ارني عينيك فانا موقن انك لست من بني جنسي - الفصل 24 - بقلم مؤلفه: rwaiii - مكتملة | روايتك

البارت "24" بالكوفي * قام نواف وهو يركض لها من صرخ عليها الرجال الي قدامها من كبت الكيكه على ثوبه الرجال : ما تشوفييين عمياء انتي؟؟؟! ناظرت فيه لمى و تجمعت الدموع بعيونها من صرخ الرجال بوجهها سمعت صوته من وراءها : اعصابك بس الرجال بعصبيه : محد كلمك انتت نواف : لا تصارخ لا اقطع احبالك الرجال : من انت عشان تهدد ولا عشان الانسة عاجبتك ؟ نواف : لا انت بايع احبالك بالرخيص تقدم وهو يرجع لمى وراء ظهره : اظن انها مب قاصده يبو الثوب الغالي ومالها داعي تسوي سالفه عشان الكل يناظر حضرتك الرجال : اييهه غالي واغلى منك انت وياهاا ودام مالها داعي خلي الانسه تمسح ثوبي عند سطام * اتصل على حور : افتحي الباب نزلت حور وهي ناسيه انها ببيت مو بيتهم نزلت ببجامتها وركضت وهي تفتح الباب وقفت مكانها من سمعت صوته : وين رايحه ؟ حور وهي تلف عليه : بفتح الباب لسطام سعيد وهو يناظرها من فوق لتحت : ارجعي بفتح انا حور : خيير اخوي بفتح له انا سعيد : قلت بفتح انا وش يضمن لك انه لحاله وانتي طالعه ببجامتك ؟ حور ناظرت بجامتها وبلعت ريقها ودخلت للبيت اما سعيد نزل كوب الشاهي على الطاوله وفتح الباب "الثاني والعشرون من سبتمبر " عند ميان * قامت وهي تدف خلود : ابعدييي خلود : لا ترفعين صوتك تسمعييين ميان : لا برفعه وفيك خير المسيني قربت خلود وتقدمت مي وهي توقف بينهم مي: خلاص يا جماعة العرب نايمين خلود : اذلفي انتي مراح اتحرك الا وانا مبرده قلبي فيها مي وهي تنادي سحر الي طلعت من المجلس : سحررر تعاالي سحر : بسم الله شفيك تقدمت وهي تشوفهم وبوسطهم مي مي : تهاوشو امسكي خلود وانا باخذ ميان خلود : مي ابعدي عن وجهيي والله لاربيها ذا البلوة سحر : خلود صلي عن النبي وبلا مشاكل الكل نايم صاحين انتم تأففت ميان : اذا فيك راسك شي اجليه لبكرة وتركتهم وهي تطلع لغرفتها وفتحت الشباك وهي تناظر السماء وجاء ببالها سطام نزلت دموعها وهي تحس انها مشتاقة له تنهدت : الله يرحمك عند سطام * فتح الباب له سعيد سلم عليه وهو يساله عن امه واخته سعيد: لا تخاف بخير واخذتهم لبيتنا من صار الي صار سطام : مشكور والله مدري كيف ارد لك جميلك دخل وهو يسلم على امه واخته ويفهم منهم السالفه سطام : جوووود ؟؟؟ ام سطام وهي تبكي : ايهه جوود جوود احرقتنا تنهد سطام : وابوي ما اتصل عليكم ؟ حور : لا طلع جواله وهو يدق على ابوه وانصدم من الي رد عليه "الثاني والعشرون من سبتمبر " عند نواف * ناظر في الرجال وبسرعه: تخسي تمسح ثوبك تبي تمسحه امسحه بنفسك الرجال: لا تتدخل وبصراخ : وييننن المديرر هناااا ؟؟ سحبت لمى نواف وهو يلف عليها : خلااص بمسحه بلا مشاكل نواف : تخسين بعد انتي يا كلمتي يا كلمته تمشي ونشوف لمى وهي تناظر المدير الي طلع من مكتبه: خلااص الله يخليك بلا مشاكل مابي انفصلل والسبب انت نواف وهو يتجاهلها ويلف على المدير المدير: انا المدير اي خدمة؟ الرجال : ايه انا بشتكي على الموظفة وسوء خدمتها للزباين نواف : تستهبل انتت انا الي مكلمك ؟ ومتى خدمتك عشان تشتكيها ؟ مريض انت؟ الرجال : لا تتدخل للمرة المليون ما تفهم المدير : سم طال عمرك بتفاهم مع الموظفة وما يصير الا الي يرضيك نواف : شف الثاني يهوه اناا الي سببت مشكلهه البنت مالها دخل تفمهوننن المدير بتجاهل: لمى خذي اغراضك وبعطيك راتب الشهر غمض عيونه نواف وهو يسحب قهوته ويكبها على الرجال : قلت مراح تمسحه وكلمتي الي مشت ودور لك من يمسح ثوبك ببيت سعيد* سطام: مين معي ؟وين صاحب الجوال ؟ المجهول : اوه واخيرا سمعنا صوت الوريث سطام سطام وهو يقوم : تستهبل انت تكلم زيين وينن ابوي؟؟! المجهول : ما اقدر اقولك شي بس اذا تبي تشوفه اجهز طيارة للامارات ونتفاهم سطام بعصبية:ابووووي وينننن انتت مييينن؟ المجهول بضحكة: الله يعين بنتي عليك اذا هذا اسلوبك سطام وهو يعقد حواجبة بعدم فهم : شتقول انت؟ "الثاني والعشرون من سبتمبر" بالكوفي * طلعت لمى بعصبيه وهي تسحب على نواف الي طلع وراها وهو يناديها : وقفييي اتكللم اناا لفت لمى : وش بعد بتقول ؟ وشتبي؟؟؟ نواف: الحين معصبه عشانك انفصلتي من وظيفه تنهانين فيها عشان كم ريال ؟ لمى : كم الريال ذي اناا محتاجتهاا واتوقع مالك شغل عشان تتدخل من البدايه نواف : الحين انا الي طلعت الغلطان؟ لمى : اجل انا؟ نواف :اجل بقلعتك الشرهه على الي يتدخل عشان ما تنهانين لوضيع مثله مشى من جنبها بعصبيه وركب سيارته وراح ناظرته لمى وتنهدت وهي تكمل طريقها عند ميان * فزت بسرعه من دخلت عمتها سُعاد غرفتها وهي تلتقط انفاسها :ميااان ميااان صحت مي من صراخ امها مي : يمه وشفيكك ؟؟! ميان : عمه صاير شي؟؟ هزت راسها سعاد وهي تتنفس بسرعه سعاد : ابوووك ابووكك ميان : وشفييه ؟؟ سعاد : جاء ويتحلف فيكك روحييي روحييي قبل يشوفك ميان : ويين اروح ؟؟ عمه شايفه الساعه كمم ؟ سعاد : انحاشيي لا يشوفكك سمعته يحلف ينثر دمك روحيي لسلماان لا يقتلككك "الثالث والعشرون من سبتمبر" ببيت سعيد * غمض عيونه سطام بعصبيه من كلام المجهول الي مو مفهوم سطام: عطني عطني ابوي المجهول بضحكة: اذا تبي قلتلك تعال الامارات سطام بصراخ: عطننييييي ابوووي المجهول وهو يضحك اكثر عشان يستفزه : هد هد مسوي بتخوفني بصراخك؟ ويالله لا وصلت الامارات اتصل علي جن جنون سطام ورمى جواله بعصبيه وطلع من بيت سعيد وهو يقفل الباب بقوه ووقف مكانه ورفع راسه للسماء وهو يصرخ بمحاوله ازالة الحمل الي فوق ظهره ما كان يعرف يلقاها من جود الي احرقتهم وهربت ولا ابوه الي ما يعرف وشصاير معه ولا ميان الي مو عارف وينها بس كان متاكد من احساسه انها عايشه ولا جرحه الي نزف الدم منه من كثر الحركة تنهد وهو يبلع ريقه : يارب الهمني الصبر انتبه لذياب الي نزل من سمع صراخه ذياب : وشفيك صاير لاهلك شي؟ سطام وهو يتصنع الابتسامه: لا لا تخاف ما صار شي ذياب : الحمدلله سطام : ممكن جوالك ابي ادق على فواز ذياب : ابشر بسعدك وطلع جواله وهو يعطيه اتصل سطام على فواز : ارسلي سيارة للموقع الي برسله الحين فواز : سم طال عمرك ارسله الموقع وهو يعطي ذياب جواله : والله مب عارف كيف اشكرك وارد جميلك لك لكن الله يقدرني وارد لك بالافراح ياخوك ذياب : شدعوه يخوك ما بيننا ذي السوالف وما سويت الا الواجب سلم على سطام واخذ رقمه وهو يستاذن ويتوجه للديرة وصلت سيارة سطام وهو يركب واتجه اشترى له جواله وهو يرسل لاخته حور : انا طالع للامارات خليكم ببيت سعيد لين اجي "الثالث والعشرون من سبتمبر" عند ميان * ناظرت عمتها بصدمه من كلامها : مستحيييل ويين اروحح الساعة اثنين فجرر سعاد : روحيي اقطعي الطريق العام واطلبي اي احد يوصلك يا بنتي الحقي على عمرك لا تلحقين امكك بقبرها مي : يمه البنت خايفه مستحيل تروح لحالها دمعت ميان وهي تناظر مي وبخوف من طلب عمتها سعاد : جهزي نفسكك وبعطيك فلوس روحي لسلماان بكت ميان وهي تهز راسها ب لا بخوف : خليها الصبح تكفيين سعاد : ميان انا والله خايفه عليك في الحالتين بس تهربين الحين اهون من تنقتلين بالصبح مي : بروح معها واذا وصلنا لسلمان بخليه يرجعني تنهدت سعاد : روحي بس امانه اذا وصلتو اتصلو فيني لا تخوفوني وتخوفون قلبي عليكم دمعت مي وهي تحضن امها وبعد دقايق جهزو انفسهم واخذو فلوس من سعاد وطلعو من البيت متجاهلين نظرات الي خرجت من المطبخ وشهقت من شافتهم عند سطام * مسك طريق الامارات بعد ما تفقد الرحلات وما لقى رحله للامارات تنهد وهو يفكر في ميان سطام : الله يعجل بلقاك وشغل البلوتوث وهو يسمع لراشد "ولهان" اما ميان ومي ركضو وهو يطلعون من الديرة ميان : تعرفين الطريق ؟ مي : لازم نقطع الوادي عشان نوصل للطريق العام ميان : ما فيه طريق مختصر ؟؟ مي : فيه بس بتلقين عيال الديره كلهم فيه معندنا الا ذا الطريق امشي ان شاء الله ما يصير شي يتبع....... ـــــــــــــــــــــــــــــــــــــــــــــــــــــــــــ