ماقلت لك قد الغياب اشتقت لك - الفصل 36 | روايتك

ـ *`ࢪواية:`* *ماقلت لك قد الـﻏﯾاب أشتقت لك* ـ *`ﻋدد الباࢪت:`* *«³⁶»* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏رواية ما قلت لك قد الغياب اشتقت لك : الفصل السادس والثلاثون : بالمول دخل طلال وتوجه للكوفي الي متفق فيه مع البنت دخل الكوفي وعرف البنت من شكل عبايتها الفاسخ قرب منها وجلس ومن غير سلام :والحين وش تبين ضحكت بدلع وهي تناظر له :ابيك انت طلال بطفش :لاحول انتي ماتفهمين ترى زهقت منك قلت لك انا ماعاد لي بهالحركات مدت يدها ومسكت يده بجراءه :بس انا أحبك من شفتك بهذاك اليوم بالسوق وانت داخل قلبي أخذت رقمك وجلست كل يوم ارسل لك طلال سحب يده منها :بس كنت أنا اطنشك صح ردت بدلع :صح بس انا عارفه انك مع الأيام بتحبني طلال بملل :لاحول انتي ماتفهمين اقولك انا ماأحبك ولااتشرف أحب امثالك واذا ماتبين شي بروح بنفس المول الي فيه طلال البنات يمشون ويشترون دخلوا كم محل واخذت اروى لها فستان وافنان بعد اخذت لها فستان ومنار أخذت لها فستان هادي وملاك بعد اخذت لها فستان هادي وجلابيه لأمها ومن محل لمحل حتى خصلوا كل اغراضهم ملاك بتسال :أروى غلا ليش ماجت معكم اشتقت لها الدبه أروى ابتسمت :ههههه غلا طايحه بالغرام اقولك طلعت لها جناحها ابيها تروح معانا بس الوليد ماخلاها تخيلي ضمها قدامي ويقول مايقدر يجلس بدونها قمت انا استحيت وطلعت ابتسمت ملاك عرفت من كلام أروى أن حال غلا تعدل مع الوليد :الله يوفقهم يارب أروى :امين منار قفلت جوالها الي كانت تكلم فيه :بنات دق علي حمد يقول ينتظرني تحت يلا انا اخليكم أروى ابتسمت :روحي ياقلبي الله معاك خلاص خلصنا اغراضنا منار أخذت أغراضها من البنات :يلا اخليكم سلموا لي على امي وابوي أروى :يوصل حبيبتي سلمت عليهم منار وراحت وتركتهم التفت أروى وانتبهت لمحل ساعات :بنات وش رايكم نروح هالمحل أفنان بتعب وهي شايله أكياس بيدها :اااخ تعبت الي يروح معك يكره نفسه أروى ضحكت :ههههه لازم يااختي نخلص اليوم ترى ماعندنا وقت أحمدي ربك اني اجهزك معي وبعدين اذا تعبتي روحي اجلس بالكوفي انا باقي بروح محل السااعات أفنان ابتسمت بحب اصلنا من غير أروى ماراح تعرف تشتري شي لاعندها اخت زي الناس ولاشي :وهذا الي بيسر تكسرت رجلي وناظرت ملاك :ملاك تجين معي ملاك بتعب :أخ حتى انا رجلي اوجعتني أروى بروح مع أفنان أروى :مالت عليكم اماشي عجايز روحوا بس وراحت وتركتهم واقفين مشوا أفنان وملاك وهم يضحكون عليها كتبوا لها خروج وهي باقي ماحكت ولاحرف وصلوا لبيتهم ونزل فيصل فتح لها الباب وساعدها تنزل وقف عند باب البيت وفتح الباب مسك يدها وهو يمشيها معه :نور البيت بطلتك يالغاليه دخلت جمانه وهي تناظر للصاله والدرج وانعاد عليها كل شي اشرت بيدها على الدرج وهي تبكي وترتجف :فيييييصل فيصل خاف عليها وسحبها لحظنه :عيون فيصل وقلبه احكي ياقلبي احكي وش ألي صار لك جمانه ببكا :ذبحت ولدي فيصل بحنان :مين قولي ياجمانه جمانه رفعت رأسها له وهي تهز راسها :ماأدري تقول انها اخت غدير عقد فيصل حواجبه ""اخت غدير هي ماعندها إلا اخت وحده وبعد فاصله لايكون طلعت من مستشفى الصحه النفسيه "" :ماقالت لك اسمها جمانه ببكا :إلا قالت اسمها منى هي يافيصل ذبحت ولدي هي حرمتني منه اهههههيييي اهههيه اااااااه فيصل تأكد أنها منى اخت غدير بس متى طلعت من المستشفى شد على يده بكل قهر """حسبي الله عليك يامنى"" سحب جمانه وضمها ومسح على شعرها :خلاص ياقلبي اهدي كل شي يتعوض الله يعوضنا خير منه صح انتظرها ترد بس ماردت عليه جمانه لانها نامت بحظنه شالها بخفه وطلعها لغرفتهم وهو يدعي الله انها تتجاوز هالفتره ومنى هذي له تصرف معها مهما كان لازم يرجعها المستشفى رجعت غلا مع أمها لبيتهم وقفت أم غلا تناظر لغلا وهي واقفه تنتظرها تبيها تدخل البيت بس غلا كانت تسترجع يوم جات هنا اول مره وقفت نفس هذي الوقفة ناظرت للبيت الكبير ودموعها تنزل من تحت النقاب وببالها كلام كثير ""هذا مو بيتي بيتي راح واحترق احترق بكل مافيه ابوي اختي اهلي راحوا وينك يااسيل وينك ياجمانه اختكم محتاجه لكم اختكم تبي تشكي لكم تبي تبكي لكم تبي ترتااااح """ انتبهت لام غلا تناديها نزلت راسها ومسحت دموعها عشان ماتنتبه لها أمها :هلا يمه ام غلا حست فيها حست انها متضايقه ومو راضيه تحكي امسكت يدها وبحب :ادخلي يمه ادخلي غلا مشت معاها ودخلت اول مادخلت شافت ابوها اشتاقت لهذا الشخص الحنون الي عوضها عن حنان ابوها راحت له وسلمت عليه بكل احترام :وشلونك يبه أبو غلا من شافها حس أن الدنيا نورت بعيونه :هلا هلا ببنيتي تو مانور البيت حيا الله غلاوي ابتسمت غلا وهي تشيل النقاب :منور بوجودك يالغالي جلس أبو غلا على الكنبه :تعالي يبه إجلسي معي اشتقنا لك والله يابنتي غلا بحب :وانا بعد يبه يلا بجلس عندكم يومين ابو غلا بخيبة :بس يومين ضحكت ام غلا وهي تجلس جنبهم :ههههه وش تسوي عاد مو بكيفها الوليد يقول مايقوى على بعادها ضحك أبو غلا :هههههه يحق له استحت غلا من كلامهم رغم أنها عارفه ان الوليد قالها مو من قلبه وقف أبو غلا بفرح:بهذي المناسبة أن غلاااوي عندنا وش رأيك يااميره بماان الجو حلو نطلع الحديقه ونشوي فيها ونتعشى ونستانس مع بنوتنا قبل لا يأخذها منا وليدوه ضحكت ام غلا :فكره حلوه وناظرت لغلا :يلا حبيبتي شيلي عبايتك وتعالي جهزي معي لسهرتنا ابتسمت غلا وهي تقوم :اوكيه وراحت مع أمها يجهزون لسهرتهم وهي تحاول تتناسى همومها وتعيش يومها مع أطيب قلبين دخلت أروى المحل وهي تناظر للساعات أخذت لها ساعه ذهبيه وفيها كرستال فضي تذكرت فهد وفكرت تشتري له وحده واعجبتها ساعه لونها اسود وفضي اشرت عليها وهي تكلم البايع :لو سمحت أعطيني هاذي :لو سمحت أعطيني هاذي أروى لفت تبي تشوف مين هذا الي يبي نفس الساعه الي تبيها وانصدمت من شافت فهد واقف جنبها وياشر على الساعه همست بصوت خاافت جدا :فهد فهد سوا نفسه أنه ماعرفها وهو اصلنا عرفها من دخل المحل طنشها وهو يكلم البايع :أعطيني ابي اشوفها أروى ناظرت له ولفت للبايع :أنا ألي قلت قبله البايع محتار يعطي مين : مافي إلا قطعة وحده من هاذي الساعه أروى مدت له بطاقتها بسرعه :هاتها انا دخلت قبله صح البايع غلفها لها واعطاها: تفضلي وفهد من أول يناظرها وفيه ضحكة تظن انه ماعرفها أروى :شكرا البايع:العفو المحل محلك طلعت أروى وهي تحس باحراج """وش جابه لا ونفس المحل الي انا فيه ياربي انا كنت ابيها مفاجاءه بس شكله ماعرفني """ همست : ياربي وش المواقف الي دايما انحط فيها مع فهود ابتسمت يوم نطقت اسمه كذا : ياا لله اشتقت له طلع فهد بسرعه وراها وقرب منها وفيه الضحكة هو عارف ومتاكد أن الساعه له وقف جنبها :لمين الساعه أروى التفت له وابتسمت :تكلمني فهد يلتفت يمين ويسار :وفي أحد غيرك واقف هنا يا أروتى أروى من سمعته ينطق اسمها ظنته انه سمع دقات قلبها وهي تدق بقوه ارتبكت من قربه فهد ابتسم وقرب منها وبنبرة حب :قولي لمين أروى بإرتباك :هاااه فهد ابتسم بحب وهو واقف قبالها :قووولي أروى باقي شوي وتبكي من الموقف الي انحطت فيه معه سحبت يده بحركه سريعه وحطت الكيس بيده :لك وراحت تركض بسرعه عنه وهي تحس وجهها مولع حراره من الإحراج هي كانت تبي تعطيه بالحفله الي مسويها ابوها لهم بس هو خربها عليها ضحك فهد وهو يناظر للكيس الي بيده :هههههههه بتذبحني هالبنت ههههه احلى هديه وربي وراح يخلص أغراضه الي كان جاي يشتريها وهو مبسوط اصلنا ماكان له نفس للسوق بس من شافها انفتحت نفسه بمكان ثاني بالسوق وتحديدا بالكوفي وقف طلال وهو طفشان من هالبنت ورفع يده بتهديد :أنا قلت ابعدي عني ولااشوفك داقه علي ماتلومين إلا نفسك وأعطاها ظهره ومشى وقفت ولحقته ومدت يدها وسحبته لها وضمته بجرائه قدام الناس وماهمها أحد طلال وقف بصدمه وحس فيها تضمه من ورا تكلمت بدلع :بس طلال انا أحبك طلال يناظر للناس وهو متفشل وهم يناظرونه فكها عنه بالقوة ولف لها ومسك يدها بقوه وقرب منها وبهمس :قصري صوتك قلت لك انا مااحبك ويلا فارقي عن وجهي ولااشوفك داقه علي مره ثانيه وقفت مكاااانها مصدومه من الي تشوفه شافته وشافت كل شي صار ""لا لا هذا مو طلال يتهيأ لك يا ملاك يتهيأ لك "" غمضت عيونها وفتحتها تبي تتأكدت انه مو طلال بس بعد ما فتحت عيونها أيقنت ان الي تشوفه طلال طلال الي حبته من كل قلبها حست ان قلبها انعصر من الي شافته لا وبعد ضامها بمكان عام لهدرجه ياطلال ناظرت لافنان ودموعها واضحه من فوق النقاب أفنان تناظرها وهي ماهي فاهمه شي :ملاك وش فيك ملاك اشرت عليه باقي ماهي مصدقه :أفنان هذا الي اشوفه طلال أفنان التفت للمكان الي اشرت عليه ملاك وشافت طلال :إلا طلال ....ماادري متى بيتعدل هالولد طلال بعد عن البنت وجاء بيطلع بس سدت طريقه ملاك وقف وهو يشوف هالبنت واقفه وتبكي استغرب قربت منه ملاك اكثر ورفعت يدها وضربته كف بكل قوتها وبصوت باكي :لهدرجه وصلت فيك ياطلال وين وعدك وين كلامك لي نسيت كل شي طلال عرفها وشلون مايعرفها وهي الي ملكت قلبه وتفاجاء من وجودها بهذا المكان :ملاااااك ملاك ببكا :ايه ملاك ملاك الي ضحكت عليها الي اوهمتها بحبك طلال يبي يبرر لها الي صار :ملاك اسمعيني صرخت ملاك ببكا :أنسى وحده اسمها ملاك أنسى انك عرفتني... ومشت عنه وتركته واقف مكانه ومصدوم أفنان ناظرت له بقهر .ولحقت ملاك الي كانت تبكي من قلب طلال وقف لحظاااات بمكانه وتوه يستوعب الي صار طلع بسرعه وهو يركض ويدورها يبي يفهمها انها فهمت غلط ماكان يبي يصير كذا معه وصل للشارع وهو يتلفت ويناظر يمين و يسار مافي احد أخذ جواله و دق عليها ماردت رجع مره ثانيه يدق بعد ماردت شد على أسنانه :ردي ردي ياملاك عاد الاتصال بعد ماردت ولا راح ترد ركب سيارته ورمى الجوال على المقعد الي جنبه وشغل سيارته و مشى بسرعه وهو يفكر يروح بيتها نفى هالفكره من رأسه :انجنيت ياطلال قرر انه يرجع بيتهم وبعد ماتهدى الامور يفهمها كل شي """""""""""""" جلست اسيل على الكنبه وكل تفكيرها باتصالات أبو عادل حمدت الله انها انقطعت اتصالاته وهذا الشي مريح قلبها تنهدت براحه :ااااه لف لها زياد الي كان جالس ويعدل في بعض الأوراق الي جايبها معه من المستشفى :سلامتك من الاااه ياقلبي جعله فيني ولافيك أبتسمت اسيل بشحوب وهي تلف لمصدر صوته :بسم الله عليك حبيبي ترك زياد الاوراق من يده وتوجه لها وجلس جنبها وهو يمسك يدها بحب :بقولك شي ياقلبي اسيل:قول يالغالي زياد :أنا قررت اقول لاابوي عن زواجنا بما ان الوقت مناسب الحين آسيل بفرح :من جد تتكلم زيود زياد ضحك بخفه :ايه من جد ياقلبي بقوله اذا رحنا المزرعه لملكة أروى وزايد اخوي أسيل بخيبة :تدري ودي اشوف أروى وهي عروس ابتسم زياد وحط يده على كتفها وسحبها لحظنه :ماتقدرين ياقلبي اول شي انتي تعبانه من الحمل وماراح اخليك تروحين ثاني شي لازم تجهزين للروحه عند اهلي لاني متفأل خير ابتسمت اسيل وهي تتخيل انها تروح بيت أهله وتختلط فيهم ملت من الوحدة صحيح أن زياد معوضها عن أهلها الي حتى ماسألوا عنها :الي تشوفه حبيبي مد زياد يده وسحب خشمها :يالبى الي تسمع كلام زوجها ضحكت آسيل وهي تبعد يده :اااي زيود كم مره اقولك لاتسوي هالحركة مااحبها ضحك زياد عليها ورجع يسحب خشمها وهي تتذمر كأنها طفله وصلوها البنات لبيتهم ونزلت وهي تبكي واروى مستغربه من تصرفها بس أفنان فاهمه وعارفه وش فيها دخلت بيتهم وهي تحاول تضبط نفسها عشان ماتنتبه لها أمها بس كانت شهقاتها تتزايد تعدت أمها الي كانت جالسه بالصاله وجات بتطلع بس وقفها صوت أمها وهي تتكلم بخوف :بسم الله عليك ملاك ليش تبكين ملاك لفت لامها وببكا :يمه شفت شي يقطع القلب ام ملاك قربت منها وبإستغراب وخوف :بسم الله عليك يايمه وش شفتي ملاك ماتدري وش تقول لها ""وش اقول يمه اقول اني خنت ثقتكم فيني وكلمت واحد وحبيته بس بالنهاية شفته يخونني مع وحده بالسوق """ زادت شهقاتها : شفت حادث يمه حادث يعور القلب يمه عور قلبي حييييل قربت منها امها وضمتها تبي تهدي من روعها تحسب أن بنتها صدق شافت حادث أيقنت أن الحادث الي شافته ملاك كان شنيع :خلاص يمه لاتبكين يابنتي لاتبكين أدعي لهم أن الله يرحم الي بالحادث برحمته ملاك ببكا وهي تضم أمها زود :اااااه يايمه قلبي يوجعني من الي شفته ام ملاك مسكت يدها ومشتها معاها لغرفتها وهي تهدي فيها دخلوا البيت وحمد شايل أغراضها ومنار شالت عبايتها وابتسمت وهي تشوف ام حمد جالسه بالصاله قربت منها وسلمت عليها :هلا خالتي أم حمد ناظرتها ببرود :طولتوا الحق على ولدي الي مخليك تهيتين بالأسواق لهالوقت لفت منار لحمد وحمد ناظر لأمه بنظرات عتاب :يمه وش هالكلام ام حمد طنشته ولفت للتلفزيون تتابع برنامجها الي يتكلم عن البشره قامت منار وهي ماسكه نفسها لاتبكي قدامها أخذت الأكياس الي بيد حمد وطلعت كيس كبير وكان شكله حلو قربت من ام حمد ونزلته قدامها وببتسامه حزينه :شفت هالعطر وحسيت انه يناسبك خالتي خذيه هدية مني رفعت ام حمد رأسها وندمت من كلامها البنت راحت السوق ومانستها ومو اول مره دايما اذا راحت أي محل تاخذ لها معها أخذت الكيس منها وهي مالها وجه ترد عليها ومنار لفت وطلعت وهي تمسح دموعها الي تطيح على خدها ماتدري متى بتتقبلها ام حمد مع أنها تحاول قد ماتقدر انها تكسبها دخلت جناحها وجات بتقفل الباب بس حمد مسكه ودخل وبمزح وهو يرفع الأكياس :يرضيك تروحين وتخليني اشيل أكياسك كسرت يدي منار ابتسمت له :محد قالك شيلها ضحك حمد :هههههه طيب شيليها عني منار لفت عنه وجات بتمشي بس حمد نزل الأكياس بسرعه وحط يده على كتفها وسحبها له وحاوطها بيدينه وهو يهمس لها بأذنها :منهو فينا يامنار أكثر يموت بصاحبه مدت منار فمها بدلع :حمووود مو قلت لك كم مره لاتقول كلمتي هذي كلمتي انا حمد :هههه طيب قوليها من زمان ما سمعتها منك منار ابتسمت دايما يعرف يمتص الزعل منها لفت له وهي تناظر في عيونه الي ياما عشقتها من الطفوله :منهو فينا ياحمد أكثر يموت بصاحبه تنهد حمد بحب من سمعها :اااه اشتقت لها من فمك أنا ألي اموت فيك ياقلبي منار لفت عنه وبدلع :لا انا الي اموت فيك حمد :يالبيه يامنوره يلا حبيبتي عشان ننزل نتعشى مع امي سكت شوي ورجع يتكلم بااسف:منار لاتزعلين من امي ابتسمت منار بحب :حمد انا كم مره قلت لك ان امك هي امي وانا ماازعل من امي ابتسم حمد :تدرين لو ادور العالم كله ماالقى لك مثييل ضحكت منار :هههه ايه اكيد مافي الا منار وحده حمد بهيام :واااحلى مناااار ضحكت منار وهي تتوجه للحمام :انتظرني ياقلبي دقايق بس ابدل وننزل نتعشى مع عمتي جلس حمد على الكنبه بعد ماراحت منار وهو مستانس ومبسوط مع هالانسانه مهما كان مستحيل يوفيها حقها وخصوصا انها محتملة أمه الي دايما تسمعها كلام يسم البدن ولاعمرها اشتكت له ابتسم وبهمس :يارب انك تخليها لي ولا تحرمني منها وصل للبيت ووقف سيارته ونزل بهدوء عكس الي بقلبه ماكان يبي يصير معه كذا كان ناوي يقطع علاقته مع البنت هاذي نهائيا ويخطب ملاك ويعيش معاها بكل حب وإخلاص هز رأسه :كل شي بيتصلح لا تحاتي ياطلال دخل البيت وابتسم غصب عنه من سمع صوت أبو الوليد وام الوليد يسولفون جاء يبي يقرب منهم بهدوء مايبيهم يحسون فيه يبي يفاجاءهم بس هو الي تفاجأ من كلامهم ووقف مكانه وتمسك بالباب انشلت حركته من الكلام الي سمعه ماعمره توقع يسمع هالكلام ام الوليد :لا يا عبد العزيز لاتقول له أبو الوليد :طيب الى متى بنخبي عليه لازم طلال يعرف الحقيقه ام الوليد سكتت وهي ماتبيه يقول لطلال شي أبو الوليد كمل كلامه :والي أفكر فيه يامها ان طلال كبر وصار رجال و لازم يعرف أننا مااحنى أهله حتى اخوي ماهو ابوه بس ماني عارف بأي طريقه أخبره طلال تسند على الباب يحس من الكلام الي سمعه مو قادر يسند طوله وبنبرة حزن :يبه أبو الوليد رفع نظره وتفاجاء من وجود طلال كان واقف قدام الباب :طلاااال طلال بحزن :صحيح الكلام الي سمعته أبو الوليد بحزن ماكان يبيه يعرف بهالطريقه وقف وهو خايف من ردت فعل طلال :طلال انت كبرت ولازم تعرف الحقيقه ابوك تبناك وانت عمرك سنه وربوك حتى صار عمرك 8 سنوات وبعدها مات ابوك وهو يوصيني عليك وأخذتك وربيتك مثل عيالي ومافرقت بينكم بشي صرخ طلال :وشلون يعني انت منت عمي وابوي ونزلت دموووعه : وابوووي الي انا حامل اسمه ماهو ابوي يعني انا ماني ولد خالد يعني انا ماعندي أهل وزاد صراخه :أجل مين أهلي مييييين أبو الوليد ماتوقع ينفعل لهدرجه قرب منه :طلال اسمعني ياولدي احنى أهلك وناسك طلال هز رأسه ودموعه تنزل بدون توقف صعب انك تكتشف انك عايش مع ناس ماهم أهلك ولا حتى لك فيهم صلة من جد صدمــــــــــــــــــــــــــــــــــه . .