ماقلت لك قد الغياب اشتقت لك - الفصل 33 | روايتك

ـ *`ࢪواية:`* *ماقلت لك قد الـﻏﯾاب أشتقت لك* ـ *`ﻋدد الباࢪت:`* *«³³»* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏رواية ما قلت لك قد الغياب اشتقت لك : الفصل الثالث والثلاثون : كانوا يمشون بالشارع وصوت البواري يتردد سيارة طلال بالاول وبعدها سيارة زياد و سيارة الوليد بالنص وكان زايد راكب معه وسيارة فهد بعدها وبعده سيارة حمد كانت تمشي كلها ورى بعض ومسوين موكب كأنه عرس والأغاني الي صوتها مالي الطريق والفرحه ماهي سايعتهم وصلوا للبيت ووقفوا الشباب برى وسيارة الوليد دخلها جوات الحوش وقف الوليد ولف لااخوه الي حتى ملامحه رجعت له ووجه منور ومشرق :نورت البيت ياالغالي زايد بحب :منور بااصحابه رفع نظره وشاف اللمبات والزينات وكل شي مظبط ضحك :هذا كله عشاني مادريت اني غالي لو ادري كان طحت من زمان ابتسم الوليد :ايه كله عشانك ولو ان باقي حسابك معي لأنك سكت على تعبك ولا علمت أحد ابتسم زايد . وجاء بينزل لكن سبقه ابوه وفتح له الباب وسحبه لحظنه بفرح :نورت البيت يانور البيت ابتسم زايد وهو يزيد من ضم ابوه :منور بااصحابه يبه فك ابوه وسلم على عمه وعلى أبو غلا وأستاذن منهم وقال يبي يشوف أمه قبل لايدخل مجلس الرجال """""""""""""""""" نزل من الدرج مستعجل وريحة عطره الرجالي تفووح بالبيت بشكل يدووخ .. وصل للمرايه ووقف يعدل شمـاغه الأبيض شاف شكلها بالمرآيه اللي عكست صورتها له نظرآت عيونها العسليه الوآسعه تخليه بعالم ثاني ياالله مدري كيف كان عايش بدونها ابتسم حتى بانت غمازاته :جهزتي نواف ردت له ابتسامه هاديه :جعل يومي قبل يومك لف لها وبخوف :الله لايقولها جعل يومي قبل يومك يادنيتي ابتسمت بحب :نوافي جاهز ابتسم لها بهدوء : كيف ريحة العطر الحين ابتسمت جمانه مجاملة ماتبي تقوله ريحته ماهي عاجبتها وكله بسبب الوحم : أمم حلوو ضحك بخفه وهو عارف أنها كارها ريحة عطره بسبب الحمل جاهم نواف يركض حتى شماغه الصغير طاح شاله وكمل ركض وصل لجمانه وهو زعلان لأن شماغه طاح :ماما طاح ضحك عليه ابوه وجلس قدامه :هات انا اسويها لك فديت البطل نواف ابتسم نواف بطفوله سواها له فيصل ومسك يده وهو يناظر جمانه :لو جيتي معانا كان احسن الحين اروح وانا مو مرتاح جمانه :حبيبي روحوا انتوا الله يحفظكم انا احس اني تعبانه وبعدين وشلون اروح عند ناس مااعرفهم فيصل : والله انا لو ما فهد كلمني كان مارحت عشانك تعبانه بس انتي عارفه اخوي ولازم..... قاطعته جمانه :عارفه حبيبي من غير ماتقول هذا اخوك ومالك إلا هو في هالدنيا الله يحفظكم حبيبي وإنتبه لنوافي ايه تذكرت لاتنسى البقلاوه تراني حيييل مشتهيتها قرب منها فيصل زود وباس جبينها بحب :الله لايحرمني منك ياقلبي ابشري اجيبلك أحلى بقلاوه جمانه بحب :ولامنك ياقلبي قرب نواف ومسك يد جمانه يبيها تقرب منه عشان يبوسها فهم عليه فيصل :محد يبوسها غيري نواف بدلع :أنا ابي ابوسها مو بس انت ضحكت جمانه ونزلت له وهو قرب وباسها على جبينها مثل ابوه وجمانه باسته على خده : حبيبي نوافي خليك عاقل اوكيه نواف بطفوله :اووووكيه وطلعوا هو وابوه متوجهين لبيت أبو الوليد لأن فهد كلمه عشان الحفلة """"""""""""""""" دخل وسلم على أمه وخواته وهو يحس براحه الحمدالله ماتوقع ان هذا اليوم يجي ابتسم ل امه وهو ماسك يدها :يمه وينها ضحكت أروى :مين زايد :مين يعني حبيت قلبي أفنان ام الوليد بحب وهي تناظر ولدها ومشتاقتله : الحين اناديها وانا أمك انت بس أمر تدلل زايد ضحك :مايامر عليك عدو يالغاليه ناظر منار :منوره حبيبتي خليها تجي بالمجلس انا بروح انتظرها هناك منار :اييه مصلحه منوره زايد :منار بلا نذاله ضحكت منار :هههههه امزح معك كم زيود عندنا ضحك زايد :هههه اثنين منار ضربت رأسها بخفه :اوه نسيت توأمك دخل زياد بنفس الوقت :وش فيه توامه ضحكت منار :ههههه مافيه إلا كل خير تقدم زياد وسلم على أمه وخواته وجلس جنب زايد وحط يده على كتفه وسحبه :اشتقت لك ياتوامي زايد ضحك :وانا بعد وهمس له بأذنه : ترى اليوم كل واحد لازم يفشي أسراره زي ماوعدتني ضحك زياد وهو يهمس له :افا انا على الوعد اليوم اقولك كل شي أروى تناظرهم وهي رافعه حاجب :وش عندكم تتساسرون وتتبوسمون زياد :توام وتوامه انتي وش لك ضحكت ام الوليد :يلا يمه قوموا أبوكم والشباب منتظرينكم زايد وقف :يمه ماراح اطلع حتى اشوفها أروى ابتسمت :ولا يهمك تشوفها الحين خلاص انت روح المجلس وهي تجيك وطلعت اروى زايد باستغراب:يمه وين طيوفه طيف واقفه وراه وماسكه باقة ورد :هذاني وراك لف لها زايد وجلس وفتح يدينه وهي جت تركض له وضمته بقوه :الحمدلله على سلامتك ومدت له الورد ضحك زايد :أحلى ورد الله يسلمك ياقلب زيود طيف بدلع :متأكد اني قلب زيود ولا أفنان قلبك ضحك زايد :ههههه كلكم قلبي طيف بغيره:لا بس وحده انا ولا أفنان زايد عارف أنها ماراح تتركه حتى يقول هي :انتي باسته طيف بخده :ايه على بالي في احد ثاني ضحك زايد عليها وهو يقوم :أنا بروح اشوفك بعدين ياحلوه طيف قامت وبدلع :طيب وراحت تركض تقول لغلا كيف أعطت زايد الورد لأن غلا من اليوم تعلمها كيف تعطيه ووش تقوله جالس ببيتهم القديم وبيده صورة ابوه والشرار يتاطر من عيونه فواز :اسمع ابيك تدور لي واحد شاطر في هالامور :ابشر ماطلبت شي راح اشوف لك واحد من الشباب بس وش المقابل ضحك فواز بشر :له الي يبيه بس ينفذ الي ابيه :هههههه اوكيه باين انك جاد فواز :جاد وبس إلا قل صااااامل على هالشي بس انت زي ماقلت لك دور لي واحد شاطر :ابشر كم يوم وارد لك خبر فواز:اوكيه تمام التمام قفل منه وهو يضحك بصوت عالي :ههههههههه...هههههههههه والله والله لااخليك تندم لطردي يالوليد سمع صوت جواله ابتسم بخبث ورد لازم يقول لها وش يبي منها وهي اذا تحبه راح تنفذه :هلا بالصوت و راعيته ريم متخبيه بالمستودع الي بالمطبخ وتتكلم بدلع :هلابك فوازي وينك دايم ماترد علي فواز وهو يحط الصوره على الطاوله :يابعد قلبي قلت لك عندي أشغال بس ااااه ياليت ترضين وتطلعين معي والله لافضى لعيونك ريم بهمس : مااقدر فوازي انت عارف ابوي مشدد علينا واحنى الحين ببيت عمي فواز بخبث:ماعليه ياقلبي بس اخلص الخربطه الي عندي بالشركة واتقدم لك وبعدها اقدر أخذك محل ماابي ريم بفرح :صدق فواز فواز بخبث :ايه أيه صدق يابعد قلبي إلا قولي لي وش آخر اخبارك وأخبار الاهل وبدت ريم تحكي له كل الي صاير بغباء وفواز قال لها وش يبي منها """"""""""""""""" وقفت بتردد قدام الباب وهي تناظر أروى بخوف :أروى هونت معاد ابي اشوفه أروى ابتسمت وهي تغمز لها :ويهون عليك اخوي الي له نص ساعه منتظر بالمجلس أفنان بخوف :أروى بس أحس شكلي غلط كذا مسكت أروى يدها وبجديه :أفنان هذا زوجك وقبل لايكون زوجك كان حبيبك ادخلي وخليه يشوفك ويطفي شوقه لك وابتسمت :وبعدين حتى انتي ماتقدرين تخفين شوقك له أفنان باقي شوي وتبكي :ايه اشتقت له والله اشتقت له مدت يدها وفتحت مقبض الباب ودخلت أروى ابتسمت و دعت أن الله يوفقهم ومشت عنها وهي تمسح دموعها الي خانتها من تذكرت فهد وبهمس :حتى انا اشتقت له دخلت الصاله بعد ما مسحت دموعها وهدت وكانوا ام الوليد وام افنان وام غلا ومنار وغلا جالسين لفت نظرها ولد صغير كان جالس عند غلا وغلا تسولف معه وتسأله وقفت شوي تناظرهم غلا ابتسمت له :وش اسمك ياحلو نواف يصلح شماغه :اسمي نواف سحبت غلا خدوده :يازينك يانوافي ماشاء الله عليك رجال إلا وين ماما نواف :ماما في البيت تعبانه وانا جيت مع بابا قربت منه أروى وجلست جنبه :ياهلا بالشيخ نواف الله يحييك ابتسم نواف لأنها تكلمه على أنه كبير :هلا انتي مين أروى :أنا أروى نواف سكت وهو يناظرها ذكي هالولد عرف انها زوجة فهد لأن فهد قال له أدخل عند أروى :انتي زوجة عمي فهد أروى حست اسمه راح يبكيها ابتسمت بحزن :لا كنت زوجته انت وش عرفك حبيبي نواف بطفوله:عمي فهد قال لي اخذته أروى وجلسته بحظنها وهي تسوي شماغه الي كل شوي تطيح وجلست تسولف معه غلا تناظرها وضحكت :الحين ليش تاخذينه من عندي باقي ماخلصت سواليف معه ابتسمت أروى وطنشت غلا ورجعت تسولف معه قامت غلا تبي تشيله من أروى بس رن جوالها وكان الوليد اشرت لأروى بإبتسامه :بروح اكلم الوليد وارجع لك ضحكت أروى :روحي بس لوليدك وخليني مع هالمزيون ابتسمت غلا وهي تمشي للمطبخ عشان هدوء وردت عليه وكلمته وبعدها قفلت من عنده وعقدت حواجبها وهي مستغربه من طلبه قال لها يبيها بجناحهم طلعت على طول لجناحهم ودخلت ماشافته استغربت وشلون يقول لها يبيها ومابعد جاء جلست على الكنبه تنتظره لفت نظرها كراسة وقلم رسم على الكنبه مدت يدها واخذتها ابتسمت وهي تشوفها بدت تفتح صفحاتها واعجبت برسمه ماتوقعت انه يرسم بهالاتقان فتحت صفحه جديده ومسكت قلم الرسم اشتاقت له من زمان ما رسمت صحيح أن رسمها مو لهذيك الدرجه بس حلو بدت ترسم انمي بنت وكان شكلها حزين خلصت وبدت تظلل الرسمه و.أندمجت بالرسم وماانتبهت للي واقف ويناظرها الوليد دخل الجناح وقفل الباب توجه للصاله الصغيره وشاف غلا ماسكه كراسته ومندمجه معاها ابتسم وهو يشوفها ترسم وقف لحظات يتامل شكلها شعرها الطويل النازل على وجهها ومضايقها وكل شوي ترفع الخصل الي تطيح منه حس قلبه يدق حط يده على قلبه """وش بلاك كم مره اقولك لاتدق تكفى لا تدق قلبي مايهوا إلا محبوبتي"" نزل يده من على قلبه وابتسم بتوتر مايبي يحبها مايبي أحد يأخذ قلبه غير محبوبته ومحبوبته ماااتت يعني قلبه مات جلس جنبها وتنحنح :احم ..احم غلا توها تنتبه له يوم جلس جنبها رفعت نظرها له وابتسمت وهي تشوف ملامحه الي أسرتها سنين صحيح أنه تغير كل شي فيه بس مهما كان هو الوحيد الي تملك قلبها حطت الكراسه على جنب :انتظرتك تاخرت قلت خليني ارسم الوليد أخذ الكراسه وشاف رسمتها وببتسامه هاديه :والله وطلعتي ترسمين ياغلا غلا ابتسمت وناظرت لعيونه : ايه ولا على بالك بس انت الي ترسم اصلنا انا احب الرسم من صغري الوليد تعلقت عيونه بعيونها للحظات وكان كل الي بباله انه يعرف وش هذا الغموض الي واضح بعيونها وبنفسه ""حتى الرسم ياغلا تحبينه مثلها ليش كل شي فيك فيها ليش كل شي مشترك فيكم العيون وطيارة الورق والرسم حتى تصرفاتك انا احس اني بتجنن والله بتجنن """" غلا حست ان عيونه فيها كلام كثير بس ماتدري وش هو كانت تناظر لعيونه بعتاب وكأنها تبي تقول له """الوليد انا دانه دانه حبيبتك """ بدت عيونها تلمع بالدموع وكادت تنزل بس هي تمالكت نفسها وتكلمت :وش كنت تبي يالوليد الوليد توه ينتبه على نفسه :ايه نسيتيني وش ابي قفل الكراسه :على فكره رسمك حلو غلا ابتسمت :هذا من ذوقك بس رسمك أحلى بكثير الوليد بنفسه """اكيد لاني حبيت الرسم لأنها تحبه بس كل شي معاد له اهميه من بعدها """ تنهد بقوه وناظر لها بنظرات مافهمتها هل هي حزن قلق هم ماتدري غلا بقلق وخوف :وش فيك تحس بشي تعبان توك زين مافيك شي الوليد :لا أبد مافيني شي بس اذا ماعليك أمر ابيك تنادين أروى ابيها بموضوع خاص غلا حطت يدها على قلبها و تنفست براحه :طيب قول كذا طيحت قلبي توقعت أن فيك شي وقامت تبي تروح تنادي أروى وهو كان يتابعها بعيونه حتى اختفت عنه """هالبنت مهما اعاملها بقسوه تردها لي بالطيبه اسف ياغلا ماني قادر اتقبلك صحيح أني وعدتك بس مااقدر لاتعامليني بهالطريقه ماابي اضعف تكفين ماابي أحب غير محبوبتي "" """""""""""""""" دخلت وهي منزله رأسها ودموعها تنزل من زمان تمنت هاليوم من زمان رفعت رأسها وهي تشوفه واقف بنص المجلس ويناظرها بنظرات شوق حب اول مره يشوفها كذا كانت بقمة الانوثه هذي أفنان هذي حبيته قدامه وصارت زوجته وشريكة حياته فتح يدينه وبكل حب وحنان :تعالي ياهوى قلبي وغرامة تعالي يا كل فكري وانسجامه تعالي بك الدنيا نعيم وبفراقك عشت بجحيم ياروح في جسد تحي عظامه ياجفن ساهر انتي منامه بك القلب ارتوى وانتي فطامه وبانت لك احساسي علامه تعالي ياهوى قلبي وغرامه زادت دموعها وهي تسمع كلامه الحنون وراحت له ركض وضمته بكل قوتها وهي تبكي :الحمدلله على سلامتك ياقلبي نورت بيتك مد يدينه على ظهرها ومسح عليه رغم الألم الي حس فيه من ضمتها الا أنه تجاهله يبي يضمها يبي يطفي شوقه لها :الله يسلمك يابعد قلبي أفنان توها تستوعب انه تعبان وبعدت عنه مثل المقروصه:وجعتك ضحك زايد بخفه :هههه لا ياقلبي مسك يدها وسحبها معه وجلسها على الكنبه ومد لها كيس هدايا كان شكله بقمة الذوق :هذي هديه متواضعه صحيح أني مو انا الي اشتريتها بس وصيت زياد يشتريها أفنان ابتسمت له بحب :يكفيني انت انت أكبر هدياي يازاايد زايد بحب :ويلوموني فيك """""""""""""""" رجعت غلا عند الحريم وجلست جنب أروى :والحين هاتيه أروى تضمه :لا انا ابيه باقي ماخلصنا سواليف غلا قربت منها تاخذ نواف من حضنها وهمست لها :الوليد يبيك ضروري بجناحنا أروى عقدت حواجبها :غريبه وش يبي غلا بهمس :ماأدري هو قال لي يبيك هاتي نوافي أروى ناظرت نواف الي فيه شبه كثير من فهد وباسته بخدوده بقوه ام الوليد ابتسمت :أروى وش تسوين ذبحتي الولد بالبوس من اليوم وانتي تبوسين فيه أروى :يمه يجنن خدوده حلوه وسحبت خدوده نواف فك يد أروى :أاااي وجعتيني وببراءه وهو يبتسم :حتى عمي فهد يسحب خدودي يقول حلوه بس انا ماأحب أروى من سمعت اسم فهد نزلت نواف والكل لاحظ عليها أن مزاجها تغير وراحت للوليد تبي تشوف وش يبي فيها """"""""""""""" وقفت بتردد عند باب جناح الوليد وهي مستغربه من طلبه لها وخاصة هاليوم سمت بلله وطقت الباب مرتين وفتح الوليد الباب وابتسم من شافها :هلا ب اروتي هلا بدلوعتنا أروى ابتسمت من شافت أبتسامة أخوها :هلابك يااخوي الوليد :تفضلي دخلت أروى ووقفت والوليد جلس على الكنبه الي بالصاله واشر لها :تعالي إجلسي هنا جنبي تقدمت أروى بتردد وجلست جنبه وتكلمت بتوتر : تبي شي ياالوليد الوليد بإبتسامه هاديه :ابيك تسمعيني ولاتقاطعيني اوكيه أروى بخوف من الي بيقوله الوليد :تفضل شبك يدينه الوليد وبجديه :اسمعي يااروى اليوم جايينك خطاب وخطبوك من ابوي وانا عرفت من ابوي أن انتي مالك عدة لأن فهد ماقرب لك أروى قاطعته بخوف :بس... اشر لها الوليد بيده :اصبري لا تقولين شي خليني اكمل وبعدها قولي الي تبين تقولينه وكمل كلامه :والحين الرجال بالمجلس يبي يشوفك النظره الشرعيه كل الي ابيه منك يااروتي انك ماتتسرعين في قرارك ابيك تشوفين الرجال واذا ماعجبك ولا ارتحتي له والله لو على جثتي ماراح اخلي ابوي يزوجك وانا اول واحد راح أوقف معاك هاه وش قلتي أروى من سمعة كلام أخوها حست بالراحه بسيطة يعني تشوفه وبعدها تقول أنه مااعجبها ولا ارتاحت له وبكذا تكون خلصت من هذا الزواج ابتسمت عشان تزيل التوتر :طيب بشوفه عشانك بس وقف الوليد وهو مبسوط : يلا أجل تعالي معاي عشان تشوفينه قامت أروى ورى الوليد والخوف يتملكها وصلوا عند باب المجلس الخارجي وكان أبو الوليد واقف عند الباب أبو الوليد من شافها ابتسم :يلا يابنتي سمي وادخلي أروى رفعت نظرها للوليد واشر لها أنها تدخل دخلت أروى بخوف وتردد وهي منزله رأسها وبهمس :السلام عليكم وقف :وعليكم السلام والرحمة مرت لحظاااااات وصنمت اروى مكااانها الصوت كان مألوف بنسبه لها رفعت رأسها وانصدمت من الشخص الي تشوفه :مييييين فهد فهد ابتسم بحب :بشحمه ولحمه لفت أروى بسرعه وجات بتطلع فهد لحقها وحط يده على كتفها وسحبها حتى ضربت في صدره وحاوطها بيدينه نزل راسه عند كتفها وهمس لها بأذنها :يهون عليك تروحين وتتركيني أروى وهي تمسح دموعها :انت الي تركتني من البدايه فهد بحب :تدرين كل الي سويته كان كله كذب أروى تبكي وتحاول تفك نفسها منه :وورقة الطلاق كذب فهد شد عليها زود وضحك :ههههه طيب انتي شفتي ورقة الطلاق بعيونك أروى بصوت مبحوح :لا فهد: أجل كل الي سويته كان لعبه مني ومن أهلك كلهم أروى بستغراب ورجعت تبكي :طيب لييييش سويت كذا فهد بحنان :لاني كنت ابيك تكونين زي أي بنت أبيك تحسين بالنظرة الشرعيه والخطوبه والملكة والزواج ابي اعوضك عن الي راح بعد عنها وهو يأشر على نفسه وضحك بمزح :ههههه والحين وش رأيك بخطيب المستقبل اعجبك أروى لفت جهته ورفعة يدها وجلست تضربه على صدره بكل قوتها وهي تبكي وهو مبتسم :سخييييييف. سخيييييف.... ليش ليش سويت فيني كذا فهد انا مايهمني لا خطبه ولا ملكة ولا عرس انا الي يهمني اني أبقى معك فهد انت زوجي وانت دنيتي تدري يافهد من متى وانت دخلت هالقلب من يوم شفتك اول مره كنت كل يوم أفكر واحلم فيك حتى جاء هذاك اليوم وانت الوحيد الي حميتني وتزوجتني رغم الي سمعته عني وزاد بكاها وهي تضربه على صدره :ماااابي لا خطبه ولا ملكه. فهد ماتوقع انها تحبه لهدرجه وماتوقع أن بعده عنها راح يأثر عليها مسك يدها بكل هدوء وسحبها مره ثانيه لحظنه وضمها لصدره وهي مازالت تبكي و تعاتبه """"""""""""""""""" بعد ماطلعوا فيصل ونواف تنهدت بتعب وناظرت لنفسها بالمرايه وهي حاطه يدها على بطنها وتبتسم تتخيل كيف راح يكون شكلها اذا كبر بطنها اكيد أن شكلها بيصير غير تكلمت بحنان :حبيبي متى تجي من الحين مشتاقتلك ياترى انت بنت ولا ولد حطت يدها على فمها وهي تفكر :امممم اذا بنت راح ادلعك وادللك واسميك دانه ابتسمت بحزن اشتاقت لدانه واسيل تذكرت يوم يتهاوشون هي ودانه عشان كل وحده اذا تزوجت تسمي بنتها على الثانيه رجعت حطت يدها على بطنها :واذا ولد راح تكون رفيق واخو لنوافي وتتعاونون على هالدنيا ابتسمت بتعب على نفسها توه حتى الجنين مابعد تكون وهي تحاكيه لفت وتوجهت للصاله شغلت سبيستون وابتسمت وهي تشوف كونان ضحكت بخفه لو نوافي فيه كان ازعجها وسوا معاها تحقيق مين القاتل <<<هههه هذي بنتي تسوي كذا معي >>> وتوها تبي تجلس سمعت الجرس يدق عقدت حواجبها مين جاي بهالوقت ناظرت ساعتها مالهم فيصل ونواف وقت من طلعوا سحبت نفسها بهدوء وقالت للشغاله تفتح توقعت انه فيصل هون عن الروحه ورجع وطلعت فوق تبي تحط لها شوية مكياج ماتبي فيصل يروح ويجي وهي زي ماهي وصلت لأخر درجه فوق والتفت على الصوت الي جاها :ويييينه ويييينه..........