تسلط إمرأه - الفصل 25 - بقلم فتاه بلا ألم - مكتملة | روايتك

الجزء الخامس والعشرون ناصر ويمسكه من طرف ثوبه : قوووول وش عندك فهد بهدوء : امك ........ ام ناصر ...... وقبل ما يكمل فهد كلامه نزع يده وبسرعه ركض داخل البيت دخل ناصر البيت وهو يصارخ بصوت عالي يمه ........... يمه ............. يمه............. مريم لماعرفة الصوت بسرعة ركضت لناصر مريم : ناصر وماقدرت تتمالك نفسها ورمت نفسها بحضن ناصر ناصر ويهزه بقوة : مريم وش فيك وامي وينه مريم وزاد صياحها : امي ..... امي ....... ناصر وفهم الموضوع : لاتقولي .........ان امي......مااااات.... وقبل مايكمل كلمته تركها وركض لغرفته فتح الباب وشاف الغرفة مظلمه وبارده فتح الانوار وحس برعشه سرت بجسده طالعت عيونه بارجاء الغرفة شاف سجادتها ممدوده وسريرها مرتب ياسر الي خاف على ناصر وبسرعه لحقه مريم : ياسر ..... ياسر ناصر مدري وش فيه ياسر : خلاص لاتخافي......... انا طالع اشوف وش فيه طلع ياسر الغرفة فتح الباب التفت يشوف ناصر لاقاء ساجد على سجادة امه غصب عنه نزلت دموعه سلم ناصر وطالع بعيون ياسر وعيونه كلها عتاب ناصر: لييييه ماخبرتني ياسر : دقيت على جوالك وكان مقفل لحظة صمت كانت بين الاثنين ناصر ........ دفنتوه ياسر : ايييييه من اول يوم ناصر ودموعه تسيل على خده كان انتظرتموني ياسر : من حق الميت ان نعجل بدفنه ناصر ياليتني شفتها قبل ماتموت وصار يبكي بصمت ياسر وهو يمسكة من كتفه : خل ايمانك بالله قوي .......... وادعي لها بالرحمه .................................................. . ..................... في غرفة خالد خالد من يوم وشاف الصوره وحالته حاله ان وش لي في البنت ...... ماقول انها ماهي حلوه......... بس عاديه بس ليه جذبتني صورتها ........ يمكن ابتسامتها ........ او نظراتها .... يووووه مدري وش فيني قاعد اخربط ماهو انتي يانهى الي تقلبي حالي فتح الجوال وطالع بصورته هذي مليون مره وانا أتمال صورته باين عليها هاديه اففففففففف لالالالالالا والله يانهى مراح اترك والصوره حمستني اكمل مشواري خالد أي مشوار وانت بس صوره قلبت حياتك اجل ولو شي ثاني وش تسوي مسك الجوال وطالع بالصوره وماقدر يستحمل ورمى الجوال بقوة على الجدار .................................................. ................. وتمر الايام و والأسابيع وام ناصر صار لموتها اكثر من شهر والكل بدا يتقلم على الوضع الجديد ياسر كالعاده رجع لشقته وناصر جلساته قليله في البيت مرام رجعت لبيت زوجه ومريم في شهورها الاخيره وصارت نفسيتها تعبانه ونادر ماتطلع من بيته دينا الي الوحيده الالم لسع ماهو مفارقه حست بموت ام ناصر بفراغ......... وفراغ كبير ........ الله يرحمك ياعمتي كنتي تخافي اني اتركك وتعيشي لوحدك وهذا انتي رحتي وتركتبني لوحدي نزلت تحت شافت البيت فاضي ومافي احد جلست تقلب في القنوات وصارت تنتقل من قناة لقناه ولاعت كبده وهي تناظر على المناظر الخليعة وبعدين حطت على قناة الجزيرة وبدت تابع اخر الاخبار دق التلفون قامت بخطى مثاقله رفعت السماعة : نعم وفاء : الله ينعم عليك دينا : بسم الله من وين طلعتي وفاء : من بطن امي ههههههه ههههه بايخه صح دينا والله اشتقت لهذا الضحكة وفاء : اجل كل يوم اسجلها وارسلها لك دينا : تافهه زي وجهك وفاء : طيب حسابك عندي ...... وبكره قولي عندك سلف ريال دينا : عاد على الرصيد الي مايخلص وفاء : تتفف تتتف تتتفف .... اعوذ با لله من شر حاسد اذا حسد دينا : خلي عنا هذرتك الفاضيه وتعالي عندي العصر والله طفشانه وفاء : احلمي تعالي انتي تراك مانتي في حداد دينا بحزن : طوووول عمري في حداد ........وعمر حدادي مايخلص وفاء وحست بضيق دينا: اسفه ماقدر اطلع ..... كيف البيت بعد عمتك دينا وبضيقه : مثل العاده ....... كل واحد رجع لحاله وفاء : امممممم ..... وناصر كيفه معاك عساه عقل دينا : مدري عن خيبته مااشوفه كثييييير وفاء : الله يهديه دينا وهي خايفه : مع السلامه وفاء .......ناصر جاء وقفلت الخط قبل ماتسمع رده ناصر : السلام عليكم دينا : وعليك السلام ناصر: الغداء جاهز دينا وهي تبلع ريقها : هاااااه الغداء ناصر: وش فيك انخرعتي دينا وهي ترجع على وراء: ااااناااا ..... ااانا ماسويت غداء ناصر : طيب خلاص انا طالع اتغداء بر وش تبيني اجيب لك غداء معاي دينا وماتوقعت ردة فعله كذا ولسع في صدمتها : لاماابي غداء .....مشكور ناصر وقام واخذ التلفون وطلب غداء لدينا وطلع .................................................. ... ..................... في بيت بو نايف العائله كلها مجتمعه ابو نايف وام نايف ونايف والبنات ام نايف : انا رايحه العصر اطمن على دينا ..... والله البنت مقطعه قلبي نهى : الله يعينها كل واحد عايش بحياته وتاركينها بروحه ابو نايف : ليييييه والبنات وين راحو ام نايف : كل وحده راحت لبيت زوجها ............والعيال مايجلسو في البيت ابو نايف : يعني هي وعيااااال عمها في البيت لوحدهم ام نايف: اييييييه وش فيك طول عمرها عاشت معاهم نايف :تصدقو ناصر تغير كثير ....... وماعاد ناصر الاول ندى وبدون قصد : ياحليله ناصر الصدمه كانت قويه عليه نهى وتكتم ضحكتها : اهاااا....... ياحليله ندى : يحبك لتعليق نهى : انا .....وش نسوي من عاشر القوم صار منهم ....................................... ............. احمد دخل المجلس عند ولد عمه عبدالله وعبدالله اول ماشافه قفل لاب توب حقه وحطه على جنب احمد وبدا يشك بتصرفات ولد عمه الاخيره : ايش فيك كل مادخلت عليك قفلت لاب توب عبدالله وحاول يخفي ارتباكه : وش دعوه ياخوك يوم اشوفك انسى الدنيا ومافيه احمد وماهو مصدق كلامه ويغير الموضوع : تعشيت عبدالله : ميت جوع وتقول تعشيت دخل احمد المطبخ وهو يفكر بولد عمه وفاء : وييييييييين الاخ احمد وهوسرحان :خلص العشاء وفاء: خمس دقايق ويكون جاهز جلس احمد على طاولة الاكل وبدا يربط الامورا بعضه وفاء وتقرب جنبه : فيك شيئ ....... احد مضايقك احمد وكان نفسه يتكلم لاحد : عبد الله .........احسه ماهو طبيعي ......... مدري وش مخبي وفاء : ما اظن عبد الله يخبي شيء .........وبعدين هذا طبعه انطوائي مايحب يختلط بأحد احمد وهو يفكر : كل مادخلت عليه يقفل لاب توب وفوق هذا الجهاز مايفارقه اربعه وعشرين ساعه عليه وفاء : يمكن الرجال ...... وسكتت استغفر الله احمد : ايش فيك تستغفري ........لايروح تفكيرك بعيد عبد الله ماهو حق هذي الحركات وفاء : وش ظمنك احمد : مدري بس عبدالله رجال يخاف ربه وااظنه ما يدخل هالمواقع وفاء : يعيني على الثقه الزايده احمد وتوه يستوعب : اقول سكتي احسن لك البنت مصدقه حالها ........ وفاء انت الي كلمتني ماهو انا الي ضربتك وقلت فضفض احمد : الله يطولك ياروح ......... الرجال مات جوع وحظرتك فاضيه لسواليف وفاء وبعد ماحطت العشاء : احمد اليوم كلمت دينا........ وطلبتني ازوره احمد بتسامه : كيفها الحين ان شاء الله احسن وفاء : يعيني على الابتسامه كل هذ لدينا ....... طحت ياخوي ومحد سمى عليك احمد وخاف ينفضح قدام اخته : اقول هاتي العشاء واذلفـــــي اخذ احمد العشاء وفاء تضحك بنفسها على حركات اخوها مصيرك تعترف بالي بقلبك ................................................ ..........................