21و22
’’الحلقـــــه الواحد والعشرونـ ’’
بدور:ماما حبيبي لا تبجي ...
محمد:شفيه جسوم طول اليوم يبجي..؟
بدور:مادري ذبحني تعال شوفه..والله تعبت...
محمد يضحك:ههههههه شوفي ولدي حبيبي عند ابوه ساكت ريااال...هههههههههههه اغووو اغووو....
بدور:تتهنى فيه خله عندك انا بروح اشوف ريم كانت تبيني من شوي..
محمد: اوكي ....
بدور:هلا ريوم اسفه تأخرت عليج حبيبتي..
ريم:لا عادي..بس بدور الله يخليج كلمي محمد بروح عند بيت يرانا...
بدور:عند سحر..؟
ريم:أي..
بدور:امممم اوكي خلاص صبري علي اكلمه وايي...
تمت ريم تنتظر بدور ترجع لها بالموافقه وشي اكيد راح يوافق محمد لان بيت ابو ناصر حسبة اهل معاهم...وبلغتها بدور ان محمد موافق وراحت ريم واهي مستانسه...
عند بيت ابو ناصر:
سحر:انتي وينج ليش طولتي..؟
ريم:ماطولت يالدبه دقايق وانا عندج...
سحر:يلا امشي معاي نقعد بالدار...عن ازعاج اخواني..
ريم تضحك:يلا مشينا...
وقبل لا يدخلون الغرفه كان ناصر كاشخ وطالع من غرفته وشافهم..
ناصر:ياهلا بهالنور كله...ريم عندنا...؟
ريم:هلا بنصور شلونك..
ناصر:وانتي يالدبه متى تتسنعين اصغر عيالج انا تقولين لي نصور..؟
ريم:اسفه...لا تعصب...يلا يلا سحور ...
سحر:فديت الزعلانه انا يلا دخلي..
ناصر:اممممم وشلون ريم زعلانه وناصر عايش بهالدنيا...بس اعرف شلون اراضيج....
ريم:ههههههه لا من قال اني زعلانه اضحك معاك.....
ناصر:زين انا بروح الجمعيه تبون شي...؟
سحر:والله ياليت..هات لنا برنجلز وككاوات وببسي اهم شي..
ناصر:كل هذا بل عليج ..اوكي من عيوني...وانتي ريمي شنو تبين..؟؟
ريم بهدوء:مابي شي سلامتك...
ناصر حس ان فيها شي:ريم فيج شي..
ريم:هاا...؟ لا ...
ناصر:اوكي يلا ربع ساعه وارجع لكم..باي
سحر:باي... وانتي شفيج ..؟
ريم:ابد مافيني شي...
سحر:ريم تخبين عني تكلمي..
ريم:بصراحه..تمنيت عندي اخ نفس ناصر..
سحر ضاق خلقها على ريم:بس عندج محمد طيب ويحبج..
ريم:صح ... خلاص غيري الموضوع انا هني بستانس معاج طقة جبدي من البيت...
سحر:يابعد قلبي .. خلاص بنستانس وبننسى كل شي....
//
بشار ضاقت عليه الدنيا واهو يحتضن تراب القبر بين ايدينه ، ويحس بالعبره تخنقه...
بشار:انا عندج اليوم تعالي وخليج معاي ... والله واحشتني حييل، فقدتج بما فيه الكفايه ,منال حسي فيني انا اتعذب كل يوم..ليش تركتيني...؟ليش يا منال ليش....كانت الحياه حلوه طول مانتي معاي...بس والله لو تاخذيني معاج بتكون اسعد بالنسبه لي..انا ليش عايش وانتي ميته ليش.؟احنا اتفقنا نعيش مع بعض ونموت مع بعض ونتحدى الكل مع بعض...ياااااااااربي ارحمني
وتم يبجي من كل قلبه وبكل قهر..محد حاس بشعوره كثره اهو...الي حب وعشق وتمنى وفقد واشتاق وتعذب،وتمسك ببقايا المرحومه وحلف يصون هالحب ويموت عليه...
//
جاسم:يلا صبروا دقايق وتوصل الطياره...
سالم:والله مافينا صبر والخايس ما عطانا خبر وصوله..ولو مو متصلين عليه وكلمنا اهله جان ما عرفنا بشي..
مبارك:يبا الريال بايعكم ليش تشترونه ماهو غصب...
فيصل:اقول بروك اترك عنك هالسوالف وكبر عقلك يكون احسن...
جاسم:بس بس كاهو وصل...
وصل بشار وانصدم من شافهم واهو مو معطيهم خبر وصوله...
سالم:الحمدلله ع السلامه...وعيب عليك هالحركات..
بشار:الله يسلمك ...وما سوينا شي...
سلموا على بعض واعتبوا عليه لانه من صج يبي يقطع علاقته فيهم..وعرف منهم انه اهله الي بلوغوهم بوصوله..
بشار يفتقد وجود روان بينهم بس ما سأل عنها لان مبارك موجود ويدري هالشي بيسبب مشاكل وقرر ما يسأل عنها لا جدام مبارك ولا من وراه والله يهدي النفوس بينهم...
بعد مرور اسبوع وروان لليوم ما شافت بشار ولا سلمت عليه ومستغربه انه ما سأل عنها ولا اهتم لها ابدا وما قدرت تسأل عنه خوفا من الاحراج...
فيصل:وين سرحانه....؟
روان بابتسامه:ابد مو سرحانه معاكم..
مبارك يخزها وساكت...
سالم:يالربع من صجه بشار قطع علاقته فينا وغير عنوان السكن حقته...؟
جاسم:خلوه براحته...
روان مصدومه : وليش يسوي جذي...؟
مبارك انتبه لاهتمامها...
جاسم:مادري لحد يسألني عن شي..
روان بدت تفكر بالأسباب الي خلت بشار يسوي جذي بس ماقدرت توصل لشي معين...
ووبيوم من الايام قرر الاستاذ يعطي كل طالبين بحث يدرسونه ويقدمون نتايجه بعد ايام وكانت توزيعة الاسماء بالصدفه روان وبشار مع بعض يدرسون البحث..وهذا الشي ضايق بشار وفّرح روان ...
اليوم اول يوم بالبحث ودراسته وكانت الرحله حق اكبر المتاحف المعروفه في(( لوس انجلوس))
وكانوا يتمشون بهدوء والصمت يغلب حديثهم البسيط حول اللوحات والاثريات الفخمه ..
روان: بشار...؟
بشار:هلا..
روان:بعد أذنك انا بروح الجانب الثاني من المتحف .. لاني خلصت من هالجانب..
بشار:اخذي راحتج...
راحت روان واهي تفكر بصلابة بشار وقسوته وتغيره عليها فجأه صار ما يسأل ولا يهتم فيها ومر من الوقت 3 ساعات وكل واحد يمشي بروحه وتأخر الوقت...
بشار:وين بلاقيها الحين صارلي ساعه ادور عليها...بس انا غلطان تحركت من مكاني..شنو غلطان لا مو غلطان اهي لازم ترجع وتنتظرني...
روان بخوف:ياربي وين راح المكان صار فاضي...يارب الاقيه...
تمت روان تمشي بتردد وخوف ونظرات الشباب الامريكي كانت اكثر رعب لها وبدت تخاف اكثر من المضايقات الي تلقتها...وفجأه لمحت بشار وبدت تنادي عليه:بشاااااااار
التفت بشار على الصوت وراح لها بسرعه:وينج...؟
روان بدت ترتعش من شده الخوف وعينها على الرايح والراد وماهي قادره تتكلم:......
بشار حس بخوفها وكلمها بهدوء:وين رحتي خفت عليج صارلي ساعه ادور..
روان بدت تبجي لان ارتاحت من شافته وتطمنت اكثر من وجوده يمها:اسفه..بس..
بشار عوره قلبه عليها:خلاص يلا نطلع..
محروم
06-27-2020, 09:54 PM
تموا يمشون برا المتحف والجو بارد وبدا الثلج ينزل بهدوء اشبه ببروده الشخصين الي يمشون مع بعض...
روان حست بتعب وبرد فضيع يجتاح جسمها بقوه وانبته لها بشار وكردة فعل طبيعيه سألها:بردانه...؟
روان بخجل:لا لا عادي...
بشار حس انه ضايقها واهو الغلطان الي بعد عن المكان واهي بنت بروحها شلون يتركها ولا خفف عنها بكلمه تطمنها...: روان ...
روان:هلا...
بشار:انا يوعان والبيت بعيد..ممكن ندخل مطعم قريب ونتعشى...
روان واهي ترجف:ياليت ...
فصخ بشار جاكيته ومده لها لان ما استحمل ضعفها وعدم تحملها للبرد:تفضلي...
روان تحاول تكون طبيعيه: وانت..
بشار:انا عادي اخذي بسرعه الجو كل ماله يزداد برد...
اخذت روان الجاكيت والبسته وكان كبير عليها حيل بس ارتاحت وتدفت واول ما وصولوا المطعم اقعدت واهي ترجف من شده البرد....
طلب بشار العشا وتموا يتعشون بهدوء من غير أي نقاشات او كلام خارج عن المألوف..
بعد العشا انتبه بشار ان روان بعدها لابسه الجاكيت والجو حار داخل:بعدج بردانه..؟
روان أستحت منه حست انها مصختها واهي لابسه الجاكيت:اسفه تفضل..
بشار:لالالا خليج لابسته...بس كنت أسال واتطمن..
روان:لا خلاص تدفيت..واكتفيت..تفضل مشكووور..
بشار:العفوو..يلا نمشي...؟
روان:اوكي..
اطلعوا من المطعم وواتجهوا على البيت مباشره تكلم بشار:ان شااءلله باجر الساعه 6 المغرب بعد الجامعه نطلع نكمل باقي البحث جدامنا ثلاث ايام ونسلمه..
روان:ان شاءالله ...مع السلامه..
جاسم:يالربع اليوم اخر يوم وباجر نسلم بحوثنا شسويتوا...؟
مبارك:انا وفيصل خلصنا...
جاسم:وانت سلوم..
سالم:انا الله قطني مع روز فالحه طول اليوم تنكت وتضحك بطت جبدي...
جاسم:هههههههههههههههه الطيور على اشكالها تقع...
سالم:اقلب ويهك...انا صج احب الضحك بس عاد مو جذي..اهي كافي شوفتها ما تنطاق بعد تضحك يعني معناه الليل مانامه...
جاسم:هههههههههههههههههههههه الله يقطع بليسك...وانتي رونه...؟
روان:قريب يخلص..
جاسم:يعني بعدج...؟
روان:أي اليوم بيخلص ان شاءالله...لان البارح ما سوينا شي..
جاسم:ليش؟
روان:ما ادري بس حسب الي سمعته بشار امس كان مصخن شوي..وماقدر يطلع..
جاسم:اهااا لا سلامته...الا بسألج ماعرفتي عنوانه..؟
روان:لا
جاسم:عيل شلون تروحون مع بعض..؟
روان:اهو الي يمرني وبس نخلص يرجعني على البيت واهو يكمل طريجه..
جاسم:اهاا اوكي...خلاص باجر ان شاءالله لازم تكونون خالصين من كل شي..بليز لحد يتـأخر...
محروم
06-27-2020, 09:54 PM
تموا يمشون برا المتحف والجو بارد وبدا الثلج ينزل بهدوء اشبه ببروده الشخصين الي يمشون مع بعض...
روان حست بتعب وبرد فضيع يجتاح جسمها بقوه وانبته لها بشار وكردة فعل طبيعيه سألها:بردانه...؟
روان بخجل:لا لا عادي...
بشار حس انه ضايقها واهو الغلطان الي بعد عن المكان واهي بنت بروحها شلون يتركها ولا خفف عنها بكلمه تطمنها...: روان ...
روان:هلا...
بشار:انا يوعان والبيت بعيد..ممكن ندخل مطعم قريب ونتعشى...
روان واهي ترجف:ياليت ...
فصخ بشار جاكيته ومده لها لان ما استحمل ضعفها وعدم تحملها للبرد:تفضلي...
روان تحاول تكون طبيعيه: وانت..
بشار:انا عادي اخذي بسرعه الجو كل ماله يزداد برد...
اخذت روان الجاكيت والبسته وكان كبير عليها حيل بس ارتاحت وتدفت واول ما وصولوا المطعم اقعدت واهي ترجف من شده البرد....
طلب بشار العشا وتموا يتعشون بهدوء من غير أي نقاشات او كلام خارج عن المألوف..
بعد العشا انتبه بشار ان روان بعدها لابسه الجاكيت والجو حار داخل:بعدج بردانه..؟
روان أستحت منه حست انها مصختها واهي لابسه الجاكيت:اسفه تفضل..
بشار:لالالا خليج لابسته...بس كنت أسال واتطمن..
روان:لا خلاص تدفيت..واكتفيت..تفضل مشكووور..
بشار:العفوو..يلا نمشي...؟
روان:اوكي..
اطلعوا من المطعم وواتجهوا على البيت مباشره تكلم بشار:ان شااءلله باجر الساعه 6 المغرب بعد الجامعه نطلع نكمل باقي البحث جدامنا ثلاث ايام ونسلمه..
روان:ان شاءالله ...مع السلامه..
جاسم:يالربع اليوم اخر يوم وباجر نسلم بحوثنا شسويتوا...؟
مبارك:انا وفيصل خلصنا...
جاسم:وانت سلوم..
سالم:انا الله قطني مع روز فالحه طول اليوم تنكت وتضحك بطت جبدي...
جاسم:هههههههههههههههه الطيور على اشكالها تقع...
سالم:اقلب ويهك...انا صج احب الضحك بس عاد مو جذي..اهي كافي شوفتها ما تنطاق بعد تضحك يعني معناه الليل مانامه...
جاسم:هههههههههههههههههههههه الله يقطع بليسك...وانتي رونه...؟
روان:قريب يخلص..
جاسم:يعني بعدج...؟
روان:أي اليوم بيخلص ان شاءالله...لان البارح ما سوينا شي..
جاسم:ليش؟
روان:ما ادري بس حسب الي سمعته بشار امس كان مصخن شوي..وماقدر يطلع..
جاسم:اهااا لا سلامته...الا بسألج ماعرفتي عنوانه..؟
روان:لا
جاسم:عيل شلون تروحون مع بعض..؟
روان:اهو الي يمرني وبس نخلص يرجعني على البيت واهو يكمل طريجه..
جاسم:اهاا اوكي...خلاص باجر ان شاءالله لازم تكونون خالصين من كل شي..بليز لحد يتـأخر...
محروم
06-27-2020, 09:57 PM
بشار:أسف روان ضيعنا يوم كامل من البحث ما سوينا شي..
روان:لا عادي الله يوفقنا ونخلص اليوم..باجر التسليم..
بشار:لا بنخلص مشوارنا قريب عشر دقايق واحنا خالصين من البحث ونرجع..
روان تضايقت تمنت تتأخر شوي ما تبي تبعد عن بشار واهي معاه تكون مرتاحه..عدت ساعه على البحث وبالفعل انتهوا من تجهيز المعلومات والصور والنتايج المطلوبه...
بشار:اخيرا خلصنا..
روان:الحمدلله...
بشار:نرجع الحين...؟
روان تضايقت لانه ما يكلف على نفسه يسألها او يكلمها بـأي موضوع لكن تجرأت وبدت اهي الكلام..
روان:مابي ارجع البيت الحين..
بشار استغرب وتم واقف يطالعها:وين بتروحين عيل..؟
روان:ممكن نتمشى شوي ونتكلم..؟
بشار حس بتوترها:اوكي تفضلي...
تموا يمشون وبدت روان بالكلام واهي منزله راسها وتلعب بطرف الشال:بشار..
بشار:نعم...
روان:ليش قدمت خواتم الخطوبه لي ولمبارك...؟
بشار تضايق من هالموضوع:انسي الي صار...
طلع بشار علبه الزقاير وبدا يشرب...
روان مصدومه اول مره تشوفه يشرب زقاير:انت تدخن.....؟
بشار:تقدرين تقولين أي...
روان:بشار ليش؟؟؟
بشار:شنو الي ليش..؟
روان:ليش تسوي بنفسك جذي,,,.؟ وليش تبيني انسى الموضوع...؟
بشار:اولا انا ما سويت شي بنفسي..اكثر من الي قاعد يصير فيها..والموضوع الي انا تدخلت فيه ابيج تنسينه لاني غلطت فيه....
روان انجرحت من اسلوبه وتمت ساكته..
بشار:ليش سكتي..؟
روان: انت تغيرت وايد...
بشار:شلون..؟
روان:قبل لا تروح الكويت كنت شي والحين شي...
بشار:يمكن جذي احسن..
روان بإنفعال:لا مو احسن...
التفت لها بشار ونزل الزقاره من حلجه: شقصدج؟؟؟
خافت روان من نظراته والدخان الي يطلع من حلجه: ولا شي....
بشار:ممكن اسألج سؤال...؟
بدا قلبها يدق خوف ورهبه من الي بيقوله بشار:تفضل....؟
بشار:ليش ما تبين مبارك...؟
روان بقلبها لاني احبك وانت ما تحس بشي.....
بشار:اسف ازعجتج مو جذي..؟
روان تمسح دموعها من غير لا يحس فيها بشار:لا عادي بس انت تحس انه كفو
بشار يرفع حاجبه:وليش مو كفو..ريال والنعم فيه..وشاريج...
روان بدت تختنق من كلامه:خلاص ارجوك...
بشار ببرود:براحتج..
تموا يمشون شوي وانتبه بشار على عربانه صغيره فيها اشياء تذكاريه قرب من صوبها وتم يطالع الاغراض الي عند البائع وروان واقفه بعيد عنه
بشار:ممكن اشوف هذا...؟
البائع:تفضل...
بشار:وايد حلو عطني الدبوس والسلاسل لو سمحت...
اخذ بشار الدبوس وكان محفور عليه صورة بنت جميله حيل..والسلسال اشتراه وحفر عليه حرف الام والبي...حرفه وحرف منال ورجع حق روان...
بشار:تشترين منه شي...؟
روان ميته قهر من حركاته اتركته ومشت عنه....
بشار:رواااااان تعالي وين رايحه....؟
روان:خير..
بشار:شفيج...؟
روان:ولا شي تعبت بروح...؟
بشار:اوكي نرجع...بس ليش معصبه...؟
روان:من قال...؟
بشار:انا اقول...
روان بقلبها وانت تحس..انت صخر عمرك ما بتحس بشي...
بشار:بتمين سرحانه وايد..؟
روان بجرأه:تحبهـــا.....؟؟؟؟
بشار انصعق من السؤال:منووووو؟؟؟
روان:حبيبتك....؟
بشار غمض عيونه ورفع راسه للسما واخذ نفس عميق:واااااااااااااايد.....
روان بدت تعصب اكثر وحاولت تضبط اعصابها: انت تحب,,,,؟
بشار:وليش مستغربه....؟
روان بقهر: مو مستغربه... لاني ادري
بشار مستغرب:شنو الي تدرين عنه...؟
روان:انك تحب...؟
بشار:شلون...؟
محروم
06-27-2020, 09:58 PM
روان:سمعتك مره وانت تكلمها بالتليفون وتقول لها هلا حبيبتي....؟
فز قلبه من الي قالته روان وتمنى لو كان صج الي كلمها حبيبته منال مو طفله صغيره يعاملها مثل الاب والاخ والاخت لها تم ساكت شوي واهو منزل راسه وبعدين تكلم:حبيبتي ماتت....!!!
اوقفت روان هاللحظه واهي مندهشه من الي سمعته وتحس ريولها مو شايلتها:شنووووووو؟؟؟متىىىى....؟
بشار:انتي فاهمه الموضوع خطـا..
روان:ممكن تفهمني..
بشار:وبشنو يهمج..؟
روان:ارجوك تكلم..
بشار:لج خلق تسمعين....؟
روان:أي لي خلق...
بشار:اوكي بس انا تعبت من المشي تعالي نقعد على هذاك الكرسي ونسولف..
روان:اوكي..
بشار:الله يسلمج حبيبتي وزوجتي ماتت من خمس سنوات بحريق لكن سبحان الله كل الجمال الي كانت تتحلى فيه ما حاشته النار والوفاة كانت بسبب الاختناق والسبب الرئيسي النار الي شبت بغرفتها,,وقبل لا تموت بيوم كنا مع بعض عايشين احلى ايامنا وساعاتنا وليالينا ما اعتقد في اثنين مثلنا..احس اني ما عطيتها شي من الحب احس الحب بعده يتدفق فيني وكله لها حتى واهي ميته مازال قلبي ولساني ينطقون بحبها اهي انسانه كبيره بعيني وبقلبي ماشفت لها مثيل..لكن الله ماكتب لنا طريج مع بعض واخذها الموت عني...والي سمعتيني اقول لها حبيبتي كانت اختها...
روان من بين دموعها مصدومه:اختهااااااااااا.......؟؟؟
بشار:أي اختها وكنا متفقين نربيها لما نتزوج..لانها صغيره وامها متوفيه وكانت منال الي اهي زوجتي اختها وامها وكل شي...
روان:الله يرحمها...بس شلون زوجتك...؟
بشار:كنا ملجين...وقبل العرس بشهر توفت...(أخذ نفس عميق) الله يرحمها..
روان تألمت من سمعت سالفته وصار عندها امل فيه لكن سرعان ما اختفى هالامل واصبح سراب..
بشار:بس انا وعدتها ووعد الحر دين:اني مستحيل اخونها واخذ غيرها او احب غيرها..لان خلاص ماعاد عندي قلب للحب لان قلبي الي حبها مات معاها...
تمت روان تطالع عيون بشار الي امتلوا دموع وصعب عليها هالموقف انها تشوف دموعه اتركته وقامت:مع السلامه...
بشار يمسح دموعه:وين...؟
روان وقلبها الي مات ومشاعرها الي احترقت مع اخر اعترافات قدمها بشار:بروح..ما عتقد يهمك...
بشار:روان شفيج..شنو الي غيرج...وبعدين صبري انا ارجعج...
روان تبجي:اتركنــــي.....ومالك شغل فيني...
بشار:روان صبر سمعيني..
محروم
06-27-2020, 09:58 PM
اختفت روان وراحت مع دموعها وحلمها الي انهدم واهو في بداياته انتهى كل شي وصعب تتقرب منه بعد كل الي سمعته..اهو يحب ويعرف الحب معقوله ما شفت الحب بعيني يا بشار معقوووله انت حجر بس حتى الحجر يحس انت من شنو مخلوووق من شنوووو...؟
تم بشار يمشي ويسأل عنها ويدور عليها ليما تعب وقرر انه يرجع البيت وتأكد انها بترجع لانها تعرف كل الطرق في امريكا...
اليوم تم تسليم البحوث وكل الطلاب متواجدين ما عدا روان، وكانت البحوث متكامله .. وبعد ماطلعوا من القاعه راح جاسم بسرعه يلحق بشار ويناديه..
جاسم:بشااار ...بشاااار...؟
التفت بشار على الصوت وتم واقف:هلا جاسم ....
جاسم يتكلم بصعوبه:اف تعبتني وانا الحق وراك...شسويت بالبحث...؟
بشار: الحمدلله قدمته ...وان شاءالله احصل على درجاته...
جاسم حس من كلام بشار انه صاير شي لان ما تكلم عن روان:زين روان وينها...؟
بشار:ما ادري....
جاسم:شنو يعني ما تدري...؟ امس ما كنتوا مع بعض...؟
بشار:بلى..
جاسم:ياريال شنو هالبرود الي عليك ... يعني شنو بلى ؟؟؟ ووينها الحين...؟ليش ما داومت...؟
بشار: وانا شعرفني امس عصبت وارجعت البيت وما داومت اليوم يعني شنو بيدي اسويه...؟
جاسم عصب : والله يا بشار اذا صار مع روان شي لا تلوم الا نفسك...
بشار مصدوم: تهددني يا جاسم...
جاسم: انا قلتها من قبل الي يمس روان يمسني وانت تماديت وايد...
تم بشار ساكت وندمان على الاسلوب الي اتخذه بحياته مع ربعه والقروب الي تعايش معاه اربع سنوات على الحلوه والمره وبدا ينتهي هالكورس الاخير والاوضاع كل مالها وتسوء اكثر واكثر...
مدري .. كنّّ الحزن فيني شاف له نِعم الصديـق
مدري .. يمكن كنت فعلاً كفـو للحـزن وتكانـه
والفرح .. كالثوب لكـن يبـدو انّـه مـا يليـق
دام لبْسه لايّ خاسـر مـا وراه .. الا الإهانـه
آآآه ياحزني ترفّق .. صاحبـك جرحـه عميـق
أشهد انّك يارفيـق العمـر .. طيّحـت الميانـه
مثلي مثل اللي يراهن خلْق ربّـي فـي عشيـق
والبلى راهن .. ويدري خاسر العشـق ورهانـه
ويعني من قلّ الخساير صاب ذاك الشاب ضيـق
يكفي .. لا هالوقت وقته .. ولا مكانه هو مكانـه
............................................
جاسم ما تحمل تصرفات بشار الغريبه بس ما رضى على نفسه يعامله بهالطريقه وهالقسوه مهما كان يبقى اخ وصديق لهم لكن بشار طلعه عن طوره...توجه جاسم بيت روان وتم يطق الجرس عليها وما ردت عليه وتوه كان بيمشي بس افتحت له الباب..
روان:جاسم...؟
جاسم:روان شفيج....؟؟؟!!!!
روان تبجي:تعبت يا جاسم تعبت....
دخل جاسم واخذها تقعد يمه واهو يحاول يهدي من نوبة البجي الي اهي فيها ويفهم اسباب هالحزن هذا كله...
جاسم:شفيج تكفين فهميني والله احاتيج وقلبي عليج...شصاير قوليلي خليني اقدر اساعدج لا تعذبيني اكثر ارجوووج...
روان تبجي بصوت يقطع القلب:اهو الي عذبني....!
مسكها جاسم من كتوفها ولفها عليه:منووو هذا الي عذبج تكلمي....؟
روان:بشااار يا جاسم بشااااار.....!
جاسم جن جنونه وراح فكره لبعيد:شسوا معاج تكلمي وقفتي قلبي تكلمييي....
روان:ما سوى شي انا الي سويت قلبي الي سوا يا جاسم انا ..اناا...
جاسم فقد اعصابه : تكلمي انتي شنو.....؟
روان حاطه ايدها على عيونها وتبجي:أحـــــبه ........!!
جاسم مصدوم:شنو ما سمعت...؟تحبينه.....؟
روان:مو بيدي لا تلومني ريحني لا تتعبني زود....!
بشار:انا الي اريحج...مو جاسم...
التفتوا الاثنين على الصوت:بشاااااار....؟
بشار:أي بشار يا جاسم...بشار الي تعبكم وعذبكم وعذب روح مسكينه مالها ذنب...بس انا مستعد اريحج ياروان...
روان تبجي وجاسم ماسكها يهدي عليها ...
بشار:جاسم ممكن تتركني معاها شوي بعد اذنك...
جاسم:بـــٍس...!
بشار يقاطعه: خلاص خلك معانا واسمع كل حرف بقوله وكون شاهد معاي مو علي...ومن بعدها حكموا علي..
جاسم:انا لازم اخليكم تتفاهمون...
روان تمسكه:لا خالك معاي...
بشار يبتسم : تخافين مني ...؟ لا تخافين انا عندي كلام بقوله عشان ابري ذمتي من الذنب الي ارتكبته في حقج...
قعد بشار قبالهم وروان ماسكه بيدين جاسم وعيونها تصب الدمع بكل تهور ما قدرت تحبس دموعها وتعززها جدام اعز مخلوق عندها و اغلا قلب تمنت تملكه لو دقايق وتكتشف عالمه...
بشار يطالع فيها:روان.. قبل كل شي لازم تعذريني على كل جرح سببته لج..ولو كنت ادري اني مصدر اذى لج والا لغيرج ما تميت معاكم دقيقه وهذا الي بيصير بعد هاليوم,,روان انا سمعتج وسمعت اعترافج حق جاسم ويمكن وصولي بالصدفه حطني امام الامر الواقع..انا ما انكر حبي وتقديري لج لكن كأخت والله يشهد على هالشي...واكثر من مره حسيت ان في شي بخاطرج تبين تقولينه,,بس كنتي تسكتين..لا لا انا ما اقول هالكلام عشان تتذكرين وتبجين او تحسين شي غلط بنفسج...روان الحب مو عيب ولا حرام وهذي مشاعرج واحاسيسج لكن للأسف مو انا الشخص الي استحق هالاحساس المرهف والطيبه والروح العذبه منج...انا انسان شبه ميت جسد بلا روح انا عشت الحب مره وتعذبت منه اشد عذاب حب صادق عطيته حق بنت خالي بس الله ما كتب لنا حياه مع بعض ومثل ماعرفتي انها توفت...وانا قررت ادفن قلبي معاها ماني قادر اعيش من بعدها .. يمكن بعمركم ما توقعتوا تسمعون مني هالشي وتشوفوني دايم الانسان الصلب بس انا من الداخل مكسور مجروح .. ما اقدر اوصف لكم شعوري بفراقها...روان انا اسف والله اسف ما تمنيت اكون سبب بدموعج ولا سبب بحزنج والامج.. ارجوج تسامحيني..وانت يا جاسم مشكور لانك فعلا الاخ والاب الي تحمي هالقروب واعتقد من دونك حياتهم شبه ضايعه الكل معتمد عليك...والحين ارجوك تسامحني وانا بنسى الي قلته لي من شوي وما كأني سمعت شي..بس اتمنى بعد ما اطلع من هني تنسون انكم تعرفتوا علي بيوم..وقبل لا اطلع...
روان مسحي دموعج وتأكدي تراهم يعزون علي.....مع السلامــــه......!
انهارت روان من كلامه وصوته الي بدا يختفي عنها ...قامت والحقته:بشاااااار لا تروح ارجع بشااااااار......ارجوووووك ارجــع.....
محروم
06-27-2020, 09:59 PM
بشار يسمعها ويحس نفسه مخنوقه وبخاطره يفجر هالعبره الي سكنته لكن تجاهل ندائها واختفى عنها ، وانتهى حلم روان والحب من طرف واحد حب مميت وفاشل مثل الي يلعب بورق خسران ما ربح شي من هالعذاب ولا كسب شي من سهر الليالي والاحزان...انتهى بشار من عالم روان وتأكدت انه هذا اخر لقاء بينهم ومستحيل يتكرر من يديد....
ماقلت لي شي وش خليت ماقلته
اسكت وخل الكلام لجرحي الدامي
لوغيرك اللي يسولف ماتحمّلته
لكن على شان عينك هانت ألامى
للحب مفهوم عمرك ماتخيلته
ماأظن يستوعبه تفكيرك السامى
هذا الفراق الطويل وهذي أسئلته
هذا حصاد السنين وهذي أيامى
ياما وياما عليك البال طولته
والعمرعدى وأنا عايش على أوهامي
حتى طريق الفراق اللي تساهلته
لقيته أصعب على نفسي من أقدامى
اصبرلي شوي لودمي تثاقلته
بحاول أستوعب اللي صار قدامي
الحب ضحكة بعينك بس ماطلته
عمرك بهالكون شفت أبسط من احلامي
القلب لوماخفق لك كان ماشلته
ولوماأنت ملهم قصيدي جفت أقلامي
هذا قصيدي بعينك لو تجاهلته
ينزف على شأن يروي قلبك الضامى
العام طاري غيابك ماتقبلته
واليوم حرماني أصبح مصدر إلهامى
لاتعتذرلي وابنسى كل ماقلته
وش ينفع العذر لامن ضاعت أيامي
تحياتي /روان الجاسر ...
الله يحفظك.....................!!!
هذي كانت اخر رساله تلقاها بشار من وران ووصته ما يفتحها الا بعد مايركب الطياره .. واهو الحين راجع الكويت بعد ماخلص الدراسه واستلم شهادة المحاماه ورجع محامي وحقق حلم ما كان يتوقع تحقيقه...كان هالسفر شبه ضياع لكن استقل هالضياع برسم صورة النجاح وفرحت منال لما تعرف وتشوف انه كبر وصار شي له قيمته ومستواه في المجتمع..ودعا من كل قلبه ان روان تنساه ولا عاد ترجع تفكر فيه من يديد.....
//
//
عدت الايام والسنين وصار الكل يحمل في طياته اكبر القصص والأسرار ومن اجمل الصدف واروعها علاقه حميمه وصداقه قويه تربط (ريم وأشجان) .. وكبرت هالعلاقه مع مرور الأيام وصارت علاقة غريبه من حيث الثقه المتبادله والحب والاحترام وهذا شي طبيعي بس الغريب ان هالعلاقه عن طريق الماسنجر ... ربطهم مع بعض بالصدفه ومع الايام الطرفين ارتاحوا لبعض وشكوا همومهم لبعض وراح نعرف حيات الطرفين واقوى الاحداث الي في حياتهم...
أشجان: وينج ريوم طول اليوم انتظرج كنت احاتيج....؟
ريم:اسفه غلاتي ... طمنيني عنج شلونج..؟
أشجان:اذا انتي بخير انا بخير...
ريم:انا بخير ماشي حالي....بس مشتاقتلج...
أشجان: فديتج يالغاليه وانا مشتاقتلج..صج اربع وعشرين ساعه مع بعض بس والله اشتاق لج بكل ثانيه....
ريم: أشجان...
أشجان:عيونها...
ريم:انا تعبانه حييييييل...
أشجان ماتت خوف: سلامتج يا قلبي بس شفيج والله بديت اخاف عليج...
ريم:شجون اكلمج بعدين مضظره اطلع...
أشجان:لا ريم صبر طمنيني لا تخليني احاتي....
ريم:اوف لاين............؟؟!!!
أشجان:يالله لييييش جذي ياريم ليييييش....؟
قامت اشجان عن الكمبيوتر واهي تحاتي وخايفه حيل وحاولت تتصل اكثر من مره بس تذكرت ان ريم مسافره السعوديه وما تعرف لها رقم هناك.....
ريم:هلاعمـــي...
ابو فيصل عم ريم الكبير شخصيه قاسيه لابعد درجه ويسمع كلام مرته ويصدقها بكل كلمه وعياله عكسه حبوبين وطيبين : شنو الكلام الي سمعته من خالتج..؟
ريم بخوف:أي كلااام...انا ما قلت شي....؟
ابو فيصل بعصبيه: انتي يا بنت لازم تحترمين نفسج وتعرفين انتي وين ساكنه واحترمي خالتج ولسانج قصيه لا اقصه لج فاهمه..
ريم تبجي:عمي ما سويت شي....
ام فيصل تددخل: أي اكيد تقولين ما سويت شي بس تطردين اختي الي هي مرت ابوج من البيت هذا شي ما ينسكت عنه...
ريم مصدومه:اناااااا .....؟؟ متــىىىىىىى......؟
ابو فيصل: لا تسوين نفسج بريئه وانا عارف وفاهم كل شي انتي انسانه حقيره وما تحبين الخير لغيرج ...
ريم:عمييي بس حراااااام عليك انا ما سويت شي... خلاص تركوني ذبحتوني...
ابو فيصل جن جنونه من سمعها تصارخ عليه فصخ العقال من راسه وصار يطقها من دون رحمه واهي تبجي ووترجاه يتركها وحاولت تنحاش من عنده وانزلت صوب الصاله وكانت تنادي خالد اخوها بخوف وترجي انه يرد عليها بس خالد مو في البيت وصلت ليما باب الصاله ومسكها عمها من شعرها وبدا يجرها : تعالي يالحقيره وين بتروحين صج اهلج ماعرفوا يربونج يالكلبه...
ريم بصراخ:اتركني حراااااام عليييييييك عورتني اااااااااااي عمي ابوس ريلك اتركني ما اعيدها...
ابو فيصل:ومن قال لج بخليج تعدينها اذا ما ذبحتج هني ما اطلع ريال يا بنت امج...
افلتت ريم من أيده وطاحت بالارض وارفعت نفسها بسرعه صوب الديوانيه تنادي خالد ودموعها على خدها وعمها وراها ومسكها وصار يرفس بريوله على بطنها واهي طايحه بالارض وتصارخ.....
ناصر كان بالطريج بيروح عند خالد... واهو بعد بيتهم الاساسي بالسعوديه واصله سعودي بس عايش بالكويت عشان دراسة خواته...واول ما وصل بيت ابو فيصل نزل من السياره وسمع صوت الصراخ واصل اخر الدنيا ما قدر يفكر اكثر ركض صوب الباب وقبل لا يفتحه او يدزه كانت ايد ريم اسرع للباب كانت بتناحش من ظلم عمها ...
ناصر بخوف:رييييييييييييم...........؟ شفيييييييييييييج.....؟
طاحت ريم بالارض والدم يغطي ويها,, جن ناصر من شافها التفت على عمها وصار يصارخ عليه: شسويت فييييييييهااااااااا يا حقييييييييير .....؟
ابو فيصل:انت الحقير والخسيس وين تعرفها تكلم....؟
ناصر ماسك ريم وعينه على عمها: صج واطي ... بنت اخوك ارحمها..حسبي الله ونعم الوكيل فيييييك....
محروم
06-27-2020, 10:00 PM
مد ناصر ايده ورفع ريم من الارض بسرعه وكان بيطلع وتقدم له بو فيصل وحاول يسحب ريم من عنده:وين ماخذها احذفها مكانها واطلع بره...
ناصر بصوت عالي: ما بتخاف عليها كثري ابعد عني...
طلع ناصر وريم بحضنه حطها بالسياره وطيران ع المستشفى وطول الطريج وعينه عليها صبري يا ريم دقايق ونوصل صبري..ما تحمل صوت ونينها واهاتها المخنوقه...
لحظة وصوله وبعد ما دخلوها غرفه الملاحظه اتصل ناصر على خالد وقاله الموضوع كله..
خالد: واهي وين الحين....؟
ناصر:بغرفه الملاحظه لا تخاف اهي بخير....!
خالد:يلا طالع من الاستراحه وياي ....
الدكتور:منو مع المريضه...؟
ناصر:انا دكتور طمني شفيها...؟
الدكتور:المريضه تعرضت لضرب مبرح وهذا الشي لازم يصير فيه تحقيق...
ناصر اختبص مو عارف شنو يسوي: دكتور ارجوك لا تتصرف بشي على ما يوصل اخوها..
الدكتور:وانت شنو تصير لها...؟
ناصر حس ان هذا الشي راح يسبب ضرر لسمعة ريم وتلاحق الموضوع:خطيتبي...!
الدكتور: طيـب ..
ناصر:ممكن اشوفها..؟
الدكتور:من بعيد...
ناصر: حاظر...
قرب ناصر من الزجاج الفاصل بينه وبينها وتم يطالع فيها وقلبه مكسور عليها وما سمح لنفسه انه يكشف على شعرها وقبل لا ينزل المستشفى اخذ شماغه الابيض وحطه على راسها وغطا شعرها عن الناس وعن نفسه...
وصل خالد وشاف ناصر قاعد على الكرسي منزل راسه:وينهاااا...؟
ناصر: لا تخاف داخل...
خالد معصب ومقهور لان رفيجه اخذ اخته المستشفى : وانت منو سمح لك تاخذها...؟
ناصر مصدوم:خالد شفيك انت مجنون....؟ بعد كل الي شفته بأختك والي صار معاها تقول منو الي سمح لي...عمك كان بيذبحها....!
خالد:اكيد اهي غلطت بحقه...
ناصر بإتفعال:خااااااالد شنو غلطت ما غلطت تكلم بعقل يا ريال اختك بتموت عمك مكسر عظامها ومسبب لها نزيف ومع كل هذا تقول اهي غلطانه...ارحمها حرام عليييييييك...
راح خالد صوب الغرفه وتم يخز اخته وقلبه مثل النار غيرته على اخته ما سمحت له او يمكن جبروته وتسلطه يخلونه يفكر هالتفكير...
محمد:انت شتقوووول وينكم عنهااا...؟ وشلون يسوي فيها جذي....؟
خالد:اهي الحين بخير لا تعصب...والي صار صار..
محمد:خالد قسما بالله اذا صار شي بريم لا تلومون الي نفسكم انت وعمك ومرت ابوك انت فاهم...
خالد:لا تهدد قلت لك ما فيها شي...وصار لها اسبوع وحالتها تحسنت...
محمد:مشكلة البيت والمزاد العلني انتهت هات ريم وسلطان ومرت ابوي وارجع الكويت بسرعه...
خالد:يصير خير مع السلامه...
ريم:خالتي لا تروحين...خليج معاي..
ام ناصر:يمه حبيبتي لا تخافين انا معاج بس بشوف ناصر وارجع لج...
ريم:ناصر...؟ خالتي ناصر معاج...؟
ام ناصر:أي يا يمه معاي ويتحمدلج ع السلامه...
ريم:خالتي قوليله اني اسفه... على الي سواه عمي فيه...خالتي ناصر ما يستاهل الي صار معاه بسببي...
ناصر: يمه اهي قالت جذي...؟
ام ناصر: مثل ما سمعت...
ناصر:يمه انتي موجوده وسحر كاهي موجوده ممكن اكلم ريم جدامكم....
ام ناصر:لا يا يمه اذا وصل اخوها وشافك راح يسوي لنا سالفه...
ناصر: يمه من ورا الستار ماراح اشوفها...
ام ناصر:بسرعه...
ناصر:الحمدلله ع السلامه ريم..
ريم قلبها بدا يدق هذا صوت ناصر:الله يسلمك...
ناصر حس من صوتها انها خايفه:ريم انا بقولج كلمتين قبل لا اطلع وامي واختي شاهدين على كلامي...بس ترجعين الكويت انا بكون جدامج وبخطبج من ابوج مفهووووم....يلا حطي بالج على نفسج يالغاليه مع السلامه...
طلع ناصر من الغرفه والحقته امه واخته تمت عند ريم..
سحر: مبرووووك عروستنا مقدما...والله اخوي ما بيلاقي وحده مثلج لا بالجمال ولا بالدلال...
ريم بعدها مصدومه:سحر .. اخوج شنو قال...؟
سحر تبتسم لها : قال انه بيروح ويخطبج من ابوج وتصيرين زوجته وياخذج عنده .. شرايج موافقه...
ريم تبجي: سحر... انا بحلم والا بعلم...شنو الي قاعد يصير...
سحر: علم والدليل شوفي...
ريم:ااااااااي يالدبه يعوووور...
سحر:قلت اطقج على ريلج واشوفج تحسين او لا...؟
ريم بهدوء: أي احس .. واحس اني بحلم مخيف عمي ومرت ابوي واخوي وناصر ... لا لا لا ناصر مو مثلهم صح مو مثلهم...؟
سحر: ريم بسم الله عليج شفيج...اهدي لا تخلين خوفج من عمج ومرت ابوج واخوج يسيطرون على حياتج ناصر غير.. غير يا ريم مو عشاني اخته...بس انتي تعرفين اهو شكثر يحبج ماله داعي اذكرج.. . وانتي تشوفينه اذا سافرتي السعوديه اخذنا كلنا ورحنا وراكم واذا رجعتوا رجعنا وهذا كله عشان ما ينحرم من اخبارج...ريم ناصر من صغرج يحبج...تعرفين شنو يعني يحبج....!
ام ناصر: يمه ناصر انت بتتزوجها حب والا عطف..والا شنو...بالضبط..؟
محروم
06-27-2020, 10:01 PM
ناصر:يمه لا تعتقدين حال ريم وضعفها يخليني اعطف عليها يمه ريم قويه،وانا اعرفها من صغرها واحنا معاهم اكثر من اهل والعشره بينا طويله وانتي تعرفين ريم تنجرح اليوم ويبرا جرحها بعد يوم حتى لو تتصنع هالشي بس ريم قويه يمه انا احبها ما اعطف عليها عارفه شنو يعني احبها ...
ام ناصر:خلاص يا يمه الي تشوفه،، وريم خوش بنت ما تنرد ولا تنعاف الله يهنيك فيها يا يمه...
ناصر : الله كريم يا يمه ...يلا انا طالع الحين عندي مشوار وراجع تبين ايب معاي شي...
ام ناصر: سلامتك الله يحفظك....
انزلت سحر من غرفتها واغمزت له: ناصر ابي اغراض قبل لا تروح...
ناصر يطالعها ومستغرب منها شتبي هذي:خير شنو الاغراض...؟
سحر : امممم تعال معاي المطبخ ممكن لان الورقه هناك اعطيك اياها وبكمل شغلي...
ناصر:روحي هاتيها ورجعي...
سحر انغثت منه:ناصر حبيبي افهمني تعال شوي...
ناصر:اهااا طيب يلا ياي ...امشي...
سحر تطالع صوب الصاله وتسكر الباب:انت شفيك ما تشوفني ااغمز لك يعني افهم بقولك شي....
ناصر:فهمت خلصي شنو تبين.....؟
سحر:ريم ارجعت الكويت اليوم...
ناصر:متى....؟؟؟؟؟
سحر:الضهر راحت وما قدرت تكلمني بس طرشت مسج....والوضع بينها وبين خالد متأزم حيل ..انت لازم تستعجل وتروح لها...
ناصر ضاق خلقه: خلاص سحر خلاص...يلا مع السلامه...
سحر: شنو خلاص تعال قولي شنو راح تسوي...
طلع ناصر من البيت واهو يفكر بريم وباله مشغول عليها ، ما هو قادر يصبر اكثر بيروح ويخطبها ويرحمها من ظلم اهلها والناس، وفوق كل هذا حبه لها يعذبه اكثر ما يهون عليه يشوف الانسانه الي حبها من صغرها واهي تتعذب، لازم ايي الوقت الي ترتاح فيه، واهو يرتاح معاها...ويعوضها كل الحنان والحب الي انحرمت منه من سنين.....
ناصر:انا لج ياريم وانتي لي ... الله يقدرني اعوضج الي رااح ,,,!!!!!
افتح شبابيك الهوى جيتـك اليـوم
بحساس من زود الوله عده ايطيـر
جيتك مثل طفلن له ايـام محـروم
عن حضن امـه بعدتـه المقاديـر
وجيتك مثل عودن له ايام مهمـوم
وده يلاقي باخـر الوقـت تقديـر
وجيتك حضن عاشق وهايم ومغروم
وده يضمك لين تصبح على خيـر
متى تحس ان الهوى شي مقسـوم
من قسمة الخالق على خلقه يصير
[ انتهـــــت الحلــــــقه ]
محروم
06-27-2020, 10:02 PM
الحــلقه الثاني والعشرررونْ
ناصر:مستانسه...؟
ريم:فوق ما تتصور..ماقدر اوصف لك شعوري...
ناصر:وانا بعد احس اني ملكت الدنيا بعد موافقة اهلج...وان شاء الله يا ريم كل الي وعدتج فيه يتحقق قولي امين..
ريم بفرح:امين يارب العالمين...
...
أشجان:والحين ياريم ثلاث سنوات عدة ولليوم تنتظرينه..؟
ريم بصوت حزين:يا أشجان اهو وعدني يرجع وانا بضل انتظره العمر كله..مو بس ثلاث سنين...
أشجان:ريم حبيبتي فكري عدل ، ناصر من ودعج ما سمعتي عنه أي شي ولا قدرتي تتوصلين لاي شي..حتى اخوج خالد الي كان اقرب الناس له ما يعرف عنه شي...
ريم تبجي:أشجان انا طولت عليج..لا تشغلين نفسج معاي..
اشجان:اذا ما تبيني اسمع صوتج وانتي تبجين تعالي ماسن وخلينا نتفاهم ارجوج ريم لا تعذبين نفسج عشان خاطري يالغاليه...
ريم:لا شوشو مو جذي بس انا تعبانه ...
اشجان:دخلي ماسن اول..
ريم: اوكي يلا دخلت...
أشجان: [ عمري وعمرك يالحزن واحد]: احلى باااك...
ريم:[سأبقى في انتضارك]: يسلموا قلبي..
أشجان:ريم والحين شنو راح تسوين مع كل هالضغوط..
ريم:اااه يا اشجان تعبت من كثر ما يقولون تزوجي وانسي ناصر...بس انا ما راح اتزوج الا بعد ماسمع عنه أي خبر...
أشجان:حاولي ياريم تعرفين عنه أي شي من خالد..اكيد يعرف..
ريم:يا اشجان ناصر من ودعني قبل الملجه بثلاث ايام وانا كل ما اتصل عليه مايرد ويوم سافر غير رقمه وسحر صارت ماترد علي...
أشجان: لانه يحبج...
ريم:يحبني ياخذني معاه حتى للموت...بس اهو ما يحبني
اشجان:لا ياريم لا حرام عليج لا تقولين هالكلام .. والله لو سمعته مره ثانيه بزعل منج...اذا انتي رحتي انا منو يبقى لي...ريم تكفين ماسمع هالكلام مره ثانيه...وناصر يحبج ولو ما يحبج ما سوى جذي..اذا انتي متعذبه فهو اكيد عذابه اكبر واشد واقسى ...
ريم: ااااااه ياربي والله اني احبه واموت فيه وكل يوم من بعد فرقاه احسه مثل الخنجر في قلبي بس شسوي محتاره...اهو ذبحني...ذبحني...
اشجان:حبيبتي ناصر يحبج ومستحيل يذبحج...هانت عليه نفسه يصارع المرض والموت بس بعيد عنج ما يبيج تتعذبين معاه..واهو معاه السرطان بالدم يعني ياريم فهمي ....
ريم بإنفعال: ادري ادري ناصر ماااااات مستحيل يكون عايش هالثلاث سنوات مستحيييل...
أشجان:ريم هدي اعصابج يا قلبي هدي شوي ولا بد أيي اليوم ونعرف عنه أي شي...صدقيني...
ريم: (وجه باكي)....
أشجان:لا تبجين عشان خاطر ناصر ادعيله الله يفرج عليه ويشافيه وتفائلي بالخير عندي احساس انه عايش.....
ريم:ثلاث سنين ومازال عندج امل....؟ انا ضاع الامل من عندي ضاااع....
أشجان:ريم حياتي قومي ارتاحي وسمي بالله والله كريم ان شاءالله...
ريم:اوكي حطي بالج على نفسج...باي....
اشجان:باي حبي...
//
ناصر ترك ريم وسافر السعوديه بعد ما اكتشفوا فيه مرض السرطان في الدم (سلامٌ قولٌ من رب رحيم) ما قدر يربطها معاه بالزواج ويشوفها تتعذب واهو يموت، وكان مسلم امره للموت وعارف هذي نهاية هالمرض اللعين...وبلحظه ضعفه ومرضه تذكر لحظه الوداع لحظه انهيار بداية الطريق في حياته...
كان ناصر بالديوانيه ينتظر ريم على ما اتي واول ما سمع صوتها حاول يمسك دموعه ويصبر نفسه على وداعها..
ادخلت ريم واهي مستانسه بوجوده: السلام عليكم...
ناصررفع راسه وكل الحزن بعيونه وحاول يتصنع البسمه: وعليكم السلام..هلا حبيبتي حيااج..
ريم:هلا فيك..شخبارك...؟
ناصر:انا بخير طمنيني عنج...؟
ريم:دام انت بخير انا بالف خير ومو ناقصني غير شوفتك...
ناصر:تتغزلين فيني...؟
ريم بخجل:ناصر...
ناصر محترق قلبه ومو مستحمل يقول لها الخبر:ريــم..!
ارفعت ريم راسها وحطت عينها بعينه: هـلا...
ناصر: تحبيني...؟
ريم مستغربه:شنو هالسؤال...اكيد...احبك...
ناصر يلف ويهه الصوب الثاني:اكيد ريم...؟
ريم بدت تخاف واختفت البسمه من ويها:ناصر شفيييييك لا تخوفني....
رجع يطالع فيها ومسك ادينها:ريم اذا انتي تحبيني فانا اموت فيج ... بس بقولج شي ولازم تسمعيني للاخر...
ريم بخوف:تكلم اسمعك...
ناصر: انا وانتي لازم نترك بعض...
وقفت ريم وايدها على حلجها: شنووو .....؟ انت شتقول....؟ نترك بعض ليييييييييييييييش....؟ انا شسويت....؟ تكلم شسووويت...؟
وقف ناصر ومسكها من جتفها:سمعيني عشان خاطري اهدي شوي...
ريم وادموعها على خدها: اهدا شلون اهدا وانت تقول نترك بعض..؟ انت تلعب والا تتمصخر خلني افهم ...
ناصر:ريييييييييييم سمعيني....ارجوووج فهميني...
ريم بخوف تطالع دموعه وقلبها يدق:..........
ناصر:انا مريض ياريم مريض...ومابيج تتعذبين معاااي...
ريـم بهدوء : مريــض...؟ يعني شنو مريض...؟
ناصر يبجي:ريم لا تسوين بنفسج جذي .. اناخلاص انتهيت وانتي لازم تكملين حياتج من غيري...
ريم تضحك:انت مجنووووون صح...؟
ناصر متألم لحالها : براحتج... مجنون وكل شي.. بس هذا الصج...
ريم واقفه وحاطه عينها بعيونه:تتركني...؟
ناصر:عشانج ...
ريم:وحبي لك...
ناصر يبجي على حالها وحاله:كل شي ضاع بس الحب ماراح يموت...ريم انا ايامي معدوده فهمي يعني شنو معدوده انا مريض بسرطان الدم...
ريم تشهق بصوت عالي:لالالالالا ناصر لا انت مافيك شي قول مافيك شي...قول انه حلم والحين اصحى منه قووووووووووووووول...
ناصر يبجي:ريييييييم خلاااااااص ارجوووج لا تعذبيني معاج خليني اروح متطمن عليييييج ابوس ايدج اهدي شوي ...اهدي هالكلام ماراح يفيد بشي ...
ريم:خلاص اخذني معاك...
ناصر فكر انه يسايرها عشان يقدر يطلع من المحنه الي اهو فيها:خلاص اخذج معاي..
ريم:اكييييييد...؟
ناصر:خلاص باخذج...وراح امرج باجر الصبح بس روحي الحين وارتاحي...
ريم:ببقى معاك..
ناصر:مايصير حبيبتي انتي تعبانه روحي ارتاحي وباجر الصبح بمرج اوكي..
ريم:تجذب علي..
ناصر:في حبيب يجذب على حبيبته....؟
ريم:لا
ناصر:خلاص باجر امرج...
مسكها ناصر وطلعها من الديوانيه ووصى محمد عليها :حط بالك عليها انا رايح ريم امانه برقبتك...
محمد كان اكثر واحد حزنان على حال اخته الحزين وناصر المسكين:لا توصي حريص بعيوني حط بالك على نفسك...
رجع ناصر للواقع غرفه صغيره واجهزه يمين وشمال ومرض وجسم نحيل :ااااااه ياريم مشتاق اسمع صوتج ... اشوفج...بس حبيبج جذب عليج وراح عنج...يااارب ارزقها بالي احسن مني وخلها تنسى ناصر....
///
أشجان:متى بنروح المزرعه اليوم,,,,,,؟؟
ام فواز: أي اليوم ليش؟؟
أِشجان بقلبها:واترك ريم ثلاث ايام ما أشبك...ياربي شهالحال...
أم فواز:شفييييج انتي..؟
اشجان: ولا شي خلاص بقوم اتجهز...
ام فواز:وشوفي سراب جهزيها معاج..انا بروح بيت خالج اشوف شنو جهزوا وانتوا اهني خلصوا بسرعه..
أشجان بملل:زين يمه...
راحت اشجان تجهزت وجهزت لها ملابس لانهم بينامون ثلاث ايام هناك واهي اصلا ماتبي ولا لها خلق تروح..
وبعد ما تجهزوا اطلعت السيارات من بيت ابو فواز وبيت ابو راشد صوب المزرعه وكان الجو باااااارد وايد والغيوم منظرها فضيع...وبعد ما وصلوا نزلوا الشباب ونزلوا الاغراض معاهم ...
علي:يمه ابوي يقول لا تسون غدا اليوم لانهم راح ايبونه من المطعم ..
ام راشد:يكون احسن بصراحه مالي خلق الطباخ والنفاخ اهني...
اروى:يمه انا واشجان بنروح نشوف الخيل لا تقعدين دورين وتسوين سالفه..
ام راشد:زين بس حطوا بالكم..مو تقربون صوبهم...
اروى:خلاص يمه ماراح نسوي شي...يلا شوشو امشي..
راحوا البنات صوب الخيل وكانوا يهبلون بكشختهم وحلاهم ما كأنهم في مزرعه..اشجان كانت لابسه بنطلون جنز أسود وبدي ابيض في كلام بالانجليزي لونه اسود وربطه على الرقبه وجاكيت ابيض وبوت طويل ابيض منظرها كان خلاب..واروى نفس الطريقه والالوان تختلف ...
اروى:يلا وصلنا قوليلي شنو فيج..شكلج مو مستانسه..
اشجان بحزن:مافيني شي..
اروى:شلون يا قلبي مافيج شي..والله باين من عيونج انج زعلانه...
أشجان: لا بس مالي خلق اليوم على الطلعه...
اروى:ماصدق انتي مالج خلق تطلعين , انتي اكثر وحده تحب هالمكان...
أشجان:اااااااه صدقيني عادي...لا تحطين في بالج...
أروى بنظرات خبيثه:زين شرايج...؟
اشجان:يمه منج...شنوو..؟
اروى تأشر على الخيل:هناااااك...!!
اشجان تضحك :شنو هناك...
اروى:يا فهيمه نروح نلعب مع الخيل شوي..
أشجان: لا يا ماما انا اخاف منهم ...
أروى:لا تخافين ما راح نركب بس نقرب شوي...
أشجان تفكر:زين واذا صار شي...
أروى:مايصير شي يالدبه لا تخافين...
أشجان:زين نمشي بس لاتقولين دبه انا ماني دبه..
اروى:أضحك معاج انتي في احد مثلج..ههههههههه يلا يلا ...
...
جراح: يمه وبعدين يعني انا اساعدج في المطبخ والبنات وين يعني....؟
ام راشد:يوو عاد لا تصارخ وانت شقاعد تسوي .. ماعليك غير تسطر الصحون بالصينيه ..لا تمن علينا بهالشغل الي تشتغله..
جراح:لا والله مو انا خدام عندكم..
ام راشد نفذ صبرها:جرااااااااح بسسسسسسسسسسسسس..
محروم
06-27-2020, 10:03 PM
جراح:زين زين طالع وخلي البنات ينفعونج...
طلع جراح واهو معصب ومتحلف بأروى اذا شافاها بيكسر راسها...واهو يمشي صوب الاسطبل سمع صراخ البنات وراح يركض...
اشجان طايحه بالأرض واروى يمها والاثنين يصارخون ويتألمووون...
جراح:شفييييييييكم....؟
تكلمت أروى بصعوبه:طحــت من الحصاان..ااااااه...
التفت جراح على أِشجان واهي بعدها تتلوى من الألم :اشجان شفيج...؟
حاولت اشجان انها توقف بس ماقدرت كل ما توقف تتعذر من شده الالم وتطيح...
جراح بخوف:انتوا هي تكلموا شسويتوا..؟
اروى تبجي من العوار:ياخي لا تصارخ..انا صعدت على الاحصان واهو مادري شصار فيه وحذفني من ظهره....
جراح:ومن قال لج تصعدين انتي بعد..؟
اروى:صعدت والي صار صار...بس الحين شسوي ريلي تعورني..
جراح:تستاهلين من اللقافه..وانتي اشجان بعد كنتي صاعده معاها...؟
أشجان بألم تطالع فيه:لا ما صعدت بس..حاولت امسكها قبل لا تطيح عالارض وطاحت علي...
جراح:وانتي اروى كل المصايب من تحت راسج...
اشجان:الحين لا تصارخ خلاص مافينا شي..
جراح:شلون مافيكم شي شوفوا اشكالكم شصاير فيها من شده العوار..
حاولت اشجان انها توقف وكانت بطيح بس مسكها جراح: انتبهي لا تتكسرين مره ثانيه..
أشجان مستحيه منه: زين خلاص وقف..ممكن شوي بروح..
جراح: تفضلي...
أروى: تعال ساعدني بموت من العوار..
قرب لها جراح وساعدها:وانتي ثاني مره ما تعيدين الي سويتيه لو متكسرين الحين..
اروى بخباثه: ياخي انا الي تكسرت مو الحلوه..
جراح:جاااااب يا غبيه...والله محد كسرها غيرج انتي...
اروى:اقول ترا انا اختك..
جراح:اقول امشي وانتي ساكته اشرف لج...
راحوا كلهم وتغدوا بس ما قالوا لهم على الي صار عشان ما يخربون عليهم الطلعه وطول الوقت كان جراح يراغب اشجان خايف انها تعورت واهي بطبعها تكتم كل شي حتى جرحها...
صار الليل والكل تعب ونام .. الا اشجان ما كان ياي لها نوم وتمت سهرانه مع اروى ليما نامت من التعب..
أشجان:أروى نمتي,,؟
اروى ميته نعاس:شتبين بنام..حدي تعبانه..
اشجان:زين انا قاعده بروحي..
اروى:نامي..
اشجان:مو ياي لي نوم..
اروى:انطقي برا فكيني..
قامت اشجان واحذفتها بالمخده:نامي اوووف منج..
اطلعت اشجان من الغرفه وكان الجو باااااارد حطت ربطتها على رقبتها واطلعت اقعدت برا صوب النار الي كانوا سهرانين يمها والجوو بارد وكانت تحاول تدفي نفسها بالنار الي جدامها ’ وكان تفكيرها بريم وشصار معاها تحس انها مخنوقه اذا ما كلمتها والتليفون نسته في البيت...
تمت قاعده بضيقتها وبألم ريولها الي يعتصرها كل دقيقه...واهي تحب هالمكان وما تخاف منه حتى لو قعدت بروحها فيه..
جراح:ياربي الوقت تأخر متى انام والله مليت سهران بروحي شنو هالزهقه...يوو احسن شي اقوم اشم هوا برا احسن من الخنقه اهني..
طلع جراح واهو زهقان وتعبان مره من التفكير ومره من السهر ، وانصدم من شاف اشجان قاعده بروحها برا..
جراح:أشجاان ..؟
فزت اشجان بخوف: بسم الله ...
جراح:اسف خرعتج..
اشجان: لا عادي بس كنت سرحانه وانت فززتني..
جراح:ليش سهرانه...؟
اشجان:ما ياني نوم...!
قرب جراح صوبها وقعد قبالها وتم ساكت شوي ورفع عينه عليها:تعورج...؟
اشجان بإستغراب: شنو..؟
جراح:ريلج...؟
اشجان بلإبتسامه:لا ..
جراح حس انها تجذب عليه لان ملاحظها واهي تحسس عليها: بس انا اشوف انها غير جذي...
اشجان: لا صدقني عادي...
جراح سكت شوي وتذكر موقفهم يوم كانوا صغار واحفروا تحت الشجره وحطوا لعبتين داخل الصندوق ابتسم واهو يتذكر هالشي..وتمت اشجان تراقبه...وتضحك:شفيك تبتسم...؟
جراح:تذكرت شي...
اشجان : شنو هالشي...؟
جراح كان بيقوله لها بس سكت:سلامتج ولا شي..
اشجان تضايقت حست انها تدخلت بخصوصياته: اوكــي ..
فجأه صار الهوا عالي وازداد بروده , اشجان ضمت ادينها على بعض من قوة البرد
جراح:الجو صار بارد حيل شرايج ندخل..
اشجان:لا انا بقعد انت روح نام...
جراح بقلبه وانا ما عونت اني اشوفج تقولين روح نام: بس انا مابي انام..
اشجان تبتسم:عيل اقعد ..
جراح:امممم صبر بروح شوي وارجع...
أشجان مستغربه من حركاته: براحتك..
راح جراح المطبخ وسخن الحليب الموجود وحط بقلاصين واحد له وواحد لها ، ورجع لها..
جراح:تفضلي..
اشجان:تسلم ,,بس ليش تعبت نفسك..؟
جراح يتأملها: شفت ان الجو صار بارد لازم شي حار نشربه وانا متعود اشرب حليب بالبرد يدفيني شوي..
أشجان:يا سلام عليك ,, طلعت تعرف حق المطبخ مو جذي..
جراح:مو وايد.. بس اذا طلعنا مع الشباب المخيمات .. شغل المطبخ علي اكثر لهم من العيش الابيض والعدس ..
اشجان:هههههههههههههه يا حليلك...
جراح:وانتي شنو تطبخين..؟
أشجان انحرجت من سؤاله:اممم انا ماحب المطبخ بس اعرف اسوي شي خفيف..
جراح مصدوم:ما تدخلين المطبخ.....؟
اشجان تضحك:لا لاني ماحبه..
تذكر جراح لوحاتها وحب يسألها:زين بعدج ترسمين..؟
أشجان بحزن:لا
جراح:ليييييييييييش؟؟
اشجان:تركت الرسم من عمر والحين ماعندي القدره اني ارجع وارسم..
جراح:وشنو السبب...؟
أشجان تذكرت الاسباب وتكدر خاطرها وبان هالشي عليها وتمت ساكته..
جراح:اسف اذا ضايقتج..بس صج خساره..كنتي ترسمين رسم وايد حلوو
اشجان:.........
تم جراح ساكت وعينه بالنار خجلان منها حس انه ضايقها واول مارفع عينه عليها لمح دمعتها على خدها هالدمعه حركت فيه كل المشاعر تمنى لو يقرب لها ويمسحها عن خدها ولا يشوفها..
انتبهت له اشجان واهو يطالع فيها امسحت دمعتها بسرعه وابتسمت له:
جراح:مني هالدمعه..؟
اشجان:لا لا عيوني دمعت بروحها لاني نعست مو اكثر...
اوقفت اشجان تبي تروح ووقفها جراح: لا تحبسين دموعج اكثر من جذي...وانا اسف اذا ضايقتج وحطي بالج على نفسج..
أشجان ماعرفت شنو ترد عليه تمت ساكته وراحت فراشها تبي تنام بس ماقدرت كان تفكيرها كله بكلام جراح..
في اليوم الثاني الكل قام من النوم مبجر الا اشجان تأخرت...
ام فواز:اروى وين اشجان...
اروى:خالتي بعدها نايمه...
أم فواز:روحي قعديها صارت الساعه 1 الظهر ..
اروى:زين خالتي الحين بروح..بس والله لي ساعه اقعدها ماترد...
جراح كان قاعد ويسمع الكلام اول ماطلعت اخته لحقها:اروى صبر..
اروى:خير جراح...
جراح:اشجان شفيها ما قعدت؟ اخاف تعبانه...
أروى بنظره:وانت شنو يهمك..؟
جراح:لان امس طول الوقت كانت سهرانه ما نامت...
اروى:وانت شعرفك...؟
جراح:شفتها امس كانت قاعده برا صوب النار...
اروى:اهااا قول جذي...لا ما فيها شي بس اهي مادري شفيها من امس متضايقه..
جراح:أي حتى انا لمحت هالشي...
اروى:زين جراح الحين بروح اقعدها وارجع لك...
جراح: الله معاج...روحي...
ادخلت اروى الغرفه واقعدت على السرير تحاول تقعد اشجان بكل الطرق بس مافي فايده وبدت تصارخ عليها:اشجااااااااااااااااااااااااااااااان قوووووومي قووووووووومي خلصيني...
أشجان بخوف:شفييييييييييج....ليش تصارخين....
اروى:واخيرا قعدتي..يلا قومي صارت الساعه وحده الظهر...
اشجان ترفع البطانيه وتقوم:من صجج وحده...؟
محروم
06-27-2020, 10:04 PM
اروى: أي والله ... يلا قومي تكفين والله مليت من الصبح قاعده بروحي...
اشجان:محد قالج تنامين مبجر...
اروى:عيل مثلج سهرانه للصبح عند النار...
اشجان مستغربه: منو قالج...؟
اروى:جراح...
اشجان تبتسم: أي يا حليله امس كان قاعد معاي ليما طلع الصبح وكسر خاطري شكله وايد كان تعبان ونعسان...
اروى بقلبها:يا مقرود ياخوي هلكت عمرك من الحين.../زين شوشو شنو راح تلبسين..
اشجان:والله مالي خلق اليوم .. بلبس البدله السماويه الي شريتها قبل يومين...واريتج اياها مو جذي...
اروى:أي شفتها خلاص وانا بعد بلبس نفس الوانج...
اشجان تضحك:وليش ان شااءالله..
اروى:لاني احبج...
اشجان تروح الحمام :حبتج العافيه...يلا طلعي خل اخلص واطلع لج...
ااطلعت اروى وبعد نص ساعه اطلعت اشجان من الغرفه واهي طالعه الحديقه شافت جراح جدامها:مسااء الخير...
جراح قلبه بدا يدق من شاف جمالها وسمع صوتها البريئ تم يتأمل فيها : مساء النور..وصح النوم...
اشجان:صح بدنك..جراح وين اروى ما شفتها...؟
جراح وعيني تشوف غيرج:هااا لا ما شفتها بس يمكن عند امي وعمتي ...
اشجان تبتسم:اوكي .. بروح اشوفها...
جراح:اشجاااان...!
اوقفت اشجان والتفت له: هلا...
جراح تلعثم كل ما يشوف عيونها يضيع:امممم ما اشتقتي حق الشجره هذيك...ويأشر صوبها...
اشجان تمت ساكته وفيها ضحكه كبيره لانها تذكرت واعرفت شنو يقصد جراح:بــلى اشتقت لها وفقدتها بعد...
جراح مستانس لانها ذاكره وعارفه الموضوع:نروح نشوفها اليوم...
اشجان: وليش لا...ان شااءلله....
جراح طار من الفرح:الساعه 4 العصر اوكي ..
اشجان:اوكي...
راحت اشجان وتم جراح سارح بفكره معاها يموت فيها من صغر ويحبها حب فضيع، واشجان ما تعرف أي شي عن هالحب..وكل الي بقلبها حق جراح مجرد مشاعر عاديه ما تنم عن أي حب او شي من هذا..عكس جراح الي متولع فيها..
بعد الغدا الي كان قاعد في الحديقه ووناسه وضحك الشباب قاعدين وكل واحد لاهي بنفسه
اروى:شفيج انتي ...؟
اشجان:اشتقت لها مووووت...
اروى:والله ما تستحين..الحين معانا وحالتج حاله وتقولين مشتاقه لها..
اشجان:شسوي وربي مو بيدي...ياليت عندي تليفون واتصل عليها...
اروى:والله ما اعطيج ولا تتصلين وطيري ... خلي ريم تنفعج..
اشجان:امانه لا تتكلمين عنها جذي والله ازعل منج...
اروى:زين زين..
اشجان: شنو زين زين..
اروى:يا اختي ما اكلمج...اكلم جراح مادري شنو يبي..
اشجان:روحي شوفيه شنو يبي...
اروى:مالي خلق....
تذكرت اشجان وطالعت الساعه:يوو اروى قومي معاي...
اروى: وين..؟
اشجان:قومي وانا اقولج..
قاموا البنات وراحوا صوب الشجره و دقيقتين وجراح عندهم....
اروى:شعندكم...
اشجان: ولا شي بس جراح بخاطره ايي هني وقلنا الساعه اربع نكون موجودين هني...
اروى:تخز جراح تعرف الي اهو يفكر فيه..وتضحك على اشجان الي ماخذه الموضوع عادي...
قعد جراح واقعدوا البنات وتموا يسولفون عن كل شي الدراسه والحياه وجراح كان مندمج بكلام اشجان ويسمع كل حرف اهي تقوله وعرف انها تحب تلعب كره الطائره وهوايتها الي تمارسها باستمرار..وفجأه اسكتت اشجان وتمت سرحانه..
جراح يخز فيها وبخاطره يقول ويسمعها شكثر اهو يحبها ويموت بوجودها ويحس بطعم الحياه غير معاها..بس اهي ولا عارفه بالمره..
اروى:شفيج سكتي فيه شي..؟
اشجان بصوت واطي:لا بس ماني قادره اتحمل اكثر...
اروى:يوووووو اشجان ويعه ذبحتيني..والله بقوم...
جراح:شفيكم..؟
اشجان:ولا شي..
اروى:ياخوي هالبنت مو صاحيه...ماهي قادره تتحمل تبي تكلم رفيجتها ونقالها في البيت..كل شوي تقول مليت برجع..
جراح:افااا مره وحده مليتي وبترجعين:خلاص اخذي تليفوني واتصلي...
اشجان:لا مايهم خلاص باجر بنرجع واكلمها...
جراح:وبتمين جذي ليما باجر...
اشجان:عادي...
جراح: لا مو عادي ولا يهون علينا..يلا نبيج مستانسه..اخذي اتصلي عليها....
اشجان تطالع جراح ومستحيه منه:والله ماله داعي..
جراح:انا الحين ماد ايدي وترديني...؟
استسلمت اشجان واخذت النقال وقامت بعيد عنهم شوي واتصلت:الوو مرحبا ريامي..
ريم: هلا وغلا دنيتي وينج انتي لج يومين ما شفتج..
اشجان:فديتج والله مو بيدي طلعنا المزرعه وتليفوني نسيته في البيت وربي ماعرفت انام ولا اقعد من دون لا اكلمج...
ريم: ياحياتي انتي...امانه استانسي ولا تهتمين فيني..عشان خاطري..
اشجان:ياليت اقدر...بس قوليلي اخبارج عالسريع..
ريم: أي صج هذا رقم منو اول...
اشجان: ولد خالي...يلا مابي اطول قوليلي...
ريم:ههههه يا بعد قلبي وربي اني بخير ومشتاااقتلج حيل حيل وانتظرج تردين بفارغ الصبر...
اشجان:فديتج خلاص لا تشلعين قلبي باجر برجع وبعد ماطلع وانسى تليفوني..
ريم:يلا حبي اخليج الحين لا تتأخرين على تليفون الولد...
اشجان:اوكي يلا باي وحطي بالج على نفسج....
اشجان:اتفضل مشكووور...
جراح:خلصتي..؟
اشجان:أي..
جراح: ما يمدي تكلمتي..
اشجان: لا الحمدلله تطمنت عليها...يعطيك العافيه...
جراح:الله يعافيج ..يلا نرجع..
اروى:وشنو وراكم...يلا انا بروح...
صار اليل وقررو يلعبون كره طائره والبنات معاهم وهذي كانت فكره جراح يبي يشوف لعب اشجان وأصر عليها تقوم تلعب معاهم واهي مالها خلق..
فواز:يلا شوشو بليييز لا تصيرين ثقيله طينه قومي...
اشجان تضحك: والحين ظروري العب معاكم..اخاف تكسروني..
جراح:ماعاش من يكسرج يلا قومي...
قامت اشجان واروى وفجر وجراح وفواز وعلي وراشد كلهم يلعبون..البنات مع بعض وعلي معاهم::والشباب مع بعض...
جراح:الارسال عند منو يا بنات...
اروى:انا ماعرف خل اشجان تسوي الارسال..ههههههههه
اشجان:كسرتوا ايدي من هالارسال..يلا هاتي...
تاخذ اشجان الكوره وتحذفها ارسال قوي الكل منبهر من طريقة لعبها المحترف..
البنات:وااااااااااااااااااو هدف لنااااا طاحت في ملعبكم...
فواز:وتبون تخسرون اختي والله انكم مو قدها..
جراح ميت ضحك ومستانس على لعب البنات واكثر شي على اشجان وكـأنه مفتخر فيها بين الكل و مع افكاره وهواجيسه فيها سمعوا صرخت البنات:أشجااااااااااااااااااااااان ....
راحوا الشباب يركضون صوبها ورفعها فواز عن الارض:أِشجان شفيج كلميني...
أشجان حاطه ايدها على قلبها وراسها على صدر اخوها:مادري مادري قلبي يعورني...
فواز:راشد شغل السياره خل اوديها المستشفى...
اشجان بصوت متقطع:لا لا يا فواز..مابي
راشد:واهو بكفيج شوفي ويهج انخطف لونه..
جراح ميت خوف وعينه عليها وبهاللحظه تتشابك عيون اشجان بعيونه الخايفه وتبتسم له :لا تحاتي...
تكهرب جراح من صوتها:سلامتج شوشو...
حاولت اشجان تقوم واخوها ساندها:لاتحاتي صدقني يعورني من البرد ولاني ركضت شوي..
فواز:خلاص اليوم نرجع البيت..
أِشجان:لا مانرجع الحين بنام واصير احسن...
جراح حس بتأنيب الضمير وحط فباله انه اهو سبب تعبها لانه جبرها تلعب معاهم....
وبعد ما نامت اشجان وارتاحت تم جراح رايح راد يسأل عنها ويشوف اخبارها...واروى تطمنه انها بخير وما عليها شر .. بس تدفت صارت احسن...
صحت اشجان الصبح وحست نفسها مرتاحه اكثر تسبحت وبدلت ملابسها واطلعت من الغرفه وكالعاده مافي احد الكل نايم هالحزه...
راحت صوب المطبخ وجهزت لها ريوق تاكله لانها ميته من اليوع اول ما انتهت من الريوق
حطت قلاص النسكفيه على الطاوله وراحت اتيب جاكيتها لانها بردت..
دخل جراح المطبخ وشاف الريوق على الطاوله وانصدم منو الي مجهز الاكل واهو كان يوعان
وريحة النسكفيه اجذبته انه يقرب لها ويشرب منه شوي،مسك القلاص وقربه من حلجه شم ريحه عطر مو غريبه عليه:ياربي هالعطر مو غريب انا شامه اكثر من مره....اي بلى هذي ريحة اشجان ...معقوله تكون قعدت وسوت هالريوق بس وينها....؟
أشجان:صباح الخيـــــر....
فز جراح من سمع صوتها والتفت عليها واهو يبتسم:صباح الورد ...
أشجان تطالع القلاص واهو بين ادينه ماسكه بكل قوته وكأنه بيطير منه:امممم يوعان...
جراح استحى منها لان قلاصها بإيده:لا بروح اطلع شوي..بس طمنيني شلونج الحين...
اشجان:الحمدلله احسن...
جراح:والله خوفتينا عليج....
اشجان:اسفه بس والله مادري شنو الي صار فيني..من شده البرد يمكن...
جراح:خلاص تدفي وحطي بالج على نفسج..يلا قعدي تريقي اخرتج...
اشجان:ومن قال بتريق بروحي...؟
جراح يبتسم:يعني اتريق معاج..؟
اشجان:ياليت..لان ماحب اكل بروحي..حياك..
قعد جراح وقلبه يدق في الثانيه مية مره وطول ماهو يتريق عينه ما تفارقها يدقق باقل حركاتها ’ ويتكلم معاها بكل صدق واهي ترد عليه بعفويه طاغيه,,حس بروحها الصادقه وجمال قلبها..
وكل ما تذكر الماضي يتكدر عليها ويكره الايام الي راحت اكثر واكثر....
انتهت الحلــــــــقه