ماقلت لك قد الغياب اشتقت لك - الفصل 28 | روايتك

ـ *`ࢪواية:`* *ماقلت لك قد الـﻏﯾاب أشتقت لك* ـ *`ﻋدد الباࢪت:`* *«²⁸»* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏رواية ما قلت لك قد الغياب اشتقت لك : الفصل الثامن والعشرون : أصبح صباح جديد تمتد منه أشعتة الشمس لتنشر الدفء في ارجاء الكون فتح عيونه بصعوبه وهو يحس رأسه ثقيل ورجع غمضها حس بيد صغيره على صدره عقد حواجبه وفتح عيونه مره ثانيه بإستغراب ""انا وش جابني هنا أذكر أني كنت نايم على الكنبه "" ناظر لغلا الي نايمه ويدها على صدره وبيدها منشفه صغيره وشعرها الناعم نازل على يده ارتعش كل جسمه حس بشعور دايم يحس فيه اذا كانت جنبه تمنى للحظة لو تكون دانه كان ماترك ولى دمعه تنزل من عيونها بس هذي البنت غريبه دايما يعاملها بقسوه تزعل شوي وبعدها ترضى وماكان شي صار حرك يده المكسورة يبي يبعدها عنه بس تألم :آآآآآآآخ غلا من سمعته رفعت راسها بسرعه وهي ترجع خصل شعرها الي طايحه على وجهها وتكلمت بخوف :وش فيك تحس بشي الوليد ناظرها وناظر عيونها الزرق اللامعه الي نفس عيونها وقلبه يكاد يطلع من محله ارتبك:هااأه... لا ...بس كنت ابي اروح الحمام غلا ابتسمت بهدوء :طيب هات يدك خليني اساعدك الوليد ببرود :مايحتاج بس قومي عني غلا انتبهت لنفسها أنها مازالت يدها على صدره استحت وشالت يدها عنه :أااسفه ابتسم الوليد من غير شعور لانه شاف الخجل واضح عليها ووجها احمر :لا عادي وقام عنها ودخل الحمام بعد ماجهزته له غلا بعد مادخل الوليد رجعت غلا ورمت نفسها على السرير وهي تسأل نفسها تعبت وهي تسئل نفسها هالسؤال :ليه قلبي راحته في قربه وليه ينبض اذا شفته وليه لافقدته ثواني ارعبني غيابه ليه ماابتسم الا وانا معاه ليه احس انه قريب مني رغم أني ماعرفته الا قريب يمكن عشان اسمه لا في شي أكبر من اسمه ليه هو الوحيد اللي يهمني معقوله نسيت الوليد حبيبي حبيب الطفوله استغفر الله حرام أفكر في غير زوجي بس ليه اشتاق له وهو جنبي وليه اشوفه غير عن كل الناس رغم معاملته القاسية لي معقوله حبيته لا لا هزت رأسها وهي تنفي الشعور الي تحس فيه قلبها يقول شي وعقلها يقول شي انطفت افكارها من سمعت صوت باب الحمام وقامت بسرعه قبل لايطلع الوليد وراحت الحمام الثاني """""""""""""""""""" فتحت عيونها وهي تناظر يمين ويسار عقدت حواجبها :وش جابني بغرفتي حمرت خدودها من جاتها الفكره :اكيد فهد الي جابني غرفتي عدلت جلستها وناظرت الساعه كانت 7 الصبح :يوه فاتتني الصلاه قامت توضت وصلت صلاة الفجر ولبست لها بنطلون اسود وتيشيرت ابيض مكتوب عليه بالأحمر ورفعت شعرها كله فوق وفي خصل نازله من الجنب وحطت لها قلوس ورشت من عطرها وهي تناظر لنفسها برضا فتحت باب غرفتها واول ما فتحته شافت فهد توه بيطق الباب ابتسمت :صباح الخير فهد من فتحت الباب هبت عليه ريحة عطرها ياالله يعشق هالريحه وهالطله رد لها الابتسامه :صباح الورد ....كنت جاي اصحيك أروى وهي تطلع وتقفل باب غرفتها وبحيا : فهد من جابني هنا فهد ضحك على وجهها الي تلون من سألته :انا وبمزح :كسرتي يديني اثاريك ثقيله أروى بدلع :لاااا ماني ثقيله فهد :هههههه إلا أروى بزعل :لااااا فهد ضحك وسحب خشمها :هههههه امزح معك كنتي مثل الريشة أروى ابتسمت بحيا من حركته :طيب تعال عشان نسوي فطور سريع فهد مسك يدها وسحبها :اخوك زياد جاب فطور معه وجاء بيفطر عندنا ابتسمت أروى :اوكيه خلينا نروح نفطر """""""""""""""" طلع من الحمام شاف ملابسه وثوبه مجهزة على السرير أخذها ولبس ومشط شعره وتعطر وقبل لايطلع أخذ أوراق مهمه له وطلع شاف غلا تجهز الفطور رفعت رأسها وشافته وابتسمت :صباح الخير الوليد بنفسه "هذي البنت غريبه ب تصرفاتها بتجنني " ابتسم وهو يقرب من طاولة الطعام :صباح النور غلا :كيف يدك اليوم الوليد :تمام قرب وسحب الكرسي وجلس :مشكوره على.... قاطعته غلا:على ايش انا ماسويت شي انت زوجي ومهما صار لازم أكون معك اكتفى الوليد بإبتسامه حلو كفيلة انها تخلي قلب غلا يدق بقوووه وبدأ يفطر بهدوء وبعد الفطور جابت له غلا علاجه وشربه وبعدها نزلوا تحت شافوا ام الوليد جالسه تفطر بالصاله الوليد :هلا يمه صباح الخير وباس راسها ام الوليد :هلا يمه صباح النور وشلون يدك اليوم الوليد :الحمدلله بخير يمه يلا انا استاذن يمه عندي شغل مهم ام الوليد :الله يحفظك ياولدي قربت غلا وباست رأس ام الوليد وجلست معاها تسولف بعد نص ساعه وصل الوليد للشركة ونزل بكل هيبه كان كل من يشوفه يلقي عليه السلام وهو يرده دخل بكل هدوء وصل لغرفة الاجتماعات وشاف فواز ومازن :السلام عليكم فواز ومازن :وعليكم السلام فواز بخبث :تفضل ياطويل العمر غرفة الاجتماعات جاهزه دخل الوليد وجلس بالكرسي الرئيسي وبدأ يطلع أوراقه ويجهزها اليوم عندهم كم صفقه لازم يتفقون عليها شوي شوي وبدت غرفة الاجتماع تمتلي وبدأ الاجتماع بيت فهد بعد مافطروا كان زياد حاط ذراعه على كتف أروى :فهووود تسمح لي أخذ اختي منك ساعه وحده فهد وهو يحك رأسه وببتسامه ذوبت أروى :اممممم المشكله اني ماعاد أقوى على فراقها أروى اختفت من الاحراج وزياد ضحك: اقول اذلف اباخذ اختي ساعه وارجعها فهد :اوكيه ساعه وحده بس زياد :اوكيه يلا اروتي البسي عبايتك وتعالي راحت أروى تلبس عبايتها وهي مبسوطه خلاص كل شي انحل الحمدلله انها اجتمعت مع أهلها مره ثانيه لبست عبايتها ونزلت لزياد اول ماركبت السياره دخل فهد رأسه من الشباك وهمس لها :انتبهي على نفسك حبي أروى بحيا :وانت بعد زياد وهو يركب السياره :هههههه فهيد الي يشوفك يقول بخطفها ياأخي تراني مشتاق ل اختي فهد ضحك :طيب محد قالك شي زياد شغل السياره :يلا في أمان الله فهد وهو يلوح لهم :بحفظ الله بعد ماراحوا راح فهد ركب سيارته تأخر على الوليد اليوم """""""""""""""" بعد ساعه من الاجتماع طلع من غرفة الاجتماع ووجه مايبشر بالخير وكان يفكر """يعني خلاص يوم تمت كل شي بالصفقه تضيع ورقة التأمين مو معقوله انا كنت حاطها مع الأوراق وشلون اختفت ممكن نخسر بسببها أشياء كثيره """" وصل لمكتبه وشاف فواز واقف ينتظره الوليد بهدوء:جيب لي قهوه والحقني على المكتب ...ايه وخلي فهد يجي فواز :ابشر طال عمرك دخل الوليد مكتبه وهو كل هموم الدنيا على رأسه جلس على الكرسي وتنهد تنهيده طويله وشلون يقول لأبوه وهو الي ماأمنه على كل شي دخل عليه فهد بعد ماطق الباب :السلام عليكم الوليد رفع رأسه وبهم :وعليكم السلام تعال يافهيد فهد قرب منه وهو يشوف وجه الوليد باين عليه التعب :الوليد المفروض اليوم ماتداوم ماتشوف يدك كيف الوليد بجدية :فهد ورقة التأمين اختفت لازم نلاقي الورقه بااسرع وقت ولا بيصير شي مانبيه احنى فهد جلس وبقلق : وشلون ورقة التامين تضيع وهي كانت مع باقي الأوراق الوليد بهم :ايه وهذا الي محيرني قبل كم يوم وانا اراجع الأوراق وهي معاها فهد : طيب انت ارجع يااخوي البيت وارتاح وانا .... قاطعه الوليد :ماراح اروح وخلينا نشوف انا ابي اطلع هذا الي يلعب من ورانا دخل فواز بعد ماطق الباب وحط القهوه على الطاوله :تبي شي ياطويل العمر الوليد :ايه ابيك تساعد فهد بشغله فواز :ابشر ...... """"""""""""""""" زياد بالسياره لف لجهة أروى و بحنان :والحين دلوعتي وش تبي امري وتدللي أروى بإبتسامه :ابي سلامتك زياد ابتسم :الله يسلمك أولا بوديك محل بيكون مفاجئه ثانيه بوديك السوق تاخذين الي تبينه اوكيه أروى بمزح:اوووه اليوم زيود ساير كريم زياد :ههههه لعيونك ووقف عند عماره أروى استغربت وعقدت حواجبها :زيود هذي المفاجئة زياد ابتسم :انزلي وتشوفين نزلت أروى مع زياد وكل مامشى زاد استغرابها وصل لباب الشقه و طلع مفتاحه وفتح الباب :تفضلي اروتي دخلت أروى بهدوء :زياد ماني فاهمه شي زياد ابتسم :دقايق وجاي شافته أروى دخل وحده من الغرف وهي على رأسها 100 علامة استفهام زياد دخل الغرفه وشافها جالسه تمشط شعرها قرب منها وجلس جنبها :تهبلين بكل حالاتك ابتسمت اسيل :زيود زياد :عيون وقلب زيود ومسك يدها :يلا حبي جاينا ضيف اسيل عقدت حواجبها :ضيف مين زياد ضحك :ههههه الحين تعرفين يلا قومي ومسك يدها ووقفها وسحبها لحظنه وهو يحط يده على كتفها ومشى لجهة الباب وفتحه واول ما فتح الباب رفعت أروى رأسها وشافت زياد طالع ومعه اسيل وقفت تناظر ماهي مستوعبه هذي اسيل وبعد مع زياد ابتسمت وفهمت كل شي راحت ركض لجهتهم وقربت من اسيل وضمتها :ياحماره اشتقت لك ولا تقولين لي انك زوجة زيود آسيل ابتسمت عرفة صوت أروى وضمتها بقوه :أروى حبيبتي وانا اشتقت لك أكثر زياد وهو يفكهم عن بعض :ههههه يكفي ضم أروى بعدت عن اسيل وناظرت زياد وتقلده :زوجة خويي هاه هههههه ...أحلى مفاجاءه وربي زياد وهو يضحك :ههههه على فكره انتي الوحيده الي قلت لها أروى امسكت يد اسيل وساعدتها تجلس وبدت كل وحده تاخذ أخبار الثانيه وبعدها أخذ زياد أروى واسيل للسوق """"""""""""""""" جالسه بالحديقه والشمس حلوه كانت دافيه أخذت جوالها ودقت على امها اشتاقت لها ولصوتها رن كم رنه وردت ام غلا بلهفه :هلا يمه هلا غلا ابتسمت من جاها صوتها :هلا يمه وش اخبارك يمه وش اخبار ابوي اشتقت لكم ام غلا :كلنا بخير يمه وش هالقطاعه ولا كأن معك ام وابو تسائلين عنهم غلا ابتسمت :والله يمه خليها على الله الوليد تعبان توه امس انكسرت يده ام غلا :لا ..سلامته غلا :الله يسلمك يالغاليه بس في أول فرصه بخلي الوليد يجيبني عندكم ام غلا بحب :الله يحييكم يمه في أي وقت جات وأخذت الجوال منها بكل دفاشه بعد ماعرفت انا ام غلا تكلم غلا وبكل صوتها :وينك يااالقاطعه ضحكت غلا من زمان عنها اشتاقت لها :ملوووكه ملاك :ايه ملوكه خلاص نسيتي. ملوكه وطوايفها غلا ضحكت :ههههه ماعاش من ينساك ملاك :وش اخبارك وأخبار أهل زوجك كلهم بخير غلا ابتسمت :الحمدلله بخير وأهل زوجي كلهم طيبين وخاصة طلول وشددت على اسمه ملاك من سمعت اسمه بدأ قلبها يدق وضحكة بخفه :هههههه دوووم فاهمتني لفت غلا وهي تكلم شافت طيف تلعب بالورق الملون ابتسمت وهي تمشي لجهتها ورجعت تكلم ملاك :ملوكه حبيبتي بعدين اكلمك سلمي لي على الأهل كلهم ملاك :اوكيه مع السلامه غلا :مع السلامه قفلت وراحت جلست جنب طيف وهي تلعب بالورق وناظرت لها :طيوفه هاتي خلينا نسوي طيارات بالورق طيف ابتسمت :الله من زمان كان الوليد دايم يسويها لي وعلمني كيف اسويها غلا ابتسمت :اوكيه يلا كل وحده تسوي ونشوف مين أحلى طيارة وبدوا كل وحده تسوي طيارتها الخاصه """"""""""""""""" بالشركة الظهر بعد مايئسوا انهم يلقون ورقة التأمين جمع الوليد كل الموظفين عنده الوليد وهو يصارخ على الموظفين : انا قلت من البدايه أن فيه لخبطه بالحسابات ومشيناها بس أن ورقة التأمين تختفي هذا ماراح اسكت عليه فواز بحقد : تونا مراجعين كل شي والاوراق سليمه الوليد وهو يضرب بيده السليمه على الطاوله : وشلون يعني انا اقول فيه تلاعب والله ما اغفر للي تلاعب فهد توه دخل :هاه وش صار الوليد جلس على الكرسي بتعب :ابي اعرف مين ورى هذا كله المشكله انها ورقه وحده مالقيناها وفيها كل شي فهد :انا رحت مكتبي وقلبت اغراضي كلها مالقيتها الوليد : هذي ورقة التأمين تدري لو مالقيناها يافهد كل شي بيضيع لان البنوك والناس يبون حقوقهم..x وناظر لفواز والموظفين :شوفوا ابيكم تسون جرد لكل ورقه تجي بيدكم فواز بقهر :ابشر طال عمرك وفي نفسه """"هه هذا إذا لقيتها """ وطلعوا كل الموظفين ينفذون الي طلبه الوليد معادا فواز وفهد فهد يهدي الوضع : طيب خلاص بس انت هدي نفسك فواز : طال عمرك انت لازم تروح البيت شكلك تعبان وانا وفهد بنصلح الوضع الوليد علامات التعب واضحه عليه فهد :وهو صادق روح انت واحنى أن شاء الله ماترجع إلا واحنى محصلينها الوليد قام بتعب :طيب بروح اريح كم ساعه وارجع رجع فيصل اليوم البيت بدري لأنه قلقان على جمانه مااعجبه شكلها بس نايمه ووجها ذبلان دخل البيت مالقاها بالصاله شاف نواف يتفرج لسبيستون قرب منه وشأله وجلسه بحظنه وهو يبوسه :وشلون نوافي نواف بطفوله :طيب فيصل :وين ماما نواف :ماما بالمطبخ نزل فيصل نواف من حظنه وقام متوجه للمطبخ اول مادخل المطبخ شم ريحة الأكل الي تفتح النفس قرب من جمانه وهي معطيته ظهرها وتحرك الي على الغاز جاء من وراها وهمس لها بأذنها :اشتقت لك جمانه كانت ماهي قادره تتحمل ريحة الطبخ نفسها لايعه ومن سمعة صوته ابتسمت ولفت له وهي ماسكه نفسها :هلا حبيبي وانا بعد فيصل :وش هالطبخ الزين متى يخلص الأكل حدي جوعان جمانه بحب :شوي ويخلص انت روح بدل وتجي إلا وهو جاهز فيصل :اوكيه حبي راح فيصل بدل وجمانه جهزت كل شي وحطته على الطاوله وهي ماهي قادر تمسك نفسها زود نزل فيصل وهو راسم أحلى ابتسامه :تسلم يدينك ياقلبي جمانه ببتسامه ذابله:الله يسلمك تقدم فيصل جهة الطاوله وسحب كرسي وجلس عليه ونواف جلس جنبه وجمانه بعدها واقفه ماجلست اصلنا ماقدرت لان نفسها لايعه رفع نظره فيصل لها : جمانه وش فيك واقفه إجلسي جلست جمانه واول ماجلست حطت يدها على فمها وقامت بسرعه للحمام وبدت تستفرغ اول ماشافها فيصل خاف عليها وقام بسرعه وراها دخل الحمام وشافها تستفرغ زاد خوفه عليها تقدم منها وجلس يمسح على ظهرها حتى خلصت ومسك يدها وهو يمشيها وبخوف:لا ماراح اسكت من كم يوم وانا اشوفك تعبانه البسي عبايتك خليني اوديك المستشفى جمانه خايفه انه يعرف وبتعب :لا فيصل ماله داعي الحين ارتاح شوي وأطيب فيصل من غير مايسمع كلامها راح بسرعه وأخذ مفاتيح سيارته :البسي عبايتك انا انتظرك بالسياره جمانه ماقدرت ترفض لأنه مصر راحت ولبست عبايتها وطلعت وراه وهي تدعي الله أن فيصل مايدري .