ارني عينيك فانا موقن انك لست من بني جنسي - الفصل 26 - بقلم مؤلفه: rwaiii - مكتملة | روايتك

البارت "26" "الخامس والعشرون من سبتمبر" حسين "المجهول بضحكة استفزازيه : يعجبوني الباردين امثالك سطام : شكلك بتطولها وهي قصيره ابوي وين اخلص؟؟ حسين وهو يقلب ملامحه للجدية : اسمعني زين تبي تاخذ ابوك بسلامه عندي شرط واحد رفع السماعه وهو يطلب من السكرتير يدخلها دخلت بفستانها الازرق وهي ترفع راسها وتناظر عمها بكل شموخ ونزلت نظراتها لسطام الي لف وهو يناظرها من فوق لتحت سلمت على عمها وهي تقعد بمقابل سطام سطام : ما فهمت وش مقصدك؟ حسين: شدعوه توقعتك بتفهم بسرعة البرق سطام بحده: بتخلص وتقول الي عندك ولا اوريك البرق حسين ببرود: ببتزوجها بمقابل اطلع ابوك وبدون تسديد لديونه سطام بضحكة: احلف ؟ لا قل والله ؟ حسين وهو يناظر في بنت اخوه بصدمه من سوال سطام سطام وهو يعدل جلسته : وانت بتحسب بتلوي ذراعي بحركتك ذي؟ حسين : مو ذراعك بس مستقبل ثورتكم بايدي شرايك انت؟ سطام وهو يتنهد : ومن ذي عشان اتزوجها ؟ عند نواف وسعيد* طلعوا من الملعب وهم يتوجهون لبيت سلمان وصلو وهم يسلمون عليه ويقعدون معه وراح سلمان يجيب القهوة نواف : اخس يا ميان صارت تتغطى منا سعيد : اشوفك فليتها انت نواف بضحكة: والله ياخوك كنت متعود عليها وهي ولد جاء سلمان وجلسو يسولفون "السابع والعشرون من سبتمبر " عند ميان ومي * قالهم سلمان ان سعيد يبيهم يتعرفون على اهله واخته وتجهزو وراحو لبيت سعيد دخلو وهم يسلمون عليهم وعد : الله واخيرا تعرفت على بنات سعيد طلع منه فايده ضحكت مي :انتي اخت سعيد؟ وعد : ايه وهاذي حور حور : وانتم ؟ ميان : انا ميان اخت سلمان وهاذي مي بنت عمتي جلسو مع بعض وهم يتبادلون السوالف والاحداث عند ابو سلمان * طلع من الديره للرياض وهو يتوجه لمركز الشرطه يقدم بلاغ اختطاف لبنته العسكري : انت محمد سعود***؟ ابو سلمان : اي نعم انا العسكري: الله جابك انت مبلغ عليك تفضل معنا ابو سلمان : ابك شتقول انت ؟ من مبلغ علي ؟ العسكري: سلمان محمد سعود ابو سلمان : سواهاا سواهاا المل*** اخذوه للتوقيف واتصلو على سلمان عند سطام * حسين : ذي بنت اخوي ليان ليان وهي تعدل جلستها : اتوقع نعرف بعض سطام :ما اعرفك حسين : على العموم بتتعرف عليها بس تتزوجها سطام : لا تتوقع اني بسوي ذا كله عشان سواد عيون بنت اخوك كلها شهرين وبترجع لك عطني العقد اخلص حسين : اذا شهرين وبترجعها اجل العقد بيكون معي ولا راح تستلمه سطام: تستهبل انت ؟ تبيني اخليها معلقه برقبتي لين اموت ؟ حسين : تبي العقد لا ترجعها هذا الاتفاق سطام وهو يناظرها بكره واشمئزاز من لبسها القصير : هات العقد حسين : اسمع يالبرق من الاحسن لك ولابوك محد يعرف سالفة زواجك غيرنا ولا كل تضحياتك بتروح هباء منثورا سطام ناظره بحقد وقع العقد وحط بجيبه ومشى ولحقته ليان وهي تركب معه "السابع والعشرون من سبتمبر " تسريع احداث * رجعو ميان ومي لبيتهم وسلمان ونواف وسعيد توجهو لمركز الشرطة سعيد: يولد انا مابي اشتكي ابوك نواف : تستهبل انت محد يقدر يحطه بالسجن غيرك لو اشتكيناه على انه اخذ ميان بيقولون بنته شدخلكم انتم سعيد: لحول طيب امش انت وياه دخلو للمركز وهم يقدمون شكوى على ابو سلمان بخصوص انه اطلق النار على سعيد رفع العسكري الشكوى ووصلت للنيابة العسكري:انتظرو موعد الجلسه من النيابة العامة طلعو وكل واحد رجع لبيته وينتظرون رسالة النيابة عند سطام وليان * اخذو ابو سطام ومسكو طريق المملكة بوسط صدمة ابو سطام من ليان ابو سطام : هاذي مين ؟ سطام وهو يبلع ريقه : زوجتي ابو سطام: ومتى تزوجت ؟ سطام : يبه بس اوصل البيت بفهمكم كلكم بعد عدة ساعات وصلو لبيت سعيد ونزلو وهم يدخلون سطام بعد مع سلم على امه وحور رد على سؤال امه : هاذي زوجتي عم الصمت بصدمه وهم يناظرون سطام ينتظرون تبرير من خبر الصاعقة الي نزل على رؤسهم سطام وهو يحاول يدور عذر : كنت متزوجها من قبل واليوم قررنا نعلن زواجنا ام سطام: ولييه ما قلتييي ؟ ليييه خبيت عليي ؟ سطام: يمه ما حبيت اقولكم لين اضبط وضعي حور بضحكة: وانت تشوف وضعك ووضعنا يسمح لك تتزوج؟ سطام بتجاهل : على العموم زواجنا بيكون بكره "السابع والعشرون من سبتمبر " ببيت سعيد طلع سطام من البيت وهو يركب سيارته ويروح لشقته الخاصة اما حور وام سطام كانت منصدمين من سطام ومن الي واقفه قدامهم بفستانها القصير ناظرتهم ليان وهي تجلس بالصالة حور :هاذي بدايتها الله يستر من تاليها طلعت لغرفة وعد وهم يجهزون للزواج وعد : مستحيل ما نقدر نحجز شي بيوم وليلة حور : وش اسوي ؟ لفو على الي دخلت ليان : انا جهزت كلشي والفندق حجزه سطام ما يحتاج تجهزون شي انتم حور : كويس طلع منك فايده ليان : خلينا حبايب يكون افضل وخزتها وطلعت وعد : وععع الله يعين اخوك عليها حور: خليه يستاهل ما علينا امشي نتصل على البنات نعزمهم عند سطام * وصل لشقته وهو يدخل لغرفته ودخل دورات المياة واخذ له شور وهو يفكر بالاحداث الي صارت له صرخ وهو يضرب يده بالجدار بقلة حيله ونفاذ طاقته طلع وهو يجفف شعره رفع جواله وهو يتصل على فواز : ارفع طلب فصل من الجامعة فواز: طال عمرك باقي لك شهرين وتتخرج ؟ سطام : بمسك الشركة وعندي شغل مع كم واحد فواز : سم طال عمرك قفل منه وقفل جواله نهائيا هو يحط راسه على وسادته اخيرا "الثامن والعشرون من سبتمبر " ببيت سلمان * ميان : غريب مين اخوها ؟ مي : مدري اهمشي فيه زواج امشي نجهزلنا لبس قامت ميان وهم يدخلون غرفتها ويجربون فساتينها مرت الليلة على خير بدون احداث تُذكر بالصباح - ببيت سعيد كان الكل مجتمع على الفطور باستثناء سعيد وليان حور: يمه سطام ما يرد ام سطام : اكيد نايم لفو على الي نزلت ببجامتها وقعدت وهي تصب لها حليب حور بكّره: الناس تقول السلام عليكم ليان : السام عليكم ارتحتي ؟ حور : الحمدلله والشكر وسدة النفس مع الصبح ليان : شوفي انا مروقه لدرجة ممكن اكفخك ف اسكتي احسن لك حور : وكانك بتقدرين تمدين يدك وعع بزر وابتلشنا فيها قامت وهي تروح للمطبخ كانك تشرب مويه ودخل سعيد وهو مستعجل وحاط جواله باذنه : يالله يالله ثواني جاييك تقدم وهو يسحب الكوب من يدها ويصب له مويه بوسط نظرات الصدمه بعيون حور قفل من نواف وهو يلف عليها : معليش مستعجل طلع وبقت بمكانها تستوعب الموقف عند سطام * صحى وهو يفتح جواله وشاف رسالة فواز انه تم الفصل رفع جواله وهو يتصل على ابوه : صبحك الله بالخير ابو سطام : الله يصبحك بالنور سطام : يبه مستعجل وابيك تعيني الرئيس للشركة ضروري يبه ابو سطام : بسم الله شفيك يا ولدي؟ سطام : ما فيني شي بس ابي امسك الشركة وعندي كم شغله بسويها "الثامن والعشرون من سبتمبر" تسريع احداث * بدأ الزواج وبدا الحضور يدخلون الفندق من بينهم صديقات ليان واقارب ام سطام واعمام سطام واهله الي انصدمو من الخبر المُفاجى بسيارة سلمان * ميان : الموقع يقول يمين مي : يا بزر اول شي قال يمين والحين سيده سلمان : هاتي الجوال انتي وياها سحب الجوال وهو يمشي على الموقع وصلو للفندق بعد عناء في البحث نزلو وهم يدخلون ويسلمون على حور ووعد مي وهي تناظر الفندق : ماشاءالله واضح انهم كاش ميان بضحكة: اص لا تفشليناا مي: يمه نظراتهم تخوف كاننا غريبين ميان : وعد تقول زواج مختصر اكيد بس عايلتهم مي : الله يهنيهم ميان : امين مي: متحمسه اشوف العروس انتبهو على وعد وحور الي قعدو على طاولتهم وجلسو يسولفون وما خلت الجلسة من الحش حور : يمه سطام يقول خلو الزفة قبل العشاء وعد بضحكة: مستعجل الاخ ميان فزت من سمعت اسم سطام وبنفسها : تتوهمين الله يرحمه حور : بخلي الزفة شوي تو بدري قومو نرقص ميان : قومو ارقصو انتم انا خلوني قاعده حور : اقول قومي عشان اخوي المعرس ميان بضحكة: وانا شدخلني باخوك حور : خلاص عشاني قامت وطلعو كلهم يرقصون والتفت كل الحضور عليهم وهم منبهرين من الرقص ميان : انا بروح دورات المياة راحت تعدل شكلها وارسلت حور لليان ان الزفة بتكون الحين بدأت الزفة وانزفت ليان على موسيقى هادية وبعدها بدقايق دخل سطام مع ابوه وعم ليان يتبع............ ـــــــــــــــــــــــــــــــــــــــــــــــــــــــــــ