ارني عينيك فانا موقن انك لست من بني جنسي - الفصل 21 - بقلم مؤلفه: rwaiii - مكتملة | روايتك

البارت "21" "السابع عشر من سبتمبر" ببيت نواف^ صحو العيال وهم يفطرون سلمان وهو يناظر جواله : يالله صباح خير سعيد: شفيك من؟ سلمان : ابوي نواف : الله يستر رد رد رد سلمان : هلا؟ ابو سلمان : انت وينكك ؟ سلمان: ببيت نواف ليه؟ ابو سلمان : ان ما ضيعك الا ذا النواف جايكك قفل سلمان وهو يتأفف عند ميان ومي * ميان : يمه شفيه يناظر كذا ؟ مي : امشي امشي ناظرته ميان وهي تخزه وتمشي مع مي مي : امي وشقالت نجيب ؟ ميان : اذكر طماطم وعسل مي : يوووه صح العسلل مشت معها وهم يتوجهو لمحل العسل ميان : ذا مو بيت الي امس ؟ مي : اي الله يسامحه ابوهم صارو ما يطلعون من الشرهه ميان : للاسف انا مو بعيده عنهم مي : صح عمي متى بيجي ؟ ميان : مدري مي : امشي ناخذ عسل وصلو للمحل وهم يختارون عسل مي : يا عم نبي ناخذ ذا العم : العلبه ذي ٨٥ مي وهي تشوف كم معها : تمام اعطيني اياها انتبهو على الي دخل وقال : العلبه ب ١٥٠ ميان بسرعه : خييير؟ "الثامن عشر من سبتمبر " بالسوق ^ ذياب وهو يناظرها : ما تسمعين ؟ ميان : سلامات علبه صغيره ب ١٥٠ ذياب: ما تبينها مب غصب تاخذينها ميان : الحين انت شدخلك ؟ هو قال ٨٥ شدخلك انت ؟ مي ضربت ميان بكوعها على خصرها ميان وهي تحط يدها على خصرها : شفيه؟؟! مي وهي تحاول تخليها تسكت همست: اصص ذياب انتبه لحركة مي : مالها داعي تسكتينها خنشوف شعندها ميان وهي تخزه وتناظر العم : يا عم ما معنا الا ٨٥ تبيها ؟ العم : والله يا بنتي ما عندي مشكلة بس الكلمة لصاحب المحل ميان : ومن صاحب المحل ذا ؟ عند سلمان * جاء ابو سلمان وتنهد سلمان وهو يقوم نواف : خلك بفتح الباب انا دخل ابو سلمان ابو سلمان : وانت علامك اعجبك الوضع مغير تسوي عمليات وانا اخر من يعلم؟ سلمان: مو انت تقول ما عندي عيال شغيرك ؟ ابو سلمان :وانت شدخلك اقول الي اقوله ؟ سلمان وهو يحاول يستفزه : اجل حتى انت مالك شغل فيني قرب ابو سلمان وهو يمسك سلمان : انتت تعرف مع منن تتكلم ؟؟ سلمان : مع مين ؟ "الثامن عشر من سبتمبر " بالديرة * الكل ناظر ميان وهم ينتظرونها تستوعب ان الي قدامها صاحب المحل لكن للاسف كان استيعابها بطيء ناظرت مي : ما فيه محل عسل ثاني ؟ مي : لا ميان : خلاص ادفعي ٨٥ واسحبي على صاحب المحل ما درا مي غمضت عيونها وهي تلف على ذياب الي كان واقف وينتظر ميان تكمل السيناريو حقها مي : معليش اول يوم لها بالديرة ميان : يعني مراح تشترين ؟ مي وهي تسحبها :لاا بس امشيي ميان وهي تناظر العم : لا شفت صاحب المحل اتفل بوجهه على ذا الاسعار سحبتها مي بسرعهه من شافت ذياب اعتدل بوقفته ميان : شفيييك؟ مي : يا غبييه الي كان واقف صاحب المحل ميان بصدمه : كذاااابههه؟؟؟ مي : والله غبيه فشلتيني لفت ميان وهي تشوف ذياب: يع هو نفسه الي شافنا مي : ايي بس امشي نجيب علاج لابوي اتجهو للمعالج وهم يدقون الباب العم علي : مين ؟ مي : انا انا يا عم ابي علاج ابوي العم علي : ادخلي ادخلي يا بنتي دخلو وهم يسلمون عليه العم علي : علاج ابوك جاهز بس بحط لك معه زيت وقام لكن استوقفته مي : خلك خلك يا عم انا بجيبه العم علي : الله يجزاك خير يا بنتي تلقينه في المطبخ راحت مي وسحبت ميان معها ودخلو لداخل وهم يدورون على الزيت مي : لقيته امشي طلعو وانتبهت ميان على الي كان نايم ويرجف طلعت بتجاهل : يا عم مريضك يرجف العم علي : صحىىى ؟؟؟ "الثامن عشر من سبتمبر " ببيت نواف ^ ابو سلمان : الظاهر انك فقدت عقلك وتبي من يربيك من جديد سلمان : وانت فاضي تربي عيال مو عيالك ؟ ابو سلمان ضربه كف بعد ما استفزه بكلامه تقدمو العيال وهم يوقفون مع سلمان ابو سلمان : الله يخلف على امكم الي جابت لي مصايب على راسي سلمان : الله يخلف على الي زوجك اياها لفو العيال على سلمان بصدمه من كلامه وكانه بايع حياته وناوي يخربها في الاخير ابو سلمان قرب منه وهو يسحب ياقة ثوبه ويعطيه كف وانصدم اكثر من مسك سلمان يده : لين هنا وبس تبريت منا وهذا حلو بس تمد يدك علي ما اسمح لك ترك يده وهو يأشر على الباب : اظن انك تعرف الباب مو لازم اطلعك بنفسي واختي باخذ حقها منك بالقانون ونتقابل بالمحاكم يا محمد ابو سلمان وسع عيونه بصدمه وهو يناظر سلمان بصدمه من كلامه ومن وقفته وكانه يتحداه باقواله طلع بصدمه وركب سيارته وراح عند ميان ومي * انصدمو من ردة فعل العم علي ميان : امشي نروح مي : يالله اخذو العلاج وطلعو بعدما انصدمو من ردة فعل العم علي وكأن جاء له ولد دخل لسطام وهو يبعد عنه اللحاف ويمسح على جبينه ابتسم من فتح سطام عيونه وهو يناظر العم علي ويعقد حواجبه بعدم فهم وهو يحاول يتذكر وش صار "الثامن عشر من سبتمبر" عند ميان ومي * وصلو للبيت وهم يرتبون الاغراض بالمطبخ خلود : استغفرالله السوق اليوم ماش سحر :صادقة اول مرة احسه كتمه ميان بتجاهل وهي تكلم مي : جبتي طماطم ؟ مي: اي اي بالكيس مي : شرايك نسوي بيض تركي ونطلع نفطر بالحوش ميان: تماام ناظروهم خلود بسحر وهم يخزون ميان سوت مي بيض تركي وسوت ميان حليب وطلعو يفطرون بالحوش ميان:الله الجو حلو يارب يجي مطر مي: ياارب اذا بيجي مطر يجي يوم بكره زواج اختي ميان : بتسوونه بالبيت ؟ مي : ايي والرجال بحوش شيخ القبيله ميان : وجهزتو شي ؟ مي : اي منزمان واحنا نتجهز عند سلمان * سعيد وهو يناظره : يولد شفيك مره بايعها ؟ سلمان: تصدق اول مره احس براحة من تكلمت نواف : والله الصدق يحق لك ابوك زودها سلمان : صادق سعيد: وانت صادق يوم قلت بتاخذ حقها بالقانون؟ سلمان: اجل امزح ؟ سعيد : وانت شدراك يمكن حيه ؟ سلمان: حتى لو حيه بشتكي عليه وباخذ حقك منه "الثامن عشر من سبتمبر" عند سطام * عدل جلسته وهو يحط يده على راسه بوجع العم علي : ارتاح يا ولدي وخذ اشرب مويه اخذ سطام الكوب وهو يشرب ويناظر العم علي سطام : مين جابني ؟ العم علي : والله جابك محمد واخوياه سطام: وين انا بالضبط ؟ العم علي : انت بديرة ****** سطام وهو يحاول يقوم : انا بروح العم علي : استريح يا ولدي جرحك باقي ما طاب سطام : لازم ادور عليها يا عم ولا بيقتلها العم علي : انت شتقول ؟ منهو ؟ سطام جلس وهو يقوله السالفه العم علي : لا حول ولا قوة الا بالله اظن انك يا ولدي بالمكان الغلط ولازم تدور عليها بديرةً ثانيه تنهد سطام بصمت وهو يجلس احتراماً لطلب العم علي عند ميان ومي * افطرو وهم يطلعون يساعدون اخت مي مي : الله بتلبسين ذا ؟؟ وفاء : اي مي: يا خبله البسي الي جابه زوجك لك وفاء : لا ما اعحبني ما احسه يناسب الزواج مي : بكيفك بس اشوف انه احلى وفاء وهي تسال ميان : وش احلى ؟ ميان وهي مستحيه من وفاء: حق زوجك احلى يتبع.......... ـــــــــــــــــــــــــــــــــــــــــــــــــــــــــــ