الفصل 6
▇ـ▄▄▄💜 ▄▄▄ـ▇
روايـــــــــــة 💜
{ من نورك الفاتن زال الجلاء وانزاح
ومن حسنك الريان مال الهوى فيني }
▇ـ▄▄ @ahgeel ▄▄ـ▇
البارت « ٦ » .
,
نزل بسرعه ومشى بحده لجهة أحد الدكاكين
وقف وهو معقد حواجبه من حدة صوت البنت على النور بحده ألجمتها؛قطع الله ذا الحس أبلعي لسانك لا ابلعك اياه
النور لفت ناظرته تحس جاها الفرج من نظرات الناس لها
البنت بسخرية؛آوهه جاء حبيبها اصلاً معروف عنك انك*
ناجي اخذ العلبه اللي فوق الطاوله ورماه على فمها بعصبيه؛يابنت **** خمي نفسك وأطلعي من الديره ولا اشوفك جايه هالصوب
البنت بكت من قوة الضربة اللي جاتها وهربت منه
النور؛عز الله مقامك ياناجي
ناجي تنحنح واخذ نفس يهدئ عصبيته؛الله يعزك
فالح همس؛ناجي خلنا نروح قبل لا يجون
ناجي لف عليه بحده؛ماني حرمه اهرب منهم اللي في ابوه خير يجي ويفتح فمه
لفت النور بتمشي ترجع البيت كافي اللي صار لها اليوم
ناجي؛يابنت العنود صبر
النور لفت تناظره تشوفه يكلم العيال اللي جالسين لف وجاء معها؛امشي أوصلك للبيت
النور؛الله يديمك انا بروح لحالي
ناجي عرف انها خايفه من هرج الديره؛طيب براحتك
مشت وهي تحاول بشتى الطُرق ان تداري نظرتها م تلين ابد وكل من مر من صوبها خزته بنظرتها الحاده وكسرت نظره ، ابتسمت من شافت نوف؛اهلين نوفي
نوف؛هلا نوري شخبارك!
النور؛الحمدالله بخير
نوف بحماس؛اسمعي اليوم عازمتك عندي م فيه اعتراض
النور؛اعذريني ياعيني م اقدر اترك امي !
نوف؛عمتي العنود بتنام من الساعه ٧ وانتي تعالي ترى البيت جنب البيت
النور ضحكت؛وين جنب البيت الله يصلحك بشوف وارد لك خبر
نوف؛م فيه اعتراض ولا والله ان اجيك واتلك بشوشتك
النور؛ابشري خلاص يلا فمان الله
نوف؛بحفظه يعيني
دخلت النور بيتها ونوف رجعت لبيتها .
.
.
كان يراقبها بكل تحركاتها من طلعت من السوق
اخذ نفس عميق وغمض عيونه من دخلت البيت
تفاجئ باللي يدق كتفه بقوة لف عليه وملامحه حاده؛نعم اخوي!!
ناجي مشمر عن ذراعه والسبحه بيده؛الا انت نعم !! وش تسوي هنا!! ومن انت !! ابتسم بسخرية؛على اي سؤال اجاوب!
ناجي حك جبينه؛شكلك غريب عن الديره ولا م كان جاوبت كذا
يناظر ملامحه بتعمق؛مو انت ولد لافي!
ناجي احتدت ملامحه؛وصلت ومن انت!
جراح؛جراح م راح تعرفني
ناجي؛وش مصلوحك هنا!
جراح شتت انظاره حواليه بنظره سريعه؛ابي بيت العمه العنود ! صح هنا!
ناجي؛وش تبي فيها!
.🌱
#انتهى♥
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي➥ ⇩⇩
▇ـ▄▄▄💜▄▄▄ـ▇