ..
فجر من بين دموعها: انت تكرهني ..؟؟
احمدَ يمسح دموعها ويضمها لصدره:لافجررر لاااا شهالكلااام ..؟ لو اكرهج ماتزوجتج .. لاتخلين الوساويس تعذبج .. وربي ماقدر اشوفج جذي وانا السبب ..
فجر تنزل عيونها:انت متغير معاي
احمد يبتسم:الشاطره والي تحب من قلبها تقدر تخليني لها دووم بكل مافيني ..
فجر افهمت عليه ولعت نار واهي بحضنه: المهم انت تحبني ..
رفع راسها وصار بمستوى راسه وتم يطالع لها:معقوله عيونج ماشافت ولا عرفت بالحب الي بعيوني لج ؟؟ قلبج ماحس ؟؟
فجر بخاطرها تنفجر بجي : بلىى
ابتسم لها اكثثثر وضمها لصدره حييل وتم يمسح على شعرها ويحسسها بالامان معااه .. !!!!
...........
ام فوازَ: اشجان طاحت ريولي من الفره معاج بالسووق يلا خلصي ..
اشجان: يمه باقي بـس بروفه نفنووف العررس .. اسويها ونرجع البيت .. ماقدر اطوفها الله يخلييج ..
ام فواز:انزين امشي .. صج لاقالوا هم البنات للمماااات .. مادري متى بخلص منكم؟
اشجان بنظره عتب:شدعوا يمه .. لاتقولين جذي .. خلاص كلها ربع ساعه واحنا خالصين وبعدين تو الناااس .. ماصار لنا 3 ساعات بالسوووق ..
ام فوواز: يلا دخلي سوي البرووفه خلينا نطلع ونخلص ..!
ادخلت اشجاان تسوي البرووفه وكان احساسها ومشاعرها بهالحظه غيير .. واهي تشوف نفسها بالنفنووف الابييض والطرحــه الطوييله .. اجمل احساااس حق كل عرووس .. تمت تلف بالنفنووف واهي طايره من الونااسه:الله ويينك يا جرااح تشووف الي اششوووفه اااه يااربي لاتحرمني منه ..
...
فواز: هلا هلا بالمعررس
جراح بصوت تعبان:هلا فواز انت وين ؟؟
فواز بخوف: جراح شفييك؟؟ صوتك تعباان ..؟
جراح:لا عادي حراره وتخف .. قولي انت وين ؟؟
فواز: بالسووق مع شجن ..
جراح:مطولين ؟؟
فواز: لا الحين بنرجع ..
جراح:اسمع لا تتحرك من مكاانك انا الحين بيي عندك .. ولاتقول حق اشجان اوكي ؟
فواز مستغرب: بس انت تعباان وين بتيي ؟؟
جراح:لا مافيني شي اقوولك المهم لا تتحررك ..
فواز: على امررك .. يلا نااطرك .. !
وصلت اشجان وامها السيااره : السلاام
فواز: وعليكم السلام .. هاخلصتوا ؟؟
اشجان بوناسه:ايي
فواز يضحك عليها:حلجج راح ينشق من الوناسه ..
اشجان استحت: ههههه
فواز: لاتستحين يا مال العافيه .. امس تبيعين اخوج عشاان هالزوج الغبر والحين مستحيه اقوول مالت بس مالت ..
اشجان: يوو فواز تدري كنا نلعب لاتاخذ الامور بالجد .. وبعدين هذا جراح ..
فواز: وييييعه وتقولها جدامي هذا جراااح ومن يكون ...؟
اشجان:انت شكلك ناوي تتهاااوش . اقول يلا امش ليش واقف ترا امي فولت عصبيه ههههههههه
ام فواز: الحين حسيتوااا حسبي الله عليكم .. << عصبت
فواز تذكر جراح: لا نصبر شوي ..
اشجان: ليش؟
فواز: ناطر احد بيمرني اهني وقال مابيطووول ..
ام فواز: لاحووول ياربي .. عشر دقايق مافي غيرها ..
فواز: ان شااءلله .. .. يارب يوصل جراح امي حدها عصبت مالي خلق تطلع الحره فيني الحين ..
وصل جرااح بهاللحظه ونزل له فواز واشجان مستغربه شالي قاعد يصير هذا جرااح ؟؟
فواز: شفييك خوفتني ؟؟
جراح: وانت كله خايف .. بااخذ اشجان ونطلع ..
فواز رافع حاجبه: اشووف صارت لعبه كل يوم طالعين والحين بتاخذها بعد اقوول اعقل ..
جراخ يغمض عيونه ويعصر على اسنانه:فواااز لاتكثر حجي ناد اختك الله يخليك ..
فواز حس انه في شي مايبي يطول السالفه: زين بناديها بـس اذا فيكم شي قولي لا تكتم بقلبك ..
جراح:زين .. بس روح الحين ..
راح فواز عند اشجان وكلمها: تعالي يلا ..
ام فواز : وين ؟؟
اشجان : على ويين ؟؟
فواز: شفيكم.. جراح يبي يطلع معاها وقال بما انه بالدرب مر اهني واخذها ..
اشجان خافت : جرااح فيه شي ؟؟
فواز: روحي له وشوفي ان كان فيه شي او لا ..
انزلت اشجان بدون تردد وراحت صوب جراح .. شافها جراح اخذها وفتح لها الباب واهي عينها عليه ..
اشجآن تشوفه واهو يركب السياره وشكله تعبان ومتضايق : جراااح؟
جراح بصوت خافت: هلاا يالغاليه ؟
اشجان قلبها يدق اكثر هذا موااسلوب جراح المعتاد: فيك شي ؟؟
جراح: لا مافي شي
اشجان:اكييد ؟؟
جراح بنفاذ صبر : أي اكيد
اشجان حست انه معصب بـس ماتقدر تسكت واهو يزيد بهالسرعه ولا مهتم لاحد صرخت فيه حييل : جراااااااااااااح
وقف جراح والتفت عليها وتم سااكت ..!
اشجان بخووف يتملكها قامت ترجف من فوق لي تحت وموقادره تتكلم:ج ج ـراا ااح .. شفييييييك ؟؟
ليش تسوي جذي ؟؟
جرااح بدا يبجي بإنهيااار مسك ادينها وضمها عليه واهو يبجي :اااااااااه ياااشجن ااااااااه
اشجان بدت تبجي : جراااح انت تبجي ؟؟؟؟؟؟ ليششش ؟؟؟
جراح يهدي من نفسه : شجن خلييج معآآآآي ...
اشجان:جراااح حبيبي انا معاك وين بروووح ؟؟ لاتخوفني قولي شالي صااااااااير ؟؟
جراح:تعبااان ياشجن تعباااااااان ..
اشجان تمسكه من ويهه:حبيبي ؟؟ انت تعبان ومنهار .. شالي سوا فيك جذي ؟؟ شالي صاير معاك .. جراااح رد عليييييي لاتوقف قـلبي ..
مسح جراح دموع حبيبته وكمل طريجه واهو سااكت وكان رايح البحررر ..
اقعدوا ع الشااطئ واهو ماسك ادينها وسااكت واشجان تبادله نفس الشعور بـس الخوف مسيطر ع الاثنين .. التفتت اشجاان عليه واهي تضغط على اييدينه:حبيبي ؟؟
جراح بهدوء: عيوونه ؟؟
اشجان:كلمني قولي شنو الي متعبك ياروحي ؟؟
جراح:يعتصر المَ بـس مابيلاقي غير شجن توقف معاه وتسااعده وتريحه .. التفت عليها وشاف الخوف والحب بعيوون هالملااك .. بآس ايدها ونزلت دمعتها عليها مره ثانيه ..
اشجان توترت وراح يغمى عليها من الخوف بـس تصبرت وخلته على راحته لين يقول كل الي يبيه بدون ضغط .. تم حاضن ادينها لين هدا من نفسه وتكلم: شجن حبيبتي .. انتي تعرفين ومتأكده من حبي لج .. صح؟
اشجان تبتسم ابتسامه خوف: أي اعرف .. وانت بعد تعرف اني اعشقك ماحبك وبـس .. << دموعها تبرق بعيونها ..
جراح ااااه ياربي سهل علي الامر : وانا اموت فيج واعشق ترااب توطيه ريوولج .. شجن انا محتتااااجج محتااااج انج تكونين بهاللحظه امي وحبيبتي وزوجتي واختي وابوي وكل اهلي .. انا تعبان وراحتي واماني عندج انتيي .. !!
اشجان بـصبر: حبيبي .. قول وانت مرتاح .. انا بوقف معاك بكل شي انت تبيه ويريحك ..
جراح: شجن انا بقولج السالفه وتسمعيني للاخر وتوعديني ما يصير لج شي وتساعديني ..
اشجان يارب استر : اوعدك ..
جراح ماسك ادينها ويتلمسها باطراف اصابعه: الله لايحرمني منج يانبض قلبي يالشجن .. انا حياتي بدونج مستحيل تستمر ولا بتستمر .. وحتى للموت طريجنا مع بعض .. لا انتي تعشين من دوني ولا انا اعيش من دونج .. شجن .. << غص بالكلااام .. وحاول يكمل بدون لا يعذبها اكثر .. انا كنت احس بتعب من فتره ومن ثلاث اياام الدكتووور قال انه احتمااال يكون معاااي ...
اشجان بخووف : كمللللل
جراح بقله حيله:احتمااال يكون معاي خبـييييث ..؟؟؟؟؟؟؟؟؟؟؟!
توقف الزمن للحظات وانتهى عمر الاثنين في لحظه صدمه اكبر من انه اشجان تتحملها ...
جرااح بخوووف يطالعها: ردييي عليييييي لا تستكييييييين
اشجان مغمضه عيونها حابسه دمعتها او انهيااااااار حياتها محبووووس في جسدهاااا .. : جراااح
جراح : عيونه .. قلبه وروحه
محروم
06-27-2020, 10:33 PM
اشجان تبتسم وتمده بالحياه: احتماااااااال .... انت قلت احتماااال يعني مافي شي اكييييييييد .. حبيبي انت قلت احتماااال .. واحنا بنعيش مع هالاحتماااال .. جراااح انت مافيك شي انت ماراح تخليني .. جرااااح انت وعدتني تكمل الحياه معاااي .. ماتتخلى عني .. حبيبي انت اقوى من هالمرض انت اكبر من هااالشي .. جراااح .. جراااح شقووووول وشخلي .. حبيبي في احد يعرف بهالموضوع ؟؟
جراح بنظره امل : لااا يا روحي محد يعرف ..
اشجان تشد على ادينه:ولا ابي احد يعرف خل الموضوع بينا .. جراح احنا بنوقف مع بعض .. وان شاءالله ان شاءالله ان شااءلله يطلع كله شكوووك .. واحتمالات مالها اسااااس من الصحه ..
جرآح:يابعد عيني يالشجن : ماتوقعت احس بالامل او ارتااح .. شجن انتي كل هليييييييي وكل ناااسي واحباااااااابي .. رجييتج لاتبعدين عني خطووه بعد رجييتج ..
اشجان تشد من أزره:ببقى معاك للمآآت ..
حط جراح اصبعه على شفايفها:تكفين مآبي اسمع الموتَ بلساانجَ ..
اشجانَ تغير الموضوعَ :حبيبي .. اليوم سويت برووفه بدله العرررس ..
جراح ابتسم من قلبه ونبذ الالم عنه: صج حبيبتي ؟؟ مبرووووك اكييد بتطلعين احلى واجمل وانقى عرووووس بهالكووون ..
اشجان: يبارك بعمرك ويخليك لي ياارب ..
............
خآلدَ :يبااا ريم تطلق من حمووود بالطيب بالغصب تطلق ..؟!!!!
ابو محمد: شهالحجي وين قاعدين تطلق مجنون انت ؟؟
خالد: أي مجنون يوم زوجته اختي ورضيت علييه ..
محمد بعصبيه: وانت بكيفك مره تزوجها وتالي تطلقها .. اقووول اهني وكل شي يوقف عند حده
شنو سبب هالمطلب ان شااءلله من الباب للطااقه يعني ؟؟؟
خالد: لا مو من الباب للطااقه يا حبيب .. ريل اختك المحتررررم طلع اكبر حقير بهالدنياااا ..
وريم تطلق والا ورب البيت بيصير شي ماشفتووه ولاشافته اهي بعد ..
ابو محمد تعب من وضع ولده العنييد واهو الي كبر راسه وخلاه يتصرف جذي .: لاحول ولاقوه الا بالله العلي العظيم ..
محمـد: الحين فهمني الموضوع وتالي نقرر .. شنو الي خلاك تقول جذييي ؟؟
خالدَ : ريل اختك يا محمد طلع راعي سوالف بطاله وبناااات .. ؟؟؟!!!!!!!!
أنتهت الحــلقه