ارني عينيك فانا موقن انك لست من بني جنسي - الفصل 20 - بقلم مؤلفه: rwaiii - مكتملة | روايتك

البارت "20" "الخامس عشر من سبتمبر " عند ميان * دخلت عليها خلود وهي تعطيها لبس لها خلود : طبعا مراح نجيب لك اكلك وانتي قاعده انزلي ساعدينا ميان ناظرتها بصمت وطلعت خلود قامت واخذت لبسها وهي تدخل دورات المياة "اكرمكم الله " اخذت لها شور بوسط شهقاتها وبكاءها بعد دقايق طلعت وهي تجفف شعرها ناظرت في المراية كيف طال ورجعت ملامحها الانثوية تنهدت وهي تنزل لهم بالمطبخ * سحر : شقلتي لها ؟ خلود : قلت انزلي ساعدينا سحر : اي احسن مب نطبخ لها وهي معززه التفتو كلهم علي الي دخلت وهي تسلم : سلام عليكم البنات وهم يناظرونها من فوق لتحت : وعليكم السلام ميان :في شي اساعدكم فيه ؟ خلود : فيه اشياء قطعي بصل مي: انا قطعت قبل خلود وهي تناظر ميان وتحط يدها على خصرها: نبي زياده ميان ناظرتها بصمت وتقدمت وهي تاخذ البصل من مي وتقطعه وهي متجاهله نظراتهم لها عند نواف ^ جلس بغرفة اخوياه وهو ينتظرهم يصحون فز من شاف سعيد فتح عيونه وهو يتقدم لعنده سعيد : ابي مويه تحرك نواف بسرعه وهو يعطيه مويه قام سعيد بوجع وهو يرجع ظهره على وراء سعيد: وين سطام وميان؟ "السادس عشر من سبتمبر " عند سطام * مرت ساعات وهو على وضعه لكن نضبات قلبه صارت منخفضه كان الوضع هدوء صوت الهواء البارد ونغمة جواله الي ما توقفت عن الاتصال من ساعات بمكان ثاني لكن بالبر ^ سعود : يا عيال ناقصنا حطب محمد : يالله انتشرو جمعو حطب سعود : وانا بقعد هنا لحد يجي مكاننا انتشرو العيال وبدأوا يدورون حطب وجوالاتهم بايدينهم عند ميان ^ قطعت بصل ودمعت عيونها منه وغسلت يدها وهي تناظرهم لفت على الي دخلت وهي تسلم عليها سُعاد : هلابك يا بنتي نورتي بيتك ميان وهي مو عارفه هاذي مين : بنورك سُعاد: انا عمتك سعاد اخت ابوك ميان هزت راسها بصمت وانتهبت على خلود بعد ما طلعت عمتها خلود : انتي هي سوي شاهي ميان : اتوقع لي اسم خلود : واذا يعني ؟ سوي شاهي اخلصي ميان : ما راح اسوي تركت خلود الي بيدها وتقدمت لميان خلود : قلت سوي يعني تسوين ميان : ما راح اسوي الشغله غصب يعني ؟ تبين شاهي سوي انتي خلود وهي تمسك شعر ميان : لا تعاندين تفهمين دفتها ميان من صدرها : لا تلمسين لا اقطع ايدك لك تدخلت سحر وهي تناظر ميان : خلاص خلود واضح تدور مشاكل اتركيها خلود: انا اوريك "السادس عشر من سبتمبر " عند سطام * تقدم واحد من العيال وهو يشوف سطام طايح على الارض صرخ: ياا عيااال تعاللوو تجمعو العيال وهو يناظرون سطام ليث : اووووف ذا وش جابه هنا سعود:تعرفه ؟؟ ليث : اي ذا معي بالجامعة سعود وهو يشوف الدم : اووف ابك ذا مقتول ليث وهو يتفحص نبضه: لا لا باقي فيه نبض سعود :امشو نشيله شالوه وهم يودونه لجلستهم محمد : ابكك وش جبتو انتم سعود: اسكت الولد بيموت ليث : يا عيال ما نقدر نساعده لازم دكتور ولا مستشفى محمد : فيه واحد يعالج هنا ليث: وين هنا؟ محمد ؛ قريب عند خوالي ليث : اجل خناخذه لهه شالو سطام وهم يركبونه السيارة عند ميان ^ طلعت من المطبخ وراحت غرفتها لكن نزلت وهي تقعد معهم على السفرة بعد ما طلبتها عمتها تجاهلت نظرات خلود مي وهي تكلم ميان : صبيلي شاهي ميان مدت يدها وهي تصب لها اخذت فنجانها وسرعان ما تركته من صبت على يدها خلود شاهي ناظرتها : معليش بالغلط ميان : تستعبطيننن؟ خلود : اعصابك والله لو ايدك من ذهب ميان :بالله كلي تبن يا شيخه "السادس عشر من سبتمبر " تسريع احداث — صحى سلمان وسعيد واخذهم نواف وراحو لبيت نواف وقعدو عنده وهم يفكرون بميان وسطام الي اتصلو عليه اكثر من مره بس للاسف جواله كان مخلص شحن اما سطام اخذوه ليث واخوياه لدكتور قريب من البر يصادف انه بقرية ابو سلمان ومشهور بعلاجاته ضمد جرحه وهم ينتظرون سطام يصحى الدكتور : خلوه عندي لحد ما يصحى يجوز انه دخل بغيبوبه بعد الي صار له والرصاصة كانت قريبه من قلبه العيال : وكم يبي له تقريبا ؟ الدكتور : العلم عند الله ما نقدر الا ندعي يصحى استاذنو العيال وهم يطلعون ويتركون سطام عند الشايب عند ميان ^ قامت وهي تغسل يدها وتروح لغرفتها تحت * سُعاد : عاجبك يا خلود انا يالله خليتها تنزل وتتعشى معنا خلود : شسويت ؟ بنت المدن مدلعه وزعلت عشان شاهي مي : انا بروح اشوفها خلود وهي تناظر مي بكّره : روحي روحي راحت مي وهي تدق الباب ودخلت على ميان مي : عادي ادخل ؟ ميان هزت رأسها ب اي مي : زعلتي من خلود ؟ ما عليك منها هي من تطلقت واخذ زوجها عيالها وهي ما تطيق احد وبس تهاوش ميان : وانا شدخلني تحط حرتها فيني ؟ مي : اتركيها لا تناقشينها "السابع عشر من سبتمبر " ببيت نواف ^ نواف : خلاص انتم ارتاحو الحين بعدين ندور عليهم سلمان : ما يحتاج اكيد قتلها سعيد: يولد تفائل يمكن سطام قدر يساعدها سلمان : نقول ان شاء الله اذا ما انقتل هو معها نواف: طيب انت وياه تبون اجيب لكم اكلكم ولا تنزلون تاكلون ؟ سعيد وسلمان : لا بننزل نزلو وهم ياكلون من الاكل الي سوته ام نواف لهم بغرفة ميان ^ مي : عادي اسألك عن سالفتك ؟ ميان : اي سالفه؟ مي : تبين الصدق كلنا استغربنا ان عمي يجيب عياله الديره والي صدمنا اكثر انك كنتي لابسه ثوب ميان : اها سردت لها السالفه بعد ما ارتاحت ل مي مي : قتلهههه ؟؟؟!!! ميان وهي تمسح دمعتها : اييي حضنتها مي : خلاص يروحي ادعي له بالرحمة ميان بوسط شهقاتها : الله يرحمه مي : قومي نطلع الحوش تغيرين جو ميان : مو الحوش مكشوف على الجيران ؟ مي : ما عليك اهل الديره ينامون بدري قامو وهم يروحون المطبخ وياخذون شاهي ويطلعون الحوش ميان : الله الديره هدوء مي : الحقيقه بس اذا نامو والاا باقي الوقت اوووه الله لا يوريك انتبهو على الصوت الصراخ الي بالشارع ميان : وشفيه؟؟! مي : تعالي نشوف بس انتبهي لا تطلعين وجهك "السابع عشر من سبتمبر " عند سطام ^ كان للان ما صحى العم وهو يكلم نفسه : يا خوفي انك دخلت بغيبوبه يا ولدي مسح على جبينه وهو يرجع اللحاف عليه عند ميان ومي* فتحت مي الباب بهدوء وهم يطلعون رأسهم بشويش ويناظرون المنظر الي قدامهم شهقت ميان من ضرب الاب البنت بكف وانتبهت على الي كان يناظرها هي ومي نزل راسه لرجله وهو ياخذ نعاله "اكرمكم الله " ويرميه عليهم فزت ميان وسكرت مي الباب ميان : يمهه من ذا ؟ مي : يمه ذا ولد شيخ القبيله تكفيين اخاف يقول لابوي ميان : لا ما اتوقع مي : اتوقعها من اخوه الي اصغر منه بس الحمدلله انه هو ميان : ما علينا ليه تجمعو ؟ ليه ما تدخلو ؟ مي : هو الحال كليوم نفسه جيراننا ابوهم دايم سكير ويجي اخر الليل ويضربهم ف صارو اهل الديره متعودين وكل يوم يمنعونه ويرجع يعيد ويزيد ميان : الله يعينهم عليه مي : امشي ننام عشان اوريك الديرة بالصباح ميان : وين بنروح ؟ مي : بنروح السوق ومنها اعرفك على اهل الديره ونحش سوا ضحكت ميان وهم يدخلون ينامون كان تحاول تنام وهي كل تفكيرها بسطام نزلت دموعها وهي تدعي له بالرحمة ظناً منها انه مات بالصباح * صحت وهي تناظر مي الي متحمسه تاخذها معها مي : امشييي السوق بالصباح حلووو ميان : طييب قامت وهي تصلي وتلبس لبسو جلالتهم وهم يطلعون للسوق مع بنات عمهم مي : يمههه شوفي ميان وهي تناظر السوق والناس والحياة واصوات العصافير : وشو مي : شوفي الي شافنا امس احسه عرفنا لفت ميان وهي تناظر الي كان واقف و بايده كوب شاهي ويناظرهم يتبع......... ـــــــــــــــــــــــــــــــــــــــــــــــــــــــــــ