ارني عينيك فانا موقن انك لست من بني جنسي - الفصل 14 - بقلم مؤلفه: rwaiii - مكتملة | روايتك

البارت "14" "الثالث من سبتمبر " بالقاعة ^ قامت ميان وهي تضغط على يدها كان الكل مركز مع الدكتور الي يشرح باستثناء سطام وليث الي كانو يناظرونها وكيف تتمايل وكانها بيغمى عليها سطام ابعد كرسيه عن طاولته وهو يثبت نظراته عليها وسرعان ما قام سطام وليث وسعيد ونواف وهم يركضون لها لف الدكتور بخوف من سمع اصواتهم : ايشفيه ؟ سطام وهو يتفقد نبضها انتبه على ليث الي كان حاط يده حول رقبتها وكانه جاهز يشيلها دفه من صدره سطام : شتبي انتت ؟ ليث : انت الي شتبي ؟ سطام : اذلف مكانك محد طلب تلمسه ليث : واحد طلب تلمسه انت اذلف بس تقدم سعيد : وخر انت ويااه وشال ميان من بينهم بوسط عصبية سطام ونظرات الكره بعيون ليث قرب سطام من ليث : شكلك جديد ولازم اعلمك حدودك ليث : ومن انتت عشان تعلمني ؟ سطام : انا الي بيعلمك كيف تقعد مكانك ولا تنشب لخلق الله ليث بضحكة : طالع منها انت ؟ اذلف الله يصلحك سطام : شكلك مو ناويها على خير ؟ ليث : شرايك انت ؟ سطام بتنهيده : فارق ولا اشوف وجهك ليث : شفيءء قاطعه سطام وهو يعطيه ظهره ويطلع من القاعه توجه للمركز وهو يدور ميان دخل وشافها ماسكه يد سعيد سعيد : كيفك الحين ؟ ميان : لا بخير تقدم سطام وهو يناظرها بصمت ويحط ظهره على الجدار ميان التفت له : ليش جيت ؟ سطام : بضمد جرحي لا تغتر ميان ناظرته وهي تلف لسعيد : نواف اتصل على سواقهم ؟ سعيد : تبين اوديك بسيارتي ؟ تأفف سطام وهو يمسك الابره ويحاول يشغل نفسه لفو عليه من تأفف سعيد بتسأول : شفيك انت ؟ سطام : شفيني ؟ قاعد اشوف الابره افكر اغرزها باحد "الرابع من سبتمبر " بالمركز الصحي * سعيد تجاهله وهو يلف على ميان : انتظرك برا بستاذن من المدير ميان : تمام قامت وهي تتوجه للخارج طلع وراها سطام : هي ميان لفت : شفيه ؟ سطام : وليه تروحين معه ؟ ميان : اجل اروح معك ؟ سطام : ممكن بس ليه ؟ ميان : تعبانه ابي اروح للبيت سطام : بدق على سواقنا لا تروحين معه ميان : ما يحتاج سطام : وش ما يحتاج ما يصلح تروحين معه لحالك ميان : احلف ؟ بس عادي اروح مع سواقكم لحالي انتبهت على سعيد وراحت وتركت سطام واقف مكانه سطام ناظرها بقهر ورجع للقاعه واخذ اغراضه وطلع متجاهل نداءات الدكتور له بعد ساعات رجع الكل لبيته مر الليل بدون اي احداث تذكر لاي واحد فيهم جاء الصباح وكان البعض متحمس ليوم التطوع دخلو الجامعة واجتمعو كلهم بامر من المدير المدير : اخترنا الاماكن انا والدكاترة وبما انكم على طريق الجراحه اخترنا المستشفى اول مكان سعيد : طفشت من المستشفى وانا باقي ما صرت جراح نواف : الله يعين امش امش اتجهو للباصات وركب الكل كانت ميان بدورات المياة وتاخرت وصلت وهي تدور على مكان لها رفع ليث يده لها : تعال هنا في مكان سطام تنهد : شكلك ما تحب يدك اليسار ؟ ليث بعدم فهم : "الرابع من سبتمبر " بالباص * ليث : يخي شتبي انت ؟ سطام وهو يناظر ميان : سلمان اقعد مع نواف وسعيد ميان بعناد: بقعد هنا وجلست مع ليث سطام بقهر لف على الشباك وهو يركب سماعته بعد دقايق وصلو للمستشفى نزل الكل الدكتور: التطوع راح يكون بتوزيع الورود وكم كلمة حلوة منكم طبعا مراح نكون الفريق الوحيد بننتظر الفرق الثانية جلسو بطفش وهو ينتظرون الفرق انتبهو على الباصات الي جات ونزلو منها فريق البنات مع دكتوراتهم نواف : اوف اوف والخسف الي بيجينا سعيد: بنتطوع معهم ؟ نواف : شرايك بترقص معهم يعني سعيد : شفيك انت ؟ ضحك نواف : امزح شفيك تقدمت الدكتورة ومع طالباتها الدكتورة : السلام عليكم نعتذر عن التاخير الدكتور : وعليكم السلام ما فيه مشكله الدكتور : الفرق بتتقسم حسب اقسام التخصص بما انكم كلكم تخصص طب نواف : يعني يا دكتور اتطوع مع عيال تخصصي ؟ الدكتور: اي ومو بس عيال تخصصك حتى بنات تخصصك نواف وهو يناظر البنات : اها عند البنات ^ بيان: حماس بنتطوع مع عيال بوثق لمى وهي مو بالعتها : الله يعينهم عليك بيان : اسكتي انتي فرح صديقة بيان: بيان شوفي شوفي الي واقف هناك بيان وهي تضربها على يدها: لا تاشرين يحمار وين كلهم حلوين فرح : شوفي الواقف وحاط سماعه بيان : اهخخ حلووو يعع شوفي الي بجنبه ملامحه ملامح بنت كانه خكري ضحكت فرح بقوة والتفت الكل عليها الدكتورة : وش يضحك يا انسة فرح؟ "الرابع من سبتمبر " بالمستشفى * فرح بتوتر وهي تناظر الكل : ولاشي الدكتورة : يا ليت تنتبهين ليش جايين هنا فرح هزت راسها وهي تناظر بيان نواف بضحكة: القميي سعيد ضحك : يحمار لا تتشمت ترا بتلقم زيها ميان ناظرت البنات وهي تبتسم لهم بيان : وعع شوفي ذا يتبسم افف فرح : والله تصدقين لو نجي عند الصدق ملامحه شق بيان : يع كانه خكري والله كنت بحسبه بنت لو مو لابس ثوب انتبهو على الدكتور : اتفقنا انا والدكتورة ومثل ما قلنا كل قسم بالتخصص مع بعض نوااف : احنا قسم الجراحة الي معنا يتفضل تقدمو البنات وهم يصفون معهم سطام وهو يشوف البنات صافين معهم وقريبين منهم نزل سماعته وهو مو فاهم : خير مضيعه ؟ بيان : نعم؟ سطام: شجابك هنا ؟ بيان بضحكة: احنا معكم سطام وهو يناظرها من فوق لتحت : يا عيال ذي شجابها شكلها مسخنه ضحك نواف وما قدر سعيد يمسك نفسه وضحك معه انقهرت بيان من ضحكو : والله انت المسخن مريض لف سطام على الدكتور: شكلك ما كنت معنا يا سطام سطام : ليه وشصار ؟ الدكتور: قسمنا الفرق والفريق الثاني هم البنات سطام : اوه لف على بيان : العذر والسموحة معليش كنت حاط السماعات ما انتبهت بيان بزعل : بعد وش بعد ما ضحكتهم علي سطام بنرفزه : يخي ترا مو مجبور اعتذر طسي بس "الرابع من سبتمبر " عند ميان ^ انتبهت على ليث ليث: معليش كنت اكلم وشصار ميان : ها ولاشي بس قسمنا الفرق والبنات معنا ليث وهو يناظر البنات : عجيب ميان وهي تناظره : اي ليث لف عليه : ما علينا انت من اي فريق ميان : كلنا جراحة ليث : كلنا ؟ ! مين ؟ ميان : انا وسطام ونواف وسعيد ومدري مين الباقي ليث بتساول : مين سطام ؟ ميان لفت وهي تاشر على سطام : ذاك هو ليث : طلع اسمه سطام انتبهت على صوته : وشبغيت يا سلمان ؟ ميان : ولاشي لفت وهي تناظر الدكتورة الدكتورة : وصلت سلات الورود اتمنى ما تحرمونهم ببتسامه منكم تقدمو وهو ياخذ سلاتهم سطام سحب ميان : بنوزع سوا ميان : بوزع مع سعيد ونواف سطام : وزعي معي انتهبو على بيان : شرايك نوزع سوا السلات خلصت علي ميان ناظرت سطام وهي تنتظر رده سطام وهو يسال ميان : بتوزع معي ؟ ميان : لا سطام لف على بيان : تعالي اخذها ومشو بوسط نظرات ميان لهم بلعت ريقها ومشت لسعيد ونواف ميان: وين نواف ؟ سعيد: مدري اتوقع يدور سلة ورد "الرابع من سبتمبر " بالمستشفى عند نواف مسك سلة الورد وانتبه على مسكتها معه لمى : اخذتها قبلك نواف : تستهبلين ماخذها قبلك لمى : بلا كذب انا اخذتها نواف : اقول يا الطيبة ماخذه قبلك تستهبلين ! لمى : طيب خلاص اعطيني اياها وخذ سلة الشوكلت نواف: وليه اعطيك اياها ؟ لمى : احم ابي اصور وكمان ودي اوزع ورد وهاذي اخر سلة نواف : حتنا ابي اوزع لمى : خلاص بوزع نص وانت نص نواف: وش قسمك ؟ لمى: جراحة نواف : خلاص امشي نوزع سوا لمى : طيب انا بشيلها نواف بضحكة : لا يشيخه ؟! لمى: بعد ثلاث غرفة اعطيك السلة نواف : خلاص خذيها لا تبكين لمى اخذتها وهي تبتسم : شكرا مشى نواف معها وهم يوزعون على المرضى عند سطام وبيان بيان : الله كيوت وانت تبتسم للمرضى سطام بتسليك :شكرا بيان وهي تناظر ميان وليث الي دخلو : شسم خويك ذا ؟ رفع سطام راسه وهي يناظر ميان ويثبت نظراته عليها مرت ميان مع ليث من عندهم وبتجاهل لنظرات سطام سطام وهو يحاول يمسك نفسه : كم باقي ونخلص ؟ بيان: امم باقي تقريبا ثمان غرف سطام : اوك امشي دخلو غرفة وتقابلو مع ميان وليث وقف سطام وهو يناظرها تبتسم للمرضى وتوزع ورد يتبع.......... ـــــــــــــــــــــــــــــــــــــــــــــــــــــــــــ